|
|
|
 Re: الصدف alsadaf (Re: عبدالحفيظ ابوسن)
|
اشتهر الشعب السوداني الاصيل الذي لم تلوثه السياسة . ولا المصالح
ذلك الشعب الذي كان يعيش كفاف يومه
ويتم اكلو بي موية
اشتهر بقيم ميزته وشكلت شخصيته
كان ذلك قبل قدوم الجراد!
| |
 
|
|
|
|
|
|
|
|
Re: الصدف alsadaf (Re: عبدالحفيظ ابوسن)
|
قيم تعبر عن الانفة والاعتزاز بالنفس واحترامها . دون كبرياء اجوف او كبر او إزدراء
سمعت وانا صغير جدا ذات يوم
في مناسبة عادية وكنا لفيف من الاهل في مائدة الغداء
الضبيحة ظاهرة ينبئ عنها صحن المرارة والكمونية واللحمة المحمرة
لم يكن الاكل آنذاك
لا تتجاوز الاصناف اصابع يد واحدة
اضافة لصحن الارز والكستر القاعدين بالجمبة
الصحنين زاتم ما حصل قدر ما اتذكر اتاكلن منفردات
يختو صحن الرز ويقلبو فيهو الكستر
الوضع كان بائن انو في مناسبة علي نطاق ضيق
جانا ضيف وتمت عزومته ورفض في اصرار
متغدي قال
طيب ضوق المرارة الكرامة رفض رفضا باتا
وقت الجماعة عصرو عليهو بالحلايف .. مرق
اعتذر وغادر بدون ضيق ظاهر او مخفي
| |
|
|
|
|
|
|
|
|
|
Re: الصدف alsadaf (Re: عبدالحفيظ ابوسن)
|
استغلقت علي الكلمة وكنت شغوفا سؤولا
يعني ما بياكل في عزومة صدفة ولو كانت شاي
بدون غضب او شعور بالدونية
وكبرت ووجدتها عادة عند كثير من السودانين
تعزو اول
تعزمو
والعزومة زاتها عندها شروط
نعست
اتم بكرة
داير اقول قيلولتي
ليلتي
| |
|
|
|
|
|
|
|
|
|
Re: الصدف alsadaf (Re: عبدالحفيظ ابوسن)
|
برتكول المرسال
فلا يرضي الرجل بعزومة المرأة
ولا ترضي المرأة بعزومة الرجل
ولا يرضي القريب بعزومة الغريب لمناسبة قريبه
ولا يرضي بعزومة الطفل احيانا لظروف محددة
| |
|
|
|
|
|
|
|
|
|
Re: الصدف alsadaf (Re: عبدالحفيظ ابوسن)
|
المرسال مرات بكون سبب في رفض الدعوة
والرفض ما بكون معلوم إلا بعد انتهاء المناسبة
بعد تنتهي المناسبة . عشان الزول ما يصلح خطأو ويعزم من جديد
ودة كلو لإظهار انو ما متهافت علي الدعوة
انا ما جاي شايل بطني
ومع الكروت البقت بدل المرسال . خش الاسم
يقول ليك هو اسمي ما عارفو منو ويرسل لي
ف مشهور عندنا الالقاب .. بالذات الناس العندهم نشاط اجتماعي كان كورة ولا غيرو او مهنة
| |
|
|
|
|
|
|
|
|
|
Re: الصدف alsadaf (Re: عبدالحفيظ ابوسن)
|
برتكول الزمن
يعني برتكول الزمن دة مطاط جدا
بعض المناسبات لازم تقول ليهم قبل يوم اقل حاجة
ودة ما حكم عام
في ناس تكلمهم لمجرد التفكير في اقامة المناسبة. عندهم حق الشورة في التجهيزات والمعازيم
ممكن ما تكلمو قبل الزمن المفروض . وهو بجي وبعامل نفسو كضيف زيو زي غيرو
ألبس جلابيتي واقعد في كرسي واتضيف زي و زي الناس
والنسوان كذلك
ما بتجي بدري ولا زولة خدمة زيها زي غيرها . تقعد نضيفة وخالفة كراعها
الزمن عموما فيهو قاسم مشترك
ما تعزمو يوم المناسبة
ما بجيك
ولا بقول ليك ما جاي
يقول ليك خير ربنا يسهل
| |
|
|
|
|
|
|
|
|
|
Re: الصدف alsadaf (Re: عبدالحفيظ ابوسن)
|
صباحاتك عمي عبد الحفيظ
لم ندرك من زمانكم ذلك إلا بعضاً قليلاً في الطفولة المبكرة لا نتذكر من تفاصيلها الكثير ... إلا أنّ الناس كانت بسيطة وشامخة وعزيزة
| |
|
|
|
|
|
|
|
|
|
Re: الصدف alsadaf (Re: عبدالحفيظ ابوسن)
|
الشعب السوداني لا يرخس نفسه ابدا ليتم دعوته لعزومة
بل ابيا اشما
هذا هو السوداني
يقول ليك
انا ما كراع جابونا
داير تعزمو تعزمو بعزة
ويجيك رافع راسو ويعزك
ولا يتسقط الموائد
| |
|
|
|
|
|
|
| |
عبدالحفيظ ابوسن
Hani Arabi Mohamed
فيس بوك
تويتر
انستقرام
يوتيوب
بنتيريست