|
|
|
 Re: يا تراجي ... بعد مصافحتك البشير هل ادرت ظهر� (Re: Mohamed Adam)
|
صورة معبره!مشروع لأغنية
مشروع لكاركتير
مشروع لدعاية تجارية
مشروع لنكته(مبكية)
مشروع لإنحطاط السياسة السودانية
مشروع لرواية
مشروع للشرامة وجلسات القهوة
محتاج لدبلجه بسيطة حتي يري النور
سيناريوهات الصورة:
حرباء تتلون علي نوع الفرع
ميكافيليية بعوارة مامسبوقةا
لغاية تبرر الوسيلة ولو تلبس ثوب سوداني
في قضية دارفور والهامش كن مع الضحية ومع الجلاد
إنت معروف من المركز لكن أحلف باليميتك واليحيك أنك من الهامش
ولو زرزروك كتير قول كلمة حق تريد يها باطل أنك من المركز
لكنك متعاطف مع الهامش.
قول عندك جماهيرك حتي لو إنت وحدك، الله و "صنغورك"
وكتر جعيرك حتي يصدقوك
أدخل كلمات ذي "تأطير" كما أستخدمتها مع الإذاعة العربية.
دخل إنجليزي وتهكم محاكيا الناس مثلما فعل الترابي محاكيا البشير
في قصة الفوراوية
حاكي متهكما المرأة السودانية وسب لقنوعها للذكر
خليك مع اوكامبو وأبقي مكسيكي
مش العملية شوية ملابس تقلعها وتلبسها
ومع البشير البس الثوب وأبقي سوداني
وماتنسي تصور معهما دعما لنظرية :
تفني الجسوم وتبقي الرسوم هذا رسمي تذكروه
أبقي حي ولو بالسلب
ابقي لايف ولو بالكذب
ومالو الكذب تأريخنا معظمه كضب في كضب
خليك:
مع ولاة دارفور إنت دارفوري
ومع الوالي أدم جماع إنت أدروبي
أمدح الترابي حتي لو لعنت سلسبيله قبل كدا
قوم علي اولادو بالذات عصام ألعنو
العن مبارك الفاضل اللعن كل آل المهدي لكن فضل اثنين تلاتة لزوم مع وضد
بغرض التعاطف معك لأنك تلصصت علي خلافاتهم الأسرية
خليك متقلب:
مرّة مع المثليين ومرّة مع المرأة ومرة إنت ضدهم
المهم:
تكون ملاك كالعلكة في اللسان والمهم تكون في الواجهة حتي لو بالسلب
شتت الكورة حتي لايفهموك!
الزغاوي الذي احببت
الشايقي الذي احببت
المسيري الذي احببت
الدينكاوي الذي احببت
المهم وسع قلبك وشتت الكوره ما يفهموك
ثم:
انقلب عليهم، الأول قول فيهم عنصرين مستغلين الحركات
والثاني قول فيهم ماسكين البنوك يتلصصوا علي ارصدة الناس
وبالذات أرصدة برجوازية دارفور
أمدع المؤتمر الوطني وقول عنه:
أحسن حزب أنزل علي العباد لأنه جدير بقيادة البلاد
هبشه وانقلب علبهم:قول في نسائه داعرات و في رجاله مثليين
قوم للحركات المسلحة:
سب ليها وقول عنها عنصريه وهي ليست حركات ممانعه بل إسمها الصحيح بواقي حركات!ا
فتي ونظر:
قول بتعرف الامريكان واليهود وسياساتهم
قول عندك مفتاح أوباما واوكامبو مش متصور معهما
اكضب وقول مفتاح إسرائيل بجيبك! مش زرت اسرائيل علي حساب الغلابة اللاجئين
شمت وشيل حالهم وحال خلافاتهم الأسريةبالذات من ضرب زوجته أو من طلقها
مش وريتهم القانون وكيف يتعاملوا ويتفاعلوا مع المجتمع الإسرائيلي
مش إنت تفتيحه!!
قاري قانون وقاري اجتماع وأصلو الزيك منو
مش إنت بتثقفهم جنسيا
مش إنت عارف الغرب بسياساته، ثقافاته، واجتماعياته
إنت في الكون مافي سوداني زيك
إنت تفتيحة لمن فضيحة!
إشتغل بنظرية:
تمسكن حتي تتمكن
لفق ولفق حتي لو كشفو نومتك ماعليك بس قدم إستقالتك
وصر علي كدا همشوك بإسم الجندرة
لفق ولصق حتي تتكتب عند الناس صادق
المهم خليك مع الكمرة ايما تتجهه عدستها ميل ياجميل
حتي لوتزرف دموع التماسيح حاول أن تمدح وتنصح عمر البشير
برضو أبكي وخلي الناس يحسو بيط وبي قساك
ثم غني وغني اصلو ماتخلي الناس ينسوك
او تخليهم يتلهوا بشئ غيرك حتي لا تتلاشي أناك الكبيره
الحاضر فيك الأبدية فيط وفيك السرمد
أصلوا ماتخليهم ينسوك ويتلهو بسواك
لو الكتابة صعبانة عليك تكلم وأرغي وزبد فالواتساب فضاء هامل
سجل وانت في سريرك
سجل وانت ممسك بمفراكتك
سجل وانت بتنظف بيتك في صحونك سجل وفي المنام خزن عشان تسجل
حتي في الحمام سجل
مش قدمت الميامن علي المياسر وتعوذت من الخبث والخبائث
سجل وسجل
ما مهم حتي لو عكست السنة المهم تسجل
المهم ترغي وتزبد وجودك أهم من كل عياض الجهله والجاهلات!!
أمسك قوي في مبادئك خلي الناس يحسو بيك
مامثلك ولد سجل وسجل
الظهور ثم الظهور حتي لو في تشيع الناس بالقبور
بعد الشر عليك حتي لو ود الأمين يصلع لي عنقرتوا
بس مهم تسجل رغائك وعياضك يصلح الفساد
المهم تسجل
ارقص الكنبلةأرقص وارقص
مش عرفوك بالعياض والرغاء
ارغي لما ترقص
وزبد لما ترقص
ماتنسي تهابش وتلابخ اثناء الرقيص
ما إنت اصلو ظريف ودمك خفيف ومين في الشباب زيك
قول وافتي في أي شيئ وأهرف بما لاتعرف مادام سمعك حديد
أهم شيء تعتني بنظافة أذنيك
خليهما سادة بلا خروس ولا حلمات عشان سمعك يكون مرهف
أدخل في الناس بسرعة البرق وأخسرهم بسرعة البرقم
ا أصلك فاهم طبعك علي طول قوم:شربكهم دا في دا ..
ودا بدا
أعرف نقاط ضعفهم أصلو ما تهتم بنقاط قوتهم بينافسوك.. يا ما مثلك ولد
في الحقيقة:
إنت ماغلطان.. غلطان البيقربك ليهو
غلطان اليدخلك في بيتو ويفرش ليك عرضه
غلطان البيعينك بالبرلمان
أكره أي زول يقرأ كتفك وبالذات أكره النساء لدرجة الموت
وفي نفس الوقت إدعي أنك الوحيد المتحرر فيهن
وإنت المحرر لهن
تكلم عن مشاكل المرأة خصوصا ما يتعلق بتحت الصرّة
لا حياء في الدين حتي لو إنت ما مُدين أفعل بس
ياخي ناس البشير تكلموا في الدين وغشونا حتي آلت لهم السلطة
إنت مالك والناقصك شنو
إنت أحسن منهم في اللون وفي النفاق وفي تغلب الفؤاد
فنقل فؤادك بين السودانين ولاتخاف، إلا الناس وكل ماهو ذئب أكثر منك !!
| |
  
|
|
|
|
|
| |
محمد مختار جعفر
Mohamed Adam
فيس بوك
تويتر
انستقرام
يوتيوب
بنتيريست