|
|
 Re: زول (Re: Hani Arabi Mohamed)
|
قبل كم يوم واحد يذم في موقف الحكومة تجاه مجاعة الجنوب وقال ما معناهو الناس ديل استقدموا 100 ألف سوري هسة مالم عملو نايمين من الجنوب
لحدي هسة مستغرب الدخل السوريين في الموضوع شنو ! علماً بإنه عدد الجنوبيين الفي مايو بس بفوت المية ألف !
السوري لو قح في تويتر ساي تلقى العالمين شايلة اسكرين شوتاتو ومكسية بيه العرايا والسبب إنه العرب بكرهونا وبحتقرونا
كدي جرب اتكلم عن جمبات الديم أو قول الكلام الشايفو كل من له عينان عن انتشار الدعارة بواسطة الحبش .. علي الحلال يحفروا ليك اخدود في نص المنبر دة ويرجموك حجار وكل ما تدور ترفع راسك يسألوك عن الاثباتات - الما محتاجة غير عبور الشارع بس - سؤال الملكين .. السبب إنه الحبش بريدونا وبحتفوا بينا
ما قادر أحدد هل الموضوع مجرد عدم ثقة في النفس وخلاص ولا شعلقة يائسة في حبال العروبة!
غايتو أنا لو صحفي خليجي جديد في الشغلانة بكتب لي مقال أشكر فيه السودانيين .. في يومين بس ببقى تريند ومقالاتي بتنتشر وسط الملايين
زي واحد من الصحفيين ما متذكرو كتب عن إنه تلقى آلاف الإيميلات من السودانيين بشكروهو على الصدع بالحق عشان شكر السودانيين!
هل نحن ما واثقين في امكانياتنا وراجين العرب يدونا الثقة ويقولوا لينا فالحييييين خلاص انتو ناس كويسين ؟
قبل فترة في فيديو فيه تجميعة لمقاطع شيوخ عرب بشكروا في السودان كان بجيني في الواتساب بمعدل 5 مرات في اليوم لمن بقيت امسح الفيديوهات من طرف .. افتح اليوتيوب القاهو وش لمن اضطريت عملت عليه not interest الناس كانت فرحانة فرح جنوني بالمدح دة
بنفس القدر نكتة عن الزول محكية بواسطة عربي ممكن ترفع ضغطهم وتخليهم يضاربوا من طرف
لو رأي الناس فيك بشكل حياتك معناها انت ما واثق من نفسك ومنتظر الناس موش يقيموك بل يعملوك ويشكلوك
ولو شوفك للحقائق بعتمد على حبك أو كراهيتك للآخر معناها عمرك ما حتشوف حقيقة .. حتشوف أمنيات فقط
|
|
 
|
|
|
|
|
| العنوان |
الكاتب |
Date |
| زول | أبوبكر عباس | 02-22-17, 06:46 PM |
| Re: زول | عبدالعزيز الفاضلابى | 02-23-17, 00:25 AM |
 Re: زول | Hani Arabi Mohamed | 02-23-17, 01:48 AM |
 Re: زول | معاوية المدير | 02-23-17, 03:27 AM |
| Re: زول | أحمد محمد عمر | 02-23-17, 03:30 AM |
| Re: زول | أحمد محمد عمر | 02-23-17, 03:38 AM |
| Re: زول | أبوبكر عباس | 02-23-17, 07:44 AM |
| Re: زول | أبوبكر عباس | 02-23-17, 07:46 AM |
| Re: زول | Nasser Amin | 02-23-17, 09:43 AM |
| Re: زول | محمد على طه الملك | 02-23-17, 09:07 PM |
| Re: زول | أبوبكر عباس | 02-24-17, 02:05 AM |
| Re: زول | mustafa mudathir | 02-24-17, 06:11 AM |
| Re: زول | جلالدونا | 02-25-17, 08:43 PM |
| Re: زول | sadig mirghani | 02-26-17, 05:52 AM |
| Re: زول | الطيب رحمه قريمان | 02-26-17, 06:12 AM |
| Re: زول | MOHAMMED ELSHEIKH | 02-26-17, 06:24 AM |
|
| |
فيس بوك
تويتر
انستقرام
يوتيوب
بنتيريست