|
|
|
 Re: ◘يوميات بكّور◘ (Re: جلالدونا)
|
بكور بتاعنا اشتر شتاره مباالغه
وعامل فيها انو بفهم في كل حاجه
فيوم واحده من نسوان البلد عندها تيرموس شاي ما قدرت تفتحه
وبكور قاعد في ضل الصالون قال ليها ناوليني ليها
ادتو الثيرموس زولك يمين شمال مرة بالمفك ومرة بالزرديه مره بالشاكوش
الترموس اتكسر
رفع ليها الترموس بالحيطه وقال ليها فتحتها لكن للاسف اتكسرت
| |
 
|
|
|
|
|
|
|
|
Re: ◘يوميات بكّور◘ (Re: علي محمد الفكي)
|
بكور بتاعنا متلقي حجج ويفتي في البعرفو والما بعرفو
وما يسمع ليهو بي مشكله ولا نقاش الا ويستلمه
يوم واحد من اولاد البلد طالع بي عربيتو ضرب حمار حاج الزين قتلو
المهم حاج الزين وكعادة اهل البلد عفى وانتهى الموضوع في لحظتو
وبكور ما حاضر كان في السوق
جاء العصر سمع الخبر طوااالي على بيت حاج الزين
يا حاج الزين صحي عبد القادر ضرب حمارك بالعربية
ايوا يا بكور
والحمار مات
ايوا يا بكور
وعملت لي عبد القادر شنو
يعني ح اعمل ليهو شنو قضاء وقدر
كيف يعني قضاء وقدر
ايوا قضاء وقدر
لالا لازم توديهو القاضي
يا بكور اوديهو القاضي عشان صدم الحمار معقول الكلام دا
لازم ياخذ جزاهو البلد ما سايبه
يا بكور الله يرضى عليك الحمار حماري وانا عافي
بكور طلع وتاني جاء داخل
يا حاج الزين بيع لي حمارك المات انا بشتري منك
| |
|
|
|
|
|
|
|
|
|
Re: ◘يوميات بكّور◘ (Re: أبوبكر عباس)
|
كدي شوف الحمي دي ..
الطبل حمى الطبل في رأسي ,
شرايني تفح بلا إن إنقطاع
جسمي عليه عقارب العرق السخين
كأن
الاف الأفاعي
في الصدر تنهشني. . . دوارك ياسهول
وياجروف ويامراعي
أنا من وثاق العرف محلول الشراع
أبكي وأضحك لا يبين تبذلي العاري
ولا يبدو الضياع
أنا في جحيم الغاب في أبد التلاحم
والصراع
غنيت للسود الغلاظ و العبيد والرعاع
للحاملين غشاوة الجهل الضرير حقائقا
تعلو على صنم الحقائق
للعائدين من الحدود... لكل كذاب
وصادق
للشمس تغسل بيتنا العالي علو
الشمس
من مطر البنادق
للجاهلين الهاربين وللذين أحبهم
ماتوا بأيدهم, ومن يبسوا بأعواد
المشانق
ولا شوف وصف الانتظار
بلور ضلعك ياعصير الريح سال على
النوافذ والزجاج
مطرا كدمع الشمع يغسل مدخل
الكوخ
العتيق من السياج إلى السياج
قلبي تعلق بالرتاج.
أتدق لحظة قربها حانت شراييني
ارتوت
قلقا وكدت من الهياج
أهوي أمزق زركات ستائري الجزلى
وأعصف بالسراج
الساخر المجنون يرمقني ويضحك في..
إرتعاش
هذا الرشاش.....
ما صدع جنح يراعة تلهو وماحبس
الفراش؟
أيعوق مقدمها النسيم وهذه السحب
العطاش؟
وألملم الحاكي وأرفع زورق التحف
الأنيقة والرياش
ليخر صرح مباهجي الواهي , ليخترق
الفراش
| |
|
|
|
|
|
|
|
|
|
Re: ◘يوميات بكّور◘ (Re: عبدالحفيظ ابوسن)
|
ود ابو سن ياخي احلى مقطع في القصيدة دي :
وطرحت قوس َ كمنجتى جسراً ببحرِ الليل. ثم هويت للقاعِ. متورم العينين تنبضُ عبرَ أسماعِى. طبولُ العالم الهدّار
قوس كمنجة
وجسر
وقاع
وعيون ورمانة
وطبول هدارة
-
دي عوالم بكورنا بي ضبانتا لو بس اضفت ليها (أستار بكس) وحاجاتو التانية ديك 
| |
|
|
|
|
|
|
|
|
Re: ◘يوميات بكّور◘ (Re: حيدر حسن ميرغني)
|
دي كيف معاك يا حيدر
بلاثيبو
بلاثيبو- رجل كان صديقاً ثم.. مات فيه الاحساس بالصداقة
يُحسبُ الكذبَ الحصيفْ
يَعْرفُ العصر تماماً والخبايا
وكرفاءٍ عجوزْ
يَحبكُ الأدوار حبكاً رائعاً
ويخيط اكفاناً من الفرو الثمين
تريح أجساد الضحايا
ثم يبدأ مْنْ جديدْ
منبهلة شوية ولا احسن ترانيم حامل الاختام .. شايفو شايل ختامتو ولافي بيها
| |
|
|
|
|
|
|
|
|
|
Re: ◘يوميات بكّور◘ (Re: حيدر حسن ميرغني)
|
ماشاء الله البوست وصل الصفحة التالتة وعمنا الملك لسه بتكلم عن الشهرة
وبدورنا نساهم في الصفحة 3 قبل أن تنطوي ، بعدد 2 يومية ..
1-بكور بيقول للمدام:
- لازم تعرفي ان كلمتي في البيت زي الساعه ..
المدام حدرت له بغضب فقام قالها :
- يعني لا بتقدم ولا بتأخر
.
.
2- النكتة الثانية ، ونسبة لطبيعتها المماثلة لمداخلة ابوبكر ، نبدأها عادي ونكملها بالحبر السري ..
بكور من كترة زهجان من مرته باع سرير النوم
وجاب في الغرفة اتنين سنغل ،
يوم جاته المدام مكبرته و قالت ليه ،
- أربطني في سريرك ده واعمل اللي نفسك فيه ..
قام ربطها بالسرير و
..
تحياتي مجددا اخي جلال :
لتكملة اليومية الاخيرة قم بتظليل الجزء الفارغ بعد حرف الواو
كما يمكنك متابعة بوست الاستنارة المنبثق بنفس الطريقة .
| |
|
|
|
|
|
|
|
|
|
Re: ◘يوميات بكّور◘ (Re: عمر التاج)
|
يا سلام يا اسامة ياخ و القسم العطيم زارتنا البركة
| Quote: آن لبكور أن يمد رجليه وينتعل الكسره .... غايتو عريبى الكمير جاتو مقشره |
شكلك طولت الغيبة من البورد .. انا هنا على كيفى ,,اقول ازرق ناصع.. ابيض زرعى .. اريّع و أكّعب
مافى زول يقول لى تلت التلاتة كم
بكور مسجّنى بمسج ثم كالنى بى كول ثم فيسّا و بوّكا و توترا و يوسبا
قال يعملو ليك يومية ... قتّلو ياخى ود ابارو ده صاحبى .. قالى خلاص خلّى ابو حنيبرة بتاعو ده
يمد ضلوفو ديل فى حوش البقر
| |
|
|
|
|
|
|
|
|
|
Re: ◘يوميات بكّور◘ (Re: جلالدونا)
|
من زمن جهلو ..كرهتو فى الدنيا دى يدوهو حقنة
اها قام سألنى و ين صاحبك المدعو ود المشرف
قتلو شكلو زعلان منّى
قال لى خلاض غنى ليهو غنوة الدكتور زعلان منى
يمكن يكشحك بى عربية
فى سرى ضحكت وقتلو ياخى المدعو ده ما عندو غير الحقن
قال لى كان كده خليهو يطرشق
| |
|
|
|
|
|
|
|
|
|
Re: ◘يوميات بكّور◘ (Re: جلالدونا)
|
اتجاهات البوست دا جاطت واتلخبتت
التيم الشغال ضد بكور شغلو تعبان
وبكور زاتو فقد ملكة المطاعنة في تعليقاتو في البوست دا
دا كلو كوم الطيرة المبارية السيرة كوم تاني
| |
|
|
|
|
|
|
|
|
|
Re: ◘يوميات بكّور◘ (Re: وضاحة)
|
شد التزوير و الارتداد و تغيير المواقف
| Quote: طاقية حتى لو مقاسك كان ما مكتوب فيها اسمك ما تدّرعها ساي |
وين حتى لو مكتوب فيها اسمك و اسم ابوك
يا تاجو لو سمحت شاى بارد و بالملح لى اخونا ود الخدر و بالحركة ديك
ثم اسمع
البنقو ما وصلنى ... ح اكون قاعد خرمان كتير
انجز و سريع ياخ
| |
|
|
|
|
|
|
|
|
|
Re: ◘يوميات بكّور◘ (Re: عمر التاج)
|
يا عمك فريق الكرور ده انا الكابتن بتاعو
و الثيردباك على الطيش وجناحنا ود عوووضة
ف زولط ده شوف ليهو فريق تانى ... ما دايرين نتعوّق ياخ
وديهو فريق متلقى الححج ... ابرك ليهو
و الله صحى
____
و ين الطرد يا عمك ... لازمن ترسلو الان و بى علم الوصول
| |
|
|
|
|
|
|
|
|
|
Re: ◘يوميات بكّور◘ (Re: جلالدونا)
|
جمعة مباركة للمستنيرين والمامستنيرين
وبالمناسبة الجمعة المباركة بتسري علي الحيين والميتين
اقصد المصدقين الرسول واصحاب المجرات ..
أها .. فريق الكرور ده طبعا كان ساكن فيهو الشبح
وانا كنت راس الحربة ولابس 9 ، قبل ما يفرتقوا عوووضة رد الله غربته
أتمني انو نستدعي ببقية الفريق ونعمل معاهم مبارة تسخخينية
شكلوا الفريق التعبان بتاع حلة بكور ده راقد ليهو فوق راي
البتاع قرب يظبط ، لكن شكلك غيرت خانة لاعب فيهو
علي كل حال شوته جيدة
والباقي بصلك اليوم
ان شاء الله
| |
|
|
|
|
|
|
|
|
|
Re: ◘يوميات بكّور◘ (Re: عمر التاج)
|
ود المليح درويش ومن الابدال عندو متلازمة التصنيف
وينطبق عليهو المثل الجمل ما بشوف عوج رقبتو
بستغلوهو بعض المسانيح ويعزفوا ليهو على وتر انو افهم زول
ويستدرجوهو عشان يصنف اهل البلد
وتصنيفات ود المليح مرتبطة بالحيوانات وخاصة الحصان
فعندو ناس حصين
وناس بط
وناس جيش
وكل تصنيف عندو درجات
مثال حصان كارو وحصان سبق .. وحصان فاعوص .. وابيض بط
المهم مجموعة طواقي
وود المليح مصنف نفسو حصان فاعوص
فيوم واحد من المساخيت سالو يعني شنو حصان فاعوص
فرد ود المليح حصان فاعوص يعني لا يضر ولا ينفع يأكل ويشرب
ويحوم في الجزيرة من اوله لي اخره ولما يتعب يرقد مافي زول يسألو
| |
|
|
|
|
|
|
|
|
|
Re: ◘يوميات بكّور◘ (Re: علي محمد الفكي)
|
يا جلجل تاجو دا أكبر غواصة أوعاك تصدقو ..
عامل فيها معارضة لـ بكّو لكن هو معاهو ..
أنت ماك شايف أول ما بكّو رفع الكرت اللحمر ..
شبكنا ليك المستنيرين والمستنيرات الأحياء والأموات ؤ مش عارف أيه ؟
سيبك منو ياخي.
أنت يا تاجو ..
الطرود البترسلا لجلجل ؤ كتلت حيلو دي شنو؟
بعدين بالجد كدا ..
أنا بكتب المداخلة وأقراها زي دشليون مرة في شاهد قبل الإرسال ..
لكين ما بشوف الغلتة إلا بعد الموضوع يترفع في المنبر ..
لالا أنا نضارتي جديدة إلا السمع مش ولا بد ..
يكون دا من السمع ولّ ياهو التحمٌر القلت عليهو من مصاقرة النت؟
حد يصحي ود المدير ..
ولّ بلاش خلو تحت فروتو..
ياربي يكون بكّو ساكي ليهو جمل سبق تاني؟
محبتي للجميع .
| |
|
|
|
|
|
|
|
|
|
Re: ◘يوميات بكّور◘ (Re: جلالدونا)
|
عزيزنا عماد قريش
كيفك يا صاحب
شاكر مرورك و اشادتك بالبوست
و الفضل يرجع كى كل الاخوة الشاركو فيهو
انا بس فرشت ليهم السباتة و جبت ليهم الشاى بالنعناع
| |
|
|
|
|
|
|
|
|
|
Re: ◘يوميات بكّور◘ (Re: جلالدونا)
|
الدرديرى ود الكبّاشى
يمين الله سعيد بالطلّة
ياخى لازمانى خدمة منّك
يعنى لو امكن تشيل اليوميات دى
و تبّهرا و تعمل ليها الذى منّو داك من طباق و جناس و خِدع لفظية
و تلمّها فى كتاب
اقتراحى الكتاب يكون اسمو حداشر عام من العزلة
التسعة و تمانين عام من العزلة الباقيات نخليّهم لى بكور
... يمكن يكتب فيهن الرد على يومياتو ...
| |
|
|
|
|
|
|
|
|
|
Re: ◘يوميات بكّور◘ (Re: جلالدونا)
|
كيفك يا حبيب .. والله صقط وفوف..فعلاُ يا جلال الواحد مع منظومة 1067 بقى ما فاهم حاجه ... .. وأهو البركه في الطله كل عيك و نهاية وييك .
أها فوق عوسك ماك مساعل ماياها دارك و ما كا ضيف تتضاير . وغلتانه الهندسه وخاتيه وقاطعه الدرب ومتلومه كمان...
أما بعد...
لك الشكر أجزله للجهد المبذول فى التوثيف لحبيبنا المستنير الكميرابى وطبعاً لا زلنا في الجزء الأول من السلسله والذى يمثل المرحله المحليه لنجمنا وسنتابع الإقليمى بأرض الشيخ زايد والدولى عبر البحار وبلاد العم سام .. فسنكون هنا
وعلى ذكر المرحله الدوليه هنالك نيًه كان المولى هوًن آخد العيال وأزور الساحل الشرقى حيث أرض المستنير لمعايشه الأستنارة الدولية لااااااااايف .... أها مو دقش ؟؟؟
مع التحايا للمشاهدين الأعزاء
ومتابعين
| |
|
|
|
|
|
|
| |
جلالدونا
علي محمد الفكي
أبوبكر عباس
عبدالحفيظ ابوسن
حيدر حسن ميرغني
عمر التاج
محمد البشرى الخضر
وضاحة
محمد على طه الملك
فيس بوك
تويتر
انستقرام
يوتيوب
بنتيريست