كتب الكاتب الفاتح جبرا المتوفرة بمعرض الدوحة
|
|
 Re: باقان يقود مظاهرة ضد مصر (Re: السمانى عمارة)
|
يا السماني الله يرضى عليك طمس ولوي الحقائق والاسطوانات القديمة سيبنا منها ..
نصرة شنو ياخي انت ارضك محتلة وحدودك مع تلات دول ما معروفة ولا مرسومة ، وبعدين كلنا عارفين التمن السياسي والمادي القبضتو الحكومة فسيبنا من حكاية "اصبعي بغطيني " دي .
بعدين القصص والاساطير القديمة بتاعة نحن ارجل ناس ومين كده قال لو ادوني الجيش السوداني احتل العالم في عشرة يوم وفرنسا قالت انو مفروض يستبدلو الجيوش الافريقية بجيش سوداني ، متين فرنسا قالت انو مفروض يستبدلو الجيوش الافريقية بجيش سوداني مين قال تحديدا ؟؟
ونحن ايه وايه دي ونحن اول من فعل كذا وكذا خليني اقول ليك انها "علميا "بتروج وبتذيع في المجتمعات الماعندها شي تقدمو للعالم ، ما عندها منجز حضاري عصري شايفة انها متأخرة والناس كلها فاتت ، مجتمعات تعاني من كسل حضاري وتعيش في ذيل الامم عشان كده بتفتش لي حجج واساطير وقيم ما عندها معنى في عالم اليوم عشان تديها احساس زائف بالفخر ، ده كلام فارغ وموجود في دول تانية غير السودان ويجمعها معه قواسم مشتركة كثيرة.
الحاجة التانية ، نحن ما حمينا هيلاسيلاسي ولا جبناه من انجلترا ولا يحزنون ، لأنو نحن ذاتنا كنا تحت الحماية البريطانية لمن هيلاسيلاسي جا الخرطوم من منفاه في لندن ، الحكومة البريطانية هي الرسلتو وما حنية ولا انسانية منها لأنو اتلطع في لندن لمن عينو طلعت ولف اوربا كلها يستجديها التدخل ضد ايطاليا زول اشتغل بيهو مافي ، لكن مع اندلاع الحرب الثانية وهجوم الطليان على كسلا ارسلته حكومة انجلترا ليحارب اعداءها الطليان في اثيوبيا ويخرجهم من القرن الافريقي، فيا عزيزي ده تاريخ مكتوب ما تحاول تتلاعب بيهو ويجب ان تتحلى ببعض المسئولية لأنو في ناس ممكن تأخد منك وتاخد كلامك ده كمعلومة .
تحياتي
|
|
 
|
|
|
|
|
| العنوان |
الكاتب |
Date |
 باقان يقود مظاهرة ضد مصر | ياسر منصور عثمان | 03-13-17, 08:19 AM |
| Re: باقان يقود مظاهرة ضد مصر | السمانى عمارة | 03-13-17, 09:13 AM |
| Re: باقان يقود مظاهرة ضد مصر | ياسر منصور عثمان | 03-13-17, 09:35 AM |
| Re: باقان يقود مظاهرة ضد مصر | السمانى عمارة | 03-13-17, 10:00 AM |
| Re: باقان يقود مظاهرة ضد مصر | Abdullah Idrees | 03-13-17, 10:20 AM |
| Re: باقان يقود مظاهرة ضد مصر | ياسر منصور عثمان | 03-13-17, 10:30 AM |
| Re: باقان يقود مظاهرة ضد مصر | عبد العزيز محمد عمر | 03-13-17, 10:55 AM |
| Re: باقان يقود مظاهرة ضد مصر | ياسر منصور عثمان | 03-13-17, 11:40 AM |
| Re: باقان يقود مظاهرة ضد مصر | السمانى عمارة | 03-13-17, 07:28 PM |
| Re: باقان يقود مظاهرة ضد مصر | Abdullah Idrees | 03-14-17, 06:51 AM |
| Re: باقان يقود مظاهرة ضد مصر | السمانى عمارة | 03-14-17, 09:10 AM |
|
| |
Abdullah Idrees
فيس بوك
تويتر
انستقرام
يوتيوب
بنتيريست