|
|
 Re: (حياة الرحيمة) … قصة منزل مغلق “بأمر” الش (Re: عادل ابراهيم احمد)
|
سلام للكل
الأخ عادل إبراهيم حمد
انت قلت (هذه السيدة) يعني الأم لوحدها هي المنتجة للخمر،
طيب ما ذنب الأطفال وأخواتها وزوجها ؟ \
وهل إخلاء المنزل بالقوة وترحيلهم هي العقوبة في هذه الحالة ؟
وهل هي الوحيدة البتنتج الخمر في السودان؟
وهل ما ينتج الخمر في السودان بقفلو بيتو وبطردو منو وبقلعو منو ؟
كان بالقانون الوضعي كان بالشريعة إخلاء البيت وطردهم وترحيلهم ما هو صحيح وللأسف فيه شبهة عنصرية واضحة ما دايرة ليها اتنين تلاتة
الأم بتصنع خمر ، طيب دا حرام وممنوع بالقانون يسوقو الأم يدخلوها السجن ويخلو البيت فاتح الأطفال يمشو مدافهم ويرجعو بيتهم ، زوجها يمشي شغله ويرجع بيتو لقوه شادي خمرة يسوقو يلحقوها مرتو؟
طيب هي ذنبها سوت الخمرة ؟ الناس البسكرو ديل هي بتجبرهم ؟ ولا بشربو بإرادتهم ؟ وليه ما سألوهم هم وخلوها هي ؟ الناس حقو تراجع نفسها أول قبل تغلط الأم دي
مع كامل إدانتي لصناعة الخمر وشربها وتوزيعها وكل الجرائم الاجتماعية الأخرى .
وتقبل تحياتي
|
|
 
|
|
|
|
يوسف الطيب احمد إدريس
فيس بوك
تويتر
انستقرام
يوتيوب
بنتيريست