|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: مصدرو الزهرة الفى نواحى الخرتوم بحرى (Re: أبوذر بابكر)
|
أها دا الكلام يا أبا ذر..
أحكي ليك حالي في نكتة!
قالوا راجل بحب المديح شديد خلاص و دقة الطار يدخل في الدايرة و يرقص رقبة!
أها بناتو كبروا و بقوا ينحرجوا من رقيص الرقبة دا.. كلم أبوهم و حنسوه ما يرقص بالرقبة! وافق! أها بناتو عشان يلتزم قالوا ليهو "قول على الطلاق تاني ما برقص رقبة! " حلف بالطلاق!
أها على التعترو بعد كم يوم الطار نقر في بيت جيرانهم --- جو مداح جداد في الحلة..
أها بدا الطار تبل دنق تبل دنق! دنقل دنق دنقلنك دنق!
أها زولك مرق جاري قال لبناتو أها البطلقو أمكم وصلوا! و هاك رقبة و رقيص!
دحين في بوستات حايمة و فيها احراج كدا على موافقة القطيع و إنو في طرب عالي لازم نحسو! ما في إحساس نحسو!إتعقدنا من روحنا دي و قلنا يمكن بقينا " من نفسه بغير جمال"!
لمان جاء بوستك دا..و دخلت و الطرب و صوت الكروان! لا حولا! والله قربت أرقص رقبة! أها البطلق امهم أياهو كرومة دا.. الحقنا بالحاج سرور و البدائع خلينا من زمن الإنحطاط دا ! الزولة إتطلقت قبيل و البنات مجهودن ضاع! قول على الطلاق قال!
| |
 
|
|
|
|
|
|
|
|
Re: مصدرو الزهرة الفى نواحى الخرتوم بحرى (Re: Omer Abdalla Omer)
|
ازيك يا عمر
عارف
الطلاق هين وبتباصر
المشكلة فى تدردق الواطا وشحتفة الرويحة البتقرب تمرق
اى والله بتقرب تنسل وتمرق من جتة الزول
كرومة ده حالة طربية ما عاديه تب
والله حقو الزول هسه ينقر ليك طار زهرة الروض الظليل
قالو كروم قعد يحنس فى عمر البنا وهم مسافرين بالقطر ماشين حلفا ومنها داخلين على مصر
يحنس ويدودر فيهو عشان يباصر ليهو موضوع زهرة الروض الامدرمانية
وعما عمر يعجبك عاد
يمين بالله لامن القطر فات كبوشيه بى شويه
اللورد لحن الزهرة وقعد ينونى ويبكى
وعمر يدسدس فى دمعاتو ويسكت فى صاحب
لو مر نسيمك
على الف ميل
يخلى العالم
طربا مييييييت
زاد وجدى
ونوم عيني أصبح قليل
ياخ مالك علينا يا عمر ياخ
برانا حرانين وعطشانين
أبدع ما عند بطران مع سرور
أطردوا الاحلام يا جميل وأصحا
قوم نقضى الليل ننشد الفسحه
فى ضفاف النيل
دى خليها لما يلى من وجد عميم وطرب عظيم
| |
|
|
|
|
|
|
|
|
Re: مصدرو الزهرة الفى نواحى الخرتوم بحرى (Re: Awad Omer)
|
ازيك يا عوض
ورمضانك مبارك عليك
الكابلى دائما بدى طعم جميل لاغانى المطربين التانين
والطعمية الحلو ده بطلع عشان الكابلى اصلا بغنى الحاجات ال بحبها
زى أغنيات أبوداود و حسن عطية والشيعة
والنكهة الحلوة جايه عشان هو ب يؤدى الأغنية بطريقته هو
أحسن مثال لما يغنى رائعة الخليل ماهو عارف قدمو المفارق
بحتفظ طبعا ب اللحن والميلودى البيزك لكن بغذيهو ب اسلوبو وطريقته السمحة
هو نفس اللحن والإيقاع الاصلى بتاع إبراهيم عبد الجليل لكن لما تسمعه عند الكابلى بتحس بطعم جديد
شكرا ليك يا عوض
| |
|
|
|
|
|
|
| |
أبوذر بابكر
Omer Abdalla Omer
Awad Omer
Amira Hussien
إبراهيم عبد الحليم
فيس بوك
تويتر
انستقرام
يوتيوب
بنتيريست