|
|
|
 Re: يا بورداب الامارات معقول بس - ربنا يهنيكم (Re: أبوبكر عباس)
|
والله من الجهل أن يفهم كلامي علي أنه شهوة طعام ولكن من المحزن أن يكون بيننا نحن اهل السودان هذه الشاكلة من البشر
للخلاف يحاولون عزلك
ونحن علي الارض يا أستاذ أبو بكر عباس واليها نعود
مبروك عليكم اللمة وعزل الاخرين
ولكن فضاء لا يحترم أنسانية الاخر غير جدير بالاحترام
| |
  
|
|
|
|
|
|
|
 Re: يا بورداب الامارات معقول بس - ربنا يهنيكم (Re: زهير عثمان حمد)
|
أسكت يا زهير
ما في زول بشتكي في الهواء الطلق عشان ما عزموهوا
ولعلمك أنا حتي النادي السوداني في الامارات ما قاعد امش
ليهو و ما قاعد أمشي أية لمة للبورداب في أي مكان بالامارات
ولا عندي أي صاحب أو شلة لأسباب تخصني .. عشان ما تفتكر
الكلام دا دفاعا عن الناس القاعدة في الامارات ..
لكن عشان البوست بتاعك دا غياظ جدا .
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: طلحة عبدالله)
|
فكرة افطار البورداب
الغرض منها التواصل والتعارف
فمنذ بداية افطاراتنا فى الامارات فى العام 2004
درجنا على استضافة الضيوف
وقد شاركت فى كل الافطارات ولم يحدث ان اقمنا افطارا دون ان نستضيف بورداب من كل ارجاء العالم
كما اننا نستضاف فى افطارات البورداب وقد تشرفت بالافطار مع بورداب الخرطوم
مكانك محفوظ زهير والدعوة لك ان تشرف البورداب
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: زهير عثمان حمد)
|
زهير حمد .
زولا سمح يشع جمالا وبهاءا.
نور علي نور.
و من الاقلام المتميزة.
لا تجده عند المخاشن و لا الجدل.
صحفي متمرس عركت به الحياة.
يمتلك يراعه الجراءة و الفروسية.
لذا دعوه يقول كلمته.
ويبوج بعبارته.
دعوه ينتقد ما شاء.
فلسنا أنبياء.
و لا لتكميم الأفواه.
و خرس الألسن.
***
بورداب الإمارات أفطارا هنيئا.
***
مداخلة من الهاتف.
عزالدين عباس الفحل
مكة المكرمة. السعودية
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: عزالدين عباس الفحل)
|
ود الفحل أزيك\
تحياني
أنشالله عمرة مقبولة وشكرا ليك كتير
والله وأصدقك القول من طلب مني كتابة البوست وتفضل بالمعلومات هو أحد الذين يشعرون بالاقصاء وسط هؤلاءالنفر
وقمت بالذي أري أنه الحق ولكن البعض لا يرون غير ما يزينه الشيطان لهم نسال الله لهم الهداية والغفران
لك كل الود
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: ombadda)
|
طبعا يا ابو الزهور مداخلتي كانت مداعبة،
الحقيقة جيت زرت صديقك عابد وقال كان معانا البوردابي الكبير ابو الزهور قبل شويّة،
قلت ليهو بجيك يوم الخميس قبل اسافر ونضرب ليهو نونسو، لكن ما تكلمو أنا منو لحدي ما نتلاقى،
المهم أمور السفر منعتني أجي
فشنو تميت القصة خيال
وقلت ندورك
لو قاعد مطول، أكيد ح نتلاقى بعد ارجع
ولو كمان سافرت من غير تلاقيني، تبقى زي زائر لدبي في الصيف فاته الاستمتاع بالجميرا بيتش
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: أبوبكر عباس)
|
زمان يا امبدة، عائلتنا الكبيرة كانت مقسومة نصين؛
نص بغرب شندي (البلد) والنص التاني بمدني
لمان تكون في حاجة بغرب شندي ونمشي ليهم؛ بشيلونا فوق راسم، وشيء ضبائح وصواني والكمير كلها كراع كلب،
أها لما تكون المناسبة في مدني؛ بنفتح ليهم فتح شديد
فشنو؟ ما تتحسس
دا قدر أهل الريف مع الحضر
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: أبوبكر عباس)
|
عيب عليك يا دكتور امبدة وانت من عقلاء البورد ان تقول مثل هذا الحديث المؤسف والذي ما كنت اتصوره ان يصدر عنك
الوقت تأخر الآن لكن لحدي ما أجي بكرة برواقة عايزة تجاوب على السؤال التالي: اين الإعلانات التي كانت تزين البورد و تثبت عن دعوات افطارات البورداب المختلفة في الرمضانات السابقة وبوستات صورها ؟ لدرجة انه كانت تقام المسابقات و المنافسات عن افضلها
أين افطار بورداب الدوحة و الرياض و تبوك و جدة ونيويورك و القاهرة و هولندا وحتى افطار طارق جبريل في المغرب وغيرهم ؟
تفتكر لم تقام هذه الإفطارات ام أن ابتعاد الاعضاء عن البورد وخلقهم فضاءات أخرى للتواصل جعلهم يتواصلون فيها .
فكّر في كلامي برواقة مقروءا مع غياب الكثير من الأسماء قد تعثر على الإجابة
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: محمد البشرى الخضر)
|
سلامات ود البشرى
لم استطع افهم طداخلتك والله.
+ أولا
أين العيب في كلامي.
1- حفاوة بورداب الخرطوم ببورداب الخارج في السابق كان محض عبط (دي وجهة نظر شخصية - تقصد العيب هنا؟
2-ازدراء : لا يحتاج كثير عناء في اثباته
3- مناداتي لك ببروتس لتنبيهك لردك القاسي لزهير وانه يستجدي دعوة
4- قناعتي بعدم المشاركة في فعاليات البورداب
4 نقاط واضحة.. أين العيب؟؟؟؟
وما علاقة مداخلتي بغياب فعاليات البورداب لابحث عنها؟؟؟
دة منبر عام ويحق الادلاء بالرأي ودحض الرأي الاخر بدون دة عيب ودة ممنوع
ولك كثير الود يا أبو حتوت
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: ombadda)
|
تحياتي دكتور امبدة ومعذرة يبدو ان صياغة كلامي لم تكن بالوضوح الكاف
العيب الذي عنيته هو بالفعل وصفك لتواصل البورداب مع بعضهم بأنه عبط, ونعم هذا رأيك و من حقك أن تراه وتقوله كما من حق الآخرين ان يرفضوه و يعلقوا عليه, خاصة وانه يحمل اساءة أو لنقل وصف مسيئ لنشاط مهما كان راينا فيه فمن قام به عن قناعة وخيار لا يراه كذلك
وصفي اياه بالعيب ليس حجرا على رأيك لكنه استغراب أكثر منه اي شيئ آخر خاصة انه يصدر عنك انت.
الشي التاني و البرضو ارى فيه عيبا هو وصفك لهذا بانه احد اعمدة بورداب الخرطوم!! يا رااااجل! معقول يا دوك هي الأعمدة دي غيروها ولاّ شنو؟
و الشي التالت الذي ايضا اراه عيبا هو قولة "إزدراء لا يوصف " وتعنينا به, بالرجوع لموضوع البوست - قبل أن يتبيّن أنّه مكتوب بالوكالة و التحريش انابة عن آخرين - يُفهم منه احتجاج على اقامة بورداب الإمارات لإفطارهم السنوي وعدم توجيههم الدعوة للكاتب وغلّفها بأوهام إقصاء المختلف معهم و الشللية وما إلى ذلك من ترهات
وهذا يقودني مرّة أخرى للأسئلة التي وجهتها, كيف يقصي الناس آخرين من إفطارهم ؟ هل الإفطار بكروت دعوة مثلا و موقفين سيكيورتي في الباب ؟ أم أن الاتفاق و الدعوات يتم تداولها همسا!!
الحاصل انه عدم كتابة بوست هو ما اثار هذه الاوهام, عشان كدا قلت ليك ترهات واوهام وايضا قلت راجع البورد هل به دعوات افطارات مختلفة كما اعتدنا سابقا, الحاصل انه كثيرين تركوا البورد و استبدلوه بمجموعات الفيس و الواتساب و يتم تنسيق انشطتهم من خلالها ولم يكتب احد من المنظمين بوست في البورد
فما اي موهوم يقوم يفتكر القصة عزل و اقصاء و بتاع .
أما مناداتك لي ببروتس فما مشكلة ما بيناتنا يا دوك و ان كنت ارى ان هذا الرد الذي رايته قاسي اقل مما يستحقه حقيقة
وعن قناعتك بعدم مشاركة البورداب فمع اختلافي معها لا املك الا ان احترمها ولذا وصف العيب لا يشملها
أخيرا .. نعم بالطبع هذا منبر عام وحر و المسألة لا تتجاوز رأي و رأي آخر يدحضه هذه لا خلاف عليها, وحديثي لك من هذا الباب لا منع فيه او حجر وحتى وصفي لبعض ما قلت في العيب فهو في إطار رأيي لا أكثر
ولك من الود مثله وأكثر يا دوك
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: ombadda)
|
الاخوة الكرام رمضان كريم ومبارك وشهر الخير على الجميع
الاخ والزميل زهير لك كل المحبة يسبقها الاحترام كبوردابي وكزميل صحفي وكصديق
اولا اللامك دارك كماتقول جدتي لذلك لامجال لي هنا غير المحبة والعشم في ان تكون حاضرا معنا الافطار فلك العتبى وتتاقزم كلماتنا للتقصير نحوك في شهر عظمه الله تعالى بكل المعاني وفي شهر التراحم والتوادد فالسماح ياسيدي عن نفسي وكل احبابي من بورداب لا اقول زملاء منبر بل اخوان واهل دخلنا منازلهم اكلنا وشربنا حتى تحولت علاقات الاسافير الى علاقات اسرية في بلد الاغتراب
فعلا قد شاع الناس بالمتعارف عليه افطارات يكتب ويعلن عنها بالعريض تتصدر المنبر قبل شهر للجميع ولكن هناك متغيرات (الواتس اب والقروبات فبالامارات للذين حافظوا عن التواصل انضموا تحت مظلة الاسم نفسة والانتماء للمنبر ولكن عبر الواتس اب لذلك كان الجهد والتخطيط عبر الواتس اب لابخل حاشا ولا خلاف حاشا لاحدهم معك حسب علمي وقد التقيتك انا وكنت على علم بوجودك بيننا ولكن لظروف كثيرة مرضية تخصني فات ان انبههم بوجودك وما ان علمت بما كتبت حتى وضعت رقمك ليتسابق الجميع لدعوتك وليس هناك زعل بل العكس فرح الجميع بوجودك وللناس ظروف
لايحتاج الامر لفضح الحال ببوست فالمسالة كلها تقوم على المحبة ولوعلم اخواني بوجودك لاتوا اليك هرولة اعرفهم جيدا
اما بالنسبة للخرطوم فقد حضرنا في كل عام لم يسمع بنا احدهم ولم يحتفي بنا احدهم غير مرة سابقة قام بها احدهم ولم يحضر غير البعض ولم نتحدث حتى وفي كل عام ننزل الوطن الحبيب ونلتقي بانفسنا كل الاحباب دون رسميات وقد زرتك ذات يوم ولم اجدك وجلسنت 47 يوما ولم تسال حتى عني ولم ازعل
المسالة بسيطة والله لو قدمت بالمطعم نفسه لفرحنا جميعا
في الختام الحياة مرحلة قصيرة لاتستحق الكثير
وسفر في الزمان وسفر في المكان ولايبق الا المحمود من الفعل
اتمنى ان تظل العلاقات بيننا باكمل وجه وان نلتقيك في العيد في لمة جميلة وان تلتقي البورداب بكل محبة
ومني انا نعمات حمود كل المحبة وصادق الود
دمت بخير
وكل عام والجميع بخير
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: نعمات حمود)
|
والله وأصدقك القول من طلب مني كتابة البوست وتفضل بالمعلومات هو أحد الذين يشعرون بالاقصاء وسط هؤلاءالنفر
وقمت بالذي أري أنه الحق ولكن البعض لا يرون غير ما يزينه الشيطان لهم نسال الله لهم الهداية والغفران
لك كل الود
اردت فقط ان اقول لك من اوشى لك بان هناك اقصاء لاحدهم فقد كذب في رمضان شهر البركة والصدق والمحبة
لم يقص احدهم احد ابدا ومن اوقر صدرك اراد لك انت ان تظهر بمظهر لايليق بك ياجميل كانت الدعوة والمشاورات للجميع وتواصلنا جميعا من لم يكونو بالقروب واتى من سمحت ظروفه وغاب اخرون ولامجال للاقصاء لان الحق للجميع ولا احد يزايد على ذلك
كلام محزن ان يكون هناك من يحيك لنا السوء .....كان من المفترض يكتب هو لماذا انت ؟ ام لم يكن من البورداب ولايملك الحق في الكتابة ؟
دمت بخير
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: محمد البشرى الخضر)
|
هههههههههههههههههههه
الشباب الفاعلين و المنظمين للإفطار مافيهم زول بخش البورد عشان يقرا ليك جرستك دي, و النشاط الآن في الواتساب
اتواصل معاهم بالتلفون حنسهم يعزموك بدل شايل حالهم بالمطاعنات دي
عموما انا ح أنقل ليهم رابط البوست دا ولا يهمّك
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كلام محرج وجارح
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: محمد البشرى الخضر)
|
سلام عليكم
يا زهير وضحنا ليك انه ما في بوردابي اماراتي عارفك انت قاعد وين
وتاني شيء اي بورابي جايي الامارات بعلن يا جماعه انا هنا معاكم
انت جيت قبل كده وتم الالتقاء بك ولا لا
فشنو الزول بكون مدسوس علا نشمك انك هنا
واتحدي اي واحد من البورداب عارفك في الامارات
ولو في واخد عارفك اتلوم فيك وما كلم الناس
تبقي المشكله بينك وبينه مش بين بورداب الامارات
| |
|
|
|
|
|
|
|
|
 Re: يا بورداب الامارات معقول بس - ربنا يهنيكم (Re: abas)
|
أحييكم بتحية الإسلام.
السلام عليكم ورحمة الله.
يا جماعة الحق يقال الاخ ابو الزهور .
سبق و ان حضر للإمارات.
مرات عديدة ودايما موطنه الشارقة.
يومها كنت خارج الإمارات.
سفرا.
لكن للأسف الاخ زهير .
لم يجد ادني ترحيب و لا اهتمام.
من بعض بورداب الإمارات.
امكن الاخت نعمات هي دايما السباقة.
لكن البقية ربما شاءت الظروف دون ذلك.
والظروف هي صدأ اللحظات.
اما بالنسبة لبورداب الخرطوم.
لا نبخسهم هم من شرعوا سنة.
الاحتفاء بورداب الخارج.
والمطاعم الشعبية في ام درمان.
قندهار كما تحلو التسمية.
هي الشاهد .
اخوة اعزاء نكن لهم جل الاحترام.
وكل ذلك موثق في منبر بكري.
واخيرا حديث الاخت نعمات.
اعلاه هو البلسم الشافي لكي الجراح.
و يا ابو الزهور .
خيرها في غيرها .
فتكم بعافية.
****
مداخلة من الهاتف.
عزالدين عباس الفحل
مكة المكرمة . السعودية
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: عزالدين عباس الفحل)
|
في البداية التحية للجميع
بورداب وبوردابيات وعابرين أقزام ورجال
تعرفوا الامر لا يعدو دخان أسافير وحديث فارغ لا يستدعي التسليه
أشكر الاخت نعمات حموده كتير لانها أخذت بأحساس مرهف جدا
المهم لا ضرار يذكر من لمة أي بورداب في العالم ولكن للسرية رمزية مزعجة وأن كره الفاعلين في الامر الانساني
ولك ودي
*وأقول في قزم كدي عامل أزعاج أمكن زعلان عشان الجميلة لم تحضر ولم تكن مشاركة كباقي الاعوام عساها بخير
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: زهير عثمان حمد)
|
إخيييييي
كم اقرف من واحتقر الرجل - مشيها رجل دي - الجبـــــان الذي يعجز حتى عن ذكر الاسماء و يتحوّى خلف المطاعنة
انت يا زهير جبــــان بمعنى الكلمة واسلوبك واطي زيك
وعلى العليك كمان طلعت تلفون دلاقين و تكتب بالوكالة, الحمد لله الذي اذهب عنا الأذى وعافانا منك ومن أمثالك
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: محمد البشرى الخضر)
|
بالله يا زهير ما كان الاجدى ان تسند لومك وعتابك لرغبتك في لقاء
البورداب وحباً في التعرف بهم وتمتين العلاقات الاسفيرية بجعلها واقعاً معاش
بدلاً عن توجيه اتهامات التخوين والاقصاء التي لا تتناسب حتى مع موضوع اللقاء
دا كلو كوم وتعليقك او مطاعنتك في مداخلتك الاخيرة دي كوم تاني خالص
دا شي قبيح يا زهير .. قبيح جداً وغير مقبول
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: Haytham Ghaly)
|
أخونا زهير رمضان كريم عليكـ ..
والله عيب عليك الكلام القلتو لود البشرى ده ..
أمسحه يأخ .. واعتذر عنه ..
الامر لا يستدعي إنك تخوض في أمور زي دي ..
ده قذف راسو عديل ..
ماتبقى مندفع بالطريقة البايخة دي يأخ ..
مع تثبيتي لعدم رضائي عن تعليق ود البشرى ابتداء ..
لكن ردك عليهو شين النصيحة لي الله ..
اعتذر يا زول الدنيا رمضان ..
وأمسح الكلام الشين القلتو ده ..
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: جمال ود القوز)
|
للمرة المليون وانصح نفسي والاخوان هنا ..
يا جماعة الله البيرد ليك رد ما يعجبك .
إطلاقا الكلام ده ما بيعني ..
إنه الزول يقوم طوالي يقول كلام خصما عليه ..
وعلى نفسه واحترامه لها ..
أي كلام مبتذل او شتيمة هو في المقام الاول ..
بيعود عليك انت وعلى مدى احترامك لنفسك ..
واحترام الآخرين لك بيكون خصما من قيمة نفسك ..
الشتيمة والكلام الشين بيعود للشخص القاله ..
مش للزول الاتوجه ليهو ..
الناس مفروض تفهم كده ..
غايتو زعلتنا منك يازهير يشهد الله ..
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: علي محمد الفكي)
|
بالجد يا زهير دا اسلوب ما محترم كلو كلو
إرتضيت أن تحارب بالوكالة وترهن كيبوردك لفئة ما كان من باب أولي
تحارب محاربة شريفة بدل الهمز والمطاعنات ودي ما المرة الاولي تعمل
كدة . الدنيا رمضان يأخ أتمني أن تسحب كلامك دا وتعتذر عنه .
حسب متابعتي للبورد اتفهم جدا رد ود البشرى لزهير ومعاهو الف حق .
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: عادل الباهي عبدالرازق)
|
لكل الزملاء الذين كتبوا وهم في حالة غضب مني هل يعقل أن نجرم طرف دون الاخر ونطلب من طرف أن يتنازل عن حقوقه وهومظلم
الامرهنا لا يعني شخص بأسمه حتي وأنت كانت الكتابة برمز أو كما يمسيها البعض مطاعنة ليس هنالك من شيء يدعو لها أي المطاعنة
المهم أظن أني في منبر عام ولكن صوت الحق فيها أضعف من أي شيء ونظن أننا ندافع عن الحق وحقوق الاخرين وقائمة المظالم لدينا طويلة
المهم يعلم الجميع أن أمثالي لا يشرفون أحد منكم لذلك لا داعي للبكاء علي سلوكي وأنت كانت مشاركتي في المنبر سلبا أو أيجابيا
المهم في الامرخلط شديد وسوء فهم بنية مبيته لما كتب
وعسي الجميع بخير
*وهذا أعتذار لود البشري و من كل قلبي أن فهم ما كتيته يعنيه لا بسبب النفر الذين كتبوا بل أنه رمضان وأخلاق الرجال أتمني أن تكون بقدر من الحس الانساني تتفهم والامر
لا يتعلق بك لا في الرمزية الاولي ولا الثانية ونحن علي خلاف منذ فترة والكل يعلم بهذا الخلاف ولكن لا يستدعي التجريح والاساءة عليكم معرفة ذلك دون المناصرة بلا علم
ولكنه ظن سوء من الاخ والاخوان والجبناء يا ود البشري في غفلة من الزمن يمكن أن يكونوا أكثر الناس شجاعة وخير وهذا العالم أضيق من ثقب أبرة
ولنا لقاء
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: زهير عثمان حمد)
|
هههه الأمر لا يعنيني!! طيب وقت فرشت ما بغالطك في روحك و ان كنت متوقع من الأول جبنك عن ذكر الأسماء عشان المرّاقة دي
لكن يلاّ هاك رأيي في كلامك الساقط الكتبته دون ان تشير للمعني به
هذا جبن منك ان تشير اشارات ساقطة لـ س من الناس في منبر عام و تعجز ان تحدد من هو و تهرب من مواجهته وذكر اسمه لأنّك عارف انو الكلمة مسؤولية ولها عواقبها و تبعاتها التي وضح جليذا انّك اصغر و اعجز من ان تتحمّل مسؤوليتها كما كل من له ثقة في نفسه
الآن بكلامك العاجز دا انت وسّعت دائرة المعنيين بالقزم الذي غضب لعدم حضور الجميلة كل الأخوان الذين تداخلوا اعلاه ما قبل مداخلتك في ما عداي اذ استثنيتني بوضوح!! هل تملك قدر ولو قليل من الشجاعة لتشير لهذا القزم من بين الأسماء التداخلت عاليه؟
شفت جهلك وخوفك وجبنك ودّأك لي ياتو حتة
الشي التاني حكاية العالم ضيق وبلاقيك و العوارة دي ما في ليها داعي لأنك الرةالفاتت بعد العنترية الفرعنة قدام الناس هنا ضربت لي تتعذّر و لاقيتني وهسّي اذا انت هنا مرحب بيك تعال لاقيني عديل ليه في غفلة من الزمن
حاول اتسق مع نفسك وما تعيش بشخصية اسفيرية تختلف عن شخصيتك الواقعية قد يكون اصلح لحالك
وشي أخير لا تجعل من نفسك بوق او تلفون عملة يكتب بالوكالة عن الآخرين هو انت عن نفسك كتابتك يا الله يا الله 
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: abas)
|
عارف المشكلة وين يا زهير !
إنه الافطارات دي نشاطات عائلية
يعني الناس بصطحبوا فيها زوجاتهم وبناتهم وأخواتهم وهم مطمئنين إنه كل الناس داخل مكان الافطار اخوان وصائمين ومافي أي زول سوي ممكن تجي في راسه فكرة وسخانة بتاعة إنه يحنك ويجكس بت في الافطار .. لأنه ببساطة دة نشاط عائلي ولأنه الكافتريات على قفا من يشيل للداير يحنك في غير وقت العائلة
انت شلت ليك جاز كبيتو في معنى لمة البورداب والافطار الجماعي وولعت فيه حرقتو جت .. حولته لمناسبة بتاعة أغراض وسخانة .. ناس بتجي عشان الجميلة وبس .. هي مافيشة ما بيجو .. تفّهت قيمة الإفطار تماماً .. دة شغل انتقام عشان ما عزموك ؟ طيب الناس الاتصلوا بيك بعد البوست بتاعك وعزموك ديل هسة موقفهم شنو ؟ يخلو عوائلهم في البيت عشان الافطارات فيها ناس وسخانين بعملوا حاجات وسخانة ؟
كونك تقول أنا ما بعني البشرى معناها فتحت طاقة كبيرة جداً للناس الوسخانين البتعنيهم
والحل ما إنك تعتذر
الحل إنك تقول الجميلة هي فلانة الفلانية والناس البتجي عشانها هم فلان وفلان وانا شفتهم بعيوني ديل في الافطار الفلاني بتاريخ كذا .. لازم تكون شفت إنت يا زهير وعندك المقدرة على اثبات الكلام دة وشهود حضروا الافطار يؤيدوا كلامك
اتهام زي حقك دة مفروض الناس ما تستسهلو كلو كلو
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: أحمد محمد عمر)
|
يا زهير وسّعت الحكاية خالص ..
وكل مالك انت ماشي غاطس زيادة ..
طيب الاتهام لو ما لود البشرى انت قايلو هنا مالك ؟ ..
ولاّ سيد الاتهام موجود في البوست ؟ ..
ده معنى كلامك كده لو انت ما عارف ..
الآن إنت مجبور تقول الجميلة هي منو ؟ ..
والقزم البجي ساكيها في الافطارات ده منو ؟ ..
كنا قايلين الاتهام لود البشرى أي اتهام لي زول محدد ..
الآن الاتهام يشمل كل من يحصر الافطارات ..
وحضر في هذا البوست .. أو لم يحضر بنسبة أقل ..
شفت جنس المحن دي ..
ولاتنسى الاتهام كمان للجميلة الساكنها في الافطارات ..
يازول ربنا يمرقك من ورطتك دي ..
رمضان كريم وربنا يسهل أمرك ..
أحمد محمد عمر يا حنضل ..
والله فعلا ليهم حق ما يعزمو زهير ده ....
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: معاوية المدير)
|
هلا بالجميع
زهير بالغت في حق زملاء
وحق أسر
بالله الغي البوست دا من اساسوبعد ان تعتذر
..........
حبيبنا معاوية المدير
بعضهم يعيش مازال بعقلية الطالب الجامعي
وناسي زحف السنين
ياخ دا بتكلم عن اي بنات
اي بنت هو في عمر ابوها او جدها
وهي في عمر بتو او حفيدتو
ولكنها الرشاقة الكتلت اشراقة
............
سي سي لمعاوية الزبير
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: معاوية المدير)
|
هلا بالجميع
زهير بالغت في حق زملاء
وحق أسر
بالله الغي البوست دا من اساسوبعد ان تعتذر
..........
حبيبنا معاوية المدير
بعضهم يعيش مازال بعقلية الطالب الجامعي
وناسي زحف السنين
ياخ دا بتكلم عن اي بنات
اي بنت هو في عمر ابوها او جدها
وهي في عمر بتو او حفيدتو
ولكنها الرشاقة الكتلت اشراقة
............
سي سي لمعاوية الزبير
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: جلالدونا)
|
الاخوة الكرام جميعا احب ان اؤكد لكل من مر من هنا ان الافطار كان لمة جميلة وراقية واتلاقينا بكل محبة والله لم اجد افطارا اكثر جمالا من هذا العام كل الحضور كانو كما الاسرة الواحدة وكل الذين نحبهم اعتزروا لظروف صادقة
لا ادري شيئا عن هذا الذي كان وراء افساد العلاقة بيننا والزميل زهير والذي عهدي به انسانا جميلا ولكن !!!
واصدقوني القول ان كل القروب بعد ان علموا بوجوده هبوا لدعوته واصروا بكل فرح لحضورة ولكن تفاجانا بالذي يكتب هنا
ليس بيننا وانا البنت الشابة ليس بيننا من يفكر في حضورنا او مقابلتنا بخبث او احاسيس غير الاخوة والنبل والمحبة في بلد يعيش الناس فيه بطمانينة كاملة لا رقيب ولاحسيب غير الضمير افعل او لاتفعل ..تريد او لاتريد فالذي بينه وبين احداهن شيئا لن يتصيد الفرص لافطار سنوي يضم الكثير حتى يلتقيها فاحب اطمنكم جميعا ان حديث اكثر من بائس كما بؤس اهدافه
كنت اتمنى الا يجد هذا القزم الذي اوقر صدر زهير تجاهنا واوشى له حديثا اراد ان يضر به زهير قبل البورداب لاننا جميعا فوق الشبهات ...
واتمنى من الزميل زهير ان يراجع علاقته بهذا الخائن الذي افسد عليه الكثير من العلاقات الطيبة التي كان سيجد من خلالها كل المحبة والاخوة الصادقة
احزنني هذا الكلام جدا
واحزنني هناك بعيدا هذه الجميلة التي تنافسني !!! هههه
وفي الختام
اتمنى من الزول السمح جدا محمد البشرى ان يخرج من هذا المكان كما اخرج انا الان ...
ومني محبتي لكل الناس الطيبة المروا من هنا
وكونوا بخير وكل عام والجميع بالف عافية
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: abas)
|
يا عباس.
اصدقك الكلام .
ملكة الجمال وتاج الحسان.
و صاحبة التاج و المقام .
لم تحضر الإفطار السنوي.
لارتباط مسبق.
وامكن هي تحدد.
إعادة الإفطار مرة اخري .
و تعال شوف الجمهور الغفير.
الاعمي ح يشيل المكسر.
***
Funny post
عزالدين عباس الفحل
ابوظبي
| |
|
|
|
|
|
|
|
|
 Re: يا بورداب الامارات معقول بس - ربنا يهنيكم (Re: معروف حمدين)
|
بالعلاقة الوطيدة مع الغالي.
ابو الزهور.
وفي لحظة انشراح.
و سمو عفوي.
أسر لي في حديث هامس.
بالجميلة المرصعة.
بياقوت الجمال السرمدي.
الجميلة الفارهة العينين.
ملكة الحسان .
و صاحبة الصولجات.
صاحبة السمو .
المبجلة التي اعتذرت عن الحضور.
و كما وعدتك ابو الزهور.
سرك في بير.
***
I'm kidding you
عزالدين عباس الفحل
ابوظبي
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: محمد البشرى الخضر)
|
غايتو يا معروف أنا مرقت من الشبهة حسب كلامه لا أنا المقصود بالقزم ولا بالجميلة!!
عاد شدّوا حيلكم انتو يا بورداب الإمارات
ود البشري
____^^^^______^^^^_____^^^^^_____^^^^^___
ود البشري .
سلام
سيب المراوقة.
يلزمك اعتذار صريح للزول السمح .
ابو الزهور .
المخاشنة ما كانت في موضعها ابدا.
ابو الزهور
يا خي دا انسان رايع .
اشواقي.
***
المداخلة من الهاتف.
عزالدين عباس الفحل
ابوظبي
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: محمد البشرى الخضر)
|
فحل الله يرضى عليك اختاني
واكتب لي البشرى بالألف المقصورة الله يهديك.
ود البشري
__^^^^____^^^^^_____^^^^^_____^^^^^___
ود البشري.
الله يرضي عنا اجمعين.
اني لك من الناصحين.
بعدين انا بكتب من اندرويد.
يتحمل الخطأ و النسيان.
ولم تتم برمجته ليعرف الياء القصوي من ألصغري.
Manufacturing mistakes
عزيزي و د البشري
فحل دي ناقصة أداة التعريف.
تحياتي.
عزالدين عباس الفحل
ابوظبي
| |
|
|
|
|
|
|
|
|
|
Re: يا بورداب الامارات معقول بس - ربنا يهنيكم (Re: عزالدين عباس الفحل)
|
يا فحل - بدون التعريف نظام زعل وكدا - نصيحة شنو البتديني ليها, وانت تتناول موضوع جاد بهذه الهزلية
لمّا تجي تنطّط في بوست فيه اساءة لعموم بورداب وبوردابيات الإمارات و صاحبه جبن عن ان يسمّي اسماء و عايزيزوغ بالكلام الني تجي انت تنطط و تهاظر وبالكذب تتحدّث عن جميلة كلمتها ولاقيتها
كان راتي ليه وعايز تشوف ليه مرّاقة انصحه يكون شجاع مرّة في حياته و يقول القزم فلان و الجميلة فلانة بالإسم بدل الإشارات "الخنثى " دي :)
________________________
حقوق الإشارات الخنثى محفوظة
| |
|
|
|
|
|
|
| |
زهير عثمان حمد
محمد البشرى الخضر
أبوبكر عباس
Hani Arabi Mohamed
طلحة عبدالله
mohmmed said ahmed
عزالدين عباس الفحل
ombadda
نعمات حمود
abas
جمال ود القوز
يحي قباني
جلالدونا
Hafiz Bashir
علي محمد الفكي
عادل الباهي عبدالرازق
عبدالحفيظ ابوسن
معاوية المدير
عبدالمنعم الطيب حسن
طارق جبريل
معروف حمدين
فيس بوك
تويتر
انستقرام
يوتيوب
بنتيريست