قدرك وداك تشاركى فى الحوار و بى اسم ناس المنافى كمان و جا الزمن ختاك فى البرلمان كعضو مستقل لا حزب له زى ما قلتى و صوت يجهر بالحق من اجل السودان و اهل السودان كلام سمح و زين
06-02-2017, 10:39 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
اها ما دام الريس سمّاك رئيس وفد المنافى و ده اعتراف منّو من غير ما يشعر بى انو هو السبب فى شرادنا بى سبب عمايلو المو ياها دايرنك تمثلينا صاح ياكى صوتنا فى البرلمان و نحنا الموافقنك و المعترضين عليكى و البين بين مافى لينا طريقة غير نرضى بالواقع و يا قول حبوبتى ليمياء فاس و وقع فى الراس عشان كده مجبورين نقول ليك و مجبورة توصّلى صوتنا عشان تمثلينا صاح تمثلينا ما تمثلى بينا
06-02-2017, 12:36 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
تعال هنا انت على كيفك ول على كيف تراجي بتاعتك ديا نحن في السعودية ما تمثلنا أبدا على كيفكم انتو ناس كندا والأمريكتين خليها تمثلكم لو جابت ليها جبرية يمثلنا ودالباوقة صاحب البشير والفريق طه مجتمعين
06-02-2017, 12:51 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
يا حمد روّق المنقة الحاجات بتمشى بالعقل و المنطق زى ما قال نيتشة ود الباوقة ده عشان يخدمكم لازمن يخش البرلمان و حلّك لامن الدورة البرلمانية دى تنتهى و يعملو انتخاباااات و يمكن ما يفوز و يمكن ما يفوز لحد الزمن داك ديوان المغتربين بيكون ....... ف شنو امسكو معانا فيها و اتمسكنو لامن ود الباوقة يتمكّن و انتو ما بعدين عننا ياكم ولاد عمنا منفيين و مغتربين ياهو الهم واحد هسى شوف ود المشرّف مشى السودان غلبو يخش الحمّام الفى المطار هسى دى ستنا تراجى بى فد فيديو يمين الله حمامات السوق العربى ذاتا تتنضّف اها ده مكسب وللا ما مكسب قليل من الحنكة السياسية لا يضير او كما قال سيد اللبن ____ الفيس بوك اتعلقن علىّ .. ابا يفتح
06-02-2017, 01:12 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
اها يا ستى تراجى نحنا عندنا مطالب .. مطالب لى اجل شعبنا الغلبان ده و نرفعا ليك و لوجه الله تعالى دايرنك بكرة من الصباح تقومى و تلفحى توبك و على البرلمان عدل و ما تنسى بسطونة حقوقك الدستورية كنائبة فى البرلمان ما تشتغلى بالعربية .. بى رجلينك احسن و اسرع و افيد و اهو تتغبّرى شوية فى سبيل الوطن بس خلّى السواق يجيك هناك عشان خاتر الرجعة و كده و تخشّى اول زول فى رجا رئيس البرلمان و تسجلى اسمك عن سكرتير الجلسة او طلب مسألة مستعجلة اهمّ شى صرّة الوش و الجدية
06-02-2017, 06:14 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
و اول ما رئيس البرلمان يبدا الجلسة و قبل يسمّى ترفعى ايدك و تقيفى على حيلك تقلعى النضارة تحرّكى راسك يمين و شمال و تعاينى لى كل النواب ثم تنظرى للمنصة و تلبسى النضّارة و بى تجّهم شديد و نبرة حادة يملؤها الغضب و الرغبة فى البكاء سيدى الرئيس السادة النواب الامانة الملقاة على عاتقنا تتطلب وقفة جادة و حاسمة بى اعتبار ان الوضع الحاضل آكشولى يعتبر كارثة الكوليرا تنتشر و تتمدد الاضابات وضلت كده .. رقم.. الوفيات وصلت كده ... رقم .. هناك تقاعس كبير و مخزى فى التعامل مع الكارثة سواء على المستوى الولائى او على المستوى الاتحادى لذا اطالب باستدعاء الاتية اسمائهم للمثول اما الرلمان فى امر مستعجل و هم / السيد/وزير الصحة الاتحادى السيد / والى الخرطوم السيد/ والى النيل الابيض السيد/وزير الصحة ولاية الخرطوم السيد /وزير الصحة ولاية النيل الابيض استداء عاجل للمثول امام البرلمان للاجابة على الاشئلة التالية
الليلة سمعت تسجيل لتراجي يغالبها الدمع المنهمر غذيراً على الوطن الذي اكتشفت للتو بانه يعيش انقساماً حاداً
وكأن هذا الانقسام وليد اللحظة يا حضرة النائب نحن نعاني الانقسامات من قبل 1956
وكانت ثمرتها انقسام البلد الى دولتين ولا داعي لذكر بقية الاقاليم المهددة بالانفصال عن الوطن فما الداعي للبكاء اليوم؟؟
الان يا حضرة النائب اجل واعظم عمل وطني يمكنك القيام به هو لفت انتباه السادة اعضاء البرلمان الى هذا الوباء الذي يفتك بالشعب الشعب الذي تحكمونه مهدد بوباء قاتل وسهل الانتشار كما انه سهل العلاج لو تكرمت الحكومة ممثلة في وزارة الصحة بالتدخل لايقاف هذا الوباء ، فتكرمي يا تراجي على الشعب واثيري هذه الكارثة في قاعة برلمانكم المكندشة ذات مياه الصحة النقية التي لا تأتيها الكوليرا لا من بين يديها ولا من خلفها
فااا كلمي الجماعة ديل ياتراجي اكيد هم ما عارفين
تحياتي يا جلال
06-03-2017, 01:16 AM
فرح الطاهر ابو روضة فرح الطاهر ابو روضة
تاريخ التسجيل: 10-22-2012
مجموع المشاركات: 11112
Quote: الان يا حضرة النائب اجل واعظم عمل وطني يمكنك القيام به هو لفت انتباه السادة اعضاء البرلمان الى هذا الوباء الذي يفتك بالشعب
عشان كده بنطلب منها تقول و امامكم طلب مثول السادة المذكورين اعلاه للاجابة على 1/ لماذا تم توصيف الوباء بالاسهالات المائية 2/ عدم اعلان حالة الطوارئ لعلاج الحالات المصابة و التى هى فى ارتفاع و محاربة انتشار المرض 3/ اعلان بعض المستشفيات ذات الطابع الفندقى الخاصة عن عدم استقبالها لأى حالات مرتبطة بالوباء 4/ القصور فى نظافة المدن و الاحياء للحد من انتشار المرض لقد قام المذكورين اعلاه بالمساهمة فى انتشار الوباء بدلا عن الحد من انتشاره عليه اطلب مثولهم امام منصة الشعب و ان ثيت تقصيرهم فى اداء واجبهم يجب ان تتم محاسبتهم هنا حتى يكونوا عبرة لمن لا يعتبر شكرا سيدى الرئيس ... صفقة تهز اركان البرلمان ___ قصرت معاها يا هيثم ..
06-03-2017, 12:44 PM
elhilayla elhilayla
تاريخ التسجيل: 02-05-2002
مجموع المشاركات: 5551
طال ما هى زعيمة يبقى تبكى تضحك من حقها ما يلينا من امرها .. دخلت البرلمان بى اسمنا .. كواحد كم اهل المنافى دى حاجاتى بوصلا ليها يا تبقى قدر كلاما و توصل صوتنا للناس ديل يا تورينا عرض اكتافا ياهن ديل ..دربين بس ما عندها درب غيرن
06-04-2017, 06:56 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
Quote: من زمان بشوف الشباب بيسخدموا الجملة دي و تمنيت تجي مناسبة عشان انا كمان اقولها .. هو بوستيك ده هو المناسبة بعينها ... : " جلال ... قوم لِف ... "
اعصابك يا شيخ يحيى الكبر دخل و اشتقت لى ايام اللف ولّ شنو عاين جاى خلنى اللكمّل حديثى معاها و بعدا الف ليك زى ما داير بالمناسبة اسمك بكتبوهو كده ..يحيى..
06-04-2017, 06:59 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
معليش نزلّت الفيديو بتاعك قبل ما اطايبك عشان الحتة دى محسوبك فتح البوست ده طال ما جات سيرة المنافى يبقى عندنا حق فى رقبتا انا غايتو كايس حقّى و مابخلّيهو و بحاسبا عليهو
06-04-2017, 07:05 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
اما وزير الداخلية ده فمشاكلنا معاهو كتيرة بالجد و يستاهل كل يوم تجرجريهو و تجيبيهو البرلمان لكن فى دى وزير الداخلية براهو ما بكفّى الكيس ده لازمن تطلبى مثول رئيس الجمهورية و مدير جهاز المخابرات و وزير الداخلية و الموضوع اختفاء الزميل و المواطن شهاب كرار ذات عصرية من عصريات مارس 2015 و تزرزيرهم زرزرة الكلاب فى الحتّة دى و اذا عجزوا فى العثور عليه او ثبت ان جهة تابعة ما مشاركة فى اختفائه يجب ان تطالبى بمحاكمتهم و عزلهم من مناصبهم فاوجب واجباتهم حماية المواطن السودانى فى نفسه و عرضه و ماله المهم لن نتركك تهنأى بهذا المنصب الى ان يعود شهاب لاسرته
06-05-2017, 06:03 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
اها يا تراجى امسكى عندك الزميل ابو سن جاب تصريح لى وزير الصحة الاتحادى قال فيهو من حق المستشفيات الخاصة ما تستقبل مرضى الكوليرا ده فى حد ذاتو تصريح يجيبو البرلمان الليلة و فى جلسة طارئة كمان الوزير ده جاك مدردق يلا قومى شوفى شغلك
06-05-2017, 06:19 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
و كمان الزميل ود الباهى جاب ليهو خبر مواطن سودانى يتعرض للضرب من قبل الشركة اين كرامة المواطن السودانى و عزته ده كلام الدستور يا تراجى ـ لكل شخص الحق في الحرية والأمان، ولا يجوز إخضاع أحد للقبض أو الحبس، ولا يجوز حرمانه من حريته أو تقييدها إلا لأسباب ووفقاً لإجراءات يحددها القانون. فما بالك بجلده ح يقولو ليك جيبى الدليل يا تراجى اها الدليل ياهن ده
شكراً الزميل عادل الباهى
06-05-2017, 09:03 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
تعرفى يا تراجى الجميع متوقّع منّك فيديو عن الوضع الراهن و حكاية طه طمنطاها دى.. خاصة المودة بينك و بين مؤسسة الرئاسة سمن على عسل و وصلت مرحلة اضحاك الرئيس عشان خاتر صحّتو يا ريت تجدعينا بى واحد فيديو فيهو كل التفاصيل عشان ناس المنافى ديل ما عارفين الحاصل شنو و راح ليهم الدرب فى الموية و منّها الواحد يقول .. قطعت تراجى قول كل خطيب و برضو مكسب اعلامى ليكى
يا جلجل ... سلام ...و رمضان كريم .. انت وضيوفك ... انا لي مده من المنبر دا .. وبطني طامة من اي حاجة .. واليوم اول ما دخلت شفت بوستيك البطاال دا... تراجي دي .. كتر خيرها يااخ .. كونها وافقت تكون نائبة في البرلمان ... وانا كنت متوقع عودتها لكندا ... بدل الجرجرة دي ... اصلا هي الجابرها شنو تقعد مع الغبش وفي الكتاحة والشمس المحرقه في سودان الجن دا .... ما كانت في امانة الله مرطبه ( زيكم كدا ) عايشة في مكان نضيف وتستلم مخصصاتها بالدولار وساكنة في احسن بيت وراكبة احسن عربية .. حسي الحكومة ادتها اكسنت اي هلفوت راكبها .. وغيرها راكب لاندكروزر اكس في ار .... واعتقد راتبها الان لا يتعدي الحداشر الف ( ما يعادل 600 دولار ) .. ( انا عندي قريبي في البرلمان بياخد نفس الراتب دا ) مبلغ زي دا كانت بتصرفو في سوبر ماركت في كندا ... فا شنو .... خليكم في ترطيبتكم ... وما تشغلوا بالكم بالشعب الفضل ... والله وحده هو المنجيهم والساترهم .. لا الحكومة شغالة بيهم ولا اي نائب في البرلمان شغال بيهم .... وكل عام وانت بخير ,,,
اخونا عماد الدين اول حاجة اسف على التأخير فى الرد و يمين الله ما قصرتً تب لكن يا للاسف البوست ذات نفسو طرشق و الراجنّو منها ضربت بيهو عرض الحائط و زى ما قال اخونا قبانى سكره و فكّت
08-08-2017, 06:06 AM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
جلالدونا
Kostawi
حمد عبد الغفار عمر
جمال ود القوز
فرح الطاهر ابو روضة
يحي قباني
jini
elhilayla
الزبير بشير
أحمد الشايقي
محمد مجيدو
أيمن الطيب
فيس بوك
تويتر
انستقرام
يوتيوب
بنتيريست