|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: فيما يختص بِشِقق القاهرة، إقتراحات وأراء (Re: معاوية المدير)
|
بعد مدآخلة الأخ حامد الصاوي إتصل عليّ الأخ جلآلدونا وإقترح ننسق مع بعض
لإرسال بعض المال، إتصلت علي الأخ حامد وأخطرته بمُقترح جلالدونا لكن
الأخ حامد كان عندو رأي آخر وهو أن نقوم بجمع مبلغ يغطي تكلفة إيجار الشقة
لمدة عام كامل. أخبرت الأخ جلال وكان يفترض أن يحصل إتصال هاتفي بين
جلال وحامد لكن تعثر الإتصال، وإلتقيت أنا بالأخ حامد وبعض الأخوة والأخوات
من مدينة كالقري في منزل الأخ حامد كما أسلفت وكانت لهم اراء مُخالفة تماماً
تخص جميع السودانيين في بلآد المِهجر سأطلعكم عليها إن شاء الله، وكلٌ من
لديه رأي أو إقتراح يُمكن أن يُدلي به...
| |
 
|
|
|
|
|
|
|
|
Re: فيما يختص بِشِقق القاهرة، إقتراحات وأراء (Re: ملهم كردفان)
|
بالأمس إلتقيت بعض الإخوة هنا في مدينة كالقري، وقدم الأخ عمر خالد إقتراح
بأن تتكفّل كل مدينة بدفع تكلفة شقة كاملة لمدة سنة، وتمّ تقدير تكلفة ما يدفعه
المتبرع في السنة مابين 20$ لـ 5$ دولآر في السنة، ثُمّ قُدِم إقتراح بأن تدفع
كل دولة إيجار شقة لمدة عام كامل وتمّ تقدير تكلفة ما يدفعه المتبرع في هذه
الحالة بـ 5$ في العام.
عموماً إتفق الصحاب الذين إلتقيت بالأمس علي أن تتكفل مدينة كالقري بدفع
إيجار شقة لمدة عام كامل...
| |
|
|
|
|
|
|
|
|
|
Re: فيما يختص بِشِقق القاهرة، إقتراحات وأراء (Re: معاوية المدير)
|
اولاّ يا ود المدير ادعم اى اقتراح فى الحتّة
و خليها الدولة ... من مدينة فينكس بس ممكن نلتزم بى ايجار شقة
و قول ناس السعودية التزموا بى شقّة
و ناس الامارات شقة
و ناس قطر برضو شرحو
بالاضافة لى شقّة كالقرى
دى خمسة شقق
,,,, الكلام ده على سبيل ضرب المثل ,يعنى ناس اوروبا ما يتحسسّوا ...
هل اخونا ملهم كردفان ممكن يتفرغ عشان يشرف على الشقق دى براهو
اذا كانت اجابة اخونا ملهم بالايجاب
اقترح تخصيص مرتب شهرى ليهو
و اذا كانت بى لا اقترح اشراف جماعى من بورداب مصر
و فى حاجة تانية ح اتكلم عنها بعدين بعد سماع مقترحات الاخوة و الاخوات الاعضاء
| |
|
|
|
|
|
|
|
|
|
Re: فيما يختص بِشِقق القاهرة، إقتراحات وأراء (Re: ملهم كردفان)
|
تحيه طيبه يا ود المدير وياكل من تبرع او قرر ان يكون داعما لخدمة فايزين الخيريه
الاداره والاراده هم كفيلين بإنجاح اي عمل انساني طابعه الشفافيه
والنزاهه والوضوح
تجمعكم من اجل هذا العمل وفكرة دفعه في الاتجاه السليم لهو انبل الغايات التي تجبر الانسان علي التفرغ المطلق لتفعيل كل مايمكن تفعيله بالاتجاه الصحيح
اذن
خلونا نفعل فكرة شقه الاستقبال الاولي وانجاحها ثم نرفدها بشقة مجاوره
لتسكين شهري كامل
لان الفكره هي
استقبال ثم تسكين ومتابعه مباشره مع الدكاتره والمرضي عبر الوسائل المتاحه
الفكره لاتتطلب في مرحلتها الحاليه خمس شقق او اكثر
ولو فكرنا في ذلك لاهدرنا اموالا تقدمونها عبثا
فخمسه شقق مختلفة الاماكن بإيجارات تصل لعشرة الالا ف او تزيد
لاجدوي منها
بل يجب ان نركز في فكرة تملك شقه حتي لانثقل كاهل اهل الخير بإيجار شهري متواتر
هناك مناطق قيمة ايجارها منخفضه وهناك مناطق ايجارها مرتفع جدا جدا
اذن من يأتي للعلاج ويملك ثمن ايجار شقة منخفضة التكاليف سيتم تدبيرها له ومن يملك مايمكنه من السكن الباهظ التكاليف لن يحتاجنا اصلا
سنركز علي فئات بعينها هم
ذوي الميزانيه الهشه والضعيفه والذين تعرضوا لنوع من الاستنزاف المادي
والذين اصابتهم مصيبة في مصر
طيب
الفكره شنو ياخ
خلونا نبدأ بي تأهيل شقة الاستقبال والعربيه
ويمكن شقه مجاوره لانو لحد هسي مافي طلب لهذه الخدمه بكثافه لانها في بدايتها
لم القروش الغير مقنن ماحلو وبيدخل التشكيك وتكالب مرضي النفوس
وحصلت مشاكل قبل كده اتضررت منها كتير
زي ماقلت ليكم بعد مانعبر انطلاقة البدايات بعد كده ممكن نمتلك شقه محترمه بمبلغ مناسب بي نفس قيمة مقترح التبرع لايجار خمسه شقق في اماكن مختلفه ،
لانو التزام المتبرعين بضخ تبرعات متراتبه تصب في مصلحة ايجار خمسه شقق او اكتر لمده طويله ،،مافيها جدوي والله
،،،،
في بورداب محترمين في مصر مافي كلام
بس والله في بورداب هددوا بي اني بجمع تبرعات غير قانونيه وانهم حيبلغوا السفاره عني
وفي بورداب حرشوا الناس انهم يستردوا ماتبرعوا به وقد ارجعت مبالغ لاهلها حتي لا يتلوث اسمي
وفي بورداب والله اي كلام وبتاعين وعود كضابه ونقه فارغه
مجلس الاداره اكيد حيكون عالمي وفيه المختصين والمراجعين والاوفياء المحترمين
ومن القاهره ماحنضم لينا الا النزهاء الملتزمين
،،،
خلينا نقول اننا بجانب انجاح المشروع في بداياته
بي شقة الاستقبال وتأهيل العربيه
نخت في صندوق فايزين هذا المبلغ القادم للخمسه شقق او اكثر
حتي يكون قسطا لشقه استقبال حلوه وتكون مقر استقبال
وصدقه جاريه الي ان يرث الله الارض وماعليها وتكون بتمن معقول
بلا ايجار بلا وجع قلب وانتهازيه ملاك ،،
،،،،،
التبرعات ماشه وبدت
في الرسل وفي الوعد وفي الاتراجع وفي المتردد
واكيد حيكون في جدول بي اي قرش وصلني
وبي وثائقه
،،،،
ثم انو الثقه والشفافيه هم البيني وبين الناس
ماترسلوا قروش الا وانتو واثقين انها حتمشي لي مكانها الصاح
في حالات مرضيه بيتم دعمها وفي حالات متعففه بتندعم
بالاضافه لشقة الاستقبال وخدمة مشاوير المرضي وتحركاتهم المجانيه
،،،
راجع ،ومعاكم وبيكم ممكن نكون كلنا فايزين
| |
|
|
|
|
|
|
|
|
|
Re: فيما يختص بِشِقق القاهرة، إقتراحات وأراء (Re: ملهم كردفان)
|
شكراً ملهم علي التوضيح
و شكراً معاوية علي البوست
الاخوة في كالقري قدموا اقتراحات جيدة
و هذا هو حالهم في هذه المدينة سباقين للخير
اتفق مع ملهم في اننا نكمل الشقة الواحدة دي
و بعد فترة نحددها مثلاً ب 6 شهور نشوف الاقبال
و كمية الناس ال استفادوا منها قدر شنو؟ و هل في حوجة
لي شقق تانية . فكرة تكوين مجلس ادارة عالمي فكرة جيدة
لكن أحسن يكون مجلس اشراف علي الدخل و أوجه الصرف
أكيد ح يكون في تشكيك و اتهامات أرجو ان لا نهتم بها
بعدين التهديد بالشكوي للسفارة ده شيء غريب
يشتكوك عشان عاوز تساعد السودانيين.
ياخي حقو السفارة تساعد المجهود الشعبي للمساعدات
و تدعموا.
الف شكر ليكم لمساعدة المرضي الذين يبحثون عن الاستشفاء
في القاهرة. و لي عودة
| |
|
|
|
|
|
|
|
 Re: فيما يختص بِشِقق القاهرة، إقتراحات وأراء (Re: ملهم كردفان)
|
في البداية التحية للجميع بورداب وعابرين
وكل التحيا للاخوة ملهم وود المدير
نبارك ونثمن هذه الجهودالرائعة من أهلنا في قاهرة المعز
المهم أنشالله يتحقق الحلم
لكن أنا زعلان من البورداب أشحد في الكتب والمراجع لاولادنا في مصر هنا ولا حياة لمن تنادي لكين ربك كريم بالشباب ديل
وعمل الخير دا ما سكان بس الكتب صدقة جارية
يا جلجل ى سمعت يا يا نكي
| |
|
|
|
|
|
|
|
|
|
Re: فيما يختص بِشِقق القاهرة، إقتراحات وأراء (Re: ملهم كردفان)
|
يا بورداب مدينة كالقري بكندا
انتو ناس سمحين ...ولا شك انكم من اصحاب الايادي البيضاء
....وكنتم قدوة...
والتحيات النواضر لكم جميعا
والتحية لملهم كردفان...
ملهم كردفان...اقرا الخاص
ودمتم بالف خير
بسمات
،،،،،،،
اختنا الغاليه جدا جدا بسمات
صاحبة المبادرة المتفرده مع بورداب كالقري
الاروع لحد الآن في تراحمهم وتواصلهم المطيب
أكيد انوه علي انو اول بوردابي منكم رسل مية دولار هو الحبيب جلالدونا
وقد تم التواصل بيننا في الخاص وكان هو المبادر الجميل
شكرا بسمات
والشر موصول للقامات
ود المدير
وحامد
وجلالدةونا
وكل وجهاء ووجيهات كندا
الله يديكم العافيه
معذره ان حدثت اخطاء لغويه
| |
|
|
|
|
|
|
|
|
|
Re: فيما يختص بِشِقق القاهرة، إقتراحات وأراء (Re: ملهم كردفان)
|
السلام عليكم ورحمة الله والتحية للاخوة الزملاء كلهم
مجرد راي .. ماهي الشروط لسكن الشقق المذكورة
هل كل الشعب السوداني متابع هذا المنبر
هل الذين يقومون بالإدارة متطوعين ام بمقابل
اعلم ان هذا العمل من ناحية كلام ومقترح جميل
لكن التطبيق علي الواقع
للعلم اغلب مرتادي القاهرة من المرضي تكون لديهم
الفكرة اين ينزلوا وأين يعالجوا
-----
اعرف مصر جيدا والعمل التطوعي فيها صعب جدا
ويؤخذ بكم ناحية من السلطات المصرية .الحكومة
السودانية .. المعارضة السودانية
---------
لدي اقتراح تخصيص دعم للمرضي المحتاجين في القاهرة
والتنسيق مع الزملاء في القاهرة وأسرة المريض .. ولو أمكن
أكمال العلاج الكامل المحتاج
...
اري ان مقترح العلاج أقوي من الشقة
ليس لدي اي خلفية سوا حب الخير لكم ولنا
| |
|
|
|
|
|
|
|
|
|
Re: فيما يختص بِشِقق القاهرة، إقتراحات وأراء (Re: محمد المسلمي)
|
عليكم السلام يامسلمي
كلما عقل ياخي وعلي فكره انت من اسباب خروج هذه الخدمه الي النور
لانك لمن زرت مصر ماقدرت اجي اقابلك عشان ظروفي ماسمحت
فجات فكرة فايزين بعد كم مهمة استقبال مرضي وتحوليهم للدكاتره ومتابعتهموفي ناس ادوني ثقه ماعاديه لدرجة انهم رسلوا لي اسرهم واطفالهم،،،
طيب لستة الدكاتره موجوده بعناوينها
وشقة الاستقبال بتتجهز عشان ذوي الدخل المحدود من القادمين
وكمان وفرت عربيه لتنقلات المرضي والزوار
طيب الزول بدل مايجي يتجهجه ويكون ماعرف ينزل وين احسن حاجه نستقبلو ونشوف هو عايز شنو
ا
شقة الاستقبال لوجه الله والعربيه لوجه الله
اما العندو امكانيات ده فما اظن يحتاج لينا
يبقي في نية تفرغ كامل مني للخدمه دي
حتجي تقول لي هل حتاخد منهم قروش
اقول ليك ابدا
عربيتي في لحظات الفراغ بتجيب لي مصاريفي
واكيد حيكون في اسطاف عمل منتقي من الخيرينحأكمل كلام واشكرك يامسلمي علي التساؤل المشروع والجميل
| |
|
|
|
|
|
|
|
|
|
Re: فيما يختص بِشِقق القاهرة، إقتراحات وأراء (Re: ملهم كردفان)
|
Quote: شقة الاستقبال لوجه الله والعربيه لوجه الله اما العندو امكانيات ده فما اظن يحتاج لينا يبقي في نية تفرغ كامل مني للخدمه دي حتجي تقول لي هل حتاخد منهم قروش اقول ليك ابدا عربيتي في لحظات الفراغ بتجيب لي مصاريفي واكيد حيكون في اسطاف عمل منتقي من الخيرينحأكمل كلام واشكرك يامسلمي علي التساؤل المشروع والجميل
|
النية مقبولة والأعمال بالنيات وموفق ياصاحب ودي المحرية وربنا يكمل المشروع
| |
|
|
|
|
|
|
|
|
|
Re: فيما يختص بِشِقق القاهرة، إقتراحات وأراء (Re: ملهم كردفان)
|
وبما انو مبادرتك بفتح البوست ده كانت مطمئنه ومفرحه
اكيد عنصر الثقه كان متوفر واتمني انو يكون في نفس موقعه من الاعراب
لانو سقف الطموحات الخيريه لايعزز الا بقامات قويه تعرف وتتحسس طريق الصدق من عدمه
اعول عليكم كثيرا في دعم البدايات
فلو في اي استفسار او تساؤل او استيضاح ماعندكم مشكله
| |
|
|
|
|
|
|
|
|
 Re: فيما يختص بِشِقق القاهرة، إقتراحات وأراء (Re: ملهم كردفان)
|
Quote: الاضاءه الحقيقيه هي البتجي منكم يابورداب كالقري
لانكم لو ارسيتم اساس البدايه معاي وعززتو الثقه
في العمل ده اكيد ده حيعني الكثير احترامي |
ملهم يا صديق،
البوست دا ممكن تعتبروا أساس للعمل .
يفترض كان نتقابل يوم الأربعاء الفاتت دي لكن حصلت ظروف،
ومن ناحية تانية في إنتظار أخونا عباس من مدينة إدمنتون .
لا نحتاج للخاص ولا للوآت سآب فضلنا المنبر حتي نشجع باقي
البورداب في جميع مُدُن العالم المتواجدين فيها علي الدعم، علماً
بأننا ممكن نقوم بدفع إيجار سنة لوحدنا لكن فضلنا نشرك الآخرين .
كلما نريده رقم التلفون الآن وهو متوفر .
إعتبر شهر أبريل مدفوع،
ولك مودتي ...
| |
|
|
|
|
|
|
|
|
|
Re: فيما يختص بِشِقق القاهرة، إقتراحات وأراء (Re: معاوية المدير)
|
لو المسأله دفع ايجار فقط يامعاوذه يبقي عملنا غير متكامل وععرج
الشقه عايزه شغل وعفش
في واحد رسل لي في الخاص قال لي في عفش في الرياض بالسعوديه
ورسلت ليهو عشاة تنفاكر في الموضوع .لي هسي مارد علي
جوانب العمل الخيري ده متعدده
ولوفكرنا بس ندفع حق اليجار يبقي حصرنا نفسنا في بند واحد فقط
واهملنا باقي المعينات التي تنمي وتفعل العمل الخيري ده
لو فرضنا انكم دفعتوا ايجار سنه امله لما ذهب كله لمالك الشقه ولفضلنا ان نصرف بعضه في شراء اثاث ودعمنا به بعض الحالات المعسره
او الصعبه
عموما تقبل الله منكم ومنا صالح الاعمال
،،،،،،
الشكر عبركم للاخ عثمان عووضه الذي ارسل ايجار شهر تلاته
نعي أليم
توفت مريضة السرطان التي اتصلت بنا للمساعده من السودان
انا لله وانا اليه راجعون
| |
|
|
|
|
|
|
|
|
|
Re: فيما يختص بِشِقق القاهرة، إقتراحات وأراء (Re: معاوية المدير)
|
Quote: فضل الله بابكر حماد · الشفاء في الرياض المملكة العربية السعودية
سلام مفترع البوست والاخوة فى
سودان سودانيز العامر وسدد الله خطاكم لى عمل الخير لكل سوانيين الشتات
الاخوين ودالمدير وجلال ابدو انتم من كندا ورسلو لى اخونا ملهم ياجر شقة لمدة سنه
وشوفو الاقتراحات للشقق التانيه وانا معاكم من 5الى50دولار |
جزاك الله خير أخونا فضل الله بابكر ...
| |
|
|
|
|
|
|
|
|
|
Re: فيما يختص بِشِقق القاهرة، إقتراحات وأراء (Re: معاوية المدير)
|
ملهم يا صاحب
كيفك ياخ
ياخى يمين الله نفسى المشروع ده يرى النور الليلة قبل بكرة
فما تشيل هم ح ينتم بإذن الله
على ضوء المعلومات الطرحتها فى ناس ساهمت
لكن فى إخرين يمكن يحتاجو لى شوية معلومات و عايزين الصورة تكون واضحة قادمن و ده من حقهم
فى رأييى عشان تحفّز الناس فى المشاركة, اقترح عليك التالى
معلومات عن الشقّة
المدينة الحىّ العنوان
فى ياتو طابق و فيها كم غرفة
العمارة فيها اسانسير ولّ لآ
.. دى واحد
اتنين
نفصل بين الحاجات ماليا
ياريت لو تمد الناس بى حاجة تقديرية لتجديد الشقة و فرشها
حاجة تقديرية لى صيانة العربية
الايجار الشهرى
بى صورة تانية قول مثلاّ
تجديد و فرش الشقة تقديريا 5000 ج م
صيانة العربية 800 ج م
الايجار الشهرى 1500ج م
الصيانة و تجديد الشقة الاتنين مع بعض 5800 ج م
يعنى لو الدولار بيساوى قول 10ج م
تبقى الحكاية كلها فى حدود 580 دولار
و ده مبلغ بندفع مرّة واحدة
و ما كتير على قبيلة ناس سودانيز
و تبقى الناس و خياراتا
العاوز يدعم الشقة
و العايز يشارك فى صيانة العربية
و الداير يساهم فى الايجار
بعد داك يجى دورك كمشرف على المشروع
و عشان الصورة تكون واضحة قدّام الناس طال مع الشغلة عمل خيرى جماعى
كل العليك مع مجهود تجهيز الشقّة تعمل تنوير للناس
وصلنى من فلان الفلانى مبلغ كده و تم صرفه فى كده
و كمان لو دعمت اوجه الصرف بى مستندات
يبقى ريّحت الجمل و الجمّالى
يتخيّل لى الحاجة دى بتساهم كتير فى تحفيز الناس للمشاركة
و ان شاء الله حنكون ضيوفك فيها عمّا قريب
| |
|
|
|
|
|
|
|
|
|
Re: فيما يختص بِشِقق القاهرة، إقتراحات وأراء (Re: ملهم كردفان)
|
جدية العطاء تستوجب جدية احترام أهل العطاء
واحترام خصوصية من طلب منهم ان لايذكر اسمه لكن ومع احقاق الحق سيتم وضع جدول التبرعات وفق مبلغ كل متبرع ومن ارتضي ان يذكر اسمه سنذكره ومن ارتضي ان نشير عليه بفاعل خير سيتم العمل بما قال
ومن نوه في الخاص بمايريد سيتم التعامل وفق مايشير به ،،،
ونحن في البدايات تم التعامل مع اربعه حالات
وتم تسكين حالتين واحده في. مابين السرايات حسب رغبتهم والاخري في ارض اللواء لقربها من الدكتور المعالج
تم دعم حالات تستحق الدعم ،،،وصرفنا
روشتات
و مساهمات احيائيه في شكل ،مصاريف،
او دعم محدود لايجار ناقص
،،،،
وتم دعم اخويين سافروا للسودان
،،،،،
وبما انو الميزانيه محدوده بنحاول نصرف بي حذر
،،،،
هناك من تبرع ب 300 دولار
وهناك من تبرع بمئة دولار
وهناك من تبرع بسته وستين دولار
وهناك من تبرع بواحد .خمسين دولار
وهناك من تبرع بألفين جنيه مصري
وهناك من تبرع بألف جنيه. مصري
وهناك من تبرع بخمسمئة جنيه مصري
،،،،،
تمت سمكرةالعربيه وتجديد بعض الاجزاء الصدئه 3500وسندخل علي الطلاء3000 وتنجيد الصالون 1000وتبديل الاطارات 2000
وتكاليف تجديدهافي حدود عشره الف
لانها مهمه جدا جدا لتنقلات القادمين
الشقه تحتاج لفرش كامل التي تحتاج لكنبتين سرير وسريرين سنقل ودولاب ودولاب مطبخ وتربيزه واربعه كراسي وبوتوجاز وتلاجه ووتلفزيون ودش وسلك دش وسخان وغساله وفرش ارضيات وتجديد طلاء وكرسي متحرك
لمن نجيب الحاجات دي حيكون بيدنا الفواتير والصور والفيديوهات
ومرحب بيكم في فايزين
تحت رعاية
اصدقائي سنايز الزمن الجميل
واصدقائي في سودانيز اون لاين
ملحوظه
في حاله شاب تضررت يده اليمين ويحتاج لعمليه دقيقه يحتاج عونكم يمكنكم التواصل معه مباشرة وهو بطرفنا الآن متي ماشئتم التواصل معه حاضرين
،،،
المسئوليه القانونيه والاخلاقيه تقع علي عاتقي انا الفاتح احمد حسن الشهير بملهم كردفان
قروب فايزين
00201281289899
| |
|
|
|
|
|
|
|
|
|
Re: فيما يختص بِشِقق القاهرة، إقتراحات وأراء (Re: ملهم كردفان)
|
ماتنسي انو في كتيب حيتم طباعته عن محاذير التعامل بحسن النيه
مع بعض النصابين والجزارين والمجرمين الذين يستغلون طيبة وتلقائية الانسان
السوداني
سيتم توزيعه لاكبر قدر مثكن من القادمين ونشره عبر الواتساب والمواقع المختلفه
وسيتم طبع كروت بالعنوان وتلفونات فايزين
،،،،
ممتلكات الجنعيه سذتم ايرادها في لائحه بعد اكتمالها
سأكمل لاحقا
| |
|
|
|
|
|
|
|
|
|
Re: فيما يختص بِشِقق القاهرة، إقتراحات وأراء (Re: ملهم كردفان)
|
فليبقى البوست في العلالي ؤ ياريت بكري يعلقوا
فوق استار المنبر .
شهر أبريل مدفوع إن شاء الله، شوفوا الباقي .
،،،،،
لك التحيه انت. وبورداب الصري ومابتقصروا والله
وعبركم اعزي الخي المفضال وكريم العطاء جلال دونا
وياجلال ان شاء الله تبرعك الانت اتبرعتوا صدقه جاريه لروح امنا المرحومه بإذن الله
اللهم اكرم مثواها واغفر لها وارزقها الجنه
اللهم احسن خواتيم اعمالنا
| |
|
|
|
|
|
|
|
|
|
Re: فيما يختص بِشِقق القاهرة، إقتراحات وأراء (Re: ملهم كردفان)
|
يا ملهم
اقسم بالله كتبت البوست حق بتي
وما عارف او سمعت بالبوست دا
الا اليوم فقط من الاخ ناسر حسين محمد
وفي عزاء شقيقته في الرياض ولفت نظري
الي هذا البوست حينما ناقشني في حالة البت
الصحيه ، وبعد قريت البوست خجلت لانو كأني
كنت اعرف بوجوده وعملت بوستيني وحتي الاخ
الامين البشاري يبدو انو ما سمع بهذا البوست لانو
يوميا بيسألني عن حالة.البت وما اشار لي للبوست دا
مما يدل انه لاعلم له به
عموما اذا الله اراد وعزمت علي مصر حتما سنتقابل
وسنحكي اكتر عن الموضوع ، واذا جيت مصر او ما جيت
انا قدحي مع الناس
| |
|
|
|
|
|
|
|
|
|
Re: فيما يختص بِشِقق القاهرة، إقتراحات وأراء (Re: على محمد على بشير)
|
سلآمات يا ملهم،
قُمتُ اليوم بتحويل المبلغ المُتحصل عليه من السودانيين بمدينة كالقري
إضافة لتبرع الأخ عباس من أهالي مدينة إدمنتون، وغداً إن شاء الله
سأرفق في هذا البوست صورة من مستندات التحويل .
الرجاء إخطارنا عند الإستلآم،
وشكراً .
ملحوظة،
المبلغ من السودانيين في كالقري بورداب وغير بورداب ...
| |
|
|
|
|
|
|
|
|
|
Re: فيما يختص بِشِقق القاهرة، إقتراحات وأراء (Re: Hamid Elsawi)
|
سلآمات يا ملهم،
قُمتُ اليوم بتحويل المبلغ المُتحصل عليه من السودانيين بمدينة كالقري
إضافة لتبرع الأخ عباس من أهالي مدينة إدمنتون، وغداً إن شاء الله
سأرفق في هذا البوست صورة من مستندات التحويل .
الرجاء إخطارنا عند الإستلآم،
وشكراً .
ملحوظة،
المبلغ من السودانيين في كالقري بورداب وغير بورداب ...
,،،،،،،،،،،،،
ألف الف مرحب يامعاويه ود المدير
عبرك الشكر لكل الافاضل الداعمين من بورداب كالقرى وحتي المابورداب
هم في النهايه احباب واهل
سيتم تبيين وتفصيل القادم كماينبغي ان يكون
مرفق احترامي لكم جميعا
| |
|
|
|
|
|
|
|
|
|
Re: فيما يختص بِشِقق القاهرة، إقتراحات وأراء (Re: ملهم كردفان)
|
شكراً ملهم
للتوضيح فقط و للأمانة
المساهمة ليست من بورداب كالقرى Calgary
المساهمة من مجوعة من السودانيين بمدينة كالقري
بالاضافة للعزيز عباس من مدينة ادمنتون و هو مجرد
ان سمع بالمبادرة اتصل بنا و قرر المشاركة في هذا العمل
نتمني ان يستمر هذا العمل و هناك كثير من الاقتراحات
ممكن نتابعها بالبريد الالكتروني
و لك الشكر
| |
|
|
|
|
|
|
| |
معاوية المدير
ملهم كردفان
جلالدونا
Hamid Elsawi
زهير عثمان حمد
محمد المسلمي
عبير خيرى
على محمد على بشير
فيس بوك
تويتر
انستقرام
يوتيوب
بنتيريست