|
|
|
 Re: الان اطمأنيت تماما على وضع اخي صديق مهدي... (Re: ود الباوقة)
|
| Quote: خير وفير يتدفق من اخونا صديق مهدي |
ود الباوقة والله العظيم عاوز اناقشك بصورة جادة .من حقك تفرح وتهلل لاي شخص ينضم لمنظومتك المتهالكة وبالجد لمن تلقى واحد ايا كان وزنه في المعارضة ينضم لكم والنظام في خريف عمره فقرا وفسادا وقلة حيلة بعزيق كرامة رغم دا كلو ويجي صديق ينضم ليكم وبي نمرة خمسة لك الحق ان تفرح دا اولا ..
ثانيا المقتبس اعلاه ما كتبته في استهلالة بوستك ؛ الخير الوفير البتدفق من انضمام الاخ صديق مهدي شنو ؟؟سؤال جادي
يعني صديق مهدي دا خبير في شنو عشان يساعد نظامك من الانهيار في كل شيء بالجد صديق ايام كان معارضة انا شايفو اكتر من متواضع دا مش عشان مشى للنظام لا دي حقيقة فما عارف الخير دا بتدفق من وين ..
وشكرا
| |
 
|
|
|
|
|
|
|
|
Re: الان اطمأنيت تماما على وضع اخي صديق مهدي... (Re: زهير عثمان حمد)
|
| Quote: يا ربي يكون علي دفع الله |
احمد محمد عمر يا صديقي مخاصمك 😂😂
عليك النبي انا لو وثبت وانضميت لمؤتمر ود الباوقة دا تتخيل انا كيشة عشان يعمل لي التقديم ود الباوقة ها وين ..
علي الحلف مؤتمر صحفي ليه ضل وكمرات وفلاشات وتصريحات تراجي منو يا حبة ههههههه
مجنونة وقايداها عمية دي حال صديق مهدي وود الباوقة هههههه
| |
|
|
|
|
|
|
|
|
|
Re: الان اطمأنيت تماما على وضع اخي صديق مهدي... (Re: علي دفع الله)
|
يا جماعة باركوها انا لا زول مال ولا زول منصب ولا على ركبى بقع رب
ولا بمسك اليدين اتكبكب ولا العينة العر قها بتصبصب دحين شوفوا ليكم
جملا اجرب راميهو الحمل والتعب انتم اصلا داخلين فى جحر ضب كما
اخاف الكضب أقول الوطن قنع منكم تب
لانكم ما بتعرفوا طريق الرب
غايتو انتم لا بعجبكم العجب
ولا الصيام فى رجب
| |
|
|
|
|
|
|
|
|
|
Re: الان اطمأنيت تماما على وضع اخي صديق مهدي... (Re: امجد الجميعابى)
|
عليك الله ياود الباوقه ما تقرفنا اكتر من كده شنو انت وال مهدى وال غيرو اتلموا وال انضمو للوطنى هو الوطنى زاتو وينو
انتو بتعملو فى اشياء تشغلوا الناس بس من المواضيع المهمه مشاكل الوطن لو اصلا بهمك الوطن اطرح ليك موضوع مهم
وال اصلا راسك فاضى لانك بياع كافتيريات روح لتلمه بلا ملطشه عليك
| |
|
|
|
|
|
|
|
|
|
Re: الان اطمأنيت تماما على وضع اخي صديق مهدي... (Re: صديق مهدى على)
|
Quote: الوطني الصادق صديق خسارة كبيرة للمعارضة وفقا لنشاطه الاسفيري عودته الى صف (الوطن اولا) بلا شك تدعم الخط الوطني ويكفي ردود الفعل تجاه قراره الشجاع بالانحياز ل ( الوطن اولا) وسوف تنير الدرب لاخرين مغيبين للعودة الى جادة الحق
|
الواحد حاسي من مداخلتك دي إنو بدت تقوم ليك (علعله) يا ناصر
الوطن أولاً ديل ناس منو
| |
|
|
|
|
|
|
|
|
|
Re: الان اطمأنيت تماما على وضع اخي صديق مهدي... (Re: ود الباوقة)
|
عدم الخروج عن الحاكم مع المشورة والمناصحة منهج أتبعه مع الوعاء الجامع (المؤتمر الوطني)
الوطن لا يُبنى بالمؤتمرات والكلمات المُنمقة الوطن يُبنى بالسواعد التي تجعل منه وطن حقيقي وليس شبح
لا اخاف من المؤتمر الوطني (الوعاء الجامع) بقدر خوفي من الحركة الاسلامية ضالة المنهج
المؤتمر الوطني به المسلم و المسيحي وسدنة مايو والعاطل وكل صاحب منفعه يريد ان ينال من نعيم السلطة
الا القليل وهؤلاء اصحاب مصالح متى ما انقضت المصالح تبعثروا كما تجمعوا في الاول
فهم اهل الحشود لتنفيذ مآرب البدريين من ابناء حسن البناء ليس لهم رأي ولا عهد
سيارات طالعة نازلة وبدل وكرفتات يحوموا أمام الكاميرات ديكور لا اكثر
| |
|
|
|
|
|
|
|
|
|
Re: الان اطمأنيت تماما على وضع اخي صديق مهدي... (Re: علي دفع الله)
|
Quote:
الواحد حاسي من مداخلتك دي إنو بدت تقوم ليك (علعله) يا ناصر
الوطن أولاً ديل ناس منو
|
الاخ محمد حامد
تأكد والله شاهد انها ليست (علعله) بل نافذه في بصيرتي رايبت خلالها ان (الوطن اولا)
وان هؤلاء ( بشة وبكوري) خير من يقود المرحلة
اركب معنا ولا تكن مع ( ناس عصمان مدني)
| |
|
|
|
|
|
|
|
|
|
Re: الان اطمأنيت تماما على وضع اخي صديق مهدي... (Re: ناصر حسين محمد)
|
Quote: وان هؤلاء ( بشة وبكوري) خير من يقود المرحلة
اركب معنا ولا تكن مع ( ناس عصمان مدني) |
مرحب ناصر
بشة وبكوري ديل الإسم ما بعد خيرات صديق للأسد النتر هيييييييييييع
إنت عارف يا ناصر مهما كانت التجارب يجب أن لا ينظر إليها بإحتقار أو التقليل منها
العصيان المدني دا كان عمل شعبي خالص ما عندو علاقة بأي حزب سياسي او كيان وما إتخيل لي الشعب السوداني دا بتفق ليهو في حاجة عبط
التجربة الأولى كانت ناجحة جداً وللأسف الأحزاب بدل أن تدرسها وتشوف نقاط ضعفها وقوتها (التجربة) فضلت دخولها ومحاولة تكرارها بدون أي فهم (طبعاً للآن ما سمعت لي بحزب عمل ورشة ولا حاجة تقيمية لعصيان 28 نوفمبر وإمكانية إنو يكون أسلوب ناجع وبناء لقيام ثورة ضد بشة وبكوري).
أمش في الدرب البيطابق فيهو خطوك صوت حوافرك
وعديلة عليك بس ما تبصق على أي بئر شربت منها يوماً أكيد أخيراً لا يصح إلا الصحيح
بالنسبة لي أركب معنا دي نحن قدرنا إننا نكون مركوبين كدا لحدى يوم نراه قريباً وترونه بعيدا
لك الود
| |
|
|
|
|
|
|
| |
Deng
ناصر حسين محمد
صديق مهدى على
باسط المكي
Nasser Amin
علي دفع الله
علي محمد الفكي
Hani Arabi Mohamed
قسم الفضيل مضوي محمد
Arif Nashed
زهير عثمان حمد
امجد الجميعابى
السنجك عثمان
يحي قباني
Hatim Alhwary
محمد حامد
البرنس ود عطبرة
Hassan Makkawi
فيس بوك
تويتر
انستقرام
يوتيوب
بنتيريست