|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: مناصري نظام اللصوص و المجرمين يتسلبطون فى (Re: فرح الطاهر ابو روضة)
|
Quote: خشمى عندى والله يقدرنى على الصبر
العجب عبد الله ابن ابى سلول ...قادر الله ..غايتو عندو قوة عين عند ملاسى ماف |
طبعا يا مواطن الجماعة ديل ياهم الملحدين الحقيقيين. ناس اخونا الشاعر الرقيق عثمان محمد صالح ديل شعراء رقيقين و احاسيسهم رهيفة. ناس عثمان ديل أقرب للمتصوفة فى تعففهم عن عرض الدنيا الزائل و عن الانهماك فى الملذات. ديل صوفية تخلصوا من رواسب الانانية و الطمع. امام الاخوان المسلمين ففيهم فسالة و جشع السنين. يا زول ديل المراجع العام حقهم زاتو قال نهبوا المال العام و مشوا بيهو الحج. شالوا القروش الحرام و مشوا بيهن لي الله فى بيتو  . نحنا طبعا الواحد كان جاء ماشي جمب جامعة الحلة حق الحصير داك يرمي سفتو من بعيد خوف و رهبة ساكت من قداسة المسجد. الكيزان ديل فرسان الله زاتو ما بخافوا منو
| |
 
|
|
|
|
|
|
|
|
Re: مناصري نظام اللصوص و المجرمين يتسلبطون فى (Re: abubakr salih)
|
سلام يا ابو روضة،
بالله شايف المجاهد الفي الصورة بشلاضيمه الرسالية؟ دا شيخ اليسع كان معتمد فى ولاية الخرطوم، مشي سجل ليهو شركة باسمه عند المسجل التجاري و جاء قعد فى مكتبة بتاعت المعتمد و عمل عقد بين نفسه كمتعمد و بين نفسه الاخرى كمالك لشركة تجارية استثمارية و صدق لشركته الالاف الطبليات التجارية فى قلب الخرطوم فى نواحي السوق العربي و متمددة حتى شارع النيل. و ظل يلهف و يلغف لسنوات و ربى ما ربى من اموال السحت و سمن و تبغبغ حتى كادت جضومه ان تصل الارض!
| |
|
|
|
|
|
|
|
|
|
Re: مناصري نظام اللصوص و المجرمين يتسلبطون فى (Re: abubakr salih)
|
.
تحياتي أبو بكر ...
الناس توحدت أيضاً ضد الكيزان في كثير من المواقف ...
وبالتالي إن الإصطفاف لردع المسئيين للرسول صلى الله عليه وسلم ياتي من باب أولى ..
رأينا الكثير من المعارضين للإنقاذ قد رفضوا ما أتى به عثمان ...
وهذا يدل إن ما قام به عثمان لهو شيء عظيم ...
كنت - ولا أزال - أعتقد جازماً أن الإنقاذ سبب رئيس في عكس صورة سالبة جداً عن سماحة الإسلام...
بما اغترفت أيديهم ... وبعمائلهم السوداء ....
الشغيل
| |
|
|
|
|
|
|
|
|
|
Re: مناصري نظام اللصوص و المجرمين يتسلبطون فى (Re: حيدر حسن ميرغني)
|
تعرف يا بكور حب السودانين للرسول صلي الله عليه وسلم
لا علاقة له بالكيزان ... الكيزان مستلبطين في الديـن زاته غالبهم يتسلبطوا في الرسول
السودانين نمط تدينهم متفرد ... يحبون المدين أكثر من حبهم لمكه ( من سلوكهم)
تلقي السوداني في العمره يومين بس في مكه وباقي الشهر في المدينه حبا لرسول الكريم
نمط التديم الصوفي المتسامح جعل هذا البناء الديني المتسامح يمكن أن يكون رصيدا للإعتدال
ولكن قاتل الله الكيزان الذين أفسدوا علينا كل شيء .. حتي الطرق الصوفيه تسلقوا جدرانها
وأغوا مشايخ كثير الصوفيه وطمسوا هذا البناء المتسامح ...
| |
|
|
|
|
|
|
|
|
|
Re: مناصري نظام اللصوص و المجرمين يتسلبطون فى (Re: عبدالعظيم عثمان)
|
Quote: تحياتي أبو بكر ...
الناس توحدت أيضاً ضد الكيزان في كثير من المواقف ...
وبالتالي إن الإصطفاف لردع المسئيين للرسول صلى الله عليه وسلم ياتي من باب أولى ..
رأينا الكثير من المعارضين للإنقاذ قد رفضوا ما أتى به عثمان ...
وهذا يدل إن ما قام به عثمان لهو شيء عظيم ...
كنت - ولا أزال - أعتقد جازماً أن الإنقاذ سبب رئيس في عكس صورة سالبة جداً عن سماحة الإسلام...
بما اغترفت أيديهم ... وبعمائلهم السوداء ....
|
سلام يا الشغيل،
ما اظن الرسول محتاج يردعوا ليهو المخالفين و المشككيين. هذه دي حكاية ما مفيدة لا للاسلام ولا المسلمين. الافضل النقاش الهادي الموضوعي او التجاهل اذا رغب البعض فى ذلك. هذه خيارات احسن. المشكلة انو بعض جماعة الاسلام السياسي ذات الغرض جعلت من الدين مطية للاحتيال و الاستهبال. تلقاهم الكيزان ديل من زمان عاملين فيها حراس الدين لكن لمن تشوف سلوكهم اظرط من سلوك الشيطان. قلوب قدت من حجر و جبلت على النهب و الفساد و التعدى على الحرمات و دماء الناس و المال العام. و بعد ذلك عندهم نفس يتسلبطون فى اسم النبى الكريم. ديل عصابة شفتة تأكل مال الفقراء و تتمسح باسم الاسلام.
| |
|
|
|
|
|
|
|
|
|
Re: مناصري نظام اللصوص و المجرمين يتسلبطون فى (Re: abubakr salih)
|
Quote: تعرف يا بكور حب السودانين للرسول صلي الله عليه وسلم
لا علاقة له بالكيزان ... الكيزان مستلبطين في الديـن زاته غالبهم يتسلبطوا في الرسول
السودانين نمط تدينهم متفرد ... يحبون المدين أكثر من حبهم لمكه ( من سلوكهم)
تلقي السوداني في العمره يومين بس في مكه وباقي الشهر في المدينه حبا لرسول الكريم
نمط التديم الصوفي المتسامح جعل هذا البناء الديني المتسامح يمكن أن يكون رصيدا للإعتدال
ولكن قاتل الله الكيزان الذين أفسدوا علينا كل شيء .. حتي الطرق الصوفيه تسلقوا جدرانها
وأغوا مشايخ كثير الصوفيه وطمسوا هذا البناء المتسامح ...
|
كلام فى السليم يا يا عبد العظيم،
مولانا البرعي عندو نكتة شهيرة، قال لو الرسول دا اتوفي فى السودان كان يكون فراشه ما اترفع ليوم الليلة فى اشارة لمحبة الناس للرسول. الصوفية كانت فيها التسامح و الترفع عن الهرج و المرج و الجوطة. لكن الكيزان زي الجراد، ما دخلوا على بلدة الا خربوها. ما ح نسمح ليهو يتسلبطوا فى اسم النبي الكريم. ياخي نحن فى السودان بدون الجماعات البسموها اسلاميين دي، كان الواحد مننا لو بقى همباتي، سراق و قلاع عديل ما بقلع مال الفقراء. اي ان الهمباتي مننا Has a moral code higher than those whom called Islamist. شغالين يقالعوا فى الفقراء، ضرائب على ست الشاي و سيد الكارو و الطفل الشغال بدرداقة عشان يساعد اهله فى قوت يومهم.
| |
|
|
|
|
|
|
|
|
|
Re: مناصري نظام اللصوص و المجرمين يتسلبطون فى (Re: الشيخ سيد أحمد)
|
Quote: سلام يا بكري
انت رايك شنو فيما جاء به عثمان؟؟
هل توافق على ماظل يكتبه ؟؟ |
سلام يا الشيخ،
لا اوفقه فى معظم ما كتبه و لا اتفق مع طريقته فى التعبير عن رايه و مع احتفاظي له بحق فى التعبير عن افكاره حتى لو كانت الحاد او كفر. الله زاتو قال من شاء فليؤمن و من شاء فليكفر. الحاصل انو الكيزان استغلوا الدين و استغلوا مشاعر الناس و نشروا الغوغائية باسم الدين. و لم وصلوا للسلطة ارتكبوا اظرط المحرمات و قتلوا الناس و عذبوهم فى المعتقلات و سرقوا المال العام و قتلوا و شردوا الالاف فى دارفور و نشروا العنصرية النتنه. حتى رئيسهم زاتو اظرط عنصري و كان يشتم على الحاج بشتائم عنصرية خلف ظهره و كلنا سمعنا من الترابي كلامه عن الغرابية. هؤلاء الناس انجاس و يجب ان يبعدوا من سيرة الرسول.
| |
|
|
|
|
|
|
|
|
 Re: مناصري نظام اللصوص و المجرمين يتسلبطون فى (Re: عمر سعيد علي)
|
والله يا ابوبكر ما عارف علاقة الكيزان شنو بالموضوع
ولا حتى علاقه السلفييين شنو ...
راجع المنبر غالية الناس الامتعضت من بوستات الاخ عثمان .. من عامه الناس هنا وما متبنيين اى نهج - على الاقل بصورة واضحه
.............
غايتو يا الشمالييين (القصد اليسارييين) كترتو البوستات ساااى واشغلتوا الناس هههههههههه
والمشكلة ما قادرين تكونوا واضحين .. بتشتتو فيها يمين وشمال هههههههههه ومرات تصرجوها كمان ..
تحياتي يا زعيم
| |
|
|
|
|
|
|
|
|
|
Re: مناصري نظام اللصوص و المجرمين يتسلبطون فى (Re: abubakr salih)
|
| Quote: ما اظن الرسول محتاج يردعوا ليهو المخالفين و المشككيين. هذه دي حكاية ما مفيدة لا للاسلام ولا المسلمين. الافضل النقاش الهادي الموضوعي او التجاهل اذا رغب البعض فى ذلك. هذه خيارات احسن. المشكلة انو بعض جماعة الاسلام السياسي ذات الغرض جعلت من الدين مطية للاحتيال و الاستهبال. تلقاهم الكيزان ديل من زمان عاملين فيها حراس الدين لكن لمن تشوف سلوكهم اظرط من سلوك الشيطان. قلوب قدت من حجر و جبلت على النهب و الفساد و التعدى على الحرمات و دماء الناس و المال العام. و بعد ذلك عندهم نفس يتسلبطون فى اسم النبى الكريم. ديل عصابة شفتة تأكل مال الفقراء و تتمسح باسم الاسلام. |
بدون فلسفة يا أبوبكر ...
الإساءة لنبي الرحمة محمد صلى الله عليه وسلم ...
هو إساءة لمعتقد المسلمين قاطبه....
| |
|
|
|
|
|
|
|
|
|
Re: مناصري نظام اللصوص و المجرمين يتسلبطون فى (Re: عوض محمد احمد)
|
تحياتي للاخوة عمر سعيد و وضاح،
يا شباب البوست مقصود بيهو الكيزان و تحديدا كيزان المنبر لانهم دخلوا على الخط متسلبطين فى اسم الرسول. يعني البوست دا مخصص به الكيزان فقط مع استثناء المسلمين الصالحين الذين انفعلوا مع الموضوع بطرقهم المختلفة. رغم عدم اتفاقي مع الاخرين الا اني ما سالتهم فى بوستي دا. اعتراضي على الكيزان وحدهم لانهم يناصرون عصابة اجراميه تأكل و تشرب من دماء الناس كل يوم و دايرين يتسبلطوا برضو فى الدين و الرسول و يعملوا عشرة بقرش. ديل بناصروا ليهم فى رئيس بقول للجماعة المعاهو فى الحركة الاسلامية دي عبيد و فروخ و مثل هذا الكلام النتن. هذا راجل معتوه و خارج عن الملة الدينية و الاخلاقية.
| |
|
|
|
|
|
|
|
|
|
Re: مناصري نظام اللصوص و المجرمين يتسلبطون فى (Re: abubakr salih)
|
Quote:
الإساءة لنبي الرحمة محمد صلى الله عليه وسلم ...
هو إساءة لمعتقد المسلمين قاطبه....
|
يا احمدنا اكتر اساءة بتحصل للاسلام بتعمل فيها تيارات الاسلام السياسي التى تنهب و تحتال و تقتل بأسم الاسلام. قبل ايام لاقتني تويتة للمحتال عصام احمد البشير عن حلب و قتل السوريين فى حلب. عليك الله شوف هؤلاء الداجالين المحتالين، طيب مالك يا سجم ما سويت ليك تويتة عن حفظة القران الذين قتلوهم و اغتصبوا نسائهم فى دارفور ديل. فى دارفور سلطوا على الفقراء المساكين عصابات الجنجويد العنصرية تقتلهم و تحرق قراهم كل يوم. هل توجد اساءة لاسم الرسول و للاسلام اكثر من ممارسات الاسلاميين؟ قتلوا ابناء دارفور هنا فى فى الخرطوم فى ولاية الجزيرة. قتلوا محمد موسى بحرالدين فى وسط امدرمان و رموا جثته فى احدى مدارسها. فى جامعة الجزيرة قتلوا اربعة طلاب و رموا جثثهم فى الترعة!
| |
|
|
|
|
|
|
|
|
|
Re: مناصري نظام اللصوص و المجرمين يتسلبطون فى (Re: abubakr salih)
|
Quote: الكيزان اكتر الناس اساءة للنبي وللدين
بس تقول شنو يا بكور .. قوة عين وعدم اختشي
تحاياي وعبرك للمرهف شاعرنا عثمان محمد صالح |
يا منتصر الجماعة ديل غريبين. و الله ناس ما طبيعيين. الله لا جاب باقيهم ياخي. ديل ناس نفوسهم مشوهه. يتكلموا عن الدين و الاخلاق و الفضائل و الواحد قبل من يقوم من مكانه يبداء فى النهب و السلب و القتل. بالمناسبة اي واحد منهم مشروع قاتل ما تشوفهم كده. عمار باشري كان طالب فى كلية القانون جامعة الخرطوم شارك فى قتل واحدة من اولاد دفعته هو محمد عبد السلام بابكر من ابناء مدني، حي الدباغة. واحد تاني اسمه ساتي محمد محجوب خليفة قتل طالب من ابناء الابيض فى جامعة الجزيرة اسمه معتصم حامد ابو القاسم. عمار باشري عينوه معتمد فى الدامر و القاتل بتاع جامعة الجزيرة عينوه دبلوماسي فى سفارتهم فى الصين. عادي قتله و مجرمين و تلاقهم حايمين بين الناس.
| |
|
|
|
|
|
|
|
|
|
Re: مناصري نظام اللصوص و المجرمين يتسلبطون فى (Re: abubakr salih)
|
Quote: الكيزان ديل فرسان الله زاتو ما بخافوا منو
قلت لي يا بكري يسرقوا مال اليتامى و يمشو ل الله في بيتو
على الجزيمة دي ابليس ذاتو ما عملا |
هههه موش كده يا بروف،
الجماعة ديل صعبين و الله. زي الهمباتة لكن الهمباتة اعلى درجة منهم. لانو الهمباتي عندو moral code بمنعه من مال الفقراء و الضعفاء. عشان كده الشاعرة ديك شكرت اخوها قالت: ما بياكل الضعيف و ما بسولب المسكين. ام الجماعة الرساليين ديل ما بياكلوا الا مال الفقير دا.
| |
|
|
|
|
|
|
|
|
|
Re: مناصري نظام اللصوص و المجرمين يتسلبطون فى (Re: abubakr salih)
|
بكري
سلام
سلام يا الشيخ،
لا اوفقه فى معظم ما كتبه و لا اتفق مع طريقته فى التعبير عن رايه و مع احتفاظي له بحق فى التعبير عن افكاره حتى لو كانت الحاد او كفر.
______________________________________________________________________
نحن متفقون فيما يبدو.....
_____________________________________________________
سلام يا الشيخ،
لا اوفقه فى معظم ما كتبه و لا اتفق مع طريقته فى التعبير عن رايه و مع احتفاظي له بحق فى التعبير عن افكاره حتى لو كانت الحاد او كفر. الله زاتو قال من شاء فليؤمن و من شاء فليكفر. الحاصل انو الكيزان استغلوا الدين و استغلوا مشاعر الناس و نشروا الغوغائية باسم الدين. و لم وصلوا للسلطة ارتكبوا اظرط المحرمات و قتلوا الناس و عذبوهم فى المعتقلات و سرقوا المال العام و قتلوا و شردوا الالاف فى دارفور و نشروا العنصرية النتنه. حتى رئيسهم زاتو اظرط عنصري و كان يشتم على الحاج بشتائم عنصرية خلف ظهره و كلنا سمعنا من الترابي كلامه عن الغرابية. هؤلاء الناس انجاس و يجب ان يبعدوا من سيرة الرسول.
_____________________________________________________-
ماهي علاقة الكيزان بمقام سيدي رسول الله عليه الصلاة والسلام...وماهي العلاقه بين مكانته وبين الكيزان وبين مايكتب عثمان صالح...يا بكري "ماتخلط الكيمان".....هناك مسلمات وثوابت لا يمكن الإلتفاف حولها أو محاولة إزاحتها...ثوابت يقوم عليها الدين وثوابت تثبت درجة إيمانك ومنها قول الرسول"عليه الصلاة والسلام" لايؤمن احدكم حتى اكون احب اليه من نفسه ..الى اخر الحديث...يعني ببساطه عدم حبك للرسول "عليه الصلاة والسلام " بقدر اكثر من نفسك يعني انك لم تبلغ درجة الإيمان ...والإيمان هو شرط من دخول الجنه.. ترى ماذا ستقول يوم العرض يا بكري في عريضة دفاعك....حين تسأل لماذا لم تدافع عن الرسول "عليه الصلاة والسلام" ولو بأبسط شئ . مهما كانت درجة معرفتك بالدين ولو بالقدر اليسير . اين هو دفاعك ؟؟..هل ستجيب لأن الكيزان اعاثوا في الارض فسادآ..حسنآ سيتم محاسبة العائثون في الارض فسادآ...ولكن السؤال لك انت ماهي صيغة دفاعك عن سيد الخلق...هل سترد بأنك من دعاة حرية الفكر لذلك إكتفيت بحفظ حق الزنديق "عثمان صالح" في عرض افكاره وصوبت سهام انتقادي الى الكيزان؟؟ مال الكيزان ومال مايتعرض له الرسول الكريم؟؟ لماذا لم توجه حتى ولو صوت لوم الى "عثمان صالح"؟؟
نسال الله الهداية لنا وللكل.
تحياتي
| |
|
|
|
|
|
|
|
|
|
Re: مناصري نظام اللصوص و المجرمين يتسلبطون فى (Re: الشيخ سيد أحمد)
|
يا أبا بكر
سلامات
الإبتزاز البيمارسو فيهو الكيزان بإنو كل من يعارضهم هو يعارض الله و رسوله
ما تمارسوهو إنتو
الكلام الكتبوا أخونا عثمان أساء لمعتقد الكتيرين و ما كان رأي أو وجهة نظر دعمها بالحقائق و الأسانيد
و قصة إنو الكلام ده قديم و ناس كتار تناولتو بالكتابة ما مبرر
كونكم تفتحوا مية بوست و تلبسو العارضو ما كتبه عثمان طاقية ( كوز ) سلوك ما سليم
| |
|
|
|
|
|
|
|
|
|
Re: مناصري نظام اللصوص و المجرمين يتسلبطون فى (Re: kamal omer)
|
الواحد ما يغيب من المنبر يومين بس يجي يلقى الدنيا مقلوبة :)
غايتو ما عرفت عثمان صالح هبب شنو ولا القصة شنو اصلا"
لكن من البوستات المنشورة دي الموضوع شكلو فيهو دغمسة كبيرة وخم كتيير
بعدين في ناس ما عندها حاجة ممكن تكتبا فموضوع زي ده ممكن يكون فرصة ليها
شان تكتب وتدعي و كده.
سلامات ابوبكر والزوار
| |
|
|
|
|
|
|
|
|
|
Re: مناصري نظام اللصوص و المجرمين يتسلبطون فى (Re: عثمان الأمام)
|
Quote: يا أبا بكر
سلامات
الإبتزاز البيمارسو فيهو الكيزان بإنو كل من يعارضهم هو يعارض الله و رسوله
ما تمارسوهو إنتو
الكلام الكتبوا أخونا عثمان أساء لمعتقد الكتيرين و ما كان رأي أو وجهة نظر دعمها بالحقائق و الأسانيد
و قصة إنو الكلام ده قديم و ناس كتار تناولتو بالكتابة ما مبرر
كونكم تفتحوا مية بوست و تلبسو العارضو ما كتبه عثمان طاقية ( كوز ) سلوك ما سليم |
سلام يا اخي كمال عمر،
لو قريت بوستي دا من عنوانه و قريت ردي على مداخلات بعض الاخوة بتلقى انو ما اتكلمت ولا اعترضت على نقد الناس البورد لعثمان. انا اعترضت على نقد الكيزان له لانو الكيزان ملة براهم و تاني مشيت كتبت بوست عن الفرق بين الحاد عثمان و الحاد الكيزان. يعني من الاخر كده انا ما قلت من اعترضوا على عثمان و انتقدوهم هم كيزان، حاشا لله ياخي ان اتهم اناس كريمين و طنيين من ناس البورد بانهم كيزان لانهم دافعوا عن الرسول. انا قصدت الكيزان المعروفين فى البورد لانو الكيزان من زمان بيستغلوا الحاجة دي لاغراضهم السياسية عشان يقولوا انهم بدافعوا عن الدين فى حين انهم هم انفسهم اخطر مشوه لصورة الاسلام نفسه. الرسول (ص) قال ما آمن بي من بات شبعان و جاره جائع الي جواره و هو يعلم. ديل هسه شبعانين من مال الناس و الشعب السوداني كله جائع الي جوارهم و هم يعلمون. اطفال المدرسة فى اطراف الخرطوم -وليس اطراف السودان- فى امبدة و غيرها بقضوا ساحبة يومهم جوعي فى المدارس و الحكومة مكونة من 74 وزير و وزيرة دولة و 18 ولاية و الالاف من العاطلين المتبطلين يصرفوا فى المرتبات و الامتيازات بلا شغل ولا مشغلة و الاطفال جوعى الي جوارهم.
| |
|
|
|
|
|
|
|
|
|
Re: مناصري نظام اللصوص و المجرمين يتسلبطون فى (Re: abubakr salih)
|
ما كتبه او نقله الاستاذ عثمان مرفوض ومدان وناخذ عليه التعرض لكريم معتقدات المسلمين خاصة السودانين
لكن كل هذا لا يعني ايضا رجمه او اقامة الحد عليه واهدار دمه اواقضائه من المنبر
ده كوم وموضوع الكيزان وادعاءهم الزائف الكاذب الكذوب وذرف دموع التماسيح على التعرض للرسول (ص)
وحرصهم على الديت باكوم براهو
ان يلتف الكيزان ويخمو الناس بدعوي حبهم للرسول ( ص) و حرصم على الاسلام فدي القضية الناس حقو تكون واضحة
هو الدين ده شنو
الدين المعاملة الدين سلوك اخلاق الدين ده بيظهر في سلوك مش لسانك فقط
وديل بيان بالعمل فشلو في امتحان الدين المعاملة الدين حتى امتحا الملحق فشلو فيهو وبيفشلو فيهو كل يوم
يجب علينا جمعيا التكاتف لنعري هذه الفئة السارقة القاتلة ونسقط عنهم ورقة التوت هذه وخاصة وربنا اكرمنا لاننا شفناهم ونشفوهم
كل يوم يعني بيان بالعمل كيف انهم فارقو مقاصد الشريعة جملة وتفصيلا
الناس ديل لهم حوالي نص قرن غاشين الناس باسم الدين وكلما يوم طالعين في رقاب وسارقين قوتنا و حاضرنا ومستقبلنا باسم الدين
بالله فقط خلي اي واحد يعمل فلاش باك ويعمل مقارنة لوضع الكوز في قريتو او مدينو او ولايتو وشوف كان كيف قبل الاسلاموية واليوم كيف
كيف اغتنى من تجارة الدين وكيف سلوكو وكيف تبدل حالو من حال لحال كل هذا بفعل الاسلاموية سلطة الانقاذ كيف اصبح من اصحاب الثروات
مسيرتهم توضح ذلك بصورة جلية لا غبار عليه انهم لصوص مجرمين هباتة رباطة حرامي ولا يستحو ابدا مش كدا زي ما قلت ولا بيخاف من المولى
عز وجل ولا معترفين في يوم حساب
وبعد ده كلو يجو يقول ليك عثمان محمد صالح كتب او نقل
يا كيزان ما فعلتوهو وتفعلون وسيتفعلونه
اساءة بالغة بينة واضحة لصحيح الدين الاسلامي وخصم على الاسلام والمسلمين لذلك وجب التبرؤ من افعالكم ومنكم ومن ثم نشوف عثمان محمد صالح وغيرو
عمثان فرد وانتم سلطة قمعية مستلطة بعيدى كل البعد عن قيم الاسلام وممقاصد الشريعة
فانتم اولى بالادانة والرفض
| |
|
|
|
|
|
|
|
|
Re: مناصري نظام اللصوص و المجرمين يتسلبطون فى (Re: علاء الدين صلاح محمد)
|
Quote: لكن من البوستات المنشورة دي الموضوع شكلو فيهو دغمسة كبيرة وخم كتيير
بعدين في ناس ما عندها حاجة ممكن تكتبا فموضوع زي ده ممكن يكون فرصة ليها
شان تكتب وتدعي و كده.
|
اهلين يا عثمان الامام و حبابك الف اخوي،
اي صديقنا عثمان محمد صالح عملت عوة كتيرة خالص هههه. انا ما عندي اعتراض على حقه فى التعبير لكنه استخدم لغة حادة جدا فى توصيل وجهة نظرة. افتكر انو هو لو رغب فى التاثير على الناس من الافضل ان يتخير لغة تجعلهم يسمعوا له، بدلا عن اللغة التى تطردهم او تستعداهم.
لك التحيات الطيبة يا عزيزي.
| |
|
|
|
|
|
|
|
|
|
Re: مناصري نظام اللصوص و المجرمين يتسلبطون فى (Re: abubakr salih)
|
سلام اخ ابوبكر
انا كمسلم اي واحد يتجراء على رسولنا الكريم او معتقداتي
كائن من كان ( كوز ... شيوعي ...بعثي ....ايميني يساري ... الخ
دي خطوط حمراء وحااديهو في حنانو .... فشنو قصة كوز وشيوعي وداعشي
دي مكنة ما بتقسم في الامور دي فبلاش التصنيفات دي ده ما مكانها
خليكم دغريين وقولو للاعور انت اعور ...
| |
|
|
|
|
|
|
|
|
|
Re: مناصري نظام اللصوص و المجرمين يتسلبطون فى (Re: abubakr salih)
|
سلام ابو بكر وضيوفه الاكارم
المقام لم يكن مقام كوز والا انصار سنة
واعتقد ان هذه محاولة للاصطياد في ماء (عثمان) لهبش (الكيزان)
وهي للاسف محاولة غير صائبة
حتى لو تسلبط مناصري نظام اللصوف والمجرمين في النبي تظاهراً وتقية
فاين مواقف الآخرين الحقيقية؟؟
تخريمة: كتبت بوست بعنوان انصر اخاك ظالماً او مظلوما...حالة عثمان محمد صالح
اوصف فيه حالة من تخفوا خلف شعارات رائعة نصرة لعثمان ولكن في غير موضوعها..
مع ودي
| |
|
|
|
|
|
|
| |
abubakr salih
معاوية عبيد الصائم
فرح الطاهر ابو روضة
حيدر حسن ميرغني
عبدالعظيم عثمان
الشيخ سيد أحمد
وضاح عبدالرحمن جابر
ahmedona
منتصر صلاح
kamal omer
علاء الدين صلاح محمد
ياسر منصور عثمان
فيس بوك
تويتر
انستقرام
يوتيوب
بنتيريست