|
|
|
 Re: اضطرابات في الوجدان (Re: عبدالحفيظ ابوسن)
|
من زمن ناس مجنون ليلي وبثينة والمحلق وغيرهم
اها من الزمن داك وحتي وقت ما بعيد مافي شي بجنن غير البنات
جنيت وجني جن
ما فاضلي الا تاني اطقع
البنات وبس البسببن اضطرابات الوجدان
ودة زاتو عندو عمر معين يعني ناس ود البوش ومن لف لفهم ما معانا . يشربو لبنهم وينومو بدري
سبب واحد يخليهم يجنو ولا يضطربو مافي
سلمو العدة بدري
| |
 
|
|
|
|
|
|
|
|
Re: اضطرابات في الوجدان (Re: عبدالحفيظ ابوسن)
|
بحكي لي منعم اخوي وكان طالبا بطب الخرطوم مطلع الثمانينات قبل الcurve ينقلب !!
قال لي
معانا واحد بحب واحدة من الدفعة ومكسر فيها . لكن ما بقدر يتكلم معاها ولا يجي جمبها
مرة مشو رحلة زمن رحل ابوهاشم ديك
نصة نهار بعد الفطور الشباب شتتو من معكسر الرحلة . نظام يتفرجوا ويحبو ويشوفو نفسهم
بقا مافي زول في المعكسر الا زولنا وحبيبتو المخفية
نظام دايرة تزيل الجفوة فتحت معاهو ونسة كاشول كدة زي
الواطة الليلة سخنت
ولا الزمن مشي
زولنا من نضمت معاهو ساي بردلاب دق الدلجة والبت ثكلبت
مالوا
ما عارفاهو سألتو وقع
اها دة برضو اضطراب وجداني حاد
| |
|
|
|
|
|
|
|
|
|
Re: اضطرابات في الوجدان (Re: عبدالحفيظ ابوسن)
|
الزمن داك مرض نفسي ما كان معروف بدلالة قريبي ما لقا فيهو وصف زاتو
ولا الشعراء زاتو ما بعرفوهو
يا مجنون يا نصيح
واتثقفو شوية بقو يقولو
الجن بتداوي كعب الاندراوة
الاندراوة هي منزلة بين المنزلتين
| |
|
|
|
|
|
|
|
|
|
Re: اضطرابات في الوجدان (Re: عبدالحفيظ ابوسن)
|
حكاية مرض نفسي دي ما كانت في بشكل تمثل ظاهرة
كوستي كلها كان فيها دكتور واحد يعاني من الكساد ومضرب مثل
يقولو ليك
حقو يودوك لي دكتور سيد
والسودان كلو كان بعرف دكتور نفسي واحد اظن حسبو
ما كتار
ندر المرض فندر متخصصيه
| |
|
|
|
|
|
|
|
|
|
Re: اضطرابات في الوجدان (Re: عبدالحفيظ ابوسن)
|
قريت امس تصريح منسوب لوزير الصحة يتحدث عن زيادة مرضي العيادة النفسية
وقبلها برضو كم شهر كدة في كلام عن زيادة اعداد المنتحرين
وقبل تقرير عن الدول السعيدة ومسكنا الفرملة بدون منازع
رغم عن هذه التقارير يجب ان يتم قراءتها بشكل عملي
وبرضو زيادة مرضي الكلي والسرطان
تظل مجرد تقرير اواحصائية ودون ان تلفت انتباه المسؤولين للخل او معرفة الاسباب
فتظل حرب علي ورق
كأنما اعلانها هو الانجاز والمطلب الوحيد للمسؤول
لماذا تفشت تلك الامراض التي لم تكن عند اسلافنا
| |
|
|
|
|
|
|
|
|
|
Re: اضطرابات في الوجدان (Re: عبدالحفيظ ابوسن)
|
حفيظ يا حفيظ
تصدق من لقيتك دخلت اسم ود البوش
وحظرت دخوله لهذا الخيت
طوالي قرنت البوست دا بي بوست القمل
عشان كدا لازمن يكون عندي مداخلة أخرى
حتى لا تضيع جمالية هذا النضمي
فاضطرابات الوجدان دي لنا معها حكاوي ياخ
مودتي
| |
|
|
|
|
|
|
|
|
|
Re: اضطرابات في الوجدان (Re: عبدالحفيظ ابوسن)
|
في تلك الفترة التي عنيتها في بوستك اللذيذ دا
كان عندنا واحد من الشباب كل يوم والتاني تاعب الجماعة
آآآآآآه ثم آآآآآآه وجري علي الدكتور
ويتم الكشف وحبوب سلفا وتحاليل نضيفة ومافي شئ
تكررت المسألة كثيرا
عنده خاله كدا النوع المفتح داك
نادى صاحبه وقال ليه الزول دا بحب منو في الحلة هنا
قال ليه فلانة لكن ما قادر يصرح ليها ولا كلمها
خاله من دربه مشى لأبوها وطلب يدها في سرية تامة
أها تمت المشاورات والزواج كما تعلم كان بسيط
ومن يومها صاحبنا ما قال آآآآآآآه
شفت الاضطراب الوجداني ممكن يعمل إيه يا حفيظ
مودتي
| |
|
|
|
|
|
|
|
|
|
Re: اضطرابات في الوجدان (Re: عمر أبوعاقلة)
|
هي يا صادق اسمها نيفيا توينتي ون
علبتها بتبقا حقة صعوط ولها احجام مختلفة
تتمسح بيها جسمك كلو يوشل موية وتبقا زي الزير الجديد
الريحة كاشيت
ودهان الشعر اللونو اخدر داك
تتظبط بالبنطلون التريفيرا ولا الكوردورايت والقميص المربعات والمكواة سيف
انتا قايل ملاقاة البنوت كانت بالساهل
لا تلفون لا غيرو تحبس ليها الشارع امكن سنة ما تصادفك
| |
|
|
|
|
|
|
|
|
|
Re: اضطرابات في الوجدان (Re: عمر أبوعاقلة)
|
هي يا صادق اسمها نيفيا توينتي ون
علبتها بتبقا حقة صعوط ولها احجام مختلفة
تتمسح بيها جسمك كلو يوشل موية وتبقا زي الزير الجديد
الريحة كاشيت
ودهان الشعر اللونو اخدر داك
تتظبط بالبنطلون التريفيرا ولا الكوردورايت والقميص المربعات والمكواة سيف
انتا قايل ملاقاة البنوت كانت بالساهل
لا تلفون لا غيرو تحبس ليها الشارع امكن سنة ما تصادفك
| |
|
|
|
|
|
|
|
|
|
Re: اضطرابات في الوجدان (Re: عبدالحفيظ ابوسن)
|
والله يا ابوعاقلة جيهو جيهة القبورة الفي القضارف
قطعو النمة
ياخ ألذ شي شحتفة الروح دي والدودوة
مكتول كمد وصبابة
بي الله لامن تلاقيك وتجر فيك نور كرعينك يخشو في بعض
وحلقك ينشف وريقك يجم
تقول ليك سلام تنبهط وصوتك يروح
عرقك يتخرت واعصابك تبوظ
لامن تلقا صوتك تلقاها كتلت الملف زاتو
| |
|
|
|
|
|
|
|
|
|
Re: اضطرابات في الوجدان (Re: Arif Nashed)
|
تسلم عارف
وكتر خيرك
شوف جنس التصريحات دي دون ان يحركوا ساكنا ولا ان شاء الله يكحو ساكت
اها دي واحدة من انجازاتهم
هم الجابو لينا النفسيات
عليك امان الله زمان نفسياتنا فوق
لو لمينا في التبش بالشطة ناكلو التقول طيانة
هسة المحمر والمجمر والمقمر ندحش فيهو ساي
لقمة لقمتين ونفسك تتسد
الله يسد نفسهم زي ما سدو نفسنا
| |
|
|
|
|
|
|
|
|
|
Re: اضطرابات في الوجدان (Re: عبدالحفيظ ابوسن)
|
بعيدا عن الدراسات.
مشاهدة شارع ساي
في زيادة في المرضي النفسيين
وفي زيادة في المجانين
اما الطلاشة والدودوة بالكوم
ظاهره من السرحان والنسيان وعدم التركيز
الناس ماشه مهمومة
فجأة زول تلقاهو قال كلمة كلمتين وعمل حركات بي يدو
داخله فاض عليه
| |
|
|
|
|
|
|
|
|
|
Re: اضطرابات في الوجدان (Re: عبدالحفيظ ابوسن)
|
شاء الله يا ود اب سن لما تكتب في الحاجات الجادة بتكون كتاباتك منتهى الحكمة >>, hglk'r>
, و لما تكتب في الحاجات الخفيفة برضه ما شاء الله زول بيلحقك في خفة الدم مافي.
............وصف لذيذ ,,,,و فكاهة و مفارقات....حاجة جميلة.
تهانينا
| |
|
|
|
|
|
|
|
|
|
Re: اضطرابات في الوجدان (Re: محمد عبد الله الحسين)
|
تسلم محمد
وكتر خيرك
اشكرك والله
قالوا كترة النواح تعلم البكا
نستعين بالسخرية لنتوازن داخليا
لنستطيع ان نصمد يوما آخر
الامر مهزلة
السياسة السودانية بتشبه صورة شيخ اللمين
مكاواة ومغرزة
بهذا الابتذال اللغوي
| |
|
|
|
|
|
|
|
|
|
Re: اضطرابات في الوجدان (Re: عبدالحفيظ ابوسن)
|
B]عشان يعرفوا المسببات ويقدموا تقرير
يشكلوا لجنة ولجنة منبثقة من اللجة ولجنة اخري منبثقة من اللجنة المنبثقة ومنصرفات ....الخ من اللجان المنبثقة .
الشغلانة تبقي مأكلة وباب رزق للعطالة
| |
|
|
|
|
|
|
|
|
|
Re: اضطرابات في الوجدان (Re: عبدالحفيظ ابوسن)
|
بداية عذرا لل اللفظ
مافي حكوة غيرها
نفرين ركبو البص واحد فيهم قال لاخوهو
البص دة فيهو ريحة
نزلو وركبو غيرو وتكرر نفس الموقف ونزلو
بعد خمسة ستة بصات . البشم ال ع فنة قال لأخوهو
انت يا فلان هريت ( خريت )
قال ليهو
آي ! ليه ؟!
| |
|
|
|
|
|
|
|
|
|
Re: اضطرابات في الوجدان (Re: عبدالحفيظ ابوسن)
|
سلام يا صاحبي
زوايا تناولك لأي خبر بتديه بعد تحليلي قمة في الروعة ..
قبل كم يوم زول جارنا صول بوليس معاش نزل من ركشة وماشي قدامي يناضم براه بصوت مسموع حاولت اتحاشاه لكن فجاءة اتلفت وراه لقاني .حسيت بيه اتحرج قال لي يا ولدي والله لو ما النضمي الفي الشارع البنمرقو دا كان الواحد انشق كرررررر ..
قلت ليه يا حاج فضفض ساي الحال من بعضو . ضحك ضحكة لمن خت كيس ملاحو في الواطاة وقال لي افضفض ساي والله قبل كم يوم بناضم في بنات شافوني كلمو بنتي الكبيرة قالو ليها ابوك جنا.
مامون حميدة و زمرتو حالفين كان ما زهللو بي الناس ما يرتاحو ..
مودتي ابو علاء
| |
|
|
|
|
|
|
|
|
|
Re: اضطرابات في الوجدان (Re: عبدالحفيظ ابوسن)
|
ود دفع الله يا صحبي
مبروك الوليد
جعله الله بارا بوالديه
نافعا لنفسه ووطنه
يا خوي قال تلاتين في المية من الطلاب يعانون وررررر
وزيرنا بقا ناطق رسمي بدل واضع حلول
قالها وهو فرحانو !!
كدة حدو وقف
ما خلاس كلمنا
نحن نتصرف برانا
آي ! ليه!؟
| |
|
|
|
|
|
|
|
|
|
Re: اضطرابات في الوجدان (Re: عبدالحفيظ ابوسن)
|
ضارباني فلسة فار المسيد
وحاكا معاي للصاجة
اقل حاجة الشرر يتطاير واللديتر يسخن
جوة البير ضربتني ملاريا ووجدت قلبا خاليا وخلتني زي الميت
جاني عمي صديق وكان رجل نكتة
قال لي ام عيالي وانا بين برزخ الموت والحياة
ولدي دة انا عارف علاجو
مرضنا واحد
لو لقينا حقن فلوسومايسين بنحرق تش
عليك الله امان الله النكتة فهمتها بعد نصحت
| |
|
|
|
|
|
|
|
|
|
Re: اضطرابات في الوجدان (Re: عبدالحفيظ ابوسن)
|
ضارباني فلسة فار المسيد
وحاكا معاي للصاجة
اقل حاجة الشرر يتطاير واللديتر يسخن
جوة البير ضربتني ملاريا ووجدت قلبا خاليا وخلتني زي الميت
جاني عمي صديق وكان رجل نكتة
قال لي ام عيالي وانا بين برزخ الموت والحياة
ولدي دة انا عارف علاجو
مرضنا واحد
لو لقينا حقن فلوسومايسين بنحرق تش
عليك الله امان الله النكتة فهمتها بعد نصحت
| |
|
|
|
|
|
|
| |
عبدالحفيظ ابوسن
عمر أبوعاقلة
Arif Nashed
محمد عبد الله الحسين
عبدالله ود البوش
علي دفع الله
فيس بوك
تويتر
انستقرام
يوتيوب
بنتيريست