|
Re: غسيل الهدوم (Re: جلالدونا)
|
و اقامتو الاسفيرية ستة ستة ساعات بس اها نخش فى الموضوع لكن قبل دى لابد ان اشير فى ذات مكامن الامر و احتولاتها و غصّة من بعض غصص اننا لم نشهد زمن الغسالة الفل اتوماتيك و بروسسنق ايضا فى بعض احوال لها ثم انه بيد ذلك .. لا يستقيم الطشت و الغسالة موجودة
| |
|
|
|
|
|
|
Re: غسيل الهدوم (Re: جلالدونا)
|
لا يستقيم الطشت و الغسالة موجودة خوفي يكون ضيوفكم عملوها ده تسرع انشوف البوست شايت وين
تحياتي
---------------------
| |
|
|
|
|
|
|
Re: غسيل الهدوم (Re: Hamid Elsawi)
|
مرحب حامد قول بسم الله ما شاء الله الطشت جزء اصيل فى تفاصيل حياتى الوالد الله يرحمه و يحسن اليه و الوالدة متّعها الله بالصحة و العافية بكّرو بالولد .. الزغاريد قدّت عين الشمس تنّو بى ولد و تلّتو بى ولد ولامن ظهر فى الافق مشروع ربعنة فإذا بالامنيات تترى لعل القادم بنت و برغم الدعوات و زيارة الشيوخ جيتم انا و لم يملكوا الا الرضاء بقضاء الله و قدره و هم يتحسسون اسفا كما الهلالاب ليلة هزيمة نكراء باقدام مريخية اها جيتى ديك زى جيتى عليكم فى سودانيزكم هذى شترا .. بس احتسبووووووو
| |
|
|
|
|
|
|
Re: غسيل الهدوم (Re: جلالدونا)
|
الغريب يا حامد الموضوع تعدى خانة الاحاد و دخل خانة العشرات ... و لم تأتىَ البنت .. و سوقا على حتة .. قتيلك قالت ايهم ما يهم انو بقت فى اشكالية فى غسيل الهدوم عذرا .. لعلها مقدمة مهمة و مستلهمة لدواعى الدخول الى لب الموضوع و اصلو الحكاية جردل و طشت و صينية و صابونة و ظهرة و زول يدعك الهدوم غسيلا و غسلا ما علينا .... نخش فى الموضوع
| |
|
|
|
|
|
|
Re: غسيل الهدوم (Re: محمد البشرى الخضر)
|
اووووو حبيبنا ود الخدر ياخى دى براها نعنة من الله يعنى عفيتنا من الاكو و اللبلاب ما تستعجل على رزقك مكوة الهدوم ده بوست منفصل و ان شاء الله حينكتب بعد الارشفة ___ من ابجد ابجديات غسيل الهدوم الهدوم البيضا اولاً ثم الملونة
| |
|
|
|
|
|
|
Re: غسيل الهدوم (Re: جلالدونا)
|
ههههه
خلاص نقوم على المكوة __ الموضوع يا سيدى دخلت على بوست لى ود المشرف قام لامانى و قال بقيت ما بخش بوستاتو اها لقيت لى بوست ليهو و قت اطايبو عشان امرق من اللوم اول بالتبادى لقيت البوست مطبول تانى التبادى لقيتو لافح ليهو خبر من 2010 وجابو لينا متل التكنّو طازة مش فى مثل بقول كان عشقت اعشق قمر و كان سرقت اسرق جمل يمين الله الزول السرق الجمل ده يحتار فى لفحة ود المشرّف دى ____ غايتو من ما بقى ياخد و يدى مع ناس ود البشرى و من لف لفهم عرفتو بيعتر فى حاجة
| |
|
|
|
|
|
|
Re: غسيل الهدوم (Re: جلالدونا)
|
غايتو يا جلي انا عفص الرابط أبيتو تب لأنه مريت على الموضوع لكن ممكن أشارك في حملة الغسيل دي ؟ شكراً أها الشاهد في الموضوع إنه الغسيل بالطشت عادة بكون يوم الخميس بعد (أخواتنا) يجن من المدارس لأنه في العادة بكون أكتر من طشت واحد (حسب الشرح عاليه) أها أهم ما في الموضوع بالنسبة لي هو برنامج ألحان حق معتصم فضل في الراديو والحتة دي حقو تضيفها من ضمن الـ (Privileges) حقت البوست دا
مع احترامي الأكيد لود المشرف كيفما (كتب)
مودتي
| |
|
|
|
|
|
|
|