محاولات جلد الذات وحقيقة الثلاث نقاط

Quote: وما دخل بشاشا ليصلب حيا بنا علي فهم أمثالك للكلام القالو؟

Quote: اذن عزيزي بشاشا القارئ لابد ان تخلص عقلك المصطنع الذي يصور لك تلك النظره الدونية واعلم تماما ان ما تعاني منه ما هي الا تصورات ليس لها اساس من الصحه واعلم تماما انه قد ولى زمان العصي والكرابيج التي كانت تستخدم في عهود الإستعباد السابقة ولابد ان تحرر عقلك لاننا في زمان يتم فيه السيطره على العقل ويترك الجسد

Quote: بمعنى اخر ان العقليه المصطنعه بواسطة المستعمر المستبد للمملوك هي التي تصور للشخص المملوك هذه الاوهام ، وبالتالي ينتج عنها عقدة الدونية ..

Quote: صباح الخيرات عليكم قتو لي بشاشا افكارو متماسكة غايتو الزول ده تحليلاتو زي اكل المستشفى لو قلنا اهلنا النوبة التاريخ بيعيد نفسو معاهم في مصر وعربان الخليج ونعتبرو انتقام رباني لعنة فراعنة ايو حاجة ماتنزلو من المحطة دي كويس النجيب لي فشار واجيييكم تعالوا نمسك اهل دينق كجنوبي ودينكاوي قلعوا دولتم بالقوة و بالتراضي هل نجحوا في ادارة التباين القبلي اتعايشوا بحرية وعرفوا يعني شنو قيمة الانسانية مافي تعالي قبلي ماف اقتتال على الهوية اها بنفس ادوات بشاشا الهشة دي يكون ده من شنو قال القرد قال ,القرد اليكجمك الناس ديل فرمو بعض لمجرد انك تتبع للقبيلة الفلانية كتل الواحد ده موش صورة وكلمات ونكات هنا وهناك

Quote: يعني العنصري لا يكون عنصريا إلا لأنه يري نفسه بعيون مستعبديه, ويكره بالتالي كل من علي شاكلته (كاره لذاته)

Quote: أي تحليل هذا, بل تسطيح بعينه,

Quote: اذاً نحنا كلنا واقعين في نفس المشكلة

Quote: عارف انت واحد من الناس مداخلتك دي م حتقعد في البوست دا لحدي المساء

قلنا نرفع البوست دا عندنا فيهو امال عريضة

باين انها ذاهبة ادراج الرياح

Quote: حامد بدري يا صديق تحياتي ياخي يا حامد ياخ مداخلتك فيها عنصرية مبالغة ما بتشبهك زاتو.. عليك الله اقراها برواقة وشوف الايحاءات الفيها اتمنى انك تكون ما قاصد الحاجة دي ياخي معقولة يا حامد بدري تكون حاسي انكم متسامحين وراقين وفاهمين لانكم سمحتو لاثنيات بعينها انها تسكن معكم وتغترب معكم وتساهم معكم في خدمات منطقتكم؟؟؟؟!!!!!!!!!! اتمنى انو فهمي يكون غلط .. لاني ما عايز اتفجع فيك والله .. تحياتي واحتراماتيl

Quote: مسا الخير عليك اخوي الغالي اتا فاهم بشاشا قال شنو قال اجدادو النوبة عندهم عبيد مارسوا عليهم العنصرية كويس معاك وحاليا ديل النوبة قصدي مشو السعودية ومصر مورست عليهم نفس العنصرية وده مضمون البوست بتاع جلد الذات معقولة دي تفوت على فطنتك ايحاءات شنو يااخ دي ظروف تاريخية معروفة والاثنيات دي موجودة في كل منطقة كوش بعدين متسامحين وراقيين ومتحضرين وعندنا سلطة القانون يوم واحد سمعتا ليك رطانة لمو زي الطير وكتلوا ليهم عشرة نفر لايو سبب كان انا بتكلم ويدي مليانة اهلي وبعرفوم خليني من النوع البجيك يلعب ليو بي كم مصطلح ويكعوج قديدمو ويادنيا مافيك وعي الا هنا ويملا سدرو هوا وينفخ وفي الواقع وعيو ده فنيجينة قهوة مايعبيها ان شاء الله بس كده تكون فهمتا البوست اولا وبعدين كلامي

Quote: كلام بشاشا يا حامد باختصار شدييد هو : كلنا في الهوا سوا من اقصى شمال البلاد الى اقصى جنوبها وكلنا بنو جلدة واحدة تم استعبادنا جميعنا فلماذا التعالي على بعضنا ولماذا يرى بعضنا انه افضل و(أحر) من التاني طالما اننا في الهوا سوا

Quote: انتبهتا للطريقة البفكر بيها هذا الساذج، الشايف روحو غير بقية خلق الله في السودان، وهو البواب الي هذا التاريخ، والسفرجي في عيون مخدميه؟ هذا ما عنينا بي كلامنا اعلاه، عن مركب النقص المتجذر في اعماق هؤلاء، البحاولو يتخلصو منو بالتقوط علي رؤس اهلنا في الهامش اللي في نظر المسكين ده، عبارة عن وحوش، بينما امثالو هم رواد الحضارة!!

Quote: الاخ حامد تحياتي عارف الزول المثلا بكون مكجنك، اول ما يسكر يفك اخرو و تعرف حقيقتو، العنصري اول ما تستفزو يفك اخرو و يظهر علي حقيقتو اول ما دينق يستفزهم، طوالي يحاولو يزلوهو بي عنصروا و اصلو، و تسمع كلام من نوع ريحت صناحك، و شكلك و يا قرد و كلام مدهش يقولو افريقي لي افريقي زيو، بشاشا باختصار بقول السبب هو هذه الحواجز التي نصبها المستعمر سواء الاوروبي السويسري اللي صنف اهل الشمال "نوبيين" او العربي الصنفهم كاوس و خزرج و بني العباس ، و بقول في ناس عاجباهم الوهمة دي عشان كدا ما شايفين نفسهم كافارقة زنوج، و عشان كدا شايفين نفسهم احسن من دينق الافريقي الزنجي البشبه القرد و ريحتو عفنة و كل الكلام الفارغ من النوع دا

Quote: طيب بتقدر توضح لنا من أين أتى العنف الذي مارسته الدولة السودانية، في حرب الجنوب وبالتحديد العنف الذي مارسته ضد المواطنين العزل؟