جنس بشتنة هي هههه و قبل اكتب .. الحمد لله الذي لا يحمد على مكروه سواه .. انا عندي اصحاب عارضهم للبيع ... مجااااني لوجه الله تعالى و عااادي ممكن ادفع انا ده بس يختوني .. ياخي نفسي يكون عندي اصحاب عمقيقين مهذبين ، اولاد ناس ، و البنج ما يأثر فيهم يخ ...الموووووهم ده الحصل ..ف شنو have fun ..#البنج_ماااااافكهالو مهند انت وين ؟ البيت مالك ؟ انا ماشديد يخ بطني دي ما ياها ماشي على المستشفى تعال لاحقني انا براي و ما معاي زول وخايف .. وقفل الخط انا عااااارفو جرسة يخ .طنشتو ليك زي الترتيب .. انا متخيل الشغلانية طه القرشي بس لاننا كنا طافحين اقاشي و كوارع و كافيار .. وديل ما بتلمو .بعد ساعة بالظبط : مزززززززفت انا مدخلني عملية الزايدة الدودية انفجرت يا مهند كلم امي يا مهند الحقوني يا مهند . وبكورك . اوبااااا الموضوع جادي وكيلك الله من الخلعة قميصي لبستو في الشارع عشرة دقايق انا في المستشفى لحقتو و هو بحضرو للعملية ..يازول انت كويس ؟ طرشقت يامهند الزايدة الدودية حقتي طرررشقت يا مهند ح اموت يا مهند .. مهند تعمل لي سبيل في السودان يا مهند .. و تدعو لي كل يوم ..امي وين يا مهند ؟ ولازنو بالنقالة على غرفة العمليات دقيقة اقيفو اقيفو نهر ليك الممرض الفلبيني الدافرو.. مهند جدع لي تلفونو اسمع هنا انا كان متة التلفون دة يتحرق بي جاز معفن فاهم ؟ و ماف زول يفتحو فيه حاجات ما كويسة احرقو احرقو .!!!جبان و جرسة جرسة لدرجة غريبة بعرفو النوع اللو صدع بس بربط راسو و يتقنقن ينيص فينا . اتاري ضرب لي امو و لي خطيبتو وخلعهم و خطيبتو و ابوها و امها اتخمخمو اخر الليل جو ... و هجم امو يخ امو تبكي الدموع عشرة عشرة .. ياحجة ولدك كويس دي عملية بسيطة و هي تنيص الليلة يا حشاي الليلة ياولدي دي امو قلنا ما حنك قلب الام وكدة خطيبتو .. بس مسلسل مصري متكله في الحيطة و تجععععر و امها تصبر فيها و نخرتها كبرت و جضومها حومرن وماف البوهية الفي وشها ديك عباية جابتها من خشم بقرة و لا من مصيبة زمان تبكي و تتخوزز وتتخجة و تقنت بعدين بقت تشبه حسين خوجلي بالكربون .. ماعلينا ساعتين ما تمت قالو العملية انتهت و شوية حيطلعوه للريكفري حتى نقابلو.. امو ستين يمين الا تشوف ولدها اسي بس .. يا حجة بس البنج يفك و بتشوفيه قعدت في الارض و تبكي اسي بس ولدي .. انا طبعا عميق و علاقاتي ظابطة بي امانة و في دبي هنا في اي جحر بعرف زول .. تلفون بالليل داك لي معلم كبييييير في المستشفى قال لي بوصي زول اسي حيتصل بيك .. بالظبط تلات دقايق ضرب لي طبيب اماراتي وجاء بنفسو وخشا للريكفري و شاف السيرجري ريبورت و جا قال هو تمااام بس البنح يفك قلت ليه امو مصره تشوفو الأن . في الاول رفض بعديها قال انزين مايخالف بس هو ممنوع لكن دقيقة تدشون داخل تطالعونه بس لاحد يسولف وياه .. لبسونا اكياس في كرعينا و شعر ريسنا وخشينا الريكفري .. لابس مريلة و ريالتو سايلة بالجنبة و شبه امفكو و يتبسم !! امو حمدلت ليه السلامة شبكها ليك باللغة العربية الفصحى بي لسان تقيييل اماااااه امااااه لا تجزعي انا عرفتو ليك ماسك نار جيت قصااادو عمممممك يا ازيك يا ضب يا مجنون قررر قعد يضحك مهننننند اسماااااااااااااعييييين يا .. اسماعين هههه بالنون و الريالة بطلعها لسانو كدة غالبو يتف هههه ويضضضحك قال تيييييت ياااخ رمه ليه دورابة لافي السماء لافي الارض لفظ بذئ بذؤية شديدة خلاس شرطوني اولاد الكلب .. انا بي امانة انخلعتة .. امو ، خطيبتو ، ابوها ، امها بقو يعاينو لي بعض .و منطتين عيونهم . انا قلت ليهم يا اخوانا ارح نطلع الزول دة البنج لسة ما فكة اريتهم سمعو كلامي اريتنا ما خشينا زاتو .. خطيبتو شليقة شليقة و انا متأكد انها ندمت على انها الخطوة العملتها دي .. بيبي انت كويس ؟ عاين ليها كدة و بزغ ليه بزغتين بعد تلتلة كدة قال ليها انت منو ؟ انا فلانة ..اوووووووو الحووووب يا .. عيوني انت .. شعر بطني انت .. انت حلقومي زاااااتو .. اقسوووم بحبك احوبوكي واحب السحاب و الحصين احب السمك و عيانكي و شعروكي ... شعر خارم بارم ، خارم بارم كلام الطير في سقط لقط .. دي ما المشكلة لانو فجأتن كدة قال ليها متزكرة ؟ متزكرة .. لما طبيتك في الاصانصير ؟ المطرة صبت فينا كولنا... هي اتصرفت قالت ليه يوم الاصانصير اتعطل و الباب طبة اصبعي ؟ معاها ضحكة كدة لزوم دة شنو البتهبب فيه ده ! قال ليها لالا الطبيتك انا ما الباب !!!! تعالي جيبي قدوم عشان العلاقة تدوم ! هههه انا غلبني اكتم الضحكة لانو لو سمعتو الطريقة القالها بيها و الله تفرفرو من الضحك ..طبعا ابوها عاين لي امها نظرة كدة شظرا شظرا و امها عاينت ليها و امو طبت ليك خشمو و هو يلغلغل انا بي امانة غلبني ضحكتة و انفعت لما دموعي ساحن الطبيب الاماراتي جأ خاشي و قال لينا خلاص اطلعو بقا ينادي في الدكتور .. يا دكتور ممكن لحظة الطبيب جاء جنبو قال ليه امرني .. قال ليه العملية انتهت ؟ قال ليه اي خلاص .وانا اسي تمام صح ؟ قال ليه : انت مية مية .. طيب انا كان عندي بواسير ان شاء الله ظبطو لي الموضوع معاهم ؟ انا و الدكتور و الممرض وابو خطيبتو الكان صاري اتدردقنا بالضحك .. امو زاتها اتعمقت معانا .. انا الحق يقال ضحكتي قريبة و فيها شخرة كدة هو بفتش فيني بقلب دماغو كدة بلفلفو بفتش موووهند اسماااااعييييييين ياااا .... تضحك يا يا كبير ؟ موووهند متزكر لما مشينا الديسكو ؟ انا بي امانة انهجمتة و وقفت الضحك وبقيت منطط عيوني و طوالي نهرتة امو .. امسكي امسكي خشم ولدك دة الله يرضى عليك .. نحن الفينا مكفينا .. بقت هي خاتة يدها في خشمو و هو بنضم الددديسسسكووو ياااخ المرة الخواجية العجوزة ديك ! و الله ريحتنا في حنانا ... بس بس الكلام خشة الحوش طوااالي قلت للحجة بتاعتو كدي زحي لي انت غالبك تطبي خشم ولدك دة زحي لي منو انا بجيهو ليك .. بي يديني الاتنين طبيت ليك خشمو و للضمان كتمت نفسو بقا الدكتور الاماراتي يحاجز عشان افكو وانا طابي لانو انا عااارف اي كلمة حتطلع انا ح اتعوق ح اتعوق و الدكتور يجرجر فيني و انا قاااابض ليك خشمو و كلو ريالة و بزاغ و عولاق لكن ماااا مشكلة ... و شابك ليك الناس اطلعو اطلعو انا بجي وراكم و الدكتور الاماراتي شابكني تشي ما يستوي الريال الحين طالع من غرفة العمليات و الله ما يستوي .. شنو هو الما يستوي انت ما شايف هو بنضم بقول في شنو ؟ يجروني منو هو العواليق يلقا فرصة ينضم ياخ المرة العجوزة ديك المكرفسة في الديسكو ياخ انت قايلني ما شايفك ؟؟ تاني اطبو ليك انا وحات الله عرفتو ح يبشتنا و يعولقنا لكن وين يا معلم ! بقيت طابي لي شلوفتو الفوق مع شلوفتو التحت و ماطيهن ليه لي برة و قارصن ليه قرصة كان نطط ما يطلع حرف مع انو كل كلامو ده كذب ساي ديسكو شنو البمشيه انا ؟؟؟ هجام و رجام من يومو .. احنا اساسا بنصحى الصبح نمشي المسجد و كل صلواتنا في المسجد معقولة يعني عيب عيب يخ بعدين اساسا العقل الباطن كذااااب .. وحاط الله بهت بت الناس ساي اصانصير شنو و بتاع شنو ؟ الموووهم الجماعة طلعو و بقينا انا وهو راس وكيلك قطعت ليك فيه كفين لمن هو امن زاتو العواليق المخولق عديم الضمير .. احنا اساسا لما نقوم صعبين قال خواجية عجوز قال .. عواليق دا غلطان انا البمشي معاك مستشفى زاتو ...الموووهم لما تفوق جضومك حيوجعنك دة انا دة رشيتك كفين صاموتيات و فشيت غبينتي بما انك من الأعضاء القدام في الصفحة دي و اكيد حتقرأ الكلام دة اسمع يا فضيحة .. من هنا و لي قدام لا تباريني لا اباريك فاهم .. عواليق ..نسيت نسيت قبل اختم .. لكل الخاطبين حنك الاصانصيرات و الطلس ده ماااا عميق لانو ما معروف البنج يجي متين و لحظتها الشغلانية بتبوظ فوق تحت و ببقا ليكم حااااار .ودعتكم الله
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Khalid Elsayed
فيس بوك
تويتر
انستقرام
يوتيوب
بنتيريست