قراءة ثانية في ملخص مولانا الملك حول مسألة المؤهلات ..

Quote: وحاتم لو طار اور كا مابيقدر يقول للموصلي انا افضل منك تلحينا وتوزيعا..لأنو المعيار بيكون: الموصلي عندو تجربة صاح او خطأ..وحاتم ما عندو تجربة..يعني ما عندو التكتح..!! +++ بعض السودانيين لا يبحثون عن معرفة بالباب العديل..والواحد فيهم ممكن يثير داحس والغبراء عشان الثار من اجل كرامتو..وده سلوك اخونا حاتم ابراهيم..فالرجل بالرغم من مواهبو وامكانياتو..لكنو سوداني غشيم ممكن يضيعها في السراب..!! +++ ويا حاتم عشان ما تملانا فقر وتقول ظلموني وشنو كده ما عارف..انا متابع من بوست لؤي بتاع الموصلي تبول على قبر وردي..وبوست الدليب..الموصلي لم يتطاول عليكم +++ مابيهمو الناس بتقول في شنو بقدر ما بيهمو الهاي ترافيك بتاع البوست (فكرة العداد يا محمد) ودي الحتة البتسفيد منها حاتم عشان عندو موقع خاص بيهو..نظام تجارة عدييييل يا قريبي..!! +++ عشان كده نقة اخطاء منهجية ومفاهمية..دي حاتم بيعتبرها مجرد ثرثرة ساكت بيستفيد بيها في رفع السعر بتاع البوست..ودي الحتة البتجيب شواطينا نحن وامثالنا..!!..عشان كده لمن نقول لحاتم تجربتك شنو..بيقوم بيضحك حتى تبين نواجذو..لأنو عارف انو ما عندو التكتح +++ ده الفهم البخليني اقول حاتم ما عندو التكتح..!!