|
|
|
 Re: بهدوء المواطن علي قنجاري (Re: عبدالحفيظ ابوسن)
|
قبل عشرة يوم .. ارملة لها طفلين
دايرة تدخلهم المدرسة . نقلتهم من مدرسة لي مدرسة
لم يشفع لها مدير المدرسة ان يتنازل عن الرسوم التي قررها
افتح الله واستر الله المبلغ وصل 800 ج . تم جمع 600 حتي اليوم
ارملة وبتشتغل خادمة في البيوت
| |
 
|
|
|
|
|
|
|
|
Re: بهدوء المواطن علي قنجاري (Re: عبدالحفيظ ابوسن)
|
ضربت الاسهالات المائية كوستي وانكرها الوالي ووزير الصحة الولائي قردة
قام اهل كوستي داخل وخارج السودان بجمع التبرعات وتطوع الشباب
تم القضاء علي المرض
وتلاسن والي الولاية مع وزير صحة الخرطوم حول المرض وتداعياته
| |
|
|
|
|
|
|
|
|
|
Re: بهدوء المواطن علي قنجاري (Re: عبدالحفيظ ابوسن)
|
علي قنجاري
والله اني لأفخر ان مثلك مواطن اعيش معه في وطن واحد
لم يأخذ منك القرار كثيرا
ولا تردد
ولم تكون له لجنة ولم تستشر
ولا كلفت غيرك
حسب كلام ود اخوهو
جاهم وجاب ليهم الفطور وهم شغالين نفير
بتكلف كم
قال ليهم ببيع عربيتي
كما ادهشني موقفه المتطرف في الخير
ادهشني موقف السلطة
قال رسلو لي عشرة مليون!!
طيب وقت سدو عجزكم ابقو رجال ودقو سدركم
وادوهو بوكس من البكاسي المجدعة عندكم دي
واحد من ناس السلطة
ولا السلطة زاتها
اياهو البوكس المتعايش منو
وبيت زوجتو قالوا آيل للسقوط
اشبهو شعبكم ياخ
التشبه بالرجال فلاحة كما الحديث الضو ما بقولولو سو
| |
|
|
|
|
|
|
|
|
|
Re: بهدوء المواطن علي قنجاري (Re: عبدالحفيظ ابوسن)
|
وللسلطة ذكاء مبهر في قدرتهم علي جمع المال والتحايل علي ذلك
مثلا
حدثني واحد اول امس
قال لي ناس الاراضي جابوا نظام جديد . باع بيتو وقالوا ليهو تدفع رسوم تجديد منفعة . لأنو الزمن انتهي
كيف
البيوت المن زمن الانجليز بوزعو فيها عندها مدة محددة عشرين سنة وتنتهي .
لكن لا المستعمر ولا المهدية ولا كل الحكومات المتعاقبة فكرت انها تجدد ليك عقدك
واها والرسوم كم
ادني 30 مليون واعلي 70 مليون
شوفو المسافة دي مابين 70 و 30
تجمع بس
ولا يهمها ابدا حال المواطن
واي مواطن بقابل مصيبتو براهو
| |
|
|
|
|
|
|
|
|
|
Re: بهدوء المواطن علي قنجاري (Re: معاوية عبيد الصائم)
|
العم علي قنجاري دا استحق كل تكريم
وكل اشادة واحتفاء واعادنا لتذكر طاري الأجداد
السودانيين الـــ زمااااااان قبل يجوا ناس (هي لله هي لله)
ولا كانت ولم تكن
باختصار دا ذهب سوداني صافي بنفس قنوعة وصابرة وغنيـة وقيمة
نزل من سيارته الشخصية والتي هي مصدر رزقه وتساهيل حياته وباعها
من اجل بناء فصول المدرسة وسقفها
الله يفتحها عليهو محل ما يقبل
دا زول سندنا وشفانا (وفشـانا) على كل هذا القهر
دا ب 100 ألف معتمد وبـ 100 ألف والي
النوع ال بينزل معاش ويتملك عربات الحكومة وبـ (القانون)
ويقوم بتغيير السيارة الحكومية كلما احس بقرب النزول للمعاش
أحمد الشايقي
| |
|
|
|
|
|
|
|
|
Re: بهدوء المواطن علي قنجاري (Re: أحمد الشايقي)
|
الراجل باع البوكس بي 190 مليون, ليكزس السيد نائب الرئيس الجا بيها عزا فاطمة بي 2 مليار و ربع دا غير الجمارك
يعني ممكن تجيب 11 زي بوكس عمك قنجاري البنى فصلين يعني ممكن لكزس النايب تبني مدرستين مش واحدة
وبرضو تقول لي الهتفوا هتاف ديل الحرامية شيوعيين!!
| |
|
|
|
|
|
|
|
|
 Re: بهدوء المواطن علي قنجاري (Re: عبدالحفيظ ابوسن)
|
الافكار البناءه والمجهود الفاعل النتج يحارب ويهدم ماديا ومعنويا واحيانا تسرق لتقدم تملقا لمسئول .
ومبادرفرديه مثل شهامه الاصيل قنجارى او جماعيه لايحركون تجاهها ساكن طالما انها
لاتمس خزائنهم او كراسيهم.
انهم لايحتفون الا من يحمل لونهم السياسى او ماسحى الجوخ
| |
|
|
|
|
|
|
|
|
|
Re: بهدوء المواطن علي قنجاري (Re: معتز عبدالله)
|
قنجاري ده إنسان مدهش ..
وكرمه فايت الحد ..
غايتو غلبني أقول ليهو شنو ؟ ..
ربنا يزيده من نعيمه ويفتح عليه أبواب رحمته ..
وقادر ربنا يعوضه عربيته دي بأحسن منها ..
يارب سألناك املا جيبه قروش ..
واملا بدنه صحة وعافية ..
واصلح نيته وذريته ..
| |
|
|
|
|
|
|
|
|
|
Re: بهدوء المواطن علي قنجاري (Re: جمال ود القوز)
|
موقفين
موقف راعي السعودية الذي سلك سلوكا سودانيا طبيعيا .. وما اثاره من ضجة غير طبيعية
سلوك المواطن علي الذي سلك سلوكا غير طبيعيا ولم يثر زوبعة وسط الناس
ماقام به علي يتجاوز رد الفعل الوطني لسلوك اكثر وطنية وتفاعلا
المواطن علي كشف عري السلطة وكشف عري تعاطفنا
كشف عري قدرتنا في اضاءة نموذجة علي جانبين
فضح السلطة
وتمجيده والدفع بنا لنكون اكثر ايجابية . ان نصل ان هذه السلطة لا يهمها الوطن ولا المواطن
| |
|
|
|
|
|
|
|
|
|
Re: بهدوء المواطن علي قنجاري (Re: عبدالحفيظ ابوسن)
|
حبابك عاصم
والكفر مخبثة لنفس المنعم
فعلا سرقة مجهودات الآخرين
والتقليل من عملهم
يقلل من المبادرات والجراءة
زي ما قلت شوف الاحتفاء بالراعي
وتجاهل من يتبرع بمورد رزقه من اجل عمل عام
وهنا
مافي فرق بين اهل السلطة ومن هم ضد السلطة
كلنا واحد
تماثلنا معهم سلوكا ولفظا ورد فعل
| |
|
|
|
|
|
|
|
|
|
Re: بهدوء المواطن علي قنجاري (Re: عبدالحفيظ ابوسن)
|
خذ نموذج الشيخ الياقوت
زول بيفتح بيته لي 1200 طالب
مش واحد ولا اتنين ولا عشرة ولا حتى 100
بالله ايه حاتم الطائي في التاريخ الإنساني وكم شخصا أكرمهم ذلك الحاتم طوال حياته
الكرم يا سيدي ياقوتي ولم يعد حاتمياً والايثار قنجـاري
والأخلاق سودانية
فعلاً كما قال الأديب العالمي الراحل الطيب الصالح (الممنوعة رواياته في بلاده)
من أين جاء هــؤلاء ؟؟
| |
|
|
|
|
|
|
|
|
|
Re: بهدوء المواطن علي قنجاري (Re: أحمد الشايقي)
|
تسلم الشايقي
نعم الشيخ الياقوت مثالا
ليه كتلنا سيرتو
ليه ما اعتبرناهو ايقونة
صحي في ناس نضمو فيهو وتحدثو عنو
لكن بشكل مبتسر ومختصر
لم يأخذ ذلك الزخم
زخم الراعي
زخم طفل الساعة
اظننا لا نتحرك بشكل متناغم
اذكر في تاريخ ثورة اكتوبر انو السلطة بتبحث عن الافراد المبادرين والمبدعين في عملهم حتي لو كان عامل بسيط وتطلب ينشرو صورتو ويتكلمو عنو في الصحيفة الرسمية
والحاصل نهضت حتي صارت قطبا
الفكرة شنو
نستغل المبادرات دي في تزكية الشعور الوطني ومراكمة الغضب
ان نتحرك كوجدان واحد
| |
|
|
|
|
|
|
| |
عبدالحفيظ ابوسن
حيدر حسن ميرغني
معاوية عبيد الصائم
محمد البشرى الخضر
Asim Ali
معتز عبدالله
جمال ود القوز
فيس بوك
تويتر
انستقرام
يوتيوب
بنتيريست