|
|
|
 Re: بروفسر ملوفي ع الخط في موضوع كوش ونوبيا، � (Re: Bashasha)
|
- تقول إن ملوك ورموز كمت (مصر) كانوا سودانيون. طيب: ماذا عن الشعب، هل كانوا كذلك سودانيين أم ذهب هؤلاء الملوك كمستعمرين وفاتحين؟
محمد الامين موسي مرحب بيك.
طبقا لأجدادنا او ده المهم عندي او بي كده لايخصني في شئ كلام ايا كان انو كمت اي مصر فيما قبل ذهابم هناك فكانت تحت المويه!!
وقع ليك الكلام ده؟
نعم قبلنا لم تكن هناك حاجة اسمها مصر زاتو!!
نعم طبقا لأجدادنا اوسار اي ازريس هو اللي اوجد كمت اي مصر.
اوست و اوسار بطول وعرض تاريخنا لو في كمت ولا السودان الحالي كانو كل شي في حضارتنا وهما من شمال السودان الحالي وهذا مهم للغاية.
لاحظ التواريخ المتداولة الان لبداية كمت ابنتنا الكبري كلها ملفقة تلفيق او غير صحيحة اطلاقا.
نعم كلام 6000 ولا 5000 وماشابه كبداية لي حضارة كوش في كمت غير صحيحة اطلاقا!
معليش ما في وكت للخوض في الحتة دي.
بداية حضارتنا حتي الان غير معروف بالتحديد اما كمت فطبقا لبعض التقديرات فتعود لأكثر من 40000 سنة من تاريخ اليوم وهذا ايضا مرجعو مؤرخ كوشي هو الوحيد ألوصلنا جزء بسيط جدا من اعمالو وهذا الرجل هو من وضع تاريخ الاسر الحكمت كمت اللي بتعود لأكثر من 30000 سنة
ولكن الخواجات ولشي في نفس يعقوب بالذات اليهود منهم هم النجرو حكاية 3100 كبداية لظهور الأسرة الاولي اي قبل اكثر من 5000 سنة من تاريخ اليوم حتي لا تكون كمت اقدم من بابل اللي افتراضا وهذا ايضا تزوير خاصة باليهود!!
انتبه عزيزي القاري كلام زي ده غير متداول داخل السودان هل عرفنا السبب؟
نعم ناس شارل بوني لا يمكن يخوضو في مواضيع زي دي تعريهم تماما في الاخر!
بالتالي شراح شارلي بوني من السودانيين زي ما قنا الواحد فيهم عميان يا كافي البلا او مسكوهو عصا!!
طيب علي كده سكان كمت الاصليين علي مستوي الشارع كانو سودانيين اي ذات نوبة أسوان الحاليين كنموذج لحدي ما جونا اسلاف السيسي مبارك ناصر وماشابه كلاجيين كمهاجرين بحثا عن حياة افضل في امريكا الزمن داك.
علي كده فلا علاقه البتة لمصريي اليوم بي حضارة كمت اطلاقا.
اما الاقباط فهم ثقافيا وتاريخيا كوشيين بالذات لسانهم وهم بمثلو ناتج الاختلاط ثقافيا ما بين اهل البلد اي نوبه أسوان والوافدين الآسيويين والاوربيين وماشابهه.
| |
  
|
|
|
|
|
|
|
|
Re: بروفسر ملوفي ع الخط في موضوع كوش ونوبيا، � (Re: Deng)
|
عزيزي القارئ
بي مناسبة كونو كمت اي مصر القديمه كانت امريكا ذاك الزمان هل تصدق العاصمة الأمريكية واشنطون سودانية اي كوشيه اي كمتيه من حيث التصميم؟
اقسم بامون انا ما بسكر او ما بسطل.
والكلام ده حقيقة مجردة تثبت كلامنا لي ياتو حد اسلاف شارل بوني امنو بي نكتة الأصل الاري للحضارة الكوشيه اصل الحضارات!!
نعم تم تصميم واشنطون علي اساس انها بعث لي إرث اجدادم البيض في كمت!
حنفصل ده كلو في مشروع سلسلة كتب بشاشا القادمة بإذنه بلاش بوستات.
| |
|
|
|
|
|
|
|
|
|
Re: بروفسر ملوفي ع الخط في موضوع كوش ونوبيا، � (Re: Bashasha)
|
- المعضلة المعرفية التي يجب الانتباه لها عند شن الحرب على أمثال شارل بوني تكمن في المثل السوداني: "كلام القصيّر ما بنسمع" فكلام قصّير مثل بشاشا تتم الاستهانة به لعشرات السنين باعتباره ادعاءات غير مسنودة
نواصل مع العزيز محمد الامين:
نعم اعلم زي كلامي ده ولا كلام معلمي بشاشا اعلاه لا يعني اي شئ بالمرة للفرد العادي في السودان او في المنبر ده والحاجة دي ما عندها ادني علاقة بالأدلة وما شابه.
نعم ألموضوع من اولو او لى اخرو موضوع الزويل اياهو في المرايا!!
نعم ذاك "الذنجي" فينا البلاوذ لينا كل صباح في المرايا الله لا كسبو المسنوح الفقر!!
ده السبب لما الحاجة موزة "بت الاصول" زي ما كتب واحد جلابي اسمو عثمان ميرغني كتبت ليها كلمتين القيامة قامت في السودان نسوي فجأة حضارة كوش وما شابه والتلفزيونات محل ما قبلتا حتشوفا وقفت بثها المعتاد أو ورجغه إبان دقوون لتمطرنا ليل نهار عن حضارة كوش وفق المقرر الصاغوهو امثال بوني اللي طالبو بي صنع تمثال عديل ليهو ناسين "شرع الله" في دولتم الرساليه بقول شنو في موضوع الاصنام هذا بالذات انو وزير الاثار وهابي!!
نعم الموضوع الاساسي مش بشاشا ولا ذنوجه بشاشا يقولو في شنو بقدر ما البتكلم ده منو؟
نعم ود بيضا زي بوني ام لا؟
نعم عربي اصلو شريف ام لا؟
المصيبة كلها في الموضوع ده هنا!
نعم لازم زي كلام الطير بتاع بشاشا ده يجينا من خشم خواجة "ود بيضا" او عربي علي الاقل مش ذنوج زي الفي صدارة بوست بشاشا!
طبعا هذا مستحيل كقاعدة.
ولكل قاعدة استثناء كما في حالة الشيخة موزا المدفوعة في موقفا ده بي معطيات صراع قطر ومصر!
| |
|
|
|
|
|
|
|
|
|
Re: بروفسر ملوفي ع الخط في موضوع كوش ونوبيا، � (Re: Bashasha)
|
ذلك تشبيه مقلوب يا بشبش فالنوير والدينكا يرجعون لأصل ذاك الديوب والأصل المدينقا وتوجد فى السنغال ومالى وليبريا ويوجد تقارب بين لغة الولف ولغات شعوب السودان النيلى
منصور مرحب بيك
يا عزيزي بطل تبيع مويه في حارة السقايين.
نعم شيخنا دياب هو من علمنا كيف كل افريقيا مش فقط اهلو في السنغال تشير الي السودان الحالي كموطن للاجداد!
نعم اي افريقي سوداني عديل كده طبقا للاب الشرعي لتاريخ الحضارة الكوشيه!
اها داير دليل اكتر من ده؟
كده؟
طيب خدك:
الأفارقة هم امهات وأبا البشرية.
العالم القديم امن بالسودان الحالي كمهد للبشرية!
واجدادنا مصداقا لي ده كلو قالو هم نبتو من ارض السودان الحالي او ما جو من اي مكان آخر عكس بقيه اهلهم في انحا افريقيا المشو هناك من السودان الحالي!
بل اكتر من كده اجدادنا قدمو شرح وافي ونظرية "علمية" تثبت كيف انهم بالفعل نبتو من تربه هذا السودان!
| |
|
|
|
|
|
|
|
|
|
Re: بروفسر ملوفي ع الخط في موضوع كوش ونوبيا، � (Re: Bashasha)
|
شكرا الاخ بشاشا وشكرا لكل من ساهم براى فى هذا البوست الثمين..
تابعت قبلا حوارا لامس جوانب عديدة من هذا الموضوع (فى معناه الواسع) فى بوست لعبدالله شم (او ربما كان هو المساهم الاساس فيه).. واتمنى ان يساهم هذا البوست المم فى استكشاف مساحات معرفية جديدة فى هذا الموضوع المعقد والهام جدا ( على الاقل الواحد يقدر يفهم الحاصل لو حصل سنة 2060)..
بقدر الاستمتاع والاستفادة من المداخلات المختلفة والمتعارضة احيانا .. وجدت الاراء حول شارل بونيه قاسية جدا وتمنيت لو تم تاجيل مناقشة دوره واساهمه لبوست متصل بهذا ولكنه منفصل عنه. المداخلة الاولى لكل من الاخ محمد الامين والاخت امنة مختار هى-فى تقديرى- اسئلة ما زالت عالقة وربما تحتاج منك لاجابات اكثر تفصيلا لفائدة قرائك ومناقشى اراءك.
لك الود عزيزى بشاشا والود مصول لكل المتداخليين ولقراءكز
| |
|
|
|
|
|
|
|
|
|
Re: بروفسر ملوفي ع الخط في موضوع كوش ونوبيا، � (Re: ابوبكر عبدالله ادم)
|
يا أستاذ عبد الله شم تردداكم لمثل هذه المقالات لا تجعل منها حقائق تاريخية كما ذكر بشاشا نحنا صاحين لللون هدفكم واضح بالنسبة لينا (المشروع الكوشي السياسي) عشان تاني تجونا بي حكاية نقاءكم العرقي الكوشي بعدما بقيتو تخلعو ثوب النقاء العربي العربي
ود القاضي مشتاقين او يامراحب،
عارف بيني او بينك، والكلام ده سر، والله انا منتشي جدا حد الثمالة للاختراق الخرافي بواسطة اميرنا الكوشي ود شم او مجموعتو لي صخرة وعي الاستلاب العروبي في اوساط اهلنا الجعليين.
هذا يؤكد لي اننا فعلا حنقطع للبر الاخر بقدوم 2060 حسب نبوأة اجدادنا الوضعو التقويم الحالي او هم زي ما قتا كانو ناس واصلين لدرجة ومن فرط الحيرة عالم اليوم وبكل ما ملك لايدري كيف امكن لبشر مثلنا، انجاز ما انجزوهو!
نعم عالم اليوم وبكل مايملك لايمكن يعيد بناء الهرم الاكبر علي الاطلاق!
فبالنسبة لي اهلنا من ال العباس، لما نركز علي الجزء المليان من الفنجان، فبنقول اول القيس قطرة والعافية درجات!
ده ما معناها حنسكت ولا حنفوت تسميع اخونا ود شم لي خزعبلات العرب والخواجات، او نزعة النقاء العرقي من اول او جديد الخالي تماما في لاشعورو من دماء "الذنوج" اي الزويل بتاع بشاشا اياهو، نعم بتاع المرايا اياهو!
| |
|
|
|
|
|
|
|
|
|
Re: بروفسر ملوفي ع الخط في موضوع كوش ونوبيا، � (Re: Bashasha)
|
حب أن ألفت نظركما إلي أنه لا يتحدث عن لغة نوبية أو مروية أو كوشية ولا فترات من التاريخ القريب وما شهده من تسميات مختلفة للمراحل والناس والأمكنة لكنه كما شدد على ذلك في مداخلة أعلاه أنه يتحدث عن ثقافة وحضارة توحد كل هذه الأشياء وتردها إلي أصل واحد مع التدقي
سلام يا عبدالصمد او مرحب بيك.
نعم اخونا عبدالله مدفوع هو يفتش لي أدلة تثبت مجموعة تصورات مسبقة في ذهنو هو لاعلاقه لها البته بي موضوع تاريخ الثقافه اي الحضارة السودانية اي الكوشيه اي النوبية وهذه المفردات من حيث المدلول واحدة تشمل اي انسان اسود اين ما كان.
اخونا عبدالله زي ما "النوابه" اقصو وعزلو امثالو من الانتماء الي النوبة وهذا ما أسهم فيه امثال الامبريالي شارل بي خبث _ عبدالله او مجموعتو بحاولو رد هذا الصاع صاعين بعزل خصومو من اي شي يجمعم بي كوش!
العجيب جدا كيف تراش المركزية الأوربية بتاع "بانتو" بتاع "نايلو" بتاع "بوشمن" وما شابه من تقيوو عنصري العزيز عبدالله بكل براه يشيل او يغرف من البركة الاسنه النتنة هذه المصممة لتقسيمنا بغرض استعمارنا وهذا ما حدث بالفعل.
نعم بذات طريقه عبدالله في الخيط ده هم استخدموا الحروب الأهلية ما بين النوبيين اي الكوشيين في كمت اي مصر والسودان الحالي قبل 4000 سنة كدليل كيف الكمتيين كانو قومية غير الكوشيين وبالتالي هذا يثبت نكتة الاصل الاري لحضارة كمت!
نعم عبدالله بذات الطريقه بيستخدم الحروب الأهلية ما بين الكوشيين اي النوبيين اي السودانيين كدليل كيف طرفي تلك المعركة انتمو الي أجناس مختلفه وهذا عجيب بحق لانو لو الشوايقه داقشو الجعل او المناصير فهذا لا يخرج أيا منهم من ملة ال العباس!
من جانبي زي ما تفضلتا انا بركز علي الصوره الكبيرة اي علي الغابة مش الشجيرات.
نعم بركز علي الثقافه كمعيار مش لون الاضان!
عبدالله ومن ذات المنطلق او عشان يقصي "النوابه" بحاول يحصر كوش في أصغر نطاق ممكن وهذا عجيب لانو حضارة كوش غطت اليابسة تقريبا.
الاسره 25 تحديد كمثال هي من وضعت اساس عالم اليوم بي صيغتو الراهنة وكنتيجة بعضا من خطب بعانخي نجدها تحولت الي نصوص توراتيه اتت افتراضا من السما!
والتوراه اللي صيغ في الفترة ديك نجده عبارة عن موسوعة وكتاب تاريخ للثقافة الكوشيه وبالذات دور الاسره 25 الكان ضخم بمعني المفردة بل هي اول واكبر عصر استناره في التاريخ لوكنت من مستخدمي هذه المصطلحات الاستلابيه بطبعها!
| |
|
|
|
|
|
|
|
|
|
Re: بروفسر ملوفي ع الخط في موضوع كوش ونوبيا، � (Re: Bashasha)
|
سؤال: تقول هناك ثقافتان لا ثالث لهما: سودانية وغير سودانية. طيب ما الذي تشمله الثقافة السودانية (جغرافيا - زمنيا - إثنيا - قيميا...)
محمد الامين موسي يا مراحب.
تقسيم العالم الي ثقافتين لا ثالث لهما ده كلام شيخنا دياب او ما كلامي.
نعم العالم ثقافيا ينقسم الي ثقافتين او حضارتين:
A ) مهد جنوبي للحضارة قلبو السودان الحالي ثم كمت اي مهد افريقي وهو أصل الحضارة بالألف واللام.
B) مهد شمالي اري يشمل جميع غير السود أوروبيين او اسيويين كانو ام ساميين.
بعضا من السمات الأساسية لكلا الحضارتين تتلخص في الاتي:
من حيث البنية الاجتماعية الجنوب عامة اموي البنية حيث لعبت المرأة دور اساسي في تشكيلو وليس نوع الرجال الذكور اللي عاشو في البداية ك"باراسايد" طفولي في هامش مجتمع اموي بالكامل.
من الجانب الاخر بنية المجتمع في المهد الشمالي كانت من قوله تيت ولاتزال ذكورية محضة عكس تصوراتنا المسبقة الخاطئة عن مجتمع الانسان الكامل افتراضا في وعينا المستر ق البمثلا شخصية "الخواجة"!!!
بالفهم ده العصر الذهبي في حياة البشر والمجتمع الرسالي بمعني المفردة بي تعابير مستلبه الدواعش من اهلنا في السودان المصري الحالي كان هو عصر الاهرامات تحديدا!
نعم بشر ذاك الزمان كانو انبيا بل ملائكة لو المعيار آدمية الانسان معليش او ناسف للعبارة الذكورية هذه!
نعم الفرق الاساسي ما بين جنون عالم اليوم الاناني الذكوري العنيف الالي هو غياب دور المرأة تحديدا اللي انجزت وأنجبت وضع لبنات اكمل مجتمع بشري لو هناك كمال بالتدريج لما انتفي تماما التمايز علي اساس النوع لدرجة حتي الذات الإلهية كانت في عصر الاهرامات تصور ك"اندروجينيص" بمعني ذكر وأنثى في ان معا ولهذا ابتدع اجدادنا فكرة الختان المعروف الفرعوني الي اليوم!
هذا نموذج فقط ومثال للاختلاف الجذري ما بين المهد الجنوبي والمهد الشمالي حيث الفارق ما بين الجنوبي من حيث تاريخ الظهور والشمالي اكثر من 120000 سنة!!!
Wow!!
| |
|
|
|
|
|
|
|
|
|
Re: بروفسر ملوفي ع الخط في موضوع كوش ونوبيا، � (Re: Bashasha)
|
بشاشا المهجر
نحن موضوعنا الكوشيين عبر العالم
رايك شنو في اتفاقية البقط الجديدة بيع الجنود مرتوزقة في حرب البردة الحضارية التي تقودها امريكا واسرائيل السلفية
مقابل الانضمام الى كنتونات مجلس التعاون الخليجي الغبية
وبالمناسبة سود جنوب العراق وعربان الخليج السود ديل هم بقايا اتفاقية البقط الذىن لم يعودو الى السودان في خلافة المعتصم بعد ثورة الزنج في عهد الملك داؤد بن سليمان الكوشي
يعني عربان الخليج ايضا كوشيين والباقين في السعودية تكارين جابهم الحج
امشي ادرس الكوشيين في الجزيرة العربية عبر اتفاقيةالبقط وتعال ورجغ لينا هنا
انت زول مهبب تضيع في زمن السودان والسودانيين وما عنك اي رؤية وضاحة ليها علابة برسالة السودان الحضارية
اقنع الخليجيين ديل انهم كوشيين عشان ما يقعدوا في راسنا ...
لحاكم بامر اللات
هل بلغ الهوان السودان بتهافته للانضمام الى كنتونات مجلس التعاون الخليجي عبر اتفاقية البقط* الجديدة "بيع الجنود كمرتزقة في حرب الصهيونية الامبريالية السلفية القذرة في اليمن ..بدلا عن انضمام السودان الى عمالقة بريكس..نظام الاخوان المسلمين الرخيص في السودان يبيع كل شيء حتى سمعة السودان والسودانيين عبر العصور.. لانهم مجرد حثالات منبتة امسكت بتلابيب السلطة بي انقلاب مشبوه من اوله وفتتت السودان ايدي سبا ...
****
صخرة فوق الجسد
كلما شدت اضلاعه
صاح"احد..احد"
وعلى "العروة" شد
كان مولى لابي سفيان حينا ومرد
طالبا "مولى الموال "
مرت الايام وفي اثر الليال
ودنا عام الفصال
صار مولاه ابو سفيان
مولي للابد
امنا من كل امر..
وعلى اية حال صار اعتى واشد
صخرة فوق البلد
كلما صاح به الدهماء"شورى"
شد حبلا من مسد
وعلى الكرسى شد
ثم ماذا عن بلال؟!
ابدا لا شيء جد
عاش حمال بغال
يخدم المولى على نصف ريال
واذا جاع حمد
والاجابات بلا معني ولا "نص" ورد
"فارحنا يا سؤال؟!!" ...
***
نافخ الكير:شاعر مجهول
طبعا الكلام ده ((غير السودانيين ))ربع الدماغ ما بفهموه ..مش كده يا بشاشا ؟؟
او انت كوشي اصلي بتفهمو
| |
|
|
|
|
|
|
|
|
|
Re: بروفسر ملوفي ع الخط في موضوع كوش ونوبيا، � (Re: adil amin)
|
وبعدين بشبش الصوره الأولى والتى أسميته ملوفى أحسبه بروف أسانتى وهو أستاذ دراسات أمريكيه أفريقيه وهو ليس بأستاذ آثار ولا تاريخ قديم وكان محاضرا بجامعة بنسلفانيا وحضرنا له محاضره سنة 90 فى جامعة تورنتو فما تهول الأشياء
منصور تاني مرحب
ياخي رجللك من الابنص حبة!
ماتجي متلب بالسروال في الضلام!
من اين للك ما تسميه اثار وما شابه ما مجال للدراسات الإفريقية الأمريكية؟
ده غير انو واضح انك لا تعرف عن أستاذنا ملوفي شي يذكر بخلاف الاسم!
نعم ملوفي هو ابرز من صاغ مفهوم المركزية الإفريقية وليس شيخنا دياب كمثال بتاع الاثار علي قولك!
وقع ليك؟
| |
|
|
|
|
|
|
|
|
|
Re: بروفسر ملوفي ع الخط في موضوع كوش ونوبيا، � (Re: Bashasha)
|
عريبي الجزيرة بدر الامير مرحب بيك.
ان فيها رطانه فهي لغة الاعراب هذه وهذا هو الفتحنا عليه.
نشأت في مجتمع كان في بعض مناطقو زول واحد في الحلة كلها هو البرطن عربي!
لما يجييهم الزيك ده طاشي او يرطن عربي طوالي كانو بمسكو لجام حمارو او بودوهو لذاك المترجم الأوحد لأنهم مابفهمو حرف من رطانتو!
اقرب للخيال الان ولكنو واقع عشتو!
| |
|
|
|
|
|
|
|
|
|
Re: بروفسر ملوفي ع الخط في موضوع كوش ونوبيا، � (Re: Bashasha)
|
بقدر الاستمتاع والاستفادة من المداخلات المختلفة والمتعارضة احيانا .. وجدت الاراء حول شارل بونيه قاسية جدا وتمنيت لو تم تاجيل مناقشة دوره واساهمه لبوست متصل بهذا ولكنه منفصل عنه
العزيز ابوبكر ادم مرحب بيك.
موضوع البوست الاساسي هو الفتنة القبلية المشتعلة مابينا في اقصي الشمال.
لايمكن فهم مايحدث اطلاقا مالم نفهم الدور التاريخي القامو بيهو امثال شارل بوني هذا، كغزاة ومستعمرين، مش فقط في الشمال او السودان وانما افريقيا من اقصاها والي اقصاها.
لازم نفهم كيف طريقة تفكيرنا الحالي كسودانيين، وبالذات شماليين، صاغه وببراعة مذهلة، الاحتلال الثنائي بما يخدم اغراضه المتمثلة في حروبنا الاهلية العبثية الجارية الان بطول وعرض بلادنا.
هذا الصراع القبلي حول كوش/نوبيا ما بين اهلنا المحس واهلنا الجعل هو اصدق مثال واكبر تجلي، واحدث تجسيد للخبث الاستعماري البنطلقو منو امثال شارل بوني هذا اللي ويا للمغسة بحق، احنا وبكل سذاجة الي هذا التاريخ لم نفطن له، بل علي العكس و يا للمغسة تاني، بنصفق ليهو، نهتف بي حياتو وندعو لاقامة التماثيل لعبادتم كالهة يا للفضيحة!
هذا الموضوع اي موضوع تراش المركزية الاوربية المقدمة كتاريخ لينا افتراضا ينقسم بعامة الي شقين:
1) شق متصل بالية وخاصية عمل العقل الاري اي الاوربي البميل بي طبعو الي تفتيت الظاهرة موضوع الملاحظة الي اجزاء لانهائية قبل تناولا، بينما نحن بطبعنا الحضاري نميل الي صم وجمع المجزأ قبل تناولو.
اذن خطان متوازيان لايلتقيان كقاعدة، من حيث طريقة والية عمل العقل في الحضارتين، وهذا مهم للغاية!
2) كيف تم توظيف هذا الميل الطبيعي بحكنة للتفتيت، توظيف استعماري خبيث هو السبب الاساسي في محارق الابادة المشتعلة منذ اكثر من نصف قرن في بلادنا بل بطول وعرض افريقيا السوداء.
النقطة الاخيرة دي بتقودنا لي راس جبل الجليد، الغميس، الغاتس، المتمثل في الصراع والحرب الكونية المدورة حول ارثنا الحضاري بطول وعرض ال200 سنة الاخيرة، ونحن اخر من يعلم بهذا!
نعم ولاننا لاندري ايا من هذا وكنتيجة مباشرة فنحن في السودان نمثل ابرز جنود المعسكر الاخر اي معسكر المركزية الاوربية ولاجديد هنا!!
اذن دي الحتة الانا جاي منها في تناولي لي دور الطروادي شارل بوني باعتبارو منظر معسكر "النوابة" بلا منازع في مقابل معسكر "الكواشة"!
| |
|
|
|
|
|
|
|
|
|
Re: بروفسر ملوفي ع الخط في موضوع كوش ونوبيا، � (Re: Bashasha)
|
المداخلة الاولى لكل من الاخ محمد الامين والاخت امنة مختار هى-فى تقديرى- اسئلة ما زالت عالقة وربما تحتاج منك لاجابات اكثر تفصيلا لفائدة قرائك ومناقشى اراءك
نواصل مع الزميل ابوبكر له التحية.
اتفق مع العزيزة امنة في نقطة جانبية محددة، متصلة بمحاولات البعض ولا نقول الكل او الاغلبية، في نقل السودان الحالي وارثو الحضاري الي انحاء متفرقة من افريقيا، وانا لا الوم هؤلاء ولكن الوم نفسي واهلي في السودان، الذي لايابه اطلاقا بي تاريخو فيما قبل "دخول العرب" المتوهم، وكنتيجة جمهورية السودان الان معلنة بحد السيف كدولة عربية مش كوشية او نوبية!
من خبرتي الطويلة في المجال ده، دويلة الغزاة العربية هذه في جمهورية الســــــــــــــــــــودان افتراضا، وحربها المعلنة علي غير العرب هو السبب الاساسي الكارثي المدمر بحق، لنظرة غالبية اهلنا من افارقة امريكا، لنا كعرب وللسودان كدولة عربية محتقرة لكل ماهو افريقي، وهذه يا احبابي مصيبة لوتعلمون لامخرج منها الا بتغيير اسم السودان هذا واذالتو تماما.
لايمكن اطلاقا معالجة ماجره علينا وبال تقديم السودان والسودانيين كعرب، بالذات انو شمس العروبة حتي في ديار العروبة يذحف وبسرعة البرق باتجاه مثواه الاخير في الغرب اي الغروب.
خارج السودان اسم نوبيا هو الالمع والاكبر بما لايقارن، وهذا الاسم كفيل بمسح عار تاريخنا المتصل بي مفردة السودان.
ده موضوع بوست قادم من باب رد الاعتبار لاهلنا في الجبال اكثر من دفع وبسخاء فاتورة اسم نوبيا العمر ده كلو!
نعم لما الكل جكا من مصطلح نوباوي، ظلو هم القابضين علي جمر الاسم ده الي ان عاد من جديد مبجل بي صورة يصعب تخيلا في اوساط اهلنا خارج السودان.
الجزء العايز توضيح اكثر هو تعيم امنة عن كيف كلام اهلنا من افارقة امريكا عن تاريخ كوش، منطلقو مركب نقص وماشابه.
اللي ما انتبهت ليهو امنة هو، كيف ده كان هو ذات تنميط بيض امريكا من غلاة المركزية الاوربية لرواد المركزية الافريقية، ولكنهم الان تراجعو عن هذا، وتوارو خجلا لما انهزمو في الميدان، بل بعضهم اضحي يردد ذات مفردات رواد المدرسة السودانية اي الافريقية لاسباب مختلفة!
علي راس هؤلاء نجد شارل بوني هذا البردد في كلام روادنا من باب التمويه ليس الا!
بالمناسبة دي نجي لي كلام امنة عن ترهات بوني بتاعة اثار افريقية اللي واضح فات علي العزيزة امنة! نعم يا امونة، بوني بتكلم عن اثار افريقية في مقابل اخري "نوبية"!
ده رندوق، فهمتيهو؟
نعم ده كلام مشفر يفضح الجواهو تماما ويعريه كما يوم ولدته امه! نعم هؤلاء اطلاقا ماعايزين اي صلة لما يسمونهم "ذنوج" او "نقروز" اي "افارقة" بي موضوع "اصل الحضارة" بتاتا!
تاريخيا اي كلام زي ده من اي "نقرو" كانو ولازال بعضهم، بينظر ليهو كنجر، كذب، تلفيق، دافعو مركب النقص في اعماق "النقروز"!!
ليه؟
لانو الانسان الابيض في وعيهم هو اصل كل شئ، وبناءا عليه ترهات "الذنوج" بي فهمم، في الموضوع، ما بتتخيلي بثير غضبم لي ياتو حد!
نعم بعضهم لو عاوزاهو يطلع من طورو تماما ويتحامق كدي قولي ليهو اصل الحضارة "افريقي" او "ذنجي"! ده كلام مرعب ومخيف لدي البعض منهم، وهذا عن تجربة واحتكاك مباشر او بي صورة تكاد تكون يومية في اليوتوب! مرة اخري ده بحر غريق خلاس!
| |
|
|
|
|
|
|
|
|
|
Re: بروفسر ملوفي ع الخط في موضوع كوش ونوبيا، � (Re: Bashasha)
|
سنعود لنواصل بعض النقاط المهمة جدا مع اخونا عبدالله شم لحدي ما نلقي وكت ونفتح بوست خاص بالقبليين الجدد من ال العباس، تماما كما فعلنا هنا:
نوبيون ام قبليون جدد!نوبيون ام قبليون جدد!
قبل اكثر من 14 سنة عندما اعترضنا علي طرح القبليين الجدد من ال الاوس والخزرج.
نعم المجموعتين من قبليي المحس والجعل مرة اخري بيمحو من الوجود بقية السودانيين من مهمشيهم وعلي راس هؤلاء اهلنا في الجبال اللي دفعو ثمن هذا كله بالمهج والارواح وعلي مدي قرون بحالا!
اذا لابد من لغة الاثنيات والنعرات الجهوية القبلية، فنقولها بالصوت العالي الواضح:
لا مجموعة اخري داخل السودان تمثل ارث، عصارة، وذبدة موروثنا الكوشي كما اهلنا في جبال النوبة علي الاطلاق!
نعم نموذج امثال ال العباس من الجعل وال الاوس من المحس، كجزء من نموذج انسان شرق افريقيا بعامة، فظهرت مؤخرا ولاتمثل الاصل من حيث تاريخ الظهور مقارنة بنموذج انسان جبال النوبة اي نموذج انسان غرب افريقيا بعامة، الموغل في القدم، حتي بي معايير اجدادنا انفسم اللي اطلقو عليهم لقب Anu اي ذات "انو" المتداولة اليوم في لسنا الكوشي في دنقلا والجبال معا، بمعني الاسلاف او السلف.
مصداقا لي كلامنا وحتي تاريخ قريب نسبيا اي قبل 3,000 سنة من تاريخ اليوم نجد اجدادنا قدمو تعريف محدد للسوداني القديم في شكل مجسم بشري او صورة محددة، في مقابل المصري القديم في عرفهم في الزمن داك كالاتي:
سوداني قديم بي تعابير اليوم:
ومصري قديم بي تعابير اليوم:
| |
|
|
|
|
|
|
|
|
|
Re: بروفسر ملوفي ع الخط في موضوع كوش ونوبيا، � (Re: Bashasha)
|
واضح يا عزيزي عبدالله شم، كيف لافرق اولا مابين الكوشي والكمتي، اي مابين السوداني القديم بي تعابير اليوم والمصري القديم وفقا لاجدادنا قبل اكثر من 3.000 سنة من تاريخ اليوم وهذا تاريخ حديث نسبيا بالمناسبة!
اذن وباختصار شديد جدا، واضح للكل في سودان اليوم من هم الاقرب للسوداني اي الكوشي تاريخيا؟
المحس مثلا او من يسمون انفسهم نوبيين حصريا؟
قطعا لا!!!
الجعل مثلا؟
من امثال اخانا عبدالله شم اللي بدورم بدعو انهم الكوشيين حصريا ولكن بي صورة غير مباشرة كرد فعل؟
قطعا لا!
اذن اهلنا في الهامش وليس نموذج بشاشا او عبدالله، هم الاقرب لنموذج الكوشي والكمتي القديم وهذا مهم للغاية ومحوري لابعد حد!
اذن علي قبليي "النوابة" و "الكواشة" الاقلاع عن ادعاؤم الغير مؤسس علي اي شئ اطلاقا، وعليهم قبول واقع كون اهلهم في الهامش هم الكوشيين الجد جد والكمتيين الحقيين اذا لابد من الحديث بمثل هذه اللغة المؤسفة المتخلفة، ولكن اخاكم هنا، مجبر لابطل في الحديث بهكذا لغة وخطاب وعي قبلي جهوي للاسف الشديد!
| |
|
|
|
|
|
|
| |
Bashasha
بدر الدين الأمير
Deng
ابوبكر عبدالله ادم
adil amin
فيس بوك
تويتر
انستقرام
يوتيوب
بنتيريست