|
|
|
 Re: ظاهرة (الغلاط) عند السودانيين ، سودانيز او (Re: عمر التاج)
|
في هذا البوست نحاول تشريح ظاهرة (الغلاط) بالأمثلة (الحية) عسي أن تثمر أحدى بوستات الغلاط المنتشرة هنا بثمرة ولو بحجم (النبقة) ، وطالما أن الغلاط ليس مدارستي فإن أي رأي (مغالط) في هذا البوست أعتبره صحيحا حتى لا يؤدي للغلاط، هذا النهج مقتبس من فكرة جديدة اسمها (تكتيك حسين) .
(أسع) عليكم دينكم (أيا كان) ،
موضوع أهمية المراجع والمصادر للبحوث العلمية (بتغالطوا) فيه (زولين)؟،
ولا موضوع أهمية الشهادات العلمية (عايزله) مؤتمر علمي أو (بيزنطي)؟
| |
 
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: عبدالحفيظ ابوسن)
|
يقطع اسمه من الصورة كيف يا ود ابا سن؟ بحث هو ولا غنا؟
نحن شعارنا التجويد في الدراسة .. ودا بتطلب انه كل صورة تكون كاملة من غير تحوير او تزوير
وبعدين سامي الزبير ده اكيد صاحب ود البشرى وموافق على النشر .. داير تغالط الناس في اصحابهم كمان
المهم .. لك ودي كاستاذ معلم ودارس مكتمل الغلاط .
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: محمد البشرى الخضر)
|
محمد البشرى مرحب حبابك
انت طبعا زول بتاع اكشن لكن حاشاك ماغالاط
عشان كده بنعتبرك دارس مفيد في الدراسة نستفيد من غلاطاتك
ونحن بالطبع عندنا فصل كامل في البحث عن علاقة الغلاط بالاكشن حاتكون مصدر اساسي له..
بخصوص صورة الواتس اول بالتبادي دي عندنا درجة مخففة من الغلاط
نحن عندنا في المنبر واحدين بكونوا عايزنك تفتح خشمك ويغالطوك قبال تقفلوا
ولو مر عليك فيديو ( انت معصب) اللافي في الواتس الايام دي تحلف تقول البت ديك عضوة في سودانيز.
تاني شي صورتك دي قديمة والدليل الاحصاءات العلمية الظاهرة عليه
وانت تقول جاتني اليوم...غلاك هو ولا كوار..
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: عمر التاج)
|
يا عمر التاج
اذا كان غلات ساكت مالو.....لكنه غلات وبلؤم شديد ولسان حاد وتحقير
الراي الاخر واظهاره بمظهر الجاهل البليد...
اذا كان غلات وباسلوب مهذب للوصول لاية حقيقة فممكن يكون غلات ايجابي
(مع انه في الدنيا كلها مافي غلات ايجابي)..وجه ضاحك)..
لكن النموذج الجبته انت هنا..نموذج سودانيز اون لاين،،، اوسكار ..اوسكار..مافي شك..
ودمت بالف الف خير وصحة وعافية
| |
|
|
|
|
|
|
|
|
 Re: ظاهرة (الغلاط) عند السودانيين ، سودانيز او (Re: Basamat Alsheikh)
|
الغلاط معتاد خاصه فى الكوره (الناس الكبار بتذكرو شله الشجرهفى ميدان الامم المتحده )
لكن ما اراه فى المنتديات والمنابر الاسفيريه مؤخرا (مع تزايد انتشار الانترنت ودوره فى مايسمى الربيع العربى)
اصبحت مقتنع بنسبه كبيره بان ظاهره الغلاط و(المجادله والانحدار لغه الحوار الحوار الى السباب وسوءالادب ) سلوك منظم لقمع الاصوات والاراء
الحره التى لايصلها قلم الرقيب او يد المصادره او سلطه الاعتقال .
اغراق المنتديات والمنابر بالجدال (والاكشن) لتشتيت الانتباه و لتحييدها عن واجباتها الوطنيه والانسانيه ثقافيا واجتماعيا
وشكرا
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: Muhib)
|
عزيزي الفاضل محب
اها انا كمان عاوزة اغالطك ( عدوى الغلات اصابنا ) وجه باسم)..
الغلات او قول المناظرات والمنافسات التي تحدث بين المؤسسات العلمية
ما فيها تحقير لاراء الغير ورميهم بالجهل وعدم المعرفة ولا غلات مصحوب
بشتائم واسلوب مشمئز....وكمان الحاجة البتفقع المرارة با محب تلقى واحد
ما قرا في حياته غير مرحلة الاساس يجي يتفه ويحقر راي واحد تاني بيحضر
دكتوراة ويصفه بالجهل وعدم المعرفة....بدلا من الحوار الهادئ والنقاش المثمر..
ودمت بالف خير وصحة وعافية وليباركك الرب
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: Basamat Alsheikh)
|
مرحبتين بسمات صاحبة الأميرة ، لكما مني كل الود
Quote:
اذا كان غلات ساكت مالو.....لكنه غلات وبلؤم شديد ولسان حاد وتحقير
الراي الاخر واظهاره بمظهر الجاهل البليد...
اذا كان غلات وباسلوب مهذب للوصول لاية حقيقة فممكن يكون غلات ايجابي
(مع انه في الدنيا كلها مافي غلات ايجابي)..وجه ضاحك)..
لكن النموذج الجبته انت هنا..نموذج سودانيز اون لاين،،، اوسكار ..اوسكار..مافي شك..
ودمت بالف الف خير وصحة وعافية
|
كويس انك جبت الزيت زي مابقولوا السودانيين
وفي سياق الدراسة قدمت لنا مقدمة جيدة تخدم فرضيتين من فرضيات البحث نصوغ منهما الأسئلة التالية:
1- هل يخدم الغلاط مواضيع البوستات ذات الصفحات المتدفقة أو يوصل لنتيجة علمية معينة؟
2- هل يفضل القراء البوستات التي تمتلئ بالمغالطات والغلاط والجدال أم يحبذونه منتدى لطرح الجديد والنقاش المفيد والمثمر حوله
3- هل الناس الغالتيين في سودانيز ناس فاضيين أو لديهم ميول للاستعلاء ووالتحقير؟
والى مزيد من الفرضيات والتساؤلات سنحتفظ لك بالنتيجة الاستباقية عن :
(مع انه في الدنيا كلها مافي غلات ايجابي) ... المصدر بسمات الشيخ، بوست الغلاط، ص1، مداخلة رقم 7 ، أكتوبر الاخضر 2017.
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: عمر التاج)
|
تحياتي عاصم علي:
Quote:
الغلاط معتاد خاصه فى الكوره (الناس الكبار بتذكرو شله الشجره فى ميدان الامم المتحده )
لكن ما اراه فى المنتديات والمنابر الاسفيريه مؤخرا (مع تزايد انتشار الانترنت ودوره فى مايسمى الربيع العربى)
اصبحت مقتنع بنسبه كبيره بان ظاهره الغلاط و(المجادله والانحدار لغه الحوار الحوار الى السباب وسوءالادب ) سلوك منظم لقمع الاصوات والاراء
الحره التى لايصلها قلم الرقيب او يد المصادره او سلطه الاعتقال .
اغراق المنتديات والمنابر بالجدال (والاكشن) لتشتيت الانتباه و لتحييدها عن واجباتها الوطنيه والانسانيه ثقافيا واجتماعيا
وشكرا
|
الشجار والسباب ده معروف عنده ناسو في المجتمع، تعرفهم من سيماهم وكتاباتهم
أما أن يتحول الأمر لمجرد غلاط لفظي ، مدعوم بالشجار والسباب وهرش الاخرين بأساليب صبيانية وميول منحرفة
فهذا ما لن يقدم ولا يؤخر في هذا المنبر .. ودونكم في ذلك بوستات الغلاط المنتشرة في المنبر،
والتي غطت على كثير من المواضيع السياسية الجادة الهادفة والخطوط الأدبيه الراقية.
إذا استمر الأمر بهذه الطريقة ، أقترح على بكري أبوبكر أن يقسم المنبر لعدة منتديات متخصصة حتى يجد كل عضو وقارئ ضالته في المنبر
على أن يكون من ضمنها منتدى الغلاط لاشباع غريزة الجدال لدي بعض المختصين فيه.
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: عمر التاج)
|
جلالدونا يا صديق .. لعلك طيب
قلت لي ياعوض التاج ..
ذكرتني خالي العوض كان جنو غلاط،
يوم سمع الباب بدق وقبل مايفتح سأل ( ده منو؟)
رد الطارق:
- أنا
- علي الطلاق ده ما إنت.
عمنا حبيكه كان ما بتغالط نهائ ، وممكن يغالط انشتاين في النسبية حقتو،
يوم بغالط في جماعة ويحلف بالطلاق على رأيو، بعد شويه عايز يقوم يمشي
قام و انتبه لولده الصغير وهو يرسم حزمة خطوط على التراب ، فسأله بنهرة:
- ده شنو ياولد البتشخبط فيه ده ؟
- ديل عدد حلفانك بالطلاق من ما قعدت تتكلم ، قدر ما أنت تحلف أنا بشخت شخيت لامن وصلت 99 واحد.
الجماعة ضحكوا وقالو ليه : عليك الله يا حبيكة تتمهن مية ، فرد غاضبا:
- علي الطلاق ما أتمهن .
Quote:
عوض التاج
بركة الشفناك طيب ياخ
يعنى هسى فاتح البوست ده داير تغالت فى الغلت !!!
امرك عجيب ياخ
|
الغلات يا ابوي انت كنت فاتح له مكتب ياقول الرباطابي
ولكن بركة المرقت طيب من رباطة الغالاتين ديلاك.
ومرحب بيك محاور جسور في هذه الدراسة
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: عمر أبوعاقلة)
|
عمر أبو عاقلة، ازيك يا حبيب
Quote:
سلام ود التاج (ود الفكي الاحيمر)
أها دي تعال غالطني فيها
جيدا جيت ومرحب حباب الطلة
تصدق الواحد بقى يتحسس لما يجي يكتب مداخلة
وبعد ما يرسلها يدخل البورد وهو يتلفت
|
في دي يا عمر مسكتني من لساني البيوجعني ويمنعني من الغلاط
وفي هذا الموقف المهيب جادت لكم قريحتي بعاجل ابيات قلت فيها ..
اغالط اغالط اغالت كيف ؟
اغالطكم ، اغالتكم ، لا لا لا مابقدر ..
وعشان ما يجي واحد ناطي يخليني أتحسس ويقول لي دي سرقة فنية، أعترف وأقر أنه ده مجرد تناص وتضمين
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: عمر التاج)
|
Quote:
عمر التاج ما تملانا فقر ياخ
متين الموضوع دا عندك من سنوات
جيب الرابط
هههههه
|
Osman Awoda شخصيا ؟
ياراجل مرحب بيك وبركة الشفنا صورتك القديمة
أنا من قبيل اغالط في نفسي وأقول
اب عمة المباريني ده 
عثمان عووضه بتاعنا الواحد ده ،
ولا واحد شبهو؟
كدي في البداية أثبت لي أنه:
Osman Awoda = عثمان عوووضة
وبعدين تعال غالطني وأسألني عن الروابط والجمعيات .
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: محمد على طه الملك)
|
أبو ذر ، وأبو سن !..
من أسه بدينا الغلاط ؟
واحد فيكم يقول المدير الخرتوه
والتاني يقول المدير الغالتوه
والاتنين ما بتحكن ، معقول في مغالطة زي دي ؟
أنا في رأي نحن نروح القسم ،
نحكيهن الاثنين ونخلي الجمهور يحكم عليهن
وممكن يا اباذر تشفر المصطلحات الأساسية أو تجيب المرادف
أو بالعدم اللغة الإنجليزية متوفرة في المنبر ( اختنا فردوس ممكن تساعدك)
وان تعذر ذلك فالماسنجر الداخلي مع ضرورة الإشارة للمرجع المحكم
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: أبوذر بابكر)
|
Quote:
بعدين كان جينا لى اللنقليزى
ياهو عمارنا والله
حيلتنا الطلعنا بيها من الدنيا
بكالاريوس انقليزى والمانى ودبلوم ترجمة فورية كمان
اها شنو ليك بالله
ههههههه
|
وحات شهاداتك المعلقة ديك يا اباذر
انقليزيك وألمانيك ديل ما بوكلكن حوار في المنبر ده
يا اخ المنبر ده غير ، عشان كده اخترناه من دون المنابر لدراسة الحالة.
المهم ، انت اتوكل على الله واشتغل موسيقى ، ومافي زول بقولك تلت الأربعة كم؟
وماتنسيا ، ا انت وعبد الحفيظ ، تلزوهما بدون تعديل.
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: عمر التاج)
|
يا تاجو يا ريت تقبل منى النقاط دى
عشان تكون ليك محاور اساسية فى البحث بتاعك ده
_____
الارتجال جزء من المهارات التي يجب أن يمتلكها أي رجل في العالم، وهي مهارة تعني الرد على الأسئلة الغير متوقعة والصعبة دون ترتيب مسبق،
وهو ما يجب على الرجل أن يستعد لذلك من خلال امتلاك معلومات صحيحة ووافرة عن العديد لإعطاء المعلومات الصحيحة في أي وقت.
وفيما يلي مجموعة من النصائح التي يمكنك من القيام بتلك المهارة:ـ
1) لا تتسرع في الإجابة واستغرق وقت في التفكير قبل الرد على السؤال، فبضع ثواني كافية لالتقاط طرف الخيط الخاص بالإجابة،
و هو ما يمكن أن يحدث من خلال بعض الوقفات الصامتة والتركيز قبل الإجابة.
2) حاول الحصول على أفضل الأسئلة الممكنة من خلال الحوار الذي تقوم به، فحاول أن تدفعه في الاتجاه الذي يصب لصالحك من أجل التعامل معه بشكل لائق.
3) أطلب من الذي تتحدث معه تكرار السؤال مرة أخرى، لعله يصيغه بطريقة مختلفة تكون أفضل، وتحمل بين طياتها الإجابة أو جزء من الإجابة.
4) اطلب التوضيح في السؤال، لو فيه شئ غامض حاول أن تركز عليه عند تكرار السؤال وتستفسر منه على أي شئ غامض.
5) تحديد النقطة التي يمكن أن تجاوب عليها بدقة، حتى تحدد بشكل كامل شكل الإجابة وبشكل مسهب مع مزيد من التفاصيل.
6) الرد على أحد جوانب السؤال دون الأخرى في محاولة لجذب الخيط أو الابتعاد عن السؤال المحرج أو لب السؤال الصعب.
7) مناقشة السؤال مع المتحدث والدوران حول الإجابة، ومنح بعض الخيارات حول السؤال من أجل الهروب بشكل أو بآخر من السؤال ولبه الصعب.
المصدر ..التومة تكتكة
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: محمد على طه الملك)
|
محمد علي طه ، ازيك يا مولانا ، وكل ثانية وانت بخير ..
Quote:
هههههههه ..
عمر التاج حالة كونه عامل ساتر ..
العب غيرا ..
قبال فترة جيت في بالي ما متذكر المناسبة ؟
سلام يغشاك وزوارك الأكارم
|
الساتر الله يا ملك
والأمانة العلمية تقتضي أن نذكر حيثيات البوستات و المواضيع موثقة المصادر مثبتة المراجع
وحتى إن كان البحث مجرد وحي منشورا في الذاكرة البشرية فلا بد من ذكر المصادر وربطها بالمقتبسات ،
أما إذا خرج للوجود في شكل ورقي أو رقمي فالأمر سيان في ضرورة ايراد المراجع والمصادر في متنه او حاشيته
حتى اذا تحول البحث الرقمي إلى ورقي جاء مكتمل الأركان لا يفترض النقر على الصور والروابط لكشف المصادر.
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: عمر التاج)
|
هذا البوست
قوقـــل ... قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ قوقـــل ... قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ
أو شيء من هذا القبيل، للكاتب النحرير يحي قباني، موضوع البوست أنا ماعرفته لكن البدايات كانت ممتعة ، وفجأة تحول البوست لغلاط من العيار الثقيل، بعد أن أكملت صفحة من صفحاته الستة ( باعتبار مسيكون بعد ارسال هذه المداخلة) نسيت موضوع البوست، ونسيت اسم الكاتب ، ونسيت من هو قوقل ثم نسيت من أنا ..
إحصاءات البوست :
حتى هذه اللحظة البوست يضم حوالي 450 مداخلة ..
منها 400 مداخلة من البحر الطويل جدا ( مافي حد عارف فيها ايه الا رب العالمين)
منها 411 مداخلة كتبت بواسطة كاتبين اثنين لاغير ..
حوالي 99.9 % من المداخلات ال 411 عبارة عن غلاط مغلظ الايمان.
حوالي 0.08% من المداخلات ال 400 مداخلات تحريش ومساعدة على الغلاط
حوالي 98% من المداخلات ال 450 كتبت للرد على مداخلات غير موجودة في البوست
حوالي 59.99% من المداخلات جاءت لتكون عكس 59.99% مداخلة أخرى في نفس البوست
النتيجة حتى الآن صفر / صفر ، (ولو استمرت المباراة دي لحدي السنة الجاية الأولاد ديل ما أظن يجيبو ... ) أو كما قال الرشيد.
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: عبدالحفيظ ابوسن)
|
أبو الجل ..
وحات الله مابقدر ارجع تاني
يا زول انا ما صدقت مرقت سالم
وحتى النتائج الطلعت بيها نسيتها جوة المغلطة
Quote:
يا ريت ترجع ليهو تانى
فى غلات جديد نزل
لو سألتك من معروف الرصافى ح تقول شاعر عراقى معاصر و شنو و شنو
و تعمل لى فيها عبدالله الطيب
لكن لو سألتك من معروف محمد الحسن ح تقول لى قوم لف
|
غايتو لحدي الدقيقة 80 أن خليت القارئ طالع بالنتنائج التالية:
1/ ذكر المصادر في البحوث العلمية غير مهم، وبعض الجامعات لا تسأل باحثيها عن المصادر بل تكتشفها اكتشافا..
2/ الشهادات العلمية من شاكلة بكلاريوس وماجستير ودكتوراه وخلافه عبارة عن شهادات الكترونية لاتساوي الحبر والمسمار الذي علقت فيه الذي كتبت به مالم يتبعها انتاج علمي أو عملي .
3/ المراجع الالكترونية تعامل مثلها مثل المراجع الورقية والانترنت يمكن ان يمثل مصدرا أوليا للمعرفة
4/ في فنان مات وقام حي وحصلت ليهو حاجات غريبة و..، وياجلال الحقنا بالباقي ينوبك ثواب.
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: عبدالحفيظ ابوسن)
|
ود ابوسن كيفنك وماك طيب..
كلامك عن الغلاط عجبني وحرك مكامين احاسيسي الوردية خاصة لمن قلت
Quote:
والله يا عمر جني وجن الغولات .. بحرق روحي
لكن في فكرتي بكون لايوق جدا . ولو انصرفت منها معناتو في زول جاب كثافتي
|
وبرضك النقط نقط الحمراء دي عجبتني ..
واتخيل لي النقط دي ياها الجننت بوبي (بتاع قوقل طبعا) .
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: جلالدونا)
|
اما اميرة البوبارة و ظتا المظلوتة اخير ينكمدن ينومن
و يقولن يا ساتر
فضل منو تانى
احمد ممدعمر
و المستنينير الدابو نى
براكم بتشوفو و تولّوا الدبر
و لسان حالكم يقول : وي كأنى ما كنت عضوا فى سودانيز
افا
فى منو تانى
ايووووووة
صاحبى عبد المنعم الطيب
و لسان حالو بقول يا ريت لو دفنونى انا الجنا و خلّو التبيعة
سنة يا انا
تبيعة انتا ياخ
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: جلالدونا)
|
ألذ غُلات سوداني بيكون في الدوري الإسباني تسمع الواحد يتكلم تخسم يمين تقول حبوبته الخُنتيلة من محلية بلد الوليد ولاية كاتلونيا ، والعجب لما نيمار سجلوه ب٢٠٠ وبضع من ملايين الدنانير في واحد في المنبر ده قال نيمار ما بعرف يلعب أي والله 😀
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: الهادي الشغيل)
|
تحياتي اخ الشغيل
بوستك في (الصح) يا هادي
( المقصود المكان الصح ما الغلت ولا "السلك" )
Quote:
أستأذنك في وضع الرابط أدناه لبوست لي سابق في نفس السياق بعنوان :
**** ده بوست عن الناس البيغالطو وجنهم غلاط ****
|
بوستك سيكفيني تماما عناء البحث خارج المنبر
ويجعلني اركز جهودي على المغالطات داخل المنبر وأتفرغ له تماما
بوستك ده يالشغيل بعد ما أقراه كله ان شاء الله،
حا اضعه مصدر أساسي لدراسة ظاهرة الغلاط هنا..
ولن أنسى طبعا بوست عطبرة (أبو كم وعشرين صفحة داك)،
وطبعا أنا كلما ألقى بوست أكتر من صفحة قاعد أندهش
ولمن يعمل صفحتين بفكر وأقول :
( معقولة صاحب البوست ده عنده أولاد قاعدين معاه في نفس موقع الكمبيوتر)
لذا فإني أتوقع أن أجد في بوست التوثيق بعض (ضوالي) من المغالطات .
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: عمر التاج)
|
من مداخلة قديمة يا عمر
السؤال دايما بسألو لى نفسي .. ليه احنا غالاطين كده؟!!
والغلاط عندنا انواع تتبع المواقف لا الاشخاص .. يعنى ذات الزول بكون حامل الجراثيم المختلفه للمغالطه ..
النوع الاول الغلاط الكيدى ..
الهدف الاساسي منو المغالطه من اجل المغاgطه لزول بعينه .. كيدا فيه.. يقول يمين تقول ليهو لا شمال .. انا متاكد شديد انو شمال .. والنوع ده دايما يبتدى بلاء الغلاط
النوع التانى غلاط المثقفاتيه ..
وده اسبابو راجعه لتركيبه المثقف النرجسيه ذات الانا الشاهقه الناقشه اى حاجه وده دايما ببتدى ب جمله ( مثقفاتيه ) من قبيل ( انا بفتكر انو .. انا بختلف معاك فى النقطه دى .. انا مقاربتى للموضوع زى فارقه شويه كده )
او لو كان طليعى شاب
يبدا بى ( فى زى تفصيله غايبه هنا ) .. او يقلب رطانه تقيلها يبداها بى زى no no, this is absolutely wrong ,.. او كان مقعر فى الرطانه يبداها بى with all that due respect ...
النوع التالت من الغلاط الغلاط الكروى
تقول ليهو بنلتى طوالى يحلف ليك انها مابنلتى ومعاها شتيمه مباشره من نوع ( انت عميان يا زول ) او يعمل فيها زعلان ( ياخ بلاى فكنا كده ولا كده انتو الكوره ذاتا لعبتوها وين ؟ )
النوع الرابع غلاط الناس الكبار شديد
اول ما تقول حاجه يقول ليك طوالى انتو بتعرفو شنو ؟.. نحنا زمان كنا وكنا وكنا .... وعيييييك
النوع الخامس وده جديد نسبيا وسميهو هنا الغلاط ما بعد الحداثى
وده بنلقاهو فى المنتديات وميزتو الاساسيه الاهتمام بالتوثيق لدرجه التطرف .. اول ما تنزل ليك بوست يردو ليك طوالى مقتبس والعريقين فى الغلاط يعملوا ليك هايلايت على كم جمله ويبدا معاك دراسه مفصله لنواياك عن كل حرف واحتمالات كل شبهه قد تكون ما بين سطر وفاصله يلى الكلام ده مباشرة القاء لائحة الاتهام وقد ينهيه بجمله ترفع من اسهمه الغلاطيه مثل ( الساقطون لا يسقطون )
| |
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: محمد حيدر المشرف)
|
تحياتي يا محمد المشرف ..
مداخلتك دي يا دكتور كفتني عناء صياغة المادة النظرية كلها في الدراسة
أعتقد أنها تنفع مقدمة وخاتمة ومتن ، تبقى لي فقط الدراسة الميدانية والجانب العملي
فشكرا لك لاسهامك في تفرغي للبوستات المهمة الدائرة في محيط الغلاط الآن ..
وسنعود اليها بالأرقام بمشيئة الله .
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: عمر التاج)
|
الشهادات وما أدراك ما الشهادات؟
هذا البوست أكبر دليل على ميل السودانيين للغلاط في كل شي ومن أي شي وبأي شيء
الكاتب زكريات فضل عرف نفسه بأنه بروفيشنال في المجال، وبدرجة الاستاذية
قدم طرح معين بخصوص الشهادات العلمية وأهمية احترام قدسيتها ومهنيتها ..
وفجأة انقلب الموقف وتحول البوست لغلاط عنيف فاق إعصار ايرما
أنا الآن في الصفحة الأولى ولكن الدهشة تملكتني تماما من طبيعة الحوار ومضمونه
الحوار اصبح أقرب لمبارة في السباحة تجمع بين مصارعين ولاعبي كرة .
وسنوافيكم لاحقا بالنتائج
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: عمر التاج)
|
وقفت مع مجموعة من الأصدقاء ننظر من طرف (الحلة) عن سيارة قادمة
صديقنا حمد أصر أنه يرى (لوري) قادم من بعيد
وبدأ الغلاط ، في لوري ، مافي لوري
دققت في وجه حمد فلاحظت ذبابة صغيرة تحط على زجاج نظارته الطبيه
لوحت بيدي أمامه ثم سألته ، أها شايف اللوري ، فقال:
- لا والله اختفى.
ومن يومها لقب بـ (اب لوري)
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: Osman Awoda)
|
هي لكن ياعووضة المريخ كان مغلوب
والطائل الوحيد ان الهزيمة لم تسجل في دفاتره
بل سجلت حالة هروب وهي اقصى مايتمناه حاتم
في مباراة بعدها انسحب فريق الهلال كله .. وتم توثيقها انها انسحاب
وده هو التكتيك الاسلم للفريق الخواف
المهم يازول ... كلامك ما صاح
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: عبدالحفيظ ابوسن)
|
أوافق الرأي يا عبد الحفيظ
فالبعض له مقدرة عجيبة للاستفزاز والغلاط
حتى وان كان على حساب مشاعر الناس ومكاسبهم
وبوست اسماعيل واحد من البوستات التي تثير
حفيظة الناس بتهجمها غير المنطقي
.
أما بوست جلال فقد تجلى فيه وقسم اللاعبين الا فريقين غير متكافئين
فريق يحاول الوصول إلى مرمى حاتم ليكشف حقيقته ويثبت تعديه على حقوق الآخرين
وفريق يقف كالحائط أمام المرمى الخالي
يحاول بكل جهد اثبات تفوق حاتم ويغطي على تحركاته باعتبارها من الخصوصيات
وما أنا إلا حكم وناقل للغلاط ، ومحمد البشرى وآخرين جمهور مخلص يشجع اللعبة الحلوة.
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: عمر التاج)
|
الغلاط الدائر في البوست أعلاه تتوفر فيه المحاور الغلاتية الآتية:
* هل من حق العضو التخفي عن الاخرين في البورد وراء اسم مستعار ؟
* وهل البحث عن الاسم الحقيقي للعضو ومنشوراته على النت يعتبر انتهاك لخصوصيته
* وهل من اخلاقيات المنابر الدخول اليها بأكثر من اسم مستعار كل بصفة ومهنة مختلفة
* وهل اصطفاف البعض وراء شخصية مثل حاتم يجعلهم في مأمن من كشف شخصياتهم عند انتهاكهم لحقوق الاخرين
.
.
.
البوست المرشح للغلاط أكتر أعتقد بوست بوب الجديد ..
الأخ عبد العظيم اصبح ناطق رسمي باسم مبدأ الخصوصية
أخشى أن يتوافق مع امير في عدم ادانة نشر رسائل خاصة بين عضويين
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: عمر التاج)
|
سلام على الجميع
غلاط سودانيز و لا شئ بالنسبة لا غلاط الحيحصل داخل السودان ،
غلاط حول جدوى رفع العقوبات
غلاط حول العلاقات الدبلوماسية مع الدولة X
غلاط حول خطة لانعاش الاقتصاد السوداني
غلاط حول إلغاء الهلال و المريخ و استبدالهم بكرة قدم أمريكية
و هلمجرا ....هلمجرا ... هلمجرا الحقنا بالتوصيات يا عمر التاج .
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: عمر التاج)
|
يا عمر التاج اذا انت عايز تشوف الغلات الصحي صحي امشي زور بوست
محب عن النشاط المسبحي الامريكي في السودان،،، ومش غلات وبس، غلات ببهارات تقيلة
تعمي العيون ،،ويا ريت يهدوا النفوس شوية ويكون الغلات بدون شتائم تسد النفس،،،لان الغضب
الشديد يفقد الانسان المنطق،،،
ودمت بخير وصحة وعافية
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: Basamat Alsheikh)
|
صباح الخير يا بسمات
معقول بوست محب عن النشاط المسبحي الامريكي في السودان
فيه غلاط ،
والله انا كنت فاكر بوست خبري وقلت عادي ممكن يحصل تبشير
ولكن ماكنت مفتكر البورداب ديل عندهم المقدرة العالية للغلاط بالطريقة دي
آمنت بالله ياخي ..
أمس أول مرة أخوض تجربة الغلاط في المنبر
والمشكلة الغلاط لمن يكون مع الاشباح بكون من الصعوبة بمكان
زي مصارعة طواحين الهواء
ولهذا أعد بالعودة لبوست محب وتحليله غلاطيا ..
وكذلك العودة للبوست المحذوف ان وجدت منه نسخة أو منن الذاكرة
لكي نوضح فكرتنا عن خط 100 غرب المزعوم بطريقة مهنية وليس مجرد كوار.
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: عمر التاج)
|
البوست المرسوم ب( خط 100 غرب) كان أول بوست للشبح حاتم إبراهيم
بعد الغبار الكثيف الذي دار حول حقيقته وسرقاته في بوست جلالدونا المرسوم ب ( حاتم ابراهيم، بوست تعريفي)
البوست بدأ بغير ما اعتاد الشبح عليه، فقد كان يكب كمية من المعلومات قد تصل صفحة فلسكاب في أستهلال بوستاته
وهذا ما جعل طلاب الفضيلة العلمية ينصحونه بايراد المصادر في كتابات مثل هذه ولكنه لم يرعوي.
البوست الأخير بدأه بوجه ضاحك بما يوحي بالإشارة لبوستات أخرى ،
وصف القراد الالكتروني تم تداوله في بوست اخر اعتقد بوست جلال ، وكان من ضمن مفتتح مداخلاتي في بوست حاتم
أوضحت في نفس البوست أنه رمزية على وزن الجداد الالكتروني المعروفة بدلالة العكلته المعروف بها حاتم
وذكرت في بوست لاحق أنها نوعية من الروبوتات تتصف فقط بالعكلته، بينما يتصف الجداد الالكتروني بالتجسس ونفي الاخبار
الكوتات التي بادر بها الشبح بوسته تتحدث عن موضوعيين، ثقل الأرض و خط الاستواء
وجهة نظري في الموضوعين صغتها في مداخلة واحدة اعتقدت انها واضحة بخصوص رؤيتي العلمية والعقدية
الشبح بدأ بأسلوبه الاستفزازي الذي لم اكن معتادا عليه في جرجرة الموضوع دون حتى طلب الإفصاح
رؤيتي للموضوع أن وضع خط صفر الطولي والعرض خضعت لمعايير معينة على رأسها شكل الأرض
ورؤيتي للأمر التي اعتبرها علمية لن يجدها حاتم وغيره في صفحات قوقل
وهي ان هذه الخطوط والدوائر في موضعها الحالي هي الأطول من بين الخطوط لطبيعة شكل الأرض
صحيح أن خطوط الطول تبدأ وتنتهي في نفس النقطة ولكن محيط التفافها هو الأطول ، وهناك دراسات ودوال رياضية تثبت ذلك
هي مجرد رمية تمنيت أن يتواصل بها او من غيرها البوست ، ولكن الأسلوب المستفز أحال البوست الى الفاظ غير لائقة في نظري
ولم تقتصر على مجرد الوصف ( قرادة، غبي) بل تعدتها للالفاظ وحملات تسفيه من التي يجيدها حاتم،
في جو كهذا وخلاصة كالتي ختم بها الشبح البوست ( التجارة الدولية هي سبب مرور صفر بقرينتتش)
ومع مشغوياتي وشعوري بعدم جدوى الحوار رايت ان الانسحاب وعدم محاورة الاشباه هي الافيد
عدت اليوم للبوست لاخذ بعض الملاحظات فوجدت اخر يشبهه، تخيلت أن الشبخ غير اسمه
ولكن عندما فتحته اتضح لي أن نفس الحوار والغلاط والتسفيه تحول لبوست اخر
وكان من نصيب عضو اخر وهو فرانكلي أعانه الله على الابتلاء
النتيجة التي خرجت بها من مغالططتي في ذاك البوست أنه الواحد تاني مايموت في الغلاط
وحتى ان كان يحمل مؤهلا عاليا في الجغرافيا مثلي فمن الممكن ان يسفه رأيه شبح الكتروني يختفي خلف الكيبورد
وبيكره الشهادات
نتجاوز بوست الشبح احصائيا (الأول والثاني) لانتفاء الأهداف
ونعود لاحصاءات بوست محب ان شاء الله على اثر دعوة الأخت بسمات
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: عمر التاج)
|
عمر التاج سلامات
انا سألتك سؤال في البوست المحذوف وإنت عملت ميت
السبب البخليك تفتش في بروفايل عضو من أعضاء المنبر شنو؟
وبتقاتل أن تعرف معلوماته الشخصية بصورة تتجاوز الحوار و (الغلاط)؟
إنت مهووس بالمعلومات الشخصية بصورة مريبه جدا
سؤال مباشر
كنت شغال أو عندك علاقة بجهاز الأمن قبل كدا أو هسي؟
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: عبدالعظيم عثمان)
|
سلاملات يا عبد العظيم ..
اعترف بأني مقل في حوارات البورد ،
وغالبا لا أتداخل ولا اقبل صداقات اسفيرية إلا مع أشخاص أعرفهم
فعندما أجد الرغبة في مخاطبة أحدهم أحاول أن أعرف مقامه أولا لأخاطبه به
وإنما جعل البروفايل في البورد ليوفر هذه المعلومات الأولية
الذي اعرفه أن المنابر المحترمة تلزم الأعضاء بتكملة بيانات البروفايل عند قبول العضوية
ولو كانت هناك بيانات سرية أو لها خصوصية لوضعتها الإدارة في بروفايل خاص بالإدارة فقط
أما الشبح ده يا عبد العظيم ما محتاج ناس امن يبحثوا عنه
يا اخي مؤكد أنه الجداد الالكتروني مبسوط منه للاخر
لانه بوجه القراء لمواضيع لا علاقة لها بالسياسة والوطنية
وبثير غلاط وجدال يشغل الناس من أهداف تواجدهم في البورد ..
.
.
أهو جاوبتك ومستعد لمزيد من الايضاح يا عظمة
لكن انت المحيرني فيك،
دافن مع حاتم ده شنو؟
انت الوحيد البندافع عنه دفاع شخصي (قلب دفاع) من غير الخوض في أفكاره
واسمح لي أوجه لك سؤال بسيط سألته لثنائي الدفاع وغلبتهم الإجابة
وبعدك مباشرة حا أسأل منه بكري:
هل تعرف حاتم إبراهيم معرفة شخصية تؤكد حمله لهذا الاسم؟،
ومن غير أن تحدثنا عن طبيعة المعرفة
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: عمر التاج)
|
Quote: فعندما أجد الرغبة في مخاطبة أحدهم أحاول أن أعرف مقامه أولا لأخاطبه به
وإنما جعل البروفايل في البورد ليوفر هذه المعلومات الأولية
الذي اعرفه أن المنابر المحترمة تلزم الأعضاء بتكملة بيانات البروفايل عند قبول العضوية
ولو كانت هناك بيانات سرية أو لها خصوصية لوضعتها الإدارة في بروفايل خاص بالإدارة فقط |
يعني عشان تحقق شروطك الخاصه في المخاطبة
تقوم تنتهك خصوصية الآخريـن وتبحبت وراهم وتفتش معلوماتهم
الخاصه .. دا كله عشان تعرف مقامات الناس
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: عبدالعظيم عثمان)
|
الظاهر ذوبانك مع الاشباح يا عبد العظيم اكسبك بعض صفاتهم ..
يعني انا ماعارفك ليه بتتخيل انه النقر على اسم العضو في صفحة المنتدى فيهو انتهاك للخصوصية
ياخ طالما سياسة السرية واعدادات الخصوصى سمحت بذلك فما اعتقد في مشكلة تعرف من تخاطب انت
وماعايز اخش معاك في تعريف ومفهوم خصوصية النت لانه ده مجال ماعنده حدود ومابنتهي
خلينا في الحد المعقول المابدخل في التعدي القانوني على الأشياء الخاصة للفرد .
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: عمر التاج)
|
موضوع محب مررت عليه سريعا وأعجبنيي فيه مستوى الغلاط حتى منتصف الصفحة
أعتقد بدأ في التحول للغلاط غير المجدي بعد ذلك ولكن نقاش سنوسي ومحب كان في غاية الموضوعية
وطبعا بلا يقدح هذا في البقية اذ لم أدقق
أدعو (الحلفاء) وناس عاصفة الشبح لطرح بقية مواضيعهم التي اثاروها بهناك هنا ، الى حين عودة اليهم باذن الله
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: عمر التاج)
|
Quote: الظاهر ذوبانك مع الاشباح يا عبد العظيم اكسبك بعض صفاتهم ..
يعني انا ماعارفك ليه بتتخيل انه النقر على اسم العضو في صفحة المنتدى فيهو انتهاك للخصوصية
ياخ طالما سياسة السرية واعدادات الخصوصى سمحت بذلك فما اعتقد في مشكلة تعرف من تخاطب انت |
يا عمر التاج عشان ما تبقي بتاع غلاط ساي
أول شيء إنت إنتهكت خصوصية الزميل حاتم وإنت تفتح بروفايله الشخصي
عشان تعرف هو منه ( إعترفت بالكلام دا بي عضمة لسانك)
الشيء الثاني سلوكك بتااع التتبع والجري خلف المعلومات الشخصية
يدل علي عدم وعيك بموضوع الخصوصية
الشيء الثالث : الإصرار علي معرفة عنوان أعضاء المنبر أيضا سلوك مريب جدا
ويدل أيضا علي أنك تضرب بي موضوع الخصوصية عرض الحائط
أخيرا بطل بحبتة وشمشمة وراء خصوصيات الناس وناقش الأفكار المطروحة
واذا حدث تجاوز في النقاش الناس هنا محكومين بلائحة للمنبر وأيضا هنالك قوانين
للمعلوماتية قضائيا
| |
|
|
|
|
|
|
|
|
|
Re: ظاهرة (الغلاط) عند السودانيين ، سودانيز او (Re: عبدالعظيم عثمان)
|
Quote:
يا عمر التاج عشان ما تبقي بتاع غلاط ساي
أول شيء إنت إنتهكت خصوصية الزميل حاتم وإنت تفتح بروفايله الشخصي
|
الاخ الفاضل عبد العظيم، رغم انك ما جاوبت سؤالي الفوق لكن حا اعتبر جوابك لا ما لم تفصح عنه ..
حقيقة ما كنت داير اغالطك في موضوع الخصوصية ،
وكنت عايز اقول ليك لو شايف انه فتح بروفايل العضو المبذول في أي بوست انتهاك للخصوصية ‘ فكلامك صحيح ( كما قال حسين )
وأنا بعتذر لأي عضو وقع مؤشر ماوسي على اسمه في المنبر عن قصد أو صدفة .
ولكن وجدت من المفيد أن اسمع رأيك حول الخصوصية ، وخاصة الخصوصية التقنية، مفهومها وأنواعها وحدودها بالنسبة اليك ،
ويكون أفيد لو ابتعدت عن الجانب القانوني .
ولك كل الشكر ..
| |
|
|
|
|
|
|
| |
عمر التاج
محمد البشرى الخضر
عبدالحفيظ ابوسن
Asim Ali
جلالدونا
Muhib
Osman Awoda
أبوذر بابكر
عمر أبوعاقلة
محمد على طه الملك
محمد حيدر المشرف
معاوية الزبير
عبدالعزيز الفاضلابى
نعمات عماد
عبدالعظيم عثمان
فيس بوك
تويتر
انستقرام
يوتيوب
بنتيريست