|
|
|
 Re: اغرب تصريحين (Re: عبدالحفيظ ابوسن)
|
سلام ابسن و الضيوف
أطالب بمحاكمة مأمون حميدة تحت قانون الشائعات الجديد لاتهامه
لكثير من البيوت بما لم تفعله .
و التاني القال 70 مليار للنظافة اقول له :---
سلمونا كامل المبلغ نحن المواطنين العاديين الخايفين ربنا و الحمدلله ، و ح نحل كل مشاكل الولاية في اسبوعين ان شاءالله .
| |
 
|
|
|
|
|
|
|
|
Re: اغرب تصريحين (Re: نعمات عماد)
|
لو كانت الارزاق تجري على الحجى لهلكن اذن من جهلهن البهائم
| Quote: مامون حميدة المخدرات دخلت كل بيت |
الزول دا بلتخ ساكت؛
يا خابت يا كمان خابت جدا..
لمن سالوهوا عن ان جامعته مفرخة للدواعش؛
قال لاولياء الامور:
مش احسن اولادكن ما يطلعوا ليكن بتاعين مخدرات!!!!
وكأن ليس هنالك خيارات اخرى!!!!
غايتو؛
| |
|
|
|
|
|
|
|
|
|
Re: اغرب تصريحين (Re: عبدالمنعم الطيب حسن)
|
| Quote: مامون حميدة المخدرات دخلت كل بيت |
Quote: كشف النائب البرلمانى الفريق إبراهيم سليمان حسن عن دخول أنواع خطيرة من المخدرات إلى إقليم دارفور من بينها نوع يسمى (الطفل الهارب) و(منو الدقاك) يسبب أضراراً بالغة على متعاطيه، من بينها فقدان الرجولة أو الأنوثة. مؤكدا تأثر مجموعات كبيرة بها.
واتهم سليمان عناصر الشرطة بالضلوع في تجارة المخدرات، وقال إن عربات الشرطة وأسلحتها تستخدم في هذا الأمر. واكد أن الشرطة تعلم ذلك وتغض الطرف. واتهم سليمان وزير الداخلية بأنه يعلم بهذا الأمر. |
| |
|
|
|
|
|
|
|
|
 Re: اغرب تصريحين (Re: أحمد محمد عمر)
|
المسئول يجب عليه تحرى الشفافيه والدقه عند حديثه لا ان يطلقه بشكل عشوائى
اين الاحصائيات ياحميده بخصوص المخدرات ؟؟؟؟؟؟
الحديث عن دخول المخدرات كل بيت كلام غير مسئول من وزير صحه الخرطوم واصبح زى فاطمه شاش فى الاساءة للشعب
| |
|
|
|
|
|
|
|
|
|
Re: اغرب تصريحين (Re: Asim Ali)
|
مرحب قصي
شوف التصريح طالع من
طبيب
استاذ
مالك جامعة
ووزير
مش من مسؤول ما فاهم معني كل دي .. كل وليس اغلب او معظم او نسبة كبيرة
كل البيوت نفترض انو تعبير بلاغي وهو كأستاذ ومالك لجامعة بصحح الاوراق وبعرف الاحصاء . هذا التعبير يمس الوطن كلو . وقبل ما يمس الوطن بمس دورهم كسلطة . فالمخدرات لا تنزل من السماء !
ماهو دوركم في محاربتها ؟ واظننا الدولة الوحيدة الفي عالم المخدرات بتخشها بالحاويات وعبر الميناء دة براهو يستوجب التوقف فيهو
والاخطر منو بعض التصريحات في الصحف انو الشرطة متورطة .. الشرطة متورطة دة تعبير خطير .. امسكو المتورطين وقدموهم لمحاكمة
زمان في كوستي كان في اتنين تلاتة مروجين للبنقو وليس المخدرات الخطيرة الحالية
ناس الشرطة عارفينهم . وما مسكو عليهم حاجة . لكنهم يخضعون لمراقبة مرئية وغير مرئية . في بيوتهم واماكن عملهم وحركتهم
الامر قلل من الانتشار
هسة تنقبض حاويات ويعلن عنها ثم لا يقدم احدهم لمحاكمة
ما اظن في حاوية بتشحن لي بلد بدون بوليصة وبدون شركة شاحنة وبدون مستلم
دي كلها خيوط
اقول ل حميدة
ليس كل بيوت السودان وبالدليل
لعله يقصد الاحياء التي يسكنها ويعرفها
اما نحن بيوت الشعب الشعبية . صحيح في ولكنها نادرة
| |
|
|
|
|
|
|
|
|
|
Re: اغرب تصريحين (Re: عبدالحفيظ ابوسن)
|
حبابك نعومة
اها دة زول متعلم تعليم عالي بقول كدة . ويفترض حسب تخصصو ومؤهلاتو ما يطلق القول اطلاقا
لامن يتكلم يكون قدامو احصائيات وورق وكدة
عدد المتعاطين مربوط بأسرهم
ويكون عارف عدد البيوت
ولا كمان نديهو حل اسهل
يختار احياء عشوائية متعددة
ويطلع منها النسبة
لكن الكلام الزي الونسة دي وخطير لأنو صدر من وزير مفروض مجلسنا المأمون يستدعيهو
والصحافة تسكو في عقر داره وتبقا ليهو زي ودو في العزيزة
| |
|
|
|
|
|
|
|
|
|
Re: اغرب تصريحين (Re: عبدالحفيظ ابوسن)
|
حفيظ
التصريحات الغير مسؤوله لمسؤولي الانقاذ بقينا ما بنستغربه
شوف البلد ليست جمعيه خيريه -- كرار التهامي - في التيار واخر لحظه
المواطنين وسخانين وعفنين وهم البوسخو ويعفنو الاسواق - معتمد الخرطوم في سودانيه 24
كنت ببيع دولار في السوق الاسود لي ود الجبل -- رئيس الجمهوريه في فيديو منتشر
ولو كتبت لي بكره من نوعية التصريحات دي ما ح اقيف
بس عاوز اقيف في حتة ال 70 مليار للنظافه دي
وخلينا نحسبه بالارقام
اذا افترضنا انو الخرطوم فيها 3 مليون منزل ومحل تجاري وطبليه وكشك وشركه
حكومة الولاية بتتحصل رسوم نفايات شهريه متفاوته ومقسمه الى فئات
لو افترضنا انو المتوسط 20الف
ح نلقى 20000x3000000 تساوي 60 مليار
ال 10 مليار الباقيه على دواوين ومكاتب الحكومه يعني تدفعه الحكومه
طيب احنا كده دافعين حق النظافه كامل وين النظافه ؟
| |
|
|
|
|
|
|
|
|
|
Re: اغرب تصريحين (Re: علي محمد الفكي)
|
والله صحي يا منعم
العلم نور!
النور زاتو محتاج لماعون يقبل الاضاءة من خلاله
صحي
زي ما قال اخونا فيصل التفكير من داخل الاطار
الشي يا كدة يا كدة
ممكن يطلعو اطباء وطنين
| |
|
|
|
|
|
|
| |
عبدالحفيظ ابوسن
نعمات عماد
عبدالمنعم الطيب حسن
علاء سيداحمد
Asim Ali
علي محمد الفكي
فيس بوك
تويتر
انستقرام
يوتيوب
بنتيريست