|
|
|
 Re: خروج نهاااائي = سيارة معفية من الجمارك (Re: عماد الدين الطيب عمر)
|
سلام يا عماد
لا يوجد اعفاء من الجمارك, المتوفر هو اعفاء من غرامة الموديل, او السماح باستيراد سيارة يرجع تاريخ صنعها لفترة خمس سنوات سابقة للسنة الحالية
أما الجمارك فلا اعفاء منها باي حال اللهم إلاّ بالواسطة ممكن تتم اعادة التقدري اما اعفاء نهائي مع الفلس الضارب الحكومة ماف ليه طريقة, الجمارك باتت هي و الضرائب الرافدين الرئيسين للميزانية
| |
  
|
|
|
|
|
|
|
|
Re: خروج نهاااائي = سيارة معفية من الجمارك (Re: عماد الدين الطيب عمر)
|
يا عمك
نصيحة من اخوك الكبير
قبل ما تجمع قروش السيارة
ابذل جهد كبير عشان تجمع قروش الجمارك
معي زميل مهندس طرق صومالي
قال لي
والله اجمل فترة مرت على الصومال
حينما كان الصومال
ولمدة عامين
بدون حكومة
قلت له .. كيف يعني
فقال لي
من حسنات عدم وجود حكومة في الصومال
انني اخذت سيارة جديدة من جدة
ولم تقف الا امام البيت
لاجمارك
ولازكاة
ولا هي لله
ولافرق موديل !!!!
| |
|
|
|
|
|
|
|
|
|
Re: خروج نهاااائي سيارة معفية من الجمارك (Re: عماد الدين الطيب عمر)
|
Quote: سلام يا عماد
لا يوجد اعفاء من الجمارك, المتوفر هو اعفاء من غرامة الموديل, او السماح باستيراد سيارة يرجع تاريخ صنعها لفترة خمس سنوات سابقة للسنة الحالية
أما الجمارك فلا اعفاء منها باي حال اللهم إلاّ بالواسطة ممكن تتم اعادة التقدري اما اعفاء نهائي مع الفلس الضارب الحكومة ماف ليه طريقة, الجمارك باتت هي و الضرائب الرافدين الرئيسين للميزانية |
الاخ عماد .. سلام
كلام الاخ محمد البشرى صحيح ...
فاعمل حسابك وما تدقس ...
تحياتي ,,
| |
|
|
|
|
|
|
|
|
|
Re: خروج نهاااائي سيارة معفية من الجمارك (Re: عماد الدين الطيب عمر)
|
لا يوجد
ولا أظن انه سوف يحدث لانه وبكل بساطة سوف تصبح زي حكاية (دولار الصرافات) الكل يشيل ويسافر ويجي راجع بالدولار ويبيع في السوق الاسود
يعني اقامة في احدى دول الخليج ب10 الف ريال وخروج نهائي بسيارة توسان أو برادو جمارها قرابة 100 الف ريال
نص الشعب حيشتري اقامات ويجي تاني يعمل خروج نهائي
ما تحلم
| |
|
|
|
|
|
|
|
|
|
Re: خروج نهاااائي سيارة معفية من الجمارك (Re: الطيب عباس)
|
Quote: ولا أظن انه سوف يحدث لانه وبكل بساطة سوف تصبح زي حكاية (دولار الصرافات) الكل يشيل ويسافر ويجي راجع بالدولار ويبيع في السوق الاسود
يعني اقامة في احدى دول الخليج ب10 الف ريال وخروج نهائي بسيارة توسان أو برادو جمارها قرابة 100 الف ريال
نص الشعب حيشتري اقامات ويجي تاني يعمل خروج نهائي
|
Quote: ناصر
كلامك منطقي جداً |
(لو) حاجة زي دي حـ تحصل - الإعفاء الجمركي - أقلها ممكن يحددوا فترة
الإغتراب ضمن شروط الإعفاء وغيرها من الشروط التعجيزية.
| |
|
|
|
|
|
|
|
|
|
Re: خروج نهاااائي سيارة معفية من الجمارك (Re: Mirghani Taitawi)
|
زور الرابط دا يا عماد بتلقى قائمة الأمتعة الشخصية المعفية من الجمارك في حالة العودة النهائية مع الشروط
قائمة الأمتعة الشخصية المعفية في حالة العودة النهائية
بالمناسبة ما تستهون بقصى غرامة الموديل, مبلغ وقدره و اسعار السيارات المستعملة في السودان دونا عن الدنيا كلها تزيد ولا تنقص!!
حتى راجت تجارة بيع التصاديق هنا, يعني التاجر يشتري العربية و يشتري تصديق الإعقاء من مغترب عائد نهائي بمبلغ يصل لثلاثة آلاف درهم (حوالي عشرة مليون) ويشحن السيارة بإسمه و يستلمها في السودان بمبايعات وورق رسمي ويدفع الجمارك و الغرامة
| |
|
|
|
|
|
|
|
|
|
Re: خروج نهاااائي سيارة معفية من الجمارك (Re: محمد البشرى الخضر)
|
طيب يا ود البشرى مع أسعار السيارات في السودان
أحسن الواحد يشتري من السودان ولا يجيب معاه عربية ويدفع ضرايب وغرامات وغيره
يعني هل مجدي الواحد يجيب عربية من برا ولا أحسن يلم قروشوا ويسلم رقبته للسماسرة
بالجد عايزين مقاربة ومقارنة ونصيحة في الموضوع دا
شكراً لصاحب البوست
| |
|
|
|
|
|
|
|
|
|
Re: خروج نهاااائي سيارة معفية من الجمارك (Re: Frankly)
|
اعتقد يا فرانكلي الغرض هو الممكن يحسم الخيار, هل عايز سيارة تستعملها ولا تبيعها
ميزة الشراء من الخارج انك بتشتري المستعمل رخيص جدا مقارنة بسعره في السودان بالإضافة لأن التعريف الجمركية تنخفض اذا تراجع الموديل
يعني مثلا تشتري سيارة تاريخ الصنع 2015 و تدخلها في 2016 جماركها اعلى من سيارة موديل الفين واربعطاشر, انا اعرف تجار هنا يشتروا في ديسمبر لكن يشحنوا في يناير للإستفادة من تخفيض التعريفة
ميزة أخرى لشراء المستعمل من الخارج حالة السايرة بتكون افضل من المستعملة المشت نفس الفترة في السودان بسبب الشوارع و الاستخدام و طبيعة الصيانة المتوفرة وما إلى ذلك
دا حسب تعاملي مع بعض الاقرباء اشتروا سيارات و اعفاءات من هنا, ولا علم لي بميزات و حال السوق في السودان لكن بصفة عامة لا اثق في السماسرة و اعرف من دخل الدلالة بحافلة نضيفة طلع بركشة وتلاجة و تلفزيون!!
لذا من يفتيك افضل اخونا المسلمي باعتبار انو دا مجاله
ولو عندك طولة بال على الأمير توفيق برضو ممكن يفتيك حسب خبرته
| |
|
|
|
|
|
|
|
|
|
Re: خروج نهاااائي سيارة معفية من الجمارك (Re: محمد البشرى الخضر)
|
شكراً محمد البشرى
الغرض الإستخدام الشخصي
| Quote: يعني مثلا تشتري سيارة تاريخ الصنع 2015 و تدخلها في 2016 جماركها اعلى من سيارة موديل الفين واربعطاشر, انا اعرف تجار هنا يشتروا في ديسمبر لكن يشحنوا في يناير للإستفادة من تخفيض التعريفة |
معليش يظهر الكبر وصل المخيخ الأوسط لكن قدر ما قريت المقتبس دا ما فهمته
للتبسيط سيارة موديل
2016
2015
2014
أيهما أقل تكلفة جمركية؟
ولو 2014 دخلتها 2016 الميزة شنو بالضبط هل الجمارك على حسب موديل السيارة أم على تاريخ دخولها؟
تحياتي
| |
|
|
|
|
|
|
|
|
|
Re: خروج نهاااائي سيارة معفية من الجمارك (Re: Frankly)
|
لو دخلت موديل السنة نفسها لازم تكون السيارة مشت 10 آلاف كلم حماية للوكيل, و هي اغلى تعريفة جمارك على الإطلاق باعتبارها موديل السنة
لكن لو دخلتها في 2017 لا تعتبر مويل السنة ينتفي شرط الكيلومترات و تقل الجمارك
لو دخلتها في 2018 تقل الجمارك اكثر
يلا هنا تظهر غرامة الموديل - او المنع - لو زاد موديل السيارة عن ثلاثة سنوات لذا يستفيد المغترب من الاعفاء
بالمناسبة هذا الاعفاء تابع لوزارة التجارة لا الجمارك
المهم اجابة على سؤالك التعريفة الجمركية عبارة عن ضرب معاملات منها موديل السيارة و حجم الماكينة و هل هي سيدان ام دفع رباعي و هل فيها كشب (تزويدات) ام لا
و اهم معامل هو فرق سنة الصنع من سنة الدخول, يعني لو اتخيلت عربية تاريخ صنعها 2015 و جماركها الآن في 2016 لنقل مية مليون, ستكون جماركها في 2017 تسعين مليون وفي 2018 ثمانين مليون وهكذا
| |
|
|
|
|
|
|
|
|
|
Re: خروج نهاااائي سيارة معفية من الجمارك (Re: عماد الدين الطيب عمر)
|
يا زول شيل قروشك في يدك صره و خيط و ادخل السوق ، بس فعلا اعمل حسابك من السماسره بدل سيارة حا تشتري ارض في الوادي الاخضر . و برضو اولاد الحلال موجودين .
بالمناسبه وزير المالية الجديد قال لي ناس الجمارك و الضرائب اي زياده في التحصيل زياده من الربط عندكم فيها نصيب يعني عايره و ادوها سوط .
اذا عاوز صالون ناس كرولا و كامري و النترا ديل بالكوم و متورطين فيهم مغتربين مغشوشين .
نتصيحتي ليك اقع البكاسي الديزل . انا اشتريت بوكسي موديل 2005 في سنه 2011 بمايعادل 100 الف درهم ، كل ما امشي في مكان اجي مشتري السعر حصل 110 الف درهم . قالوا بمشوا بيه الدهب . برضو بكسي الديزل سعره فيه .
اذا اشتريت برادو الرماد كال حماد و قروشك وقعت واطه .
الزبير الختمي
تخريمه : حولنا سيارات يا معاويه المسطول و احمدونا الضلالي و اب قفطان ام فكو .
| |
|
|
|
|
|
|
|
|
|
Re: خروج نهاااائي سيارة معفية من الجمارك (Re: ولياب)
|
لا يوجد اعفاء من الجمارك, المتوفر هو اعفاء من غرامة الموديل, او السماح باستيراد سيارة يرجع تاريخ صنعها لفترة خمس سنوات سابقة للسنة الحالية أما الجمارك فلا اعفاء منها باي
حال اللهم إلاّ بالواسطة ممكن تتم اعادة التقدير,, اما اعفاء نهائي مع الفلس الضارب الحكومة ماف ليه طريقة, الجمارك باتت هي و الضرائب الرافدين الرئيسين للميزانية((Quote))
<<<<<<<<<<<<..............
ده كلام محمد البشرى...
وعندما قرأت هذا الكلام وعشان نأكد ليك الحقيقة يا عماد اتصلت بقر يب لي يعمل في الجمارك منذ عشرة سنوات وسألأته عن الحقيقة
وقرأت له ما كتب محمد البشرى، فقال نعم هذه هي الحقيقة المجردة ، فلا احد في السودان يعفى من الجمارك حتى ولو كان وزيرا ..
وان الاستثناء الوحيد للإعفاء من الجمارك لأصحاب المزارع الانتاجية، اي انهم باستطاعتهم استيراد الآلات الزراعية كالتركترات
وآلات الحفر الميكانيكية بدون جمارك وممكن ايضا يستوردوا بوكس دبل كابينة لأعمال نقل المنتجات من المزرعة الى الأسواق،
ولكنه لا يستطيع ان يبيع هذه السيارة إلا بعد مضي عدد من السنوات....( هذه هي الحالة الوحيدة الممكن يعفى منها من الجمارك،
وما عدا ذلك فمستجيل..
كويس يا عماد مادام محمد البشرى بيقول ليك ممكن بالواسطة إعادة تقدير سعر السيارة، فنعمل معاك بيزنس، نكلم ليك قريبنا
ونعيد تقدير سعر سيارتك التي تريد ان تشحنها للسودان وتديني 1 في الميه من ثمن السيارة...( اللهم اني صائمة) ( وجه ضاحك)
مع وافر الاحترام
| |
|
|
|
|
|
|
| |
محمد البشرى الخضر
ابوحراز
محمد مجيدو
MOHAMMED ELSHEIKH
ناصر حسين محمد
الطيب عباس
Mirghani Taitawi
Frankly
يوسف الطيب احمد إدريس
الزبير بشير
kamal omer
ولياب
فيس بوك
تويتر
انستقرام
يوتيوب
بنتيريست