ماهو الفرق بين شيخة موزة والرئيس الأمريكي دونالد ترامب ؟. أنا بفتكر مافي داعي يخليك تحذف البوست بتاعي بتاع بلآ شيخة موزة بلآ شيخة بطيحة يا بكري أبو بكر . عايز ترضي مِنو يعني، الشيخة موزة أم أم الذين يخالفوني الرأي فيما طرحت بخصوصها ؟. أفرض وآحد فتح بوست بعنوان بلآ ترامب بلآ قرف، هل كنت حا تسحب البوست ؟. أنا كنت نائم صحيت لقيت البوست تمّ سحبه، وأقولك يا بكري لو حصلت مُخاشنة من الزملاء في النهاية رأي ورأي مخالف وهذا لا يجعلني أخسر زميل أو أتعامل معه تعامُل خارج إطار الزمالة ومُنافٍ للإحترام . سحبك للبوست غلط يا بكري وأتمنى أن تعطيني سبب مُقنع لتصرفك هذا فلربما أكون مخطئ وأعتذر .
يا مدير .. انت غيرت العنوان ليه .؟ .. البوست كان ماشي حاله .. وعنوانه كان كويس ..
غايتو انا أصلا ما بحب حركة تغيير عنوان البوستات دي .. بعتبرها فيها نوع من التدليس .. تمرق تجي تشوف البوست تقول جديد وقوي .. بالذات لمن تشوف عدد المشاركات الفيه .. تخش .. تلقاهو ملاح امبارح البايت ..
لكن عموما ما ليهو حق بكري يحذفه .. أي نعم العنوان تقيل حبتين .. لكن أهو قلت رأيك .. لكن انت شامي الشيخة موزه ليه .. ما اظن اساءت لنا كسودانيين بالعكس يأخ .. يكفي مساعدتها للناس الضعفاء والمحتاجين .. ولا رايك شنو انت ؟ ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة