|
|
|
 Re: تراجي مصطفي تفقد ما تبقى لها من صواميل في � (Re: Abdullah Idrees)
|
Quote:
تسجيل الموسم ..
لا حولااااااااااااااااااااا
معقول ده ؟ لكن فعلا رسالة خاصة .. خاصة جدا جدا واعتقد ان تراجي قد انجرفت بعيدا جدا
ياخ الكلام ده طه ذاتو ما بقولو ، طه شنو والله وداد ذاتا ما تقولو هههههه |
ما بتقولو الا تراجي، هو الما بتقولو شنو؟
دي اي حاجة بتقولها.
| |
  
|
|
|
|
|
|
|
|
Re: تراجي مصطفي تفقد ما تبقى لها من صواميل في � (Re: Hamid Elsawi)
|
يا حامد الصاوي ياخي قالت ليك اضحك. اضحكوا تصحو ياخي. هسة نحنا كان ما شوية الضحكات البنجاسفها من هنا و هناك دي موش كان متنا من غبائن البلد و جنون البقر السياسي السائد حولنا دا. اضحك ياخي. قالت الارهاق اتعب البشير و كتل شيخ حسن. نشكر الارهاق يا جماعة  . و نسال الله انو الارهاق يتم جميلوا يتابع فى باقيكم.
سلام يا راني و شكرا على اضحاكنا.
| |
|
|
|
|
|
|
|
|
 Re: تراجي مصطفي تفقد ما تبقى لها من صواميل في � (Re: Arif Nashed)
|
عمكم بشة اورررررردب دق الدلجة،
والحنينة السكرة ورررررررب جات
ردمتو بكوم حنان ؤ جابت معاها أم كلتوم
+ أبو اللمين ياااااا ثم ختمت برقتها وبكامل
حنانها إنت تبرى من الألم الألم ما لينا نحن.
اهدي زوار البوست غنوة عاطفة وحنان يا ناس
خاسة حيضر حسن ميرغني، مع أمنياتي لكم بدوام
الصحة والعافية ؤ لامن يجوكم ضيوف اتمشوا
معاهم اليومين ديل نحن هررررررررت هينا
جلالدونا بالمشي.
| |
|
|
|
|
|
|
|
|
|
Re: تراجي مصطفي تفقد ما تبقى لها من صواميل في � (Re: abubakr salih)
|
Quote:
يا حامد الصاوي ياخي قالت ليك اضحك. اضحكوا تصحو ياخي. هسة نحنا كان ما شوية الضحكات البنجاسفها من هنا و هناك دي موش كان متنا من غبائن البلد و جنون البقر السياسي السائد حولنا دا. اضحك ياخي. قالت الارهاق اتعب البشير و كتل شيخ حسن. نشكر الارهاق يا جماعة . و نسال الله انو الارهاق يتم جميلوا يتابع فى باقيكم.
سلام يا راني و شكرا على اضحاكنا. |
اي والله شكراً علي الإرهاق وان شاء الله يلم فيهم واحد واحد.
سلام ابوبكر صالح، عساك بخير ونتمناك دايماً ضاحك والله يبعد عنك الارهاق.
| |
|
|
|
|
|
|
|
|
|
Re: تراجي مصطفي تفقد ما تبقى لها من صواميل في � (Re: Hamid Elsawi)
|
Quote:
يا جماعة خلونا من المعارك الجانبية
لازم نركز في الوطن
الوطن هو الأهم
حريقة في أمريكا و صواميلها يا جلال.
و يا راني طَلَعت متربص كبير
قالوا ليك رسالة خاصة
الشوارة ليك شنو |
اي يا حامد الصاوي، نحن ذاتنا قلنا دي رسالة خاصة عشان
مافي مافي واحد من المتربصين يمشي ينشرها.
| |
|
|
|
|
|
|
|
|
|
Re: تراجي مصطفي تفقد ما تبقى لها من صواميل في � (Re: rani)
|
تراجي في البداية ذكرت صحة الريس الجسدية والنفسية والعاطفية لكن في الشرح لم يرد نصائحها بشأن صحته العاطفية ... أكيد الفيديو فيه سنسره ألحقونا بالباقي حتى تهدأ أرواحناعلى صحة رئيسنا الحاكم ديمه
رسالة من محب لكل من يكسر الثلوج وإن كان في القطب الشمالي
| |
|
|
|
|
|
|
|
|
|
Re: تراجي مصطفي تفقد ما تبقى لها من صواميل في � (Re: rani)
|
الاخ Rani
أنقل إليك ما كتبته في بوست الاخ أسامة
---------------------------------------------------------------------
من حق الزميلة تراجي ان تكون جزءا من الحوار الوطني
و من حقها ان تمدح البشير
لكن العيب فيكم
انتم تعطون السيدة تراجي أكثر من حقها و قيمتها
لا يمكن لإنسانة في ضحالة تراجي مصطفى ان تكون مبعوثة اي نظام في هذا الكون الي اي دولة في هذا الكوكب. دعك من اسرائيل.
إنكم تظلمون الحكومتين السودانية و الاسرائيلة معا.
تراجي أقل من ذلك بكثير
فهي إنسانة مسكينة كل همها ان تجد لقمة العيش لتعيش عليها باقي عمرها . بغض النظر عن مصدرها او ثمنها.
لا أدري لماذا يغضب الناس على تصرفات تراجي ؟؟
تراجي خلقت لتتصرف هكذا و تعيش. كل ما قامت به الزميلة تراجي في السنوات الماضية مجرد تجارة خاسرة أرادت من ورائها بعض المكاسب من المعارضة السودانية بشقيها السلمي و المسلح
لكن بروح الانتهازية التي عرفت بها وجدت ان الصف طويل ، فآثرت بالتوجه الي أقرب حاضن لطموحاتها الوضيعة. فوجدت الحكومة التي لم تترك تراجي بحقها كلمة بذيئة في القاموس العربي او السوداني المحلي الا و كتبتها او نطقت بها.
التاريخ مليئ بأمثال تراجي من الذين لا يحملون اي مؤهل اكاديمي و لا يستندون على اي وازع ديني او إخلاقي.
أمامها بعض الوقت لتنصرف من المشهد العبثي و تغادر أذهان الناس للأبد.
دعوها تعيش
إنها في حاجة الي كل الذي تفعله
| |
|
|
|
|
|
|
|
|
|
Re: تراجي مصطفي تفقد ما تبقى لها من صواميل في � (Re: Mohamed Adam)
|
(ردمتو بكوم حنان ؤ جابت معاها أم كلتوم
+ أبو اللمين ياااااا ثم ختمت برقتها وبكامل
حنانها إنت تبرى من الألم الألم ما لينا نحن).
.…..... ...... ..... ... ......... ......
أمسك الخشب يا راني إسع أجيبها ليك جارا مفراكتها..
مدخل:
تراجي متزوجه ولا اشك في عملية تلطفها لعمر البشير وان لايؤخذ علي انو خارج إطار التملق والتذلل لتجد لها منصب في تشكيلة حكومة "النِفاق الوطني" المقبله..
أوقد تكون سمعت ليها شوية تسريبات من المكتب الرآسي بانها مرشحه لشغل منصب معين وانا ارجح الأخير علي حسب معرفتي وفهمي للجانب العام من الأسطوره تراجي.
طبعٱ...
الحب المزيّف دا أمر متوقع وعادي وطبيعي جدٱ ان يصدر من المتسرعه تراجي علي ان ترسله في شكل شفره وفي مثل هذا المقام والتوقيت (طبعٱ علي حسب بساطتها وتصورها للأمور)!
هي تدخل لاي وسط جماعي جديد عنها بتحاول تصطادو وتتملقو بأربعه اساليب، لتجد لها موطئ قدم بين المجموعه... والشواهد علي ذلك كثيره جدٱ ولاحصر لها...
أسلوبها الأول في الدخول علي الناس:
تتملق الناس الفاعلين في المجموعه...
دخلت علي قضية دارفور ببوست "الزغاوي الذي احببت" ولما الجماعه زرزروها طلعت ببوستات اخري للتمويه وهي بوست "الجعلي الذي احببت" و"المسيري الذي احببت" ومن ثم بعد كشف مخططها وتم تحجيمها او إبعادها تقوم تتبعو ببوستات تتري تزعم أنها إستقالت من المجموعه بمحض إرادتها ولكن لم تطرد منها!
الأسلوب الثاني التدخل بيهو علي تجمعات العمل المدني؛ هو إسلوب التلصص علي علاقاتهم الإجتماعيه(اسرهم، قبائلهم، مرجعياتهم، إختلافاتهم، طريقة لبسهم، رتبهم ، مواقعهم من صناعة القرار كسلهم، المال العندهم شنو ومنو البدفع اكثر ومنو الماقاعد يدفع والعجب لو هنالك فاعل في المجموعه عندو سن مكسوره او لابس حذاء لا يوافق البنطال بتاعو او هنالك ادني خلاف بينو وبين اسرتو(كما حصل عندما كانت برابطة ابناء دارفور بكندا وكذلك بحركة التحرير جناح مناوي ومع ناس الهامش الامريكي) .. الخ..
مثلٱ، تدخل علي اي مجموعه وتتلصص علي(المؤثرين فيها) وتصنفهم وفقٱ لقبائلهم، وجِهاتهم الجغرافيه دا محسي، دا زغاوي دا ماهري، دا برقاوي، دا فوراوي ومن ثم تلعب في هذه الإختلافات والتناقضات وذلك بإستغلال السذج من طرفي المجموعه وتظل تفتن فيهم حتي تشتت عودهم او تضعفو وتضعهم أمام الامر الواقع وبهذا تكون تلقائيٱ صنفت كل عضوية المجموعه وخلقت جوء من الزعر والكل يخاف ويترجس من عضوية الآخر والطامه الكبري عندما يفهموها ويقوموا يرتبوا لعملية فصلها من المجموعه المعنيه يكون الفوات فات عليهم وهي ذكيّه ذكاء فيهو نوع من الخبث الشديد، هي تعرف سلفٱ ان مخططها قد تم كشفه تمامٱ وليس هنالك اي مساحه او ليس لها اي فرصه تانيه لموطيء قدم آخر بهذه المجموعه علي طول بتقوم تكلف سُذج ومن ذات المجموعه ليكتبوا ليها إستقاله وتقوم تعمل ليها كوبي آند بيست وتكلفهم بتحميلها علي الأنترنت وتجعل منها وثيقه ثبوتيه وتصر وتحلف باليحيها واليميتها انها هي التي قدمت إستقالتها ولم تفصل من قبل إدارة المجموعه، المعنيه وتدعم مزاعمها هذه بتكليف ساذج او ساذجين ليدلوا بشهاده تصب في صالح كذبتها!!
الأسلوب الثالث الذي تدخل به علي العمل العام:
تقوم تبلور ليها فكره ساذجه وتقوم تتصل باشخاص لايعرفونها كثيرٱ او بأشخاص تعرفهم نفعيين وبتاعين مصلحه وتقوم تشحنهم بمقولات وقوالات امثال فلان عندو صفقات مع اليهود وعلان ماكل قروش الجماعه وتخلطها بشوية شمارات من هنا وهناك(عرقيه، جهويه او تراتبيه من حيث الوطيفه) وتقوم تخطط ليوم إجتماع تلك المجموعه وتفاجئهم في عقر دارهم (رابطة دارفور، مجموعة الهامش، ثم لاحظ لما قدمها عمر البشير)؛ اول ما بدأت به عندما قدمها البشير هو عملية الفرز والغربله؛ تنشن لشخصيات فاعله تود إصطيادها : تملقت بالإسم راشد دياب عندما عرفتو زول مجود شغلانتو، ثم مدحت وبالإسم الأستاذه أبو بتاعت علم النفس ومدحت حركة دانيال كودي وإستغلته في الحال لضرب ياسر عرمان والحركه الشعبيه الام وحركات دارفور اللفظتها، قالت: إنتو ما إنتبهتو لما قاله الرفيق دانيال كودي عن الحركات المسلحه، قال دي باقي حركات وليست بذات ثقل.علي طول البصيره ام حمد قامت وإقترحت علي ان تسمي الوطنين الممانعين لتمثيلية الحوار الوطني بانهم بواقي حركات وليسوا بحركات كامله!!ثم قالت، اكرر هذه يجب ان تسمي بواقي حركات وليس بحركات كامله ثم اتبعت كلامها بان تنتبهو للمسميات لان الإسم مهم وليهو دلاله!!
هي ناسيه كانت تترجي في ناس الحركات وبالذات بعدما طردت من حركة تحرير السودان جناح مني كانت تغازل في جناح الشمال ولكن وجدتهم تفتيحه وناس شفوت قروا كتفها من بعيد قبل ان تغازلهم وفي نفس الوقت كان فايت عليها حتي قيادات المؤتمر الوطني ما ح تقول كلام متملق كما تفعل هي، لأنهم عارفين وفي ذات اليوم المؤتمر الوطني عندو وفود يحاورون في الممانعين باديس ابابا ليعطوا شرعيه لعملية "كوارهم" الوطني !!!
تنبآت:
تراجي دائمٱ تدخل من أعلي رقم في المجموعه ومن ثم تلعب في التناقضات الأسريه، الحهويه، التراتبيه،الجندريه، العمريه.. فعندما تكون مقربه .. ستسال عمر البشير ليش إنت متزوج اكتر من واحده ولبش بتحب وداد اكثر من فاطمه(ودا بالفعل قالتو) وليش ياالبشير ماتمشي تقفل الفرقه بين سنك ونابك!!
ليش مابتعمل رياضه، لشنو ما بتدو محمد الامين خليفه وزاره سياديه، ليشنو ماسكين في آمنه ضرار دي كدا ولكن وبكل اسف سوف ينتهي بها الأمر امام المحاكم لان الإنقاذين شفوت وماعندهم يايمه ارحميني وسوف تخسرهم وبنفس سرعتها الدخلت عليهم ودي حقيقه استخلصتها من مسيرتها الشلقانه البتستعملها في العمل العام.
المدخل الرابع البتدخل بيهو علي الجماعه:
تزعم انها خريجه حقوقيه درست وتخرجت ببكلاريوس وبماجستير علوم إجتماعيه بجامعة الأسكندريه وحضرت دبلوم عالي بجامعة الخرطوم(حقوق) وكذلك بجامعة النيلين(كذبت عليً بهذا البروفايل عندما قدمتها للعمل العام بهاملتون كندا).
انا محمد آدم مسئول عنما اكتب هنا علي ان تراجي مصطفي لم تمتلك اي شهاده "سفلي" او عليا في الحقوق ولاحتي بتعرف ان كلمة "الحقوق" بها قافان وكذلك معرفه بالالف والام إلا بعدما تقرا هذا التعليق!!.
الآن مركبه مكنتين:
المكنه الاولي: أنها خبيرة الصوشيال ميديا وجعجعتها بالواتساب وكل كلمه والتانيه ترفع موبايلها الابيض عاليٱ ودا معناتو جارا ليك نور طويل في وزارة الشئوون الإجتماعيه.
المكنه الثانيه:
بتدعي انها بتعرف إسرائيل وقابضه علي مفاتيحهم وممكن تفتح بها الإميركان وفي الحقيقه هي زارت إسرائيل بمجرد ما مسكت جوازها الكندي وذلك شيء طبيعي لاي شخص كان مقفول لاكثر من عشره سنوات بيكون بيبحث ليهو عن مخرج للنقاهه وبحكم إشتياقها للاردن إختارت زيارة جارتهم إسرائيل لترسل شفرات للأرادنه علي وزن كيّه ليكم وشوفوني انا بإسرائيل!!! !!
سفرها لإسرائيل كان إستغفلت المساكين هنالك بانها سوف تجد لهم توطين بكندا وانها واصله وكدا وقاموا تبرعوا ولموا ليها قروش من الإقتطعوها من الإعانات البسيطه البيدوها ليهم ليقطعوا ليها تذكرة سفر ماشا جايا ومصاريف جيب وإعاشه وسكن وتجوال داخل البلد(توور) والمساكين ماعارفين انها مؤتمر وطني مدسه في ثوب معارض!!!
تراجي كانت عشمانه في ان تسوق نفسها للموساد لكي تعمل معه "دبل إيجنت" تاخذ من الطرفان ديل وديلك ولكن إسرائيل وامنها ماعملية لعب شلقانين عشان بكل هذه البساطه و السطحيه يقوموا ويستخدموا واحده زي تراجي الكان عندها علاقات مشبوها مع نظام الإنقاذ المتورط في الإرهاب العالمي وذلك منذ عام ٢٠٠٣ تراجي متواطيه مع نظام الخرطوم والفاشربتعمل بشبهات لصالح يوسف كبر ضد الحركات المسلحه ، كذلك الإسرائيلين ما شيء ساهل ولعب كدا ليثقوا في واحده ممكن تغير مبادئها بكل سهوله زي تراجي والممكن تبيع اسرارهم عند اقرب لفه لناس حماس او للخرطوم او لاي حركه إرهابيه.
اي شخصيه تدخل إسرائيل وتكون محل ريبه وشك ستكون مراقبه كل مشوار حياتها وما الدليل علي انها ماتكون مراقبه من قبل الموساد لانها دخلت بلدهم بصوره مليانه شك وريبه والآن هي مع نظام الجبهه الإسلاميه!
يا راني مسئول عن الخير، وين الزول الجميل ياسر طيفور ابوتفه.
| |
|
|
|
|
|
|
|
|
|
Re: تراجي مصطفي تفقد ما تبقى لها من صواميل في � (Re: Mohamed Adam)
|
بالرغم من أنني أشارك الجميع في البوست وخارج البوست ..الدهشة والصدمة مما قالته تراجي في هذا التسجيل وتسجيلات أخرى ..ومن موقفها الأخير عموما الداعم للإنقاذ ..
إلا أني أقول لمحمد آدم إنت كذاب في معظم ما كتبته .
وأمثالك يا محمد آدم من أولاد دارفور هم الأوصلوا تراجي لحضن الإنقاذ .
وما تراجي براها ..بل في ناس كثر طفشوا بسبب نوعيتكم دي وراحوا للإنقاذ ..لأنهم فكروا في أن لا فرق كبير بينها وبينكم .
هسه مثلا جاي منتهز الفرصة علشان تسحب منها شهاداتها وعرق سنين بجرة قلم ؟!
تراجي هريتوها بالشتائم والأكاذيب وسوء الظن والإتهامات وعذبتوها سنين طوال .
ووريتوها القرف ألوان .
وكزولة مفرغة نفسها تماما لقضايا الهامش ..وبصورة زايدة عن الحد .
كان من المتوقع أن يحدث لها فائض إحتمال .
وهي زولة دارسة علم نفس مفروض كان تفهم البيحصل ليها دا هسه شنو .
* أنا ياما حاولت معاها وكذلك غيري من الأصدقاء والصديقات الحادبين ، أن تلحق نفسها وتفوق من وهم الحوار ..وتبعد نفسها عن الكيزان وقروباتهم المعدية .
ولكن يبدو أنها ( عبرت ) خلاص للجانب الآخر ..على حد تعبير ود المشرف .
والسبب الأساسي في ذلك هو عدم فهم طبيعتها من قبل أجلاف الحركات وبعض أبناء الهامش الذين تحتقر ثقافتهم المرأة القادرة .
فمثلا أمثال محمد آدم هذا ..وبعضمة لسانه في فريقهم تقدم النساء كرقيق للمتعة الجنسية ..وتجي واحدة زي تراجي ومن بيئة مختلفة تماما ..وتتعامل معاهو زي أخوها الصغير ..وبحنانها المعتاد مع الأصدقاء تقدم له نصائح ودودة حول مظهره وتسريحته ( طبعا من ناحية تراجي حشرية ..نعم حشرية شديد في تفاصيل أصدقائها لدرحة زايدة عن الحد ..لكن بأمانة كله من باب الحدب والإهتمام الصادق ) .
فتتوقعوا زي محمد آدم دا حا يكون فهم شنو ؟
أكيد حا يكون فهم زي البشير ما حا يفهم ما ورد في التسجيل دا ..خخخ
يا تراجي خفي شوية فقعتي مرارتي الله يعلم .
| |
|
|
|
|
|
|
|
|
|
Re: تراجي مصطفي تفقد ما تبقى لها من صواميل في � (Re: حمد عبد الغفار عمر)
|
يضحك ؟ كيف يضحك والليل كلو هلاويس بى شهداء رمضان وبشهداء حرب الجنو ب ودارفور و .......و الخ الضحك ده داير لى قلب ابيض ونفس صافية وأيدى نقيه نظيفة هو الضحك ده لعب ؟! او اى زول ممكن يضحك ؟ الضحك اسهل منو البكاء اخير يا ختى تقول ليهو أبكى .....يمكن يرتاح لكن الضحك ده (وحدو ) ما بيقدر على ، شعرا ما عندو ليهو رقبة
| |
|
|
|
|
|
|
|
|
|
Re: تراجي مصطفي تفقد ما تبقى لها من صواميل في � (Re: حمد عبد الغفار عمر)
|
آمنه مختار إنت اصلو فردة تراجي ومن شلتها لكن انا ما انزل معاك لمهاترات لاتخدم غرض البوست....
تطعني في كلامي وتاتي لتلومي تراجي بطريقه مغلفه ليقولوا عليك إنسانه حقانيه وواقعيه!! .
لكن عشان احاصرك واخليك تكوني إنت الكذابه ، هاتي دليلك علي انها تحمل شهادات عليا في الحقوق من جامعة الخرطوم وجامعة النيلين علي اساس كلامنا مايكون مشاغبات ساي.
| |
|
|
|
|
|
|
|
|
|
Re: تراجي مصطفي تفقد ما تبقى لها من صواميل في � (Re: Mohamed Adam)
|
يا محمد آدم علشان أثبت ليك إنت الكذاب دي ما عايزة مجهود نهائي :
Quote:
المدخل الرابع البتدخل بيهو علي الجماعه:
تزعم انها خريجه حقوقيه درست وتخرجت ببكلاريوس وبماجستير علوم إجتماعيه بجامعة الأسكندريه وحضرت دبلوم عالي بجامعة الخرطوم(حقوق) وكذلك بجامعة النيلين(كذبت عليً بهذا البروفايل عندما قدمتها للعمل العام بهاملتون كندا).
انا محمد آدم مسئول عنما اكتب هنا علي ان تراجي مصطفي لم تمتلك اي شهاده "سفلي" او عليا في الحقوق ولاحتي بتعرف ان كلمة "الحقوق" بها قافان وكذلك معرفه بالالف والام إلا بعدما تقرا هذا التعليق!!.
|
يللا يا فالح القاعدة القانونية البيعرفوها حتى الأطفال بتقول إنه البينة على من إدعى .
فهسه إنت كبني آدم محترم هزيت طولك وعرضك وجيت تحديت ..وبمسؤولية كاملة ..إنه تراجي لا تمتلك أي شهادة سفلى أو عليا في الحقوق .
يللا أثبت دي ..
علشان بعدين نجي للباقي .
وأفتكر الكلام دا إنت إدعيته زمان في بوست لي عن ظاهرة تزوير الشهادات . وقلت ليك كلامك غلط . هسه جاي تكرره هنا متوقع يعني حا أخاف وما أجي أحكها معاك علشان بلبصة تراجي الأخيرة للإنقاذ وحنانها الكبته في السهلة للما يستاهل ؟!
تراجي غلطانة وستين غلطان في تعاملها مع القتلة . بل جنت رسمي وشعبي في نظري .
وهي هسه ممكن تجي هنا وأقول ليها غلطانة .
ولي شهور ما عندي أي تواصل معاها ..مع إنها في مقام أختي الشقيقة عديييل .
عسى أن تفوق وتراجع نفسها .
لكن أي كذب وتلفيقات في حقها أو حق غيرها ..في حاجات أنا متأكدة منها ومعاصراها ما حا أسمح بيهو ..وإلا أكون جبانة .
وما عدا ذلك هي الجابته لنفسها .
| |
|
|
|
|
|
|
|
|
 Re: تراجي مصطفي تفقد ما تبقى لها من صواميل في � (Re: AMNA MUKHTAR)
|
بعدين يا تراجي الله يرحم والديك ..هو البشير دا كمان بتوصى على موتان القلب ؟!
الزول دا كان ما قلبو ميت ..بعد الخراب دا كله والسواطة الساطوها للبلد دي كلها ..ولسه فاتح نفسه ويتراقص كل يوم لما ركبوا باظت !
البشير مبسوط 24 قيراط يا تراجي ما تشيلي همه .
شيلي همنا نحنا الما عندنا ذنب نعيش مرغمين تحت حكم دكتاتوري وداعشي مهووس .
بعدين حسن النية دا خلي ..قال ما تنشروا قال .
إنتي ما عارفة إنه الناس ديل مراكز قوى بتتصارع ..وإنه تسجيلك دا حا يكون وقع لناس في جرح. ..
وأكيد ودوهو زماااان لنسوان البشير ..الحا يفهموهو غزل طبعا الطرود ديل ..
بعدين طه دا بالذات أعملي حسابك منه ..
الزول دا قالوا زي الفريك ..ما يحبش شريك .
_____
غايتو بشة لقاها لقية ..تراجي بجلالة قدرها بتهدي ليهو أغاني يا عيني خخخ
| |
|
|
|
|
|
|
|
|
|
تراجي مصطفي تفقد ما تبقى لها من صواميل في الرأس.. يوجد فيديو (Re: rani)
|
....الجمد لله...ارتحنا من...ردحي.. تراجي...نحن ناس البرتا....
...بقت مشغولة ...بي ...كلكلة...الديكتاتور...
...لكن الوظارة....( الوزارة)...او السفارة...
...عايزة اكتر من كدة...بكتيييير.....
....لو كسرتي ...تلج كندا ...كلها...
...كمان معه..تلج المتجمد الشمالي...
...ما اظنك ...تطولي ...حاجة...
...الكيزان حا يخلوك ارجوز...
و مضحكة ...للكل
....يا شماتت ابلا ظاظا فيك...
....لكن النضال...دربوا طويل ...
انتي و كثر مثلك غير مؤهلين له......
...احسن تتلمي فى حظيرة الخنازير....
...و الشعب هنا قريب حا بقوشكم...كلكم...
......شكرا يا ...راني ...علي الفضح...
| |
|
|
|
|
|
|
|
|
|
Re: تراجي مصطفي تفقد ما تبقى لها من صواميل في � (Re: Abdo Mustafa)
|
الاخت آمنه مختار بعد مراجعه بسيطه لإرشيف هذا المنبر وكمية الإشتباكات الإشتبكتيها انت وصاحبتك تراجي معي ومع العضوات(دا ناهيك من الكم الهائل مع باقي الاعضاء) علي سبيل المثال:
إشتبكتي مع نور تاور
مع المرحومه ندي عثمان
د. بيان
نجلاء سيد احمد
دوما
رباح الصادق
مياده
بنات خوجلي
والقائمه تطول
وعليه، تاكد لي من الصعب جدٱ ان اتحاور معك(مافي اي مشترك بينا)ولكي لاتبعثري فكرة البوست ولذا اقول لك وبكل زوق وادب، شكر الله سعيك وغيرت من رأي الاول وماعايز شهاده منك خالص ومرجعيتي في هذا القرار راجع لبوستات قديمه جمعتني معاك وفردتك تراجي وانا شخصيٱ بإمكاني احاور فردتك تراجي وما احاورك إنت وأضعي خطين تحت كلمة ممكن أحاور تراتجي ديا!!.
وبرضو كما اسلفت عشان ما اعطيك اي فرصه لتشتيت فحوي هذا البوست!
اما بخصوص انو تراجي ماعندها شهادات عليا في مجال الحقوق دا شيء انا متاكد منه وانا مسئول عنو، حتي لو بصمتي بعشراتك يا اخت آمنه ما رايح اصدقك مهما تقولي عندك زمن ماتكلمتي مع تراجي وما رايح أتحاور مع زوله ملزوزه لتحارب بالإنابه.
نقطه.
| |
|
|
|
|
|
|
|
|
|
Re: تراجي مصطفي تفقد ما تبقى لها من صواميل في � (Re: معاوية المدير)
|
يللا يا فالح القاعدة القانونية البيعرفوها حتى الأطفال بتقول إنه البينة على من إدعى .
فهسه إنت كبني آدم محترم هزيت طولك وعرضك وجيت تحديت ..وبمسؤولية كاملة ..إنه تراجي لا تمتلك أي شهادة سفلى أو عليا في الحقوق .
يللا أثبت دي ..
علشان بعدين نجي للباقي .
-----------------------------------------------------
اختنا امنة مختار ،سلام وتحية ،موضوع شهادات تراجى العليا تم اثارته فى عدد من البوستات السابقة وطالبها عدد كبير بجلب شهاداتها هنا دحضا للشائعات و لكنها اثرت الصمت !
لا يستقيم عقلا ان تطالبى الزميل محمد ادم ،الذى ينفى امتلاك تراجى لتلك الشهادات ، بايراد ما يثبت ذلك ؟بالعربى البسيط كدة ،الزول البقول انا شفت فيل لافى فى المدار الخارجى للارض هو المطالب باثبات ان هنالك فعلا فيل!
فلو تراجى متاكدة من وجود الفيل لازم تجى تورينا ليه ،او بالعدم احدى صويحباتا !
--------------------------------------------------
تراجى لم تكن فى يوم من الايام معارضة حقيقية، ومسرحية سحب الجواز منها بطلها نافع يكشف حقيقة دور تراجى فى زعزعة حركات دارفور المسلحة واضعافها والان ان دور حصاد سنين العمالة للنظام.
تحياتى يا محمد ادم ،واتفق معك على كل سطر سطرته عن هذه التراجى حارقة البخور فى سوق النخاسة السياسي .
| |
|
|
|
|
|
|
|
|
|
Re: تراجي مصطفي تفقد ما تبقى لها من صواميل في � (Re: مرتضي عبد الجليل)
|
لعناية الجميع
وصلتني رسالة من الفريق طه مرسلة من عنوانه الخاص
في الواتساب بتاع الصواطة و المصدر طلب عدم ذكر اسمه
و قال وداد ( الزوجة السابقة للميت ابراهيم شمس الدين ) زعلانة شديد يا انتي !!! من التسجيل بتاع هناية و ح تكلم جمال الوالي
يواليها بي بنية و ما في غير بيوت السكن المساعد
و قال فاطمة خالد ربطت يدها و قالت ما بتفكها
إلا المفعوصة بتاعت يلونايف دي صاحبة معاوية المدير و من لف له
تجي وزيرة عشان ازرزرا
و بعد الشر عليكم
من تدليك الرؤساء
و تدليلهم
اول مرة اسمع مدلكة رئيس
و مدلكة ترجمة للكلمة
physiotherpist
فيزيوثيرابست رئاسي
ما شاء الله
عيني عليك باردة
يا السمحة يا الواردة
من كندا الباردة
| |
|
|
|
|
|
|
|
|
|
Re: تراجي مصطفي تفقد ما تبقى لها من صواميل في � (Re: طه جعفر)
|
أنا غايتو متأكدة كلام سمح ذي دا ما حيقع واطة بس إنشاءلله يكون طالع من قلب صادق ما لمصالح دنيا
ممكن تحصل قوالات وتصل لدرجة موقف من نسوان الرئيس خاصة وداد بإنه هذه الشخصية تراجي ما تاخد أي منصب أيوة ممكن
لكن أكيد حيتم مكافأتها بشكل أو آخر خاصة وإنها بدون مجاملة قادرة بما تملك من فصاحة لسان على دعم موقف الحكومة كتيراً
المشكلة إنها كيف تمتلك ثقة الناس الهم عضم الضهر بتاعين النظام والهم ناس مصالح وأكيد مصلحتها مع مصلحتهم جتعمل إحتكاك مولد لكهرباء فظيعة
| |
|
|
|
|
|
|
|
|
|
Re: تراجي مصطفي تفقد ما تبقى لها من صواميل في � (Re: MOHAMMED ELSHEIKH)
|
يا محمد آدم ما تدي نفسك أهمية شديد .
شخصيا ما أظن إشتبكت معاك إلا قريب دا في بوست لأبي بكر عباس بسبب كذبتك عن ( العزبا وما عزبا ) ، فإنت ما من النوع المثير للإهتمام حتى في الإشتباك .
وهسه في البوست دا جا على بالي أرد ليك كنوع من التسلية والقزقزة طالما إنه البوست نفسه مضحك حد البكاء .
ويمكن كآلية دفاعية نفسية مني ..كوني عايزة أخفف طمام البطن شوية بسبب تخيلي لبشة وهو بيسمع في نصائح تراجي العجيبة دي .
وطبعا ردك مضحك شديد برضك ..لمن يحنن .
قلت لي :
Quote: الاخت آمنه مختار بعد مراجعه بسيطه لإرشيف هذا المنبر وكمية الإشتباكات الإشتبكتيها انت وصاحبتك تراجي معي ومع العضوات(دا ناهيك من الكم الهائل مع باقي الاعضاء) علي سبيل المثال:
إشتبكتي مع نور تاور
مع المرحومه ندي عثمان
د. بيان
نجلاء سيد احمد
دوما
رباح الصادق
مياده
بنات خوجلي
والقائمه تطول |
يا راااجل ..
وإشمعنى مركز على ( العضوات ) دي شديد ..عايز توحي بشنو مثلا ؟!
وبعدين شكلك ملخبط بيني وبين تراجي عمدا .
ويخربني رباح الصادق دي ما عاصرتها هنا .
_______
يا أخ مرتضى / كونه إنه الزول يقول إنه على مسؤوليته الحاجة الفلانية دي كذا ..وقدام الناس والأمم المتحدة ..
فبطبيعة الحال لازم يكون عنده القدرة على إثباتها ، وإلا طبعا حا يدخل نفسه في حتة ضيفة زي دي .
ومحمد آدم دا مشكلته بيستسهل الكذب ليه ما عارفة ..
يعني هسه مثلا كان في داعي يكذب الكذبة العجيبة ديك عن ناس فريقهم مجاملة منه لطه جعفر ؟!
بعدين هسه بذمتك يا مرتضى في زول نصيح يقول لي زول عنده زملاء دراسة في نفس البورد ..إنت ما قاري وجيب شهاداتك ؟!
شخصيا لو زول جا هنا وقال آمنة ما قارية ..والناس تحدوني وقالوا لي جيبي شهاداتك بقول ليهم قوموا لفوا .
وكلامك عن عمالة تراجي القديمة للنظام ونافع على نافع وشنو داك غير صحيحة ، وأعتقد ناس كتار في البورد وغير البورد دا متابعين تحول تراجي وأسبابه ..حتى لو لم يتفقوا معها ..لكن عندهم الأمانة التي تعصمهم من إدعاء كاذب زي دا .
| |
|
|
|
|
|
|
|
|
|
Re: تراجي مصطفي تفقد ما تبقى لها من صواميل في � (Re: rani)
|
غايتو جنس تربص
يا ناس يا عالم يا حاسدين دعو الطحالب تنمو
راني من شفتو مع ود المدير وجلالدونا عرفتو حاسد وراصد بس
لالا بكري ما معاكم ( هي براها تراجي البتكسر تلج )
وتراجي ليه ما تكسر تلج لي الانقاذ والبشير
تراجي الكانت بتتلقى الاعانات من الحكومة الكندية
وما لاقية حق التزكرة للخرطوم هي وشلته
النظام وفر ليهم التزاكر ذهاب واياب
النظام سكنه في فندق برج الفاتح
وخصص ليها طائرة لي تنقلاته في السودان
ونثريات وهدايا وحفلات وما خفي اعظم
اقامة لي تراجي في برج الفاتح والثمانيني عمنا صديق يوسف في زنزانة
طائرة خاصة لي تراجي وعمر الدقير يقيد بالسلاسل ويرحل بالبر الى سجن بورتسودان
نثريات وحفلات وهدايا لي تراجي واطفال المدارس بدون وجبة فطور بسبب الفقر
بعد دا كلو ما عاوزنها تكسر تلج
او تضحك ولي نعمته عمر البشير
كده ما عصرتو عليها
فاكرينها ما بتعرف الواجب وما بتعرف ترد الجميل
| |
|
|
|
|
|
|
|
|
|
Re: تراجي مصطفي تفقد ما تبقى لها من صواميل في � (Re: علي محمد الفكي)
|
و الله يا جماعة سؤال جاد جدا لاختنا تراجي
طبعا طلبت تراجي في نهاية الكلام عدم نشره!!! لانو خاص
عاوزين نعرف من الذي قام بنشره وصار على قفا من يقرب(يعمل قروب) ان لم تكوني انتي نفسك ؟؟؟
اعتقد لديك القنوات السالكة لايصال هذه الرسالة ومنها قناة الفريق طه كما ذكرت فكيف حدث هذا ؟
| |
|
|
|
|
|
|
|
|
|
Re: تراجي مصطفي تفقد ما تبقى لها من صواميل في � (Re: سيف الدين محجوب)
|
| Quote: طالبها عدد كبير بجلب شهاداتها هنا دحضا للشائعات و لكنها اثرت الصمت ! |
ياخوي مرتضي عند تشكيل حكومة "النفاق الوطني" سيطلب منها تقديم مايفيد انها حاصله علي شهادات عليا بكلية القانون جامعة الخرطوم او من جامعات اخري ، لكن وبكل اسف، لن ولن تفعل غير تاثر الصمت او تقوليهم قوموا لفوا!!!..
ودا يعطي مبرر كافي لتماسيح المؤتمر الوطني ان يتملصوا منها ومن عبء الصرف عليها وعلي وفدها وبهذا تحرق اوراقها فوق وتحت، لكن كعادتها(الخلا عادتو قلت سعادتو) ستقوم تفبرك ليها فريّه اخري بإتفاق مع باقي الحركات والاحزاب البرضوا حرقت اوراقها وتقول هي تركت المؤتمر الوطني بعدما تأكدت انه حزب فاسد!! وترجع تبحث ليها عن موطيء قدم بالمعارضه وماتستبعد تمشي تغازل ناس الدقير بحزب المؤتمر السوداني!!
| |
|
|
|
|
|
|
|
|
|
Re: تراجي مصطفي تفقد ما تبقى لها من صواميل في � (Re: محمد الأمين موسى)
|
الاخ محمد الامين موسي
ادناه شهادة صاحبتها آمنه مختار في ان تراجي درست القانون وليس علم النفس الذي ادلت به في هذا البوست والاتكون تراجي موسوعه علميه!.Quote:
وقد جمدت تراجى سنوات وتعثرت دراستها لظروف أسريه كثيره منها الزواج والسفر للخارج وغيره
ولكن للحق أشهد انها اكملت الحقوق واشهد لله بذلك وقد حضرت للسودان بعد وفاة اخيها يسن عمر ابوطالب
و بعد العزاء طلب منها افراد اسرتها واصدقائها ان تقاوم احزانها وتجلس للمعادلة
واذكر كنت احرس لها اطفالها بالتناوب مع اختها توسل وقام بتسجيلها صديقنا المحامى محمود القوصي الاتحادى المعروف
وهو من استخرج لها (شهاده مؤقته للجلوس) للمعادلة
وقد فعلت ولكن لم تكمل الامتحانات الخاصة بالمعادلة لضرورة سفرها ولكنها جلست وهذه شهادة مني بذلك
انها درست بل اخذت ما يعرف بدورة الاعداد للمعادلة
وكان ذلك صعبا عليها في ظروف حزنها وظروف ابنها حازم الذي اصيب في حادث سيارة فى الأردن .
فكيف يلف الزمن ويدور لاجد من يأتى ويتهمها بانها
كاذبه ولم تتخرج من آداب الاسكندرية أو قانون النيلين
بل ويتهموننى بالكذب لأنى شهدت معها !!!! |
| |
|
|
|
|
|
|
|
|
|
Re: تراجي مصطفي تفقد ما تبقى لها من صواميل في � (Re: Mohamed Adam)
|
كيفك يا محمد الأمين موسى أخبارك .
تراجي درست في تلاتة جامعات : الأسكندرية ، والنيلين ، والخرطوم .
وعندها 2 بكالوريوس ( علوم إجتماعية ، وقانون ) .
و عملت دبلوما عليا في جامعة الخرطوم ولكنها لم تمتحن الملحق لظروف خاصة بها .
_______
محمد آدم دا بيألف من راسه ما تشتغل بيهو ، مشكلته مع تراجي لا علاقة لها بالسياسة .
تراجي غيري أنا عندها زملاء كتار في البورد دا ، ملاسي على سبيل المثال لا الحصر .
مع إنه ملاسي كان خريج وهي برلومة ....:)
| |
|
|
|
|
|
|
|
|
|
Re: تراجي مصطفي تفقد ما تبقى لها من صواميل في � (Re: AMNA MUKHTAR)
|
للاسف يا محمد ادم الكيزان لو لقو تراجي ما عندها شهادات ما بتلفتو كتير
طوااالي حا يوفروا ليها الشهادات اللازمة
كلامك الفوق دا اوحى لي كانو الكيزان بهتمو بمعايير معينة لتوزير فلان
او تنصيب علان ديل عبارة عن فاقد تربوي لا اهتمام لهم بالشهادات
اهو السيد اللواء محمد حمدان(حميدتي) اعترف بعضمة لسانو انو لحدي 2003 هو لا ينتمي لأي جهة عسكرية
من 2003 حتى الان 14 سنة خلال هذه الفترة انضم للعسكرية واصبح بعصى موسى لواء وكمان ايه اركان حرب
تجي تقول لي الكيزان يلفظو تراجي اذا عرفو انو ما عندها شهادات هههه
ياخ كدا بكون عز الطلب زاتو
تحياتي لك ولأمونة وروقو المنقة شوية
| |
|
|
|
|
|
|
|
|
|
Re: تراجي مصطفي تفقد ما تبقى لها من صواميل في � (Re: Mohamed Adam)
|
دنق عبد الله ...
لك التحية ..
يكفي هذا فهو المختصر المفيد
Quote: أنقل إليك ما كتبته في بوست الاخ أسامة
---------------------------------------------------------------------
من حق الزميلة تراجي ان تكون جزءا من الحوار الوطني
و من حقها ان تمدح البشير
لكن العيب فيكم
انتم تعطون السيدة تراجي أكثر من حقها و قيمتها
لا يمكن لإنسانة في ضحالة تراجي مصطفى ان تكون مبعوثة اي نظام في هذا الكون الي اي دولة في هذا الكوكب. دعك من اسرائيل.
إنكم تظلمون الحكومتين السودانية و الاسرائيلة معا.
تراجي أقل من ذلك بكثير
فهي إنسانة مسكينة كل همها ان تجد لقمة العيش لتعيش عليها باقي عمرها . بغض النظر عن مصدرها او ثمنها.
لا أدري لماذا يغضب الناس على تصرفات تراجي ؟؟
تراجي خلقت لتتصرف هكذا و تعيش. كل ما قامت به الزميلة تراجي في السنوات الماضية مجرد تجارة خاسرة أرادت من ورائها بعض المكاسب من المعارضة السودانية بشقيها السلمي و المسلح
لكن بروح الانتهازية التي عرفت بها وجدت ان الصف طويل ، فآثرت بالتوجه الي أقرب حاضن لطموحاتها الوضيعة. فوجدت الحكومة التي لم تترك تراجي بحقها كلمة بذيئة في القاموس العربي او السوداني المحلي الا و كتبتها او نطقت بها.
التاريخ مليئ بأمثال تراجي من الذين لا يحملون اي مؤهل اكاديمي و لا يستندون على اي وازع ديني او إخلاقي.
أمامها بعض الوقت لتنصرف من المشهد العبثي و تغادر أذهان الناس للأبد.
دعوها تعيش
إنها في حاجة الي كل الذي تفعله |
| |
|
|
|
|
|
|
|
|
|
Re: تراجي مصطفي تفقد ما تبقى لها من صواميل في � (Re: محمد مختار جعفر)
|
اها ناسها ذاتهم دورو فيها.. واحد مطلعها لبؤة والتاني طلعها ذوي احتياجات خاصة في السياسة.
علي اية حال ديل هم الكيزان واساليبهم في تصفية حساباتهم مع بعض.
--------
*شهادتي لله*
✍ *الهندي عز الدين*
*ناشطة التسجيلات الصوتية .. حكاية من أزمة سياستنا .. !!*
{"تراجي مصطفى" واحدة من ذوي الاحتياجات الخاصة في السياسة السودانية، ومن مخلفات (المعارضة الإسفيرية)، فلم يكن لها أصلاً كيان ولا حركة ولا جناح، ولهذا كانت دعوة الحوار الوطني فرصتها الذهبية الثمينة لأداء دور جديد بعد فشل جمعية الصداقة السودانية الإسرائيلية حتى في الأسافير، وتجاهل (اليهود) لها بعد أن قدروا وعرفوا وزنها وخلفيتها وشخصيتها وما تسعى إليه، و(طبعاً إسرائيل مافي زول بضحك عليها، ممكن ينضحك على بعض ناسنا الفرحانين).
{هذه الانتهازية المثيرة للشفقة والرثاء، نموذج مقزز يحكي عن ما وصلت إليه أحوال بعض المعارضين (الثوريين)، وقد ظللت أروي للناس سنوات عن قصص النضال الكذوب وسماسرة الحروب الذين تاجروا لثلاثة عشر عاماً طويلة بآلام ومعاناة .. ودماء ودموع أهلنا في دارفور، باعوا اسم وتاريخ وقيم وأخلاق شعب دارفور الكريم العزيز في مزادات (الإنسانية للبيع) في أمريكا وكندا، بريطانيا، فرنسا، هولندا والنرويج وغيرها من مواقع الدلالة الرخيصة بأزمات أفريقيا .
{"تراجي" حالة نابضة لمشروع الانتهازية البغيضة في فضاء العبث السياسي في السودان، والمقارنة مفقودة بينها و"عرمان" و"عقار" وقادة الحركة الشعبية، فإن كنا نخالف هؤلاء ونوالي هجومنا عليهم لسنوات، اختلافاً على أفكار ومناهج وطرائق، فإنهم في النهاية يمثلون كياناً موجوداً على الأرض له جمهور وقوة حربية وسياسية وسند دبلوماسي دولي وإقليمي، وإلا لما سعى المبعوثون وعلى رأسهم الأمريكي "دونالد بوث" على استرضائهم وإقناعهم بخطته للتسوية مع الحكومة، فهلا سمعتم بأن مبعوثاً من الذين قابلوا "عرمان" عشرات المرات، وافق على مقابلة "تراجي" وأمثالها ولو في استقبال فندق "راديسون بلو" بأديس أبابا.
{من هي "تراجي" وماذا تمثل ؟!
{لا شيء .. كل تاريخها أنها كانت عضواً في منبر "سودانيز أون لاين" سيء الذكر أيام سعيها الحثيث للسفر إلى "تل أبيب"..
{لكن بعض السذج ومستجدي السياسة في دولتنا يمكنهم أن يعطوا مثل هذه المتبطلة سياسياً قيمة ووزناً، ظناً منهم أن ملاسناتها المبتذلة وعنترياتها الخواء في مواجهة "عرمان" وغيره من قادة المعارضة، ميزة ومكسب، ويا لهم من واهمين ومحدودين !!
{آخر ما توصلت إليه هذه السيدة (عديمة الشغلة)، من سلسلة تملقها البليد لقيادة الدولة، في سبيل الحصول عل وظيفة عضو مجلس وطني أو معتمد رئاسة في محلية من المحليات المتناسلة، وفي ظل الظروف الضاغطة على المهاجرين بكندا، أنها قدمت نفسها مستشارة طبية للرئيس "البشير"، وأخذت تنصحه في رسالة صوتية، لأنها لا تحسن الكتابة، وخوفاً من الأخطاء الإملائية فإنها تحرص على التسجيلات الصوتية بحجة أن هاتفها لا يدعم خاصية الكتابة بالعربي !! (كم سنة هاتفك دا بالطريقة دي ؟!).
{المهم تولت المعالجة الصحية والنفسية توجيه النصائح على الهواء مباشرة: (يا ريس حافظ على صحتك . . يا ريس لو جوك ضيوف ممكن تقابلهم وأنت ماشي الصباح .. تقول ليهم البرنامج كدا مشي واجتماع ... ) !!
{يعني السيد الرئيس الحكم (27) سنة بصحة وعافية - والحمد لله - منتظر سيادتك تجي من كندا .. عشان توريهو يعمل برامج رياضة كيف وهو أصلاً (ضابط مظلات) وعندو في الجيش فرع رياضة عسكرية يضم مئات المدربين والرياضيين المحترفين .
{ياخي الزولة دي .. الجابها للحوار الوطني مفروض يتحاكم محكمة إيجازية والمحاكمة تكون علنية .
{غايتو لو عينتوها (مشرفة تراحيل) .. شيلوا شيلتكم يوم تزعلوها .. التسجيلات الصوتية ح تدور من السودان لكندا .. وبعدين ح تذيع أسرار الحكومة كلها في قروبات الواتس .. دا لو الحكومة بقى عندها أسرار .. تضغط ذر التسجيل ويلا .. وتصبح في كندا ..
{ولو ما عينتوها .. ح تجيها صدمة وإمكن تروح فيها .. لكن قدراً أخف من قدر .. والعلاج مجاني في كندا.
{(جمعة) مباركة.
20-1-2017
| |
|
|
|
|
|
|
|
|
|
Re: تراجي مصطفي تفقد ما تبقى لها من صواميل في � (Re: rani)
|
Quote:
ها ها ها
بتاعت محمد الشيخ قريب عمك بتاع فررررررت ده
يا ود مش قالوليك شغل التربيص ده ما حبابو
شاحد ربى تنتفك بى واحد فيديو من بتاع ابو صامولة داك |
هو يا جلجل، رد هنا ساكت ما بتقدر تجي رد، قال فيديو قال،
فيديو دا بتعملو لناس كبر وحيدر قاسم، خلي اليدقسو معاها بس.
انا وصاحبك معاوية المدير بالنسبة لحبوبتك دي، شعر ما عندها لينا رقبة.
| |
|
|
|
|
|
|
|
|
|
Re: تراجي مصطفي تفقد ما تبقى لها من صواميل في � (Re: معاوية المدير)
|
الزميل دينق عبدالله لك التحيه والإحترام.
الزميل دينق عبدالله كلامك دا صحيح ١٠٠٪ عن ظاهرة تراجي ، لكن هنالك شيء فايت علي الناس:
المسلك الماشه فيه زعيمة وفد المنافي تراجي خطورتو تكمن في انها إدعت رئيسه لوفد المنافي وقالت داخله بإسم هؤلاء للحوار الوطني وانها تمثل وفد كامل إيمو وفد المنافي ومن ضمن دعاويها انها ستدخل وتعمل علي تغير النظام من الداخل وصورة لوفدها وكانهم يمتلكون العصي السحريه وبموجب هذا إستغفلت معظم هامش السودان وإستنزفت المساكين في المعسكرات ماديٱ ومعنويٱ..
إستنزافهم المادي(هي بشحمة لسانها فكته للملأ) في شكل ذبائح، ضيافات، هدايا لشخصها ولمرافقيها وهيلمانه إعلاميه بصوره مبالغه وكميه من النثريات..
دا ناهيك من ميزانية الولايه من سيارات، قوه امنيه، فنادق درجه اولي والطائرآت المخصصه لزياراتها داخل السودان(تابع زياراتها لدارفور، كسلا، بورسودان، وغيرو،
دا ناهيك من زياراتها من وإلي كندا هي ومرافقيها بمقصورة الدرجه الاولي.
اخي دينق عبدالله امثال سلوكيات تراجي ووفدها يكون فرض عين علي الناس ان تكشفوتعري تصرفاتهم اللا إنسانيه..
نعم الأكواز مفسدين ولكن لما يدخل عليهم ناس من المعارضه بإسم التغير يجب ان يكونوا مثال صالح حتي يثق فيهم المواطن الغلبان المسكين والذي قاسي الامرين من الإنقاذ ومن المنشقين من المعارضه بحجة انهم ممكن يعملوا مع الإنقاذ من الداخل مفترض يكونوا قدوه صرف النظر عن فساد غيرهم!
تراجي كظاهره تكاد تمثل معظم المشاركين في الحوار الوطني إلا انها كسلوك خطره علي الوفاق والسلم الوطنين من كل باقي المشاركين لانها تكذب وتزور الحقايق في وضح النهار والعجب كل العجب ان تجد هنالك من يلمع فيها حتي اليوم في مسلكها هذا وفي قدراتها "الخرافيه" وذلك بالكذب والتغطيه لهذا الهرج والمرج المشين والذي تستغله بإسم قضايا الوطن وبالذات الهامش!
| |
|
|
|
|
|
|
| |
rani
معاوية المدير
جلالدونا
حامد بدري
حيدر حسن ميرغني
kamal omer
Hamid Elsawi
Abdullah Idrees
abubakr salih
علي دفع الله
MOHAMMED ELSHEIKH
د.محمد بابكر
Arif Nashed
سفيان عثمان قرضيه
Elawad Ahmed
دينق عبد الله
nour tawir
محمد حيدر المشرف
محمد البشرى الخضر
وهبه الشبلي احمد
Yousuf Taha
Mohamed Adam
نعمات عماد
حمد عبد الغفار عمر
Amira Hussien
محمد إبراهيم علي
ابوحراز
Abdo Mustafa
طه جعفر
أيمن الطيب
علي محمد الفكي
كمال عباس
محمد الأمين موسى
محمد مختار جعفر
يحي قباني
Shaker Hamid
فيس بوك
تويتر
انستقرام
يوتيوب
بنتيريست