|
Re: أخاف على الديمقراطية القادمة من الصحفيين (Re: حمد عبد الغفار عمر)
|
Quote: فما بالكم بهذا الجيش الجرار من الصحفيين ويا لهم من صحفيين حنكون بلد المليون صحيفة |
الحسبة دى قبيلة البورداب فيها ولا برَّ منها؟ سلام ياحمد ,, نامن يجوك الجماعة اتصبَّر بى دى :
سودانى فى غرفته بلندن شاف ضب قال : Oh my God !!!!!! الضب قال ليهو بطِّل الاستلابية الانت فيها دى عامل فيها مابتعرفنى؟ أنا أصلاً جيت فى شنطتك.
| |
|
|
|
|
|
|
Re: أخاف على الديمقراطية القادمة من الصحفيين (Re: عبدالعزيز الفاضلابى)
|
هلا الفاضلابي
الحسبة دى قبيلة البورداب فيها ولا برَّ منها؟
لا لا لا لا ديل كوم براهم والفيسبوكاب كوم تاني برضو انا قصدي البكتبوا في الصحف والعندهم القيد الصحفي ، ديل انت قايلهم شوية ؟ آلاف من الصحفيين أما ناس الأسافير ديل بعدين خليهم ساي ياخ ديل إندرعوا ليك في محاسن كبي حرجل عذبوها عذاب
| |
|
|
|
|
|
|
Re: أخاف على الديمقراطية القادمة من الصحفيين (Re: حمد عبد الغفار عمر)
|
هلا زهير
مالك علي الصحفيين هم الاكثر معاناة في زمن كبت الحريات وهم دعاة الديمقراطية بحق
ياخ الزيكم أصحاب المواقف الناصعة نحن ما بنخاف منهم بنخاف من الورجاعين وأصحاب المصالح الإنتهازيين الذين يتقلبون ذات اليمين وذات اليسار وليس لهم في ذلك إلا إثارة الفتن تحقيقا لمصالحهم.
| |
|
|
|
|
|
|
Re: أخاف على الديمقراطية القادمة من الصحفيين (Re: علي دفع الله)
|
حمد تحياتى وتقديرى
مافى شك من الخوف على زمن الوطن الذى دائما يضيع فى سجال لا طايل منه بسبب الصحافة الغير مسئولة رغم ذلك الزمن تغير لكن الصحافة يجب ان تقف على الحياد و مع مصلحة الوطن الوطن لا خوف علية بس ترجع الديمقراطية بمعنى اخر هيمنة الحزب الواحد وهذا يضر كثير بالوطن الانسان والارض احتكرت السلطة الانقاذ وهدمت مشروع الجزيرة ذلك الصرح العملاق ومع ذلك انهارت اشياء جميلة كثيرة نامل الخوف على ماتبقى من زمن
| |
|
|
|
|
|
|
Re: أخاف على الديمقراطية القادمة من الصحفيين (Re: حمد عبد الغفار عمر)
|
الطريقة الوحيدة لإسكات الصحافة الهدامة (إن جاز التعبير) هي أن يطغى العمل على القول وتطبيق المثل: "سير عِدِل يحتار فيك عدوك". إن عادت الديمقراطية بنفس رجالاتها ورداءتها ستسقطها الصحافة مدعومة بالتغطية الفضائية لشبكات التواصل الاجتماعي. الحصانة الوحيدة للديمقراطية أن يركِّب ديمقراطيو السودان مكنة الديمقراطيين في الغرب التي لا تعمل بوقود الفساد.
| |
|
|
|
|
|
|
Re: أخاف على الديمقراطية القادمة من الصحفيين (Re: محمد الأمين موسى)
|
هلا عبد الحفيظ
تلاتة فنانين لكل مواطن
السودان بلد الملايين في أي حاجة إلا الإنجازات مليون سياسي - مليون صحفي - مليون فنان الخ وملايين العاطلين دائما الناس تنتهج الطريق الأقصر لتحقيق الشهرة والمال ممكن يكون في مراسلين عديدين للصحف لكن مسألة صحفي يكتب في صحيفة دي مفروض تخضع لامتحان قدرات قاسي لخطورة ايراد الخبر غير المكتمل الأركان
| |
|
|
|
|
|
|
Re: أخاف على الديمقراطية القادمة من الصحفيين (Re: حمد عبد الغفار عمر)
|
مرحب د. حيدر
والوعي ضد الهوس الديني والطائفية مصد قوي ضد الارتداد
في دي تحديدا الوعي ماشي بخطوات وئيدة لم يتم تحقيق اختراق قوي في هذا الجانب ظهور الإنقاذ عمّق مسألة الهوس الديني وهنا مكمن الخطورة في استقلال هذا الجانب لهدم أي محاولات للتحرر وتكريس الديمقراطية .
| |
|
|
|
|
|
|
Re: أخاف على الديمقراطية القادمة من الصحفيين (Re: حمد عبد الغفار عمر)
|
مرحب محمد الأمين موسى
الحصانة الوحيدة للديمقراطية أن يركِّب ديمقراطيو السودان مكنة الديمقراطيين في الغرب التي لا تعمل بوقود الفساد
طبعا الفساد هو رأس الانهيار وهو ما يفتح الباب واسعا لخلق العداوات من خلال الصحافة فعلا لو أردنا بلدا ديمقراطيا راسخ يتعين التسلح بالنزاهة والتعامل بنفوس كبيرة لكن دا محتاج لمجهود جبار فقد اتسع ثقب الفساد
| |
|
|
|
|
|
|
|