|
Re: هل تجوز الـ (زووووط) في رمضان؟ (Re: abas)
|
السلام عليكم ود البشرى و ضيوفك الكرام
هذه بركات جيمى و زاد عليها وجود مزمز من ضمن كوكبة التسيير
أينما وجد جيمى كانت الفرحة للأسياد و عليهم البحث عن النقاط فى المكاتب
| |
|
|
|
|
|
|
Re: هل تجوز الـ (زووووط) في رمضان؟ (Re: حيدر بشير)
|
تحياتي يا هندسة و فوز الهلال يدخل الفرح على 90 % من الشعب السوداني المغلوب على أمره التحية لكتيبة الهلال التي تصنع الفرح و تبهج الأغلبية افتقد بشدة الأخ خالد سيكا و بوسته المحبب الاستزواط. تحياتي و احترامي و عقبال الفرح الأكبر
| |
|
|
|
|
|
|
Re: هل تجوز الـ (زووووط) في رمضان؟ (Re: معاوية المدير)
|
هلا بالشباب هلا والله اسياد البلد و الوصيفابي الوحيد الحايم دا :) مبروك الانتصار و العرض, اجمل مافيه عودة الهلال بعد تأخره بهدف كان ممكن تزيد الغلة في الشوط الثاني خاصة نهاياته مع قليل من التركيز وكمان الكوتش تم الناقصة ولعّب شيبوب حرّاق القلوب في تحدّي واضح لهرطقة متوكل احمد علي و مزمل و غيرهم من معتادي التخدير :)
| |
|
|
|
|
|
|
Re: هل تجوز الـ (زووووط) في رمضان؟ (Re: محمد البشرى الخضر)
|
التحية ود البشرى .. صدقني أنا كنت مشغول بأبطال أوروبا .. خالتنا ميركل فاتحة قناة ZDF مجان يا أخي المرأة دي نصيرة الغلابا .. لاجئين .. وقناة مفتوحة للكادحين ..
الهلال اثلج الصدر .. هلالنا فوق .. مشيت القهوة في جدة لقيت ناس ( قريعتي راحت ) آخر إنبساط خلينا عشاء البيت وضربنا فول مصلح مع الكادحين .. وين ناس يا حمامة .. ديل ..
مودتي .. ود البشرى ..
| |
|
|
|
|
|
|
Re: هل تجوز الـ (زووووط) في رمضان؟ (Re: علي عبدالوهاب عثمان)
|
حبيبنا حافظ اذنك معاك الصورة اساسا ملفوحة من الواتس عن الفيس
اخونا نزار كورتنا عواليق دي ما فيها كلام لكن برضك ياها كورتنا و المسالة ما متعلقة بالكورة وحدها لكن داخلة فيها حاجت كتيرة منها ارث المناكفة و التاريخ الطويل بين انصار الناديين
مبروك عمّنا علي, ان شا الله غلغلتو وصيفاب القهوة كويس و حميتوهم العشا بس
| |
|
|
|
|
|
|
Re: هل تجوز الـ (زووووط) في رمضان؟ (Re: عثمان الأمام)
|
... .. ... الشهور كلها حقت الله ...لافرق .... بس النصيحه ...ماعارف تقويمات الشهور والسنين دي ...نزلت مع ادم ...ولا اتفبركت من السته ايام ويوم الراحه السابع(السبت) الفي الوصايا العشره... لانو الزمن داك لسه ...موسي عليو بدري خالص ...والمسيح اعياد ميلادو لسه ما بدينا نحتفل بيها ؟؟؟؟ ...لانو لسه ما اتولد ... فعشان كده .... يازول. ....زوووووط ليهم ساي...لمن يظهر ليهم صاحب.. . فالزووووط تصلح في اي شهر ..... ... ..ال وصيفاب ال
رمضانكم كريم ... ويحب الكرما...
..
| |
|
|
|
|
|
|
Re: هل تجوز الـ (زووووط) في رمضان؟ (Re: الصادق عز الدين)
|
صدقت يا عثمان الإمام, يصعب توصيفه بغيرها
رمضان كريم يا هلولي, إذن لا حرج لو لخّيناهم بيها في نهار رمضان وليله تمام
يا ابا حسين يا فقر .. يوم القيامة كل في شأن يغنيه, ولاّ عايز تجي تكبشر لي كمان !!
هههه يا الصادق توووف كويسة لكن ما فيها نفس قوّة التعبير بتاعو زووووط بعدين توووف تفيد الشوتة القوية زي بتاعة شيبولا ما بتغطي الplacing و الكباري وكدا
| |
|
|
|
|
|
|
Re: تجوز الـ (زووووط) في رمضان؟ (Re: لؤى)
|
زوووووووووووووووووووووووووووووووووووووووط
هلال الأبيض 4 X هلال سوق أمدرمان 2
كيفك يا باش ,,,,, أظنو تجوز الزووووط في شوال ,,,,,,,
(عدل بواسطة Salah Zubeir on 07-20-2016, 08:18 PM)
| |
|
|
|
|
|
|
Re: تجوز الـ (زووووط) في رمضان؟ (Re: مجدي عبدالرحيم فضل)
|
يا جماعة براحة على كبسور ... بكون الآن في حالة نفسية سيئة جدا ... فحقو تساعدوه و تقيفو جنبو ... الموضوع ما ساهل عليه 4 اهداف كتيرة .. و كانو غالبين 2 صفر ... و الكورة في ملعبهم ... و مدرب الخصم ابراهومة لاعب المريخ السابق ...
خلوه يقول اي حاجة في اي حتة في اي وقت ...
إن شاء الله يكون إتعشى قبل المباراة ...
و من هنا بنهدي ليه اغنية ابوعبيدة حسن التي يقول فيها :-
و الله ما رضناها ليك تغمر الدمعات عينيك رغم كل خصام و جفوا برضو شفقانين عليك
😂😂😂😂😂😂😂😂😂😂😂
| |
|
|
|
|
|
|
Re: تجوز الـ (زووووط) في رمضان؟ (Re: ABUHUSSEIN)
|
احييي يا وجع قلبي اول مرة في حياتي اتكيف من ابو هناي دا الساعة تلاتة صباحا بتوقيت امسودان الواحد لو ما خايف يصحي الحاجة والشغالة كان قام زغرد او قال تووووووش ايهما اسهل قال كان برة وهسي مشغول بتفرج في كورة الهلال اتفرج ياخي هي الزووووط بي قروش و شوالك مبارك يا ابو حتحوت قال اشرف الكاردينال عيناوي فتامل😉 ملحوظة: بالله عاين الاربعة وواوات بتاعات الظووط ديل قاعدات كيف يا حلاتن😄😄
| |
|
|
|
|
|
|
Re: هل تجوز الـ (زووووط) في رمضان؟ (Re: ياسر منصور عثمان)
|
ما محيّرني إلاّ الوصيفاب الكانوا نايمين او لابدين وظهروا الليلة كدي امشوا اقضوا الواجب و عزوا في الفواتح وواجبوا اسيادها و باركوا لاصحاب المناسبات الفاتتكم ثم راعوا الترتيب, رشتنا ليكم في رمضان أول بالتالي هاكم بأثر رجعي :
زووووط زووووط شيبولا زووووط زووووط سادومبا
الشي التاني كدي عايز لي وصيفابي عاقل - مع انه نادر الزمن دا - يوريني سر الفرحة شنو بهزيمة الهلال أمس أنا بسهّلها عليه وبدّي خيارات: - الفرحة بسبب كونه الهلال انهزم - الفرحة بسبب أن الهزيمة من هلال الأبيض - الفرحة بسبب أن الهزيمة من هلال البيض وفي استاد الهلال - الفرحة بسبب الهزيمة بأربعة أهداف. - كل ما ذكر أعلاه صحيح
اها واحد جدع يختار
| |
|
|
|
|
|
|
Re: هل تجوز الـ (زووووط) في رمضان؟ (Re: محمد البشرى الخضر)
|
و دي برضو فريش و الله :-
Quote: ﻫﻼﻻﺑﻲ ﺩﺧﻞ ﻛﻮﺭﺓ هلال الأبيض ﻃﻠﻊ ﻣﻐﻠﻮﺏ أربعة ﻃﺒﻌﺎ.. ﺭﺟﻊ ﺍﻟﺒﻴﺖ ﺯﻋﻼﻥ ﺯﻋﻞ ﺷﺪﻳﺪ ﻗﺎﻝ ﻟﻤﺮﺗﻮ ﺳﻮﻱ ﻟﻲ ﻋﺸﺎﺀ.. ﻗﺎﻟﺖ ﻟﻴﻬﻮ ﻣﺎ ﺑﺘﺨﺠﻞ ﺟﺒﺖ ﺷﻨﻮ ﺍﻧﺖ ﻟﻠﻌﺸﺎﺀ.. ﺃﻣﺶ ﺍﻟﻘﻔﺺ ﺩﻩ ﺗﻠﻘﻰ ﻟﻴﻚ ﺑﻴﺾ ﺟﻴﺒﻮ ﺍﻟﻨﺴﻮﻱ ﻟﻴﻚ.. ﻣﺸﻰ ﺍﻟﻘﻔﺺ ﺭﻓﻊ ﺍﻟﺠﺪﺍﺩﺓ ﻟﻘﺎﻫﻦ أربعة ﺑﻴﻀﺎﺕ.. ﻣﺴﻚ ﺍﻟﺠﺪﺍﺩﺓ ﺟﺪﻋﻬﺎ ﻗﺎﻟﻴﻬﺎ ﺣﺘﻰ ﺍﻟﺒﻴﺾ أربعة.. مرتو ﻗﺎﻟﺖ ﻟﻴﻬﻮ: ﺃﻧﺎ ﻋﺎﺭﻓﺔ .. ﻳﻤﻜﻦ ﺍﻟﺪﻳﻚ من الأبيض.. 😆😂😆😂 |
| |
|
|
|
|
|
|
Re: هل تجوز الـ (زووووط) في رمضان؟ (Re: الهادي الشغيل)
|
طيب نكسب الزمن لأن إنتظار وصيفابي عاقل أخير منه انتظار غودو:) نفترض غودو اختار الإجابة الأخيرة: كل ما ذكر صحيح طيب نمسك واحدة واحدة و نبدأ البستفة: - الفرحة بسبب كونه الهلال انهزم: طيب وهل هناك فريق لا يهزم ؟ وهل الوصيف نفسه لا و لم يهزم؟.
- الفرحة بسبب أن الهزيمة من هلال الأبيض: ماهي نتيجة آخر مباراة دورية للوصيف مع هلال الأبيض دا زاته: 1/0 لصالح هلال الأبيض
- الفرحة بسبب أن الهزيمة من هلال البيض وفي استاد الهلال: اين لعبت مباراة الوصيف مع هلال الابيض في الدورة الثانية العام الماضي وكم انتهت: لعبت في استاد الوصيف و انتهت بفوز هلال الأبيض 0/2
- الفرحة بسبب الهزيمة بأربعة أهداف. كم انتهت اول مباراة قمة في اول دوري ممتاز عام 96: انتهت بفوز الهلال بأربعة اهداف مقابل هدف للوصيف, يعني الألابعة ليست جديدا و الفارق انو دي اديناها ليك احنا
يعني يا وصيف منك له انتو عاملين زي اب سنة و اب سنتين, يومكم التغلبوا الهلال بضراعكم تعالوا زوّطوا, العرضة بي دلوكة الآخرين ما سمحة ابدا
| |
|
|
|
|
|
|
Re: هل تجوز الـ (زووووط) في رمضان؟ (Re: محمد البشرى الخضر)
|
واللهي يا باشمهندس ما طالبني حليفة لكن علي ما أذكر بطلت الفرجة في كورة الفرق السودانية دي من تسعينيات القرن الماضي وبذكر كويس إني كنتا هلالابي ومع الزمن نسيت الحكاية دي نوهائي ,,, بقيت أتابع فرق عالمية زي برشلونة ومان ستي وجيرمان ,,,, أزعل شديد إذا إتغلبت وأفرح إذا غلبت ,,, عجبتني شماتك علي المريخاب في رمضان ,,, أمبارح وأنا بقرا في واحد من البوستات قريت إنك بتشاهد في المبارة إياها ,,, فتحت التلفزيون لقيتا الدقيقة 76 والهلال غالب 2\1 .... بعد داك إتا عارف الود بتاع ساحل العاج عمل شنو ,,,,,, ياخي أنا ما مريخابي لكن شماتة زي دي أفوتا كيفن؟؟؟؟؟ اللذيذه نكت البوست بتاع رمضان دا من النتيجة كانت 2/3 وقعدت منتظر صفارة الحكم ,,,,ياخي دفاع الهلال زكرني الجماعة البلعبو دافوري في السهلات حولين سوق أمدرمان
تعديل ,,, فشلتا في وضع أربعه وشوش خدر بتمردغو بالضحك
(عدل بواسطة Salah Zubeir on 07-21-2016, 12:29 PM)
| |
|
|
|
|
|
|
|