(خليهم يحسنو ليكم النسل) .. هكذا قالها السوري جار احد السودانيين عندما تحدث معه هذا السوداني محتجاً على ما رشح من اخبار حول شراء عدد من السوريين للجواز السوداني ..
انها عقدة الدونية لدى الانسان المركزي .. يؤمن في قرارة نفسه انه دون , وعلى غرار هذا بنيت سياسة الدولة الخارجية و الداخلية و الاجتماعية و الثقافية ..
منذ الجيل الاول (ناس المحجوب) كانوا يستميتون في التشبث بالارمن و الارناؤوط و الشركس .. اجبروا اطفالنا ان يحفظوا قصائد شعرية عن حيفا ويافا و صفد .. خلقوا وجداناً ناشزاً في شخصية الانسان المركزي الذي كان محور نشر هذا الوعي المشوّه في مجتمع زنجي متسامح ومتصالح مع نفسه .. و الان يجني المركزيون العرب في دمشق وبيروت والقاهرة ثمار غرسهم , أفضل لجوء من شعب غرب اسيوي الى بلد شرق افريقي و تمتع هذا الاسيوي بحقوق تفوق حقوق المواطن الاصلي .. بل و الادهى و امر ارسلوا لنا جنودا لممارسة عملية ادماج جينيومي لتحسين اشكالنا لانها لاتروق لهم بملامحها الزنجية الصارخة .. يتبجحون داخل الخرطوم بانهم اتوا رسلاً لتنقية الدماء الزنجية المشوبة بالقرف ..
هذه اخرتها .. الانهزام النفسي يولّد اكثر من هذا ..
ما يحدث الان من استحقار من بعض الشباب السوري لهُوُيتنا يبين لنا السر الاعظم لاستهداف الدويلة المستلبة للاطفال في جبال النوبة و الانقسنا و دارفور ..
سلام يا اسماعيل ياخي عندك استسهال غريب للكلام عموما لو عن طريق زواج صحيح الف مرحب بيهم ولو دعارة ما فرقت منو الداعر كتير من الشباب السودانيين قبل الحرب السورية كانو بمشوا لنفس الغرض هل بتقر الدعارة تكون بين السودانيين فقط مثلا
للاسف يا جماعة كمية مقدرة من السودانيين احتقروا اللاجئين الارتريين والاثيوبيين وتعاملوا معاهم بعنصرية وتعال عجيب,,وما يتواتر الان من ان بعض السوريين يستهينون بالفتيات السودانيات,هو فقط لتذكيرنا:ان ادنت اليوم غدا ستدان,,واتمني من النخب السورية في الخرطوم توعية شبابهم,فاغلب ابناء مجتمعنا انفعاليون وتنميطيون,,وكلنا يذكر الهياج الذي انتاب الشارع السوداني حين ورد خبر التعامل العنصري الذي لقاه بعض السودانيين في لبنان
01-23-2017, 02:03 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
حاجة تانية يا اسماعيل أنا سنة 2005 مشيت سوريا قاعد شهر (معاي زوجتي) آخر يوم سفرتها السودان وانتظرت يوم لأضمن وصولها للسودان في اليوم دا مشيت اتمشى سألت سوداني عن أي مكان فيهو تجمع سودانيين وأكلات سودانية وصف لي فندق دخلت لقيتو كلو أولاد دارفور تبع حركة عبد الواحد والعدل والمساوة لدرجة حسيت انهم مشككين في وجودي كعنصر حكومة بحكم اني أول مرة أدخل الفندق لاحظ قاعدين ومشغلين فندق لحسابهم وعندهم دكاكين في السوق وتجارة شنطة وكل شيئ خلاصة الأمر نفس الحرب الخلت أولاد دارفور يستقروا في سوريا هي نفس الحرب الخلت السوريين يجوا السودان مممكن تتكلم عن عدم دستورية منحهم الجنسية والجواز لكن ما تخلط الأمور وتصور الموضوع بالشكل الانت بترمي ليهو دا
01-24-2017, 07:12 AM
مدثر صديق مدثر صديق
تاريخ التسجيل: 04-30-2010
مجموع المشاركات: 3896
اخونا حمد عبد الغفار الموضوع صدقني عميق و يحتاج الى وقفة و ردة فعل , و الامر لا علاقة له بالزواج او الدعارة , الموضوع بقى موضوع (حقارة) عدييييييييييييل. ياخي حتى لو دعارة ياخ في فرق بين انها تمارس بين السودانيين و السودانيات في بلدهم وبتفرق كتير من الدعارة المفتوحة الفيها قدوم للاجانب و ممارستها في داخل البيت السوداني.. خلي السودانيين في بلدهم يسووا الدايرين يسووه لكن ما تجينا من اخر الواطا و تقعد تستحقرنا و تستحقر بناتنا وتــــــــــظ............................تم كمان.. وحاجة تانية يا حمد من منطلق الغيرة ساي ما مفروض الزول ينظر للعلاقة بين السودانية و السوري بنفس نظرته للعلاقة بين السوداني و السودانية مهما كانت نوعية هذه العلاقة..
حسين موسى تحياتي اتفق معاك 100% , ودي ما وقفت على الدارفوريين بس , دي موجودة عند جميع السودانيين الرجال من مختلف البيئات و احساسهم الدوني تجاه المرأة (الحلبية) و يا ما هنالك من قصص .. طبعا السودانية الغرباوية و الشرقاوية و الشمالية الكوشية جميعهن يشتركن في الملمح الافريقي سواء كان غلظة الشفاه او ضخامة الانف و سمرة لون البشرة وتجعيدة الشعر مع الوضع في الاعتبار تدرج نسب هذه الملامح .. وفي الاخر لكل زول رغباته وخياراته سواء كان سوداني او سوري لكن باحترام و أدب و عدم تطاول ..
سيف الدين فضل الله - مرحب بيك الجنوب سودانيون والنوبيون جنوب مصر و الارتريون و الاثيوبيون و التشاديون هم الاقرب و الاكثر تداخلا مع السودانيين و ما الحدود السياسية الا صنيعة المستعمر .. السودانيون يمكنهم ان يكونوا قوة اقتصادية وسياسية عظمى اذا التفتوا الى اثيوبيا و ارتريا و تشاد وجنوب السودان , لكنها حالة الاستلاب العروبي , حدثني دكتور سوداني نزل بفندق في اسمرا و في ذات الليلة تمت عملية سرقة لنزيل اخر بالفندق , جاءت الشرطة الارترية و اخرجت جميع النزلاء من غرفهم بغرض تفتيش الغرف الا ثلاثة سودانيين من بينهم هذا الدكتور , و كانت تعليمات رجال الشرطة ان لا تخضعوا السودانيين للتفتيش ولا تخرجوهم من غرفهم , قال لي هذا الدكتور و الله نحنا شعب غريب نركض وراء من لا يقيم لنا وزن و نتأفف من شعوب يربطنا بها رابط الدم و التاريخ المشترك و فوق كل ذلك يحترموننا بعكس اولئك اللذين نستميت في كسب ودهم ورضاهم ,,,
العزيز محمد البشرى العبارة قالها السوري , وقالوا اكثر من ذلك عندما نشرت هنا في هذا المنبر تغريداتهم عن فصل الخريف في الخرطوم ووصفهم للسودان بالعفن , وصورة سيلفي مع اثنين من اولاد النوبة و هو يتوسطهم مع عبارة (هذه اخر صورة للمرحوم) بمعنى انه تحت سيطرة عصابة تريد القضاء عليه , مثله يجب ان يترك لبشار ليفعل به ما يشاء ..
ياحمد يا اخوي السودانيون محل ما سافروا بيحترموا و بيقدروا البلد و الشعب الذي يعيشون بين ظهرانيه , ده ما موضوعنا انو السوريين احتضنوا السودانيين سواء كانوا دارفوريين او جنوبيين , الموضوع هو ان لا تحتقر مجتمع آواك و اطعمك من جوع .. هذه هي الحكاية بكل إختصار ..
01-24-2017, 10:09 AM
عبد اللطيف السيدح عبد اللطيف السيدح
تاريخ التسجيل: 03-11-2008
مجموع المشاركات: 5454
(الاســــــــــــــــــتلاب مصيبة و كارثة ابتلي بها شعبنا المسكين) (وفي الاخر لكل زول رغباته وخياراته سواء كان سوداني او سوري لكن باحترام و أدب و عدم تطاول) (الجنوب سودانيون والنوبيون جنوب مصر و الارتريون و الاثيوبيون و التشاديون هم الاقرب و الاكثر تداخلا مع السودانيين و ما الحدود السياسية الا صنيعة المستعمر) (السودانيون يمكنهم ان يكونوا قوة اقتصادية وسياسية عظمى اذا التفتوا الى اثيوبيا و ارتريا و تشاد وجنوب السودان , لكنها حالة الاستلاب العروبي) (و الله نحنا شعب غريب نركض وراء من لا يقيم لنا وزن و نتأفف من شعوب يربطنا بها رابط الدم و التاريخ المشترك و فوق كل ذلك يحترموننا بعكس اولئك اللذين نستميت في كسب ودهم ورضاهم) (الموضوع هو ان لا تحتقر مجتمع آواك و اطعمك من جوع .. هذه هي الحكاية بكل إختصار) ____________________________ كلامك الفوق ده أهم ما في الموضوع يا أخ إسماعيل لك ولضيوف التحية والإحترام
01-25-2017, 07:24 AM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2815
وعليكم السلام مدثر صديق سلام المانيا تستقبل اكبر عدد من اللاجئين السوريين ........و ترجع الالف من اللاجئين الافغان و النجيريين ............ هذا شأن ألمانيا.. موضوع البوست السوريين في الخرطوم.
حامد بدري يا حبيب لك التحايا العطرة.. اللحم الابيض المتوسط زي ماقال دكام سمعة يااخوي صباح الخير عليك مو معقوول يااخ معطتنا معط السنين مـــــــــــــــــعط سمعة هيّن ... كعب مـــــــــــعط السوريين لبنياتنا ... هههههه
الــــــــــــسيدح أقترح تعديل طفيف في العنوان العنوان مقصـــــــــــــود لي ذاتو..
الاخ محمد قاضي مشكور على المرور و تلخيص موضوع البوست.
01-26-2017, 03:17 AM
Asim Fageary Asim Fageary
تاريخ التسجيل: 04-25-2010
مجموع المشاركات: 7810
الاخ عاصم فقيري لك التحية و السلام.. بالعكس انت الاخدت الموضوع بسطحية وبدون تعمق..
أولاً بالأول حديثك هذا ينطبق على حال السوري و السوداني العايشين في بلد آخر غير بلدهم , الموضوع الجوهري الخلانا نفتح البوست هو تطاول (السوري) الاجنبي علينا وفي داخل بلدنا وفي عمق عاصمتنا.. اتخيل يا عاصم اذا قام السودانيين الموجودين في دمشق بالاساءة للسوريات اساءة عنصرية هل تعتقد حاياتعاملوا معاهم بالتاسمح الاتعاملو بيهو السودانيين تجاه تغريدات السوريين في الفيس بوك المسيئة للبنت السودانية ..
الأســـــــــــــــــــــــــــتلاب غيبوبة يعيش فيها كثير من السودانيين و للاسف اكثرهم من حملة القلم و الكتاب و الدرجات الاكاديمية !!!!!
المثاليات الخيالية هذه يجب علينا تركها و ان نتعامل براقماتياً , لو لاحظت ترامب في حملتو ضد المهاجرين كان واضح وصريح وعنصري كمان , منو يقدر يقول البغلة في الابريق ؟؟؟؟ دي اكبر دولة راعية للديمقرطية وحقوق الانسان في العالم و محاربة للعنصرية رئيسها بقول كلام زي دا .... معاه حق البلد بلدهم وهم احرار فيها ..
اغرب بلاد الدنيا هي السودان !!!!! الاجنبي يتسيد ود البلد و يهينو و الناس تجي تقول لي ود البلد كده باركها و خليك من التنميط و الحالة واحدة !!!! مستحيل تكون الحالة واحدة ,
اكتر ناس واعين ومدركين للنقطة دي هم المغتربين , اي بلد تدخلها ليها قوانين منمّطة للوافد اليها ..
01-26-2017, 12:29 PM
Mahmoud Gasim Mahmoud Gasim
تاريخ التسجيل: 01-07-2013
مجموع المشاركات: 24
الاخ محمود قاسم الرابط لا يعمل , حبذا لو اعدت انزال الفيديو ..
هذه الايام اشتعلت جذوة الغضب الرافض للاساءات العنصرية التي صدرت من بعض السوريين , العافية دجات , لقد اصبح الموضوع موضوع رأي عام ..
موضوع الاستلاب و المعادلة المختلة في علاقتنا مع المحيط الشرق اوسطي يرجع الى نخبنا الاولى و الصدمات و اللكمات التي تلقوها من الارمن و الارناؤوط و الشركس و التركمان بسبب سواد لون بشرتنا , من هؤلاء النخب الشاعر السوداني محمد سعيد العباسي ففي ذات ليلة من ليالي الشتاء .. في ميدان الجيزة بمصر .. رأى حسناء تتهادى كغصن بان تأود، وعلى كتفيها الفراء الأبيض الجميل، وعلى صدرها الصليب – أرسل لها قبلة مع الهواء؛ فثارت وقالت له «اخرس .. يا أسود .. يا بربري ... مد رجلك على قدر لحافك» فأنشد يقول : يافتاتي كل قلب في الحب يبترد وأنا ماخلقت في وطنْ الهوى في حِمَاهُ مضطهد فلماذا أراكِ ثائرة وعلام السِبَابُ يضطرد والفراء الثمين منتفض كفؤادٍ يشقى به الجسد أَلأَن السّواد يغمرني ليس لي فيه يافتاة يد أغريب ؟..إن تعلمي فأنا لي ديار فيحاء ولي بلد كم تغنيت بين أربُعه لحبيب في ثغره رغد ولكم زارني وطوّقني بذراعيه فاتن غرد أيّ ذنب جنيت فأندلعت ثورة منك خانها الجلد أوذنبي في قبلة خطرت مع نسيم إليك يتئد ألهذا فالنهد مضطرب؟ ولهذا العيون تتقد؟ ولماذا هذا الصليب ترى بين نهديك راح يرتعد؟ خبريني ذات الفراء فقد جف جناني وأجدب الرشد أيمر النُمَير بي أَلِقاً وانا ظاميءٌ ولا أرد؟ ................ أو غيري هواك ينهبه وفؤادي لديك مضطهد؟ أَلِيَ الهجر والقلَى أبداً ولغيري الشفاه والجسد ؟ لي كغيري يازهرتي أملٌ وفؤاد يهوى ولي كبد لي بدنياي مثلما لهمو لي ماض وحاضر وغد ...................... الوداع الوداع قاتلتي ها أنا عن حماك أبتعد سوف تنأى خطايَ عن بلد حجرٌ قلب حوّائه صلد وسأطوي الجراح في كبدي غائراتٍ وما لها عدد
منقول من الفيس بوك - صفحة موسوعة الشعر السوداني
01-27-2017, 03:20 PM
Hatim Alhwary Hatim Alhwary
تاريخ التسجيل: 01-23-2013
مجموع المشاركات: 2418
والشكر اجزله للاخوة السوريين الذين استضافهم البرنامج لحديثهم الجميل عن الخرطوم..
أطرف ما أدلى به المستضافون في هذا البرنامج: احدهم قال انه قبل مجيئه للسودان كان يتخيلها (كغابة مثل غابات افريقيا) ..!! هذه هي نظرتهم لافريقيا, غابات ووحوش .. ناسين ان عواصم افريقية مثل نيروبي و كيقالي و لواندا تفوق الخرطوم في الحداثة و البنية التحتية ,
احدهم قال انه قبل مجيئه للسودان كان يتخيلها (كغابة مثل غابات افريقيا) خليك من السوريين حتي الاوربيين كثير منهم وبرغم التعليم المتطور عندهم جهل جغرافي وتاريخي فظيع
01-28-2017, 01:13 PM
Mahmoud Gasim Mahmoud Gasim
تاريخ التسجيل: 01-07-2013
مجموع المشاركات: 24
هذا الموضوع تحديدا ذو حساسيه عاليه. الجنسيات الشاميه تحديدا تنظر لنا نحن السودانيين من باب التصنيف اللوني. نحن في نظرهم اقل درجه من ناحية الفهم و الانسانيه و و و الخ. كلامي منبعه المعاشره اليوميه لهذه الجنسيات في بلاد المهجر. و ان كنت لا افضل التعميم حيث ان هنالك اقليه منهم تفهم و تعي قدرنا و تتعامل مع مختلف الجنسيات من باب الانسانيه. بالنسبه للجهل الجغرافي و التاريخي بالسودان فهذا نتاج انغلاقيتنا نحن و اعلامنا الضعيف و المسيس و نتيجه ايضا عدم اهتمامهم هم بنا... فمن نحن بالنسبه لهم؟ نحن مجرد دوله افريقيه اسمها السودان و لا يستطيع اي شخص ذو تعليم معقول منهم ان يشير الي موضع السودان جعرافيا. الفرد السوداني في المهجر او داخليا عند احتكاكه بالجنسيات الاخرى يتعامل ببساطه مخله و تواضع غير مطلوب و حراره ضيافه تفسر غالبا بصوره خاطئه من جانب الجنسيات الاخرى. اقرأ تاريخ حافظ الاسد في سوريا و ستفهم لماذا هم هكذا. اقرأ تاريخ حرب لبنان الاهليه و ستفهم لماذا هم هكذا. اقرأ تاريخ ايلول الاسود في الاردن و ستفهم لماذا هم هكذا. عندما قرأت تاريخهم فهمت لماذا هم هكذا و حمدت الله الف مره اني سوداني.
01-28-2017, 04:25 PM
Mahmoud Gasim Mahmoud Gasim
تاريخ التسجيل: 01-07-2013
مجموع المشاركات: 24
العزيز / محمود قاسم لك التحية و الاحترام,,,,, سردك جميل و تناول الموضوع بطريقة الخبير الممارس بحكم تجربتك مع الاحتكاك مع هؤلاء القوم , السودانيون الذين هجروا بلدانهم وعاشوا في البلاد العربية(زينا كده) هم الاكثر وعياً بتفاصيل الشعوب العربية و نظرتها المختلة عن ال(زول) السوداني ,,, لقد اتيتنا بالقول الفصل يا محمود , . فمن نحن بالنسبه لهم؟ نحن بالنسبة لهم مجرد افارقة يتشبثون بهم اوكما قال احدهم في هذا الفيديو (يحتفلون ) بهم عند رؤيتهم , و على فكرة معاهم حق في هذا لان الكثير منا منهزم نفسياً امام (اللحم الابيض المتوسط) على قول حامد بدري , نقطة الضعف هذه كما تفضلت و كما تعرضت لها انا في مفتتح البوست سببها الرعيل الاول من ساستنا الذين اخضعونا غصباً عنا للولاء للقضية العربية المحورية (القضية الفلسطينية) في حين اننا لدينا تحديات وطنية لها اولوية اكبر من اولوية الوقوف مع قضية اناس باعوا قضيتهم وقبضوا ثمنها , قبل مدة استمعت الى مقطع صوتي في الواتساب يتحدث عن دور المحجوب في حل الازمة و الخلاف بين الملك فيصل و جمال عبد الناصر , كان المقطع يتحدث عن ان المحجوب تحدث في مكالمة تجاوزت الساعة مع الملك فيصل لم يذكر اسم السودان فيها ولا مرة , كانت المحادثة كلها مركزة على مصر و عبد الناصر , حينها زاد يقيني ان الاستلاب الذي نعانيه قد ادمنه قادتنا الاوائل الذين كنا نظن والى وقت قريب انهم قمة العلم و الادب والوطنية , ولقد صدق الدكتور منصور خالد في احدى مقالاته الحديثة عندما انتقد نظرة جيل اليوم المثالية عن قادة الامس و جيل الاستقلال و اكتوبر حيث ذكر دكتور منصور ان هذه الاحتفائية بهؤلاء الرموز ليست بالمحقة او الصادقة ,
الفرد السوداني في المهجر او داخليا عند احتكاكه بالجنسيات الاخرى يتعامل ببساطه مخله و تواضع غير مطلوب و حراره ضيافه تفسر غالبا بصوره خاطئه من جانب الجنسيات الاخرى.
هذه حقيقة, هذه الكبكبة صادرة فقط من السوداني تجاه الشامي و الخليجي و المصري , و اعود اذكر عبارة السوري في الفيديو اعلاه (يحتفلو فيه) ... هههههه ... هذه العبارة يجب ان لا تهمل و تترك هكذا , هذه المفردة لخّصت مجمل الموضوع وكشفت ضعف (احترام الذات) من قبل السوداني تجاه ذاته , وهذا الموضوع يذكرني بحوار اجري في قناة النيل الازرق كان الضيف فيه الكاتب و الناقد المسرحي الاستاذ (الســـــــــــــــِر) وكان الموضوع (التبادل الثقافي بين السودان ومصر) و على ما اذكر كانت مناسبة هذا اللقاء هو زيارة مطرب او مطربة عربي او عربية لاقامة حفل في الخرطوم , ومن هذا المنبر احي الاستاذ السر على حديثه الذي كان بجد يمثل محاضرة لبث الاستنارة و اضاءة الطريق المعتم للشباب السوداني , ما زلت اذكر حديث السر عندما تحدث عن موضوع الحلقة حين قال :( كيف يقوم التبادل الثقافي من طرف واحد , لماذا عندما يتحدث السودانيون عن التبادل الثقافي يتحدثون ويتحفون بزيارة رموز الثقافة المصرية الى السودان وليس العكس ) كما تحدث السر عن لماذا لم تتم استضافة الفنان السوداني القامة محمد وردي(عليه الرحمه) في القنوات المصرية علماً بانه اقام بها ما يقارب العشرة سنوات ,
اتخيلو لو فنان مصري جا السودان زيارة يومين بس , شوفوا كمية النبطاحات و الجري حتى تحفى اقدام المصورين ومقدمي البرامج و المخرجين ...!!!!!
01-29-2017, 12:23 PM
Adam Youssif Adam Youssif
تاريخ التسجيل: 03-26-2015
مجموع المشاركات: 576
مشكور يا اخ ناصر حسين على ايراد هذا الفيديو في بوستيك عن السوريين , و اسمح لي ان انقله هنا لاثراء هذا البوست بمزيد من الحوار و النقاش ..
هذه سورية أصيلة وشريفة .. و ما قالته في هذا الفيديو هو رسالة قوية وعميقة للسودانيين قبل السوريين بان اخرجو من قمقم الاســـــــــــــــــــــــــتلاب , السوريين اعترفوا بخطأهم واعتذروا و بعض السودانيين ما زال بوبخ في السودانيين الرافضين لاهانة وقلة ادب السوريين لينا في بلدنا ,,,
شر البلية ما يضحك ,,,,,,,,,,,
02-03-2017, 04:40 PM
مهند عبدالسلام مهند عبدالسلام
تاريخ التسجيل: 01-24-2009
مجموع المشاركات: 166
التحية ليك ول ابا سماعين بوست مهم جدا. اولا: نحن لابد من فهم هؤلاء الناس حتي نتمكن من المعاملة معهم ودي نحن كسودانيون ما عندنا. اتذكر كنت في تشاد عام 2002 سافرت بالبر اول مدينة تشادية دخلتها اسمها أدري كل مطعم و محل تسمع الاغاني السودانية الي ان وصلت انجمينا. عند وفاة وردي التشاديون اقاموا عزاء وعزوا انفسهم في وفاته. هنا بالمهجر لدي زميلي بالعمل من النيجر طلب مني اغاني للاستاذ مصطفي سيد احمد . اخوتنا من اثيوبيا اريتريا في المهجر لا يفوتون احتفالات السودان. اتذكر في عام 2005كنت طالب في روسيا البيضاء كل اصدقائي من الافارقة كثير من العرب يعتقدون اني لا افهم لغة العربية في يوم كنا جاين من التمرين نعتنا احد الطلاب باللغة العربية بالقرود والفحم رديت علية رد قاسي ودرس لن ينساة ابدا. الخلاصة مرحب بهم و لكن في حدود احترام العادات و التقاليد السودانية. *علينا الاتجاة نحو افريقيا فهم يحترمونا و الاقرب الينا.
02-03-2017, 06:11 PM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2815
ول ابا مهند عبد السلام لك التحية و السلام السودانيون يا مهند طيبون ونفوسهم غير متسخة مثل (اشقائنا) في المنطقة , السودانيون الذين غادروا السودان اما لدراسة او لعمل اكثر من يستطيع ان يحكم على مختلف شعوب الدنيا و ذلك نتيجة للاحتكاك المباشر مع هذه الشعوب, انت مثلاً شاهد على موقف حي وحقيقي في روسيا ابان فترة دراستك بها و هناك من تعرّف على هذه الشعوب من خلال تجربة زمالة في عمل او تجارة ,
تشاد وارتريا ديل مفروض في المستقبل يكونوا وحدة ثلاثية مع السودان , وفي الحقيقة هما الرافد الاساسي للسودان بالمورد البشري , السودان الاوسط شحيح في عدد السكان , الفنان الراحل وردي له شعبية كبيرة في شرق وغرب ووسط وغرب افريقيا, الموسيقى بتفضح انتماء الانسان الحقيقي, في بلاد المهجر يتزاحم السودانيون و التشاديون و الارتريون على ابواب الاندية الليلية الافريقية التي تقدم الفلكلور الافريقي, الآخرون ليس لديهم اشكالية مع هذا التداعي التلقائي الا السودانيين تجدهم بالليل افريقيو الهوى و في النهار سلبطة شديدة في دمشق و بغداد هههههه,,,,,
وخلاصة الامر انه لن يحترمك احد ان لم تحترم ذاتك.
02-04-2017, 09:03 PM
مهند عبدالسلام مهند عبدالسلام
تاريخ التسجيل: 01-24-2009
مجموع المشاركات: 166
برلماني تركي : السوريون يتجولون برفقة فتيات تركيا في البارات و جنودنا يستشهدون في الباب ! نقلت صحيفة زمان التركية عن مستشار رئيس حزب الشعب الجمهوري التركي المعارض المسؤول عن السياسات الخارجية اوزتوزك يلماز قوله: ان السوريون في سن التجنيد السوريون يتجولون مع الفتيات الاتراك في البارات في نفس الوقت الذي يستشهد به الجنود الاتراك في ” الباب وتحدث يلماز خلال المؤتمر الصحفي الذي عقد في البرلمان يوم الثلاثاء المنصرم، عن استضافة تركيا لنحو ٣ ملايين لاجئ سوري، الذي تتراوح اعمارهم بين ١٥ وال ٤٤ عام.
02-04-2017, 09:26 PM
فؤاد إبراهيم فؤاد إبراهيم
تاريخ التسجيل: 08-17-2015
مجموع المشاركات: 244
موجود نماذج أسوأ وأقدم فى مواقع التواصل لكن ما داير اساهم فى نشرها..
المهم هو التصدى لها سواء كان من سورى أو سودانى
سورية تجلس فى أول مقعد فى حافلة فى الخرطوم بحرى .. تعطر كل راكب قادم بعطر زيتى .. ثم تمنحه اعلان مطبوع فيه خدمات (دلك) مغربى وهندى .. خدمات (تبيض) الوجه أو الأطراف أو الجسم بالكامل وأسعار التبيض حسب الخدمة (فورية - ثلاثة أيام - أسبوع - شهر).. وخدمات توظيف الطلبة والطالبات.. قلت للسواق ينزلها فى قسم الشرطة لكن الركاب قاومو بشدة خاصة النساء .. كل كلامها فى الحافلة كان عن حبها للسودايين وللبشرة السمراء وعن حلمها التزوج بسودانى أسمر .. توزع رقمها (ثلاثة أرقام موبايلات مختلفة) للنساء والرجال داخل الحافلة .. والركاب يدعون لها ولسوريا بالخير ويسألون من أخبار بشار الأسد..
نعم هنالك قله أدب لكن من أفراد وليس من شعب بأكمله.. مستقبل سوريا رغم ظروف الحرب أفضل من مستقبل السودان..
نحن محتاجين لسوريا أكثر من أحتياج السوريين للسودان .. قبل أعوام إستقبلت سوريا وليبيا السودانيين بدون فيزا عندما رفض العالم كله إستقبالهم وقد عرفت تلك الفترة (بحرب الحدود الستة)..
..
(عدل بواسطة فؤاد إبراهيم on 02-05-2017, 02:46 PM) (عدل بواسطة فؤاد إبراهيم on 02-05-2017, 02:47 PM)
02-06-2017, 08:01 AM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2815
اخي فؤاد مشكور على اثراء الموضوع بالنقاش .. نحن محتاجين لسوريا أكثر من أحتياج السوريين للسودان ممكن توضيح وشرح اكثر ؟ ما هي الفائدة الاكبر التي نجنيها من سوريا ؟
02-05-2017, 11:53 AM
طارق عبد الله طارق عبد الله
تاريخ التسجيل: 06-30-2016
مجموع المشاركات: 446
التحية أخي إسماعيل وأحيي غيرتك على أبناء وبنات بلدك.
بصراحة أرى أن طرح هذه المواضيع وبهذا الكم والعاطفية في الطرح في مواقع التواصل الاجتماعي وغيرها هو فعلا نوع من الاستلاب وشعور بالدونية لدى السودانيين لدرجة أننا نهتم لهذا الحد برأي السوريين وغيرهم من العرب فينا، بينما لانهتم برأي الأفارقة مثلاً بنفس المقدار وبالمناسبة كل الأعمال المشينة المنسوبة للسوريين يقوم بها الأفارقة أيضاً في السودان وبشكل واسع بس ما لقت نفس الاستهجان الموجود حالياً من السوريين، يمكن عشان ديلاك ظاهرين بسبب اللون (وجه ضاحك).
خلاصة القول نحن بشر فينا الصالح والطالح مثل غيرنا بس ما مقيمين أنفسنا وبنهتم بشكل مفرط بانطباع الآخرين وماشايف أننا محتاجين شهادة أو تزكية من السوريين أو غيرهم، والأفضل نركز على أنفسنا وننوفر الطاقة والجهد المهدر في هذه المواضيع لتغيير الصورة النمطية عن الإنسان السوداني الساذج السبهللي سهل الانقياد والتوجيه.
ولكم الود،،،،،
02-06-2017, 08:24 AM
اسماعيل عبد الله محمد اسماعيل عبد الله محمد
تاريخ التسجيل: 08-26-2007
مجموع المشاركات: 2815
اخي طارق تحياتي كلامك صحيح همنا ان يتحدث عنّا الاعراب بايجابية , لو لاحظت الفيديو (الخرطوم بعيون سورية) من خلال العنوان تستشعر الانبطاح .. موضوع اشقائنا الافارقة(طبعاً في كثيرين حايستغربوا لكلمة اشقائنا دي لانهم ما اعتادوا على سماعها) , المتواجدون في الخرطوم , يعكس حقيقتها فيديو تم تداوله عبر الواتس آب قبل فترة ليست بالقصيرة.. الفيديو لفتاة سودانية ضبطت في وضع مخل بالادب مع نيجيري من بعثة الامم المتحدة في الخرطوم , ما تتصور كمية الهياج و الارهاب الذي تعرض له كل من البنت و الشاب النيجيري ,, و السب و اللعن وربما الضرب ,, ده كلو بسبب انو نيجيري (افريقي) (عــــــــــب) وانحنا اولاد عرب كيف بتنا تمشي مع واحد زي دا ,,
اظنك عرفت سبب انبطاح ناسنا للسوريين ,,,,
مثل هذا البوست وطاقته وجهده المبذول هو اسهام في في تغيير الصورة النمطية عن (الإنسان السوداني الساذج السبهللي سهل الانقياد والتوجيه) كما تفضلت.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
اسماعيل عبد الله محمد
حمد عبد الغفار عمر
Saifaldin Fadlala
محمد البشرى الخضر
مدثر صديق
حامد بدري
عبد اللطيف السيدح
محمد محمد قاضي
Asim Fageary
Mahmoud Gasim
Hatim Alhwary
جمال ود القوز
Adam Youssif
مهند عبدالسلام
فؤاد إبراهيم
طارق عبد الله
فيس بوك
تويتر
انستقرام
يوتيوب
بنتيريست