|
|
|
 Re: ما ذنب جلد الطار كان غنوا بيه شتر ؛؛؛ (Re: علي دفع الله)
|
| Quote: ما ذنب جلد الطار كان غنوا بيه شتر |
اخرت العنوان اعلاه للبوست والقصيدة عنوانها جالوص ..
اخترت الشتارة عنوان لانو الواقع والاسافير اصبحت تضج بالشتارة ..
شتارة في كل شيء ..
بلد فيها اقاليم محتلة وجيشها يحارب لتحرير بلد اخرى او ليعم السلام بها ..
بلد بها اكبر ارض ومناخ صالح للزراعة وتستورد حتى التوم ..
بلد تعرض انتاجها من الطيارات وتستورد حتى ابرة الخياطة ..
بلد حوارها اكتر من تلاتة سنين ومخرجاته اعادة تدوير نفس الوجوه الكالحة.
حا اواصل الشتارة والتي لا ذنب لجلد الطار غير ان كان عازفيه شتر ..
| |
 
|
|
|
|
|
|
|
|
Re: ما ذنب جلد الطار كان غنوا بيه شتر ؛؛؛ (Re: علي دفع الله)
|
تدفع الموية مقدما وما بتجيك
وكذلك الكهرباء...
تنتج المحاصيل الزراعية بعد تدعمها بكل مدخراتك واخر الموسم يا السجن يا ابو مروة ..
تشتغل تاجر ويتبادل فيك ضراءيب زكاة عتب نفايات عتب الخ الخ وفي نهاية المطاف واحد من خيارين يا السجن يا ابو مروة وصكوك الاعسار..
تفكر في الهجرة تكون لقمة ممضوعة في افواه السماسرة وفي نهاية المطاف ربما تجد نفسك في قبضة عصابات الاتجار بالبشر ...
ونواصل
| |
|
|
|
|
|
|
|
|
|
Re: ما ذنب جلد الطار كان غنوا بيه شتر ؛؛؛ (Re: علي دفع الله)
|
تفتح قنوات المؤتمر اللاوطني يا بغنوا يا بمدحوا يا بتكلموا عن مشاريع ليست على ارض الواقع وخطط طموحة ودغدغة مشاعر الجوعى والعطالة وفي نهاية المطاف لا شيء كلو خيال في خيال ..
تقول تفرق شوية في الكورة عك وصحف رياضية وكاردينال وفاطنة شاش ومزمل وحسن بسبوسة ومهاترات واعمدة يومية لمن تصدق انو عندنا كورة ..
ويا ويلك لو هوبت ناحية الصحف السياسية من هنديها لي خالها الرءياسي حتما حا تجيك جلطة ..
شتارة في كل شيء ربع قرن وزيادة من رءيسهم لي غفيرهم شتر .
نواصل ونشوف شتارة الاسافير ..
| |
|
|
|
|
|
|
|
|
|
Re: ما ذنب جلد الطار كان غنوا بيه شتر ؛؛؛ (Re: علي دفع الله)
|
اولا نمسك شتارة الاسافير في منابر الحوار ..
واحد ببايع على المنشط والمكره
وآخر يرى الحل في يد بشة وبكري
وواحد يرى ان المؤتمر الوطني هو الخيار الامثل
وفي انتظار ابزنقلة او ابطالوش نشوف شتارتهم ..
قال ببايع على المنشط والمكره هي صورة طبق الاصل من مبايعة يزيد بن معاوية اول كوز ودكتاتور عرفه التاريخ ..
تبايعه على ماذا !!!! بعد ان مزق خارطة الوطن الجغرافية والاثنية ومزق النسيج الاجتماعي وفرط في العرض والارض وذل الوطن والمواطن وذل هيبة الوطن تسولا وهروبا وطأطاة راس ..على ماذا تبايعه واصبح المواطن يموت جوعا وسرطانا وامراض وغرقا في البحار وعطشا في الصحارى . وبالانتوف في هامشنا المكتوي بالنار اليومية ..
وذاك الذي ينبهنا بالالتفاف والتراص مع بكري وبشة وكأن بنا صمم او اصابتنا عاهة وجعلتنا نتلمس النجاة من الغرق بقشة وفي رواية اخرى ببشة ..
والآخر يدلنا على الخيار الامثل لنجدة الوطن من التيه على يد المؤتمر اللاوطني!!!!!!!! وهذه قمة الشتارة
نواصل
| |
|
|
|
|
|
|
|
|
|
Re: ما ذنب جلد الطار كان غنوا بيه شتر ؛؛؛ (Re: علي دفع الله)
|
زول بقلب بعد دا
بعد الشافو وسمعو
وبعد اهل الراس والجلد
مرقو وخلوها
وبعد الجهاد طلع فشنك
والشهيد بقى فطيس
والفساد للركب
والجنوب انفصل
وناس حسن مكي ردحو
وناس الطيب رين العابدين بكو
وناس الافندي فترو من النضمي
وناس ياسين عمر الامام نكرو
والترابي اتبرا
واميركا روسيا رقدوا ليها
دا زول عيان وتعبان وفاقد حنان
ولمبتو مولعة
وحالتو شلش
بعد فاطمة شاش بقت مستشارة اعلامية في تايلاند
والهندي بقى صاحب صحيفة
والطيب مصطفى بقي صحفي
وحميدتي بقي فريق
علي الجذيمة اشرط جوازي وابقى بدون
| |
|
|
|
|
|
|
| |
علي دفع الله
محمد على طه الملك
عبدالحفيظ ابوسن
فيس بوك
تويتر
انستقرام
يوتيوب
بنتيريست