|
|
|
 Re: كع حصحص الحق وانا ايضا اعاهدك سيدي الرئيس (Re: عادل الباهي عبدالرازق)
|
أنا وصاحبي في فترة مضت كان عندنا فرقة غنائية وبنكتل حفلات الحي
مجانا اها والد صاحبي يوم زهج مننا قال لينا انتو فنانين عشوات ساي
ما تعشمو في عداد حفلة الحاجة الوحيدة الممكن يقدم ليكم صاحب الحفل
صحن كوكتيل تلهطو وتطلعو تغنو وتلملمو كراكيبكم وتتخارجو أها يوم
جايين من بروفة من مركز شباب السجانة حوالي الساعة 11 ليلا وشايلين
معانا العود ولمن وصلنا محطة ابوحمامة كورك لينا عمكم كدة عندو كشك
لبيع الفول وشكلو اليوم داك الفول باير عندو قال الا نغني ليهو ، عندو عنقريب
قعدنا فيهو وبدينا نغني وعمكم انبسط للآخر قام زبط لينا فول كارب قال الا
تتعشو معاي وبعد ما اتعشينا وحبسنا بزجاجة بيبسي ونحن متخارجين اتلفت علي
طلال صاحبي وقلت ليهو والله كلام ابوك صااااح نحن شكلنا كدة فنانين عشوات ساااي 
هسع المنبر دا فاير وود الباوقة وبقية بني كووز يعرضو من امبارح هييع كع
في موضوع ناصر حسين وصديق مهدي وديل في نظري فنانين عشوات ساي
مافي فرق بينهم وبين مهندس الازيار ( الحقوق محفوظة لمعاوية الصايم ) صلاح
غريبة الكيزان إستقطبو بحلة كوارع والمصريين اشترو ذمتو الواسعة بصحن كشري 
| |
 
|
|
|
|
|
|
|
|
Re: كع حصحص الحق وانا ايضا اعاهدك سيدي الرئيس (Re: فيصل محمد خليل)
|
حبيبنا الكلس ود الباهي .. صباح الفل من بلد الزهور .. ولزوارك السمحين .
يا ود الخليفة ههههههههههههههه
ما تكون انت اب زنقلة .
بيني وبينك الزنقلة احسن من العلعول
هههههههههههههههههههههه!
غايتو ود الباوقة يا ريت لو اداني الكتلوج البكتب
منه ههههههههههههههه .
وتسلموا يا شباب ,
| |
|
|
|
|
|
|
|
|
|
Re: كع حصحص الحق وانا ايضا اعاهدك سيدي الرئيس (Re: Nasser Amin)
|
| Quote: صباحك خير ....حبيبنا الباهي للضمان كده ....نحن جهزنا عقالاتنا |
صباحاتك نواضر حبيبنا طارق نقد
ياحبوب أنا جهزتا شنطتي من زمن المؤتمر الاقتصادي والخطة الخماسية
والسداسية والسباعية ومنتظر ، الجماعة سرقو واتحللو وانا منتظر ، باعو
نص البلد وكبوها في جيوبهم وانا منتظر بس نصيحة اخوية ماتصدقهم يأخ
صلاح غريبة كان مرطب ومرتاح وكضومو دي موردة غشوهو الكيزان
الله لا تاجرهم ببرنامج الهجرة العكسية صلاح غريبة رجع السودان وجمال الوالي
أشتري عقد عمل بالمملكة شوف المفارقات . خلو ليك عمك غريبة لافي صينية
بقهاوي القاهرة من قهوة لقهوة
| |
|
|
|
|
|
|
|
|
|
Re: كع حصحص الحق وانا ايضا اعاهدك سيدي الرئيس (Re: عادل الباهي عبدالرازق)
|
| Quote: سبوقك على كع خليك مع رج ود الباهي |
أنت حاسد جنس حسادة يا عمار
ناس الكع ديل هم الكاتلين الدجاجة وخامين البيض ، أنا لمن الله يغضب
علي ويبتليني وابقا كووز مالي ومال الرج ما اباري ناس هيييع كع انبهلت
ديل خليها تور معانا شيء رصيد في البنوك الماليزية وشيء عقارات وشيء
مزارع . تشبهوا بالرجال ان لم تكون مثلهم ان التشبه بالرجال فلاحوا
| |
|
|
|
|
|
|
|
|
|
Re: كع حصحص الحق وانا ايضا اعاهدك سيدي الرئيس (Re: عادل الباهي عبدالرازق)
|
| Quote: عادل الباهي الجو عندكم ماطر باقي |
صادق ميرغني
انت من زمن الناس بتقيس الحالة المزاجية بي الجو ؟
ياحبوب دي موضة قديمة الان تقاس الحالة المزاجية بما في حساباتك
وارصدتك واصولك الثابتة وحساباتك وارصدتك واصولك الثابتة ذاتا
بتقاس بهل انت كوز ام لا. لكن نحن تربيتنا غلط علمونا الا نسرق وان لا
نخون وان لا نطعن من الخلف وان لا نتملق وان لا ننحني او نركع لبشر وان
كرامتنا خط احمر وطلعنا بايض هيييع كع
| |
|
|
|
|
|
|
|
|
|
Re: كع حصحص الحق وانا ايضا اعاهدك سيدي الرئيس (Re: عادل الباهي عبدالرازق)
|
| Quote: خبتها ياعادل ياخ بشة بتاع مندي وبرياني وعنب مزرعة |
يا حيدر العنب مقدور عليهو لكن بشه لو عاوز المندي والبرياني ارفعو معاهو
ود الباوقة وصلاح غريبة بيكون عندهم خبرة في هذة الطبخات بحكم تواجدهم في
السعودية .
ود الباوقة يبيع للمساكين العندهم معاملات في السفارة الفول اب حصحاص
ويضرب هو المندي ويمشي القيلولة كع عفيت منك
| |
|
|
|
|
|
|
|
|
|
Re: كع حصحص الحق وانا ايضا اعاهدك سيدي الرئيس (Re: عادل الباهي عبدالرازق)
|
| Quote: المقصود من هذا البوست شكلوا سيدي الرئيس بكري ابوبكر |
البرنس ود عطبرة
لية قالو ليك انا مجنون ؟ تهابش اي زول هنا مقدور عليها تجر واطي ، تعتذر أوتفك البيرق
الا اب صلعة دا ماعندو هظار بيقطعو معاك عشرة صفر والله طوااالي بيختك في الشحن
تغمض تفتح تلاقي نفسك في الطراوه
خلينا نستفيد من البوست دا ونكسر ليهو تلج عسي ولعل يحن علينا
في يوما ما لو قبضنا لينا زول كربون هنا
| |
|
|
|
|
|
|
|
|
|
Re: كع حصحص الحق وانا ايضا اعاهدك سيدي الرئيس (Re: ود الباوقة)
|
Quote: كع حصحص الحق وانا ايضا اعاهدك سيدي الرئيس
|
قلب دفاع قوي لو أنضميت للحكومة يا ود الباهي ..
المشكلة انو كلما زاد أصحاب الكيبورد السنين
والفكرة الجهورة انضماما للمؤتمر الوطني
كلما تراجع المهرجين المزعجين إلى الصفوف
الورانية خالص لغاية ما يتردموا خالص .. وأتوقع دا
قريب جدا بس مسألة وقت لأنو سلاح
الكيبورد أخطر وأمضى من النووي .. عشان كدا
انضمام المؤهلين في الشأن دا مطلوب ومكسب
كبير للحكومة ..
ما عارف ليي طافت على بالي حكاية الديك
البكشنو في يصلتو وهو يكاكي ..خخخخخخخ
| |
|
|
|
|
|
|
|
|
|
Re: كع حصحص الحق وانا ايضا اعاهدك سيدي الرئيس (Re: عادل الباهي عبدالرازق)
|
| Quote: انبهلت ما تدوها بغاث الطير |
يا اباذر هم بني كووز ديل متين رفعو ليهم شعار وواصلو فيهو
كتلو اولاد الناس في حرب الجنوب بأسم الدين ورجع عرابهم الترابي
قال ماتو فطايس ، قالو امريكا وروسيا قد دنا عذابهم ورجعو باسو
القدم حتي ترضي عنهم امريكا وروسيا ، كاتبين في جواز السفر السوداني
كل الاقطار عدا اسرائيل ويغازلو فيها بالضرا يا اب شرا والامثلة لا تعد ولا تحصي
فاااشنو الكوز لا يؤتمن ولا يصدق .
كع
| |
|
|
|
|
|
|
|
|
|
Re: كع حصحص الحق وانا ايضا اعاهدك سيدي الرئيس (Re: عادل الباهي عبدالرازق)
|
Quote: ههههههههههههههههههه كع كرع اليومين دي كترت...
ود الباوقة هسي يجي طاير من قيلولته ياخ ما تلعبو بمشاعرو |
ناصر امين
تحياتي
ود الباوقة دا بيلعب بمشاعرنا ليهو زمن هييع انبهلت ، النداء الاخير
لكانزي الدولار ، كع يع السألو منو
عمك بيحب الحياة شاف عشان يعيش عال العال عمل ليهو دقن دعني اعيش وركب الموجة مع
الكيزان تكبير تهليل تحمير وورت معاهو اترفع في الوظيفة ، بيت في كافوري وسيارة آخر موديل
وأخر انبساطة تقوم توريت تنضرب جوهو ليك الكيزان في البيت المساء فالو ليهو حتسافر الجهاد
في المتحرك بعد يومين باعتبارك قيادي جهز نفسك ، عمك انبهل فيهو اسهال الليل كلو ما طلع من
الحمام ولمن الواطة صبحت جاب ليهو ظرف جواب وحلق الدقن وختاها في الظرف وكتب ليهم فيهو
دي الرابطاني بيكم . أنت مجانين عاوزني اتلحس بالسهولة دي ؟ قبيل لمن ربيت الدقن كان حدي معاكم
تكبير تهليل والساحة الخضراء عاوزين تودوني توريت تضيعوني . فااااشنو ناس هيييع كع دي نهايتهم حتكون
زي نهاية عمك دا
| |
|
|
|
|
|
|
|
|
|
Re: كع حصحص الحق وانا ايضا اعاهدك سيدي الرئيس (Re: عادل الباهي عبدالرازق)
|
Quote: الباهي تعال زورنا بالله حتما
ويوما ما ستقع في شباك المؤتمر الوطني اديها صنة بس
وشكرا |
يا ود الباوقة لو عشمانين فيني انا دا عشم إبليس في الجنة
غايتو للضمان كدة لو قدرتو تستقطبو إبليس همسيلف انا مابتقدرو
سبحان الله طيلة حياتي لم أنتمي لاي حزب سياسي ولو قدر الله
لي أن أنضم لن أنضم لاحزاب تجار الدين كيزان وحزب امة واتحاد ديمقراطي
لكن لو فيها مزرعة مطرفة او بيت في كافوري بنسجل ليكم أنا وابوروضة وبت عمسيب
وادريس علم الهدي وخالي صديق الموج
| |
|
|
|
|
|
|
|
|
|
Re: كع حصحص الحق وانا ايضا اعاهدك سيدي الرئيس (Re: حمد عبد الغفار عمر)
|
Quote: قلب دفاع قوي لو أنضميت للحكومة يا ود الباهي ..
المشكلة انو كلما زاد أصحاب الكيبورد السنين والفكرة الجهورة انضماما للمؤتمر الوطني كلما
تراجع المهرجين المزعجين إلى الصفوف الورانية خالص لغاية ما يتردموا خالص ..
وأتوقع دا قريب جدا بس مسألة وقت لأنو سلاح الكيبورد أخطر وأمضى من النووي ..
عشان كدا انضمام المؤهلين في الشأن دا مطلوب ومكسب كبير للحكومة ..
ما عارف ليي طافت على بالي حكاية الديك البكشنو في يصلتو وهو يكاكي ..خخخخخخخ |
حبابك يا طلحة عبد الله
دفاع الحكومة فيهو ود الباوقة وصلاح غريبة وهسع سجلو ناصر حسين وصديق مهدي
لو سجلتا الا اقعد كنب وانا جني وجن الكنب بتعمل بواسير هههههه
ياحبوب ناس الجيش عندهم نظرية لمن تشوف ليك عقيد او عميد شايل ليهو عصاية
في اباطو تعرفو طووالي دا النوع الما واقعا ليهو وبينتظر راتب الشهر بفارق الصبر
وبيكون استلف من الضابط المالي نص مرتبو ولمن تشوف ليك عقيد او عميد ماشي ساااي
كدة دا الزول الواقعا ليهو بيكون تصاديق سكر وبنزين ساااي بيطلع قدر راتبو سبعة مرات
فاااشنو المهرجين من بني كووز ديل ناس هييع كع ديل الواقعا ليهم شيء مزارع وشيء عقارات
وشيء اعفاءات وأول ما المركب تغرق اول ناس بتتلب .
في نكتة متدوالة قبل فترة عن المفاهيم المقلوبة في هذا الزمن الرديء قال ليك فيفي عبدو تقود
سيارة مرسيدس قابلت نجيب محفوظ يقود سيارة مازدا قالت ليهو شفت الفرق يا نجيب محفوظ
بين الادب وقلة الادب وعلي ذلك قس
| |
|
|
|
|
|
|
|
|
|
Re: كع حصحص الحق وانا ايضا اعاهدك سيدي الرئيس (Re: عادل الباهي عبدالرازق)
|
Quote: يبهل شنو اتا ياابكرفته
اسمع ابزنقله مايكون كمبرسون عامل شنبو زي عمار السنوسي ده او الحبشي
بتاع الكراتين اصلا معاو صدمة حضارية قوية |
حامد بدري
الحبشي بتاع الكراتين ما أظن لكن كمبرسون دا ما مضمون غايتو لو لما فيهو
بقبق دا غمت ليهو ربطتين ثلاثة بكرة بيجيك يقول ليك لا لدنيا قد عملنا نحن
للدين فداء
| |
|
|
|
|
|
|
|
|
|
Re: كع حصحص الحق وانا ايضا اعاهدك سيدي الرئيس (Re: عادل الباهي عبدالرازق)
|
| Quote: يا باهي عاهد ساي لكن ما تتحول |
حمد يا حبوب الله يكفينا شر التحول
أنا عرضي كتبتو لبقبق فوق مزرعة مطرفة وبيت في كافوري بنسجل انا
وابوروضة وبت عمسيب وادريس علم الهدي وطارق نقد وخالي الموج
لكن مشكلتهم ناس بق بق ديل عاوزين ياكلو براهم هسع الخوف ناصر حسين
وصديق مهدي مايعملو للكيزان زي ما عمل تراوري لناس المريخ لمن ما قبض
عمل يع
| |
|
|
|
|
|
|
|
|
|
Re: كع حصحص الحق وانا ايضا اعاهدك سيدي الرئيس (Re: Hafiz Bashir)
|
Quote: سلام يا عادل،
مجاراة ود الباوقة في طريقته، تدعم خطه حاليا ود الباوقة وطريقته يسيطران على الصفحة الأولى للمنبر
مشاركات صديق وناصر القديمة هنا مشاركات باهتة، لا تستحق خسارتها مجرد الالتفات نحوها. |
حبابك واسعد الله اوقاتك ابوبكر عباس
Quote: هسع المنبر دا فاير وود الباوقة وبقية بني كووز يعرضو من امبارح هييع كع
في موضوع ناصر حسين وصديق مهدي وديل في نظري فنانين عشوات ساي |
الاقتباس الفوق دا كلامي يعني متفقين . أصلا أنا لمن تبلورت فكرة البوست
عندي كنت قاصد إنضمام ناصر حسين وصديق مهدي لا تستحق كل هذة الغاغات فهم لن يزيدو
ناس ود الباوقة شيء ولا تفقدهم الكفه الاخري وقلتا أشرك بيها بالمرة لود الباوقة .
مع أني أختلف معاك في مشاركات ناصر الباهتة
واتفق معاك في صديق مهدي ، ناصر زول راسو مليان ولكن متسرع ومرات بتخونو العبارات في
توصيل مواضيعو واختيارو للعناوين دائما ما موفق فيها .
ففكرة البوست ماشرط تواصل فيها مرات البوست بيخرج عن مسارو عن طريق صاحب
البوست او احد الزوار فبيجد صاحب البوست لا غضاضة يخليهو ماشي كدة كونسة بين
الاخوان .
ماعارف كلامك يا ابوبكر انا حاسي زي الفيهو وصاية علي كيبوردتي
| |
|
|
|
|
|
|
|
|
|
Re: كع حصحص الحق وانا ايضا اعاهدك سيدي الرئيس (Re: عادل الباهي عبدالرازق)
|
| Quote: دا تنميط مخل و فيهو عدم إحترام لمشاعر أبان زنقلات |
حافظ بشير
تحياتي
غايتو يا حبوب لو طرف الصوت ما وصلك أبشرك مافي زول حايجي يندرع في
رقبتي لان الزنقلة دي حاجة تافهه خلاص
صاحبي عندو زنقلة كل ما اقول ليهو امشي الجيم يدق كرشو ويقول لي برتكان ولحم ضأن
قمنا سافرنا اجازة السودان وكانت عندو نيه زواج ، رشحو ليهو بت كزواج تفليدي شافا وشافتو
ووافقت بيهو ويوم الخطوبة مشيت مع ناس بيتهم بالله دخلنا بيت أهل العروس كدة ولسع بنسلم
العروس عندها أختها مسلطة شافعا عمر 14 سنة كوركت ليك واووو العريس عندو كرش
كتمت الضحكة لمن صواميلي فوتت واشوف ليك صاحبي شافط بطنو لمن عيونو حمرت وبرضو
الموضوع ما مشا حالو بعد اسبوع البت اعتذرت قالت صاحباتا دوروها بالكرش وبتعتذر عن الفكرة
كل ما نجيب السيرة يقول الشافعة تجيها الرطوبة الفرتكت الخطوبة . الزنقلة ما حبابا يأخ
| |
|
|
|
|
|
|
|
|
|
Re: كع حصحص الحق وانا ايضا اعاهدك سيدي الرئيس (Re: الطاهر الطاهر)
|
Quote: قلت لي كنت فنان ؟
ناصر والباوقه الله لا كسبكم كان دايرين تسمعونا صوت الزول دا بعمايلكم دي
|
الاستاذ يا الطاهر بالتسد نيتك
والله الفار بقا يلعب في عبيء الخوف تكون انت
الزول اب زنقلا القاصدو ود الباوقة فالاوصاف تنطبق عليك
غايتو لو ود الباوقة قبضك رزمة رزمتين عارفك حتنضمو للمؤتمر
الوثني انت ومستر براون والفي بالي بالك
| |
|
|
|
|
|
|
| |
عادل الباهي عبدالرازق
ادريس خليفة علم الهدي
طارق عبد اللطيف نقد
حيدر حسن ميرغني
معاوية المدير
عمار عبدالله عبدالرحمن
البرنس ود عطبرة
اباذر عبد العال
Nasser Amin
فيصل محمد خليل
مني عمسيب
Hassan Farah
محمد البشرى الخضر
حامد بدري
حمد عبد الغفار عمر
Hafiz Bashir
الطاهر الطاهر
فيس بوك
تويتر
انستقرام
يوتيوب
بنتيريست