|
|
|
 Re: ألحس المكواة (Re: عبدالحفيظ ابوسن)
|
والما بدورك في الضلام يحدر ليك
وهو مثل بليغ
وتوضيح لاواعي انو صرة الوش تخصنا ولا تخص المغضوب عليه . فهي تفريغ لشحنات الكره داخلنا
او شكل مشاعرنا لمجرد معرفتنا ان من نكره بقربنا
| |
 
|
|
|
|
|
|
|
|
Re: ألحس المكواة (Re: عبدالحفيظ ابوسن)
|
الصباح سمعت سيف الجامعة بغني عند الجيران
خرب مزاجي دون اشعر
لا احبه ابدا وان غني للعميري
انا مجتهد افصل صوتو من شعر العميري
المهم خرب مزاج كباية الشاي
جيرانا زاتهم جنهم يشغلوا غنا مع الصباح وبالنهار وبالليل
شربت كبايتي ساهما صامتا وسط صخب اطفالي
صامت ظاهريا
لكن تعتمل في ذهني شتي الافكار
مرقت من الغنية وطلعت في الكره
ومرقت منهن وطلعت في حتات تانية
وألح علي سؤال
لماذا أكره سيف الجامعة
لااعرفه شخصيا
و
| |
|
|
|
|
|
|
|
|
|
Re: ألحس المكواة (Re: عبدالحفيظ ابوسن)
|
ههههه طشيت طشة وانا بفكر لامن شربت الشاي دون ان اتذوق طعمه
بلعتو بليع
ليه بكره سيف
وفي غيري بحبو
ولا يجيك صحبي عزيز يطلعو لي مايسترو اكاديميا
المشكلة وين
من اين نبعت تلك الكراهية
وخليتو هو زاتو وبديت افكر تفكير ملتوي وبعيد عن الغنا زاتو
بحاول اخليكم تفكرو لي
مخي شاطب
| |
|
|
|
|
|
|
|
|
|
Re: ألحس المكواة (Re: عبدالحفيظ ابوسن)
|
هى ما كره يا ود اب سن هى عدم استيساغ
اخونا الكبير هاشم ... متّعه الله بالصحة و العافية .. عندو حاجة غريبة
ما بياكل الزيادة
يختّو الاكل يضرب تمام . يجيبو الزيادة من نفس الاكل
ما ياكلا ليك لو طلعت السما بى كرعيك
تسألو عشان يبرر ليك الشغلة دى
يقول ليك : هى حاجة كده لله فى الله
ثم اولا متين نحنا قاعدين نقول مكواه
هى مكوة كان فحم كان كهربا
حالياً بفكر فى مكوة غاز .. خدمة للانسانية و البيئة و اللحس
| |
|
|
|
|
|
|
|
|
|
Re: ألحس المكواة (Re: محمد البشرى الخضر)
|
اها شفت يا جلالدونا دة البقولو ليك
تحايل لفظي منبهل ساي
ياخ اخوك دة احتمال لو عمل فحص آلي شامل يلقا انو اللبن ومشتقاته ما بنهضمن ليهو
في انزيم بساعد علي هضم اللبن . في ناس خلقة وفي ناس مع الكبر يفقدوهو
ولا مر بتجربة قديمة خزنت الذكرة ملفها بشكل ماكر .. اخفت الحادثة واحتفظت بمرارة التجربة وارتباطها باللبن . وين الصديق سيف النصر
مش قلت ليكم مشيت ابعد من سيف زاتو
| |
|
|
|
|
|
|
|
|
 Re: ألحس المكواة (Re: عبدالحفيظ ابوسن)
|
صباح الفل و الياسمين عبد الحفيظ و الحضور الأنيق
اوعي يكون شعورك بالضيق من اغاني المبدع سيف الجامعة سببه كلمات
اغنية تحكي عن الفراق مثلا...
زي اغنية وصتني وصيتا. مثلا و هي من اروع اغاني سيف الجامعة
الله عليك يا عاطف خيري و عليك ياسيف الجامعة
اظن يا عبد الحفيظ انك فقط لا تبالي باغاني سيف الجامعة و
لكن لا تكرهه فعلا .
تحياتي للأسرة الكريمة ولفنانك المفضل.
| |
|
|
|
|
|
|
|
|
|
Re: ألحس المكواة (Re: طلحة عبدالله)
|
يا نعومة تعرفي لقيت اني بعاين لسيف الجامعة كسياسي
بسمع مواقفو بدل صوتو
ياخ عندو لو كان عندو غنية العميري بس كفاية
زي ما قلت ليك خرب مزاجي والمزاج لا يناقش
لكن فكرت ووصلت للفوق دة
| |
|
|
|
|
|
|
|
|
|
Re: ألحس المكواة (Re: عبدالحفيظ ابوسن)
|
اها نحن بنسقط تقيماتنا الذاتية المربوطة بطبيعتنا الشخصية وندخلها قسرا في الموضوعية والمنطقية
الامر دة بخص كل شئ من الدين للايدلوجية للفن لي كلو
يعني ندخلها في برواز الموضوعية رجالة كدة وهي بالجد رجالة
| |
|
|
|
|
|
|
|
|
|
Re: ألحس المكواة (Re: عبدالحفيظ ابوسن)
|
حبيبنا عبدالحفيظ
اريتك طيب وعيالك طيبيييين ..
انت عارف مرات بكون السبب خفي في العقل الباطن
فتنرة من الفترات كنت بكجججن سيف الجامعة دي بسبب زول انا مكججنو هههههه
لكن تاني بقيت اسمع يا نديدي ..
جلال قاصد ليك الزيادة في الاكل .. مش الزبادي هههههههههه
وزي ما الكوهلة ما بأكلوا الصدف .. اخو جلال ما بيأكل الزيادة
تحياتي
| |
|
|
|
|
|
|
|
|
|
Re: ألحس المكواة (Re: عمر السلمة)
|
اوووو عمر
تسلم ياخ
بسمع يا نديدي وانا كاره له محبا في العميري
هههه
شوف القراية الاختيارية دي سيلكتيف ريدنق
قريت سياسية بسمارك الداخلية
آي ما بياكلو الصدف بفتح جميع الحروف بعتبروها دناوة وعندي اخوي لو قاعد ومشي يغسل يدو واكلت ليك جريرة ما بدخل يدو معاك
عذرا جلالدونا شكلي سايق ومركز علي الهدف وما شايف شارات المرور
| |
|
|
|
|
|
|
|
|
|
Re: ألحس المكواة (Re: عبدالحفيظ ابوسن)
|
من الامثال السودانية الجميلة
المابتريدو خاف الله فيهو
فلاترميه بكل باطل لكراهيتك له . كن نبيلا في كراهيتك
ولا ابحث عميقا داخل نفسك
فقد يكون اسقاط ذاتك عليه لعلك تري نفسك فيها
لكن لاتلبس كراهيتك له ثوب الموضوعية لتبرر ذلك
| |
|
|
|
|
|
|
|
|
|
Re: ألحس المكواة (Re: محمد البشرى الخضر)
|
تسكب لبن ابيض ..لون الضمير والحق ..الريقو كان ناشف في اللحظة ديك دفق ..
هههههه كان عندنا صاحبنا اسمو الرشيد جنو يردد الاغنية دي اها قام قال لو جاب ولد بسميه الريقو كان ناشف ههههههه
سيف الجامعة اخد ليه انبهالة كاسيتية في اواسط التسعينات.. وانتشر انتشار واسع ..لكن بيني وبينك يا صديقي لك مطلق الحرية ما تحب اغانيه لكن حتة الكراهية دي واسعة شوية ..
مودتي وتحياتي لي علاء العسل ربنا يحفظو ..
| |
|
|
|
|
|
|
|
|
|
Re: ألحس المكواة (Re: علي دفع الله)
|
مرحبا ود البشرى
البوست اصلا ما عن سيف تصدق
ولكنه من اثار في بعض الملاحظات عني وعن البورد وعن مجمل قضية السودان
هل ممكن نقيف لحظة ونتأمل مواقفنا . وهل هي مبدئية ولا انفعالية ولا زي لعب الكورة يا منتصر ولا التحكيم فاشل
هل مواقفنا مبنية علي اساس متين من القيم الانسانية المتماسكة وراسخة
من غير وقفة صارمة مع النفس .. والصدق في مواجهتها والشجاعة في اتخاذ الموقف السليم ولو كان ضد ما نقوله . حنكون متناقضين جدا ولايمكن قراءة مواقفنا بشكل استباقي
نحن للاسف والاسف الشديد
بعضنا يقنع نفسه انه ينطلق من مواقف دينية ولا وطنية ولا انسانية ولكنه لا ينطلق إلا من داخل نفسه ومصالحه ليس بالضرورة المادية فرغبة المجد والتفرد والبطولة ووو كلها رغبات مصلحة شخصية
دي الفكرة التي لم تغب عنك
| |
|
|
|
|
|
|
|
|
|
Re: ألحس المكواة (Re: عبدالحفيظ ابوسن)
|
(اها قام قال لو جاب ولد بسميه الريقو كان ناشف ههههههه)
شاهدت أمس مباراة مانشيستر يونايتد مع ليستر سيتي
كلامك يا عمر دفع الله ذكرني لاعب وسط ليستر سيتي
إسمو DRINK WATER ههههه
سلام ود أبو سن والضيوف
| |
|
|
|
|
|
|
|
|
|
Re: ألحس المكواة (Re: محمد محمد قاضي)
|
Quote: مرحبا ود البشرى
البوست اصلا ما عن سيف تصدق
ولكنه من اثار في بعض الملاحظات عني وعن البورد وعن مجمل قضية السودان
هل ممكن نقيف لحظة ونتأمل مواقفنا . وهل هي مبدئية ولا انفعالية ولا زي لعب الكورة يا منتصر ولا التحكيم فاشل
هل مواقفنا مبنية علي اساس متين من القيم الانسانية المتماسكة وراسخة
من غير وقفة صارمة مع النفس .. والصدق في مواجهتها والشجاعة في اتخاذ الموقف السليم ولو كان ضد ما نقوله . حنكون متناقضين جدا ولايمكن قراءة مواقفنا بشكل استباقي
نحن للاسف والاسف الشديد
بعضنا يقنع نفسه انه ينطلق من مواقف دينية ولا وطنية ولا انسانية ولكنه لا ينطلق إلا من داخل نفسه ومصالحه ليس بالضرورة المادية فرغبة المجد والتفرد والبطولة ووو كلها رغبات مصلحة شخصية
دي الفكرة التي لم تغب عنك |
بالتأكيد يا قريبك لم تغب عني الفكرة من مقولتك الأولى "بعيدا عن مثل الفاضلابي"
يلّا خلّيني استعير أدوات كيكي التفكيكي و أشتغلها ليك :)
المسألة بها تعقيد نوعا ما, و تختلف الرؤية حسب الزاوية التي تنظر منها
نحن بشر نعترف بنقصنا في سعينا نحو الكمال الذي لن نصله ولن نتوقف عن السعي, وحظ النفس أحد مظاهر هذا النقص البشري, و التخلّص منه يحتاج مقدرة عظيمة
المهم.. التعقيد وين يلّا, هو في التردد أو الإمتناع من اخذ موقف صحيح خوفا من الوقوع تحت شهوة حظ النفس
و الأعقد كمان حين يتردّد الآخرين أو يمتنعوا على أخذ نفس الموقف بناء على قراءتهم الإنطباعية أو التفسيرية أو قراءة النوايا لموقف طرف أو اطراف بأنها محكومة بحظ النفس
لذا في هذه الحالات الأسلم في رأيي تجريد الأشياء و المواقف من الأسماء و التواريخ و غيرها و الحكم و أتخاذ الجانب السليم - كما يراه الشخص - بناء على المعطيات الموضوعية أمامه فقط دون النظر لمواقف سابقة - إو افتراض مواقف لاحقة
مثال لما اعنيه قد يقرّب فكرتي أكثر, أبان أزمة ما كتبه عثمان عن الرسول عليه السلام كانت ترتفع اصوات تطالب رافضي ما جرى أن يدينوا آخرين أساؤوا ويسيؤون للدين المسيحي أو لمحمود محمد طه وغيرها كما رفضوا اساءة الرسول.
تعليقي كان بدلا عن الإفتراضات و وضع الكلمات على الألسن لنرى كيف يحكم قاضي أمامه قضية معينه هل سيستدعي تاريخ وموقف الشاكي مثلا في قضايا مشابهة وكيف كان رد فعله أم سيحكم بالمعطيات المتوفرة أمامه فقط.
فا شنو يا ود ابسن و عودة لمثال الفاضلابي: غض النظر عن محبتك لبخيت أو عدمها للـ "ما بخيت", السؤال هو: ماذا فعل - او لم يفعل - بخيت؟ وهل هذا الفعل - أو عدمه - يستحق عليه البخاتة أم الـ "لا بخاتة"
هكذا برأيي تكون المواقف السليمة, زي تصحيح الشهادة زمان برقم الجلوس و الإسم مغطّى
أتمنّى أكون وصّلت الفكرة من الدش الكتير البلا لازمة دا :)
| |
|
|
|
|
|
|
|
|
Re: ألحس المكواة (Re: عبدالحفيظ ابوسن)
|
غايتو لي فتره دي فقدت ايقاعي في هذا المنبر ..
قلت امكن الموضوع شخصي وعندو علاقة بي كتابتي والمزاج الذي يكتبها من بعد بوست السوريين وبوست ابوبكر ولكن .. الامر ليس كذلك تماما..
هناك تغيير في التركيبة البشرية بتاعت المنبر ده .. والله صحي !!
احتمال يكونوا الناس هم ذاتم لكن ما ياهم..
االمهم لا علاقة لهذا الكلام بسيف الجامعة ..
ولا تفكيك ودالبشري ..
ولا بوست حفيظ ..
اهو الاتنين ديل يا هم ذاتم مثلا.
| |
|
|
|
|
|
|
|
|
|
Re: ألحس المكواة (Re: عبدالحفيظ ابوسن)
|
صدقت ود المشرف
وصدق ياقوت الفيتوري
القصة بقت جايطها
عجبت لمن يحكم علي الآخرين بموقف واحد . ولو توقف وسأل نفسه
لماذا أري الموقف لايشبه مواقفه الاخري
لعلمت انني لم اسبر غوره
ف شنو يا صاحبي
أكتب
وسأكتب
وسيكتبون
وأكيد ستصل هذه الكتابة لاحدهم اتفق او اختلف معاهم . ستشغل ذهنه
وهذا هو الهدف
ان نفكر
| |
|
|
|
|
|
|
|
|
|
Re: ألحس المكواة (Re: أحمد محمد عمر)
|
اوووو معلم
تعرف يا احمد الاشكالية وين
الاشكالية هي استجابتنا لمشاعرنا البدائية غير المهذبة .. اقصد التهذيب بمعناهو اللغوي
مش نستجيب بس وبل في عقلية انتهازية فكرية نبرر له بتبريرات موضوعية فجة
انا علي قناعة انو المشاعر زاتها عندها مبرراتها العقلانية وان خفيت عني
يعني انا مثلا سيف الجامعة ما حبيت غناهو عشان مواقفو . مابين موقفه وهو في القاهرة وموقفه هنا
آي قعدت مع نفسي لعقلنة مشاعري
ياخ حتي الطاقية بتاعتو بتستفزني ولا تستفزني طاقية النور الجيلاني
شوف الزول الكبير دة لابس طواقي المراهقين مع انو النور أسن منو
ف شنو
لازم اقيف شوية واعترف بشجاعة اني بنقد في سيف في مجال مختلف عن موضوع نقدو
بنقد فيهو فنيا بموقف سياسي
هو فنان وليس سياسي
اقلاها ياخ احترم انسانيتي في قيم العدل والاتساق
ما أظلمو فنيا
واعترف دون خجل انو مقياسي لنقدو مختل
انا كمستمع
مش أي مشاعر اطلق ليها العنان
| |
|
|
|
|
|
|
|
|
|
Re: ألحس المكواة (Re: sadig mirghani)
|
Quote: اتو الناس دي ما متحملا بعض ليه
تعفصو يضاربك
يعفصك يضاربك
ما تعفصو يضاربك يقول ليك كنت داير تعفصني
|
صاحبنا زمان مشى المانيا و رجع ...
عنده زول كده ما بريده جا سلم عليهو ... و قال
و الله يا فلان كان كلمتني ماش المانيا كان وصيتك لي حاجة محتاجلها من هناك ...
صاحبنا رد قال ... و الله لو كلمتني ما كنت حأجيبها ليك ...
| |
|
|
|
|
|
|
|
|
|
Re: ألحس المكواة (Re: يحي قباني)
|
مرحبا صادق مرغني
وحبابك
التطرف والمغالاة تسدل علي العقل حجابا كثيفا وحائط يغلق ابواب التفكر والتدبر
الحدة
فلا نر إلا طرفي الطريق ونسخر من الالوان الاخري بيد ان مابين نقطة البداية ونقطة النهاية ملايين النقاط
| |
|
|
|
|
|
|
|
|
|
Re: ألحس المكواة (Re: عبدالحفيظ ابوسن)
|
غايتو يا قباني زولك صعب
يقاتل اي فرصة للتقارب
كما قال الاعرابي الجلف
انما تبكي علي الحب النساء
وفي ذلك مغالطة تاريخية وتاريخ العرب يحفل بالبكاء والنحيب
| |
|
|
|
|
|
|
| |
عبدالحفيظ ابوسن
سيف الدين محجوب
جلالدونا
محمد البشرى الخضر
نعمات عماد
عمر السلمة
علي دفع الله
يحي قباني
محمد محمد قاضي
زهير عثمان حمد
محمد حيدر المشرف
فيس بوك
تويتر
انستقرام
يوتيوب
بنتيريست