الله يستر من شرابك انت خليه غريبة, ياخي كدا خلاص معناتا المريخ ح يغلب الترجي ويتصدر وما بعيد يجيب الكاس كمان!! يا ود الباهي مالك ياخ
ياود البشرى أطمئن تب وحضر الكيتة ح نحتفل يعني ح نحتفل صلاح غريبة أي حاجة مسك فيها قبرها . أنا كدة أطمانيت علي مستقبل المريخ . عصام الحاج لو عتر في الشارع يقول ليك الهلال والتجميد هم السبب
07-27-2017, 06:47 AM
عمر سعيد علي عمر سعيد علي
تاريخ التسجيل: 08-20-2015
مجموع المشاركات: 885
الهلال دخلتو رجاله ساي يا عادل . . الهلال متين عتر لينا . . ابو الهل ده بنجي ماشين فيهو فوووووو . .
الهلال خلو أنتظرو الحلاقة الليلة يأخ التجميد كلو كان ستة يوم غارزيتو قال سبب الظهور الشاحب للمريخ أمام أطفال الهلال السعودي التجميد ، عصام الحاج النهار والليل ينبح الهلال سبب التجميد ومع العلم بعد تقديم الفريق عبدالرحمن سر الختم البقية ديل كلهم اولادكم همت ، محمد جعفر قريس وسيف الكاملين وحمدتي وبرضو سبب تجميد الكورة الهلال .
07-27-2017, 10:23 AM
عادل الباهي عبدالرازق عادل الباهي عبدالرازق
تاريخ التسجيل: 10-18-2010
مجموع المشاركات: 4905
يا جماعة عادل دا بركة اليوم موعودين بمتعة شماتية كاملة الدسم تكون اجمل لو نفط العراق رشا الهلال السعودي كمان
حمد عبدالغفار ياحبوب بهدلتكم شائفا قدام عيوني شماتة ما أظن تشمتو بس نسأل الله ان ما تنهزمو هزيمة مزله أصلكم متعودين في الدورات العربية علي السبعات ولا نسيت الوحدات
07-27-2017, 10:27 AM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
فال الخير عادل ود الباهي .. بوستك ده نزل علينا بردا وبشارة لا عدمناك واتمنى أن تواصل حتى الكأس المحمولة جوا باذن الله وبشاراتك العظيمة دي
ود المشرف ياحبيب يابن عمي لافي برد ولا سلاما الله يستر من سبعة الوحدات ناسكم الشفتهم في المباراة السابقة مع شفع الهلال السعودي ما اظن يصمدو فاااشنو من الاحسن تقدم مواعيدك لتناول طعام العشاء والعاقبة عندكم في المسرات والله صحي
07-27-2017, 10:44 AM
عادل الباهي عبدالرازق عادل الباهي عبدالرازق
تاريخ التسجيل: 10-18-2010
مجموع المشاركات: 4905
عادل دا شامت ما تتغشوا فيه يا أخواني لسة الرشة بتاعة الهلال عاملة ليه إسهال
عبدالصمد ياحبوب انا ما شمتان لكن حاشمت والله من كترت ما متضايق عاوز اغمض وافتح اجد الساعة العاشرة م جاءت ، غايتو لو في إدارة المريخ رجلا رشيد تعملو يع من المباراة وتتسببو بأي سبب إنشاءالله تقولو لازم مصر تعترف بسودانية حلايب او ما حتلعبو المباراة بدل هزيمة تسير بركبها العربان والله بهدلتكم ما بندورا
07-27-2017, 10:47 AM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 24986
غايتو يا عادل بعد حرقت مراكبك كدا وما خليت لي روحك فرقة تزوغ بيها لو حصل كدا ولاّ كدا و ضفر لق ليه قلشة من مدافع و دخلها غايتو الردم الح تتردمه ما اظن المنبر شهده قريب! اقول ليك حاجة انا زاتي بجيب شوالاتي وبردمك مع الوصيفاب إلّا تلحق الخبير غايتو :)
07-27-2017, 10:50 AM
عادل الباهي عبدالرازق عادل الباهي عبدالرازق
تاريخ التسجيل: 10-18-2010
مجموع المشاركات: 4905
عادل انت متأكد ؟؟؟؟ الظاهر عليك دخلت المباراة دي قبل كده
حيدر من ناحية متأكد من زعمطة اليوم متأكد تب وفي بالي المباراة أدناة التراجي جاب القون الاول أمير كمال رفض يسلم الكورة وأخذها فيها كرت أصفر والهدف الثاني كرر جمال سالم نفس عملة أمير كمال
07-27-2017, 11:08 AM
عادل الباهي عبدالرازق عادل الباهي عبدالرازق
تاريخ التسجيل: 10-18-2010
مجموع المشاركات: 4905
غايتو يا عادل بعد حرقت مراكبك كدا وما خليت لي روحك فرقة تزوغ بيها لو حصل كدا ولاّ كدا و ضفر لق ليه قلشة من مدافع و دخلها غايتو الردم الح تتردمه ما اظن المنبر شهده قريب! اقول ليك حاجة انا زاتي بجيب شوالاتي وبردمك مع الوصيفاب إلّا تلحق الخبير غايتو :)
لالا يا ود البشرى المرة الفاتت أنا أبليسي كان صادق معاي بس الحكم الله لا تاجرو قبض المعلوم ..بعد نهاية المباراة الليلة ماحتشوف ليك وصيفابي لافي بي هنا والله بس انا الحاضرع واصوقر لا تلاوز من هسع أحتفل وصوقر والدعوة لك ولمن تعزم قصرت معاكم الصيوان وقجيتو والكراسي وجبتا وكشافات وولعتا بس منتظرين المدعوين
07-27-2017, 11:14 AM
عادل الباهي عبدالرازق عادل الباهي عبدالرازق
تاريخ التسجيل: 10-18-2010
مجموع المشاركات: 4905
انت يا عادل بتاع مشاكل اليوم داك طلعت البوست كده الجماعة مشو دفعوا 80 الف دولار للحكم الليلة ما عارفين كرم الوالي بحصل حدود القاهرة ولا حدو الخرطوم بس قياسا على المستويات الطبيعية مش البطانة بس حلايب ذاتها بتترشا
هشام المجمر ياحبوب الدولارات البتدفع تحت الطاولة والقلكسيات البتتوزع انتهي زمنا زمان جمال الوالي يشيل من اموال الدولة ويدفع هسع بنك السودان زاتو مافيهو عشرة دولار والموضوع مستحمي مستحمي بس عامل الزمن ماتلاوز زي ود البشرى أحتفل ساي من هسع وعلي ضمانتي أنا
07-27-2017, 11:19 AM
ياسر منصور عثمان ياسر منصور عثمان
تاريخ التسجيل: 01-16-2013
مجموع المشاركات: 4496
العربية للأطفال .. تووت تووت.. تووت تووت .. توت توت تتوت.. قطر صغنتوت .. توت توت .. بيجي ويفوت .. توت .. وبهل علينا .توت توت تووت .. في ميعاد مظبوط .. توووت توت .. النشيد الرسمي لفريق اشبال الهلال السعودي المشارك في البطولة العربية ! أولتراس الهلال احتفل بهدف فريقه بالمفرقعات التي وفرها من العاب العيد ! جمهور الاولتراس اضطر للوقوف علي الكراسي حتي يشاهد المباراة !
المريخ تقدم بشكوي ضد قانونية مشاركة اللاعب ناصر الدوسري صاحب الهدف لأنه شارك بجواز والده .. ورفضت اللجنة المنظمة الشكوي بعد ان تاكدت بان اللاعب مضاف في جواز والده ومن حقه استعمال الجواز كمستند رسمي ! وكان اللاعب ناصر الدوسري قريبا من عدم المشاركة أصلا ضد المريخ بسبب مشكلة تتعلق بحافز تسجيله حيث طالب بشراء عجلة (دبل) ولكن الإدارة أصرت علي شراء عجلة عادية وتم حل المشكلة بدفع فارق السعر لوالد اللاعب قبل دقائق قليلة من انطلاقة المباراة ! في اجتماع طارئ للجنة المنظمة للبطولة العربية قررت إضافة جوائز جديدة للبطولة تحسبا لفوز اشبال الهلال السعودي حيث سيتم منح كل لاعب علبة شكولاته وكرتونة بطاطس مقرمشة بالجبنة واشتراك في (سبيس تون ) لمدة عام ! جائزة الروح الرياضية فاز بها لاعب اشبال الهلال السعودي مهند فلاته بعد اعتذاره بلطف للاعب وسط المريخ راجي عبد العاطي عقب كرة مشتركة حيث قال له (انا اسف يا عمو) الاعتداء العنيف من صلاح نمر مع اللاعب عبد الله الدوسري جعله ينفعل ويقول لنمر (اصبر بكلم ليك القدرك ) محمد القحطاني .. قال لي بكري المدينة .. انت ما عرفتني يا عمو (انا ما اخو ياسر القحطاني )
غارزيتو بعد شاف أولاد الهلال السعودي كان مفروض يخلي (ولدو) يشرف علي المباراة !! غارزيتو أصلا بحب العناد ..أشرك العجائز مع اشبال الهلال وسوف يشكر الشباب مع الترجي ! القرار الصحيح كان اسناد رئاسة بعثة المريخ لعصام طلب مسؤول قطاع الشباب ! طالما ان الاتحاد السوداني رفض اشراك الهلال صاحب الحق الأصيل في البطولة العربية كان علي الأقل يختار فريق مدرسة (العشير) بودمدني علي الأقل مدربهم عندو خبرة وسبحة ! زي أولاد الهلال السعودي ديل كان عرف يتعامل معاهم بخبرة بطولة جيم .. والله انا بشاهد في المباراة اتذكرت بطولة جيم وشباب السودان وتحسرت علي الأجانب الدافعين فيهم بالدولار عشان يلعبوا ضد أطفال وما يفوزوا كمان .. بالمناسبة جمال سالم وين ؟ فقد كان احق بالمشاركة .. علي الأقل هو مسجل في فريق الرديف ! كان من المفترض ان يؤدي المريخ مباريات ودية في تونس مع شباب ترجي جرجيس ورديف مستقبل المرسي واولمبي قوافل قفصة !
عصام الحاج حمل مجموعة الثلاثين من ابريل مسؤولية الأداء السلبي للمريخ ! أما متوكل فقد حمل المسؤولية لعنصر المفاجأة . حيث قال ان المريخ كان يستعد للفوز بالبطولة الافريقية وفجأة وجد نفسه يستعد للفوز بالبطولة العربية ! اذا انهزم المريخ من الترجي هزيمة كبيرة فان عصام الحاج سيعود لتحميل جمال الوالي هزائم المريخ ! نتوقع مقالات ساخنة عن الصرف البذخي والفوضي الإدارية في المريخ بقلم عصام الحاج في احدي الصحف الهلالية ! من الواضح انو المريخ يقترب من موسم (الخبت) بس المشكلة ما حنستمتع بمباريات (الخبت) كما استمتعنا أيام سيطرة عصام الحاج علي المريخ لان المريخ يرفض المشاركة في الدوري الممتاز ..رائك شنو يا عصام تشاركوا في دوري الرديف بعد الاستفادة من تجربة شباب الهلال السعودي ؟! مش فكرة حلوة !
خالد ود عزالدين
07-27-2017, 12:40 PM
عادل الباهي عبدالرازق عادل الباهي عبدالرازق
تاريخ التسجيل: 10-18-2010
مجموع المشاركات: 4905
عادل انت مطشش شكلك مبهدلنا زي ما قالو ليك الجماعة ان شاء الله
المريخ يغلب عشان نردمك مع الجماعة
يا حمد والله فعلا مطشش نسيت أنك تبع سيد البلد فتحت البوست من الصباح وكنت مشغول والقهوة ما شربتها شفقة مني سااي لكن بيني وبينك يأخ ادخل واسطة بيني وبين ود البشرى دا بيهدد فيني لكن لا قدر الله لو جاءت الرياح بما لا تشتهي السفن انا بعمل زغبير وانت اعملو غمرانين مافي داعي نحن جمهور سيد البلد نقطع بعضنا قدام الوصيفاب
07-27-2017, 01:05 PM
عادل الباهي عبدالرازق عادل الباهي عبدالرازق
تاريخ التسجيل: 10-18-2010
مجموع المشاركات: 4905
لا متأكد مائة في المائة عشان كدة ماحأعمل حساب تب ود البشرى ملاوز ساي لو عاوز نصيحتي افرح وزاتطط من هسع الرش جاي جاي بس عامل زمن وتعود العرجاء لاستادها .
07-27-2017, 01:19 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12477
حبيبنا عادل مودتي .. نحن هلالاب من زمن جكسا وكوارتي أهم حاجة عندي في الدورة دي .. الكاس يكون بعيد عن فرق مصر والسعودية أول مرة و المريخ في العمر الطويل ده لكن خذلنا شوية أمام هلال سعودية
هزيمة هلال السعودية كانت مهمة عندي عشان إخوانا السعوديين زملاء العمل ونسة وعكننه ( طقطقه ) كمان هم بحبوا المزح ورفع ضغط السوداني ..
شكراً عادل .. أحب أقرأ بوستات الكورة .. خاصة العكننة السودانية الجميلة ..
ههههههههه ..انت بتجيب لينا المشاكل ساي ياباهي .. المرة الفاتت عملتها وزغت خليتنا قاعدين دروة للدلاقين .. رجمونا رجم جمرة العقبة .. .. غايتو كان لفقت معاك المرة دي الله أداك .. لكن كان جبتها لينا زي المرة الفاتت .. الله قال بي قولك ..
حبيبنا عادل مودتي .. نحن هلالاب من زمن جكسا وكوارتي أهم حاجة عندي في الدورة دي .. الكاس يكون بعيد عن فرق مصر والسعودية أول مرة و المريخ في العمر الطويل ده لكن خذلنا شوية أمام هلال سعودية هزيمة هلال السعودية كانت مهمة عندي عشان إخوانا السعوديين زملاء العمل ونسة وعكننه ( طقطقه ) كمان هم بحبوا المزح ورفع ضغط السوداني .. شكراً عادل .. أحب أقرأ بوستات الكورة .. خاصة العكننة السودانية الجميلة .
استاذنا علي عبدالوهاب حياك الله يامك
الكأس ما بيطلع من الترجي والفتح الرباطي المغربي ولو جاءت مفاجاءة ممكن الفيصل الاردني او الوعد اللبناني . المريخ لا آمل له من قبل ما تبتديء البطولة حظوظو ضعيفة . ما معقولة صلاح نمر سنونو وقعن وبكري المدينة جلحاتو وصلن فقرتو وراجي عبدالعاطي بيلعب منذ نميري كان رئيس يقدرو يجارو الشفع بتاعين شمال افريقيا هم حيترشو حيترشو بس إنشاءالله ما تحصل سبعات الوحدات الاردني
07-27-2017, 01:45 PM
عادل الباهي عبدالرازق عادل الباهي عبدالرازق
تاريخ التسجيل: 10-18-2010
مجموع المشاركات: 4905
دي البطولة الوحيدة البشجع فيها المريخ وبتمنى المريخ يغلب لكن لو جابت ليها خمسات وسبعات برضو بتبسطنا :)
عثمان الامام حبابك
تعرف كأس مانديلا والمريخ لاعب في نيجيريا أخوي الكبير وصيفابي والله يا عثمان عملت فيها وطني وشلتا علم المريخ . اليوم الوحيد الشلتا فيهو شعار للمريخ وقلبي مابي الشعار ومتحمل عشان الوطن واخوي مبسوط جدا مني وفعلا المريخ شال الكأس وطلعت معاهم الشارع أهتف فرحا لمن حلقي وجعني ورجعت نمتا أها أخوي كان خائف من الشماتة ولمن ضمن الفوز بالبطولة أنا نائم الساعة الكبسني بقناية قمتا مجنون كلو كلو وقعد يضحك زريبة العيش ووو ومن الزمن داك حلفتا لو المريخ لاعب مع بطل تل ابيب ما أشجع المريخ .
ما أظن تحصل سبعات لكن الخمسات الاربعات واردة بشدة
07-27-2017, 01:53 PM
عادل الباهي عبدالرازق عادل الباهي عبدالرازق
تاريخ التسجيل: 10-18-2010
مجموع المشاركات: 4905
ههههههههه .. انت بتجيب لينا المشاكل ساي ياباهي .. المرة الفاتت عملتها وزعت خليتنا قاعدين دروة للدلاقين .. رجمونا رجم جمرة العقبة .. .. غايتو كان لفقت معاك المرة دي الله أداك .. لكن كان جتها لينا زي المرة الفاتت .. الله قال بي قولك ..
هيييع ودالقوز حمالة التقيلة
الوصيف بيتزعمط بيتزعمط لكن لا قدر الله لو حصلت حاجة كدة ولا كدة امسك مني ود البشرى وحمد عبدالغفار أما أعدائي فأنا كفيل بهم يا جمال القوز هسع نظرة ساي كدة عواجيز الوصيف بيقدرو يجارو لاعبي الترجي الله تعلم .
07-27-2017, 03:28 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12477
الحبيب عادل .. مودتي أحلى حاجة الزمالك راح كمان وعقبال الاهلي عشان خلقة مرتضى منصور .. أكره الزمالك كمان .. هلال السودان لو شارك وفاز كان 2 مليون دولار كمل باقي الاستاد ( الجوهرة )
واصل الحبيب عادل .. أتمنى البوست يكون إلى نهاية الدورة
07-27-2017, 03:49 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
تصدق !!! عجبتنى صورة بروفايلك الجديدة اجمل ميزة فى الجلابية سهولة اللبس و الملص مش زى القميص و البنطلون اب حزام و عشان تقلعو اول حاجة لازم تقلع الجزمة عيييييك ... شغلانة تقوّم النفس
07-27-2017, 04:06 PM
mohmmed said ahmed mohmmed said ahmed
تاريخ التسجيل: 10-25-2002
مجموع المشاركات: 8788
ان شاء الله يا عادل نفوز ولو ما فزنا المهم نلعب مباراة كويسة تثبت النجوم الجدد فى المريخ وتبنى الفريق لقدام
عجبنى كلام عثمان الامام والله ما طالبنى حليفة اى مباراة للهلال مع فريق اجنبى بشجعو ا ياريت غارزيتو يبدا بتشكيلة صاح وما يبدا براجى ونمر ويكلم تالا ومارسيل بفكرة انو لاعب الارتكاز برضو ممكن يقوم بمهام هجومية والكورة تمشى لى قدام ما لى ورا والسمانى يعكس من الطرف ما من وسط الملعب ويلعب ضفر طرف يمين ويقدم عجب ومحمد عبد الرحمن يسيب الانانية وبكرى المدينة يرمى لوبانتو الكريهة دى يازول انا بقيت مدرب عديل من كترة الافتاء
07-27-2017, 05:01 PM
عادل الباهي عبدالرازق عادل الباهي عبدالرازق
تاريخ التسجيل: 10-18-2010
مجموع المشاركات: 4905
الفيديو القادم لزوجة مدرب فريق العهد اللبناني ليهم حق بالامس حماس ساي يهزمو الزمالك . والله لبنان دي تشهيك أي حاجة السياحة والفن والرياضة تالله الوصيف لو بيسوق نوعية زي دي لو كان لعب بصلاح غريبة وود الباوقة وصديق مهدي يتأهل للدور القادم
07-27-2017, 05:03 PM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11825
هاهاها يا حليل جادات انت يا ود الباهي بعاتي؟ الردم الردوك ياهو دام في موقعة ذات المسمارين قمت منو كيف؟ انصحك من هسع تتعشى لو ماكنت عملت الغداء والعشاء جمع تقديم لانو الردم الجايي بالخرصانة المصلحة.
07-27-2017, 05:18 PM
عادل الباهي عبدالرازق عادل الباهي عبدالرازق
تاريخ التسجيل: 10-18-2010
مجموع المشاركات: 4905
أحلى حاجة الزمالك راح كمان وعقبال الاهلي عشان خلقة مرتضى منصور .. أكره الزمالك كمان .. هلال السودان لو شارك وفاز كان 2 مليون دولار كمل باقي الاستاد ( الجوهرة ) واصل الحبيب عادل .. أتمنى البوست يكون إلى نهاية الدورة
حبيبنا علي عبدالوهاب والله أنا بالامس الليلة كلو بضحك مرتضي منصور مافي زول قدر عليهو من المدربين غير اوناسيو البرتغالي قعد ليهو شوكة حوت آخر حاجة قال المدرب قابض من منافسية في الانتخابات بنزل ليك فيديوهات لمرتضي للضحك أما المواصلة في البوست لو حصل الفي بالي بالك بواصل ولو قدرالله ماشاء فعل أنا زاتي نازل إجازة إستجمام
دا بعد هدف العهد اللبناني هههههه
ودا قبل المباراة بيقول للكابتن شيكابالا المدرب متآمر علي الفريق ومجنون ههههههه
07-27-2017, 05:24 PM
عادل الباهي عبدالرازق عادل الباهي عبدالرازق
تاريخ التسجيل: 10-18-2010
مجموع المشاركات: 4905
تصدق !!! عجبتنى صورة بروفايلك الجديدة اجمل ميزة فى الجلابية سهولة اللبس و الملص مش زى القميص و البنطلون اب حزام و عشان تقلعو اول حاجة لازم تقلع الجزمة عيييييك ... شغلانة تقوّم النفس
جلالدونا ياحاقد أطمئن جلابتي دي مابقلعا الي بعد ما الكيتة تشتغل والصقرية بعد كم ساعة هنا للركز والجلد ، ناس برشا برشا ديل أنا بحبهم مزيين مابيخذلوني خلي الوصيفاب يجهزو نعلاتهم في ايديهم للجري .
07-27-2017, 05:31 PM
عادل الباهي عبدالرازق عادل الباهي عبدالرازق
تاريخ التسجيل: 10-18-2010
مجموع المشاركات: 4905
ان شاء الله يا عادل نفوز ولو ما فزنا المهم نلعب مباراة كويسة تثبت النجوم الجدد فى المريخ وتبنى الفريق لقدام
فوز غايتو نهي لكن بعد تصلي المغرب أدعو لهم بالثبات ما يحلقو ليهم زلبطة
عجبنى كلام عثمان الامام والله ما طالبنى حليفة اى مباراة للهلال مع فريق اجنبى بشجعو
عثمان الامام كلامو كلام جوامع ساي ههههه بعد ما الوصيف يتهبد والكيتة تدور أول زول بتلقاهو في الداره هههههه
ياريت غارزيتو يبدا بتشكيلة صاح وما يبدا براجى ونمر ويكلم تالا ومارسيل بفكرة انو لاعب الارتكاز برضو ممكن يقوم بمهام هجومية والكورة تمشى لى قدام ما لى ورا والسمانى يعكس من الطرف ما من وسط الملعب ويلعب ضفر طرف يمين ويقدم عجب ومحمد عبد الرحمن يسيب الانانية وبكرى المدينة يرمى لوبانتو الكريهة دى يازول انا بقيت مدرب عديل من كترة الافتاء
هي عاد غارزيتو تطير عيشتو يولد ليكم لاعبين ؟ دا المتاح عندو معقولة يأخ عندنا جارتنا تخرجت داية ( قابلة قانونية ) في الفترة الجاء فيها كلتشي للسودان محترف وهسع جارتنا نزلت المعاش وكلاتشي لسع بيلعب
07-27-2017, 05:36 PM
عادل الباهي عبدالرازق عادل الباهي عبدالرازق
تاريخ التسجيل: 10-18-2010
مجموع المشاركات: 4905
هاهاها يا حليل جادات انت يا ود الباهي بعاتي؟ الردم الردوك ياهو دام في موقعة ذات المسمارين قمت منو كيف؟ انصحك من هسع تتعشى لو ماكنت عملت الغداء والعشاء جمع تقديم لانو الردم الجايي بالخرصانة المصلحة.
صلاح جادات أنتقل الي الدعوة السرية وانت ذاتك بعد المباراة خائفك تحصلو مافي اي ردم الليلة أنا واثق الف في المائة عشان كدة وزعت رقاع الدعوة من فترة كافية أنا خليني أنت أتناول عشاءك بدري بدري والله صحي
07-27-2017, 07:44 PM
حمد عبد الغفار عمر حمد عبد الغفار عمر
تاريخ التسجيل: 06-06-2008
مجموع المشاركات: 7662
المريخ لا لعب لا اخلاق لا مهارات ديل جابوهم من وين؟؟؟؟ بكرى ضرب التونسى وبعد وقع عفص على رجله وكمان عايز يضارب الحكم زوط 2-صفر للترجى فضيحة الشؤم يا ود الباهى تعازينا دا مش المريخ الكنا بنشجعو منذ الطفولة
07-27-2017, 09:52 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
يا ود البشرى اعان الله جمهور الزنطور من ما لاقوة من إبتلاء نحن لعبنا كورة أول ما اللاعب يقعد يشلت ويعمل في الفاولات ويتنرفز علي الحكم تعرف طوالي اللياقة تك . هم لاعبي الوصيف في تونس كانو فاضين من الرقيص ممكن عادي إدارة الزنطور في التسجيلات الشتوية تفاوض فيفي عبدو ودينا وصافيناز
يا ود البشرى خليك عادل أنا كنت بستمع للتعقيب على التحكيم في أبوظبي وأكدوا على الآتي: ضربتي جزاء غير محتسبتين للمريخ وبطاقة صفراء مستحقة في أول المباراة على اللاعب الذي ضرب بكري المدينة من جانبي أرى أن هدف المريخ الذي لم يحتسب صحيح هدف الترجي الأول الكرة خرجت من الخط ومفروض كانت تكون رمية خط هدف الترجي الثاني نتج من تسلل التحكيم ظلم المريخ ولكن رغم النقص المريخ أدى مباراة كبيرة
07-27-2017, 10:57 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
طيب يا عبد الصمد ما تاخد كل اراء خبير التحكيم في قناة ابوظبي هو قال ضربة جزاء واحدة ما اتنين وفي نفس الوقت اكد على صحة الهدفين و الأخطر قال كان يجب طرد ثلاثة لاعبين من الريخ امير كمال ومارسيال و محمد عبد الرحمن!! يعني كنت ح تكمل الكورة بسبعة لاعبين ! تخيّل! هو انت بي عشرة الكورة كانت بالنسبة للترجي عبارة عن تمرين نسبة الاستحواذ و التمريرات الصحيحة ستكون قياسية على مستوى البطولة الناس ديل لعبوا بأقل مجهود بل وباستهتار راسه عديل رغم كدا غير القونين اضاعوا تلاتة تاني وانت لك تهديفة او اتنين طيلة المباراة
07-27-2017, 11:05 PM
عادل الباهي عبدالرازق عادل الباهي عبدالرازق
تاريخ التسجيل: 10-18-2010
مجموع المشاركات: 4905
يا عبدالصمد بنفس منطقك التحكيم نقض للهلال كم قون امام النجم الساحلي بتونس وايضا هدف بشه في المريخ لكن برضو فررر طرنا واكلناها علي اللبادة شماعة التحكيم دي ما بتقسم معانا . لعيبة المريخ فضحونا أنهزمو في المغرب دقو الصحفيين واشتغلو ملاكمة واليوم ايضا فضيحة . مفترض يمنعو فاقد المريخ التربوي من المشاركات الخارجية والله صحي
زووووووووط بالكاكاو
07-27-2017, 11:17 PM
عبد الصمد محمد عبد الصمد محمد
تاريخ التسجيل: 12-12-2004
مجموع المشاركات: 1402
لا يا ود البشرى هو قال التانية برضو ضربة جزاء لكن الحكم عمل بمبدأ إعطاء الأفضلية للعب وإمكن حاول يبرر تبرير ما مقبول إنه دخول محمد عبدالرحمن خاّى اللاعب المغربي ما عندو خيار غير يقع على لا عب المريخ بس دا ما مبرر أبداً. كلامك صاح في الحاجات التانية عشان كدا أنا قلت من رأيِ أنا. المهم ولله أنا متفائل جداً بالشباب ديل وحرام يا عادل تقول فضيحة ولله أدوا أداء جميل وكل المعلقين أجمعوا أن حال المريخ قبل الطرد كان أحسن من الترجي وأنه لولا الطرد لكانت نتيجة المباراة مختلفة لكن رغم هذا لم يستسلموا. أعتقد أن هذا الفريق أمامه فرصة بإعتبار أعمار معظم والمدرب الممتاز لبناء فريق ذو مستقبل بس لازم يتخلصوا من كل المحترفين لأن الهدف من إستجلاب محترف هو أداء مهمات صعبة ولكن هؤلاء مستوياتهم أقل من اللاعب الوطني. أتمنى إستجلاب ولو محترف واحد ذو خبرة ومهارات عالية
عارف الناس دي بكره حا تحفظ كلام وتلف بيهو واي واحد يكتب ليك لا حول ولاقوة الا بالله ..والمريخ لازم ينسحب من البطوله الفاشله دي وووو كلام بقي مستهلك ومحفوط
07-27-2017, 11:38 PM
Maawya Hussein Maawya Hussein
تاريخ التسجيل: 12-27-2007
مجموع المشاركات: 10136
لقطه الهدف التاني بتوري الفارق الكبير بي لاعبي الترجي ولاعبي المريخ لو اصلا في مقارنه
في اللقطه 8 من لاعبي المريخ مركزين مع اللاعب صاحب الباص وتاركين 5 من لاعبي الترجي في حاله حريه كامله ..اول ما الباص اتلعب كان 3 من لاعبي الترجي في مواجهه مرمي المريخ .. لاهب الترجي رغم العدد الكثيف للاعبي المريخ كانت عندو تلاته حلول ساهله لوضع لاعبي الترجي الاقرب لمرمي المريخ
الخيار الاول التمرير للجناح اليمين والخيار الثاني وضع الجناح الشمال في حاله انفراد والخيار التالت وضع الـ 3 لاعبين في حاله انفراد
07-28-2017, 05:45 AM
mohmmed said ahmed mohmmed said ahmed
تاريخ التسجيل: 10-25-2002
مجموع المشاركات: 8788
بعيد عن النصر والهزيمة كنت اتمنى ان يؤدى المريخ مباراة جيدة وهذا ما لم يحدث الهدفان من قلب منطقة وسط الدفاع ولو عدنا لعدد من مباريات المريخ الاخيرة وشاهدنا الاهداف التى تلج مرمى المريخ اى مشاهد عندو معرفة بكرة القدم يلاحظ مشكلة قلب دفاع المريخ ..مستوى النيجيرى كونلى فى تراجع وتدهور مستمر نمر لايجيد التمركز ويلعب بعنف زايد..امير كمال بطىء ولا يقفز للكرات العالية باسكال سىء وغارزيتو مصر عليهو وضفر افضل منو فى الطرف الايمن محمد عبد الرجمن مارس الانانية وكان ممكن يهدى باص للنعسان وهو فى وضع افضل وسدد برعونة مارسنا عنف ضد لعيبة الترجى وخاصة تالا ومارسيل اللاعب السودانى يفقد تركيزه ويهتز بسهولة توجد اخطاء تحكيمية ولكنها ليست مبرر ولانريدها شماعة
الهزيمة محزنة ومريرة وما يزيد هو المستوى الضعيف
غارزيتو دا الشرط الجزائى فى عقدو كم
07-28-2017, 06:10 AM
mohmmed said ahmed mohmmed said ahmed
تاريخ التسجيل: 10-25-2002
مجموع المشاركات: 8788
فى الاستديو التحليلى قبل المباراة تحدث حازم امام وميدو وابو العلا عن ضعف دفاع المريخ حازم امام قال دفاع المريخ يقع فى اخطاء وتوجد مشكلة فى قلب الدفاع ويمكن المرور منه بسهولة والترجى يخترق من العمق وهذا ما حدث هدف مباراة الهلال السعودى وهدف الترجى الثانى مرور فى غاية السهولة عبر تمريرات قصيرة من عمق دفاع المريخ لاعب قلب الدفاع يجب ان يتميز بالتوقع وقراءة حركة اللاعب وحركة الكرة مع المرونة وسرعة رد الفعل
07-28-2017, 10:04 AM
حمد عبد الغفار عمر حمد عبد الغفار عمر
تاريخ التسجيل: 06-06-2008
مجموع المشاركات: 7662
والله يا معاوية مافي حاجة مضيعا الفرق السودانية غير تطبيل الصحف الرياضية زي ناس مزمل ابوالقاسم والرشيد علي عمر وأشباههم البيبيعو الوهم للناس كل ما فريق يخروج خروج مذل ما بيجلدو الادارة واللاعبين طوالي الشماعة التحكيم والمدراء الفنيين للاندية . زي بكري وامير كمال لو في إدارة بتعرف كورة طوالي يوقفو نشاطهم ويتحولو للتحقيق لكن مادام الادارة والصحف في صفهم طوالي ياها الفضائح دي في المغرب تحولو لملاكمين وبالامس كذلك وحيستمرو علي هذا الحال بقت عليهم لا كورة لا أخلاق .
07-28-2017, 12:28 PM
عادل الباهي عبدالرازق عادل الباهي عبدالرازق
تاريخ التسجيل: 10-18-2010
مجموع المشاركات: 4905
يا محمد سيد أحمد المشكلة مافي غارزيتو براهو لو حملنا المدير الفني 30 في المائة للمدبر الادارة اللاعبين 70 في المائة من الفشل لو عاوزين تحاسبو حاسبو رئيس بعثة معسكر المريخ لتونس تيم معسكر ولاعليهو ضغط البيخلي اللياقة الدنية منتهية شنو لو اصلا كان بالمعسكر اعداد بدني لكن شكلو كدة حسب ما شفنا مقطع فيديو الرقيص في الشارع اللاعبين والادارة الفنية ورئيس البعثة قضو معظم وقتهم للتجول بالاسواق والصرمحة ووصلو القاهرة جنائز ودا بالتالي الخلاهم يتحولو لملاكمين ونرفزة مافي داعي ليها . لن تتقدم الكورة السودانية مادام روساء الاندية رجال اعمال يديرون الكورة بعقلية تجارية وحولهم سماسرة منتفعون بجلب اللاعبين المواسير الفاشلين وشغالين رزق اليوم باليوم .
07-28-2017, 12:49 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
في هذا البوست وقبل ساعات قليلة من وفاتك استعرت ضحكتك الشهيرة هاهاها ولانني افتقدك كما الاخرين قلت " حليل" جا دات حيث لم ادر انك ساعتها كنت تصارع الفراق الابدي. وتاني يا حليلك ورحمة الله عليك
07-31-2017, 04:55 PM
mohmmed said ahmed mohmmed said ahmed
تاريخ التسجيل: 10-25-2002
مجموع المشاركات: 8788
بعملية جرد بسيطة بحساب الربح والخسارة فى مشاركة المريخ فى الدورة العربية
نرصد بصورة عامة الحسائر
خسر المريخ البطولة وخسر الصعود للدور الرباعى خسر الاداء وتدهور فى مستوى اسماء اصحاب الخبرة مثل راجى امير كمال نمر بكرى والمحترفين باسكال تالا مارسيل كونلى وتمرد جمال سالم خسارة على مستوى السلوك بطرد بكرى ومارسيل واعتداء امير كمال على لاعب من غير كرة خسارة على مستوى عدم ثبات التشكيلة وعدم التوافق على طريقة الاداء والخطة
حساب الربح ظهور شباب المريخ باداء جيد امثال التكت التش النعسان الحارس عصام ..احمد ادم ابراهيم جعفر مباراة امس افضل تموين لخط الهجوم من خط الوسط
غازريتو خاض عدد كبير من المباريات ولم يصل الى تشكيلة مناسبة ولم يكتشف القدرات معلق قناة ابوظبى استغرب من تعليق غارزيتو عن هشاشة نفسية اللاعب السودانى وقال هو اكتشف فى البطولة ليه هو كان بيدرب فريق تانى
المريخ يحتاج لغربلة فى للمحترفين والبحث عن قلب دفاع ولعيبة ارتكاز
07-31-2017, 05:49 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
مرصودة للاسف يا محمد وحايمة في النت من الصباح مع تعليقات بايخة شوف المصور ولا المخرج عمل زووم وكمان تابعه بكاميرا تانية. اكيد مصري ابن ستين عايز يعمل بيها برنامج وسخرية من الزول السوداني النايم
08-01-2017, 07:27 AM
mohmmed said ahmed mohmmed said ahmed
تاريخ التسجيل: 10-25-2002
مجموع المشاركات: 8788
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عادل الباهي عبدالرازق
محمد البشرى الخضر
عمر سعيد علي
محمد المسلمي
حمد عبد الغفار عمر
محمد حيدر المشرف
حيدر حسن ميرغني
هشام المجمر
ياسر منصور عثمان
Maawya Hussein
يوسف الطيب احمد إدريس
علي عبدالوهاب عثمان
جمال ود القوز
جلالدونا
mohmmed said ahmed
MOHAMMED ELSHEIKH
Hassan Farah
معاوية المدير
Zakaria Fadel
على محمد على بشير
فيس بوك
تويتر
انستقرام
يوتيوب
بنتيريست