|
|
|
 Re: الاختفاءات الغامضة في السودان خطر يهدد حي (Re: محمد نور عودو)
|
هذه الرسالة وصلتني توا .
في ال WhatsApp
****
هام...... هام..... هام
مساء الخير ،،، معليش بس لازم تقري محتوى البوست ده مهم شديد ،، زي ما عارفين اليومين ديل في ظواهر اجراميه ظهرت في العاصمه وللان ماف زول قدر يعرف هويتهم يعني هل هم جماعه مدعومه ولا افراد منفصلين ده ما مهم طالما ماف حاجه ثبتت بس بالجد الوضع بقى خطير شديد بالذات الايام دي الوضع ممكن يصل لي (تهديد الوضع الأمني للبلد) لانو حركة الافراد ديل ما طبيعيه ،،بدت بالبنت القطعوها في جبره ،والعريس اللقو بطنو فاضيه ،،والنسوان الهاجموهم بالسواطير وصاحب السوبر ماركت ال برضو هاجموهو وهو في حالة غيبوبه الان ، وغيرها من الحوادث يلا من المتوقع انو يزيد نشاطهم لانو بدو يتكشفو وفي الاغلب هي تجارة اعضاء لانو الضحايا معظمهم بكون في اعضاء مفقوده فيهم ،
يلا عشان م اطول عليكم ،،علييييكم الله كل وحده سواء ام او اخت او صحبة تنبه اكبر عدد من الناس البتعرفهم وكل ام تنتبه على اولادها وما يطلعو براهم وتتطمن عليهم لمن يطلعو المدرسه ولمن يرجعو وياريت كل أم تحرص على انو تجيب ولدها او بنتها بنفسها لان. ماف ضمان والله الزمن بقى كعب شديد بقينا عايشين في غابة وسط ناس ما عندها رحمه وما تخلو اولادكم يطلعو براهم يعني اللعب في الشارع وجمب الباب زي زمان ما بنفع احرصو انو يكونو قدام عيونكم طول الوقت وما ترسلوهم براهم لأي شي
وبالنسبه ل بنات الجامعه عليك الله وعليك الله وعليك الله خلي بالك من نفسك ما تتطلعي بعد المغرب واحرصي انك تكوني في البيت قبل المغرب وما تركبي هايس خاااالص حتى لو فيها ناس ولا ركشه ولا امجاد بس الحافلات الكبيره دي بس والبسي لبس طويل وواسع الناس نفوسا بقت كعبه حافظي على سلامة نفسك ولو عندك اخوان صغار انتبهي ليهم طوالي وكوني معاهم ما تخليهم يغفلو منك
وكمان علييكم الله الاولاد الشباب كل اسره فيها اولاد شباب عاادي ممكن يجو متأخرين نبهووهم وحذروهم لانو خطر الحاجه دي زمان المجرمين بخطفو الاطفال بس لكن اسه بقى ماف حتى الشاب والراجل الكبير والمره الكبيره والبت وكلو عشان مسلحين وبكونو مجموعه ما واحد بالجد الزمن بقى كعب ،لي كل وحده في القروب نبهي ولدك او اخوك او خالك او اي ولد ليك بيهو صلة قرابه عشان يحافظ على حياتو يرجع البيت بدري والله موقف حصل لي صاحب اخوي راجع امبارح من لمة اصحاب الساعه 12 بالليل وماشي على البيت بي رجلينو وقفت هايس فيها اربعه راكبين قالو ليهو اركب نوصلك بس رفع رجلو الاولى داير يدخل راسو انتبه انو في زول جوه سوري زي المكتف طوالي جرا نزلو اتنين جرو وراهو بس انقذوهو بتاعين الدكان النايمين بره لمن قامو ديلك جرو مشو على الهايس ركبو وجرو،،، وفي مره مفقوده في ابو ادم ربنا يردها ي رب
طولت عليكم بس بالجد الموضوع خطر خلو بالكم ونبهو بناتكم واولادكم واخوانكم واخواتكم واي زول بتعرفوهو
ربنا يرفع البلاء مننا يا رب ويحفظنا ويغطينا
ساعدوني بالنشر.
**
انتهت الرسالة.
****
اللهم احفظ السودان .
و أهل السودان من كل شر.
عزالدين عباس الفحل
ابوظبي
| |
  
|
|
|
|
|
|
|
|
Re: الاختفاءات الغامضة في السودان خطر يهدد حي (Re: محمد نور عودو)
|
موضوع هام يا محمد يتم تناوله موسميا فقط عندما يصدم الناس بحالة بعينها،
في الماضي ، ولندرة حدوثها ، كانت مثل هذه الحالات يؤرخ بها ، لكنها الآن أصبحت
شبه يومية الحدوث، مازلت أعجب لظروف الإختفاء كحالة الطفله التي اختفت في المهد
وبين أهلها وظلت صورتها في بروفايل عزيزنا عضو المنبر سعدالدين عبدالرحمن لعدة سنوات.
خرج أحد أقاربي من بيته بمدينة الرياض بعد أن صلى المغرب لشراء بعض احتياجات المنزل
من بقاله مجاوره ، هو شاب متزن وسعيد مع زوجته وطفلتيه، لم يعد لهم مرة أخرى،
مضى على تلك الحادثه أكثر من عشر سنوات. لم يترك أهله مدينة أو دوله قريبه أو بعيده
أو اي جهاز أمني ولا فائده حتى رحل الأب والأم بحسرتهما..
عشر سنوات وزوجته الصابرة تنتظر متشحة بثوب حداد..
بالطبع تحدث حالات الإختفاء حتى في الدول العظمى لكن ملفاتها لاتنتهي في
الأضابير ، وكثيرا ما يتم الوصول إلى نتائج ولو بعد سنوات ، فهل تتعامل
أجهزتنا بنفس طويل مع تلك الحالات رغم فارق الإمكانيات؟
| |
|
|
|
|
|
|
|
|
|
Re: الاختفاءات الغامضة في السودان خطر يهدد حي (Re: محمد المرتضى حامد)
|
⚠خطر⚠مافيا تجارة الأعضاء البشرية تنتقل الي السودان..
سيارات مظللة وبدون لوحات تخطف النساء والأطفال ليل نهار!!
قائمة بأسماء بعض الذين تم اختطافهم وبيعهم في الفترة الأخيرة.
كتبت: سمية هندوسة:-
حينما كنا نتابع ما يحدث للاخوة الاثيوبيين و الاريتريين في اراضينا من خطف و اتجار بالبشر و نزع أعضائهم و بيعها من قبل عصابات تجارة الاعضاء كنا ندرك بانه ستدور الدوائر يوما علينا ، لذلك تحدثنا و كتبنا و اقمنا المؤتمرات و وقفنا بقلب لندن يوم ٢١/١٠/٢٠١٤ احتجاجا علي انتشار ظاهرة الاتجار بالبشر و تجارة الاعضاء و ذلك ايمانا منا بحق كل انسان في ان يكون اَمنا و حرا لا يجوز استرقاقه او نزع أعضائه ، و حينما وثقت لبعض ضحايا الاتجار بالبشر في مصر و كتبت افاداتهم كثيرا في مقالات كنت ادرك خطورة ما قالوه بانه يتم اعتقالهم بشكل رسمي من المقاهي و المزارع التي يعملون بها و من الشوارع المكتظة بدعوي ان من يفعلون ذلك يفعلونه بكل جراة و كانما يمارسون مهماتهم العملية ، تتوقف عربة بوكس و تجمع الاريتريين و الاثيوبيين من المقهي و هم يصيحون شرطة الأجانب و يشيرون انت و انت و انت اخرجوا اقاماتكم و من دخلوا غير قانوني تفضلوا بالصعود الي السيارة ، و كان بعضهم يقيم قانوني و اخرون سودانيين بالفعل و لكنهم لا يجادلونهم يطلبون منهم الصمت و ان يقولوا ما يودونه في القسم ، و بعد ان تخرج العربة تقطع مسافات بعيدة ليتم تسليمهم لعصابات الرشايدة التي تقوم بتوثيقهم اولا ثم تتفاوض علي اسعارهم حسب الرأس ، و ما بين قبضتهم تحت يد عصابات الرشايدة و بيعهم لعصابات بدو سيناء يعانون ما لا يخطر علي بال احد من كافة انواع الانتهاكات التي يتعرضون لها من تعذيب و احراق بالبلاستيك الذي يتم تسيحه و اغتصاب و تشويه للأعضاء التناسلية الي ان يتم دفع الفدية التي تترواح بين ٢٠ الي ٣٠ الف دولارا ليفرج عنهم او يتم بيعهم كقطع غيار و يتم نزع كليتيهم و شريحة الكبد و طبلتي الاذن و قرصي الركبتين و الخصيتين لدي الرجال و الأرحام لدي النساء و قرنتي العين ، ثم ترمي جثامينهم في صحراء سينا ليعثر عليهم و يذهب بهم الي مستشفي الطور و تحفظ جثامينهم بثلاجة المشرحة و حينما ياتي الدكتور حمدي العزازي ليتسلم الجثمان ليقوم بدفنه في المقبرة التي اشتري ارضها خصيصا لدفن جثامين الضحايا اكراما لانسانيتهم ، كان يقوم بغسل الجثمان و تكفينه بعد ان بجده بلا عيون و مفتوح البطن و حينما يتسلم اذن الدفن كان يجد ما كتب علي التقرير الطبي بان سبب الوفاة هو الحوع او العطش مما اضطراه لتصوير الجثث لزوم التوثيق ، كان يحدث ذلك في مصر و لكن البداية عادة ما تكون من السودان ، كنا ندرك بان اطماع عصابات الرشايدة و بعض منسوبي الامن و الشرطة و الجيش ستجعلهم يوما ما يلجأون لخطف المواطنين من الشوارع كما يفعلون مع الاخوة الاريتريين و الاثيوبيين و يتم اخذهم من ذات الشوارع ، و قد حدث ما حسبناه و بشكل اكثر خوفا و ترويعا ، اصبح يتم الخطف بشكل رسمي و بذات الطريقة حيث ان يدعي الخاطفون بانهم ينتسبون الي جهاز الامن و يطلبون من الضحية الصعود اما بالنسبة للاطفال فانهم ياخذونهم من الاماكن العامة و المكتظة و يقولون للماره بان هذا الطفل هارب من اسرته و تلقينا اشارة و الان والدته او والده في طريقهم لاخذه ، فيساعدهم الماره للاسف في ادخال الطفال الي عربتهم الهايس المظللة و التي بلا ارقام عادة ، و للاسف جميع الذين تم فقدهم من وجدوا منهم وجدوا بلا اعضاء و مشوهي الوجه ليتم التعرف عليهم عبر الحمض النووي .
ما يحدث خطير و يستحق التوعية الجماهيرية و الحراك الشعبي لدحره ، كل يوم نشاهد اعلانات بالوسائط لاشخاص مفقودين و من ثم نعرف بان بعضهم وجد و لكنه وجد مشوه الوجه و منزوع الاعضاء فاي هوانٍ هذا يا شعب السودان ؟
انظروا الي هذه القايمة لاسماء بعض المفقودين و تلك الصور ، عليها ارقام زوي المفقودين اتصلوا بهم اذهبوا اليهم ساندوهم في محنتهم ، توحدوا في هذا الزمان الذي اتي بهذه المصائب:-
١/عوض خريج طب نووي تم اختطافه وهو في طريقه الي الدكان .
٢/ اديبة فاروق ارباب ، تسكن ابو ادم تقاطع نوباتيا ، تم اختطافها من الشارع وهي في طريقها للفرن .
٣/ سميرة تاج الدين احيمر ، من الحصاحيصا تم اختطافها منذ اكثر من عام .
٤/ علاء الدين الفاضل عبد المجيد العوض ، تم اختطافه في بورتسودان وهو في طريقه الي اسرته في الكاملين .
٥/ طارق علي احمد النور ، خرج من قرب الميناء البري و اختفي ، من مواطني القضارف ، عمره ٤٥ سنة
٦/ محمد فاروق عبد القادر من المزاد ، فني كهرباء ، اختفي منذ ثلاثة اشهر
٨/٧ احمد علي احمد الصديق ١٧ سنة و ابن خاله مهند جمال محمد عوض الكريم ١٨ سنة ، فقدوا في الدروشاب شمال مربع ٩ مكان سكنهم منذ ١٧ رمضان .
٩/ ابشر احمد رمضان من الصحافة شرق مربع 41
١٠/ الطفل محمد فاروق الزين ١١ سنة فقد جوار منزلهم بالكدرو .
١١/ الطفل اسامة سعيدي احسان ، فقد في جزيرة توتي بتاريخ ٢٢/٥/٢٠١٧
١٢/ الطفل مجتبي علي الاعيسر ١١ عاما اختفي من جوار منزلهم بعد ان تم اختطافه بزيه المدرسي بعد عودته من المدرسة .
١٣/ الطفل محمد تم اختطافه بالقرب من منزلهم باركويت في بداية رمضان و بعد اسبوعين وجدت جثته مشوهة الوجه و بلا كليتين و تم التعرف عليه من خلال الحمض النووى..
| |
|
|
|
|
|
|
|
|
|
Re: الاختفاءات الغامضة في السودان خطر يهدد حي (Re: محمد نور عودو)
|
(-) الشرطة وجهاز الامن والمليشيات التي تُصرف عليها مليارات الجنيهات سنويا هل دورها فقط في تفريق المظاهرات وحراسة المباريات والسير امام المسوؤلين ؟؟؟
(-) اين دور هذه الجهات وحياة المواطن السوداني اصبحت غير آمنه وهو خارج من منزله لشراء اغراض من بقالة او سوق ؟؟
(-) المسوؤلية مسوؤلية الدولة بالكامل واجهزتها الامنية ووزارة الداخلية وجهاز المخابرات السودانية
| |
|
|
|
|
|
|
|
|
|
Re: الاختفاءات الغامضة في السودان خطر يهدد حي (Re: محمد نور عودو)
|
تحية طيبة الأخ محمد نور عودو لك وللأخوة المتداخلين
لو تابعت اليوم المؤتمر الصحفي لمدير شرطة ولاية الخرطوم والذي بث على الهواء في عدة قنوات فضائية ، لوجدت معلومات قاطعة وقوية تدحض الإشاعات التي نتشرهذه الايام حول حوادث خطف او اختفاء لمواطنين سودانيين ..فقد ذكر سعادة اللواء حقوقي ابراهيم عثمان وبالنص أنه (يقولها بالفم المليان لا توجد بلاغات خطف لدى محاضر الشرطة ) وانما بلاغات فقدان واغلبها بسبب الذعر الذي احدثته الشائعات وسط الأسر السودانية وقال باستحالة تصدير او نقل اعضاءبشرية من السودان الى الخارج ونفى وجود عصابات بالخرطوم لنقل الأعضاء البشرية ولم يرد بلاغ واحد حول ذلك كاشفا النقاب عن بعض حوادث اختفاء حدثت في الأيام الفائتة واشهرها حادثة اختفاء المواطنة المرحومة أديبة فاروق التي وجدت جثتها طافية على النيل الأبيض وتجرى التحقيقات حول ملابسات موتها ان كان غرقا او لشبهة جنائية..لها الرحمة والمغفرة
يا جماعة الكلام واضح لا توجد حوادث خطف لاجل نقل اعضاء او خلافه لاستحالة ذلك علميا بل تحدى مدير شرطة ولاية الخرطوم من له معلومة مؤكدة حول جرائم كهذي أن يمد بها الشرطة.
| |
|
|
|
|
|
|
|
|
 Re: الاختفاءات الغامضة في السودان خطر يهدد حي (Re: محمد بشير عبادى)
|
سلامات الأخ الفاضل
محمد بشير عبادي
تابعت المؤتمر الصحفي لمدير شرطة ولاية الخرطوم الذي تحدث ونفي عمليات الخطف من اجل نزع الأعضاء لكن انا بتكلم عن الاختفاءات الغامضة لناس ويبقي مصيرهم مجهول يا أخي موضوع الاختفاءات ظاهرة قديمة كما ذكرها مولانا محمد المرتضى حامد لكن المثير والمحير ازدياد هذه الظاهرة في السودان في الفترة الاخيرة لاحظ الكلام الجابو عزالدين الفحل والليستا الجابها الأخ أسامة بابكر شوف عدد الناس المفقودين واختفوا في الليستا في الفترة الأخيرة.
نفي الشرطة يا أخي الكريم لا يعني مافي اختفاءات أو اختطافات
لابد من تكثيف الجهود لتوعية المجتمع من هذه الظواهر وللاعلام دور مهم في التوعية
وعلي الشرطة يجب أن لا يكتفي بتفريق المظاهرات وإصدار بيانات نفي بعد حدوث الجريمة
عليها أن تكشف الجريمة قبل وقوعها
تحياتي
| |
|
|
|
|
|
|
| |
محمد نور عودو
عزالدين عباس الفحل
محمد المرتضى حامد
usama Babiker
البرنس ود عطبرة
ترهاقا
فيس بوك
تويتر
انستقرام
يوتيوب
بنتيريست