الحب يشعله الشوق والشوق يوقد ناره صعوبة اللقاء بكل تداوينا لكن القرب زاتو صعب يتقد القلب كجمرة ويشتعل الفؤاد لهيبا وترق الاحاسيس وتشف المعاني . ونكون محض ضوءا ابيضا . نكون كائنات شفافة كما قال بشري الفاضل حتي غازله الناس تلك حالة كوننا بنحب والحب انا ما بديتو آه من ذلك الزمان
09-13-2017, 07:46 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
نحب كدة ونقضي الليل سهر واشواق حالنا يتبشتن ونتبهدل تطلع كرسين في خشم الباب كراسي مجلدة مربعات بالبلاستيك . تقعد في كرسي وترفع كرعينك في التاني والمسجل ناشيونال باناسونيك حجارو جديد وتسمع وانت مغمضا عينيك اغاني الشوشوة والوله هل رأي الحب سكاري مثلنا وتنثني كالطفل ألثم ثغرك الظامئ وانت السلام يا الله الله خلي تلثم تستمع في سكون ووجيب قلبك يجيب الضهبان
09-13-2017, 07:49 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
قباني يا صاحب ذلك زمان الوصل بالاندلس زمن كنا لا ندر بما كان الزمن صانع زمن تشكل ذكريات اليوم الخيط المضئ من خلال عتمة الحاضر قادما من الماضي حين كان للاماكن رائحة وطعم طعم اول حب يا اول غرام تلك الذكريات الذكريات وقود الليالي الباردة
09-13-2017, 07:57 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
ذلك يا قباني زمان والقلب بكر والدنيا ما شافت جديدو ولا الحزن دقالو باب زمن المشاعر ساذجة .. مشبوبة .. قصص الهوي العذري فتعجز ان تر حبيبتك انسانا ! بل ملاكا لا يفعل كما يفعل البشر ! وتبقا الحبيبة هي الغنا
09-13-2017, 07:59 AM
Nader Abu Kadouk
Nader Abu Kadouk
تاريخ التسجيل: 02-19-2007
مجموع المشاركات: 3706
Quote: يا نديماً عبّ من كاس الصبا ومضى يمشي الهوينا طربا ...بت أشكوه لنجم في اللّيالي لمعا ونعيم عندما رق لحالي دمعا ولطلّ فوق زهرٍ كالآلي جُمعا ونديمي عبّ من كاس الصبا وسقاني ثم عاف الكأس عاف الملعبَ وجفاني
ها هنا الروض وزهر يا نديمي واختلاء وهنا ليل وبدر يا نديمي وضياء وهنا الخمر وكأس يا نديمي وانتشاء وهنا الشادي يغني عجبا وأماني ونديمي عبّ من كاس الصبا وسقاني
يا نديمي طافت الأحلام بالفكر حيارى وسرت تسبقها الانغام في طهر العذارى ونديمي أول الأطياف في الفجر توارى وإذا بالقلب أضحى لهباً كم يعاني ونديمي عبّ من كاس الصبا وسقاني
كلمات شاعرنا / عبد المنعم عبد الحي
دي يا ود ابوسن تسمعها بصوت العملاق ابو داوؤد وانسي بس
تحياتي
09-13-2017, 08:11 AM
عبدالله عثمان
عبدالله عثمان
تاريخ التسجيل: 03-14-2004
مجموع المشاركات: 19192
يا انور عثمان حسين وبس تذوقنا طعم القبلة في مرقي الروح قبل ان نتذوقها في ارض الواقع اغمضنا عيوننا ورأينا القمر حنين ضوءه والعشب اخضر . ضوء القمر ينشر غلالة من النور الشفيف فتشف ولا تشف وعيون الحبيبة تتوهج نورا وشعرها منسدلا بعضا يلزم الكتفين وبعضا يتبعثر لدنة رقيقة تنثني في ايادينا كأنثناء الحرير . خفت وزنا وتزدان نعومة ولدانة نشتم رائحة عطرها ينسرب نحونا فنسكر . واعجب كيف بي سكر وحين تلتقي شفاهنا في ذلك الوجود الاسطوري نعض شفاهنا حقيقة ونقول آه انت عارف انا بحبك وبحلفبك ولا ماك عارف بالمرة كانت الاغنيات زادنا
09-13-2017, 08:16 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
انت تبرا من الالم يا ابوعاقلة ألم هذه الذكريات ألم وطنا يكاد ينسرب ما بين اصابعنا المشدودات لعل اصابع آخرين ارتخت اصابعين الرجال رصاص شعر راس البنية سقف
09-13-2017, 08:28 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
الله ... الله يا اباذر كل لحظة بعيد عنك .. بعيد عنك اموت ركن ياخ تعرف كان ذلك الزمان وصديقي الطاهر يغني لمحمد مرغني ومنعم اخوي وانا نجوس في جغوب كوستي وحواريها علي غير هدي . والدنيا ليل لا غربة لا مطر نشم رائحة مدينتنا ونسمع عواء كلابها ومواء قططها نلفها بي كراع كلب وصوت الطاهر يشبه صوت محمد مرغني ووجهه يشبهه مصادفة غريبة
أكتب لي يا غالي الحروف ايام الدنيا وبهجتا قمة سند وقمة محمد فتخرج انا غير حروفك الله ياخ ذلك الوطن تلك الحميمية
09-13-2017, 08:40 AM
ANWAR SAYED IBRAHIM
ANWAR SAYED IBRAHIM
تاريخ التسجيل: 12-02-2014
مجموع المشاركات: 900
وكانت هي أفضلهن في تطريز المناديل أيام الأعراس وخت الحنة ليات من حضور ضفرين ولم نكن نجد حرجاً في مزاحمة الكبار لو نظفر بمنديلها المنقوش جانبه .. أوتذكرين !!
أها المناديل المطرزة دي ما تقول لي نسيتها بزعل والله يا صاحب
أنور سوق بالراحة .. ما تعوق ليك مذكراتي
09-13-2017, 05:23 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
من كل تلك التفاصيل الصغيرة ينشأ العشق عشق الوطن الحي العشت فيهو المدينة جزءا منك يحن نحوها تعجز ان تخرجه من ذاكرتك لعب الطفولة وايام الصبا حنينا يلازمك .. وطنك يسكن في عقلك يسكن ذاكرة الحنين كلما طالت غيبتك صرت اكثر تمسكا به هي حالة تصيب كل من عاش طفولته وشبابه به وطنا للعشق وطنا للمعاني
09-14-2017, 06:23 AM
يحي قباني
يحي قباني
تاريخ التسجيل: 08-20-2012
مجموع المشاركات: 18708
يااااااااه يا سنّو العشق الابدى.. الوطن صرخة الميلاد و شطر الحبيبة الاولى و الاخيرة الغرس الذى بذرت طينة ريدو فينا الام .. و ما اعظمه من غرس شتلة تسقيها بى النوم النوم بكريك بالدوم اتنين خلوات و تنين مرّات فى البحر عايمات النوم تعال يا النوم تعال النوم تعال سكّت الجهال و فاطنة السمحة و ود ام بعلّو و قطع البحر بلا عضم ضهر الام الوطن ياخى اتررع جوانا من ضدرا .. لى كيم بيتنا لى باب الشارع بشيشك تسوقك لى دروب الخلة و المدرسة و تغشّيك بيوت الفرح و الترح و يوم تهز الارض طوريتك تتمنّى فيك و تحلم بى متين يا على تكبر تشيل حملى و لامن تجيها داخل و تقوليها فى الفؤاد ترعاهو العناية بين ضلوعى الوطن الخبيب تغنى ليك و تزغرد ليك دايراك يوم لقا بالسواد تتوشح احى يا على سيفو البسوى التح الوطن ام يا سنّو و الام وطن و المحال يكون عقوق لى وطن الام و ام الوطن محال يكون عقوق
كلكم بي ربطة المعلم تشكرو اياهو عووضة يا حمد في ميك اب جديد الهادي الجبل زول غناي لم يجد حظه من الشهرة غني للمضامين الجميلة والوطن ما اتعودت اخاف من قبلك الا معاك حسيت بالخوف اعمل ايه ما القسمة اختارت وكل الناس حاكماها ظروف عارف وين خطواتك ماشية وآخرى معاك المامعروف يا ما كتير فكرتا اصارحك واستنيتك تبدأ السيرة ولا اتكلمته ولا لمحته ولا بينته الريده مصيره والحنية الكنت بديته هسه بقت بتشوفه كتيرة وزى خليتنى اشك فى ريدتى وخوفته تكون مشغول بغيرى انا من قبلك ما اتحيرتا جيت وريتنى دروب الحيرة والله عشانك ياما صبرته لما الصبر فتر من صبرى ولما نسيت الدنيا وحاتك من اعمارها سنينها بتجرى لا اتلومتا معاك ما لومتك وقلت براك بتحس بقدرى وقلتا عليك بكره بتتغير وألقى فى ريدك فرحة عمرى الا لقيتك لسه تايه فى دنياك ومتوه أمرى كم حاولت اعاند زيك واقسى عليك بكلمة شوية الا وحاتك غصب عنى قبل عنادى تجى الحنية ودربا سرتو معاك بقلبى منو بلاك ما بتبقى الجية ما فارقته فى يوم ذكراك وانا ذكراك عندك منسية انا مجبور استنا رضاك وانت ياريتك ترضى عليا
09-15-2017, 06:00 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
نحن ابناؤك في الفرح الجميل كنا نغني للحبيبة ونغني للوطن من لم تهزه حتي اليوم الملحمة فليتحسس وطنيته ومن لم تطربه ونغني لك يا وطني كما غني الخليل مثلما غنت مهيرة تلهب الفرسان جيلا بعد جيل ذلك ان الوطن مغروسا في ذكريات طفولتنا وشبابنا لم نكن نعرف حب الوطن حينها . بل نعيشه وحين كاد ان ينسرب من بين اصابعنا احببناها وخفنا عليه بعضنا غضب منه ولكن اغلبنا خفنا عليه
ايواااااااه يا هيثم ده الكلام البعشّر و يلد الحب الاول للبلد و ان جارت علينا فهى عزيزة على النفس مقامه لن يطوله احد سبحان الله حتى سارقى الوطن سرقوا بى اسم الوطن وطن يسع الجميع ياخ السمح فيهم و الكعب و الكعب ليهو يوم .. يوم ينتفض الوطن
09-15-2017, 09:58 AM
حمد عبد الغفار عمر
حمد عبد الغفار عمر
تاريخ التسجيل: 06-06-2008
مجموع المشاركات: 7662
لو تعرف اللهفة والريد والعذاب.. والشوق بطرق فى دروبك الف باب... لو تعرف دى الدنيا من بعدك سراب.. ماكانت روحت وكنت طولت الغياب . ************* وسع مدارك الناس دفق عليها الضو.. ما صن صوت ترباس ما دام ثباتك لو.. العسعس المخمور فى بأسو بتلولو.. إن شاف مدافق النور والمطرة سوت شووو. أكيد ح يبقى خراب تحت التراب الذاب الفوقو ناس بتسووو.. هذا الحنين الصاب والوعى كو ككو... محجوب هو درويشنا حميدنا ذوو فى أو.. أدركنا تاريخنا لا زال الذئاب بتعو... من كل تفاصيلنا شوفنا وملامحنا وهدة مساءتنا نهدة مجارحنا أخطاءنا فى العالم جية معارفنا السالموا الميتين الخففوا المحنة. من البصراعوا الطين والشادوا حوش الدين والوحدوا السحنة.. وسع مدارك الناس.. دفق عليها الضو..
عثمان البشرى
09-15-2017, 06:47 PM
أحمد الشايقي
أحمد الشايقي
تاريخ التسجيل: 08-08-2004
مجموع المشاركات: 14611
ود ابو سن.. ازيك يا اخونا ... اظن الحب نفسه في ومنكم البتحكوا عنه كان فعلا رومانسي جد جد.. واجمل جملة قرأتها:: حيث كان للاماكن رائحة وطعم:: وراجعة ليك لمن نرجع...والتحيات لضيوف ودمت بالف خير
09-16-2017, 05:03 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
شيل الريد واشيل ودو واشيل نفحات عبير وردو واشيلك في القليب نوار جميل ناير وفاق حدو مسافر سفرة المشتاق تخلي وراي ريدي بعيد علي البعد اعاني بعاد كتير الشوق بدون تحديد وراي ما بعرف الحاصل اريت الهاني يبقي سعيد الون ليهو كل الشوق وارسلو ليهو باقة عيد اشيل الريد واشيل ودو واشيل نفحات عبير وردو واشيلك في القليب نوار جميل ناير وفاق حدو احملو كل نسمة تفوت توادع الغربة كل صباح واحس في رجعة الانسام شعور احبابي كم ترتاح امل راجيهو من بدري يتوج قلبي بالافراح واعيد فرحا بيرقص كون واطرز في خيالي وشاح اشيل الريد واشيل ودو واشيل نفحات عبير وردو واشيلك في القليب نوار جميل ناير وفاق حدو معطر بي شذي الياسمين عشان احبابي صار فواح وما هاميني اصبح وين ولو في البعد القي جراح كفاية احس بانو سعيد واعرف اني زول مرتاح ولو كان قلبو قاسي علي قساوتو تلاقي مني سماح
09-16-2017, 07:39 AM
جلالدونا
جلالدونا
تاريخ التسجيل: 04-26-2014
مجموع المشاركات: 9387
تعرف جلال الريحة دي كنت داير الطقس حقي يتصلح وارد عليها ولي كبر لكن كلامك دة ذكرني حاجة ابوي رحمه الله صاحب دكان خردوات . لامن يجي من السوق كنت بشم ريحة عراقيهو . ريحة مختلفة . العرق مع البهارات والزيوت مع خصوصية ريحة ابوي زاتها . كان المشهور عنه زول فييز يحب النضافة والعطور خش البيت بخش الحمام ويلبس ملابس نضيفة ويتعطر تعرف انو ابوي كان مربوط عندي بي ريحتو حقت السوق اشمها احيانا في بعضهم فأحس بالحنين الجارف نحوه ..والشوق إليه تلك الرائحة كما قال صنع الله ابراهيم وكذلك رائحة امي ورائحة جدتي في البلد . كانت تتكرفني
10-16-2017, 05:41 PM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
ليت لي ازْميل " فدياس " وروحاً عبقرية وأمامى تل ُ مرمر لنحت الفتنة الهوجاء في نفس مقاييسك تمثالاً مُكبر وجعلت الشعر كالشلال بعضُُ يلزم الكتف وبعض يتبعثر وعلى الأهداب ليلاً لا يُفسر وعلى الخدين نوراً يتكسر وعلى الأسنان سُكر وفماً كالأسد الجوعان زمجر يرسل الهمس به لحنا معطر وينادى شفة عطشى وأخرى تتحسر وعلى الصدر نوافير جحيم تتفجر وحزاماً في مضيقٍ كلما قلتُ قصيرُُ هو كان الخصر أصغر ـــــــــــ يا مريا ليت لي إزميل فدياس وروحاً عبقرية كنت أبدعتك يا ربة حسنى بيديَّ ـــــــــــ يا مريا ليتني في قمَّةِ " الأولمب " جالس وحواليَّ العرائيس وأنا في ذُروة الإلهام بين المُلهماتْ أحتسي خمرةَ " باخُوس " النقيَّة فإذا ما سرتْ النّشْوةُ فيَّ أتداعى وأُنادى : يا بنات نقٍّّروا القيثار في رفقٍ وهاتوا الأغنياتْ لمريا ـــــــ يا مريا ما لعشرينين باتت في سعير تتقلب ترتدى ثوب عزوف وهي في الخفية ترغب وبصدرينا " بروميثيوس " في الصخرة مشدوداً يعذب فبجسم الف نار وبجسم الف عقرب ـــــــــ أنتِ يا " هيلينُ " يا من عبرت تلقاءها بحر عروقي ألفُ مركبْ يا عيوناً كالينابيعِ صفاءْ ... ونداوة وشفاهاً كالعناقيدِ امتلاءْ ... وحلاوة وخُدوداً مثل أحلامي ضِياءْ .... وجمالا وقواماً يتثنّى كبرياءْ ,,,, واخْتيِالا ودَماً ضجَّتْ به كلُّ الشرايينِ اشتهاءْ يا صبيَّة تَصْطلي منهُ صباحاً ومساءْ غجريَّة ـــــــــــــ يا مريّا أنا من إفريقيا صحرائها الكبرى وخطِّ الإستواءْ شحنتْني بالحراراتِ الشُموسْ وشوتني كالقرابينِ على نارِ المجُوسْ لفحتني فأنا منها كعودِ الأبنوسْ و أنا منْجمُ كبْريت سريعِ الإشتعالْ يتلظَّى كلًّما اشتمّ على بُعدٍ تعال ــــــــــــ يا مريا أنا من إفريقيا جوْعانُ كالطِّفلِ الصَّغيرْ و أنا أهْفو إلى تُفاحة حمراء من يقربها يصبح مذنب فهلُمي ودعي الآلهةَ الحمقاءَ تغضبْ وانْبئيها أنها لم تحترم رغبة نفسٍ بشرية أيُّ فردوسٍ بغيرِ الحبِّ كالصَّحراءِ مُجدبْ ــــــــــــ يا مريا وغداً تنفخُ في أشرِعتي أنفاسُ فُرْقة و أنا أزدادُ نأياً مثْل " يوليس " وفي الأعماق حرقة رُبما لا نلتقي ثانيةً يا مريا فتعالى وقّعي أسمك بالنار هُنا في شفتي وقولى وداعاً يا مريا
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة