|
|
|
 Re: لماذا يستعدي بعض الشيوعيون السواد الاعظم (Re: Elsanosi Badr)
|
يا بدر الاشارة للحزب الشيوعي في عنوان البوست غير موفقة ، ولا يمكن ربط الالحاد بالحزب الشيوعي
الالحاد موجود بين الشيوعيين وغيرهم ، بعض الملحدين يصورون الشيوعية نفسها على انها دين ارضي ، اي انها لاتختلف كثيرا عن الاديان . الكلام القالوا عثمان ده ما عندو اي علاقة بالحزب الشيوعي يبقى مافي داعي تحشرو في النص .
تحياتي
| |
 
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: Abdullah Idrees)
|
عزيزنا عبدالله ادريس تحياتي
العنوان مقصود تماما
بعض منتسبي الحزب الشيوعي وعشان اكون واضح تماما انا اقصد بعضهم الذين احتفلوا بالدلقان اثر غزوته الشتائيمية تلك
وجغمسوا الشغلانية بحشرهم للكيزان
الدلقان لم يعرف له تاريخ نضالي لا داخل البلد او خارجه
وعنواني ايضا مقصود به الخصم السالب من رفاق كانوا ولا زالوا يحترمون تعددنا العقدي والاثني
ومعروف ان الدلقان كان شيوعيا متطرفا كما عرف عنه مساككة غير المبررة لبعض المناضلين هنا
فعنواني مقصود تماما بفاجعتي عن بعض الشيوعيون الذي احتفلوا بالدلقان شاتم حبيب السواد الاعظم من السودانيين
بدل يقرعوهو دقولو الطار ونقزو وراهو
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: Elsanosi Badr)
|
هل هناك من ذيَل مداخلاته بإسم الحزب الشيوعي في الدفاع عن عثمان
خليك أمين يالسنوسي وجيب أمثلة عشان الكلام مايكون مطلوق في الهواء
ما أتى به عثمان بالتأكيد مدان .. لكنني - وانا هنا لا امثل اي تنظيم - أرفض الاقصاء تماما
ياخي كاتب الوحي لما إرتد لم يمارس النبي (ص) ضده أي إقصاء ..
لما لا نحاجج عثمان باللتي هي أحسن بدل إقصائه
| |
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: حيدر حسن ميرغني)
|
عزيزنا حيدر تحياتي
عشان اكون دقيق الذين احتفلوا بالدلقان عثمان هم من منتسبي الحزب الشيوعي بل لجا بعضهم للجغمسه واخص بالذكر هنا ابوبكر صالح وعلي دفع الله بالاسم وهم كواد الحزب الشيوعي
لم نري منهم ادانة صريحة لشتائم الدلقان عثمان بل لجأ بعضهم الي الهرولة الي الامام وحشروا الكيزان في صراعهم
ماهي علاقة الكيزان بحبينا النبي؟!
وفي بعضهم اطلقوا عليه انه مرهف!؟؟ هسي ده مرهف وفاروق حمد الله مرهف
ده مرهف وعبدالخالق محجوب مرهف
هسي ده مرهف وصدينا الخاتم عدلان مرهف!!
والله يا حيدر منبر بكري بعمل وجع نوايط
زول قبل ايام بيناقض روحو في بوست هشام ادم ويشبوكونا وريف وبتاع
زول دلقان ساي ياخ يجي يشتم ويقولوا ليك حاوروهو
علي الله يا حيدر عثمان الدليقين ده كتب شنو عشان يحاوروه!؟؟
زول شغال بيهو ماف
لكن الطامة بتجي لامن الناس تعمل قبه للحبرتجي ده
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: Arif Nashed)
|
عزيزنا عارف
المقصود ان السواد الاعظم من السودانيين يحبون النبي عليه افضل الصلاة والسلام
لامن يجي زول دلقان زي عثمان ده ويشتم حبيبهم النبي ما يحتفلوا بيهو ويطلقوا عليه لقب وريف ومرهف وبتاع
الاولي انهم يجدعوا الدلقان بعيد لانو استفز مشاعر السواد الاعظم
السودانيين شيوعيتهم والحادهم بيختلف من الام التانية دي
عشان كده بعض شيوعيين هسي ديل باحتفالهم بزي الدليقين ده بيستعدوا سواد اعظم من السودانيين عشان دلقون زي
الاولي يقيفوا الف احمر من هترشات الحبرتجي ده
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: حيدر حسن ميرغني)
|
والله لي هسه أنا مستغرب ومندهش ليه بيدافعوا عنه ..
عثمان كمثال بيسيء لكل قبيلة اليسار ..
ويسحب بساط المصداقية من تحت أقدامها تماماً ..
ويضعها في حتة مش جيدة اطلاقاً ..
عارف يا سنوسي الشيوعيين ماقادرين يواجهوا ..
وهسه حيجوا يقولوا ليك عثمان لم يتحدث باسم الشيوعيين ..
زي ما قال أخونا حيدر بعاليه ..
وعادي ممكن يقولوا ليك ما اديناهو تفويض يتحدث باسمنا ..
مع انهم دافعوا عن خطأه بطريقة غير مقبولة وغير مستساغة ..
ومارسوا نفس سياسة القطيع بتاعة الكيزان ..
الشيوعيين يا سنوسي لو فقدوا حتة الاخلاقيات دي حيقعد في الصقيعة ..
وهل من الأخلاق إنك تدافع عن زول غلطان ..
وتبحث له عن مخارج هو نفسه لم يضعها في الحسبان !!! ..
وتدافع بهذه الطريقة الساذجة وتشيل الخطا بتاعة وتلصقوا في حرية التعبير !! ..
عارف أغلب الناس ماقروا البوست وافتكروا إنه عثمان نقل عن مشالي وبس ..
وطبعا عادي كثير ناس نقلوا حاجات مسيئة ولم يضيفوا من عندهم أي شيء ..
لكن المصيبة إنه عثمان أضاف من عنده كلام وشتايم شينة وقبيحة ..
وبكده بيكون بصم بالعشرة على ما قال مشالي ولم يكتفي بدور الناقل ..
يبقى النقل هنا أصبح بلا قيمة .. ولا يجدي اتخاذه ساترا والتمترس خلفه ..
دي المشكلة يعني كلام حرية تعبير وعثمان مجرد ناقل كلام لمشالي ..
أصبح مجرد كلام بلا معني وأي واحد يعتمد عليه كدفوعات ..
بيضع نفسه أمام تهمة تزييف الحقائق ..
دمت ..
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: Arif Nashed)
|
السنوسي بدر متربص ساكت الشيوعيين، قبل ايام كان بقول فى كلام غريب و مريب فى بوست لكبر عن استعاداء الشيوعيين للبقارة  . هكذا الشيوعيين يستعدوا البقارة هسة دا موش شغل تبرص ساكت و حدر للناس فى الضلام؟ قال الشيوعيين استعدوا البقارة لان الشيوعيين تحالف مع الحركة الشعبية. طيب اول شئ الحركة الشعبية حزب سياسي و من الطبيعي ان يتعاطي الشيوعيين مع اي حزب سياسي موجود فى الساحة لكن مافي حزب بيعادي قبيلة او قبائل مهما كانت لان الحزب فى نفسه مكون من اناس من مختلف القبائل. الحزب الشيوعي ايضا لا يعطي الحركة الشعبية شيك بياض بالتايد و الاتفاق فى كل صغيرة و كبيرة و ليس من العدل ان يحمل اي شخص الحزب الشيوعي تبعات اي شئ تقوم بالحركة الشعبية. هذا و واضح و مفهوم لكل ذى عقل. لكنه التربص. ايضا الحزب يتعاون مع الحركة الشعبية لانها لها مشروع سياسي لازالة الغبن و التهميش و تدعو للعدالة فى توزيع السلطة و الثورة و خصمها الاساسي ليس البقارة انما حكومة النخبة الاسلامية فى الخرطوم. البقارة دخلوا فى النص، لان بعض ابناء البقارة اختاروا ان يجعلوا من اهلهم محاربيين بالوكالة لصالح اللصوص الحاكمين فى الخرطوم و فى المقابل هبر هؤلاء لانفسهم المليارات. هذه كل هذا مفهوم فى اطار تعقيدات الصراع الاجتماعي فى مجتمع بشرى. قبل ايام قلت لاخونا نور الدين منان انو الصراع الاجتماعي very complex and non-linear system. يعني العلاقات فيهو لا تمضى فى خط مستقيم. الحزب الشيوعي حزب يتنبى قضايا الفقراء و المستبعدين من كيكلة الثروة و السلطة فى السودان. يطالب بازالة التهميش و العدالة فى توزيع الفرص، لكن ينط له احد ابناء الجهات المهمشة و المهملة و يزعم ان الحزب يعادي البقارة. يقول ذلك لانه يرغب فى بقاء البقارة على هذه الحال، رصيد حربي للنخب السياسية فى الخرطوم.
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: جمال ود القوز)
|
عزيزنا جمال تحياتي
تعرف بعض الشيوعيين هم متطرفين في الاصل بمعني ادق زيهم زي متطرفي العقايد التانية
وبعضهم جاطت ليهو الشغلانية وافتكر اي زول سوداني مسلم هو عدو بالنسبه ليهم
وهم بذلك بيقدموا خدمة للكيزان لا تقدر بثمن
بعض الشيوعيون يا جمال صراعهم ليس مع الكيزان بل صراعهم مع السودانيين زاتهم ودي مشكلة تقزم الحزب وعدم انتشاره
زول زي الدلقان عثمان ده زول بشتغل بيهو ماف لولا الاحتفاليه والطار الدقوه ليهو هنا
انا اتابع المنبر وفي كثير من الاحيان لا اعير اي اهتمام لما يكتبه لانها ليست ذات قيمة
ولكن موقف البعض من استفزاه الاخير كارثه صراحة لناس بتحدثوا عن تنوع الثقافات واحترامها
هسي ديل الباقين ليها شيوعيين لييه ما يمشوا يبقوا كيزان
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: Elsanosi Badr)
|
دكتور السنوسي سلامات ..
لو كنت مكان الشيوعيين, ولو كان الشيوعيين يتحركون بشكل منظم في هذا المنبر .. لكان القرار الصحيح إدانة كتابة الاستاذ عثمان صالح وانتهى الأمر. وليس عثمان في شخصة وانما أي كتابة بهذه اللغة غير المقبولة عند غالبية جماهير الشعب السوداني.
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: محمد حيدر المشرف)
|
عزيزنا دكتور المشرف تحياتنا
والله يا محمد اعرف كثيرين من الشيوعيين لا تعجبهم مثل هذه الكتابات
لكن منبر بكري ده غايتو لامي بعض النطيحة المنسوبه للحزب الشيوعي عشان كده الاحتفال الطفولي بكتابة عثمان ووصفه بالشاعر وغيره هي كارثه
وديل يا مشرف هم خصم علي مبادئ الشيوعي السوداني
عشان كده يا محمد تنظيف البيت من الداخل مهم
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: محمد حيدر المشرف)
|
كتب الاخ السنوسي بدر
لماذا يستعدى الشيوعيون السواد الاعظم من السودانيين..
ممكن توضح وين الاستدعاء ..
واوعى تكون فاكر سودانيز اون لاين بتمثل السواد الاعظم للسودانيين..
بخصوص البوست الكتبتو عن الاخ عثمان م صالح قديم وليس له علاقة بما كتبه عثمان اخيرا ..ولو رجعت للبوست الرفعتوا مؤخرا اول مداخلة فيه كتبت لي عثمان يا ريت لو خليناك غادرت ..
يبقى كلامك الكتيير دا ما ليه اي اساس من الصحة اكتفيت بالعنوان فقط وسرعة عاوز تلحق السوق..
احترامي .
الاخ المشرف ..
شكل منظم كيف يعني ؟؟؟
يعني نصدر بيان باسم الحزب الشيوعي فرع سودانيز اون لاين ندين ما قام به ع.م.ص لا ياصديقي هنا اي شخص منتمي للحزب الشيوعي في حل من تمثيله ..
مع ودي
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: علي دفع الله)
|
يا على دفع الله
أبوه لازم عليك بالبيان شفت الرخرخة دي كيف
بس انا ياخد عليك حكاية انك تقول لصاحب البوست انك ادنت دي
ياخ هو مسؤل من مواقف الناس هنا
وهو لو عايز يلاحظ ويشوف كان لاحظ حتى الاستهدفم ديل عندهم مواقف متباينة حسب فهم كل عضو
منهم لمفهوم الحرية
يا حبيب عقلية الوصايا الخلت الهتيفة حول أميرة السيد يباركوا أكاذيبه
وسمحت ليهم بالكم الهايل من الشتم والسباب
بما بجافي حتى نهج المصطفى
ما تقدم ليهم أي تنازلات أعلى ما في خيلم بركبوا
الآن هم لا يستطيعون إدانة اساليبهم المعفنة لكن عندهم المقدرة بجو يكذبوا
ويفتروا على منظومة كاملة
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: علي دفع الله)
|
يا ودفع الله
ياخي اتا من الناس البنعول عليهم في في مستقيلنا القاتم
وانت من ناس جوه الممسكين بجمرها فما تخلي الغضب من الكيزان يلخبط عليك الكيمان
دواسنا مع الكيزان حدو القبر يا علي
الشياب الجوه المعتقلات والبيعذبوا فيهم في السجون بيحبوا النبيوبيزيدوهو صلاة
عشان كده يا علي احتفالكم بزول دلقان زي عثمان ده ما منو فايده
والله الزويل ده الشتم رسولنا حبرتجي ساي والله العظيم ولو ما احتفلتوا بيهو يمين جاعلنو زي الشي الكعب اصلنا ما مدينو اعتبار
لانو اهلنا قالو مرات المطرطش بعقر جمل الخبير
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: محمد مجيدو)
|
| Quote: واخص بالذكر هنا ابوبكر صالح وعلي دفع الله بالاسم وهم كواد الحزب الشيوعي |
اها وكت ذكرتني انا بالاسم يا دكتور، انا كتبت بوستين و الاتنين عن الكيزان. اصلوا ما سالت المسلمين الطيبين الصالحين ولا اعترضت على نقدهم لعثمان. كتبت عن الكيزان و انهم يجب ان يبعدوا من سيرة الرسول ولا يحق لهم السلبطة فى اسم الرسول لانهم عبارة عصابة مافيا يفعلون اظرط مما فعله عثمان. عثمان اساء للاسلام بالكتابة اما الكيزان فيسيئون للاسلام كل يوم بخوضهم فى دماء الناس و فى حرماتهم. هؤلاء عصابة من الشفتة و المجرمين لا يجب ان نسمح له بالتربص فى اسم الاسلام. الحكاية دي ضرورية لانها لها ابعاد تاريخية لو الناس بتقرأ تاريخها القريب. نفس سيناريوها البلط فى اسم الاسلام دي كانت البداية التى دخلت منها حركة الاخوان المسلمين المسرح السياسي. من حادثة معهد المعلمين الي حادثة العجكو فى قاعة الامتحانات فى الستينات الي شريعة نميري و اغتيال محمود محمد ثم قتل الوطن كله. نفس اليافطة فى نفس الحته فارجوا ان تتعلموا و تتصدوا للكيزان.
غير البوستات عن الكيزان لم اكتب عن احد سوى اننا عارضت بعض الكلام الذى يحاول ان يدمر الاخ عثمان محمد صالح من خلال وصمه بالجنون. عثمان اخطاء طريقه فى التعبير عن افكاره و هو المسؤول عن ذلك. و بالتاكيد الجميع يعلم انو عثمان ليس عضو فى بالحزب الشيوعي.
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: محمد البشرى الخضر)
|
ود البشري حبابك ااااعزيز
لميتتم يا ود البشري عشان احتفلوا بالدلقان ده
الناس ديل فيهم ناس تسد الفرقة وعمرهم ما اتلومو في معتقدات اباءهم
عشان كده قلت بعض الشيوعييين بتاعين هسي ديل ايمانهم بالحقوق وتنوعنا واحترام المعتقد اخد ليهو رخوة
عثمان تعبان كشخص مفرد ويمكن زول فاهمو ماف وممكن يكتب اي حاجة ومافي زول يشتغل بيهو مافي لانو بعره ساااي
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: abubakr salih)
|
عزيزنا ابوبكر صالح
والله انا مفجوع فيك انت وعلي دفع الله وصديقنا الجميل معاوية الصايم
ياخي عثمان شتم ومسح وتاني شتم حبيبنا النبي وده حبيب السودانيين كلهم
والله قدر ما امشي الحرم القي سوداني متلبب الحرس في شان حب المصطفي
حبيبنا النبي ما عندو علاقة بالكيزان
انا مفجوع عشان محتفلين بزول دلقان زي عثمان ده وتفتحولوا بوست ورا بوست في شان شنو
تجدعوهو بعيد منكم فالدلقان محلو الكوشه وسلة المهملات
الزويل ما كتب حاجة عشان يحاوروهو فيها الدلقان شتم النبي يا ود صالح
بخصوص موضوع البقارة ليك علي نجيب عيال البقارة و نقعد نحاورهم واعتقد اني كمراقب وشخص من خارج المنطقة اوكد لك ان هناك جفاء وقطيعة كاملة بين الحزب وتلك الاثنية وده موضوع مهم مفروض الحزب يوليه اهمية
ومفروض يكون في بوست تاني
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: abubakr salih)
|
أنت موقغك شنو من البذاءات التي أتت على لسان أميرة السيد كنموذج
يا ابوروضة ما تدس السم في العسل أميرة السيد لم تأتي ببذاءات ولم نقراء
لها حرف بذيء في يوم هنا ممكن تقول أساءات عثمان وهذا العثمان يستاهل
أكثر مما نال زول أساء للرسول الكريم صلي الله عليه وسلم . شايفكم من الامس
مستهدفين الاخت اميرة السيد طلعتوها داعشية عديل أي زول يدافع عن معتقداتو
في نظركم داعشي .
دكتور السنوسي أصاب تماما وعبر عني في استعداء بعض الشيوعيين للشعب السوداني
وفي المنبر دا الامثلة كثيرة بتتجمعو زي القطا ( القطا اصلو ما بيطير منفرد الا في جماعات)
وتقعدو تغتالو في شخصية أي زول يدوس ليهو طرف لرفيق لكم .
أصحاب البوستات التي انبرت تدافع عن عثمان محمد صالح الي أي حزب ينتمون ؟؟؟
يافرح بعد اساءاة عثمان محمد صالح للرسول الكريم صلي الله علية وسلم والبوستات التي
تبعتها سقطت عنكم شجرة التوت .
أتعجب جدا للانسان الذي يقول ليك فلان إساء لعثمان محمد صالح . عثمان اساء لنفسه
بإساءته لرمز لمليار ونصف مسلم وكان عارف ردة فعل الناس فما تقعدو تردحو لينا
علي ايقافه عليه اللعنه .
دكتور السنوسي بدر سلام عليك وعلي ضيوفك وخضر الله ضراعك .
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: عادل الباهي عبدالرازق)
|
سلام سنوسي،
كنت في السودان لواجب عزاء، لم اشاهد ما كتبه عثمان بصورة حيّة يا سنوسي.
جمعت بعض المعلومات من مداخلات الناس في البوستات المختلفة، وتداخلت معترضا على تطبيق مادة الاساءة للاديان على عثمان باعتبار انحياز المادة للمسلمين.
بالأمس وجدت ما كتبه عثمان، الحقيقة دي كتابة فيها تعدي كبير وتمنيت أن يعتذر عثمان عنها.
توعية الناس لجعل الدين رمزي في حياتهم؛ بتجي بالمسارقة.
بخصوص الشيوعيين المنظمين عليهم الحيطة والحذر في مثل هذه المواقف، الناس أصلا محيّلة تجاههم
زعلني وصفك لعثمان بالدلقان ووصفك للصائم بالجميل!!
جميل حتّة واحدة؟!
يا أخي، الله دا، عندو حاجات عجيبة
دا جميل؟!!
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: عادل الباهي عبدالرازق)
|
أبوروضه كيف حالكـ ..
يأخ وكتين أول مرة تتداخل معاي ماأظن كان في داعي للكلام الفوق ده..
رغم إني يشهد الله قريته بصورة صحيحة ..
وقريت مغزى وجود شكل الوجه الأخدر .. عموما مشيناها ليكـ ..
لكن خلينا نتفق اول أنه نحن ما عندنا أي غرض سوى ..
إنه ندفع أي ضرر أو رؤية سالبة بسبب الدفاع عن موقف خاطيء ..
وقرار اتخذه عثمان منفرداً وكان المفروض الناس تتبرأ من كلامه ..
وبصورة قاطعة لان الانصاف بيقتضي إنكم كلكم تقيفوا صف واحد ..
ضد المبدأ نفسه الحاول يروج ليهو عثمان من جعل المعتقدات مطية ..
ما عارف كاني فهمت إنكـ بتقول إنه عثمان محمد صالح ليس شيوعي .. !! ..
ده كلام عجيب زول بعضمة لسانه بيقول إنه شيوعي تجي تمرقه إنت ما شيوعي ! ..
وهل لازم الزول يكون عضو فاعل العضوية عشان يؤخذ بكلامه ووجهة نظره ..
أو لازم يكون عندي تفويض من الحزب لتبيان وجهة نظره ..
وجعلها معبرة أو حتى عبرها ممكن المتابع يستشف رؤى الحزب المعني !! ..
ومن ثم يتم وضعها في خانة الرؤى المعبرة عن ما يؤمن به الشيوعيين كمثال ! ..
طيب الناس دافعت عن عثمان القال كلامه المسيء للرسول بي ياتو فهم !!..
طبعا انت ماحتجي تعيد لي كلام من شاكلة حرية التعبير وما حرية تعبير ..
لأن الامر واضح من إنه ما كان حرية تعبير ولا يحزنون وتابعنا البوست من أوله ..
وكمان لم يكن مجرد نقل لكلام مسيء ممكن الواحد يجد ليهو مبررات ومخارج ..
عموماً انا شايف إنه الموقف لا زال مهزوز لانه حكاية التملص من زول شيوعي ..
ما اظن حتفيد ولا حتقدم وهو ذات نفسه ما اعتقد حيرض بمنطق ..
تملص الناس من شيوعيته عموماً لابد ان تعرف إنه كل كلامي القلته ..
لازم يتوضع في خانة الزول المناصح والماراضي ليكم الموقف المهزوز والهلامي ..
نعم مافي زول بيقدر يقول (كل ) المواقف كانت متطابقة تماماً ..
في الدفاع عن عثمان كان هناك اختلاف وتباين بين الرفض القاطع والمواربة ..
لكن الصورة بكاملها تدعو للخذلان والخيبة لان حكاية المواربة والاستهجان المبطن ..
وجعلها مسوغات قبول كونكم شجبتوا كلام عثمان الواضح دي الما عاجباني وعلى الاطلاق ..
كزول بفترض في أجندة الشيوعيين تمسكهم بالمباديء والقيم وبيقولوا للأعور اعور ..
في عينه حتى لو كان الاعور ده من جوه التنظيم او حتى من أصدقاء التنظيم ما فرقت ..
دمت يأخ ..
بقول ليك خليك على نفس إحترامي وتقديرك لوجهات نظري المتناثرة هاهنا ..
لانك إطلاقاً إنت ما غلطان في نظرتك الاولى لوجهات نظري السابقة واللاحقة ..
على مدى تواجدي السابق واللاحق وبقول ليك خليك على نفس قراءتك السابقة ..
لشخصي لانك يشهد الله ما غلطان فيها ولو غلطان كنت قلت ليك انت غلطان ..
كما أرجو الا يتفهم موقفي المعارض ويتم وضعه في خانة الهجوم المحض ..
دون محاولة البحث لي كلامي وموقفي عن أدنى درجات حسن النية ..
ووضعي في خانة رؤى الزول المناصح المابرضي ليك الشينة ..
تقديري واحترامي لشخصك الكريم أخونا أبوروضة ..
وشاكر مبادرتك بالتواصل مع ما اكتب وتبيان وجهة نظرك ..
التي احترمها وأقدرها بلا ادنى شكـ ..
وكلنا سودانيين أخوة وأحبة وهدفنا سودان صحيح ومعافى ..
وخالي من رجز الكيزان وظلمهم وسحقهم لشعبنا مهيض الجناح ..
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: جمال ود القوز)
|
Quote:
انا قلت المتداخلين ياجمال وليس عثمان الذي لا اعرف عنه اي شيوعية
معليش احبطتني بقراءتك المتسرعة دي
|
وما حيعجبني إحباطك في شخصي يا حيدر ولا زعلك مني ..
لان شخصك من الناس اللي لي كلامه وزن وقيمة كبيرة عندي ..
لانه كثير من مواقفك تعبر عني ..
فيا قريبي يا انداندي جد لاخوك العذر ومنك السماح ..
لو انا اتسرعت في فهم مغزى كلامك ..
لكن حكاية عثمان ما شيوعي دي أنا معترض عليها ..
ده بعد اذنكـ طبعاً ..
عموما تقديري واحترامي لشخصك الكريم ..
وتحملنا يا حيدر وده من شيم الاكرمين ..
وانت منهم بلا ريب ..
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: عادل الباهي عبدالرازق)
|
Quote:
زعلني وصفك لعثمان بالدلقان ووصفك للصائم بالجميل!!
جميل حتّة واحدة؟!
يا أخي، الله دا، عندو حاجات عجيبة
دا جميل؟!!
|
ابوبكر عباس سلام يا حبيبنا
مالك عايز تخت الشريف في كورنر
عثمان دا والله طلع معراكه عديل خليك من دلقان
بل الدكتور رفعو درجة
اما عن معاوية عبيد مناقراتكم مافي زول مستفيد منها
معاوية له طريقة في الكتابة وله متابعين ووصفك له بالتهريج ما جميل
اما انت حكاية جريت بملايتك وكوز كادر سري حاشاك بنشهد ليك احنا اولاد مدني
فشنو حقو الناس ترتقي شويه ملينا من المناقرات المصطنعه
كنت بتسوق بوستات جميلة وكما معاوية عندو متابعين عملت ليك ارضية كويسه ومتابعين
فجأة اتجهت للاكشن....الظاهر عليك الايام دي في امريكا ياخ ما ترجع دبي للطبيعة والنياق
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: عادل الباهي عبدالرازق)
|
عادل الباهي لعلك طيب اااازول
شفت المحن دي زول يشتم ويمسح ويشتم تاني ويستفز مشاعر اكتر من مليار نسمة ويقولولك حرية تعبير!!
ياخي دي عملية الفقير ابو بعراية ما يعملا
غايتو يا الباهي لو فرح الطاهر ابوروضة ده طلع من (المريدين) للحزب الشيوعي غايتو يا ها ا######################## اصبحت!!
عساك طيب ااازول وعقابك
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: محمد مجيدو)
|
عزيزنا مجيدو تحياتنا
زول زي عثمان ده علي الايمان ما يسوي قشرة بصله
عليك الله الدنيا دي كان ما بت كلب زول دلقان زي ده يطاول علي نبي الرحمة الوصفوا ربنا من فوق سبع سموات بانو عليخلق عظيم
زول هلفوت ساي ضربتو دبرسه وجاء طرش هنا
ويا ريت يا مجيدو كان كتابه في اعمال للعقل ويستطيع الواحد يحاورو فيها كتابتو مطلوقة ساي غير الشتائم ما فيها شي
عثمان الدلقان ده يمين زول ضارب في نمرتو ماف!
الا ناس وريف ومرهف
هسي عليك النبي زول بيشتم النبي وبيقولو عليهو وريف ومرهف!!
زمان يا مجيدو زويا كدي اسمو الطاهر الجلك بفتح اللام والكاف اظنو (بعره) زي هذا العثمان مره شتم المدرس وهرب !!
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: محمد حيدر المشرف)
|
السلام عليكم اخ السنوسي
انا شخصيا لو كنت منتمي للحزب الشيوعي
في حالة عثمان ( الله لا بارك فيه ) كان اتخذت واحد من الطريقين
يا عملت راااااايح وغمران كلو كلو من الموضوع
يا جيت اديتو الفيها النصيب من النصح وطالبتو بالاعتزار
للزملاء هنا ولجميع المسلمين .... لانو عثمان جابها كبيرة خالص ..
وتحياتي
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: محمد عبد الله الامين)
|
سلام أخ السنوسي بدر الغريبة أن الشيوعيين الذين أعرفهم والخط السياسي للحزب الشيوعي يعتبرون ـ أن إثارة مثل هذه الأمور ـ إنصرافية ـ وصرف للناس عن قضاياهم الإساسية ومعركتهم مع السلطة ـ يعني زي الإنشغال بسبق الحمير وإنها تضر وتخصم ـ ويروه لبرلة أو ليبرالية مفرطة وشغل صالونات ومثقافتية ـ عثمان محمد صالح يعد من أكثر من هاجم الحزب الشيوعي والملحد هشام لم ينطلق في الحاده من الماركسية بل يري أن الحزب الشيوعي يهادن الأسلام ولايصرح حتي بعلمانيته وعادل عبد العاطي لم ينطلق في الحاده من الماركسية بل ظل يعاديها ويعادي الحزب الشيوعي ـومحب وهوب فل اللذان إرتدا عن الإسلام وأعتنقا المسيحية لم يفعلان ذلك بتأثير الشيوعية ولم ينضما للحزب الشيوعي **هناك شيوعيون ويساريين إختلفوا مع ماكتبه عثمان وإختلفوا مع توصيفاته الحادة !
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: كمال عباس)
|
هناك إشكالية وخيط رفيع بين النقد الفكري للأديان والإستفزاز والإساءة ـ فما أعده نقدا يعده آخر طعنا في دينه ـ بل يعتبر البعض أن بعض نصوص دين ما تسئ لمعتقده وتطعن في دينه ! فكيف ومن يحدد ـ حقل النقد وتخوم الإساءة ؟؟؟ مسألة الإشكالية هذه والخيط بين النقد الفكري للأديان والإستفزاز والإساءة ـ (ما أعده نقدا يعده آخر طعنا في دينه ـ بل يعتبر البعض أن بعض نصوص دين ما تسئ لمعتقده وتطعن في دينه !) فكيف ومن يحدد ـ حقل النقد وتخوم الإساءة؟ مسألة الإشكالية هذه تفتح الباب واسعا للتحامل والإقصاء والمجاملة والتبرير ولتعدد التفسيرات والمفاهيم والرأي والرأي الآخر !والإصطفاف والعصبيات والتعصب فلائحة المنبر مثلا ولم تخصص دينا أو معتقدا بعينه بالتبجيل والتقدير وعدم السب ولم تقتصر علي مراعاة مشاعر أهل دين معين!! مع الأخذ في الإعتار ر أن بند اللائحة يشمل جميع الأديان وكريم المعتقدات فمجرد الطعن في المسيحية واليهودية بالإساءة والإدعاء بتحريفها قد يفهم من إساءة وأزدراء لتلك الأديان وعدم مراعاة لشعور معتنقيها ــ !
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: كمال عباس)
|
لن يرضى احد من المسلمين الاساءة الى النبى عليه السلام
وعلى الاخوة الشيوعين فى هذا المنبر اخذ الدروس والعبر من هذا الموقف
والتفكير مليا فى مثل هذه الامور قبل الانجرار والخوض فيها والتى حتما تخصم من رصيدهم ..
اصحاب الديانات السماوية لا يرضون المساس بمقدساتهم وانبيائهم ..
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: كمال عباس)
|
سلام أخي السنوسي
صراحة اكتر شئ حيرني في الموضوع أن معظم من دافعوا عن عثمان لم يدينوا ما كتب و القليل منهم أدانه على خجل.
الكل هنا يتحدث عن حق عثمان في التعبير و لست أدري هل فهمهم لحرية التعبير هو الشتم و السب؟
أحدهم لو شتمت أمه و وصفتها بالكذب و الشبق مؤكد أنك لن ترجع سالما و لكن أن تقول مثل هذه الأوصاف و أسوأ منها عن أشرف الخلق صلى الله عليه فهذه حرية تعبير فتأمل.
لعنة الله على عثمان و على كل من يؤيده في إساءته لرسولنا الكريم.
أما المدهش أكثر هو جاهزية أوصاف الكوزنة و الدعشنة لكل من رفض مسلك عثمان و أيد فصله.
و لك كل الود و الاحترام
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: ALWALEED ALSHEIKH)
|
أبو بكر صالح شايت غلط زي سيد البوست !
فلا بدر السنوسي ببقاري ..ولا عثمان شيوعي !
عثمان ليهو سنوات هنا بيقول إنه ترك الحزب الشيوعي .
وكذلك السنوسي ليهو سنوات هنا بيقول إنه أبالي ما بقاري ..
وطبعا على سبيل المثال ما بنلقى كادر من حزب الأمة مثلا ما بيقدر يفرق بين الأبالة والبقارة وأنشطتهم الإقتصادية ..
اللخبطة دي ممكن تكون شيوعية صرفة ...رغم ما يدعيه الشيوعيين من إلمام بالصراعات الطبقية والإثنية ألخ ..:)
_____
* شخصيا كمسلمة أمتعض أكثر من الهجوم الهستيري وغير الموضوعي على كل من يهاجم عقيدتي ، وأراه سلوك غير ناضج ويدل على عدم الوثوقية من الإرتكاز على قاعدة صلبة .
فالعقائد من الناحية الفكرية والنقدية مفروض تتعامل زيها وزي الآيدلوجيا ، فهي قابلة للنقد والتشريح وكذلك التهجم والسخرية بل الرسوم الكاراكاتيرية ..هذا بشرط الذكاء وعدم السطحية في التناول .
وشخصيا استنكف ممارسة أي مزايدة دينية ضد الآخر الرافض لعقيدتي.
لأن ما أعتقد فيه أراه أسمى بكثير من هراءنا الأرضي وصراعاتنا الصغيرة والمحدودة .
والأهم من ذلك : لأني أؤمن أن الإيمان تجربة شخصية وهبة ربانية ..لذلك لن أشمل نفسي ضمن أي قطيع يسمى المسلمين أو المسيحيين أو اليهود مثلا .
ولكن في المقابل سأدافع عن أي هجوم غير عادل تجاه عقائد الأقليات في بلدي ..من باب الدفاع عن المستضعفين والمهمشين .
| |
|
|
|
|
|
|
|
|
|
Re: لماذا يستعدي بعض الشيوعيون السواد الاعظم (Re: مصطفي مكي العوض)
|
داير أضيف تعديل لمداخلتي:
تعدي عثمان تعدي أدبي، بمعنى انو من حقك تقول ما تشاء حول الأديان، لكن التطرف -بالرغم من قانونيته- فهو يفسد ويضيق مساحات الحوار.
تناقشت قبل شويّة مع صديق بالتلفون وتوصلنا إلى انو لائحة بكري التي تمنع الأساءة للمعتقدات، قد تكون هي نفسها مخالفة للدستور الأمريكي؟؟
قد اشتكي ذات يوم بكري للقضاء لشطب هذه المادة
| |
|
|
|
|
|
|
| |
Elsanosi Badr
Abdullah Idrees
حيدر حسن ميرغني
Arif Nashed
جمال ود القوز
abubakr salih
فرح الطاهر ابو روضة
محمد حيدر المشرف
علي دفع الله
محمد مجيدو
معاوية عبيد الصائم
محمد البشرى الخضر
عادل الباهي عبدالرازق
عباس الدسيس
كمال عباس
علاء سيداحمد
ALWALEED ALSHEIKH
مصطفي مكي العوض
فيس بوك
تويتر
انستقرام
يوتيوب
بنتيريست