|
|
 Re: بسمة مسروقة من هنا وهناااااك وهنووووك ... (Re: Arif Nashed)
|
اللصقة
ﻋﻨﺪﻧﺎ ﺯﻭﻝ ﻣﺘﻠﺤﻨﺎ ﺗﺘﻠﺢ .. ﻻﺻﻖ ﻓﻴﻨﺎ ﺍﻟﻴﻮﻡ ﻛﻠﻮ ﻭﻣﻦ ﺑﻴﺘﻨﺎ ﻣﺎ ﺑﻄﻠﻊ ..
ﻓﻄﻮﺭ / ﻏﺪﺍ / ﻋﺸﺎ / ﺗﺤﻠﻴﺔ / ﺷﺎﻱ / ﻟﺒﻦ ...
ﻣﺎﻑ ﺷﻲ ﺑﻲ ﻳﻔﻮﺗﻮ ﻏﺎﻟﺒﻨﺎ ﺍﻟﺒﻨﺴﻮﻱ ﻣﻌﺎﻫﻮ .
ﻧﺤﻤﺮ ﻟﻴﻬﻮ ﻳﻌﺎﻳﻦ ﻓﻲ ﺍﻟﺘﻠﻔﺰﻳﻮﻥ ..
ﻧﻘﻔﻞ ﺍﻟﺘﻠﻔﺰﻳﻮﻥ ﻭﻧﺤﻤﺮ ﻟﻴﻬﻮ ﻳﻌﺎﻳﻦ ﻟﻠﻤﺮﻭﺣﺔ ..
ﻧﻘﻔﻞ ﺍﻟﻤﺮﻭﺣﺔ ﻭﻧﺤﻤﺮ ﻟﻴﻬﻮ ... ﻳﻄﻘﻄﻖ ﺍﺻﺎﺑﻴﻌﻬﻮﻭ .
ﻣﺎﺩﺍﻳﺮﻳﻦ ﻧﻘﻮﻟﻬﺎ ﻟﻴﻬﻮ ﻋﺪﻳﻞ ﻋﺸﺎﻥ ﻣﺎ ﻧﺨﺴﺮﻭ ﻻﻧﻮ ﻣﺮﺍﺕ ﻛﺪﺍ ﺑﻲ ﻳﻔﻴﺪﻧﺎ ﻓﻲ ﺍﻟﺒﻴﺖ ﻟﻮ ﻓﻲ ﺣﻴﻄﺔ ﻭﺍﻗﻌﻪ ﻭﻻ ﺭﺍﻛﻮﺑﻪ ﺩﺍﻳﺮﺓ ﺗﺼﻠﻴﺢ ﻭﻻ ﻋﺘﺎﻟﻪ ﺑﺠﻲ ﻭﺑﻨﺪﺭﺵ ..
ﺩﺍ ﺣﻘﻮ ﻭﻣﺎ ﻧﺎﻛﺮﻳﻨﻮ ﻟﻴﻮ ..
ﺍﻣﻲ ﻗﺎﻟﺖ ﺷﻮﻓﻮ ﻟﻴﻜﻢ ﺣﻞ ﻣﻊ ﺍﻟﻮﻟﺪ ﺩﻩ ﻳﺎ ﺗﺨﺎﺭﺟﻬﻮ ﺑﺎﻟﺤﺴﻨﻰ ﻳﺎ ﻛﻤﺎﻥ ﺗﺘﺨﺎﺭﺟﻮ ﻛﻠﻜﻢ ﻣﻌﺎﻫﻮ ..
ﺍﻟﻤﻬﻢ ﻋﻘﺪﻧﺎ ﺍﺟﺘﻤﺎﻉ ﺳﺮﻱ ﻭﻃﺎﺭﺉ ﺑﻌﻨﻮﺍﻥ :- ( ﻛﻴﻒ ﻧﺘﺨﻠﺺ ﻣﻦ ﻣﻌﺎﻭﻳﺔ )
ﺍﻻﺟﺘﻤﺎﻉ ﺟﻤﻴﻞ ﻭﻫﺎﺩﺉ ﺍﻧﺎ ﻭﺍﺑﻮﻱ ﻭﺍﺧﻮﺍﻧﻲ ﻭ ﺃﺧﻮﺍﺗﻲ ﻭﻣﻌﺎﻭﻳﺔ ﻓﻲ ﻧﺼﻨﺎ ﻳﺼﻔﻖ ﺳﺎﺍﺍﺍﻱ ﻣﺒﺴﻮﻁ ﺍﻷﺟﺘﻤﺎﻉ ﺑﻲ ﺍﺳﻤﻮ..
ﻣﺶ ﻗﻠﺖ ﻟﻴﻜﻢ ﻟﺼﻘﻪ ....
ﺍﻟﺤﺎﺝ ﺍﻗﺘﺮﺡ ﺣﻞ ﻟﻜﻦ ﺣﻞ ﻗﺎﺍﺍﺍﺳﻲ ﺷﺪﻳﺪ ﻭﺻﻌﺐ ﻭﺿﺎﻏﻂ ﻋﻠﻰ ﺍﻷﺳﺮﺓ ﻭﺍﻛﺘﺮ ﺯﻭﻝ ﻣﺘﻜﻴﻒ ﻣﻦ ﺍﻷﻗﺘﺮﺍﺡ ﺩﺍ ﻋﻤﻚ ﺍﻟﺤﺎﺝ ﺍﻟﻮﺍﻟﺪ .. ﻻﻧﻮ ﺍﻗﺘﺼﺎﺩﻱ ﻣﻌﺎﻫﻮ ﺷﺪﻳﻴﻴﻴﻴﺪ
ﺍﻻﻗﺘﺮﺍﺡ ﺍﻧﻮ ﻣﺎ ﻧﺎﻛﻞ ﺣﺎﺟﻪ ﺗﺎﻧﻲ ﻏﻴﺮ ( ﻋﺪﺱ ) ﻭﺍﺗﻔﻘﻨﺎ ﻋﻠﻰ ﻛﺪﺍ .. ﻭﺣﻠﻔﻨﺎ ﻗﺴﻢ ﺍﻟﻄﺎﻋﻪ ﻭﺍﻟﻮﻻﺀ ﻛﻠﻨﺎ ﻭﺍﻟﺨﺎﻳﻦ ﺍﻟﻠﻪ ﻳﺨﻮﻧﻮ ﻭ ﻣﺎﻑ ﺯﻭﻝ ﻳﺎﻛﻞ ﺑﺮﺓ ..
ﻭﻓﻌﻼ ﺷﺮﻋﻨﺎ ﻓﻲ ﺍﻟﻤﻮﺿﻮﻉ ﻭﺑﻘﻰ ﺍﻟﺒﺮﻧﺎﻣﺞ ﻛﺎﻟﺘﺎﻟﻲ :
ﻋﺪﺱ ﺍﺻﻔﺮ ﻓﻄﻮﺭ
ﻓﺘﺔ ﻋﺪﺱ ﺍﻟﻐﺪﺍ
ﻋﺪﺱ ﺑﺎﻟﺼﻠﺼﻪ ﺑﺎﻟﻘﺮﺍﺻﺔ ﺍﻟﻌﺸﺎ
ﺗﻼﺍﺍﺍﺍﺗﻪ ﻳﻮﻡ ﺷﻐﺎﻟﻴﻦ ﻛﺪﺍ ..
ﺑﻌﺪ ﺷﻮﻳﺔ ﻳﻨﺎﺩﻭ ﺍﻟﻨﺎﺱ ﻟﻠﻮﺟﺒﺔ ﻳﻠﻘﻮ ﻓﻲ ﺯﻭﻝ ﻧﺎﻗﺺ .. ﻭﻣﻌﺎﻭﻳﺔ ﻗﺎﺍﺍﺍﺍﺍﻋﺪ
...
ﺑﻌﺪ ﺧﻤﺴﺔ ﻳﻮﻡ ﺍﻷﻛﻞ ﺑﻘﻮ ﻳﺴﻮﻫﻮ ﻟﻲ ﻣﻌﺎﻭﻳﺔ ﺑﺮﺍﺍﺍﺍﺍﻫﻮ .. ﻛﻠﻨﺎ ﻫﺮﺑﻨﺎ ..
ﺍﻣﻲ ﺗﺠﻴﺐ ﺍﻟﻌﺪﺱ ﻭﻣﻌﺎﻭﻳﺔ ﻳﻔﺮﻡ ..
ﻋﺪﺱ ﺑﻲ ﻛﺴﺮﺓ ﻳﺎﺍﺍﻛﻠﻮ ..
ﻋﺪﺱ ﺑﻲ ﻗﺮﺍﺻﺔ ﻳﺎﻛﻠﻮ ..
ﻋﺪﺱ ﺑﻲ ﻗﺮﻗﻮﺵ ﻳﺎﺍﺍﺍﻛﻠﻮﻭ ..
ﻋﺪﺱ ﺑﻲ ﻣﻠﻌﻘﺔ ﻳﺎﻛﻠﻮ ..
ﻋﺪﺱ ﺑﻲ ﻋﺪﺱ ﻳﺎﺍﺍﺍﻛﻠﻮ ..
ﺷﻐﺎﻝ ﻟﻴﻚ ﻓﺮﻡ ﺟﺪ ﻃﺎﺍﺍﺍﺣﻮﻧﻪ ﺑﺲ
ﺍﻣﻲ ﺷﻜﺖ ﻓﻲ ﺍﻟﻤﻮﺿﻮﻉ ﻗﺎﻟﺖ ﻳﻤﻜﻦ ﺍﻟﻌﺪﺱ ﺍﻟﺒﺘﻌﻤﻠﻮ ﺩﺍ ﺳﻤﺢ ...
ﺑﻘﺖ ﺗﺠﻴﺒﻮ ﻣﻦ ﻏﻴﺮ ﻣﻠﺢ ﺑﺮﺿﻮ ﺍﻛﻠﻮﻭﻭ ..
ﺑﻘﺖ ﻣﺎ ﺑﺘﻌﻤﻞ ﻓﻴﻬﻮ ﺑﻬﺎﺭﺍﺕ ﺑﺮﺿﻮ ﺍﻛﻠﻮﻭﻭ ..
ﺟﺎﺑﺘﻮ ﻟﻴﻬﻮﻭ ﺣﺐ ﻓﻲ ﺍﻟﺼﻴﻨﻴﻪ ﺳﻔﺎﺍﻫﻮﻭﻭ ﻟﻴﻬﺎ ...
ﻳﺎﺥ ﻭﺭﺍﻫﺎ ﺍﻟﻄﻔﺎ ﺍﻟﻨﻮﺭ ﻣﻨﻮ ....
ﻣﻌﺎﻭﻳﺔ ﺩﺍ ﺍﻛﻞ ﻛﻤﻴﺔ ﻋﺪﺱ ﻟﻤﻦ ﺑﻘﻰ ﻟﻮﻧﻮ ﺍﺻﻔﺮ ..
ﻻ ﺯﻫﺞ ﻻ ﺍﺗﻀﺎﻳﻖ ﻻ ﺍﺗﺤﺴﺲ ﻭﻻ ﺩﺍ ﻭﻻ ﺩﺍ ..
ﺑﺼﺮﺍﺣﺔ ﺧﻔﻨﺎ ﻋﻠﻴﻬﻮ ﻳﺠﻴﻬﻮ ﻓﻘﺮ ﺩﻡ ﻭﻻ ﺷﻠﻞ ﺭﻋﺎﺵ .. ﺑﺮﺿﻮ ﻓﻲ ﺍﻟﻨﻬﺎﻳﺔ ﺯﻭﻝ ﺑﻨﻌﺮﻓﻮﻭ ﻫﻮ ﺷﻐﺎﻝ ﻣﻌﺎﻧﺎ ﺗﺤﺪﻱ ﻋﺪﻳﻴﻴﻴﻴﻴﻞ ..
ﻭﺍﻟﻤﻮﺿﻮﻉ ﺍﺧﺪ ﺟﺎﻧﺐ ﺷﺨﺼﻲ ﺑﻴﻨﻮﻭ ﺑﻴﻦ ﺍﻟﺤﺎﺟﻪ ﻭﻧﺤﻨﺎ ﺑﻨﺘﻔﺮﺝ ...
ﺍﻣﻲ ﺍﻱ ﻛﻤﻴﺔ ﻋﺪﺱ ﺗﺴﻮﻳﻬﺎ ﻫﻮ ﺑﻴﺎﻛﻠﻬﺎ ..
ﻭﻣﻌﺎﻭﻳﺔ ﺛﺎﺑﺖ ﻭﻣﺎ ﺍﺗﺰﻋﺰﻉ ﺍﺑﺪﺍ ..
ﻭﻓﻌﻼ ﻛﺴﺐ ﺍﻟﺘﺤﺪﻱ ..
ﻭﺍﻣﻲ ﻛﺮﻫﺖ ﺣﺎﺟﻪ ﺍﺳﻤﻬﺎ ﻋﺪﺱ ﻭﻛﺮﻫﺖ ﻳﻮﻣﻮ ..
ﻭﺑﻘﺖ ﻟﻤﻦ ﺗﺸﻢ ﺭﻳﺤﺔ ﻋﺪﺱ ﻟﻤﻦ ﺗﺠﻴﻬﺎ ﺩﻭﺧﻪ ﻭﺗﻘﻊ ﻋﺪﻳﻞ ﺍﻻ ﻳﻔﻮﻗﻮﻫﺎ ..
ﻭﺃﻋﻠﻨﺖ ﺍﺳﺘﺴﻼﻣﻬﺎ ﺍﻟﺘﺎﻡ ﻟﻤﻌﺎﻭﻳﺔ ...
ﺗﻢ ﺗﻜﺮﻳﻢ ﻣﻌﺎﻭﻳﺔ ﻣﻦ ﻗﺒﻞ ﺍﻟﺤﺎﺝ ﺑﻲ ﻣﺒﻠﻎ ﻣﻠﻴﻮﻥ ﻭﻧﺺ ﻻﻧﻮ ﻭﻓﺮ ﻟﻴﻬﻮ ﺗﻤﺎﻧﻴﺔ ﻣﻠﻴﻮﻥ ﻣﻦ ﻣﻨﺼﺮﻓﺎﺕ ﺍﻟﺒﻴﺖ ﻓﻲ ﺳﺘﻪ ﺷﻬﻮﺭ ..
ﻭﺗﻢ ﺗﺒﻨﻲ ﻣﻌﺎﻭﻳﺔ ﻛﻓﺮﺩ ﻣﻦ ﺍﻷﺳﺮﺓ ﻭﺣﺎﻟﻴﺎ ﻳﺘﻤﺘﻊ ﺑﻲ ﻛﺎﻣﻞ ﺣﻘﻮﻕ ﺍﻱ ﻓﺮﺩ ﻣﻦ ﺍﻻﺳﺮﺓ ..
من الواتساب
|
|
 
|
|
|
|
|
| |
Arif Nashed
فيس بوك
تويتر
انستقرام
يوتيوب
بنتيريست