|
Re: ..ماذا تريد امريكا من السودان..؟ (Re: Zoal Wahid)
|
سلام للجميع, حكومة السودان في ايدها تكسب احترام العالم مش امريكا بس ودا بحصل لما تكون حكومة عندها مصداقية ووضوح وبكدا بتحوز على الهيبة وتخلي كل مستقوي يعمل الف حساب قبل ما يستهزأ بيها أو يستصغرها. دحين الحكومة قتلت وسحلت واغتصبت وسجنت ونفت وجوعت . وامريكا دي عضو في هيئة الامم المتحدة ومراقبة لكل العالم يعني تقدر تقول ( الفة العالم) والعالم كلو مسلم بكدا. والشعوب المسحوقة زي شعبنا دا ما عندو وجيع بعد رب العالمين غير الرقابة الدولية المتصدراها امريكا. والقانون الدولي صريح : المطلوب للعدالة يعتبر مجرم ويعامل دوليا معاملة مجرم الى ان تفصل المحكمة في أمره. زيادة على كدا العالم كلو متذكر ( بلوها واشربوها - وتحت جزمتي)! وكان جنوب أفريقيا واريتريا ودول الخليج والسعودية فرشوا البساط الاحمر للبشير في الماضي محاباة أو خجلة ساكت , لكن هسي أمريكا بذات نفسها جات وقاعدة في السعودية يبقى لو البشير ما كبر عقلو وفهم انه قاعد يحشر الناس في اظافرهم الناس ديل زاتهم بقوا في وضع (نفسي نفسي) ووضع كوضع (يوم يفر المرء )!! ولنا في ماساة دارفور عبر. أم أن أهل دارفور سامحوا ؟؟؟ ونحن نعلم بان الحقوق لا تضيع بالتقادم !! أفتونا يا محاميي المنبر . يبقى بعد دا هل يبقى سؤال ماذا تريد امريكا من السودان يحتاج لرد ؟؟
تحياتي.
ست البنات.
|
|
|
|
|
|
|
|
|