|
|
|
 Re: حاشاها من نقص العقل (Re: أبوبكر عباس)
|
الحديث :
قيل يا رسول الله ما نقصان عقلها؟ قال: أليست شهادة المرأتين بشهادة رجل ؟
الآية :
قال الله عز وجل في القرءان الكريم : (وَاسْتَشْهِدُوا شَهِيدَيْنِ مِنْ رِجَالِكُمْ فَإِنْ لَمْ يَكُونَا رَجُلَيْنِ فَرَجُلٌ وَامْرَأَتَانِ مِمَّنْ تَرْضَوْنَ مِنْ الشُّهَدَاءِ أَنْ تَضِلَّ إِحْدَاهُمَا فَتُذَكِّرَ إِحْدَاهُمَا الأُخْرَى) ..
النقاش ممكن يكون في الإطار ده ..
الحديث حدد نقصان العقل وين (شهادة المرأتين بشهادة الرجل) والآية وضحت العلة في ذلك وهو (النسيان) ..
طيب ما الرجال زاتهم بينسوا ؟؟
صحيح لكن الرجال بيفرقوا من النساء إنوا ما عندهم الحمل والولادة والدورة الشهرية وتغير الهرمونات المرتبط بالحاجات دي
وديل علاقتهم شنو بالموضوع ؟؟
علاقتهم إنو الخواجة أبو عيون خدر أكد إنو الحاجات دي بتأثر في الذاكرة
(تعد آلالام وتقلصات الدورة الشهرية من أكثر المشكلات شيوعا بين السيدات والتي تتسبب في كثير من الأحيان في الشعور بعدم الراحة والغثيان. إلا أن الأبحاث الطبية الحديثة تشير إلى دور هذه التقلصات في تقليل حدة ذكاء المرأة أو قدرتها على التركيز إذ توصلت الأبحاث التي أجراها مجموعة من العلماء البريطانيين إلى أن الألم يقلل من الأداء المعرفي للأشخاص ويقلل من نتائج الاختبار حيث أن التقلصات التي تتعرض لها السيدة شهرياً تقلل على المدى الطويل قوة إنتباهها، ليتراجع أداءها في الإختبارات .
كما توصل العلماء البريطانيون بجامعة "باث" البريطانية إلى أن السيدات اللواتي يعانين بانتظام من شدة التقلصات أثناء هذه الفترة، يصبحن أقل قدرة على القيام بمهارات، كالمهام التي تعتمد على الكومبيوتر فضلا عن تراجع مستوى الإنتباه بينهن، بحسب ما ذكرت صحيفة "تيليغراف" البريطانية.
وكانت الأبحاث قد أجريت على 52 سيدة ممن عانين من آلالام وتقلصات أثناء الدورة الشهرية وتم متابعة أدائهن المهني والدراسي وخلال الامتحانات، قامت الأبحاث على قياس القدرة على القيام بمهام تنافسية وقدرتهن توزيع إنتباهن بين مهمتين مختلفتين .
وأشارت البيانات إلى أن أكثر من 40% من السيدات اللواتي يعانين من آلالام الدورة الشهرية بإنتظام تتراجع بينهن بنسبة 15% القدرة على التركيز والتحصيل بالمقارنة بالسيدات اللواتي لا يعانين من تقلصات شديدة .وقد توصل الباحثون إلى أن آلالام الدورة الشهرية تؤثر سلبا على الأداء الإدراكي والمهني للسيدات .وشدد العلماء على أن تأثير الألم يتجاوز التجربة الحسية، مما يؤثر على ما نفكر ونشعر به أيضاً.).
بالنسبة لتأثير الحمل في الذاكرة ممكن ترجع للرابط التالي : http://edition.cnn.com/2008/HEALTH/conditions/02/05/pregnancy.memory/index.html؟_s=PM
يبقى الجوطة الحاصلة دي كلها سببها الأساسي عدم فهم الحديث الذي أشار للآية وعدم فهم اللآية التي حددت السبب وعدم معرفة ما تمر به النساء حال حدوث الدورة الشهرية والحمل لديهن وهو ما أكدته الدراسات الحديثة ..
صدق رسول الله صلى الله عليه وسلم .. من شاء فليؤمن ومن شاء فليكفر
| |
 
|
|
|
|
|
|
|
|
Re: حاشاها من نقص العقل (Re: muntasir)
|
يا محمد عبدالله مختار سلامات
غايتو يا دوب تنفست الصعداء ... أصلوا كان حاسة بشوية تأنيب ضمير لما إتداخلت معاك في بوستك داك
لكن شكلي ما غلطت عليك :)
أول تبادي قلت دراسة في ال CNN
عارف يعني شنو إستشهاد ببحث علمي بال CNN
لو جبت لينا دراسات من pubmed موثوقة من كبار ال medical journals كان قلنا خلاص جبتها من ذيلها ... ولكن!!!
عاين لل conclusion بتاعة الدراسة دي... من pubmed ( ممكن تقراها كاملة لو حبيت ) A review of the impact of pregnancy on memory function
Although until recently much of the evidence for pregnancy-related deficits in memory was anecdotal or based on self-report,
a number of studies have now been conducted that have tested whether these subjective appraisals of memory difficulties reflect objective impairment.
However, these studies have failed to yield consistent results
و من أبجديات البحث العلمي يا أخي لو الدراسة ما reproducible لا يؤخذ بها!
ثم ثانياً نوع الدراسات الإتعملت و جيت فرحان بيها anecdotal or based on self-report إتمنى أنك تكون ملم بأُسس البحث العلمي عشان تعرف إنه ديل " بيش"
و أخيراً
ربنا سبحانه و تعالى قال " والقواعد من النساء اللاتي لا يرجون نكاحا فليس عليهن جناح أن يضعن ثيابهن"
طيب في أمر الذاكرة دي ما إستثنى القواعد و العاقرات و اللائي لا يحضن ليه ... كما حدث في الآية أعلاه....
ثم في الجاهلية ديك كيف شهادة المرأة تساوي شهادة الرجل !!!
لازم تكون ناقصة و لا حرج لو في الوقت داك ألفوا " من تأليف إنه المقصود الحمل" لكن تجي أنت اليوم و تقول كده دي ال ما بتتبلع 
عليك الله زور بوست أخونا الصادق و شوف وزيرات دفاع العالم الأول و المرأة اليوم عشان تكون عايش معانا هههه
و التحية موصولة لصاحب البوست أبوبكر
| |
|
|
|
|
|
|
|
|
|
Re: حاشاها من نقص العقل (Re: muntasir)
|
| Quote: صدق يا بك قلت يا سلام بك أول مرة يبذل مجهود في زندقته لمن وصلت التوقيع لقيت دكتور محمد محمود فتباً وليرميك ثور بشاكوشه |
ههههههههه ,, اول ماشفت اسمك يامنتصر كآخر متداخل قلت بس
منتصر بكون جاب لبكور من اللاخر ,, اها ماخيَّبت ظنى
بكور قوم لف وكلِّم زولك بتاع المركز ده ياخد ليهو لفة معاك.
| |
|
|
|
|
|
|
|
|
|
Re: حاشاها من نقص العقل (Re: فردوس جامع)
|
سلام بكور والجميع وتحية خاصة لفردوس، المرأة الوحيدة المشاركة في هذا البوست، والتهاني لها بيوم المرأة العالمي.
هدية من كتاب "تطوير شريعة الأحوال الشخصية" للأستاذ محمود محمد طه
ــــــــــــــــــــــ
هذه مقدمة الطبعة الثانية من كتاب ((تطوير شريعة الأحوال الشخصية))، وكانت الطبعة الأولى منه قد صدرت في شهر ذي القعدة من عام 1391- ديسمبر من عام 1971.. ولقد لقيت إقبالا كبيرا من القراء الكرام، مما شجع على إعادة طبعه..
صدرنا هذه الطبعة بالآية الكريمة: ((من عمل صالحا فلنفسه، ومن أساء فعليها، وما ربك بظلام للعبيد)).. ذلك بأنها آية تقرر مبدأ المسئولية.. والمسئولية هي الخط الفاصل بين القاصر والرشيد.. فالقاصر حظه منقوص، والرشيد حقه كامل - القاصر عليه وصي، والرشيد وصي نفسه تحت ظل القانون.. وليس في شريعة الله ظلم، فما هو إلا العدل.. والعدل هو وضع الأشياء في مواضعها.. العدل هو إعطاء كل ذي حق حقه.. فليس من العدل معاملة القاصر معاملة الرشيد، فإنه لا يستحقها.. وليس من العدل أيضا معاملة الرشيد معاملة القاصر، فإنه يستحق أفضل منها.. ولقد جاء في شرع الله أن المرأة على النصف من الرجل.. قال تبـارك وتعـالى: ((يوصيكم الله في أولادكم، للذكر مثل حظ الأنثيين)).. وقال جل من قائل: ((واستشهدوا شهيدين من رجالكم.. فإن لم يكونا رجلين فرجل وامرأتان، ممن ترضون من الشهـداء، أن تضل إحداهما فتذكر إحداهما الأخرى)).. وليس هذا ظلما، وإنما هو عدل، ولكنه العدل الذي يناسب القاصر.. هو العدل الذي يبرره حكم الوقت.. فقد كانت المرأة في القرن السابـع قاصرة عن شأو الرجل، وليس القصور ضربة لازب عليها، وإنما هو مرحلة تقطع مع الزمن والصيرورة إلى الرشـد حتم، مقضي، بحتمية ملاقاة الله: ((يأيها الإنسان إنك كادح إلى ربك كدحا، فملاقيه)) وليست ملاقاة الله بقطع المسافات، وإنما هي بتقريب صفات العبد من صفات الرب.. وليس الإنسان الوارد ذكره هنا هو الرجل وحده، وإنما هو الرجل أو هو المرأة.. والصيرورة المحتومة من القصور إلى الرشد إنما تنفذ في الزمن، وبنفاذها يقـع ما يسمى بحكم الوقت.. فللقـرن السابـع ((حكم وقت)) هو الذي جعل العدل بين الرجال والنساء على الصورة التي جاءت بها شريعة الله، وللقرن العشرين ((حكم وقت)) يجعل صورة العدل في القرن السابع ظلما يبرأ الله منه.. وتنتقل صورة العدل إلى المستوى الجديد الذي ضمنـه دين الله، حين قصرت عنه شريعة الله للقرن السابـع، نزولا على مقتضى الحكمة التي أقام الله عليها ((حكم الوقت))..
وفي حين جاء في شرع الله أن المرأة على النصف من الرجل، جاء في دينه أن المرأة مساوية للرجل، أمام القانون.. قال جل من قائل: ((ولهن مثل الذي عليهن بالمعروف، وللرجال عليهن درجة.. والله عزيز حكيم)).. والمعروف هو ما تواضع عليه الناس، بحسب حكم وقتهـم، بشرط ألا يخل بغرض من أغراض الدين.. وأغراض الدين محورها تحقيق كرامة الإنسان، من رجل أو امرأة.. والمعروف، عندنا في القرن العشرين، هو أن نعلم المرأة لأعلى الدرجات، وقد أصبح لدينا منهن الآن الطبيبة، والقاضية، والمحامية، والمهندسة، والزراعية، والإدارية الخ الخ.. وهذا العرف، بما يحقق من كرامة الإنسان، فإنه لا يعوق أغراض الدين، وإنما يحققها، ولكنه، في نفس الوقت، ولنفس السبب الذي ذكرنا، يوجب تحولا جذريا في أمر الحقوق والواجبات التي قام عليها ((حكم الوقت)) في القرن السابع.. فجاء من ههنا قوله تعالى: ((ولهن مثل الذي عليهن)).. يعني لهن من الحقوق مثل الذي عليهن من الواجبات.. فإذا كانت الواجبات التي عليهن، وينهضن بها، مساوية للواجبات التي على الرجال، وينهضون بها، فقد أصبح لهن من الحق مثل ما لهم، لا وكس ولا شطط..
أحب لبناتنا أن يعلمن هذا، وأن يجودن فهمه، وألا يترددن في وصف قصور شريعة القرن السابع (وبخاصة في أمر الأسرة) عن شأو القرن العشرين وليكن واضحا في أذهانهن أنهـن، حين يفعلن ذلك، لا ينسبن الظلم، ولا القصور، إلى الله، تعالى الله عن ذلك، وإنما ينسبنه((لرجال الدين)) الذين يطيب لهم أن يتحدثوا باسم الله، وهم لا يكادون يفهمون عنه شيئا، وإنما يتحدثون فيما لا يعلمون، حين يريدون للناس أن يعتقدوا أن كلمة الإسلام الأخيرة في أمر التشريع قد قيلت في القرن السابع..
أحب لبناتنا أن يدافعن عن حقوقهن في تشريع الدين، لا أن يبحثن عن الإنصاف في شرائع الغربيين، فإنها لا تحوي لمشاكلهن حلولا، ولا لمشاكل الرجال.. وأحب لهن أن يستيقن أنهن أولى بالدين ممن يسمون أنفسهم ((برجال الدين)) ممن جمدوا الدين، وجعلوه قضايا فقهية متحجرة، لا روح فيها ولا حياة..
هذا الكتاب - كتاب ((تطوير شريعة الأحوال الشخصية)) يهدي من جديد لبناتنا، علهن يجدن فيه قبلة حلول مشاكل المرأة، ومشاكل الرجل، على سواء.
| |
|
|
|
|
|
|
|
|
Re: حاشاها من نقص العقل (Re: Yasir Elsharif)
|
أخونا محمد عبدالله مختار سلامات و لعلك طيب الدراسات الإستشهدت بيها دي ليس لها علاقة أبداً بالموضوع المطروح.
الدراسات دي بتقارن بين القدرات الذهنية للمرأة الحامل او التي تعاني الآم الدورة بالمرأة نفسها في غير هذه الحالات. بمعنى أنها مقارنات للمرأة نفسها في ظرفين مختلفين. و ليست مقارنة بين ذاكرة المرأة التي لها نصف شهادة الرجل و ذاكرة الرجل.
توجد دراسات تقارن بين ذاكرة الرجل و المرأة و أغلب الدراسات دي غير قاطعة لكن ممكن نقول إنو في إختلاف بين الرجل و المرأة في استراتيجيات ترميز المعلومات و تخزينها و إستدعائها و بالتالي فربما تكون ذاكرة المرأة أفضل من ذاكرة الرجل في تذكر أشياء معينة و ذاكرة الرجل افضل في تذكر أشياء تانية. مثلاً بعض الدراسات وجدت إنو ذاكرة المرأة تفوق ذاكرة الرجل في كفاءتها في تخزين و إستدعاء المعلومات اللفظية بينما ذاكرة الرجل تفوق ذاكرة المرأة في المعلومات البصرية المتعلقة بالأماكن.
جميع الدراسات دي تتحدث عن الرجل و المرأة في مجتمعات محددة تتيح للجنسين ظروف نشأة نفسية و عقلية و إختلافات دوافع و فرص تجارب و تعلم محددة و بالتالي لا يمكن تعميمها على مجتمعات أخرى تختلف عنها في نسقها.
أقصد أنه حتى لو أجمعت الدراسات اليوم على تفوق ذاكرة الرجل على المرأة فإن ذلك لا يثب أن السبب في هذا الفرق هو إختلاف الطبيعة البيولوجية بين النوعين و ربما يكون السبب هو الظروف التى اوجدها المجتمع و بالتالي قد تختلف النتائج لو أجريت الدراسة في وقت آخر او على مجتمع بظروف مختلفة.
| |
|
|
|
|
|
|
|
|
|
Re: حاشاها من نقص العقل (Re: Hafiz Bashir)
|
شكرا لمحمد مختار، المستنيرة فردوس، الدكتور ياسر الشريف والمستنير حافظ،
على اثراء النقاش
وبرضو شكر خفيف لمنتصر والرضعان على التواجد ببوستات الاستنارة "الجد جد"
| |
|
|
|
|
|
|
|
|
|
Re: حاشاها من نقص العقل (Re: أبوبكر عباس)
|
| Quote: شنو رأي المستنيرة فردوس في موضوع حق الرجل في ضرب زوجته؟ |
يعني لازما نقراهو تاااني يا حفار ؟
المهم قرات فيما قرات تفسير حول معنى نقص العقل المنسوب للمرأة يخالف المشاع ..
يستند إلى المعنى اللغوي الذي كان سائدا لمعنى العقل بين العرب منذ الجاهلية ..
العقل لغة الحبس والقيد والمنع عن الحركة للانعام ..
وعلى ذلك جاءت المصطلحات ..
فسميت الدية عقلا ومعقلة حيث قيل (القوم على معاقلهم الأول) ..
وعرف وعي الإنسان وحجاه بالعقل ..
والعقيلة هي الأرملة لكونها تحبس بعد وفاة زوجها ..
على ضوء ذلك فإن نقص العقل المراد به نقص نصيبها من الميراث ..
حيث كان الغالب في مواريث العرب بحكم طبيعتهم الرعوية آنذاك هو معاقلهم / انعامهم.
| |
|
|
|
|
|
|
|
|
|
Re: حاشاها من نقص العقل (Re: محمد عبدالله مختار)
|
| Quote: الدراسات دي بتقارن بين القدرات الذهنية للمرأة الحامل او التي تعاني الآم الدورة بالمرأة نفسها في غير هذه الحالات. بمعنى أنها مقارنات للمرأة نفسها في ظرفين مختلفين. و ليست مقارنة بين ذاكرة المرأة التي لها نصف شهادة الرجل و ذاكرة الرجل. |
عزيزي حافظ بشير لك التحية .. يبدو انك ما فهمت المقصد من هذه الدراسات وعلاقتها بنقصان العقل التي ذكرها الرسول صلى الله عليه وسلم ..
أنا أعي جيداً أن هذه الدراسات لمقارنة ذاكرة المرأة في ظرفين مختلفين لذا قصدت أن أأتي بيها .. وجود إمرأتين في الشهادة يعالج أن لو كانت إحداهن تمر بهذه الظروف والتي تشوش على ذاكرتها فتذكرها الأخرى وهذا الذي أعنيه أنا ولم أقصد قط المقارنة في الأحوال العادية بل أنني أؤمن أنه يمكن للمرأة في الأحوال العادية أن تكون ذاكرتها أفضل من ذاكرة الرجل .. أما إن كانت تمر بتلك الظروف فاللهم لا ..
من يقول بأن المرأة في حال الحمل وفي الدورة الشهرية تكون ذاكرتها كسائر الأيام فليراجع نفسه .. التجارب تثبت خلاف ذلك والآن الدراسات العلمية أيضاً تثبت خلاف ذلك
| |
|
|
|
|
|
|
|
|
|
Re: حاشاها من نقص العقل (Re: محمد عبدالله مختار)
|
غايتو (البيش) الفوق ديل (من بريطانيا) كمان جابوها واسعة .. قالوا دماغ المرأة بيتقلص (ينكمش) أثناء الحمل .. الغريبة فيهم (بيشة) إن صح التعبير 
Startling new scientific research suggests a woman's brain may actually shrink when she is pregnant.
The study followed regular complaints of memory loss among women before and after pregnancy.
The discovery was made by a group of anaesthetists and radiologists at the Royal Postgraduate Medical School in London.
Some women suffer from poor memory and concentration in the late stages of pregnancy.
Ground breaking research has now come up with an explanation - it's known as the shrinking brain phenomenon.
Doctors at the Royal Postgraduate Medical School in London studied brain scans of 10 healthy women.
The first were taken towards the end of pregnancy, the second six to eight weeks after delivery and the third up to six months later.
By comparing the images, the team found that as the women's bodies returned to normal, their brains increased in size.
| |
|
|
|
|
|
|
|
|
|
Re: حاشاها من نقص العقل (Re: محمد عبدالله مختار)
|
| Quote: ولا يهمك يا ستي ده رابط الدراسة العلمية |
دي علي منو 
على منو التذاكي .. وين كان المصدر ده لما جبت ال CNN ...
لكن كويس أهو بديت تفتش في العلمية برضك حاجة كويسة!
ثم
قلت ليك قبيل يفرق كتير نوع البحث و الأبحاث " خشم بيوت " أو كما يقال.
عارف شنو يعني anecdotal or based on self-report أو شنو يعني reproducible!
ثم قلت لي
| Quote: أخدي راحتك في القراية وأتمنى ما تستعجلي (كالعادة) |
كالعادة قلت هههه
ياخ العادة عندك أنت ... تشيل طرف الموضوع و تجيب أبحاث تعتقد في علميتها زي ما عملت في البوست بتاعك
ثم تجي فرحان بال pseudoscience ال جايبه معاك و سرعان ما تُفاجأ بواقع العلمية ...
أرجع لي بوستك اللي ما رجعت ليه تاني و شوف نهاية علميتك و أبحاثك ال بهناك :)
و قديماً قيل ال خلى عادته قلت سعادته هههه
أما باقي مداخلتك لا تستحق الرد ...
| |
|
|
|
|
|
|
|
|
|
Re: حاشاها من نقص العقل (Re: فردوس جامع)
|
| Quote: على منو التذاكي .. وين كان المصدر ده لما جبت ال CNN ... |
مافي تذاكي ولا حاجة .. إفترضت إنو أي زول بيعرف قوقل ، يعني أديت الناس طرف الخيت وأي زول ممكن يبحث ويتأكد لكن خيبتي ظني واضطريت أمشي أجيب ليك الرابط المباشر للدراسة (البيش) .. أها رايك شنو هسي هل الدراسة دي بيش وهل هي الدراسة الوحيدة في العالم ؟؟ ممكن تجاوبي أو ممكن تعملي رايحة ما بعصر عليك والله :)
بعدين ديل هينين ، عليك الله الحقي البيش بتاعين بريطانيا ديل ، ولا برضوا ما بيستحقوا الرد ؟؟
تحياتي
| |
|
|
|
|
|
|
|
|
|
Re: حاشاها من نقص العقل (Re: محمد عبدالله مختار)
|
بيش دي حاولت ألمح ليك بيها هنا
عارف شنو يعني anecdotal or based on self-report أو شنو يعني reproducible
لكن شكلك ما عارف معنى الكلام ده
ثم لا يستحق الرد دي من باب الرد على مكنة السلفية المحفوظة ...
نفس الكلام و الملامح و الشبه ... و أنا أصلا ما برد على هطرقات زي دي ... معليش ;)
| |
|
|
|
|
|
|
|
|
|
Re: حاشاها من نقص العقل (Re: فردوس جامع)
|
يا أخت فردوس ما تاخدي المسألة بصورة شخصية ولك مني كل الإحترام والتقدير .. لكن لا يعني هذا أن أجاملك وأقول أن المرأة لا تعاني من مشاكل في الذاكرة في فترة الحمل وبعد الولادة .. هذه حقائق علمية يمكنك أن تأخذيها أو يمكنك أن تتركيها وأنت حرة في ذلك .. وعشان ما تمسكي في الموضوع الشخصي يا زولة أنا زول مزارع ساي لا بعرف anecdotal or based on self-report يعني شنو ولا بمشي قوقل أبحث عنها ، فاشنو أنسيك مني أنا وممكن تعتبريني زول جاهل ..
خلينا هسي معا العلماء بتاعين بريطانيا ديل القالوا دماغ المرأة بيتقلص أثناء الحمل وتأثير المسألة دي على الذاكرة ..
رايك شنو في المسألة دي (بوضوح) .. هل دي دراسات (بيش) ولا كلام علمي ؟؟؟
| |
|
|
|
|
|
|
|
|
|
Re: حاشاها من نقص العقل (Re: محمد عبدالله مختار)
|
تصدق أنا ما ماخدة الموضوع شخصي البتة...
يبدو إنك إنت عندك مشكلة في إحساسك بدونية المرأة و تقييمك للمرأة ...و معليش للوضوح لكن لا تنتمي لعصرنا (زي السلفيين كده)...
سألتني من رأيي ...
رأيي إنها بيش.. ليه
عشان الدراسة تكون credible و يؤخذ بها لازم تكون reproducible ...
ممكن يكون هناك آلاف الدراسات بطرق مختلفة concluded آي حاجة ما ضروري ذاكرة المرأة ... و ما reproducible لا يُلقى لها بالاً!
و مافي زول حيعمل ليها citation لو في ورقته أو في محفل علمي لأنه حيكون أُضحُوكة..
و السلام و التحية
| |
|
|
|
|
|
|
|
|
|
Re: حاشاها من نقص العقل (Re: فردوس جامع)
|
أبدأ والله ما عندي أي (عقد) أو إحساس بدونية المرأة .. وفي البوست الحاضر ده أنا كتبت إنو المرأة في الأوضع العادية ممكن ذاكرتها تكون احسن من ذاكرة الرجل ..
هل جاك الإحساس ده لأني مؤمن بقول الله عز وجل : (فإن لم يكونا رجلين فرجل وامرأتان ممن ترضون من الشهداء) بالتالي في موضوع الشهادة (الخاص بهذه الآية) تكون شهادة المرأتين بشهادة الرجل ؟؟
هل الإيمان والتصديق بالقرءان يعتبر عندك تنقيص من حق المرأة ؟؟ وهل الإيمان بالقرءان يجعلني لا أنتمي (لعصركم) ؟؟
بوضوح أكتر وعلى بلاطة كده هل بتعتبري إنو ربنا ظلم المرأة ؟؟؟ وهل إنتي زي بعض الأعضاء الهنا البيؤمنوا بإن الإسلام (دين ذكوري) وإنو إنتاج (عربي) ؟؟
دي مجرد تسائلات مني وليست أحكام عايز أفهم من وين جاكي إحساس إني بنتقص من المراة عشان أقدر أتفاهم معاك ..
ثم ثانياً يا أختنا هل لمن أقول إنو المراة عندها مشاكل في الذاكرة في فترة الحمل وما بعد الولادة طوالي يتم تصنيفي على إني عدو للمراة ؟؟
طيب بالفهم ده الجماعة بتاعين بريطانيا ديل ألد أعداء للمراة بما فيهم المرأة المشاركة في الدراسة دي زاتها .. ولا كيف ؟؟
أخيراً جاييك بإذن الله في موضوع إنو الدراسة بتاعة البريطانيين دي طلعتيها (بيش) هكذا بهذه البساطة ، الساعة الآن الواحدة صباحاً وانا شغال بكرة من الفجر إن شاء الله
| |
|
|
|
|
|
|
|
|
|
Re: حاشاها من نقص العقل (Re: فردوس جامع)
|
عزيزي محمد عبدالله مختار
سلامات
ياخي مشكلة دراستك إنها لم تقارن التغيير البحصل في ذاكرة المرأة بالتباين الطبيعي بين الأفراد في قوة ذاكرتهم.
و لو إنت قريت الدراسة بتاعة هنري و رندل الجبنها دي بتلقى إنهم وصفوا التغيير في الذاكرة بسبب الحمل بأنه طفيف جداً لدرجة أنه يصعب قياسه.
و هو تغيير صغير جداً إذا قورن بالفروقات العادية في قوة الذاكرة عند الناس العاديين.
يعني وين المنطق في إنك تعتبر شهادة أي رجل شهادة كاملة رغم إنو بعض الرجال ذاكرتهم تقل عن المتوسط ب 40% و بعضهم تزيد عن المتوسط ب40% و في نفس الوقت تعتبر شهادة المرأة نصف شهادة الرجل لأنها في وقت الحمل ذاكرتها بتقل بنسبة 2 - 3% مما هي عليه قبل الحمل؟
| |
|
|
|
|
|
|
|
|
|
Re: حاشاها من نقص العقل (Re: Hafiz Bashir)
|
موضوع شهادة المرأتين دا ورد في قصة الدين
بصرف النظر عن قصة ذاكرة وناقصات وخلافه
كيف انتقل موضوع الشهادة في (ديون) عشان يتعمم على كل الشهادة.
يعني في الجرايم والحاجات التانية شهادة المرأة كيف؟
| |
|
|
|
|
|
|
|
|
|
Re: حاشاها من نقص العقل (Re: Hafiz Bashir)
|
موضوع شهادة المرأتين دا ورد في قصة الدين
بصرف النظر عن قصة ذاكرة وناقصات وخلافه
كيف انتقل موضوع الشهادة في (ديون) عشان يتعمم على كل الشهادة.
يعني في الجرايم والحاجات التانية شهادة المرأة كيف؟
| |
|
|
|
|
|
|
|
|
|
Re: حاشاها من نقص العقل (Re: الصادق اسماعيل)
|
مولانا الملك
التخريج اللغوي فيهو اشكالية ، العربية كلغة لها قواعد ونحو وبلاغة
لاحقة للتنزيل وليست سابقة ، فقواعداها اجتهاد بشري وغالبا من افراد
غير عرب ، واللجو للتخريج اللغوي يرفع البشر لمرتبة الالهة والعكس
| |
|
|
|
|
|
|
|
|
|
Re: حاشاها من نقص العقل (Re: مني عمسيب)
|
| Quote: و مافي زول حيعمل ليها citation لو في ورقته أو في محفل علمي لأنه حيكون أُضحُوكة.. |
ديل مجموعة من الباحثين (أضحوكة) عاملين سايتق للآرتكل البيش في الآرتكلس البيش حقتهم ..
_______________
جايي راجع إن شاء الله ..
| |
|
|
|
|
|
|
|
|
|
Re: حاشاها من نقص العقل (Re: محمد عبدالله مختار)
|
أنا رأيي انو ربنا عز وجل لم يظلم لا الرجال ولا النساء بل كرم الإنسان كما في قوله عز وجل (وَلَقَدْ كَرَّمْنَا بَنِي آدَمَ) ولم يقل الله عز وجل أنه كرم الرجال .. حاشا لله تبارك وتعالى أن يظلم أحداً وهو الذي حرم الظلم على نفسه .. ثم انو ربنا ميز الرجال بأشياء وميز النساء بأشياء وأمر بعدم تمني ما فضل الله الآخر به ، قال تعالى : (وَلَا تَتَمَنَّوْا مَا فَضَّلَ اللَّهُ بِهِ بَعْضَكُمْ عَلَىٰ بَعْضٍ ۚ لِّلرِّجَالِ نَصِيبٌ مِّمَّا اكْتَسَبُوا ۖ وَلِلنِّسَاءِ نَصِيبٌ مِّمَّا اكْتَسَبْنَ ۚ وَاسْأَلُوا اللَّهَ مِن فَضْلِهِ ۗ إِنَّ اللَّهَ كَانَ بِكُلِّ شَيْءٍ عَلِيمًا) ..
يعني ناخد كمثال وفي موضوع الدماغ الكنت بتكلم عنو ده ، ربنا ميز المرأة بعقل يستطيع التفكير في عدد من المواضيع في وقت واحد وفهم عدد من المواضيع من عدة مصادر في وقت واحد وممكن تنفذ عدد من المهام في وقت واحد أما نحن الرجال فإن تحدثنا في الجوال فإننا نعجر عن إستيعاب أي موضوع آخر .. يعني لو في زول اتكلم معاي أثناء ما بتكلم في الموبايل ما بقدر أركز في الموضوعين في وقت واحد يا أفصل من الجوال واسمع الزول ده بيقول لي في شنو ويا أبقا نص نص أركز شوية هنا وأركز شوية هنا .. دي بالتجربة ودي حقيقة علمية ما عندي ليها دراسات لكنها مسألة معروفة .. أختي الكبيرة قالت لي ممكن تتكلم في الموبايل وتكون سامعة ونسة صاحباتها ومستوعباها وسامعة الكلام الفي التلفزيون .. إني آآآآآآآآآآمنت بالله ده عند الرجال من سابع المستحيلات ..
أها يا جماعة ده ربنا عز وجل ودي حكمتو نسوي شنو يعني نقول ما عندنا قصور في الحتة دي ؟؟ ده يبقى إسمو تكبر وتبقى عقد نفسية ما أكتر ..
نفس الكلام بينطبق على النساء .. مثلاً ربنا أدى الرجل قوة جسدية أكبر من المرأة ، ما أعتقد دي دايرة دراسات ، هل لمن نقول إنو الرجل جسدياً أقوى من المرأة تعتبر دي إهانة للمرأة ؟؟
اتذكر زمان في واحدة جندرية مليانة عقد نفسية قالت لي كيف تقول كده إنت مستهدف النساء هههههههههههههههه
وإستدلت لي بي زولة خواجية ما متذكر إسمها منو بتدق الرجال .. قلت ليها انتي ماشه للخواجات ليه ؟ والله عندنا جارتنا البعيدة كانت بتدق راجلها حتى يستنجد بالجيران :) والله جد
هسي أنا متأكد الجماعة البيقولوا ليك المساواة بين الرجل والمرأة لو منهم إمرأة ركبت المواصلات ومافي زول قام ليها حا تعتبر الشهامة والرجالة إنتهت والرجال ماتوا في كرري و .......
والله المستعان ..
| |
|
|
|
|
|
|
|
|
|
Re: حاشاها من نقص العقل (Re: محمد عبدالله مختار)
|
ايي نعم أضحوكة ماهو انت جيت عامل citation لل CNN
في مشكلة في الارضيّة هنا
ماعندنا أرضية مشتركة للحوار للأسف النقاش معاك futile
مافرقت يا محمد لو عملوا ليه citation ألف مرة دي أصلاً ما مهمة بعدين العاملين
ال citation فيهم اللافحها زي حالتك دي قوقلة سريعة وخلاص...
وفيهم ال عاملها بفهم دي ما نقطة خلافي
ثم ليس كل ما يلمع ذهباً ...
ايي زول ممكن يلفح ايي حاجة و السلام وده ما بيجعل البحث highly credible ويؤخذ
به يؤخذ به دي يعني يعملوا بيه توصيات في ال medical associations
عليك الله ما تتعب روحك ساي يبدو انك ما منطلق من ground علمية صلدة تلفح و عايز تغالط
ف ما تضيع زمنك ساي ...قوقل ما حيقنعني و حتتعب بالنقل...
أتمنى لو في زول عنده زمن يجي يشرح ليك الكلام ده...
فتك بألف عافية و ألاقيك في لفحة قادمة ...
شكلها حتكون مؤسسة أكثر بعد الدروس المكثفة دي هههه..
إتذكر انه قوقل فيه الخبيث والطيب و جهز أدواتك عشان تعرف ياتو الطيب
عشان غلاطك يكون بفهم 😉
| |
|
|
|
|
|
|
|
|
|
Re: حاشاها من نقص العقل (Re: فردوس جامع)
|
| Quote: فتك بألف عافية و ألاقيك في لفحة قادمة ... |
ههههههههه اتوقعت كده والله :)
قلتي لي العاملين سايتيشن لافحنها ؟؟ انتي زولة تحفة والله .. شفاك الله من داء الكِبْر والغرور
| |
|
|
|
|
|
|
|
|
|
Re: حاشاها من نقص العقل (Re: محمد عبدالله مختار)
|
وجعتني مغرورة ومتكبرة دي...
والله صحي ال مابيعرفك بجهلك.
تصدق أنا أبعد ما يكون من أوصافك دي و بشهادة كل من عرفني ولا فخر ( مضطرة)!
ثم والله أنا أمقت المتكبرين...أصحاب الأبراج العاجية منذ نعومة أظافري فكيف لي أن أكون واحدة منهم؟
بس الكتابة ما موصل جيد للشخصية .
غايتو اللهم أجعلني زولة عادية جداً تمشي بين الناس وتسعد الناس بوجودها.
أخيراً
سؤال واقف لي في حلقي هههه
في عصرنا هذا ممكن جداً نعرف إذا كانت المرأة حاملة أم لا ....
طيب هل ممكن أن تشهد المرأة بشرط إنها تجيب براءة عدم حمل من الطبيب ( إذا فرضنا جدلاً إنه السبب الذاكرة أيام الحمل)
شكراً
التوقيع
واحدة ناقصة عقل ودين ( عند اللزوم .. اللزوم دي الحمل ولاما كدي)😉
| |
|
|
|
|
|
|
|
|
|
Re: حاشاها من نقص العقل (Re: فردوس جامع)
|
انا برضو جاني شعور من خلال ردودك واستهزءك
انك مغرورة ومتكبرة
الراجل بتناقش معاك بكل اريحية وبدون زعل
وانت شغاله فيهو كانو انسان تافه لا يعقل اي شئ
قليل من التواضع ولو ما فاهم اشرح ليهو
ولو غلبك وما قدر يفهم اتركي النقاش
| |
|
|
|
|
|
|
|
|
|
Re: حاشاها من نقص العقل (Re: ابراهيم عبد الوهاب)
|
الأخ محمد عبدالله مختار
سلامات
أنا مازلت في إنتظارك لو أنك قريت الورقة بتاعة هنري و رندل الجبنها دي عشان توريني ما إذا كانت الورقة قد خلصت إلى فرق بين ذاكرة المرأة و المرأة الحامل يختلف في مقدراه عن الفرق بين ذاكرة أي رجل و رجل آخر؟
____________
يا الصادق و أبو بكر
شهادة المرأة المنفردة لا تقبل إلا فيما يتعلق بالولادة و الإرضاع.
في الحدود و القصاص ليس للمرأة شهادة لا منفردة و لا مع رجال على رأي جمهور الفقهاء.
أجاز الكوفيون الأحناف قبول شهادة المرأة المنفردة فيما يتعلق بالزواج و الطلاق.
في التعاملات المالية ليس للمرأة شهادة منفردة و إن تعددت ما لم تجيزها شهادة رجل.
| |
|
|
|
|
|
|
|
|
|
Re: حاشاها من نقص العقل (Re: Hafiz Bashir)
|
لكم التحية اخواتي واخوتي ...
لو سمحتوا -ن . دايراكم تكتبوا كل السور القرانية
المتعقلة بالمرأة .
بالمناسبة :
امبارح كنت بسمع في سورة سيدنا يوسف تصدقوا السورة دي اوقفتني
كتيير ! بوريكم اوقفتني ليه !
بجيكم صادا .
| |
|
|
|
|
|
|
|
|
|
Re: حاشاها من نقص العقل (Re: مني عمسيب)
|
نقطة الصادق جديدة؛ تستحق التأمل
----------------------------------------
المستنير
كيفك، أنا ممكن استوعب الحكاية دي في الدين إنه يشهد عليه راجل ومرتين
والمرة لو نست التانية ممكن تذكرها (تقول ليها تذكري داك ما يوم كنتي لابسة التوب
الجابوه ليك اخوك من قطر وشحدتك له لي عرس حنان وأبيتي ما تديني ليه) فتتذكر المرأة الأخرى.
لكن في جريمة كتل، تقوم المرة المؤمنة تقول للمرة الضالة (كيف ما كتلوا كدي اتذكري شوية لمن جينا
داخلين مش لقيانهو شايل سكينو وقاعد يجقد في الراجل)ن فالمرة الضالة تتذكر وتقول (بالحيل)
موقف القاضي شنو؟ هل يقبل شهادتها بعد (نسيانها وضلالها)؟
غايتو موضوع يجههجه باكات المسلمين المتعلمنين ومعاهم التوفيقيين وثلة من الجمهوريين والترابيين
| |
|
|
|
|
|
|
|
|
|
Re: حاشاها من نقص العقل (Re: الصادق اسماعيل)
|
شوفو ,,
الكلام ده كلام ربنا ,, وكلام ربنا مافيهو سيرة لى نقصان عقل ولا نقصان كراع ,, الشايف انه المفسِّرين فسَّروا كلام ربنا غلط اليجى يقول لينا التفسير الصاح شنو وعلى العين والراس نقبل رايه اذا كان صحيح. والشايف انو ربنا ظلم النسوان وعنده اعتراض على كلام ربنا يا يمرق
من ملك ربنا وكت شايف انه ربنا ماعادل (سبحانه) ويمشى يطلب لجؤ
فى حته الله ماعنده فيها حكم ,, والداير يكفر وما عاجبو الدين بتاع ربنا
كمان يندمس يقعد مافى زول ساعلو طالما سابنا وساب ديننا فى حاله
الداير يكفر اليكفر بس مايقعد يطعن فى دينا ,, الواحد وكت يمرق من الدين تانى البخليهو يشغل نفسه بيهو شنو ولَّ باقيلو حار؟
| |
|
|
|
|
|
|
|
|
|
Re: حاشاها من نقص العقل (Re: أبوبكر عباس)
|
عزيزنا الفاضلابي
سلام
كلام ربنا ما عندنا عليهو إعتراض لكن خايفين ربنا ذاتو يوم يسألنا و يقول لينا: "كيف عرفتو و إتأكدتوا إنو الكلام داك كان كلامي بدون ما تختبروهو و تمحصوهو بعقولكم الأديتكم ليها دي؟ و فرقكم شنو من عبدة الأصنام الذين ساروا في مسار من قبلهم و أخلصوا في السير بدون تفكير؟"
| |
|
|
|
|
|
|
|
|
|
Re: حاشاها من نقص العقل (Re: Hafiz Bashir)
|
كيف يا مستنير حافظ، عقولنا دي ممكن توصلنا إنّو x من الكلام تم فحصو وتمحيصو بواسطة العقل إنّو جاي من ربنا؟
لو سمحت، ممكن تدلل لينا بأمثلة
كبياض للغلاط
أنا بقول:
الفحص والتمحيص لا يثبتان نسبة الكلام لله
---------
أعتقد إنّو م سليمان براقب في الحوار ويركز عليك وفردوس
| |
|
|
|
|
|
|
|
|
|
Re: حاشاها من نقص العقل (Re: أبوبكر عباس)
|
يا فاضلابي سلامات
حسب الايات والتفاسير وقياس العقل والمنطق المرأة مظلومة في الموضوع دا ظلم واضح
يبقى عليكم ايجاد مخرج ينفي عن الله صفة الظلم واول خطوة للدفاع
مفترض تكون في اتجاه تغيير التفاسير القديمة العملت من الاسلام دين ذكوري
عشان كدا انت المطالب بجلب تفاسير تقنع الكفار ديل بانو اله القرآن عادل ولا يظلم احد
وهم غير مطالبين بجلب اي تفسير لانهم كونو فكرتهم بناءً على التفاسير الانت بتدافع عنها
الموضوع شائك جداً وما بنفع معاهو اي تشنج ولا ينفع معاهو الايمان الاعمى دون وعي ودون منطق
تحياتي
| |
|
|
|
|
|
|
|
|
|
Re: حاشاها من نقص العقل (Re: Hafiz Bashir)
|
| Quote: بحبوكم ودايرنكم تضوقوا حلاوة الكفر |
حلاوة الكفر دى اصلها حلاوة مولد ؟ حلاوة الكفر وحلاوة المعصية بنات عم شَقَقَا والضاق دى بعرف طعم ديك ,, فوفِّر حبك لى اليوم اللسوَد. بعدين ياخ نحن سعيدين بحلاوة الإيمان وحلاوة الكفر بتعمل لينا حساسية فإذا كنت بتحبنا ما تقَدِّم لينا حاجة بتعمل لينا حساسية .
| Quote: هو بلا تقديس التفاسير الجاب المشاكل شنو؟؟؟ |
ياهيثم ياخ انا ماقلت نقَدِّس التفاسير ,, انا قلت العندو تفسير احسن من البنعرفو يجيبو لينا بدل ,, فمثلاَ لو جاء واحد قال لى الآية دى ربنا اراد بها كذا وكذا وجاب ادلته وبراهينو ماالمانع ان نأخذ بفقهه؟
لكن تجى تقول لى الآية دى فيها ظلم على النساء فانت تمثِّل الله سبحانه وتعالى بالحكَّام البشر وكانك تراه عمر البشير يبدو له حكماً فيثبت التطبيق خطئه فيعدل عنه الى حكم آخر ,, والبداء فى حق الله مُحال.
| Quote: كيف عرفتو و إتأكدتوا إنو الكلام داك كان كلامي بدون ما تختبروهو و تمحصوهو بعقولكم الأديتكم ليها دي؟ و فرقكم شنو من عبدة الأصنام الذين ساروا في مسار من قبلهم و أخلصوا في السير بدون تفكير؟" |
بلحيل ياحافظ تَدَبُّر كلام الله واجب ,, حثنا الله عليه فى قوله: (افلا يتدبرون القرآن ....) ولكن قضيتنا مع الذين يظنون انهم أكثر عدلاً من الله ,,, فهؤلاء نقول لهم ان كنتم تؤمنون بالله فارضوا بحكمه وان لم تؤمنوا به فانتم غير مخاطبون به فاتركوننا وايماننا ,, فمثلاً عندما يقول ربنا سبحانه وتعالى: (إن الصلاة كانت على المؤمنين كتاباً موقوتا) فما يجينى واحد غير مؤمن بالله ويناقشنى فى الصلاة عشان يثبت لى انها ماعندها فوائد ومافيها حكمة ,, انت اصلاً غير مؤمن بالله بتناقش فى حكم من احكامه لى شنو ,, اللهم الا ان كان يبحث عن الحق فهنا من واجبك ان تجيبه ان كنت تعلم الجواب ,, وإذا كان عاوز يناقر عشان يسفِّه لى دينى فهذا مالانقبله اما ان اعتزلنا فلم يطعن فى ديننا ولم يظاهر علينا احداً فهو وشأنه مع كفره خليهو يعوس فى عواستو والكُوَك بتبين عند المَخَادة يوم القيامة.
| |
|
|
|
|
|
|
|
|
|
Re: حاشاها من نقص العقل (Re: حيدر حسن ميرغني)
|
| Quote: يا فاضلابي سلامات حسب الايات والتفاسير وقياس العقل والمنطق المرأة مظلومة في الموضوع دا ظلم واضح يبقى عليكم ايجاد مخرج ينفي عن الله صفة الظلم واول خطوة للدفاع مفترض تكون في اتجاه تغيير التفاسير القديمة العملت من الاسلام دين ذكوري عشان كدا انت المطالب بجلب تفاسير تقنع الكفار ديل بانو اله القرآن عادل ولا يظلم احد وهم غير مطالبين بجلب اي تفسير لانهم كونو فكرتهم بناءً على التفاسير الانت بتدافع عنها الموضوع شائك جداً وما بنفع معاهو اي تشنج ولا ينفع معاهو الايمان الاعمى دون وعي ودون منطق تحياتي |
اهلين هيثم
ياهيثم اول شيئ انا لامتشنِّج ولا حاجة ,, بالذات مع بكور ده ماقاعد اتشنَّج ,, لانو بكور ده زول لذيذ وفوق ده مستنير بنور الكفر
وضايق حلاوتو وقال عاوزنا نضوقا معاهو علا قلنا ليهو كتَّر خيرك بتعملنا حساسية وكان بتحبنا اعفينا منها وكان ماداير حلاوتنا مابنغسِبك عليها.
اها نرجع لى كلامك الداير تغيِّر بيهو قانون الاثبات ده:
انت بتقول حسب قياس العقل ,, ياتو عقل العقل الذى قَدر الله حق قَدره وسلَم له بانه العدل المطلق ,, ولَّ العقل اللى قايل ربنا ده مدرِّب برشلونة
فى كل مباراة يغيِّر الخطة ؟ {سبحان الله وتعالى} إذا كان ربنا قال عن نفسه : وماربك بظلَّام للعبيد ,, وقال : ولايظلم ربك
احدا وانت جاى تقول لى النص فيه ظلم للنسوان ,, فانت هنا كأنك تقول لله ها انت يارب قد ظلمت النسوان فى الآيات كذا وكذا
فيبقى قولك انك غير ظالم دعوى باطالة {تعالى الله عن ذلك علواُ كبيرا} يبقى وين العقل هنا؟ واى عقل هذا يا هيثم ؟
الامر الآخر ياهيثم انتم من اقمتم الدعوى على النصوص وورد فى دعواكم ان هذه النصوص ظالمة ومعروف ان المظلوم هو من يقيم الدعوى
فهو المدَّعى وعليه اثبات مايدَّعيه لا أن يقيم دعوى لا اثبات له عليها ولترقيع دعواه يطالب المدعى عليه اثبات ان النصوص ظالمة .
فقبل أن تنقل الىَّ عبء الاثبات أثبت دعواك اولاً ,, وانا لوكنت قاضياً لشطبت دعواك من اول جلسة ,,
اولاً لانها صادرة من غير ذى صِفة فانت رجل النص موضوعه شهادة المرأة ,, ثانياً لان موضوع الدعوى متعلَّق بالإيمان ولاجبر عليك فى ان تؤمن او تكفر
يبقى مافى ظلم واقع عليك اذا فى مرأة شايفة نفسها مظلومة بنصوص القرآن وبالاسلام مافى زول جابرا عليهو التمشى تشوف لها دين دين تانى مافيهو ظلم عليها
وكان خافت يعكشوها ويقولوا ليها انتى مرتدة عندها حلَّين يا تلزم ناس حقوق الانسان وميثاق الامم المتحدة وديل ببقوا ليها درقة فى الدنيا ومابتجيها عوجة طاب ,,
ياتحتج عليهم بمن شاء فليؤمن و من شاء فليكفر وكان قالوا ليها من بدَّل دينه فاقتلوهو التقول ليهن ده اذا انا بدَّلت دينى واتَّلحت دينكن ,,
ثم تقول ليهن انتوا زاتو القال ليكن انا اصلاً كنت مسلمة منو ,, انا مساسقتى الكنتو بتشوفوها على المسجد دى كانت مجاملة لى صاحباتى
لكن انا عمرى ماكنت مسلمة يبقى مافي ديناً بدَّلته. وكان كمان كان عاجبها التقعد زول طارِدا منه مافى والـ تاخدوا كـ باكِج.
الاسلام ده ما صينية سماية تقعد تعزِّل فى اللَّكل البعجبك ,,
هسع انت والمستنير ده ماتراكن مبدلين دينكن وبتمشوا السودان وبتجوا زى العجب فى زول قال ليكن تلت التلاتة كم ؟
| Quote: واول خطوة للدفاع مفترض تكون في اتجاه تغيير التفاسير القديمة العملت من الاسلام دين ذكوري عشان كدا |
انت ياهيثم ياخ مشكلتك مع التفاسير ولَّ مشكلتك مع كلام الله زاتو؟ انت كلام الله زاتو قلت ظالم , يعنى التفاسير مهما قلت عنها الغريب شنو؟
| Quote: انت المطالب بجلب تفاسير تقنع الكفار ديل بانو اله القرآن عادل ولا يظلم احد وهم غير مطالبين بجلب اي تفسير لانهم كونو فكرتهم بناءً على |
طيب ما فى كفار بالآلاف اقتنعوا بدون مانجيب ليهن تفاسير على مزاجهم واكتفوا بالتفاسير المابيها انت دى.
تعرف ياهيثم بتذكرنى زميل دراسة اسمه الشيخ كنا فى لجنة امتحان فى كلية الحقوق جاره فى الامتحان سأله
عن اجابة سؤال فاعطاه الشيخ اجابة فرد السائل قال للشيخ الاجابة دى غلط ,, الشيخ قال ليهو طيب الصاح شنو؟
قال ليهو انا ماعارف . الشيخ قال ليهو طيب انت لا عارف الصاح ولا داير الغلط ,,
مش احسن يا هيثم ماتسلِّموا ورقتكم فاضية ,, على الاقل يدُّوكن نِمَر المحاولة؟
| |
|
|
|
|
|
|
|
|
|
Re: حاشاها من نقص العقل (Re: عبدالعزيز الفاضلابى)
|
| Quote: كيف يا مستنير حافظ، عقولنا دي ممكن توصلنا إنّو x من الكلام تم فحصو وتمحيصو بواسطة العقل إنّو جاي من ربنا؟ لو سمحت، ممكن تدلل لينا بأمثلة كبياض للغلاط أنا بقول: الفحص والتمحيص لا يثبتان نسبة الكلام لله |
يابكور ,, فى كل الآيات الـ فيها {قل} سيدنا محمد ماحذفها وهو يبلغنا القرآن وهذا يشهد بأمانته.
فمثلاً الآية : {قل هو الله أحد} ليه سيدنا محمد ما قال : {الله أحد واكتفى؟} مش ربنا قال ليهو قل هو الله احد.
المنطق باع هيثم بقول انه سيدنا محمد يقول {الله أحد} ولو قالها كذلك لفُهِم منها انه خطاب بين الله ورسوله غير معنى به الناس ,,
لكنه خطاب للناس كافة فاوصله سيدنا محمد صلوات الله وسلامه عليه كما انزل عليه وهذه شهادة بأمانته.
مثال آخر:
ربنا لما اغرق فرعون قال:
فَالْيَوْمَ نُنَجِّيكَ بِبَدَنِكَ لِتَكُونَ لِمَنْ خَلْفَكَ آيَةً ۚ وَإِنَّ كَثِيرًا مِّنَ النَّاسِ عَنْ آيَاتِنَا لَغَافِلُونَ (92)
ومعروف ان الفرعون الى اليوم موجود فى مصر واثبتت الفحوصات العلمية انه هو الفرعون المقصود وانه مات غرغاً ,,
فمن اعلم محمد بذلك وهو الذى عاش فى جزيرة العرب فى بيئة امية ولم يجلس الى معلِّم؟
ان لم يكن اخبره الله فمن يكون يامستنير؟
| |
|
|
|
|
|
|
|
|
|
Re: حاشاها من نقص العقل (Re: عبدالعزيز الفاضلابى)
|
هسع انت والمستنير ده ماتراكن مبدلين دينكن وبتمشوا السودان وبتجوا زى العجب فى زول قال ليكن تلت التلاتة كم ؟
------------------------------
الفاضلابي تحياتي لك
منو القالك انا بدلت ديني ؟؟؟
هل كل شخص ناقش في امور الدين وكان له رأي مختلف يحسب انه بدل دينه؟؟؟
ارجو سحب هذا الاتهام او اثباته
الجزء التاني من مداخلتك حول التفاسير دا انت عاكس الموضوع
انا قلت ليك بي صورة واضحة انو فكرة وقوع الظلم على المرأة جاءت من التفاسير الانت بتدافع عنها وطالبت الناس يجيبو تفاسير تانية او ينطمو
اذاً تفاسير المفسرين القديمة هي الاشكال وهي السند لكل مدعي بان المرأة مظلومة وانت بتقول انها ما مظلومة فعليك انت تثبت العكس
لأن التفاسير القديمة اثبتت الظلم ارجو النظر الى تفاسير ومعاني المرأة ناقصة عقل ودين ، ابطال المرأة للوضوء ، شهادة الرجل تساوي شهادة اثنين من النساء
المرأة مكانها البيت وغير محبذ خروجها الى بشروط ، جواز زواج الرجل من اربعة نساء ، ولا خير في قوم ولوا امرهم امرأة ، صوت المرأة عورة وكل شبر من جسدها عورة... الخ
هذه كلها مقولات من احاديث وايات سمعناها في المساجد وتفاسيرها تثبت تماماً ذكورية الدين وذكورية الدين تعني علو الرجل على المرأة وهذا بدوره يثبت وقوع الظلم على المرأة
وانا كلامي كان واضح ان المشكلة ممكن تكون في التفاسير بالنسبة للايات اما موضوع الاحاديث اصلاً فيه قيل وقال.
يمكن وجود تفاسير اخرى كالتفسير الذي اورده حبيبنا ود المك ويمكن هناك غيرها المهم الناس تحاول تلقى مخارجة
والله يا فاضلابي ما اتوقعت انك تستخدم اساليب ناس محمد المصطفى ومزمل فقيري .. مثل جلبك لمثال غريب جداً كصينية السماية !!! على العموم باين ان رواد المدرسة دي اكتر مما ظننا
---------
قلت: مش احسن يا هيثم ماتسلِّموا ورقتكم فاضية ,, على الاقل يدُّوكن نِمَر المحاولة؟
----------------
هل دي دعوة للناق؟؟ هل هكذا هو فكر المسلمين .. اعمل فقط امكن بعدين تلفق..
يا حبيبنا الفاضلابي انا بكل امانة ابحث عن الايمان الصادق الذي لا مراء فيه
لذلك اطرح الاسئلة الجريئة والله وحده يعلم ما في النفوس
تحياتي
| |
|
|
|
|
|
|
|
|
|
Re: حاشاها من نقص العقل (Re: حيدر حسن ميرغني)
|
عزيز حافظ بشير ..
مشغول جداً لكن جاييك راجع إن شاء الله ، بس حبيت أقول حاجتين مهمات جدا ..
الأولى .. ربنا عز وجل حينما قال (أَنْ تَضِلَّ إِحْدَاهُمَا فَتُذَكِّرَ إِحْدَاهُمَا الأُخْرَى) دي مسألة محسومة وما محتاجة لي تفسير زاتو . بالنسبة لي أي زول يؤمن بالله عز وجل ببساطة ويصفه بالكمال المطلق يعرف أن هذا (حق) لا مراء فيه .. لا محتاج لي دراسات ولا غيرو ..
التانية .. خليك من ضعف الذاكرة .. بيحصل أحياناً فقدان مؤقت للذاكرة أثناء الحمل وبيعانوا من صعوبات في تذكر أو نطق بعض الكلمات بل إنو دي من أعراض الحمل الشائعة والمعروفة!!
عليك الله اقرا الريسلت بتاع الدراسة دي لغاية ما أجيك راجع بإذن الله ..
https://www.ncbi.nlm.nih.gov/pubmed/8476824
ثم يا عزيزي القصة ما الحمل فقط .. الدورة الشهرية تؤثر في ذاكرة المرأة ومزاجها وتصرفاتها وما اعتقد دي عايزة بحوث ودراسات .. وممكن يكون في حاجات تانية غير الحاجتين ديل أنا ما عارفهم لكن بلا شك الله عز وجل وهو الخالق قد أحاط بكل شئ علماً وحكمته أعظم من أن نحيط بها ..
تقبل عاطر التحايا
محمد
| |
|
|
|
|
|
|
|
|
|
Re: حاشاها من نقص العقل (Re: محمد عبدالله مختار)
|
الأخ إبراهيم
يمكن أكون زودت الململة هههه
لكن والله ما في آي قصد عدم تواضع حاصل... لكن في عدم زمن حاصل و عمق الموضوع بتاع أنواع الدراسات و تفرزها كيف (تحتاج لممارسة كمان)
بعدين أخونا محمد عبدالله بيدخل بمدخل علمي عشان يكتف المرأة أو يتم تكتيف المرأة بالعلم يعني ... قصده إنه الحديث يتوافق مع الآية و يتوافقوا الإتنين مع العلوم اليوم...
يله الكلام ده ما صحيح من آي ناحية تاخده ... ثم لو آي عاوز يكتفنا بالعلم ضروري يكون قدر الموضوع مش بطريقته دي!
أها أظن ململتي من تكتيفه لينا بالعلم دي كانت زايدة شوية و السبب إنه هو ما عنده آي إستعداد إنه يراجع فهمه بل بيمشي يخم من قوقل و يجي راجع...
ثم زي ما ذكرت فوق دي تاني مرة اتداخل معاه في مواضيع متقاربه و الموضوع فيها المرأة و وسيلة التكتيف هي العلوم!
غايتو ده بعتبره درس عشان قبل ما أرسل مشاركتي أحاول أقراها بعيون نقدية أو أعمل حاشية إنه الناس تبيض النية :)...
ثم لك و له الشكر ... لأنكم أهديتوني عيبي  و نبهتوني إنه المكتوب قابل لأكثر من تأويل نية صاحبه/ته و دي نقطة بختها في الحسبان إن شاء الله.
تقبل تقديري و إحترامي
| |
|
|
|
|
|
|
|
|
|
Re: حاشاها من نقص العقل (Re: فردوس جامع)
|
الأخ الكريم محمد مختار
أشرت لأنك قريت رأيي في مكان ما... و ختيت الدمغة بتاعتك الجاهزة عشان تصنفني.
أدعوك إنك تقراه تاني بحيادية إذا بتقدر ... بعقل مفتوح.
القرآن ملائم و مواكب طبيعة إنسان بادية الجزيرة العربية في ذلك الوقت (بعض مناطق العالم اليوم) إلى حد ما!
و الإسلام كرّم المرأة التي كانت توأد و أستنبط تعذب بمختلف صنوف العذاب عقاباً لها... نزلت الآية لسبب ما في ذلك الوقت ...
و ياريت لو كانت كل أسباب النزول واضحة ذي " قد سمع الله قول التي تجادلك في زوجها"
طيب لو كانت المرأة تُعاقب بأقسى أنواع العُقوبات و قالوا أضربوها طيب دي ما رحمة من الكريم و بداية جيدة في سبيل الوصول إلى عدم الضرب.
لكن توقفت عجلة القياس في الضرب و استنباط أحكام جديدة تواكب عصور مابعد ال 1400 لأنه الدين ذكوري حاله كغيره و مصلحة رجال الدين تقتضي بقاء الأمر كما هو!
حاله كحال آية مثنى وثلاث و رباع... نجي لي بعض مناطق العالم اليوم معظمنا سمع بقصة الطفلة (حينها) الأفغانية عائشة 12 عاماً أعتقد عندما قطع زوجها الطالباني أنفها و أُذُنيها!!!
أها بيئة زي دي أخير يضربوها من يقطعوها ... و هذا ماكان يحدث في تقديري في ذلك الوقت.
...................
سبق و أن فتحت بوست هنا فيه دعوة للتجديد في الإسلام أو لمفاهيم نصوص القرآن و تفسيرها بمعطيات اليوم لأنه حدثت مستجدات كثيرة جديرة بمراجعة فهمنا (أو فهم المفسرين) للقرآن.
كما جاء في الحديث...
حدثنا سليمان بن داود المهري أخبرنا ابن وهب أخبرني سعيد بن أبي أيوب عن شراحيل بن يزيد المعافري عن أبي علقمة عن أبي هريرة فيما أعلم
عن رسول الله صلى الله عليه وسلم قال ( إن الله يبعث لهذه الأمة على رأس كل مائة سنة من يجدد لها دينها ) أبوداود- الملاحم
من هذا الباب ... هل لنا بمناقشة أمور ديننا آخذين في الإعتبار التحديات العصرية.
تكتيف و تخويف من شاكلة
| Quote: يا فردوس بدون كرنرة أو غيرو أهو دا رايك في الإسلام (واضح) لقيتو في مداخلة لك في بوست آخر .. إنا لله ياخي |
غير مجدية مع المرأة اليوم...
و يا الفاضلابي (لعلك طيب) ...
ما بنمرق من الدين لكن بنحاول بإستماته تغيير الوضع ( ال حيتغير حيتغير ) شئتم أم أبيتم ... كلها مسألة زمن.
غايتو أنا بحاول جاهدة أن أقوم بدروي كأم في هذا المجال... و أناشد كل الأمهات أيضاً أن يعين دورهن الحساس في هذا الصدد.
حتى يواصل أجيال الغد بنات و أولاد في فك هذه الأغلال ال غير عصرية.
و شكراً جزيلاً
أها يا أبابكر رأيي جاء البوست برجلينه :)
| |
|
|
|
|
|
|
|
|
|
Re: حاشاها من نقص العقل (Re: محمد عبدالله مختار)
|
الأخ ,, هيثم ,, تحية طيبة
أولاَ اعتذر لك اعتذار صريح لقولى لك انك بدلت دين وهذا الاعتذار وجب بسبب جملة واحدة وردت فى مداختك الزمتنى بها الحجة هى قولك: (الله اعلم بما فى النفوس ,, )
فما كان ينبغى لى ان اقول لك انك بدّلت دينك واغفل عن ان الصدور يعلم بها الله.
وبعد هذا الإعتذار الذى ارجو انه ارضاك اريد ان اشرح لك السبب الذى دعانى الى قول ما قلت لك لا لأٌبرئ نفسى انما عسى ان يكون الحوار
الذى جرى بينى وبينك مثالاً للحوار الذى يجب ان يكون عليه الناس فى المنبر ,, لامكابرة من اجل الانتصار للنفس بالباطل ,, لا تجريح ,, حسن الظن ,,
وحتى لا يظنَنْ احد بأنه الوحيد الذى يملك الحقيقة ,, فكما اخطأت انت بنسبة الظلم الى الله اخطأت انا بقولى لك انك بدلت دينك
وسابين لك كيف نسبت الظلم لله ,, وهذا ما دعانى لقولى لك انك بدلت دينك ,, فانت لم تنسب الظلم للمفسرين وحدهم انما قلت:
(حسب الايات والتفاسير وقياس العقل والمنطق المرأة مظلومة)
يعنى انت تحتج على كلام الله وحكمه بالعقل والمنطق ولو قصرت احتجاجك على أقوال المفسرين وقلت هذه التفسيرات لا اقبلها
لأن الله عدل لايمكن ان يكون قد اراد ظلم المرأة لكان قولك اوقع وأقرب لفهم انك تريد الوصول الى الى الحقيقة لذا كنت أرى
أنك سلكت الطريق الخطأ الى الحقيقة إذ كان عليك وانت تقول : (الله وحده اعلم بما فى النفوس) أن تسَلِّم له بانه عدل مطلق
وانه لايظلم احداً وقد اوردنا الآيات الدالة على ذلك . إذاَ كان عليك التسليم له اولاُ بأن قوله الحق ومن ثم تعمد الى اراء المفسرين
وتبَيِّن أين أخطأوا وأين تخلف معهم لأن المفسرين لاعصمة لهم ولاقداسة لآرائهم فهم ليسوا بأنبياء ولا ملائكة. وما كان يجوز لك أن تقول:
إن الآيات تخالف العقل والمنطق فإذا كنت قد خاطبتنى انا العبد الضعيف بكل هذا الإحترام والأدب والذوق أما كان الله وكلامه اولى بهذا الاحترام ؟
ألاترى فى قولك :( بالقياس العقلى والمنطق المرأة مظلومة) خروج عن الأدب مع الخالق؟ من الذى اعطاك هذا العقل ,, ؟
لو افترضنا ياهيثم ان الله خاطبك قبل ان ينزل هذه الآيات كما خاطب الملائكة (إنى جاعل فى الأرض خليفة) وقال لك ياهيثم :
(انى منزِّل هذه الآيات) أيكون مناسباً أن تقول له يارب القياس العقلى والمنطق يقول الآيات دى فيها ظلم للمرأة؟
الم يقل الملائكة (اتجعل فيها من يفسد فيها ويسفك الدماء) فالى ماذا انتهوا ؟ الم يريهم الله ان علمهم ليس كعلم الله؟
الم يقل لهم إنى اعلم مالاتعلمون؟ الم يكن آدم اعلم منهم بالأسماء وهم الملائكة؟
الأمر الآخر هو انك أخذت كلام المفسرين على انه هو الحقية المطلقة وبنيت عىلى كلام المفسرين حكماَ على كلام الله ونسبت الظلم لله
معتمداً على كلام المفسرين وأيَّدت حكمك بقرينة القياس العقلى ـــــ ولا أدرى على ماذا قِستْ ــــــ فكيف نفهم قولك الذى نوافقك فيه:
{لاقُداسة للمفسرين} وأخذ تفسيراتهم كدليل على إثبات ظُلم كلام الله؟ فأنت هنا تجعل كلام المفسرين حجة على كلام الله بينما الأصل
ان القرآن حجة على الناس وليس العكس. قلنا لك التسليم بكلام الله كما قال سبحانه:
{هُوَ الَّذِي أَنزَلَ عَلَيْكَ الْكِتَابَ مِنْهُ آيَاتٌ مُّحْكَمَاتٌ هُنَّ أُمُّ الْكِتَابِ وَأُخَرُ مُتَشَابِهَاتٌ ۖ فَأَمَّا الَّذِينَ فِي قُلُوبِهِمْ زَيْغٌ فَيَتَّبِعُونَ مَا تَشَابَهَ مِنْهُ ابْتِغَاءَ الْفِتْنَةِ وَابْتِغَاءَ تَأْوِيلِهِ ۗ وَمَا يَعْلَمُ تَأْوِيلَهُ إِلَّا اللَّهُ ۗ وَالرَّاسِخُونَ فِي الْعِلْمِ يَقُولُونَ آمَنَّا بِهِ كُلٌّ مِّنْ عِندِ رَبِّنَا ۗ وَمَا يَذَّكَّرُ إِلَّا أُولُو الْأَلْبَابِ }
قلت لا حكاية الإيمان بدون عقل دى غير مهضومة بالنسبة لك مع إنه انا ماقلت ليك الغى عقلك كما سيجيئ ,,
بل ربنا بذاته العلية أمرك بتدبُّر القرآن ووردت الإشارة الى العقل فى مواضع كثيرة فى القرآن ,, لكن انتوا عاوزين تعملوا لينا حكاية:(ده حار وده حَرَّم مابِنْكَوِيبو)
وتخاطبوننا بمعزِل وكأن الإيمان حِكر علينا وتضعون انفسكم خارج الدائرة وكأنكم تقولون لنا: أها يامسلمين سفرَجت فيكم أها الآية دى حاتعملوا معاها شنو؟
وكأن الأمر لايعنيكم ,, وهذا ماجعلنى انظر اليك هذه النظرة.
مع كل ما قلت لك ياهيثم اعترف أنى أخطأت فى قراءة مداخلتك التى بنيت عليها قولى لك انك بدلت دينك ,,
فلما قرأتها مرة اخرى بعد ردَّك هذا وجدت أنى قد ابعدت النجعة وحمَّلت قولك أكثر مما يحتمل وماكان يجب أن أشتط لدرجة ان اقول انك بدَّلت دينك ,,
فارجو ان تعفو عنى ولى طلب هو ان تتخلى عن طلبك بسحب كلامى فى المداخلة السابقة حتى يقرأها الأعضاء ليُستفاد منها وترسى مبدأ الرجوع الى الحق
فى هذا المنبر ونتعلَّم من ردك كيف يكون الأدب مع من أساء ليك لدرجة انه اتهمك بالردة ,, فهذه فرصة لنتعلَّم منك.
أخيراُ وليس آخراَ فى هذا المِحور ,,
ألايكفى أن يكون قولك: (الله وحده اعلم بالنفوس) جواباَ على سؤالك عن المخرج؟ اليس الرب العليم بالنفوس عليماً بما يصلح لها؟
ماذا تريد بعد اقرارك من جواب. اتريد أن ترضى اليهود والنصارى؟ ربك العليم بالنفوس قال لك: (لن ترضى عنك اليهود ولاالنصارى حتى تتبع ملتهم)
اتريدنا ان نبدَّل آيات الميراث مثلاً حتى نقنع الكفار بديننا ,, إذا عندك فهم جديد لايخالف مراد الله فمرحباً واذا ماعندك يبقى التسليم بأن لله حكمة فيما يشَرِْع
وان لم تفهم الحكمة فعليك بالطاعة.
Quote: يا فاضلابي سلامات
{يبقى عليكم ايجاد مخرج ينفي عن الله صفة الظلم واول خطوة للدفاع} |
انت هنا ياهيثم تقول {يبقى عليكم}
من نحن ومن انت ,, كأنك بقولك هذا تجعلنا محتكرين للدين وانت غير معنى به ,, وهذه النقطة الاساسية التى كنت احاول توصيلها لك ,,
الدين كلنا مخاطبون به وهو بذلك لنا جميعاً دون استثناء او احتكار فطالما انت من المخاطبين فانت ايضاً مُكَلَّف بعد ان تؤمن
وطالما آمنت لك ما للمؤمنين وعليك ماعليهم فإن كنت ترى ان على المؤمنين ايجاد تأويل يبيِّن
عدل الله وعظمة التنزيل فما الذى يمنعك من أن تأت بما تطالبنا به ولعلمك انا لست متخصصاً إنما طالب علم آخذ ماثبت صحته وارفض
مالم يثبت صحته. وإن كنت ترى ان الإجتهاد فرض كفاية اذا قام به البعض سقط عن الآخرين فلماذا تقبل بأن تكون من الآخرين
وفى نفس الوقت لاتريد أن تكون من المجتهدين ,, عشان كده انا جبت ليك مثال الشيخ صاحبنا بتاع كلية الحقوق يعنى لاعارف الصاح ولاداير الغلط.
طيب ياهيثم إنت مخرجنا قلت ماعاجبك قلنا ماشى ,, قلنا ليك ادينا مخرجك انت قلت انا ماعندى مخرج اها نسوى لك شنو؟
لا اله الا انت سبحانك استغفرك واتوب اليك.
| |
|
|
|
|
|
|
|
|
|
Re: حاشاها من نقص العقل (Re: أبوبكر عباس)
|
(وجود إمرأتين في الشهادة يعالج أن لو كانت إحداهن تمر بهذه الظروف والتي تشوش على ذاكرتها فتذكرها الأخرى)
وإذا كانت المرأة الأخرى تمر بنفس هذه الظروف، أو صادف كمان نسوان الحلة جَتْ (بتعطيش الجيم) يعيشن نفس الظروف
قروشنا تضيع يا محمد مختار؟
| |
|
|
|
|
|
|
|
|
|
Re: حاشاها من نقص العقل (Re: عبدالعزيز الفاضلابى)
|
اخي الفاضلابي تحية وسلام
واعتذارك مقبول وطلبك مجاب
هنالك ثوابت يا فاضلابي لا تحتاج الى الشرح وهي ما اعتمدت عليه في مداخلتي السابقة
هذه الثوابت من ضمنها صفة العدل للإله .. يعني بما ان هناك إله فلابد ان يكون عادلاً والا فما فائدة العمل واتباع الشرائع والتعاليم
ان كان الاله ظالماً فليس هناك ما يضمن لنا رد الجزاء من نوع العمل ان عملت خيراً تراه وان عملت شراً تراه
اذاً بما اننا نؤمن بالله فصفة العدل شيء بديهي عند الخالق. نجي لي كلامي الانت ظننت انه تعدي وسوء ادب مع الخالق
| Quote: حسب الايات والتفاسير وقياس العقل والمنطق المرأة مظلومة |
كلمة قياس العقل يا فاضلابي مقصود بها العقل البشري المحدود القدرات والتفكير وهو عقل الانسان
المنطق يستند لقياس هذا العقل البشري المحدود .. وبما اني ذكرت لك من قبل ان الاشكالية تكمن في التفاسير فكان يجب ان تستنبط المعنى المراد من هذا الكلام
ما معنى جملة المرأة نقاصة عقل ودين : المعنى واضح بالنسبة لنا فكلمة ناقص تعني شيء غير كامل مقارنة بشئ اخر اكثر كمالاً وهو عقل الرجل
هذا يعني ان المرأة نقاصة عقل ودين في حين ان الرجل اكثر منها كمالاً في العقل والدين
ما معنى ان نجعل شهادة الرجل تساوي شهادة اثنين من النساء؟ هذه الجزئية منطقية اذا سلمنا ان المرأة ناقصة عقل كما في النقطة الاولى
وايضاً كون نصيب الرجل كنصيب اثنين من النساء في الميراث منطقية اذا استندنا وسلمنا ان المرأة ناقصة عقل ودين
اذاً كل المسألة تعتمد كلياً الى ان الرجل افضل من المرأة في كمال العقل والدين وهذا بناءً الى شرح معاني مفردات الايات والاحاديث
التي تحدثت عن هذا الموضوع .
كل الذين تحدثوا وفسروا الموضوع مثلي ومثلك عقول بشرية محدودة الخطأ وارد في تحليلاتها ..
وتطور العقل يا فاضلابي لا يقبل بالتسليم الذي تنادي به انت (فقط تؤمن بما جاء ولا تسأل عن شئ)
هذا يعني دفن الرؤوس تحت رمال التعصب فبالتأكيد حا يجيك بدل المستنير مية واحد ويجيب ليك كل الايات والتفاسير
ويطالبك باثبات ان الله عادل او غيرها من النقاط الجدلية ولن يقبل مسألة التسليم الكامل دون اجابات منطقية مقنعة.
واحسبك انت واحد ممن ينادون بالتسليم فقد قلت | Quote: قلنا لك التسليم بكلام الله كما قال سبحانه |
واقول لك اي نعم كلام المفسرين حجة ليست على الله وانما عليكم انتم من تنادون بالتسليم الكامل دون طرح الاسئلة وهذا بدوره يعطي
من يطرحون الاسئلة حجة عليكم لانكم لا تملكون اجابات وافية. وانا اسثنيت نفسي لأني بدوري اريد اجابات وافية لأكمل ايماني عن قناعة
ثم تأتي وتناقض نفسك وتقول : Quote: قلت لا حكاية الإيمان بدون عقل دى غير مهضومة بالنسبة لك مع إنه انا ماقلت ليك الغى عقلك كما سيجيئ ,,
|
فكيف تريدني ان اسلم بكلام الله كما جاء دون ان اسأل وهذا طلب واضح بالغاء العقل
في حين تاتي وتنفي انك طلبت الغاء العقل.. اذا لم استطيع طرح الاسئلة الجريئة التي تسببت في عقلي بالشك في جزئية او جزئيات معينة في الدين
فكيف لي ان اؤمن ايماناً صادقاً .. هذا معناه يجب علي ان انافق فقط وان الله سيقبل هذا النفاق
مسألة اني استثنيت نفسي جاوبتك عليها ولكن هناك جزئية المجتهدين
طيب كيف اكون من المجتهدين وانا اسلم فقط بما جاء دون طرح الاسئلة التي تدور في رأسي وايجاد اجابات كافية ووافية لها ومقنعة
في تقديري ان من يطرحون الاسئلة هم المجتهدون والذين ينادون بالتسليم الكامل فقط هم خارج اطار المجتهدين تماماً
حديثي عن ان العلة في تفاسير المفسرين هذا يعني ان كلام الله من وراءه معاني اخرى يجب علي الناس الاجتهاد لأيجادها ولا يركنوا للتسليم
وان يتقبلوا الاسئلة الجريئة المشككة وان ينضموا للسائلين حتى تستبين الحقائق فما فائدة العقل ان لم تعين الانسان على الاقتناع الكامل بالله قبل كل شيء
ارجو ان اكون اوضحت لك ما تعنيه مثل هذه التساؤلات التي تظنونها تعدي وقلة ادب مع الخالق في حين ان في مفهومي ان الخالق ليس شيء مجسد
كالانسان حتى يكون التأدب معه كما مع بقية الناس ، فمخاطبتي مع الخالق كيفما كانت سيتفهمها ولن يتطلب مني شرح كما شرحت لك ما عنيته هنا
لك التحية والتقدير
| |
|
|
|
|
|
|
|
|
|
Re: حاشاها من نقص العقل (Re: Haytham Ghaly)
|
| Quote: وإذا كانت المرأة الأخرى تمر بنفس هذه الظروف، أو صادف كمان نسوان الحلة جَتْ (بتعطيش الجيم) يعيشن نفس الظروف |
الظرف الذي ذكرته يمكن أن يحدث ولكنه حالة نادرة جداً لكن على العموم الإتنين بيشايلو بعض وهو المقصود .. أما أن يكون كل نسوان الحلة في حالة وضوع فهذه ظاهرة تاريخية فريدة لم نسمع بها من قبل - على الأقل في كوكبنا ، لذا أرجو أن تتكرم بإخبارنا عن قرية ولدت فيها جميع النساء سوياً ..
بالنسبة للأموال عادي ممكن يكون عندك أموال وتضيع لأنو القاضي شايف حجة التاني أقوى -رغم إنك صاحب الحق- وفي الحالة دي ما بتفرق الشهود كانوا رجال ولا نسوان ولا الاتنين مع بعض وقصص المحاكم تشهد بذلك والسجون مليئة بمن زجوا بها ظلماً وعدواناً .. ثم يا معاوية الزبير هل سينفعك مالك إذا كنت تعترض على كلام الله عز وجل ؟؟ وماذا ستفعل لك أموالك اذا توسدت الجابرة - كما هو المصير المحتوم الذي ينتظرنا جميعاً- وهل تراها ستحاجّ الله تبارك وتعالى عنك يوم القيامة وأنت الإنسان الضعيف الذي لم تؤت من العلم إلا قليلاً تعترض على كلام الحي القيوم الذي بيده ملكوت السماوات والأرض والذي يعلم الغيب وأخفى ؟!
وحتى لا يلقى باللوم على المفسرين .. الآية تقول : (فَإِنْ لَمْ يَكُونَا رَجُلَيْنِ فَرَجُلٌ وَامْرَأَتَانِ مِمَّنْ تَرْضَوْنَ مِنَ الشُّهَدَاءِ) والكلام أوضح من الشمس في رابعة النهار .. هذا حكم الله في شهادة الاموال .. من شاء فليؤمن ومن شاء فليكفر .. من آمن فلنفسه ومن كفر فإن الله غني عن العالمين ..
عن عبد الله بن الشخير رضي الله عنه أنه قال: أتيت النبي صلى الله عليه وسلم وهو يقرأ: { أَلْهَاكُمُ التَّكَاثُرُ } قال: يقول ابن آدم مالي، مالي وهل لك يا ابن آدم من مالك إلا ما أكلت فأفنيت أو لبست فأبليت أو تصدقت فأمضيت ؟ رواه مسلم .
| |
|
|
|
|
|
|
|
|
|
Re: حاشاها من نقص العقل (Re: محمد عبدالله مختار)
|
يقول الحق تبارك وتعالى : (وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَن يَكُونَ لَهُمُ الْخِيَرَةُ مِنْ أَمْرِهِمْ ۗ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالًا مُّبِينًا) ..
اللهم إني أشهدك أن قولك الحق لا إله إلا أنت .. أنت الخالق وأنت الرازق وأنت الحكم وأنت العدل وأنت العليم وأنت الخبير ..
اللهم أحيني على ذلك وأمتني على ذلك ولا حول ولا قوة إلا بك ..
| |
|
|
|
|
|
|
|
|
|
Re: حاشاها من نقص العقل (Re: محمد عبدالله مختار)
|
| Quote: باقي لي خروجك من الملّة كان أبرك ليك غايتو "كوز نيويورك" حكرك |
بكور ,, لعلك لاحظت من مداخلاتى معك فى هذا البوست وفى غيره
انى لا اكابر وإن اقنعنى شخص ما بحجته فلا استنكِف أن آخذها
حتى وإن كان بينى وبين ذلك الشخص ود مفقود ,, والآن وقد رأيت
ردى على الأخ هيثم ,, وأنى ركنت الى الحق أما زلت تخاطبنى بـ (كوز نيويورك؟)
مقتفياً أثر دينق حتى بعد أن ثبت لك خطئَه إن كنت تقرأ بحيادية ؟ كيف تدعى الإستنارة وأنت لم تكن أميناً فى الرجوع الى الحق
بعد أن ايدت دينق فى باطله بأنى "كوز" بحجة انى كفَّرت الاخ هيثم.
أما كان الأجدر بك لو كنت مستنيراً كما تدعى ان تفئ الى الحق بعد ان قرأت ردى على الأخ هيثم والذى ينفى مابنيت حجتك عليه؟
على العموم مازلت عندى بكور اذا لا اريد ان استعجل كما استعجلت فى الفهم الخاطئ لمداخلات هيثم .
| |
|
|
|
|
|
|
|
|
|
Re: حاشاها من نقص العقل (Re: محمد عبدالله مختار)
|
يا مستنير بياضك الرميتو دا ناقص
إنت قاصد إنو العقل و التمحيص أدوات و وسائل صالحة و يمكن الإعتماد عليها و لكنها لا تؤدي لإثبات إنو القرآن منزل من الخالق ولَّ قاصد إنهم أدوات و وسائل لا يصح الإعتماد عليها لأنها قاصرة عن القدرة على بحث ما إذا كان القرآن منزل من الخالق او لا؟
إذا مستعد و جاهز للغلات صلح بياضك دا و تعال
| |
|
|
|
|
|
|
|
|
|
Re: حاشاها من نقص العقل (Re: أبوبكر عباس)
|
يا "كوز نيويورك"، دا شنو دا؟!
أنا وافقت دينق على اللقب الجميل، لكني لم أوافقه على أسباب إطلاق اللقب، حتى بالإمارة قلت:
لأنه وصف هيثم المسلم المحتج والخائف من الردّة بالمرتد
يعني موضوع دينق واسبابو ليست محل نقاش هنا، ولا يجدر بمستنير مثلي أن يأخذ بها،
فهي في أحسن الأحوال أصفها بالمكايدة السياسية،
لكن اللقب عجبني وقلت أوظفو هنا.
أرجو أن تقول لي:
يا بكور، أنا اعتذرت لهيثم، ممكن تسحب مني لقب "كوز نيويورك"؟
| |
|
|
|
|
|
|
|
|
|
Re: حاشاها من نقص العقل (Re: أبوبكر عباس)
|
| Quote: يا "كوز نيويورك"، دا شنو دا؟! أنا وافقت دينق على اللقب الجميل، لكني لم أوافقه على أسباب إطلاق اللقب، حتى بالإمارة قلت: لأنه وصف هيثم المسلم المحتج والخائف من الردّة بالمرتد يعني موضوع دينق واسبابو ليست محل نقاش هنا، ولا يجدر بمستنير مثلي أن يأخذ بها، فهي في أحسن الأحوال أصفها بالمكايدة السياسية، لكن اللقب عجبني وقلت أوظفو هنا. أرجو أن تقول لي: يا بكور، أنا اعتذرت لهيثم، ممكن تسحب مني لقب "كوز نيويورك"؟ |
سمح يابكور نواصل فى بوستنا ,, بس تانى ماتقول لى كوز
"ولاتنابزوا بالألقاب" {الآية} بعدين انا الجبهجية ديل عمرى ماكنت
معاهم ,, هم عندى مثلهم مثل اى جماعة سياسية إن أخطأوا
نقول أخطأتم وان اصابوا نقول اصبتم وكذلك الإتحاديين والشيوعيين
والمستنيريين ,, فإن انا أصاب الشيوعىف قلت اخطأت بسبب انه شيوعى أكون كمن يكره اليهودى لأنه يهودى
ويكره المسيحى لأنه مسيحى والمستنير لأنه مستنير ,, وهذا لايجوز ,, بعدين سياسة شنو
البكايدنى فيها دينق .. أولاً انا ليس بسياسى وإن كنت قد انشغلت بها
ردحاً من الزمن فقد هجرتها ولى اسبابى ,, ثانياً دينق يكفى الاتتفق معه
ليعاديك ومع ذلك يتحدث عن الحرية وأمريكا التى لم يتعلَّم منها شيئ
يعتبره الامريكيون صمام الأمان للبلد وهو حرية التعبير والاعتقاد ,,
ومن يظن ان المعارضة التى يقوم بها الامريكيون ضد قرارات ترمب
فيما يتعلَّق بالهجرة هى من أجل عيون السودان أو سوريا او غيرها من
الدول المشمولة بالقرار فهو مخطئ ,, لأن تلك المعارضة هى من أجل
حماية المبادئ والركائز التى قامت عليها البلد وأنا أؤيدهم فى ذلك.
المهم ,, نرجع للبوست فى ناس طالبُن مداخلة واولهم انت فلم تعلِّق
على مداخلاتى الموجهة اليك اعلاه.
الملكة فردوس طالبانى مداخلة ,, هيثم طالبنى مداخلة ,, ودالزبير طالبنى مداخلة بلدية ,,,
| |
|
|
|
|
|
|
|
|
|
Re: حاشاها من نقص العقل (Re: عبدالعزيز الفاضلابى)
|
كويس جيتني يا فاضلابي،
شنو غرضك كان لمان وصفتني بالمرتد؟
أنتم تستعملون هذا التوصيف لارهاب المختلف معاكم عقائديا
لماذا يجوز لفاضلابي ان يوزع الألقاب حسب اعتقاده ومرجعياته، ويعيب علينا تقليده لقب كوز حسب مرجعياتنا؟!
| |
|
|
|
|
|
|
|
|
|
Re: حاشاها من نقص العقل (Re: أبوبكر عباس)
|
اولاً يابكور المستنير ,, لكى اكون دقيقاً انا قلت لك "انت بدَّلت دينك"
| Quote: هسع انت والمستنير ده ماتراكن مبدلين دينكن وبتمشوا السودان وبتجوا زى العجب فى زول قال ليكن تلت التلاتة كم ؟ |
وتبديل الدين لايقتضى بالضرورة الرِّدة عن الدين لأن المرتد يسمى مرتداً اذا ادار ظهره بالكلية للدين ,, أما من يبدِّل فى الدين فهم الذين يعمدون الى احكام لاتناسبهم {يؤمنون ببعض الكتاب ويكفرون ببعض" منهم من يقول إن هذا النص لايصلح لإنسان القرن العشرين ـــــ وهؤلاء اظنك قد حشرتهم فى زاوية ضيقة . ـــــــ ومنهم بدعوى ان تأويل الفقهاء خاطئ والغريب فى امر هؤلاء لايأتون بالتأويل الصحيح "تأويل الفقهاء خاطئ وبس" أها تأويلكم شنو؟ لاعارفين الصاح ولامقتنعين بالتأويل الغلط.
إذن تبديل الدين ممكن يكون بالمخالفة لامر الله (لاتبديل لكلمات الله)
فيخالف أمر الله ويبدِّل الاحكام بمثل الدعاوى والحجج التى اشرنا اليها هنا. بعضهم يكون واضحاً ويعبِّر عن ذلك دون مواربة وبعضهم وانت منهم يستتر خلف ستار النقل عن آخرين ويضع المنقول كما لو كان يبرئ نفسه مما نقل الا ان كتابته تخبر عن موافقته لما نقل ,, وذلك عندما ينسب الكلام لصاحبه الخواجة او صاحبه الكافر ,, فى محاولة للتذاكى وحتى لا يلزم نفسه الحجة ولكن مايلبث ان يكتب ما يخبر انه
يؤيد المنقول عنه فى كفره ,, واحياناً تجعل التهمة تحول حولك حينما
تُسْأل سؤالاً من أحدهم وتتهرَّب من الاجابة بدعوى الاستنارة او بدعوى ان السؤال خارج الموضوع وعلى سبيل المثال قد سألتك سؤالاً فى بوستك
{أشك فى ايمان بعض الناس} فتجاهلتنى وفى نفس البوست أنت كتبت:
| Quote: لا أدري كيف يقرأ أنسان كتاب نبوة محمد التاريخ والصناعة وبعد دا يجيهو شك انو الديانات السماوية ما من صنع البشر!! هدفي صناعة دين بشري جديد، أولوياته مشاكلنا الدنيوية |
فماذا تسمى هذا؟
بالمناسبة : إنت مسمى نفسك المستنير وده حقك ,, بس داير اسعلك. الاستنارة دى ذاتية فيك ولَّ مكتسبة ؟ وللسؤال بقية حسب الاجابة.
| |
|
|
|
|
|
|
|
|
|
Re: حاشاها من نقص العقل (Re: أبوبكر عباس)
|
https://www.4shared.com/office/IeD1Rw4Gba/___.htmlhttps://www.4shared.com/office/IeD1Rw4Gba/___.html
رابط كتاب امي كاملة عقل ودين للدكتور الراحل عماد محمد بابكر
الكتاب الذي وصفه نخبة المثقفين بأنه كتاب القرن
في تقديري فهو افضل ماكتب وتناول موضوع البوست ففيه دراسة مكتملة الجوانب
| |
|
|
|
|
|
|
|
|
|
Re: حاشاها من نقص العقل (Re: عثمان احمد شرف الدين)
|
يا جماعة
مالكم مطنشين سؤالي
الآية بتتكلم عن الشهادة في موضوع الديون.
هل دا بينطبق على الشهادة في الحاجات التانية (زي السرقة والزني والقذف) ولا الموضوع دا محصور بس
في موضوع الديون؟
السؤال دا مهم عشان حيكون حاجة غريبة زي ما قلت لو حدثت جريمة ما (تقوم واحدة تذكر التانية) والتانية تبدل شهادتها أو تعيد
شهادتها بناءاً على التذكير دا.
| |
|
|
|
|
|
|
|
|
|
Re: حاشاها من نقص العقل (Re: الصادق اسماعيل)
|
| Quote: خلينا من اللؤلؤة "إتّا قلت بدلتوا وبتمشوا السودان وتجوا" القصد مفهوم هنا تقصد ما قبضناكم قطعنا ليكم روسكم |
نحن منم؟ انت بتفهم بى كرعينك؟ انا لاقاضى ولاعندى سلطة فى الحكومة ولا حتى صاحب ,, اصحابى كلهم محامين ومعظمهم مزازين بى بره زيى كدا. كان دى استنارتك اخير ماتحوم بتقع ليك فى هُرْبة.
| Quote: ودا كلام واضح للردّة بالمفهوم الاسلامي وفيهو تهديد أنا ما زعلان فوقو بالرغم من السوء الذي يحمله، |
تهديد شنو يازول انا شغلتى بيك شنو؟ انت ماقلت مستنير هسع مداخلاتى الفوق دى كوووولها ياهو ده الطلعت بيهو منها؟ ده انا بعتبره نظام زغبَرة من الاجابة على المطروح عليك من الاسئلة ,,, شغال نظام عِزيل. وده ياهو ذاتو الاسلوب القاعدين تتعاملوا بيه مع القرآن ,, القرآن ده فيهو اكثر من ستة آلاف آية من الستة آلف دى الواحد يقرأ ليهو آية ولَّ آيتين بل أحياناً الآية الواحدة مابقراها للآخر طوالى يجى جارى يفتح بوست ,, عشان كده انا قلت العاجبو عاجبو والماعاجبو على كيفو ,,
إن شاء الله عنُّو ما آمن يعنى حاينَقِّص من قدرة ربنا شيئ ؟
ماتراهوا العالم ده الكفار فيه اضعاف اضعاف عدد المسلمين نقَّصوا من ملك ربنا شيئ؟ بعدين يامستنير المرأة اللى انتوا متوللين قضيتها بدون توكيل دى مش ياهو ده نظام الوصاية الخاوتِننا بيهو وساوينو لينا تهمة؟
بعدين ياخ فى نسوان بالملايين القرآن ده عاجبِن والماعاحِبن القرآن ماغسب ليهو زول ماتسمع لى كلام البقولوا ليك ناسخ ومنسوخ ومدنى ومكى ومش عارف ايه ,, بعدين ياخ ملاييين النسوان الـ إطَّلَّقَنْ ديل
إطَّلَّقَنْ بسبب القرآن ؟ مالكم ماسويتو اسبلب طلاقِن سيرة؟ خليك من المسلمات ملايين النسوان غير المسلمات الـ ضربوهِن رجالهن ديل ضربوهن اتباعاً للقرآن؟ إشمعنا عاملين أضان الحامل طرشا وكل شوية واحد شايل ليهو آية وجاى جارى بيها على المنبر وكأن مشاكل النسوان كووولها سببها القرآن.
بعدين ياخ هسع فى ظُلم أكتر من مرأة عاوزة تلبس حجاب وتجى دول بل اتحادات دول بكاملها تصدر تشريع بمنعها من ارتداء الحجاب ؟ ولَّ فلاحتكن فى القرآن عشان عارفين الله حليم؟
| |
|
|
|
|
|
|
|
|
|
Re: حاشاها من نقص العقل (Re: مصطفى الجيلي)
|
المرأة لا تساوي الرجل والرجل لا يساوي المرأة ودي من البديهيات.
كل الانبياء رجال ومعظم العلماء رجال ومعظم الاقوياء رجال.
معظم الجميلات نساء ومعظم الحنينات نساء ومعظم اللطيفات نساء.
ال بحملو نساء وال بلدو نساء.
ولا يمكن تفضيل الرجال بالجملة على النساء ولا يمكن تفضيل النساء بالجملة على الرجال.
النساء في الاسلام ملكات متوجات محفوظات الكرامة.
| |
|
|
|
|
|
|
|
|
 Re: حاشاها من نقص العقل (Re: عبدالعظيم مكى)
|
سلامات الصادق...
| Quote: يا جماعة مالكم مطنشين سؤالي الآية بتتكلم عن الشهادة في موضوع الديون. |
آي نعم كلامك صحيح ...
التعميم المخل في حق المرأة لتحجيمها و قهرها لم يأخذ في الإعتبار الظرف الزماني لنزول هذه الآيات ( آي آية تعتبر اليوم منقصة من حق النساء).
و لو قرأنا بعين الأمس وقت نزول الآية ( كانت المرأة توأد) و يقال عنها عورة... نرى إنه الإسلام رفع من قدر المرأة و كرمها أيما تكريم...
ولم يتواصل المشوار لأسباب منها تعنت رجل الدين و الرجل العادي (زي أخونا محمد مختار )و ضيقه من النساء.
خذ أيضاً آية التعدد و التي بها إسم شرط ( لم أسمع به من المعددين أو أنصار التعدد قط) و جواب شرط و هو ما يتشدق به رجل السلطة و الدين و الرجل العادي لمصالحة الشخصية!
طيب في آية الدين... و الحال ذا في آية التعدد و غيرهم من الآيات... في علة في الفهم من وين جاء التعميم؟ و لا الحكاية قهر و خلاص ...
ربنا قال إنتو بتنسوا معناتها بتنسوا كان في دين و كان في جريمة قتل ربنا قال كده كما عاوزين تكفروا بكلام ربكم ...
في آي شيء تجوا إتنين عشان تساووا رجل واحد ( تصدق حتى في السماية قال ليك الولد كبشين أملحين و البنت وااااحد و الله واحد... أها ده ما شغل جاهلية)
و لكن الظرف الزماني تغير... دوام الحال من المحال!
هل نبقى أسيري قرون خلت أم نواكب عصرنا.
ذكرت في بوست لي ... مستجدات و تحديات عصرية في مجالات مختلفة وقال أحد أخواننا السلفيين أنهم يسمونها نوازل ...
تشوقت أن أسمع المزيد عن أحكام النوازل هذه و لكنه لم يعد ليحدثنا عنها... آمل إنه الفرصة تتاح ليه عشان نسمع رأيه في النوازل هذه.
تحياتي ولك و في إنتظار أن نسمع عن كيف عُمِمَت هذه الآية ...
| |
|
|
|
|
|
|
|
|
|
Re: حاشاها من نقص العقل (Re: فردوس جامع)
|
يا الصادق اسماعيل ما طنشناك
أنا رديت ليك فوق لكن يبدو إنو إنت الطنشت ردي
Quote: يا الصادق و أبو بكر
شهادة المرأة المنفردة لا تقبل إلا فيما يتعلق بالولادة و الإرضاع.
في الحدود و القصاص ليس للمرأة شهادة لا منفردة و لا مع رجال على رأي جمهور الفقهاء.
أجاز الكوفيون الأحناف قبول شهادة المرأة المنفردة فيما يتعلق بالزواج و الطلاق.
في التعاملات المالية ليس للمرأة شهادة منفردة و إن تعددت ما لم تجيزها شهادة رجل. |
| |
|
|
|
|
|
|
|
|
|
Re: حاشاها من نقص العقل (Re: فردوس جامع)
|
سلام للجميع...
الإجابة على سؤال الصادق اسماعيل، نعم.. المرأة على النصف من الرجل في الشريعة الاسلامية سواء في الدين أو في الشهادة أو في الميراث ، كما ورد في كتب الفقه.. ولا عبرة إن جاءت في آية تختص بالدين النصوص قد شرحها النبي عليه الصلاة والسلام بتطبيقه لها .. ولذلك جاء الفقه مفصلا عن التطبيق والاجتهاد والقياس على من ليس فيه نص من الكتاب او السنة..
واقرأ أن شئت كلام ابن القيم
وهذه قاعدة الشريعة فإن الله سبحانه فاضل بين الذكر والأنثى وجعل الأنثى على النصف من الذكر في المواريث والديات والشهادات والعتق و العقيقة كما رواه الترمذي وصححه من حديث أبي أمامة عن النبي صلى الله عليه وسلم قال أيما امرىء مسلم أعتق مسلما كان فكاكه من النار يجزىء كل عضو منه عضوا منه وأيما امرىء مسلم أعتق امرأتين مسلمتين كانتا فكاكه من النار يجزىء كل عضو منهما عضوا منه وفي مسند الامام أحمد من حديث مرة بن كعب السلمي عن النبي صلى الله عليه وسلم أيما رجل أعتق رجلا مسلما كان فكاكه من النار يجزىء بكل عضو من أعضائه عضوا من أعضائه وأيما امرأة مسلمة أعتقت امرأة مسلمة كانت فكاكها من النار يجزىء بكل عضو من أعضائها عضوا من أعضائها رواه أبو داود في السنن فجرت المفاضلة في العقيقة هذا المجرى لو لم يكن فيها سنة كيف والسنن الثابتة صريحة بالتفضيل ..
وكل هذا في الشريعة، ولكن كما قالت الأخت د. فردوس فتلك قولة الآسلام للقرن السابع حين كانت المرأة توءد حية، وحين كان الرجل يتزوج العشر والعشرين والثلاثين ويتسرى بلا حدود ويشتريهن من السوق بحر ماله..
أما كلمة الاسلام الأخيرة في النساء كما وردت في القرآن المكي فهي المساواة التامة في الحقوق والواجبات أمام القانون... ولا تعني المساواة أمام القانون مساواة الخصائص والصفات فالحكمة أصلا في الاختلاف العضوي والفسيولوجي .. ولكن ذلك لا يجردها من حقوق المساواة أمام القانون.. ومحور الآيات المكية هي المساواة التامة والمسئولية الفردية المباشرة للمرأة كما للرجل أمام الله وأمام الناس:
((ولقد جئتمونا فرادى، كما خلقناكم أول مرة)).. ((ونرثه ما يقول ويأتينا فردا)).. ((إن كل من في السموات، والأرض، إلا آتي الرحمن عبداً * لقد أحصاهم، وعدهم عدا * وكلهم آتيه، يوم القيامة، فرداً)).. ((يوم تأتي كل نفس تجادل عن نفسها.. وتوفى كل نفس ما عملت.. وهم لا يظلمون)).. ويقول: ((كل نفس بما كسبت رهينة)).. ويقول أيضا في مبدأ المسئولية الفردية: ((ولا تزر وازرة وزر أخرى، وإن تدع مثقلة إلى حملها لا يحمل منه شئ، ولو كان ذا قربى.. إنما تنذر الذين يخشون ربهم بالغيب، وأقاموا الصلاة، ومن تزكى فإنما يتزكى لنفسه، وإلى الله المصير..)) ويقول أيضاً: ((يوم لا تملك نفس لنفس شيئا.. والامر يؤمئذ لله..)) فليس للرجل أن يحمل عن المرأة مسئوليتها، ولا للمرأة أن تحمل عنه مسئوليته..
الذي أوجب النزول عن مستوى مبدأ المسئولية الفردية الكاملة إلى مستوى الوصاية هو حكم الوقـت، فقد كان الرجال قاصرين.. والنساء؟؟ من باب أولى!! اليوم القانون هو الوصي على الرشد من رجال، ومن نساء.. ولا سبيل إلى ذلك إلا ببعث آيات الأصول لتكون هي صاحبة الوقت، اليوم، بعد أن كانت منسوخة، أمس.. ذلك بأن الدستور الإسلامي ليس في الشريعة الإسلامية، وإنما هو في أصول الدين.. وهو ليس في الشريعة الإسلامية لسبب واحد، بسيط، هو أن الشريعة الإسلامية، التي بين أيدينا اليوم، إنما قامت على الوصاية، وليس في الوصاية دستور، على الإطلاق..
ففي حق المرأة اليوم تأتي الآية المكية ((ولهن مثل الذي عليهن بالمعروف)) وكلمة المعروف واضحة بأنها المعروف بين الناس، ما تعارفوا عليه، وهو العرف، وهو حكم وقت.. و((للرجال عليهن درجة)) هو تفاضل في منطقة الدين ولا تعني مطلق رجل على مطلق امرأة..
| |
|
|
|
|
|
|
|
|
|
Re: حاشاها من نقص العقل (Re: مصطفى الجيلي)
|
هل نستطيع أن نقدم هذا المستوى من الإسلام لبشرية القرن الواحد وعشرين؟؟
لبشرية هؤلاء خمس من نسائها هم وزيرات دفاعها؟؟ ولاحظ لسن وزيرات تعليم أو وزيرات ثقافة، وإنما وزيرات دفاع يعتمد عليهن في قتل مجاهدي القاعدة والأفغان وداعش ... وأنواع المجاهدين المهووسين والمهووسات!!!
| |
|
|
|
|
|
|
|
|
|
Re: حاشاها من نقص العقل (Re: مصطفى الجيلي)
|
يا حافظ بشير
لك العتبى ، ما شفت ردك
وشكراً دكتور مصطفى على مسألة حكم الوقت ومسألة الأصول
وبالطبع الجمهوريين وكثير من المسلمين الحداثيين يطالبون بقراءة القرآن في
سياقه التاريخي وبأسباب النزول (تاريخية النص).
القياس الفقهي وأصول الفقه عموماً علم حديث جاء بعد مدة
من وفاة الرسول (ص)، وبدأ بالأصول الأولى القرآن والسنة والإجماع
ثمّ توالت بعد ذلك مناهج أخرى كالقياس (يُنسب لعلي بن ابي طالب في حد القذف)
والاستحسان والاستصحاب.
وحتى هذه الاصول كان هناك اختلاف حول بعضها (ابن حزمه وإبطاله للقياس مثلاً).
المهم اثرت النقطة تحديداً للنظر لكيل الفقه بمكايييله الخاصة استناداً على آية الدين
واستحالة تطبيق نفس المبدأ على (شهادة المرأة) عموماً، ولذلك أبطلوها بدون مبرر.
فالذي يجعلها تشهد على مكاتبة الديون يمكن بسهولة يجعلها تشهد على الجرائم
الحدية أو العادية (بصرف النظر عن العدد (اثنين أو أكثر).
فما المنطق الفقهي في جعل شخص ينفذ بجريمته الحدية لمجرد أنه ارتكبها أمام نساء
هل يمكن أن يكون هذا حكم إله عادل وخالق للجنسين معاً.
اشكالية الفقه عموماً هي تقديسه والتعامل معه بأنه لا يأتيه الباطل من بين يديه ولا من خلفه
وفي النهاية نعرف أنه لا يغنيك عن الله شيئاً.
فلو أنا قاضي ورفضت شهادة امرأة في جريمة وسألني الله يوم القيامة عن ذلك
فهل سيغني عني مالك او الشافعي او ابو حنيفة عن الله شيئاً.
التاريخ السياسي للفقه الاسلامي ومدارسه الكبرى يبيّن بوضوح أن قرار الزامية
الفقه والمذاهب الأربعة بالاضافة للفقه الشيعي إنما هي قرارات الزمها الواقع السياسي حينها.
ولا أعتقد أنها ملزمة لنا اليوم بأي حال من الأحوال، نأخذ منها ما نشأ ونستبنط أحكامنا بمناهجنا
ونستحدث مناهج أخرى كما فعلوا (أقصد الأئمة) تماماً، هم بشر اجتهدوا
ونحن بشر من حقنا أن نجتهد، ونتحاسب كل بكسبه (فرداً) أمام الله يوم الدينونة.
| |
|
|
|
|
|
|
|
|
|
Re: حاشاها من نقص العقل (Re: الصادق اسماعيل)
|
يا الصادق،
ليش ما دام النص دا (الدين) فيهو اشكاليات احتاجت للائمة الأربعة، الفكرة، شحرور، الترابي، هلم جرا ذات نفسو .....
احتاجت لكل هؤلاء لترقيعو، ليش ما تقوم الناس تخليهو بالكامل في رف التاريخ، وتذهب للمجرب وأثرو بائن؟
ليش؟ ليش؟
الاجتهاد في إيجاد مخرج للنصوص هو في ذات نفسو قمة التقديس للنص
| |
|
|
|
|
|
|
|
|
|
Re: حاشاها من نقص العقل (Re: أبوبكر عباس)
|
الأخ الصادق....
تحيتي ومعزتي...
والله يا الصادق لم أر أبدا في تقليل شأن الدين وتمييع مقاصده من قولك هذا، كما عبر بذلك الأخ أبوبكر عباس... فلعمري يا الصادق، أنت بقولك هذا تجعل فهوم النصوص ميوعة سائبة، وتهدر جهود الفقهاء حتى كقيمة تاريخية وتظهرها وكأنها لا يعني شيئا ولا تلزم أحدا.. وتشير إلى أن قياس القائسين لا عبرة به.. فلم يبق إلا أن نقول لا قيمة لكل هذا ولا عبرة به.. ولعلك قد قلته فعلا...
وأنا لا أأوافق الفقهاء وغير ملزم لي ما جاءوا به، ولكن ليس بسبب هذا التمييع في الفهوم، وعلى العكس أقول أنهم قدموا الكثير المفيد لزمانهم وقد قدم عملا تاريخيا خلال الحقب الطويلة ولكنه استنفد أغراضه الآن..
فهم الجمهوريين هو أنه بعد أن صارت بيئتنا بفضل التطور العملاق بيئة جديد مغايرة لواقع القرون السابقة، برزت عندنا كل عناصر التناقض من التشاحن والتطرف الديني والحروب والتضاد الكوكبي.. واختلاف الوقت ومتطلباته هذا الاختلاف وتقارب البشريه هو وراء هذا التناقض والتضاد...
ولأن الدين صالح لكل زمان ، فإن له من السعة الأزلية الحلول في قرآنه وفي قداسته.. لديه حلول للقرن السابع بما يحي الموات، تماما كما أن به حلولا لاحتياجات القرن الواحد وعشرين من يحيي مواته وما يعجز فلسفاته الراهنة.. فيه هذه المزاوجة بين مساواة توزيع الثروات ومساواة توزيع النفوذ، وهي أفضل ما جاء به التراث الشرقي وأفضل ما جاء به التراث الغربي.. بعبارة أخرى يزاوج بين الاشتراكية والديمقراطية وبما يمكن من تحقيق العدالة الاجتماعية في قرآنه المكي حيث أصول الدين بالمساويات بين الرجال والرجال من كل الأديان وبين الرجال والنساء ويحقق الحريات والسلام وهو حاجة البشرية اليوم...
وكل هذا المشروع من الحلول، بفضل الله، ليس بفعل فلسفة المتفلسفين وإنما كما تقوله الآيات المكية وبما طبقه النبي عليه الصلاة والتسليم في سنته في خاصة نفسه... ولا أظنك إلا أنك قد سمعت كل ذلك ، ولكني أشعر أن واجبي يحتم علي التعبير عنه فلعله يحدث خيرا ويحرك فكرا..
| |
|
|
|
|
|
|
| |
أبوبكر عباس
محمد عبدالله مختار
فردوس جامع
عبدالعزيز الفاضلابى
Yasir Elsharif
Hafiz Bashir
محمد على طه الملك
الصادق اسماعيل
MAHJOOP ALI
مني عمسيب
ابراهيم عبد الوهاب
حيدر حسن ميرغني
معاوية الزبير
عثمان احمد شرف الدين
مصطفى الجيلي
فيس بوك
تويتر
انستقرام
يوتيوب
بنتيريست