|
|
|
 Re: من الملوك إلى الرعية .. هذه ليلتي (Re: طلحة عبدالله)
|
ريال وبايرن ميونيخ هذا هو الديربي الأوربي
بل العالمي .. وغيره من مباريات مجرد تمامة عدد
للمنافسة ..
أستمتعوا هنا http://alain-live-2016.blogspot.ae/2016/10/2.htmlhttp://alain-live-2016.blogspot.ae/2016/10/2.html
| |
 
|
|
|
|
|
|
|
|
Re: من الملوك إلى الرعية .. هذه ليلتي (Re: طلحة عبدالله)
|
يا فاضلابي
المشكلة في منبر بكري انو لو عايز تعدل حاجة
لازم تقعد ترتب الموضوع من أول جديد عشان
يطلع منسق بدون ما الحروف تتداخل مع بعض
أها أثناء انشغالي في المصيبة دي لقيت جيمي
كف نف بالله لما اتخلعت ظاطو ..
عندي مزاج اليومين ديل اتكلم في الكورة
ما عارف دا من شنو ؟
| |
|
|
|
|
|
|
|
|
|
Re: من الملوك إلى الرعية .. هذه ليلتي (Re: طلحة عبدالله)
|
طال ما رجعت للكوره حقو تبدا لينا من ميدان عقرب
انت قايل الاستنارة دى شتيت ودع و ضرب رمل
ده علم لا يدركه رعاع القوم من من لف لفك و ود البشرى
قال خليت الكورة و بقيت بتاع حجار قال
ثم بعد
بالبوست ده من حق المستنير ان يقول لكم يا جريوات
| |
|
|
|
|
|
|
|
|
|
Re: من الملوك إلى الرعية .. هذه ليلتي (Re: Haytham Ghaly)
|
جلالدونا .. المستجير قاعد يتاوق ويتململ ويرد بى سرو
واحتمال كبير يكون عامل ليهو نموذج مصغر للمنبر دا
يهرجل فيهو براهو ويرد على نفسو ويشتم روحو
ويرد ليها الشتيمة ويخت الوشوش ويشتكي لبكري .. اتا قايل شنو ؟
جرجير علاقتي ضعيفة بالاستيكة بل في الحقيقة معدومة عديل
كدا .. أمر طبيعي ما أعرف أخبارا ... كورتكم الجاية متين ؟ ما تخاف قول.
هيثموف بيضة بتاعت الساعة كم .. منو هو البعرف يبيض دا ؟
قوم لف انت وهو .
| |
|
|
|
|
|
|
|
|
|
Re: من الملوك إلى الرعية .. هذه ليلتي (Re: ياسر منصور عثمان)
|
Quote: جلالدونا .. المستجير قاعد يتاوق ويتململ ويرد بى سرو
واحتمال كبير يكون عامل ليهو نموذج مصغر للمنبر دا |
المستنير غشاهو ود البشرى ...
زي أولاد الحلة زمان لما يكون في شافع ما دابرنه يلعب معاهم ...
يقوموا يقولوا ليهو امش لاعبين دس دس ... انت اجر ادسة ...
و انحن حنعد لغاية الف حتين نفتش ليك تكون ادسيت مظبوط ...
و يقولوا ليهو اوع تورينا انت وين لغاية ما نلقاك ...
و يكونوا مشوا يلعبوا أي حاجة تاني ...و صاحبك لابت ... يتاوق قايلهم كايسنه ...
و كل ما يفكر يجي مارق ... واحد من المجموعة يكورك بي صوت عالي ... سبعة و سبعييين ... تمانية وسبعيين ...
عن اذنك يا طلحة ياخ ....
خخخخخخ
_________________________
* جلي ... مشتاقين يا حبيب ...
| |
|
|
|
|
|
|
|
|
Re: من الملوك إلى الرعية .. هذه ليلتي (Re: يحي قباني)
|
مسا الخير
فريقنا مافريق الرجل الواحد فريق بدون دكة بدلاء ممكن
الريال يمتلك اتنين بكل خانة بعرفو طريقة لعب وتكتيك المدرب
الموسم ده للنسيان يكفينا كاس الملك والريمونتادا ولو بقن اتنين يكون فعلا فريق الاحلام
واوعك تتنفش وتنفخ ريشك باعتبار ضمنت التاهل قد تكون مافي يومك وتاكلا حارة
| |
|
|
|
|
|
|
|
|
|
Re: من الملوك إلى الرعية .. هذه ليلتي (Re: طلحة عبدالله)
|
يا حامد يا بدري صدقني الستة فيها إن ما أظنها
صافية .. كيف بالله عليك فريق غالب أربعة صفر
يعود ويتغلب ستة من فريق خرج من الموسم بلا
حتي خفي حنين .. كيف بس بالله عليك ؟
لكن برضو كلامك ما ختا المنطق ..
بس في دي : Quote:
واوعك تتنفش وتنفخ ريشك باعتبار ضمنت التاهل قد تكون مافي يومك وتاكلا حارة
|
صدقني لو مشيت يوميها فتحت بوست واااطاتكم أصبحت .
خخخخخخخخخخخ
| |
|
|
|
|
|
|
|
|
|
Re: من الملوك إلى الرعية .. هذه ليلتي (Re: طلحة عبدالله)
|
صاحبي رشاشة يا طلحة ... قلت ليهو تلاتة يوفنتوس دي ما كتيرة ؟
قال لي انت نسيت باريس سان جيرمان عملنا فيو شنو ..؟
في سري قلت ليهو ... دفاع الطلاينة ده كان تعليماتهم سدوها ...
كان حبوبتك جات ما بتجيبوا تلاتة اقوان ...
و جهراً ... ابتسمت ليهو و تمنيت ليهو كل النجاح و التوفيق ( بالكضب ) ... :)
_______________________________________________
الهليِّل ده ياخ مارضنا هو مشجعينو العشوائيين ديل من سنة سبعين ...
من زمن عبدالمنعم شجرابي كان مشجع ساي قبال ما يبقي صحفي رياضي ... و كان بغمر قدامنا لامن المريخ يجيب فيهم قون ..
نقعد نرشرش بالموية و نرقده في النجيلة ... أيام يا طلحة ...
حياتي كلها اخش الكورة مسطبة جنوبية مع الصفوة ...
يومي الخشيت الشمالية ... نشلوني الرشاشات ...
| |
|
|
|
|
|
|
|
|
|
Re: من الملوك إلى الرعية .. هذه ليلتي (Re: محمد البشرى الخضر)
|
يا قباني أمسك بيان لكلامك الفوق دا بالعمل
جرجير دا أنموذج للهلالابي الكاره لذاتو كمشجع
مسيكين لفريقه المكعوج الواهن كقشاية في مهب
العاصفة، جا جاري فرحان ليتحامي بغيرو ..
بدل يقول ليك غلبناك يقول ليك أهلي شندي
غلبكم .. لا ومعاها زووط كمان ..
علي الطلاق أنهم يثيرون الشفقة ... خخخخخ .
يا أبو علوة
بما انك مريخابي مرصع بأوسمة الفخر والفخامة
تم الناقصة وأدخل في دين الملوك .. خخخخخخ
| |
|
|
|
|
|
|
|
|
|
Re: من الملوك إلى الرعية .. هذه ليلتي (Re: طلحة عبدالله)
|
طلحة وشركاه
جيت جري وشايل العدة وقلنا بخش في الموضوع بتحليل الشجن في 1967
الكان مغطي البلاد العربية ومشى عبدالوهاب على ذات المنوال ولحن الاغنية على مقام (كرد)
والصعود لاعلى المقام على (الري) .... ومقام الـ (كرد) هو مقام الضعف وقلة الحيلة ودا حال البرشا امام اليوفي
الست بتبدأ وهي تهمس
(هذه ليلَتي، وحُلم حياتي.. بين ماضٍ من الزمان وآتِ)
بتغني (ماضِ) مع الطلوع في مد الالف .. كانها تشير للماضي السحيق
وعكس ذلك تغني (آت) بسرعة وكانه مستقبل مظلم ومخيف
اكيد لسان حال البرشلوناب يقول (سوف تلهو بنا الحياة وتسخَر) ولذكاء الست لم تغني هذا المقطع
بخوف ووجل وانكسار وصوتها لم يكن ملىء بالحزن ولكنها غنته بشوق وشغف
خليني اختم ليك انت دا بنفس ختام الاغنية ودا عربون محبة ليك زي ماقالت الست:ـ
(صُدفةٌ أهدَت الوجود إلينا، وأتاحت لقاءنا .. فـ ....التقينا )
| |
|
|
|
|
|
|
|
|
|
Re: من الملوك إلى الرعية .. هذه ليلتي (Re: ياسر منصور عثمان)
|
ايوة يا طلحة
انا حاضيف
طبعا كانت (هذه ليلتي) هي لك او بالدارجي الليلة ليلتك زي ما بنقول والمقام (كرد)
اما الليلة يا طلحة .. حتغني (فات الميعاد) والمقام (هزام)
ولاحظ وانت بتبكي سواء جالس على الارض او منبطخ فوق طربيزة
ويزداد نويحك مع (تقاسيم ) البايرمنشن . زي عزف (سيد سالم) للناي خلف الست
وستكون حالتك مثل دخول الست في الكوبليه الثاني او نقول الشوط الثاني وهي بتقول
(لا نوم ولا دمع بعيني ....")
حتى وان نزلت الى مقام (البياتي) ( الشورى) في اخر الكوبليه
ولكنها زي حالتك هي خترجع (للبياتي) الاصلي مع (معرفة النتيجة النهائية) وحتقول وانت لاتزال تعصر دموعك وياليتها كانت اعناب لتملأ بها دنان المنبر فرحا ورقصا وطربا مع ملوك الريال حقينك
حترجع الست للبياتي الاصلي
(نسيت النوم واحلامه ....نسيت لياليه وأيامه)
ويا طلحة عايزك تنتظر دخول (القانون) بتقسيمة على (الراست) او رصد
وتشوف طريقة (التسليمة) وهي اخر جزء من الموسيقى ليبدأ المطرب
تسليمة البايرن للكرات.
قلنا المقام (هزام)
و.. سترجع ياطلحة (مهزوما) مكسور الوجدااااان
زي ما غناها حليم
| |
|
|
|
|
|
|
|
|
|
Re: من الملوك إلى الرعية .. هذه ليلتي (Re: Ahmed Yassin)
|
أحمد ياسين
شكلك ضقلت بي .. خخخخخخخ
اندماجي مع كلامك المرتب المشوق الفوق دا
خلاني ما أنتبه للمحسنات البديعية المدورة فيني
كملكي يعشق أخوان الدون رونالدو .. ما كنت
ملاحظ أبدا للوعيد المبذول بين ثنايا القوافي الفوق دي..
كل الشايفو وقاعد أقرأ فيهو فخامة في المفردات
وبلاغة في التعبير وجزالة في الأسلوب و الحكي
المؤطر بالأدب الرصين ودي شهادة مني للتاريخ
والتوثيق.. لكن المدهش كونك تكون مشجع لفريق
الرجل الواحد رغم كل هذه الاناقة والإبداع .. الابداع
حكر على أسماء متفردة واستثنائية في عالم الفن
والرياضة ليس من بينها فريق الراجل الواحد
بكل تأكيد .. خخخخخخ
حاول راجع نفسك يا مبدع ..
| |
|
|
|
|
|
|
|
|
|
Re: من الملوك إلى الرعية .. هذه ليلتي (Re: طلحة عبدالله)
|
يا أبو اليسر
ملاحظ وعامل حسابي تماما
انك عايز تحرف البوست لكن هيهات ... خخخخخخ
قلنا ليكم حاولوا اتصرفوا لما تكون عندكم
كورة.. بطريقة أو بأخري ما تخلوني أفتح بوست ..
سواء على مستوي فريق الراجل الواحد
أو حتي الهلال المبشتن المكعوج ككارو قديمة
يجرها حمار أعرج عندو أبو الشهيق ..
خخخخخخخخخخخ .
| |
|
|
|
|
|
|
|
|
|
Re: من الملوك إلى الرعية .. هذه ليلتي (Re: Maawya Hussein)
|
يا جماعة دا ما بحلكم ( معاوية وأحمد يسن) ..
أمس فرحكتم بهدف ( ركلة الجزاء ) ما تمت لأنو
فريقكم ما أحسن تقدير الأمور ونسى أنه يلاعب
المجد ذات نفسو فنام على وسائد الأحلام المستحيلة
قبل أن يستفيق بلسعة شمس الواقع الحارقة.. خخخ
أنا عارفكم
ختيتوني في بالكم مباشرة بعد الهدف الأول ...
ولما رد الدون بالتعادل مشيتوا شربتوا موية
باردة .. هي طبعا بتكون حارة لكن انتوا مع حرقان
الجوف شايفنها بااااااااردة .. ولسان حالكم : (كلما
النسمات عطروني فاجأوني دموع مطروني )
المهم شوية كدا وعيونكم لمعت بالأمل بعد المباراة
بقت تعادل .. و( طاف خيالي ) ليبدأ التحضير للشماتة
لكن الريال كان (بدرو المتجلي سافر)
وهل من بدر متجلي وعالي الابهار سوى الدوق رنالدو ؟؟
أيا برشلوناب أرضوا بالواقع وأرحموا
أنفسكم من كوابيسكم المخيفة ..
آن الأوان لتنكسوا شعاركم المرفوع دوما على سارية
واقعكم التعيس ( أشكو يومي وأسترحم أمسي )..
تعالوا إلى حيث راحة البال وسترة الحال
لتتنسموا سعادة الملوك حيث واقع الحال يرفل
في ثياب العز والفخامة والفخر .. هنا الشعار
المرفوع :
(بلغنا السماء مجدا وجودا و سؤدا * و انـــا لترجو فوق ذلك مظهرا)
خخخخخخخخخخخ
| |
|
|
|
|
|
|
|
|
|
Re: من الملوك إلى الرعية .. هذه ليلتي (Re: ياسر منصور عثمان)
|
مسا الخيرات والبركات
بت المك حلوة حلاة ارررح اررح
ياطلحة دي فضيحة كروية وسرقة عديل الحكم يخطئ مامشكلة لكن بتاعين الخطوط ديل عندهم شنو تلاتة اهداف تسلل
وكورة انفراد للبايرين كتيرة شديد
عموما مبروك ولو اتاهلنا معاكم بتعرفونا ولو مااتاهلنا بنفشو الاحد المهم البطن منكم منفوخه
... دي تغريدة لي بيكيه بي تلاتة نقاط بمعنى يعني ماعارفين
| |
|
|
|
|
|
|
|
|
|
Re: من الملوك إلى الرعية .. هذه ليلتي (Re: حامد بدري)
|
حكم امبارح دا حايكون حد فاصل لي مقوله ( فرار الحكم نهائي) الاعلام الاوربي شاني حمله شديده علي التحكيم وحكم امبارح كان الحد الفاصل . بعد دا القرار النهائي بيكون بواسطه الفيديو البدا تطبيقو فعليا في مباراه اسبانيا وفرنسا
| |
|
|
|
|
|
|
|
|
|
Re: من الملوك إلى الرعية .. هذه ليلتي (Re: يحي قباني)
|
سلام شباب سلام
حامد يا بدري
إذا كان في ريحة في مباراة أمس فمباراة
الستة أحتشدت عن آخرها بالنصب والاحتيال
على الفريق الباريسي .. الحكم سرق واللاعبين سرقوا
والاعلام سرق .. يا جماعة حقو ما نجيب سيرة فضائح
التحكيم ونخليها مستورة أحسن .
يا معاوية الكلام الفوق دا CC ليك .. السترة والفضيحة
متباريات .
قباني المعتق تحياتي يا الحبيب .
| |
|
|
|
|
|
|
|
|
|
Re: من الملوك إلى الرعية .. هذه ليلتي (Re: طلحة عبدالله)
|
وبالمناسبة يا أنصار فريق الراجل الواحد
رشحت أنباء عن أن
المافيا الإيطالية هددت ( كويبرز ) حكم مباراة اليوم
أنه إذا كان عندو نية تلاعب بنتيجة المباراة لصالح
برشلونة فعليه أن يقوم بالقاء النظرة الأخيرة على
عائلته .
أها زي التهديد الفوق دا يؤكد حقيقة واحدة
وواضحة أن برشلونة قاعد يعتمد على الحكام
في حسم مبارياته .. دا في حال فشل البرغوث
في تقديم الخدمات المطلوبة .. فااااااشنو
ما تتكلموا عن التحكيم يا شباب .. ذلك أدعى للسترة ..
خخخخخخخ
| |
|
|
|
|
|
|
|
|
|
Re: من الملوك إلى الرعية .. هذه ليلتي (Re: Salah Zubeir)
|
Quote:
عموما مبروك ولو اتاهلنا معاكم بتعرفونا ولو مااتاهلنا بنفشو الاحد المهم البطن منكم منفوخه
|
صباح الرش زي الرش
طلحة يااخوي حدثتك والنزيدك من الشعر بيت العايز يغلب الريال يقفل مارسيلو صدقني الدون خلاس قرررب يقطع اكتر من خمسة مباريات كل اهداف الريال بي اسيست او عكسيات من مارسيلو
| |
|
|
|
|
|
|
|
|
|
Re: من الملوك إلى الرعية .. هذه ليلتي (Re: عثمان الأمام)
|
حباب عثمان الإمام
بصراحة ما زالت الاحاسيس الوسخة تراودني .
...............
يا جماعة الناس الفوق ديل متين جوا البوست دا
علي النعمة كان ما ود الامام دي ما جايب ليكم خبر
برجع ليكم فاشل فاشل اااقصدي فلشوني فلشوني خخخخ
| |
|
|
|
|
|
|
|
|
|
Re: من الملوك إلى الرعية .. هذه ليلتي (Re: طلحة عبدالله)
|
مرحب شباب وشياب ( كل واحد يقعد مكان بناسبو ) خخخخ
يا هيثم ضحكتك الهندسية دي بتقول انك سلالة ملوك
مفتخر بى جيناتو.. ان شاء الله أكون صاح .
حيدروف ما قلنا حاجة وقد قيل في المقام : عنتر كتلو أعمى
لكن تظل الحقيقة الراسخة كوتد خيمة بدو انو برشونا هو فريق
الرجل الواحد خخخخخخ.
صلاح الزبير .. مبروك عليكم الراجل الواحد لكن الخبراء
بنصحوكم انكم تدبروا حالكم قبل ما الراجل دا يفوت أو يموت خخخخخ
حامد يا بدري شن قولك في هاتريك الأمس ؟ خخخخخخخخ
عبد العزيز صدقني فريقكم منتهى .
| |
|
|
|
|
|
|
| |
طلحة عبدالله
جمال ود القوز
Ali Abdalla
عبدالعزيز الفاضلابى
يحي قباني
محمد البشرى الخضر
جلالدونا
ياسر منصور عثمان
حامد بدري
علي دفع الله
حمد عبد الغفار عمر
Ahmed Yassin
Maawya Hussein
حيدر حسن ميرغني
Salah Zubeir
فيس بوك
تويتر
انستقرام
يوتيوب
بنتيريست