خير يازعيم انتو الاتنين غالين والله اتمنى ياشباب تطايبوهم ولاتوسعوا الخلاف بيناتهم - ولدنا الهادي هدىء اللعب مع جلال ده عشان عمل لينا بوست عن عطبرة :))
02-16-2017, 03:13 PM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
حبيبنا جلالدونا .. مودتي .. حبيبنا الشغيل ده يومياً نحن نطل عليه في بوست عطبرة رغم أنني لم أزور عطبرة إلا المحطة وبالقطار إلى كريمة ثم الباخرة إلى دنقلا لكنه جعلني أحب هذه المدينة وأحب أبناءها وبناتها ( زي إبنتنا بسمات ) الشغيل ده خلوه مشغول ببوست عطبرة ..
دائماً أذكرك حبيبنا جلالدونا صاحب مصطلح ( نقونتود ) وبمناسبة نقونتود أرجو من الاخ عثمان عووضة الرجوع إلى هذا حوش فقدناه ..
شكراً جلالدونا وأنت تحمل الوطن في دواخلك كما جسدته في صورة زول تربال ودبلد .. مع ناس ودالمدير
مودتي .. ولك عاطر التحية ..
02-16-2017, 06:33 PM
عبدالعزيز الفاضلابى عبدالعزيز الفاضلابى
تاريخ التسجيل: 07-02-2008
مجموع المشاركات: 8199
هوي يا جلالدونا بطل جر شكل الهادي دا ولدنا في اقرب فك تسجيلات بنسجلو معانا وبنفكو من ابن تيمية وجماعتو 😂😂😂 زول ونسات والسر عكاز وكشاتين وربات علي الحلف لمن يجي بي جاي يفوت ليك عباس الدسيس زاتو هههههه فشنو ارخيه .. تحياتي ليك ولي ود الشغيل ولي حبيبنا السر عكاز وعطبرة بسمات واميرة وابتهال وامتثال وووو ومكي السر زاتو ...
02-16-2017, 07:55 PM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11825
يا الهادى ياخى وصفتنى بالكذب ما رديت عليك بالخقد و الغل ما رديت عليك و صفتنى بى يا وهم قلت الزول دى جايى من وين ما رديت عليك لكن ... عايز تبقى لى مشرف منبرى اكتب شنو و ما اكتب شنو دى كتيرة منّك ده ورقى و حك للنهاية و قدامك المالح
02-17-2017, 02:48 AM
أيمن نواى على أيمن نواى على
تاريخ التسجيل: 05-02-2015
مجموع المشاركات: 4327
بسم الله ما لكم ناس عطبرة ...... كل عندكم شجرتين وحبة نجيلة فى طرف البحر ...... غزارة فى الانتاج وسوء فى التوزيع ذى صلعة برناردشو ..... لو كان عندكم غابة وجبال كنتوا عملتوا شنوا يعنى ...... بالحالة دى البحر لسع ما قام .
02-17-2017, 05:01 AM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 25031
Quote: يا الهادى ياخى وصفتنى بالكذب ما رديت عليك بالخقد و الغل ما رديت عليك و صفتنى بى يا وهم قلت الزول دى جايى من وين ما رديت عليك لكن ... عايز تبقى لى مشرف منبرى اكتب شنو و ما اكتب شنو دى كتيرة منّك ده ورقى و حك للنهاية و قدامك المالح
كده انت تمام بس انت مطالب يا جلالدونا تجيب الاقتباسات والروابط (أؤكد الاقتباسات + روابط المواضيع) التي ورد فيها مايعضد دعواك ولي كذلك كامل الحق في ايراد دفوعاتي فليس من المنطق أن اهاجمك لأنك انت بتسكت لي .. في انتظارك
02-17-2017, 08:25 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
العزيز حيدر اولا اشكرك على تواجدك فى هذا الخيط و الشى التانى .. اقر بى حسن رؤيتك للامر و حكمك و حكم الزملاء .... يا ريت الزميل الهادى يجى و يقر نفس الاقرار
02-17-2017, 08:59 AM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
العزيز حيدر اولا اشكرك على تواجدك فى هذا الخيط و الشى التانى .. اقر بى حسن رؤيتك للامر و حكمك و حكم الزملاء .... يا ريت الزميل الهادى يجى و يقر نفس الاقرار
ياجماعة أقر بشنو وعلى شنو .. أنت ياجلجل ذكرت أنني أخطأت في حقك وانا طالبت بإثبات ذلك باقتباسات بخط يدي لا تقبل النكران مع ايراد الروابط واللنكات فالبينة على المدعي .. أليس كذلك . ياجماعة كدي افتونا ..
02-17-2017, 09:07 AM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
ما رأيكم في شخص يحاول إثبات أن رجل اخرس قال لرجل اطرش أن رجل اعمى قد شاهد رجل مشلول يركض خلف رجل مقطوع اليدين كان يشد شعر رجل اصلع !!! والباقي تمو براكم هههههههه ------- ياجلجل الامور كده مابتمشي .. جيب الاقتباسات واللنكات وانا سأقدم دفوعاتي .. اما إلقاء الكلام على عواهنه فليس مقبولا .. واذا خطأني المتداخلون سأعتذر لك ببوست منفصل . انا ماعندي مشكلة
02-17-2017, 05:32 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
اخونا على عبد الوهاب كيفك يا زول يا جميل يمين الله يا على سعادتى بى بوست الشغيل لا توصف و ساكن فيهو عديل كده زول قراية و فرجة على جمال المدينة و ناس المدينة حتى بوستات اخونا د/ هشام متابعا و لو إنو رايى كان تكون فى بوست واحد لتسهيل المتابعة وضيف عليهم بوست معاوية العبيد بتاع ام الطيور داك و فى البال بوست كارب عن مدينة كوستى و الاخوان الزملاء حيدر و ود ابسن و ود الزبير و بالتأكيد المجلد و كادقلى فى الطريق ودى حتكون سياحة ممتعة مع اخونا كبر و اختنا بت تاور مع تحباتى ليك ... النقنتوود
02-17-2017, 07:46 PM
محمد المسلمي محمد المسلمي
تاريخ التسجيل: 08-08-2009
مجموع المشاركات: 11831
الاخ جلال ادريس السلام عليكم لا اريد ان أقصم ظهرك فأنت اياديك بيضاء وقدمت الكثير من مساعدات وخلافه اعرفها وفيها من استلمت منك عديل . ده الجانب الغير معروف للآخرين . اما جانبك الاخر انت إنسان تقول الحق .. وفكاهة المنبر . بس الأيام الاخيرة دي بقيت حساس شوية .. وياخ .. الهادي الشغيل اخونا ده شخص جميل الصفات سريع البديهة .. يقول الحق وغيور علي دينه .. وأخو اخوان
والاثنين شهادتي فيكم مجروحة لأَنِّي احبكم الاثنين ( ولم التقي اي احدكم )
خلوا بوست ونسة
02-17-2017, 07:57 PM
حامد بدري حامد بدري
تاريخ التسجيل: 03-10-2013
مجموع المشاركات: 2749
كلامك صاح يا عبد العزيز الشاهد من أهله بس عندي رجاء شخصي منه لا أستطيع أن أطلبه من الآخرين: أن يترك وظيفة غفير الدين
الدين، أي دين، حتى لو كان دين أرضي، لا يحتاج لغفراء لماذا؟ لأن أبواب الدين ينبغي أن تكون مفتوحة للجميع مفتوحة للدخول وللخروج مجانا وفي أي وقت طبعا الأسوأ من وجود غفير أن يكون فوق ذلك أصم وأبكم زي غفراء المستشفيات زمان ولا أقصد هنا أخونا الهادي الشغيل إنما بقية الصم البكم الآخرين
أنا طبعاً الهادي الشغيل دة رميت طوبته زماااااان بجيني في شكل فارس من المسلسلات الدينية راكب ليه حصان وشايل حربة ودرع ويكورك الله اكبر يا خيل الله اركبي أصلو ما عندو أي علاقة بما يسمى بالحوار .. الحوار دة مفروض إنه الناس بتطرح افكار عشان تصل لأرضية مشتركة تتعايش فيها الأفكار المختلفة دي .. لكن الهادي يمتلك الحق المطلق ومكلف من رب العالمين بمحاربة كفار المنبر ديل بتذكر أول بداياته في المنبر اتحاورت معاهو في مسألة فقهية بسيطة لا فيها كاتل لا مكتول فاجأني ليك بتحدي غريب خلاص قال لي تجي نتباهل ؟ يا النبي نوح .. الزول دة الله اعلم يكون فاهم مباهلة يعني شنو لكن هو متأكد مية المية إنه عندو الحق المطلق على عكسنا نحن المساكين ديل الممكن تتغير قناعاتنا بعد قراية كتاب فيه حاجة جديدة علينا عادي .. ما عارف كيف ممكن الإنسان الربنا خلقو ناقص يوصل مرحلة إنه عارف أي حاجة وما ممكن يعرف حاجة جديدة تغير مفاهيمو .. لو وصل المرحلة دي اعتقد إنه قفل طبل مخو خلاص
____________ بالمناسبة يا جلالدونا أنا واثق تماماً لو يوم صادفت نافع على نافع في البلد ممكن يحلف عليك طلاق تدخل بيته تتغدى معاهو بقراصة ويقيف فوق راسك يخدمك .. لكن بتطلع منه بمشي يجتمع مع ناس الحكومة ويعتقلو ويعذبوا ويواصلو فساد بعد القراصة
02-18-2017, 04:48 PM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
Quote: يا الشغيل الزول دا جاب مقتبس مصور بي كلام مدان بالتأكيد هو يعتبر ا6نك اتجنيت عليهو بهذا المقتبس عندك اي دفوعات جيبا انت بنفس طريقتو شنو الجيب الرابط وما الرابط معقولة ياخ نقعد نوصف ليكم تتشاكلو كيف😂😂 ثم تحياتي
يا اخي انطم انت خلي اهل الاختصاص يفتوا .. انت مابتعرف الشغل ده خليك على جنب
02-18-2017, 05:35 PM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
دا كلام صاح مية في المية.. جلالدونا مفروض يلتزم بالجدية في بوستات الآكشن.
من ناحية تانية يا الشغيل الإسكرين شوت الجابها جلالدونا دي ما فيها أي إجتزاء بل هي مداخلة كاملة لك.. الخيار قدامك إنك تطعن في إنها معدل فيها بالفوتوشوب او تثبت إنها لا تستحق الإدانة بحسب السياق الذي وردت فيه و عبء الإثبات يقع عليك.
يا جلالدونا مداخلة الشغيل الجبتها دي كانت يوم 12 اكتوبر 2016 يعني مضى عليها أكثر من 4 شهور و بالتالي حقك في إدانة الهادي الشغيل بسببها سقط بالتقادم ما لم تدعمها بإقتباسات مماثلة كتبها الهادي الشغيل في تأريخ أقرب.
عشرة وست هاك الاسنة الفى القبول دى بعدين يا الشغيل بطّل الخرخرة اسم البوست مكتوب فوق الاسكرين بالازرق الناصع شيلو و قوقلو و اقراهو و لو عندك فيهو راى تعال كبّو هنا
02-18-2017, 06:11 PM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
Quote: ما الذي جناه هذا النجس من هكذا جريمة غير الخزي والعار له ولأسرته
انت جيت متلب بهذا التصريح :
Quote: و اسرتو ذنبا شنو ولا تزر وازرة وزر أخرى وإن تدع مثقلة إلى حملها لا يحمل منه شيء ولو كان ذا قربى اليشوف هبتك فى الدفاع عن عقيدة ود عبد الوهاب يقول كملتا حق الله تب
من اعطاك الحق في التحدث عن عقيدتي ؟ وماهو دخل ذلك في موضوع شهد ؟ ما دخل عقيدة محمد بن عبد الوهاب في الموضوع ؟ مع ذلك لم نتعدى حدودنا وبينا لك ان اسرته ستكون مطأطأة الراس بفعل صنيع ابنها وانت بؤكد لك ثاني وثالث ضع نفسك مكان اسرته هل ستكون رافع رأسك ازاء هذا الفعل القبيح .. وين الاساءة هنا موضوعك متيمم مامستحمي ياجلالدونا يلا جيب المقتبس البعدو
02-18-2017, 06:38 PM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
هل يحق لك تدخلك في عقيدتي مثلما فعلت في بوست شهد ؟ وهل يجوز لك في التدخل وكمان عايز تقلبني احمر فاقع ولا وردي .. ده يعتبر تجاوز للحدود ولا ماكده؟ ياريت تجاوب . مادخل المعتقدات في هكذا بوست ؟ هذه اساءة منك توجب الاعتذار .. اتمنى تدخل الاخوان في هذا التعدي السافر في العقائد كدي امش لنصراني هنا في البوست ده وقول ليهو انا حا اقلبك وهابي .. ياشيخ الهادي الشغيل ماعظمة طرية فاتح ليك بوست حدادي مدادي . جيب العندك وانا جاهز
02-19-2017, 05:50 AM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
لا تعليق لي على موضوع - او لا موضوع - البوست لكن كمان يا حافظ بشير ما معقول تفتي وتقطع لوائح وقوانين من راسك ساي
Quote: يا جلالدونا مداخلة الشغيل الجبتها دي كانت يوم 12 اكتوبر 2016 يعني مضى عليها أكثر من 4 شهور و بالتالي حقك في إدانة الهادي الشغيل بسببها سقط بالتقادم ما لم تدعمها بإقتباسات مماثلة كتبها الهادي الشغيل في تأريخ أقرب.
يا معلّم هنا مافي حاجة اسمها يسقط بالتقادم!! طالما الكابشر في خلاص, حتى لو مافي ممكن تتمّها غلاط ! على أسوأ الفروض لا كابشر لا غلاط تلبد بس وترجى زولك في الكورنر لكن ما تخلّيه دي سودانيز يا عمّك :)
02-19-2017, 08:16 AM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
Quote: 57 يا معلّم هنا مافي حاجة اسمها يسقط بالتقادم!! طالما الكابشر في خلاص, حتى لو مافي ممكن تتمّها غلاط ! على أسوأ الفروض لا كابشر لا غلاط تلبد بس وترجى زولك في الكورنر لكن ما تخلّيه دي سودانيز يا عمّك
الحبيب ود البشرى الحبيب بشير حافظ تقادم شنو وجريمة شنو زولكم ده ماعندو حاجة والمقتبسات الجابها هواء لا تعدو كونها فقاعات هوائية تم الرد عليها .. وانا قاعد في البوست ده والله معاهو لحدي 20 صفحة في المفترع ده .. يجيب اقتباساتو التي تدينني والبيقول انا أسأت اليه فيها ونشوف الحاصل شنو .. بس ذكروهو على الاساءات الذكرتها انا فوق خلوهو يرد عليها .
02-19-2017, 09:16 AM
أيمن نواى على أيمن نواى على
تاريخ التسجيل: 05-02-2015
مجموع المشاركات: 4327
محكمة يجب على الجميع الوقوف احتراما لسيادة القانون ........ جلوس نبدا افتتاح اولى الجلسات المحكمة ...... من خلال التحرى الاولى لى حثاثيات القضية .....الشاكى جلادونا المقيم فى الولايات المتحدة الأمريكية ضد المتهم الهادى الشغيل الذى يقيم بالمملكة العربية السعودية ..... طبقا للوائح القانونية المتعارف عليها يجب تكملة ملف التحريات ما يختص بالاهلية العقلية والعمرية التى تعتبر شرط اساسى لتحمل التبعات القانونية ما فوق الثامن عشر وتخفيف العقوبة ما بعد سن المعاش ..... نكرر للجميع الالتزام لتكملة الإجراءات وإحضار الاقتباسات و على هيئة الدفاع تقديم المستندات قبل بدء الجلسات ...... على السادة الحضور الهدوء وعدم التدخل لإعاقة سير المحكمة. شعار المحكمة ..... الشكية لغير الله مذله ...... يا من دخلت ابواب المحاكم لاتلومن الا نفسك يا ظالم او مظلوم وعلى نفسها جنت البراقش ...... محكمة ترفع المحكمة الجلسة لحين تكملة الاجراءات والاستماع للشهود ومرافعة الدفاع .
02-19-2017, 11:41 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
هههها يا المسلمّى فعلاً قصمت ضهرى و جزاك الله خير على الكلمات الطيبات كل الدايرو اخونا الشغيل يقرا المداخلة مرتين تلاتة قبل ما يرد عليها ___ الاخوان حامد وجمال يعلم الله ليكم فى القلب مودة خالصة لوجه الله
02-19-2017, 01:19 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
يا هيثم و ود قبانى و حافظ الاكشن ده شكلو مستنير و ماشى بى طريقة دردقو فى النجيلة لامن توكّرو فى بكان الضريساه العكاكيز و الضرب فى الركب ما محتاجين ليهن هنا ما دام هو اصلو واقع بعدين يا هيثومى شايفك يدوك على راسك و انتا تضحك قلبك ميت .. خليك حمش زيى كده ياخ
مرحب اخونا عبد العزيز الجيّة فى البال و عمرة وحج ان شاء الله و ملاقاتو ماب آباها تب بس كمان تلاقى الزول شى و تقراليهو شى تانى هسّى شوف اصرارو على اتهامى بالكذب فى حاجة السعودية اعترفت بيها و لا يوم الليلة بيطالبنى بالدليل فى لوست الطفلة شهد
Quote: بالنسبة للمقتبس بتاع الطفلة شهد .. انا ذكرت تعليقا على جريمته النكراء مايلي : Quote: ما الذي جناه هذا النجس من هكذا جريمة غير الخزي والعار له ولأسرته انت جيت متلب بهذا التصريح : Quote: و اسرتو ذنبا شنو ولا تزر وازرة وزر أخرى وإن تدع مثقلة إلى حملها لا يحمل منه شيء ولو كان ذا قربى اليشوف هبتك فى الدفاع عن عقيدة ود عبد الوهاب يقول كملتا حق الله تب من اعطاك الحق في التحدث عن عقيدتي ؟ وماهو دخل ذلك في موضوع شهد ؟ ما دخل عقيدة محمد بن عبد الوهاب في الموضوع ؟ مع ذلك لم نتعدى حدودنا وبينا لك ان اسرته ستكون مطأطأة الراس بفعل صنيع ابنها وانت بؤكد لك ثاني وثالث ضع نفسك مكان اسرته هل ستكون رافع رأسك ازاء هذا الفعل القبيح .. وين الاساءة هنا موضوعك متيمم مامستحمي ياجلالدونا يلا جيب المقتبس البعدو
اها وين انا تدخّلت فى عقيدتو .. كل الحصل استشهاد بى آية قراءنية و اسرتو قد تكون اكتر اسرة ادانت الفعلة الشنيعة دى اما دفاعو عن دين ... الهالك ... محمد عبد الوهاب دى حاجة لا تخطئها العين و الاغرب يقول ليك وهم و الفهم قسم و دخ جايى من وين و يسأل وين الاساءة هنا هى الاساءة دى غيروها و بقت حاجة تانية يعنى
02-19-2017, 01:23 PM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
Quote: كل الدايرو اخونا الشغيل يقرا المداخلة مرتين تلاتة قبل ما يرد عليها
شكلك جلا .. مقتبساتك يامعلم .. مالك مارديت على تدخلك السافر في معتقدات الآخرين... هل يحق لك ام لا؟. في انتظار مقتبسات الاساءة ولا أخرجت كل مافي جعبتك ( بضم الميم وسكون العين وفتح الباء والتاء )
02-19-2017, 01:44 PM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
Quote: يا هيثم و ود قبانى و حافظ الاكشن ده شكلو مستنير و ماشى بى طريقة دردقو فى النجيلة لامن توكّرو فى بكان الضريساه
ده كلو مابيحلك يا جلجل فتحت بوست وقعدت تشكي سوالي وعمل لي .. جيب السواة والعمل عشان منظرك مايبقى وحش قدام ناسك والله الشغلة هي رمي بلاء على الناس والسلام . عندك مقتبسات جيبها والا قول جلا .. لولوتك دي كلها جبت مقتبسين مضروبات لم يكن لك فيها حجة .. ابحث كويس يمكن تطلع من الورطة الدخلت فيها نفسك .. بعدين مانقعد تحرش الناس عشان تحرف البوست خليك في نفسك واسلوبك ده لن يلهيني وانا ما حا ارد الا عليك انت تحديدا .. لقد ارتفيت مرتقى صعبا يا جلجل. مقتبساتك يامعلم .. براكم تجيبوه لنفسكم
02-19-2017, 02:02 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
يا الشغيل كدى نخلص من كضبى بخصوص مجزرة بيت العزاء و بعدين نمشى لى قدام انت فى البوست ده لا زلت تتهمنى بالكذب سؤال واضح و عايز اجابة واضجة السعودية اعترفت بالجريمة وللا لأ
02-19-2017, 02:21 PM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
قال لأ .. اها جه يقولو عليهو شنو ده طيّب ده فيديو يحتوى على تقرير لى قناة العربية و مقابلة مع المجرم العسيرى قبل الحادثة عى قواعد الاشتباك اسمعو بى اهتمام و من ثم اسعفنا بى ملاحيظك عليهو غايتو لو قلت عليهوانو فيديوشوب .. على غرار فوتوشوب المغصة بتكتلنى
02-19-2017, 02:56 PM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
يا الهادى يا اخوى ارجع اسمع الفيديو كويس المذيعة قالت فى اول كلاما ان نتائج التحقيق اثبتت انو القصف تمّ بناء على معلومات مغلوطة و تجى بكل بساطة تقول طلب القائد ارسال فريق تحقيق .. ياخى ما عذّبت التحقيق لاكييييين كمان تعال قول لى كضاب ما قالت الكلام ده
02-19-2017, 03:56 PM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
ياجماعة انا بكتب من جوال وما بعرف ارفع فيديوهات من جوال واحد يساعدنا في رفع الفيديو ياجلال ساعدنا https://youtu.be/JAFhYAn-j5ohttps://youtu.be/JAFhYAn-j5o
عنوان الفيديو : التحالف ينفي استهداف مجلس العزاء في صنعاء ويدعو لتحقيق فوري ساعدونا
02-19-2017, 04:02 PM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
يا الشغيل الجريمة كانت يو 8/10/2016 الفبدبو بتاعك ده اتنشر بعد الزنقة الحارة من المجتمع الدولى يوم 9/10/2016 و فيهو قرار ارسال لجنة تحقيق القلت عليها فوق ديك اما الفيديو الجلبتو ليك كان يوم 15/10/2016 و يحتوى نتيجة التحقيق و الاعتراف و .... بس
02-19-2017, 04:13 PM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
عكاكيز و الضرب فى الركب ما محتاجين ليهن هنا ما دام هو اصلو واقع بعدين يا هيثومى شايفك يدوك على راسك و انتا تضحك قلبك ميت .. خليك حمش زيى كده ياخ -----------
تصدق يا ابو الجل ما قاعد اواخذو نهائي اسعيتي المحيرني شكوتو من التدخل في عقيدتو 😂😂 يا شغيل ياخي انت قائد حملات التكفير وتفتيش الضمائر في المنبر دا مالك تابا رد البضاعة يا اخوي ما فوكا حاجة والله مع انو ابو الجل ما اتدخل نهائي في عقيدتك لكن ياهو التعلق بالحبال الميتة
اوعك تقول لي اجيبلك مقتبسات واثباتات وعوارات زي دي لأني وحاتك لو مديت ايدي في سحارة بكري دي مغمض علا امرقلي تِعِل اليل مقتبسات تكفير وتفتيش ووعيد وتهديد شنو يااا عمك انت قاعد تنسى وللا شنو!!!!؟؟؟؟؟
ثم تحياتي
02-19-2017, 05:15 PM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
الهادى الشغيل اين انت يا رجل ثم أنّّه مداخلة اخونا ود الزبير و نصيحتو ليك دى يا ريت تقراها فى اليوم عشرة مرات و تعمل بيها طوالى عسى و لعل بقية من آل سلف تحذو حذوك
Quote: كلامك صاح يا عبد العزيز الشاهد من أهله بس عندي رجاء شخصي منه لا أستطيع أن أطلبه من الآخرين: أن يترك وظيفة غفير الدين الدين، أي دين، حتى لو كان دين أرضي، لا يحتاج لغفراء لماذا؟ لأن أبواب الدين ينبغي أن تكون مفتوحة للجميع مفتوحة للدخول وللخروج مجانا وفي أي وقت طبعا الأسوأ من وجود غفير أن يكون فوق ذلك أصم وأبكم زي غفراء المستشفيات زمان ولا أقصد هنا أخونا الهادي الشغيل إنما بقية الصم البكم الآخرين
02-20-2017, 05:09 PM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
Quote: قسماً عظماً فاض بى الكيل مامعقولة دى ياخ زهير .. ياخ الزعل ده كابتو فى جواى و بتجنّب تماماً ارد ليهو حاجاتو لكن اظنًو مفتكر عدم الرد ضعف و خوف
يا اخي انت في قارة وانا في قارة .. كلامك ده خلاني ارجف عديل ... الهادي سواليك شنو ؟ روحك مشحتفة ونفسك مخموم .. اليشوف كتابتك يقول الهادي الشغيل قتل ليك قتيل جاي تقول قال كضاب قال لي موهوم قالي مابعرف شنو والله خجلت ليك وطلع كله كضب
02-20-2017, 05:37 PM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
Quote: ها وين انا تدخّلت فى عقيدتو .. كل الحصل استشهاد بى آية قراءنية و اسرتو قد تكون اكتر اسرة ادانت الفعلة الشنيعة دى
مصر انك تكضب شوف ردك تحت
Quote: و اسرتو ذنبا شنو ولا تزر وازرة وزر أخرى وإن تدع مثقلة إلى حملها لا يحمل منه شيء ولو كان ذا قربى اليشوف هبتك فى الدفاع عن عقيدة ود عبد الوهاب يقول كملتا حق الله تب
يازووول بطل لولوة عقيدة محمد بن عبد الوهاب دي الجابها هنا شنو ؟ ولا يمكن ابن عبد الوهاب ده خال شهد ولا جيرانهم بالحيطة. ماعندك حق تتدخل في اعتقد في ايه .. خليك في حالك .. كمان تنكر كتابتك ؟ يا كافي البلاء ويازايل المحن .. كدي امشي لنصراني قول ليهو كملت حق يسوع ... فصاحة في الفاضي عالم عجيبة ..
02-20-2017, 05:17 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
جلجل يا خ تحياتي يا فردة الهادي الشغيل بتاع تدويره خلي لله بكرة بيعرف أنك يانكي خطير كن مسامح ولا تكون تور جامح كنت عايز اسالك هي الفودكا غالية عندكم ولا رخيصة مع صادق ودي
02-20-2017, 05:49 PM
الهادي الشغيل الهادي الشغيل
تاريخ التسجيل: 12-07-2015
مجموع المشاركات: 4388
Quote: يعنى هسى انتا ما مقتنع بالمعروضات الفوق دى و لمّا ترمينى بالكضب دى ما اساءة طيب ممكن تورينى الاساءة دى شنو
اقتنع بأيه ياجلجل . مقتبسك بتاع بيت العزاء كضب ومقتبسك الثاني بتاع شهد يخلو من أي اساءة .. بل الحق يقال أنت تعديت حدودك وأقحمت المعتقد ودي حاجة ماعندك بيها شغلة .. بالله خلاص افلست .. وين المقتبسات ؟ لمن قلت ليك جيب مقتبسات جديدة لفيت ودورت وقلت خلينا نخلص من موضوع بيت العزاء وانتهى الامر بفشلك الذريع في اثبات هجوم المملكة وجبت فيديو طقينا ليك في عضم الشيطان وبقيت تقول قبل وبعد لحدي ماضحكت فوقك العالم . هسع انتهى موضوع السعودية والضربة وثبت كضبك يعني ماغلطت عليك .
اها عندك مقتبسات ولا جلا ياجلال ههههههههه تمخص الجبل فولد فوير صغيروني
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
جلالدونا
زهير عثمان حمد
Hassan Makkawi
حيدر حسن ميرغني
علي عبدالوهاب عثمان
عبدالعزيز الفاضلابى
علي دفع الله
MOHAMMED ELSHEIKH
معاوية المدير
أيمن نواى على
محمد المسلمي
حامد بدري
جمال ود القوز
Hafiz Bashir
يحي قباني
معاوية الزبير
البرنس ود عطبرة
محمد البشرى الخضر
فيس بوك
تويتر
انستقرام
يوتيوب
بنتيريست