كاونتربوينت؟

Quote: الى القوقلي والتوابع نسقيكم من نفس الدواء ببساطة هدية للمنصف العارف كبر Chopin's 'Prelude' Op. 28, No. 14: A Case of Monophonic Counterpoint in Romantic Music Chrissochoidis, I; (2005) Chopin's 'Prelude' Op. 28, No. 14: A Case of Monophonic Counterpoint in Romantic Music. +++ يلا امشو انتفو ريش الجامعة العريقة وكليتها UCL classification:UCL School of Arts and Social Sciences على ما جنته بمخالفة قوانين القوقلي القاطعها من وين ذاتو ما عارف يلا ياناس بوب وابو سن عافي منكم ايها العلماء الذين تفوقوا على الكليات الموسيقية في انتفاضة تنظيرية لا محل لها من الاعراب

طيب يا يوسف، اعتقد بكدة انتهينا من موضوعك

وأنا لما قلت عليك إنك (صفر) في الأكاديميات كنت أعني ما أقول، دلوقت الموقع بتاع جامعة لندن (University College London) الانت جبتو دا http://discovery.ucl.ac.uk/1314840/ بيعرض سمنار عن بريليود شوبان نعم، بس رقم 14 والمطلوب منك إثباته رقم 4 يا سيدي العزيز! أها تااااني نكرر ليك، للمرة السادسة: نحنا (يا أستاذ) سألناكا من الكاونتربوينت في البريليود رقم 4 واسمها الرصمي (Chopin - Prelude in E-Minor (op.28 no. 4)) Chopin - Prelude in E-Minor (op.28 no. 4) تقوم تجيب لينا دي وتطلعني أنا قوقلي، وكبر المسيخيت دا (عارف)؟ وتقول علي أصحابي (توابع) ويمشوا ينتفوا ريش الجامعة؟ Chopin - Prelude (Op. 28 No. 14) يعني خلاص انت مرقت برة من الموضوع وكلامك طلع صاح؟ باركوا للأيقونة يا أخوانا، أحرز 6 من 6 وطلع نظرة سليم مية بالمية، ما فارز 576 من 545 ولا فارز 4 من 14، منه العوض وعليهو العوض، غايتو أملنا بعد دا في الاضنين. هياااااا يوسف، انت دا ما قاعد ساكت كان كدة، والله أنا اتأخرت قلت لما اسمعهن كلهن وأشوف قالوا عنهن شنو البريليودات ديل، ألقاك قاديهن برضك! معناها انت مرقت بقد القفة وقرايتك ملوص ساكت، يا كافي البلاء لا سمعت بالسوناتات ولا البريليودات ولا حتى أظنك فاهم الترقيم بتاعهن شغال كيف. بس تمسع سوناتا تفتكرها واحدة، تسمع بريليود تفتكرها أمها وأبوها، يا أبوي شوبان طلع عندو 24 بريليود، ودي أنا أول مرة أعرفها والله، صراحة ما بدور أسمع أعماله الحيلا ميت دي، هو ومعاهو برامز وواحد تالت اسمو رخمانينوف، لكن انت المفروض أول ما تشوف الاسم مخاخي ساكت تتذكر اللحن، مش دا ياهو شغلك السفرناك بلاد برة عشان تتعلمو؟ واااااا خسارة عيشنا، أكلوا الجراد، رأيك شنو يا أشجار طيبة؟ والله خلعني الزول دا، أنا فرغت نفسي يومين حالتي، أتاريهو الموضوع ساعة كانت بتحسموا. يا كبر، تعال ياخي عندنا ترتيبات (Damage Control)، الأيقونة طلع تيكنشن ساكت ولا يلوي على شيء، بنلوي برانا بعد دا نحنا. بيكون بطنوا سالت بعد دا، والله صحي. يسووا ليك شنو؟ براك سويتا في نفسك، (العارف كبر)!!!! أقول ليكم، شيلوا الباسوورد تاني وأنا حأرجع أعمل التمثيلية زي ما كنت لغاية من توضبوا أموركم. أنا مش وعدتك يا أمير وقلت ليك بقوم ليك بيهم كلهم! _____ وقولوا ستة من ستة، شطبنا