|
|
|
 Re: بهدوء رفع الدعم (Re: عبدالحفيظ ابوسن)
|
هل عدم رفع الدعم يساهم بشكل سياسي او اقتصادي بمسارعة وتيرة سقوط السلطة ؟
ولا ممكن نعيد الصياغة
هل ساهم الحظر في بقاء السلطة ام فاقم أزمتها السياسية في بقاء السلطة ام لم يكن ذو اثر؟
| |
 
|
|
|
|
|
|
|
|
Re: بهدوء رفع الدعم (Re: عبدالحفيظ ابوسن)
|
السلطة تسعي لرفع الحظر
ومواطن يسعي لرفع الحظر
هل يمكن وضع رغبتهما في سلة واحدة ؟ كأن المواطن يدعم السلطة ؟
المعارض الذي يدعو للحظر هل يمكن اعتباره هو ضد السلطة والمواطن ؟
ام انه يمكننا مناقشة الامر من زاوية مختلفة
ان لا نعده بداءة انه ضد المواطن
| |
|
|
|
|
|
|
|
|
|
Re: بهدوء رفع الدعم (Re: عبدالحفيظ ابوسن)
|
كعادة السلطة وأعلامها
الرعونة والغباء
فخخوا طلب رفع الحظر عن السودان بتقسيمهم الثنائي
فهم لا يعرفون الآخر
الآخر هو العدو
فجعلوا كل رافض لرفع الحظر خائن وعميل ولا يستطيعون ان يفهموا انه فقط له رؤية وطنية اخري
اربكو البعض بالمزايدات
ليس كل رافض لرفع الحظر خائن
ولا كل مطالب برفع الحظر تبع السلطة
بل الامر الحقيقي
ان الحظر اتي من فعال السلطة واضر بالمواطن
| |
|
|
|
|
|
|
|
|
|
Re: بهدوء رفع الدعم (Re: عبدالحفيظ ابوسن)
|
حبيبنا الكلس الخلوق .. ود ابو سن صبح النور والسرور .
دا هنا مربط الفرس !
ان الحظر اتي من فعال السلطة واضر بالمواطن
لماذا لا تتنازل السلطة المدمرة للوطن والمواطن لكي يفك الحظر
التي هي السبب المباشر فيه لكي ينعم الجميع بالنعيم والخير ؟؟؟
طيلة ما الانقاذ في السلطة الحال يبقي ياهو الحال ! موش لو رفع
الحظر لو امطرت السماء ذهبآ وفضة ! والمشكلة مافي الحظر ..
المشكلة في السببو الحظر الما بشبعوا ولا بقنعوا ! النهبوه من البلد
والغلابة والمعدمين يعوضنا عن الحظر مليار مرة !
عمومآ منتظرين ونتمني للجميع الحظ السعيد مع فك الحظر .
مشكور يا كلس ودمت بدوام العافية .
| |
|
|
|
|
|
|
|
|
|
Re: بهدوء رفع الدعم (Re: Salah Zubeir)
|
ود الزبير
Quote: ياخي لو فكو الحظر وبعد 5 سنوات من الان
ممكن يكون في ... |
ما عارف ليه اتذكرت مناديب الفوريكس لما يجو يقنعوك
تختصر خمسين سنة في خمس سنوات
وبرضو:
| Quote: كلامي دا لا علاقة له بي كيزان ومناضلين |
يا اب سن
مربط الفرس انه المواطن فقد الثقة في النظام
وكل معلومة تأتي من طرفه ينظر لها المواطن بعين الريبة
مودتي للجميع
| |
|
|
|
|
|
|
|
|
|
Re: بهدوء رفع الدعم (Re: عمر أبوعاقلة)
|
اخونا عمر ... ياخي تحياتي ..
(كلامي لا علاقة له بي كيزان ومناضلين.)
ههههههه ...
يعني عترست ليك الجمله دي بس ما ترش رشك ...
بعدين 5 و50 بتعتمد علي توفيق ربنا وعقلية
المنفذين الغير متوفرة داخل وخارج البلد حاليا".
(علي حسب ما اري).
| |
|
|
|
|
|
|
|
|
|
Re: بهدوء رفع الدعم (Re: Salah Zubeir)
|
سلام
رفع الحظر ممكن يؤدي لتحسن في المردود المالي للدولة
لكن بسلوك الحكومة الحالي لن يتعكس هذا المردود على حياة الناس.
هل في أي خطة لمرحلة ما بعد رفع الحظر وكيفية الاستفادة منه؟
الخطة حتكون مجرد هتافات على شاكلة ماشين العرِس ماشين العرِس
| |
|
|
|
|
|
|
|
|
|
Re: بهدوء رفع الدعم (Re: حمد عبد الغفار عمر)
|
البوست دة عصلج معاي
المزاج كعب ولا ملاريا ولا السلطة دي بقت بدل وجع القلب والفشفاش بتعمل لينا حمي ووجع مفاصل
رفع الحظر أكيد المواطن بستفيد منو بشكل غير مباشر ومباشر
السلطة كسلطة افراد بتستفيد لكن كوطن لن يكسب شيئا للفساد وسؤ التخطيط
بالحظر وضعنا اسوأ جدا وبرفعه بكون اسوأ
رجال السلطة وضعهم ممتاز مع الحظر وبدون الحظر ممتاز جدا
ونحن بنقول
نفسي نفسي
| |
|
|
|
|
|
|
|
|
|
Re: بهدوء رفع الدعم (Re: عبدالحفيظ ابوسن)
|
السؤال كيف كان حال السودان قبل رفع العقوبات في عام 1996 وماقبلها ؟
كان أسوأ من الناحية الإقتصادية !
الحظر أمريكي وليس غربي ممكن تستورد من الدول الأوربية وروسيا وشرق آسيا !
فالمنتج الأمريكي لايوزع مجانا وليس أقل سعرا من المعروض في الأسواق الأخري !
مشروع قرار رفع الحظر
ينص علي رفع بعض العقوبات بسبب الإرهاب وليس كلها ولايشمل المفروضة بسبب حرب دارفور
ويقرر مشروع قرار رفع الحظر علي أن القرار لن يغير في وضع السوذان كدولة راعية للإرهاب ~!
* الحكومة برعايتها للإرهاب والمتطرفيين في التسعينات وتهريب السلاح لحماس وإقامة
منظمة المؤتمر الشعبي العربي - الإسلامي وإستضافة بن لادن جلبت علينا الكوراث
هذا بالإضافة للشعارات الإنقاذية الأمريكان ليكم تسلحنا ! أمريكا روسيا قد دنا عذابها !
* الحظر الأمريكا لم يمنع من إستخراج البترول والذهب ! فأين عائداتها ومردودها؟
* الحظر الأمريكي لم يكن السبب ذهاب معظم ميزانية الدولة للأجهزة الأمنية!
*ولم يكن السبب في عمليات الفساد والنهب !
* رموز وتجار الإنقاذ يهدفون من رفع الحظر تحقيق أجندة لا علاقة لها بمصالح شعبنا
- إحتكار رخص الإستيراد
-وإحتكار توكيلات الشركات الأمريكية ماكدونلز وماشاكله ! تشجيع النزعة الإستهلاكية
آذا الإنقاذ آخر من يزايد علي الناس في موضوع العقوبات لأنهم من تسبب فيها ولأنهم
يهدفون فقط لتحقيق مصالحهم من وراء رفع العقوبات !
* يبقي من المشروع - لمعارضي الإنقاذ النقاش حول جدوي بقاء أورفع العقوبات وجدواها
وتبقي منطق أن عافية وتطور السودان وآنهاء عزلته تكمن في ذهاب العلة إي الإنقاذ- أيضا
منطق له وجاهته !
| |
|
|
|
|
|
|
|
|
|
Re: بهدوء رفع الدعم (Re: كمال عباس)
|
متفقين يا كمال تماما
لا سبيل للنهوض إلا بذهاب هذه السلطة
بدل نغير الجلبة نغير الماسورة كلها
ولكن
ماذا نفعل الآن هل ننتظر حتي ذهاب السلطة ؟
| |
|
|
|
|
|
|
|
|
|
Re: بهدوء رفع الدعم (Re: عبدالحفيظ ابوسن)
|
تعرف يا أب ســن موضوع الحظر دا بقي شماعه الحكومة
تعلق عليها كل إخفاقاتها
يعني أ] فشل في إدارة الدولة الحكومة تعلقه في شماعه العقوبات
الكل يعلم أن الحظر لا علاقة له بالفساد وسرقة المال العام
والحظر لا علاقة له بفشل سياسات الحكومة وعدم عدالتها
ولا علاقة له بإنتشار الحرب
بعد رفع الحظر يا ربي شماعه الفشل حتكون شنو؟
بالمناسبة رفع الحظر دا الشعب السوداني لا ناقة له به ولا جمل
الشعب السوداني المسكين دا لاعاوز يفتح إعتماد بنكي ولا عنده بزنس واقف
عاوز يأكل ويشرب ويتعلم ويتعالج (بي موارده الداخليه) دون أن يسرقها منه أحد
| |
|
|
|
|
|
|
|
|
|
Re: بهدوء رفع الدعم (Re: عبدالعظيم عثمان)
|
مصداقا لكلامك يا عبد العظيم عن ان الحكومة استغلت العقوبات كشماعة, اكبر دليل هو سودانير وما آل إليه حالها, و ابسط و أرع اجابة عن سبب انعدام صيانة الطائرات و المحافظة عليها يقول ليك الحظر و الاسبيرات و المقاطعة وبتاع في حين الحديث هنا عن طائرات الأيرباص الأوروبية التي لا تشملها المقاطعة الامريكية كالبوينج
اليوم داك في قروب الدفعة اثير الموضوع دا زميلنا في سودانير قال نعم الايرباص لاتشملها ولا اسبيراتها المقاطعة لكن تبقى مشاكل فتح الاعتمادات و التحاويل وما الى ذلك, رد عله زميل آخر بأن شركة دال لم يتوقف يوما واحدا توريدها لمنتجات وقطع غيار الكاتربلر و هي من المنتجات التي كانت تشملها المقاطعة في بداية ايامها قبل استثناء بعض الآليات الزراعية
و ايضا لم يتوقف توريد قطع غيار اجهزة التكييف الامريكية مثل يورك وكارير و ترين و غيرها رغم انه الشركات دي نفسها تلقى في فاتورتها مكتوب ممنوع ذهاب هذه المنتجات لعدة دول منها السودان, الناس وصلت لحلول و بقت تستورد و تكمل معاملاتها عن طريق شركات محلية في الخليج ووكلاء و غيرها
ما نقص سودانير هو الارادة و اكتفوا بالتحجج بالمقاطعة
| |
|
|
|
|
|
|
|
|
Re: بهدوء رفع الدعم (Re: محمد البشرى الخضر)
|
Quote: مصداقا لكلامك يا عبد العظيم عن ان الحكومة استغلت العقوبات كشماعة,
اكبر دليل هو سودانير وما آل إليه حالها, و ابسط و أرع اجابة عن سبب انعدام صيانة الطائرات
و المحافظة عليها يقول ليك الحظر و الاسبيرات و المقاطعة وبتاع في حين الحديث هنا عن طائرات
الأيرباص الأوروبية التي لا تشملها المقاطعة الامريكية كالبوينج
|
تعرف يا ود البشري الحكومة دي أفشل منها لم يعرف السودان في تاريخه
منذ مملكة مروي ..
الناس ديل حكوموا أطول فترة بعد الإستقلال
والقروش الجاتم ما جات لي حكومة غيرهم كله كله
والصبر الصبروا عليهم الشعب السوداني سيحكي التاريخ عنه
وبعد دا كله يسرقوا في قروش الشعب السوداني
ويغشوا فيه بالليل والنهار .. وعاوزين يغشوا الناس للمرة المليون
بالعقوبات الإقتصادية , ما زول بيقبل أن تفرض دولة عقوبات علي بلده
بس الحرامية الحاكمين ديل بيخلوا صاحب البال الطويل يفجر في الخصومة
الناس مغلوبة علي أمرها
والشعب السوداني مشغول بالمعايش والعذاب اليومي
والناس عارفين أن سرقة المال العام وفساد الحكام ما عنده علاقة بأي عامل خارجي
دا فساد زمم وعدم أخلاق وإجرام
| |
|
|
|
|
|
|
|
|
|
Re: بهدوء رفع الدعم (Re: محمد البشرى الخضر)
|
التحايل على استيراد الاسبيرات بفتح شركات في الخليج دي حلول فردية....لكن لمن نجي نتكلم عن اقتصاد بلد بحالو يبقى قصة التحايل دي ما مجدية....الحل لازم يكون كلي و عملي...
رفع الحظر بالتاكيد من مصلحة المواطن...اهو الحظر من التسعينات وتبعاته واقعة على محمد احمد المسكين والحكومة موجودة وناسا زادوا ثروات و جاه....
عندك مثال حي وهو كوبا..بقت خارج تقدم العالم التكنولوجي بسبب العقوبات والحكومة في محلها...
| |
|
|
|
|
|
|
|
|
|
Re: بهدوء رفع الدعم (Re: Nader Abu Kadouk)
|
| Quote: عندك مثال حي وهو كوبا..بقت خارج تقدم العالم التكنولوجي بسبب العقوبات والحكومة في محلها... |
يا نادر كوبا وهي تحت الحصار لأكثر من 50 عام
أننجزت أفضل نظام رعاية في العالم
وتقود العالم في صناعه البيوتكولوجي
حكومة السجم حقتنا عملت شنو وهي تحت الحصار
غير مزيد من الفشل والفساد
| |
|
|
|
|
|
|
|
|
|
Re: بهدوء رفع الدعم (Re: عبدالعظيم عثمان)
|
Quote: حكومة السجم حقتنا عملت شنو وهي تحت الحصار
غير مزيد من الفشل والفساد |
الكيزان عصابة فاسدة والحصار لم يؤثر على وجودهم في الحكم..المتاثر الوحيد هو المواطن الغلبان....
| |
|
|
|
|
|
|
|
|
|
Re: بهدوء رفع الدعم (Re: Nader Abu Kadouk)
|
فعلا عبدالعظيم كلامك صاح
شماعة لغلاء الاسعار ... لرفع الدعم ... ارتفاع الدولار
وامكن كلنا بنعرف الموضوع موضوع فساد واستيلاء علي المال العام
ف شنو
النكمل حجتهم وحجة من يتعاطفون معهم انو سبب البلاوي هو الحظر
السودان افضل حليف لامريكا . الحليف الذي لا يقول لا
ذكرني افلام mission Impossible
يقبضوك بننكرك
| |
|
|
|
|
|
|
|
|
|
Re: بهدوء رفع الدعم (Re: عبدالحفيظ ابوسن)
|
حباب عبدالحفيظ ودابوسن
ومراحب بالضيوف الغاشين
من رأيى وحسب ماعشت وشفت في السودان وبره السودان
السلطة دائما تجد طرق تمشى بيها حالها وحال منسوبيها
وتعطى الاولوية لمن دار في فلكها ولذلك فالحاصل اليوم
في السودان ان السلطة الحاكمة لاتتأثر بالحظر او خلافة
ولاتشتكى السلطة ولامن يدعمها من شح ولا نقص
كما لايشتكى افراد اسر الحكام من ضائقة في علاج او
دراسة بل ولايشربون من نفس الماء الذى يشربه عامة الناس
ولايتداوون في نفس المشافى ولا يجلسون على نفس الكنب ولا
في نفس المدرسة مع ابناء المساكين ...
واذكر هنا مافعله وزير التعليم العالى حينها - ابراهيم احمدعمر
حين اعاد كل الدارسين في الخارج الى الجامعات
الكرتونية في الداخل بينما قام على الفور بإرسال اثنين من ابنائه
للدراسة حتى الدكتوراه في امريكا (امريكا) تخرج احدهما ونال
الدكتوراه ثم عاد مديرا لشركة دايموند وقد توفاه الله وبعد موته وقعت
فضيحة مشهورة تتعلق بميراث 15 مليون دولار (ان لم تخوننى الذاكرة)
كانت في حسابه طالبت بها ارملته ثم قيل انها تخص الحكومة واجهزتها
المفيد من القصة هو تأكيد عدم تأثر هؤلاء بما يعانيه اولئك ...
وعليه فإن الحصار الواقع على السودان هو حصار للفقراء وابناء الفقراء
دون غيرهم ومن المجالات التى تضرر بها ابناء العامة والمعدمين هو مجال
الدراسات والمنح في الخارج والتخصص في نواحى كثيرة حيوية
كذلك كل المجالات الفنية ذات الشهادات الاحترافية ذات الاصل الاوروبى
والامريكى وكذلك احجام الشركات الغربية عن التعامل مع السودان بل
ورفض توظيف السودانيين في اوروبا (شركة سيمنز على سبيل المثال)
وغير ذلك من الامثلة.
والمؤسف ان البعض يربط بين رفع الحظر وبقاء السلطة ... حسنا ولكن السلطة
بقيت منذ العام 1989 رغم الحظر وقد تبقى الى ان يشاء الله اليس هذا مؤشرا
على عدم ارتباط الحظر مع بقاء السلطة ؟ المشكلة ليست في قوة السلطة
ولكن في ضعف المعارضة التى تحتاج الى ان تتلمس نقاط القوة والضعف
في جسمها ان ارادت ان تصبح ذات اثر .
مصيبتنا في فجور السلطة الذى يقابله فجور من المعارضة
سلطة لا تكترث لحياة الناس ومعارضة لا تختلف عن السلطة
الا في الالوان
سلطة متطرفة يمينية ومعارضة متطرفة يسارية والناس بين قطبى الرحى يطحنون
ولكم مودتى وتقديرى
| |
|
|
|
|
|
|
|
|
|
Re: بهدوء رفع الدعم (Re: Abdalla Hussein)
|
انا شخصيا مع رفع الحظر حتي ولو كان فيهو تاثير ايجابي بنسبة 1% فقط من تحسين حياة المواطن ...فالاولي رفاهية المواطن ..الشخص الذي لايملك قوت يومة لايستطيع ان يفهم معني الحرية او الديمقراطية ولا يفكر في تغيير نظام وهو جائع ومشهلت
..هذة الحقيقة لايستطيع فهما نوعين من الناس فقط وهم الموجودين خارج السودان ولايشعرون بمعني هذا الحرمان وكذلك ناس الحكومة والمنتفعين منها ...فالمطالبة باستمرار الحصار تضع الاثنين في مركب واحد..
| |
|
|
|
|
|
|
|
|
|
Re: بهدوء رفع الدعم (Re: عبدالحفيظ ابوسن)
|
مسيرة امريكا هزمت المشروع الحضارة .. هزيمة مخجلة جدا
هزيمة شعارات السلطة . لن نزل ولن نهان وتلك التعابير ضد امريكا من قمة الهرم التنفيذي وانت نازل
ومن ثم هزيمة للسودان
هزيمة للعزة السودانية
هزيمة للاباء والشمم
هزيمة للاعتزاز
ان تطلب الود بالاستجداء وتحسبه انتصارا
| |
|
|
|
|
|
|
|
|
|
Re: بهدوء رفع الدعم (Re: عبدالحفيظ ابوسن)
|
المتهم لما يدان وتثبت ضده الجريمة
ما بطالب بإلغاء الحكم لكن بطالب ب الاسترحام بالدارجي كدة انا غلطان لكن ارحموني . والاسترحام بكون بالتذلل
لو هو حاسي انو ما غلطان ما بسترحم لكن بستأنف ويأتي بأدلة تبرئه .. وممكن بعد داك يطالب بالتعويض
| |
|
|
|
|
|
|
|
|
|
Re: بهدوء رفع الدعم (Re: عبدالحفيظ ابوسن)
|
Quote: المتهم لما يدان وتثبت ضده الجريمة
ما بطالب بإلغاء الحكم لكن بطالب ب الاسترحام بالدارجي كدة انا غلطان لكن ارحموني . والاسترحام بكون بالتذلل
لو هو حاسي انو ما غلطان ما بسترحم لكن بستأنف ويأتي بأدلة تبرئه .. وممكن بعد داك يطالب بالتعويض |
ودابسن ازيك ياخي,,,,,جماعتك فارشين عديل كدة,,,,
| |
|
|
|
|
|
|
|
|
|
Re: بهدوء رفع الدعم (Re: عبدالحفيظ ابوسن)
|
تحياتي اخ عبدالحفيظ
ما في أي دراسة اقتصادية بتوري اضرار الحصار "الأمريكي" على السودان
وكم من دولة اتحاصرت وقدرت تتغلب عليه بل طلعت أقوى اقتصاديا واجتماعيا
وزي ما قال محمد البشرى الشركات الخاصة لو دايرة تستورد أي حاجة بتستوردها
فما بالك بالحكومة
ولو تم رفع الحظر ما أتوقع أي فائدة مباشرة او غير مباشرة تعود على المواطن المسكين
لا سعر الأدوية حيرخص لا المحروقات حترخص لا المدخلات حترخص
حيكون فعلا في زيادة في ايرادات الدولة لكن في ظل النظام الحالي دا ما حينعكس بأي أثر إيجابي على المواطن
دي مجرد شماعة بس
| |
|
|
|
|
|
|
|
|
|
Re: بهدوء رفع الدعم (Re: احمد الشيخ)
|
جرعة "واقعية" محبطة!
وطيب وحال السودان -قبل فرض العقوبات في 1996 كان كيف ؟
لماذا لم تنعش العلاقة الإقتصادية العادية مع أمريكا قبل 1996 الإقتصاد؟
إقتصادنا دمره الفساد والنهب وسوء التخطيط - وإهمال الزراعة وتكريس معظم موارد الدولة للأجهزة الأمنية ! وإهمال الإنسان عماد التنمية -وسحب مكتسباته في مجانية العلاج والتعليم !
* إقتصادنا دمرته الهيمنة والكنكشة وإنعدام الشفافية ومبدأ المحاسبة !
*أها قول" رفعوا" العقوبات وعاد السودان لوضع عام 1996 الحايحصل شنو؟
وضع 1996 كان أسوأ إقتصاديا من الوضع الحالي ! الحصار لم يمنع إستخراج البترول والدهب فأين عائدات البترول والدهب؟
* علما بأنه العقوبات أمريكية وليست أوربية إو روسية أو صينية أو شرق إسيوية ! يعني ممكن جدا وجود أسواق بديلة وممكن الإستيراد من أمريكا باللفة ! وأمريكا لن تمنح منتجاتها بالمجان
بل هي أغلي مما في الأسواق البديلة حاتجيب فلوس من وين ؟
* الكيزان عايزين يحتكرو إستيراد السلع الأمريكية ويهيمنوا علي توكيلات الشركات الأمريكية والسوق الإستهلاكي وماهماهم الشعب يموت واللا يغور !
.. ** بعدين مين اللي كان السبب في فرض العقوبات ؟
مين ربط الوطن بالإرهاب والتطرف وأوي الإرهابين ! مين؟
الغريبة أنو الكوز اللي كان يهتف الأمريكان ليكم تسلحنا وأمريكا روسيا دنا عذابها هو ذات الكوز الذي يستجدي اليوم أمريكا ويدبج العرائض لرفع العقوبات ويوسط إسرائيل !
الكوز يتظاهر و يهتف الأمريكان ليكم تسلحنا وأمريكا روسيا دنا عذابها - ولانذل ولن نهان ولن يتحكم فينا الأمريكان!( بالأمس_) واليوم يهتف أمريكا يا أخت بلادي ! أرحمينا يا ماما أمريكا !
أين الإتساق والمبدئية ياهولاء ؟ اليس في وجوهكم مزعة لحم ألم "تزرقو بمسحة حياء وقليل من ماء وجه ؟
والمقصود هنا الكيزان فقط !
| |
|
|
|
|
|
|
| |
عبدالحفيظ ابوسن
مني عمسيب
علاء سيداحمد
Salah Zubeir
عمر أبوعاقلة
حمد عبد الغفار عمر
كمال عباس
عبدالعظيم عثمان
محمد البشرى الخضر
Nader Abu Kadouk
Abdalla Hussein
Mohd Ibrahim
احمد الشيخ
فيس بوك
تويتر
انستقرام
يوتيوب
بنتيريست