|
|
|
 Re: ► امدرمان ... الجزارة ◄ (Re: محمد البشرى الخضر)
|
كويس جيتنا بالملحمة
برضو احسن من منبثق و ولادة بت المستكفى
بعدين الحمد لله لا الفنانين و لا العازفين و لا الكورال
كولللللهم ما فيهم واحد من امدرمان
الكلام ده بقولو عشان ما تجى تقول لى احتمال 90% منّهم
| |
 
|
|
|
|
|
|
|
|
Re: ► امدرمان ... الجزارة ◄ (Re: Hamid Elsawi)
|
يا هلا بالمسلمى
و نحنا بالاكتر ياخ
تفرق كتير اهل امدرمان شى و اولاد امدركان شى تانى
هسى انتو فى الكباشى امدرمان دى عودكم فيها عود مرة ولّ عود راجل
الاهولية دى كرم منى ليهم عشان خاتر الجيرة و كده
| |
|
|
|
|
|
|
|
|
|
Re: ► امدرمان ... الجزارة ◄ (Re: جلالدونا)
|
ان جيت للجد يا ملك الا كان يلحقنى المنصور ود المفتاح
غير كده يانى الواقع على وشّى
اولاد امدرمان ما عندنا معاهم مشكلة
مشكلتنا مع الاهالى زى ناس اخونا حامد الصاوى و كده
| |
|
|
|
|
|
|
|
|
|
Re: ► امدرمان ... الجزارة ◄ (Re: جلالدونا)
|
بمناسبة الجزارة دي خليني أونسك شوية بي تاريخ أمدرمان
زمان في التلتينات من القرن الماضي كان لامدرمان مفتش انجليزي
اسمو برمبل .... بي لغة الزمن ده محافظ.
أها برمبل ده كان بتقفد الرعية بي نفسو
زي ما كان بعمل سيدنا عمر بن الخطاب تماماً
كان بركب الحصان بتاعو و يحوم الاحياء بنفسو
و لو لقي اوساخ امام البيوت .... ما بخلي العمدة ... عقاب شديد
و امدرمان كان فيها أربعة عُمَد الوكت داك.
نواصل
| |
|
|
|
|
|
|
|
|
Re: ► امدرمان ... الجزارة ◄ (Re: Hamid Elsawi)
|
كان بمشي بيوت المريسة و جِنْنو و جن الضبان في بيوت المريسة
كان المريسة ما نضيفة و البيت ما مبخر (البخور ما بطرد الضبان)
بقفل البيت طوالي كان خايف من الكوليرا و الناس حتي السكر لازم يكون صِحِي
إنت قايل شنو.. و كان بمشي كمان بيوت العَرَقِي و يشوف المصانع البلدية
شكلها كيف مطابقة للمواصفات بتاعتو ولا لا
نواصل
| |
|
|
|
|
|
|
|
|
|
Re: ► امدرمان ... الجزارة ◄ (Re: Hamid Elsawi)
|
و كان بيصحب في جولاتو لبيوت المرسة و العرقي ضَواقـين
ألسِنَتَهُم زي الثيرمومتر بِعرفوا العرقي المغشوش و الزايدنوا موية
و العرقي القوي الممكن يكون ضار بالصحة ... الضواقين ديل
بمشوا بيتهم راقدين سلطة. و برمبل هو زاتو زواق و بضوق
لكن ما بحب يكتر عشان العمل بالرغم من انو بعمل الجولات دي
قريب نهاية الدوام و نهاية الاسبوع عشان لمن يبدأ القعدة بتاعتو
يكون الراس مَصَلَح شوية.
| |
|
|
|
|
|
|
|
|
|
Re: ► امدرمان ... الجزارة ◄ (Re: Hamid Elsawi)
|
من أشهر جولات عمك برمبل كانت لمن يمشي السوق الكبير
و قريت في كتاب لا استحضر إسموا الآن انو مرة كان ماشي السوق
و قبل السوق كان في محل حبوباتنا ببيعوا الطواقي و منتجات السعف
بروش و هبابات و خلافه ... كانت الحبوبات أو النساء أول ما تشوف
برمبل تقوم تزغرد أيوووووي يووووي يوي دي ما تديك الدرب
لمن تكررت القصة أكتر من مرة عمك برمبل وقف و ساق النسوان القِسِم
و قال عاوز يعرف حكاية الزغاريد دي شنو...
أها النسوان قاعدات في القسم و في رواية أُخري الحراسة لحدي قريب العصر
قالوا ليهو نحن لمن نشوفك و نشوف اهتمامك بالبلد و حرصك علينا
بنفتخر بيك و شدة اعجابنا بنزغرد ....
ما قال الله اكبر و رفع أصبعوا و افتكر القضية انتهت
(ما هو كافر)
(أريتو اسلام ناس فلان زي كُفْرُوا) .... ما علينا
نواصل
| |
|
|
|
|
|
|
|
|
|
Re: ► امدرمان ... الجزارة ◄ (Re: Hamid Elsawi)
|
أها لمن الوقت مشي قامت احداهن قالت ليهو بصراحة با سعادتك
اخواننا الجزارين قالوا لينا أمل ما تشوفوا برمبل تزغردوا عشان
هم يعملوا حسابهم و يغطوا اللحمة بالشاش من الضبان
لان الجزار لو ما غطي اللحمة بالشاش يكون عرضة للعقوبة التي
قد تصل لسحب الخصة اذا تكررت المخالفة.
| |
|
|
|
|
|
|
|
|
|
Re: ► امدرمان ... الجزارة ◄ (Re: Hamid Elsawi)
|
القصة دي بمناسبة الجزارة لكن انت قلت
اولاد امدرمان ما عندنا معاهم مشكلة
مشكلتنا مع الاهالى زى ناس اخونا حامد الصاوى و كده
شكلك قاصدني عديل كدة
أنا لمحت لي بوست بتاع شكل ... دواس عديل كده
المتداخلين ما ناس حِجَازَة ... أبداً
ديل ناس المديدة حرقتني
شايف صاحبك المستنير خاتنوا في الصاج هناك
أها انا ما داير اعمل مشاكل في بوستك ده
لكن طَالِعني بي هناك كان راجل
لك و للضيوف و القُراء الف تحيه
| |
|
|
|
|
|
|
|
|
|
Re: ► امدرمان ... الجزارة ◄ (Re: Hamid Elsawi)
|
اسمو الزنكي بتاع السوق الكبير يا جلالدونا!!
امدرمان ياتا يا جلجل ياخ !!!
انا قلت اجي اشوف ناس ود القبانية يحي ولا ود خالتي محمد المرتضي (تضي) يجوا يقبقبوك لامن تأمن!! ويجوا ناس امدرمان التانيين (يدفرو) بيك عادي!! او يمشوا بيك السلك في القماير بيغادي او في (الليق)
لكين ود خالتي تضي وقباني ديل ناس امدرمان الحنين ديلك الممكن يشيلوك في رموشهم ويعزمك فول كارب عند موسي نفخو او عمك سعد ويشربوك بزيانوس عند عمك النعيم في ابوروف
لكن في تانين زي الهادي الضلالي ممكن عادي يصبوك من (الجكو) بدون ما (يكلكلوك) او تتقنطر ويلفوا بيك خور ابوعنجة !!
وبعدين ياخي ناس الخرطوم او الاقاليم ديل عادي ممكن الواحد يصبهم بدون (كاوه) شايف كيف
غايتو انتو ديل اميرنا توفيق اصلو ماختي عليكن
هههههههههههههههههههههه
| |
|
|
|
|
|
|
|
|
|
Re: ► امدرمان ... الجزارة ◄ (Re: Elsanosi Badr)
|
ابدا من المهدية كيف يا جمال
و العارفو ح يجو ناطين جوز
اها بدوها ليك من التلاتينيات
و بعدا طوالى ح يخشو على مؤتمر الخريجين
و اعلان الاستقلال و امدرمان العاصمة الوطنية
كدى عاين لى جنس الورجغة البسوّى فيها الصاوى دى
| |
|
|
|
|
|
|
|
|
 Re: ► امدرمان ... الجزارة ◄ (Re: محمد على طه الملك)
|
علي طاري الضواقين يا الصاوي والملك وجلجل
عمنا محجوب كان ضواق بيعرف المريسة الكعبة من السمحة
اها في يوم مشي الحفر والحفر دي حي بين القماير وودنوباوي الناس بتمشي تطشم هناك وتبقي مارقة
نميري الله يرحمو قالوا كان بيمشي هناك برضو!!
عمنا محجوب ده مشي لواحد بتسوي مريسة واليوم داك خسوف والقمر شكلو معتم.
اها الناس دق دق دق في علب الصلصة والصفايح والطشاتا!!
عمنا محجوب ضاق المريسة وبزقها اظنها ما عجبتو!
المرة قالت ليهو القمر خنق ... قال ليها هو كيفن ما بيخنق اذا اتي كل يوم مريستك دي زايداها مويه !!
| |
|
|
|
|
|
|
|
|
|
Re: ► امدرمان ... الجزارة ◄ (Re: محمد على طه الملك)
|
سلام جلالنا
تعرف يا جلال ناس شرق النيل مش عندهم فيها نص عود كامل
وحقبقه لايعرفها الكثيرين كل السواقى المحازيه الشريط النيلى من قبايل
الحتانه وما قبلها الى ما بعد الكبرى سواقى مسجله وماليكها اهالى الحلفايه
ومعظمها مسجل لاسره اولاد الاسد...شفت محل الملوك وين...
ياخ لك التحيه موصوله للاسره الصغيره الهنا والهناك
| |
|
|
|
|
|
|
|
|
|
Re: ► امدرمان ... الجزارة ◄ (Re: عبدالرحمن الخليفة)
|
اها بدوها ليك من التلاتينيات
و بعدا طوالى ح يخشو على مؤتمر الخريجين
و اعلان الاستقلال و امدرمان العاصمة الوطنية
كدى عاين لى جنس الورجغة البسوّى فيها الصاوى دى
أُمْمَك جِلِدْ
جلال مِرَكِبْ مَكَنة كبر
قلت لي ورجغة
احسن نمسح ورجغتنا و نتخارج
| |
|
|
|
|
|
|
|
|
|
Re: ► امدرمان ... الجزارة ◄ (Re: جلالدونا)
|
العبادي يا جلال عندو قصيدة بقول فيها
امدرمان القامت بي جهلا
لَمَتْ الغَرِيبْ وأَبَتْ أَهَلَا
يا ريت الباشمهندس قباني
يتحفنا بالنص كامل
و يا جلال الفيك إتعرفت
| |
|
|
|
|
|
|
|
|
|
Re: ► امدرمان ... الجزارة ◄ (Re: Hamid Elsawi)
|
السنوسى ود بدر
العوافى ياخى
اليسمع فصاحتكم دو يقول قادّين السلك مش تاكلين عليهو زول
عمنا الهادى عليه رحمة الله كان محبوب جماهير المريخ و كرسيهو محجوز فى المسطبة الجنوبية للاستادين
ياخى لو كانت الرياضة تدار بى مثل سماحة هذا الرجل لكانت الان بألف خير
اخونا منصور المفتاح كتب
الهادى له السلام والتحايا رياضيا وعاملا عليها كان من مسئولى مركز شباب أمدرمان
ويبدأ أول رحلاته للملازمين وذات يوم وجد أبناء الملازمين يلعبون كرة القدم فجمع أحذيتهم فى كرتونه
وأتجه غربا فجرى إتجاههو أبناء الملازمين شنو يا الهادى وين مودى جزمنا وهو يقطع فى كلامه
والل....ه ماشى أبيعا باسطه لأولاد العباسيه....
وكان محبوبا أكثر بالعباسيه وملح ساحاتها الرياضيه ومناسباتها التى لا يتخلف عنها
ويقول أنه يقرأ آية الكرسى سبعه مرات كل ما دخل العباسيه لأنها مسكونه بالشنا............
من بوست للزميل احمد طه ابريل 2005
ظرفاء ود نوباوي قصص وحكاوي..!! .... الهادي الضلالي ...ظرفاء ود نوباوي قصص وحكاوي..!! .... الهادي الضلالي ...
| |
|
|
|
|
|
|
| |
جلالدونا
محمد البشرى الخضر
محمد المسلمي
محمد على طه الملك
جمال ود القوز
Hamid Elsawi
Elsanosi Badr
حيدر حسن ميرغني
فيس بوك
تويتر
انستقرام
يوتيوب
بنتيريست