|
|
|
 Re: أما عن الإختطاف : (Re: Munir)
|
سلامات الأخ الفاضل
منير كيفك يا رجل وكيف اخبارك مالك مختفي من المنبر خوفنا عليك من الاختفاءات الحاصلة في اليومين ديل
لكن كويس انك بخير.غايتو انا في تقديري الضجيج الاسفيىي يساعد في وعي الناس عشان يعملو حسابهم من الاختفاءات الغامضة والاختطافات البيحصل في السودان .
أما الختف ال ذي بتاع شارع عبيد ختف داك ماعارف تاثيرو يكون كيف
تحياتي
| |
 
|
|
|
|
|
|
|
|
Re: أما عن الإختطاف : (Re: محمد نور عودو)
|
سلام أخ منير
الناس هنا لاتتحذث عن حالات الإختطاف التلقيدية - الحالات الفردية المعزولة !! (
الخطف بغرض الجنس/ المال والإنتقام )
وهي حوادث فردية معزولة يمكن الحد منها وتقليلها - ويصعب إيقافها بصورة نهائية !
* الناس تتحدث عن ظاهرة وجريمة منظمة وعن عمل عصابات تملك إمكانات وتقنيات كبيرة !
تمارس الإختطاف بغرض الحصول علي إعضاء بشرية !
** هذا النوع من الجريمة المنظمة يمكن إجتثاثها عبر عمل إستخباراتي وتحقيق ومتابعة
تصل لرؤوس الحيات وقيادة العصابة !
** هذه الظاهرة أو مجرد الإدعاءت تتطلب التحقيق والدراسة والإستقصاء بدلا من الإنكار ودفن
الرؤوس في الرمال وعقلية كلو تمام سعادتك وليس في الإمكان أفضل مماكان !
**مزيدا من الجدية والتقصي !!
| |
|
|
|
|
|
|
|
|
|
Re: أما عن الإختطاف : (Re: محمد نور عودو)
|
سلام أخ منير
الناس هنا لاتتحذث عن حالات الإختطاف التلقيدية - الحالات الفردية المعزولة !! (
الخطف بغرض الجنس/ المال والإنتقام )
وهي حوادث فردية معزولة يمكن الحد منها وتقليلها - ويصعب إيقافها بصورة نهائية !
* الناس تتحدث عن ظاهرة وجريمة منظمة وعن عمل عصابات تملك إمكانات وتقنيات كبيرة !
تمارس الإختطاف بغرض الحصول علي إعضاء بشرية !
** هذا النوع من الجريمة المنظمة يمكن إجتثاثها عبر عمل إستخباراتي وتحقيق ومتابعة
تصل لرؤوس الحيات وقيادة العصابة !
** هذه الظاهرة أو مجرد الإدعاءت تتطلب التحقيق والدراسة والإستقصاء بدلا من الإنكار ودفن
الرؤوس في الرمال وعقلية كلو تمام سعادتك وليس في الإمكان أفضل مماكان !
**مزيدا من الجدية والتقصي !!
| |
|
|
|
|
|
|
|
|
|
Re: أما عن الإختطاف : (Re: كمال عباس)
|
سلامات أخ كمال عباس ..
رغم إنوالختف ظل ظاهرة فردية لكن لا تنكر أثره على المجتمع عموماً حينما يتراكم تصرف الأفراد ويصبح كأنما المدينة كلها ختف فى ختف وأى أمرأة واقفة على الرصيف بعيد من المحطة تصبح موضع شبهة..
أما الإختطاف المقترن بتجارة الأعضاء فإنه هم جديد فوق هم الختف .. والـخبر السيئ هو أن تطور الطب سيكون له أثر مباشر على هذا النوع الحديث من الجريمة فكلما تطور الطب سهلت تجارة الأعضاء .. ومع موت الضمير توقع أى شئ .. وبما أن العالم الآن يسير بآيدلوجية نظرية التطور فتوقع أن الإنسان الذى يقبع فى أدنى مراحل التطور سيكون الضحية الأولى لهذا التطور الطبى المذهل الذى يجعل نقل الأعضاء البشرية مثل نقل اسبيرات الآلة ..
بس أدعو الله العلماء يقدروا يطوروا الـ 3D printing للأعضاء الحية مثل الكلى لتضيق الفرصة على تجارة الأعضاء الحقيقية ..
| |
|
|
|
|
|
|
|
|
Re: أما عن الإختطاف : (Re: محمد نور عودو)
|
شكراً أخى محمد نور عودو على سؤالك وتفقدك لشخصى الضعيف .. صاح مشاركتى قلت لكين نقول شنو بعد ١٥ سنة خبرة فى المنبر الواحد لقى نفسه محلك سر .. والقلب بقى ميت بعدما استيقنت إنو مجريات الأحداث أساساً خارج سيطرة البشر.. هسه بالله شوف كيف ديناميكا الحياة إنعكست على جزئية موضوع هذا البوست .. وكيف أن موضوع الإختطاف ده سيؤثر على ميكانيزما حياة الشوارع ودبيب العربات بجنبات الطريق لختف من تيسرت ..
وصلتنى نكتة قبل شوية تقول: واحد كاتب جهجهتوا لينا الجكس الله يجهجهكم ... الملح بقى ليهم شطة.. تقيف للواحدة تقوم جارية زى التقول ضربتها كهربة ... 
إحتمال الزوبعة دى تكون خطة حكومية لمحاربة الختف .. 
| |
|
|
|
|
|
|
|
|
|
Re: أما عن الإختطاف : (Re: Munir)
|
الاخ منير وضويفك ... السلام عليكم ..
موضوع الخطف دا تم تهويلو بصورة مبالغ فيها ..
ويمكن الحكومة تكون قاصدة الهاء الناس عن المشاكل الحقيقة ..
ما علينا ....
اخر نكتة في نفس الموضوع ...
مسطول مشى الجزارة يشتري لحمه ..
لقى الخروف معلق فوق ومسلوخ ونضييف
ومكان الامعاء فاضية وما فيهو اي حاجة بجووه ..
طوالي قال للجزار .. الخروف دا مخطوف ولا شنو ؟؟؟
عااالم بطااالـــــــــــــــــــــة ,,
| |
|
|
|
|
|
|
|
|
|
Re: أما عن الإختطاف : (Re: محمد مجيدو)
|
هههه دي فكرت فيها كيف؟
زمان ايام "المرتزقة" في عهد نميري الجو من ليبيا (جماعة الصادق) .. الحكومة اعلنت في الرادي انه في جماعة من المرتزقة الهاربين متنكرين في شكل مجانين ومشردين
المشكلة انه المواطنين وقعوا ليك ضرب في المجانين والمشردين الصحي
| |
|
|
|
|
|
|
|
|
|
Re: أما عن الإختطاف : (Re: احمد الشيخ)
|
سلامات عزيزى أحمد الشيخ ..
أها غايتو جات براها كده.. تتخيل مناظر الختف الحاصلة وتقوم تخلطها بالفيلم الحاصل اليومين وتحسب المآلات .. الحياة بتوزن نفسها براها.. ينشط الإختطاف يقضى على الختف ..
لاحظ الفرق بين الختف الذى يتم عن تراضى لغرض المتعة ، والخطف الذى يتم عنوة بالعنف لغرض القتل والسرقة وأفظعها سرقة الأعضاء..
طبعاً كان يكون أسهل طريقة وأأمن طريقة للخطف بغرض سرقة الأعضاء هى خطف بنات الختف ..
عموماً، تطور الطب والجراحة سيجلب وراءه جرائم من هذا النوع إذا اصبحت أعضاء الإنسان هى البديل الوحيد لعلاج تلف أعضاء المرضى ..
| |
|
|
|
|
|
|
|
|
|
Re: أما عن الإختطاف : (Re: محمد مجيدو)
|
عليكم السلام محمد مجيدو..
قصة الخطف وقعت للحكومة فوق جرح ــ بإفتراض أنها ما ملعوبة ــ .. الزمن ده الثقة أصبحت معدومة .. وأقل عود كبريت يولع الميديا ويجعل الناس تضرب أخماس فى أسداس وتشتعل التحليلات والتخمينات والتأليف والشكوك .. باقى ليك تانى ممكن بنات الشوارع الزمان ديلك تانى ممكن واحدةتجرؤ إنها تركب ليها عربية مع ناس ما بتعرفهم ؟؟..
تعرف نكتة الخروف بتاعتك دى ممكن باحثين مسلطين يعملوا بحوث عن ملاءمة أعضاء الخرفان بأعضاء الإنسان .. المافى شنو؟؟ إذا كان بالـ 3D printing أمكن طباعة مثانة تمت زراعتها لأحد الشبان رأيته يتكلم عن تجربته فى أحد العروض العلمية .. والآن هناك بحوث متطورة لإستخدام شرائح إلكترونية تقوم مقام الكلى .. لاحظ لهذه الخيارات العظيمة وقارن بالشر المستطير الذى يسلكه الأشرار والذى يسير فى خط موازى لخط الخيرويشمل قتل الإنسان وتمزيقه إرباً ..
وهكذا الصراع الأزلى بين الخير والشر..
| |
|
|
|
|
|
|
|
|
 Re: أما عن الإختطاف : (Re: Munir)
|
صديقي العزيز منير.
سلام كثير ياخي.
طولت ما سمعت.
ضحكتك العميقة في الهاتف.
وصلتني هذه الرسالة المضحكة.
عبر ال WhatsApp.
ضحك في زمن الاختطاف.
غايتو انا ضحكت لمن انحني ظهري الي الخلف .
تعرف بيني و بين الضحك شعرة.
*** **** *****
الرسالة الواتسابية :-
امس كنت ماشي في شارع بيتنا حوالي الساعة
عشرة ونص مساءا ظهرت لي مزة حلوة حلا
وقفت قدامي وسلمت علي وقالت انت من الحلة
دي قلت ليها اااي قالت لي بتعرف بيت نااااس سماح عثمان قلت ليها اااي قالت لي ممكن توصف لي وقمت وصفت ليها بس هي ما عرفت الوصف كويس ....
وقالت لي ممكن تركب معاي توديني بيت سمااااح ...
بقيت اتمتم واقول ليها ممممكممممممكن
عايز اركب بس اتذكرت الاختتطاف وقفلت الباب وقلت ليها احسن اوصف ليكي ساااااي هسي اخوووووكي يشوفني راكب معااااكي يعمل لي سين وجيم .....
وبقت تضحك بصوت عاااالي وقالت لي اخواني كلهم برة السودان.....
قالت لي اكيد خايف من الخطف.......
قلت ليها عليك نور.......
فكت ضحكة اقوي من الاولي.....
وقالت لي انا شبه خاطفة.....
قلت ليها لو بتخطفيني لي نفسك ما مشكلة اخطفيني ساي.....
بس خطف وقطيع ما معانا....
وركبت معاها وهي بتضحك سااااي....
وقالت لي دقست يافارة......وتضحك هي
وانا بقول ليها
عليك الله ماتهظري اعصابي بايظة والله اتلب فيكي هسي اخنقك وفجأة مسكتا خنقتها ليكم شبكني ليك فك فك ي حيوان كان أفتح عيوني أشوف ليك الحافله كلو ماسك فيني
فك الزول اتاريهو انا نومتا في الموصلات
صباح السعاده
#مستهبل.
،،،،،،
عزالدين عباس الفحل
ابوظبي
| |
|
|
|
|
|
|
| |
Munir
محمد نور عودو
كمال عباس
Hafiz Bashir
محمد مجيدو
احمد الشيخ
عزالدين عباس الفحل
فيس بوك
تويتر
انستقرام
يوتيوب
بنتيريست