03:08 PM March, 10 2017 سودانيز اون لاين حمد إبراهيم محمد- مكتبتى رابط مختصر السلام عليكم أخونا وأستاذنا أبوذر.. بشأن البوست الذي افردته للفنان الشاب علي الساجوري، وشاركنا واخوة اخرين في اشادتك بهذا الشاب وتميزه عن غيره في اختيار القصيد واداءه الرائع ومقدرته في توصيل المشاعر والاحاسيس الانسانية العميقة لمتلقيه. فقد كانت الصدفة انني في فترة عمرية عشت مع ابناء عمي في (حوش الشيخ الطيب ود الشيخ البشير) في "طابت" التي كانت انطلاقة فناننا الساجوري منها. وعلى الرغم من تجاربي القليلة في السرد القصصي فقد جاءت هذه القصيدة واخوات لها (اهتمامك نتاوق ليهو) لينظر فيها فناننا الساجوري لعلهو يرضى؟. وقد رقمتها عدديا، لظني ان الاغاني الشبابية اضحت قصيرة كما عصر السرعة الذي نهرول خلفه، فان رأي اخذ جزء منها فله ما اراد ذلك.
كلمات: حمد إبراهيم دفع الله . أغنية: تعال صالحنا. ****** (1) إنت يا علوم يا متخصص يا نجوم السعد يا متاسس *** تعال صالحنا خلي باقي عمرنا يغني من شوقو الباكي يرفرف زيد افراحنا خلي الحارة الحردانة تزغرد تزف قيدومة معاك ما تتوقف *** (2) تعال صالحنا خلاص يكفينا سيبو عناد شقينا كتير ونحن بعاد هدي اللعبة البينا وقف وقف وقف تعال عافينا ما تتاسف مافي تأسف. *** (3) ليه ضارب عننا صاد شغلتنا عليك يا سيدنا كان هامينك تعال شوف سهادنا كيفن زاد هل هل منو اشفينا *** (4) سيبك من ده عناد ما انت عارف وراك الدمع لا جف لا قبًل عاد نبيح الدمع في محلو يوت يزداد. *** (5) تعال ... صافحنا وحد مرافينا أحضن مآقينا بسيمة حنينة تشيلنا تلولينا تودينا ترسينا داخل الننو اروينا *** (6) تعال ... يا خمرة هقيتنا الفاح جرتق ليالي الوحشة بدل اسانا هلل الافراح زيدينا بهجة عطر شوقنا ما انت مسك الطيبة ومحيك للقلب مفتاح. *** (7) تعال... انشر عطر الخزاما ضوي لينا طريق الجية ما انت سيدنا مالك ريدنا مالك تاني انت... الدر ديمة يلالي إلاك... يا سيد الناس تاني ... أي حب فاني. *** (8) بيناتنا احلام رويناها عشق طل انامل غان غنيناها حلو كلام شايلو حمام بنيناها قلناها مرات ومرات خبيناها داخل الابدان سيبك من انام لا ده درى لا انلام. *** (9) احلام وهيام الفجر لاح وسنان نست شهرزاد الكلام والكلام المباح ما عاد كلام كلامنا احلى كلام تغرد حمامو سلام ضفرة وحريرة هلال وميزان جرتق وسيرة العديلة تبراه لي قدام. **** (10) إنت قايل الزمن بقيف قبلو لا لا لا ... زعلك ده قصرو الفات عدو هزار العناد داك بطلو *** (11) يااخ انا محتار ما الحياة سوطها بفلق اليد الواحد ما بتصفق تعال نكمل المشوار تعال تعال تعال نكمل المشوار. ********* (حمد إبراهيم دفع الله) 10 مارس 2017م ******
03-10-2017, 04:32 PM
حمد إبراهيم محمد حمد إبراهيم محمد
تاريخ التسجيل: 08-20-2009
مجموع المشاركات: 5198
دا إسمو كلام ؟ حاضن نعاس عينيك أتونس بيها طول الليل راجياك صبايا الحي تهل زي شهر رمضان وتقول لي طولت ما طليت علينا ليك زمان دا أسمو كلا ؟ ** وإت نجم سعدي الملألئ في صحاري التيه تسوق الضيئ مشاعر ريد يفضح التوهان وتقول لي طولت ما طليت علينا ليك زمان دا أسمو كلام ؟ ** يوم لقيتك زغرد الفرح جواي هلت واحة شوق سايقا خطاي قبل الليلة والجاي من دنياي سراج وقاد مسارح فرح وأمان وتقول لي طولت ما طليت علينا ليك زمان دا إسمو كلام ؟ ** بسيماتك حلم قدري تصبحني وتمسيني تتوسد مشاعر ريد خبيتو في عيوني رجيتك بلا مشهاد والنوم عصاني كمان وتقول لي طولت ما طليت علينا ليك زمان دا إسمو كلام ؟ ** وكت نسيماتك روت إيدي وصيتك على عقاب عمري تسوق غيمات العديل والزين حنة وحريرة - هلال وضريرة - سعفة وجبيرة إت محل ما ماشي وديني وتقول لي طولت ما طليت علينا ليك زمان دا إسمو كلام <><> حمد إبراهيم دفع الله
03-10-2017, 06:01 PM
حمد إبراهيم محمد حمد إبراهيم محمد
تاريخ التسجيل: 08-20-2009
مجموع المشاركات: 5198
جاء في صفحة الفنان المبدع علي الصديق ساجوري في الفيسبوك، إنه من مواليد قطر (الدوحة) في العام 1990م، وشارك في برنامج نجوم الغد عام 2009م. وكان تعاونه مع الشاعر الكبير الاستاذ إسحق الحلنقي بداية باغنية (يا رايقة).
03-11-2017, 11:21 AM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
السلام عليكم اخونا ابوذر .... شكرا وتقديرا لمرورك ... هذا صحيح، حتى انا نفسي ليس لي صلة ولا اتصال بالفنان ساجوري، فقط تثنية على اشادتك به. فالبوست هذا هو في المقام الاول امتداد لبوست سبق لك ووجد تجاوبا من المهتمين بالفن، وخاصة الفنان ساجوري. وياتي من باب التعريف ولفت الاهتمام تجاه المبدعين وتشجيعهم واتاحة مساحة اكبر للاهتمام بالمبدعين وابداعاتهم.
تحياتي
03-11-2017, 07:52 PM
حمد إبراهيم محمد حمد إبراهيم محمد
تاريخ التسجيل: 08-20-2009
مجموع المشاركات: 5198
العطبراوي وساجوري – نسانا حبيبنا - وشجن الرحيل والنسيان. الا تروا معي حبات اللؤلؤ تتدافع على سطح بلور نجمة هذه الجلسة ووشوشة صوت ساجوري. ارخوا السمع واوقظوا النونو وسبحوا مع خلق الرحمن... هاكم ليهو:
04-08-2017, 08:57 PM
حمد إبراهيم محمد حمد إبراهيم محمد
تاريخ التسجيل: 08-20-2009
مجموع المشاركات: 5198
أغنية للحب والسلام ... ---------------------- • قصيدة بكرة جايا* كلمات: حمد إبراهيم دفع الله ****** الجابوه ليك إفك بالون إشاعة من خباز عزول ينفث بشاعة بياع قوالة كل يوم وساعة بكرة جايا بلا ألم بدون وشاية ***
البينا حب ولف ساكن الحنايا البينا عشق كل يوم يزداد معايا البينا بسمة قمر خدودو ضوايا همسة مشاعر تضوع تزيل أسايا بكرة جايا بلا ألم بدون وشاية ***
لهفي على حنيٍن يزور يصبح أهيم معاهو أطير بحبو أسحسح الريد بينا يرجع من تاني يسبٍح أحضن عويناتك الشوق حمامو يصدح بكرة جايا بلا ألم بدون وشاية ***
يللاك معايا الفات تشيلو شيمة قليب يسامح نطوي أيام حزينة الحب معانا سراج شراع وخيمة همس الليالي يزف دعاش وغيمة لمسة أنامل تروي شهزاد سنينها بكرة جايا بلا ألم بدون وشاية.
(حمد) ******
04-08-2017, 09:09 PM
حمد إبراهيم محمد حمد إبراهيم محمد
تاريخ التسجيل: 08-20-2009
مجموع المشاركات: 5198
الفنان في شتى مجالات الابداع، ذو حساسية مرهفة ومرهقة في نفس الوقت لا يحتمل الاملاء والشروط في تعامله مع المناسبات الاجتماعية، لا يعمل وينتج الا في بيئة مواتية متسامحة ومقدرة تعين على الابداع. هذه الصفة تميز الفنان علي الساجوري، ولا يدركها اناس في مجتمع بيع وشراء ورغبة الامتلاك، لذلك الساجوري ينفر من هؤلائي النفر من البشر، يتعامل مع المشاعر الانسانية وهم يتعاملوا بالمردود المادي وانتصاب القبضات ، فتحضر خصلة البشرية البدائية بينهم. ******
فنانا ساجوري يتميز ايضا في اداء الاغاني الخفيفة الراقصة من ذلك:
أغنية الصندل الفواح مصدر الافراح :
04-10-2017, 01:20 PM
حمد إبراهيم محمد حمد إبراهيم محمد
تاريخ التسجيل: 08-20-2009
مجموع المشاركات: 5198
كلمات: حمد إبراهيم دفع الله قصيدة "شيل الصبر" ------------------------- تقولو لي شيل الصبر وروني الصبر راح وين... ****
مالكني نسًام حديث عيونو ** في نومي وبعد ما اصحا ختف عقلي.. كحل هلالو ** هامت عيوني جافت الغمدا همساتو تجيني تزيد شوقي ** ترش توقي ما قدرت اصلا لهيب الشوق يسوق ليلي *** اساسق أودع قلبي بيت اهلا تقولو لي شيل الصبر وروني الصبر راح وين. **** متين يرضا يجيني معاتب ** لو اشر لي بجيهو أنا أقول ليه أنا التايب ** أنا الحاضن عيونو أنا خت علي كل اللوم ** أنا راضي موافق أنا لو درت عيوني كمان ** أبصم ليك بالعشرة أنا تفولو لي شيل الصبر وروني الصبر راح وين. ****
تقولو مجنون دواهو ضمً محال ** والقيد يقع فيه شقي الحال قبال حكمكم اسمعو يا عزال**همس القمر وبريق نغيمو الشال حيرانة زهرات القرنفل وعطر الفال ** عشمانة تاخد منو رشة الشبال. تهوِنو القاسية وأنا حالي حال ** ما الموية الباردة مازي شقا البال. تفولو لي شيل الصبر وروني الصبر راح وين. (حمد إبراهيم دفع الله) ******
05-02-2017, 10:28 PM
حمد إبراهيم محمد حمد إبراهيم محمد
تاريخ التسجيل: 08-20-2009
مجموع المشاركات: 5198
كلمات : حمد إبراهيم دفع الله قصيدة: حلو جنس حلا ******** لي حمرة خدو وبوح العين اتاوق في الحلم أشوفو متين *** صدفة كانت وكانت اللقيا الله عالم ما قاصدها حالتي حالة شقا وبهدلا صحاري ما قادر اوصفها بس عيني وقعت شافتها طش القلب حارس خطوتها ***
لي حمرة خدو وبوح العين أتاوق في الحلم أشوفو متين ***
لي حمرة الخد وبوح العين اتاوق في الحلم أشوفو متين ***
شنو الوداني كيفن أتحمل لفتتها كان شافت مهبول منتظر طلعتها الفقرا قالو شيل المحاية وأشربها الدكاترة قالو حالة ما معروف سببها *** من حمرة الخد وبوح العين اتاوق في الحلم أشوفو متين ***
أنا الملوم وعارف نفسي مجنون تقولو لي فقرا وشنو ومنو يكون لا دوا لا محاية يا ناس أنا ممكون غير زولي لحسة كوع حتى المنون *** لي حمرة الخد وبوح العين اتاوق في الحلم أشوفو متين. ****** (حمد إبراهيم دفع الله)
05-05-2017, 08:58 PM
حمد إبراهيم محمد حمد إبراهيم محمد
تاريخ التسجيل: 08-20-2009
مجموع المشاركات: 5198
كلمات : حمد إبراهيم دفع الله قصيدة: أنفاسنا عطر خزاما ****** تصوري وكت الدنيا قفلت أبوابها هالت سواد أيامها في عيني وكيفن رفيق درب الريد جافا وباتت سكينه في جنبيي
من الساعة ديك كاتم أنيني كيفن أقول ووب ووب وأحي ++÷
تخيلي أبت عيوني النوم مجافياني بقيت أقلب دفاتر الريد من تاني أهدهد في المشاعر والدموع مابيناني أكفكف في الوجع والجروح غالباني
من الساعة ديك كاتم أنيني كيفن أقول ووب ووب وأحي +++
جانا الربيع يزف شرافة الالوان حضن النور الندى أزدانت الأيام رقص الوادي عانق السوسن الوسنان جيتي وبريق فاطرك يحكي هيام ومن الساعة حديثنا مشبوب الغرام أنفاسنا انفاس خزاما قرنفل وريحان. <> (حمد إبراهيم دفع الله)
05-06-2017, 10:14 PM
حمد إبراهيم محمد حمد إبراهيم محمد
تاريخ التسجيل: 08-20-2009
مجموع المشاركات: 5198
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حمد إبراهيم محمد
أبوذر بابكر
ناذر محمد الخليفة
فيس بوك
تويتر
انستقرام
يوتيوب
بنتيريست