|
Re: الدولار يهبط فجأة ويصيب التجار بالذهول .... (Re: ود الباوقة)
|
كتب : عبدالرحيم محمد سليمان
بعد ساعة من اعلان الحكومة الامريكية رفع الحظر عن التعاملات التجارية بالدولار مع حكومة السودان ، قامت صحيفة ( الوطن ) بجولة بالسوق العربي اليوم الجمعه مستهدفه سوق العملة وبالتحديد عملة الدولار ، حيث وجدت الدولار يتأرجح مابين ١٥ جنيه و١٥،٥٠٠ للبيع و١٦،٥٠٠ للشراء ،ويعزوا بعض التجار السبب للقرار الامريكي ولعطلة الجمعة التي زادت الطين بلة كما قال احد التجار . لكن تتوقع ( الوطن ) ان يوالي الدولار الهبوط المريع طوال الاسابيع القادمة حتي يستقر عند نقطة ٩،٥٠٠ جنيه.
| |
|
|
|
|
|
|
Re: الدولار يهبط فجأة ويصيب التجار بالذهول .... (Re: على تاج الدين على)
|
يا عمر...سمعت نكتة المسطول قال شنو؟ لمن قالوا ايه امريكا رفعت الحظر عن السودان
..............................................................................................................
اخونا على تاج الدين
الوقت ليس للنكات
الحق نفسك سريع وحول ما لديك من اموال
قبل فوات الاوان
وشكرا
| |
|
|
|
|
|
|
Re: الدولار يهبط فجأة ويصيب التجار بالذهول .... (Re: ود الباوقة)
|
بقبق كيفك
✨إذا ذهب الحمار بأم عمرو😏 فلا رجعت ولا رجع الحمار.. رفع العقوبات الامريكيه .. هل سيخفض الاسعار في السودان ؟؟؟ وترجع كما كانت .. ارجو الافاده اهو مصر بدون اي عقوبات ودولارها دق ال٢٠ ج المشكله في الفساد الداخلي 😏
اخبار الموز شنو مانجض لسه .. نجضت نجضت ماتدوها بغاث الطير 😂
| |
|
|
|
|
|
|
Re: الدولار يهبط فجأة ويصيب التجار بالذهول .... (Re: ود الباوقة)
|
: الدولار نزل وقعت جميع اسعارو لمتين الجنيه يسعى ويشيل لي تارو الحمل التقل فوق الكتوف اوزارو الدولار مريض جابت الجريدة اخبارو
انفك الحظر بقت الامور ميسوره انخفض السعر بقت السلع مقدوره اصبحت الخلوق داخل الوطن مسروره ابشر يا وطن الليله عندك شوره
ياجنيهنا الكسيح الليل فرجك بان خابوا الامرضوك وسولك المصران قدل ابصلعة فيك ماخلي ليك مكان من بعد الفرقة ديك اتلموا فيك حبان
الدولار وقع وقعة عدوك من طولو وقعو وراء الكتار الكانو ليه بطولو يا شعبي الحنين بي بوش وفتة فولو ابشر بالجنيه بشرا يدوم لا حولو
السودان خلاص اصبح هناك في القمه والدولار نزل وان شاءالله ما يتلمه يا السوداني اقشر لف عليك العمه من دون الدول الليله ياخ تنجمه
| |
|
|
|
|
|
|
Re: الدولار يهبط فجأة ويصيب التجار بالذهول .... (Re: Farida Mahgoub)
|
الدولار يواصل هبوطه لليوم الثاني ... واغماءات وسط التجار
كتب : عبدالرحيم محمد سليمان
في غرفة متابعة ( الوطن ) لرصد اثار فك الحظر عن البلاد ، وردت معلومة من احد المواطنين بخصوص انخفاض جديد في سعر الدولار استدعت تكليف محرر الصفحة الاقتصادية بالتأكد من صحة المعلومة ، فوجد الدولار في السوق الموازي هبط بصورة مريعة تسببت في حدوث اغماءات وحالات من الهستيريا وسط كبار تجار العملة ( التماسيح ) الذين استغلوا كالعادة فرصة الخميس مضاربين في تخفيض سعر الشراء بنسب طفيفة علي امل ان يوصلوا السعر منتصف الاسبوع لاعلي مستوياته ، فتفاجئوا بقرار الادارة الامريكية بفك الحظر عن التحويلات بالدولار ، مما تسبب لهم في خسائر فادحة اصابت التاجر ( و) بحالة من الاغماء نقل علي اثرها للمستشفي ، كما اكد مصدر موثوق ان التاجر ( م ) سر التجار في تجارت العملة اصيب بجلطة اقعدته طريح الفراش بمستشفي رويال كير ... الجدير بالذكر لازال الدولار يوالي هبوطه لليوم الثاني علي التوالي في السوق الموازي حيث استقرت التعاملات نهاية اليوم السبت عند سعر ١٣.٩٥٠ للشراء و١٤.٠٠ للبيع.
| |
|
|
|
|
|
|
Re: الدولار يهبط فجأة ويصيب التجار بالذهول .... (Re: ود الباوقة)
|
محمد فضل,,, خلي دولاراتك في صرتهم قرأة تحليل لإقتصادي سوداني بأنه رفع الحصار الأمريكي عن السودان سببه الصين. قال الصين عصرت على السودان بمطالبتها بدفع القروض والسودان ما عنده قروش عشان كده عرض على الصين أراضي زراعية وأمريكا تخوفت من دخول الصين بي تقلها في السسودان خاصة في المجال الزراعي وهذا يعتبر تهديد إقتصادي قوي على أمريكا, عشان كده أمريكا قررت رفع الحظر الإقتصادي على السودان بصورة جزئية حتى تتوفر المبالغ الكافية لتسديد قروض الصين وبذلك يكون أفشلوا موضوع الإستثمار الزراعي الصيني في السودان. وبتخيل لي ده كلام منطقي.
| |
|
|
|
|
|
|
Re: الدولار يهبط فجأة ويصيب التجار بالذهول .... (Re: aosman)
|
تحياتي ود الباوقه الجماعه المعاي هنا الليله مجقلبين جقلبه شديده خالص لانو الراجل البحول للسودان قال الرؤيه ضبابيه حاليا ومابقدر يحول اي مبلغ للسودان لحدي مايشوف الحاصل شنو وانا ماعارف هم خايفين ليه اي نزول للعملات فيو خير للسودان وخير للجميع نزول العملات بالتأكيد بعديو السلع بكل انواعها اسعارها برضو حينزل لانو اسعار اليوم دي غير منطقيه تماما سواء في الاراضي او العربات او السلع الناس تتفائل وتخت مصلحة البلد قبل اي حاجه وتنسى المصلحة الشخصيه حسي ناس الداخل شمتانين في المغتربين .. يعني صراحه السودانيين الشماته عندهم بقت تحير عديل كده والله
| |
|
|
|
|
|
|
اختشي (Re: ود الباوقة)
|
الحكمة شنو يا بكري يكون زي ود الباوقة دة في منبر زي سودانيز اونلاين ......بالله عليكم كم مرة ود الباوقة دة عمل بوست عن الدولار وانبهلت وكلام خارم بارم ( يا اخي اختشي علي دمك ) معادلة بسيطة جدا دخلها مخك المقلوب دة ..سعر صرف عملة اي دولة يتحكم فية عامل الانتاج ..الانتاج فقط وغير ذلك تبقي عوامل مؤقتة ....اخيرا مجرد سؤال (ماذا ينتج السودان حاليا )
| |
|
|
|
|
|
|
Re: اختشي (Re: السبع)
|
السبع مالك زعلان يا اخ
دي قراءات للواقع الاقتصادي الان
ويمكنك التاكد بنفسك من السعر
وهل تناولي لموضوع الدولار يسلبني الحق في التواجد بالمنبر
طيب الا ترى بربار وجوقته ؟؟؟؟؟
ام انعدمت معايير العدل عندكم
وشكرا
| |
|
|
|
|
|
|
Re: الدولار يهبط فجأة ويصيب التجار بالذهول .... (Re: حمد عبد الغفار عمر)
|
توقع انهيار الدولار غدا ....
الان في هذه لحظات.... فتحت البنوك الامريكية شفرة السويفتswift code مع البنوك السودانية..... سيبدا انهيار غير مسبوق للدولار مقابل الجنيه السوداني توقعات باغماءات بمضارب صينية القندول وماجاورها وبالقرب من برج البركة. اللهم انا نسالك هبوطا مستمرا الدولار ونسالك الثبات والشفاء العاجل لاهله
| |
|
|
|
|
|
|
Re: الدولار يهبط فجأة ويصيب التجار بالذهول .... (Re: صباح حسين طه)
|
كمان جابت ليها انخفاض سكر
الحمد لله
هبوط مفاجي في سلعة السكر
كتب : عبدالرحيم محمد سليمان
شهدت العاصمة الخرطوم اليوم الاثنين ١٦/١/٢٠١٧ م ، نزول حاد ومفاجي في سعر السكر بالاسواق ، حيث هبط الجوال عبوة عشرة كيلو من ١٧٠ جنيه الي ١٥٠ جنيه في معظم الاسواق ، ويعزو بعض المراقبين سبب تدني السعر الي رفع الحظر عن توريد قطع غيار ماكينات مصانع السكر والي سياسات الدولة التي تهدف الي محاربة محتكريه باغراق السوق باسعار مخفضة تجعل السعر يقف عند ٥ جنيه للكيلو .
| |
|
|
|
|
|
|
Re: الدولار يهبط فجأة ويصيب التجار بالذهول .... (Re: صباح حسين طه)
|
(((((الان في هذه لحظات.... فتحت البنوك الامريكية شفرة السويفتswift code مع البنوك السودانية.....))))) _____________________________________
ود الباوقة.
بطل نشر الأكاذيب لو سمحت!
أول حاجة قرار رفع الحظر تم ظهر الجمعة، ومن يوم الجمعة لغاية الأثنين، البنوك في أمريكا مغلقة. لأن يوم الأثنين (اليوم) هو عطلة رسمية في أمريكا بمناسبة زكرى ميلاد زعم الحقوق المدنية مارتن لوثر كنج.
| |
|
|
|
|
|
|
Re: الدولار يهبط فجأة ويصيب التجار بالذهول .... (Re: ود الباوقة)
|
أخونا بقبوقي,
نصيحة لوجه الله ومكررة أكتر من مرة, أرجو أن لا تراهن على الجنيه السوداني أبدا, كما ذكر واكرر بأن إستقرار الجنيه مربوط بمعافاة البلد إقتصاديا والمعافاة بدورها مبروطة بمحاربة الفساد في البلد.
والله تمنياتنا من الأعماق بأن الجنيه السوداني يكون مساوي ليهو كم دولار لكن هيهات مع الوضع الراهن.
خوفي: الدولار ده يوم يقتل ليهو ترزي أطرش
| |
|
|
|
|
|
|
Re: الدولار يهبط فجأة ويصيب التجار بالذهول .... (Re: محمد عبد الله الامين)
|
Quote: الريال في نهائيات دور الاربعة
تقريبا 4100
وشكرا
|
سلام عمر عدم المصداقية الكثير الناس بقت في بوستاتك تجي تتونس باعتبار بوستات هع كرع انبهلت هبطرش اليوم السعر 4500 حولت انا الف ريال ليه نزل من سعر امس 4600؟؟؟ ودا كلام ناس التحويل قالو لي انتظر الاسبوع الجاي لانو الدنيا حسي اسبوع نهاية شهر والناس العايزة تحول اعداها كبيرة وفرة في العرض عشان كدا برمو السعر مبلغ بسيط ودايما اي زول عايز احول في الاسبوع الثاني من الشهر قلت ليهم المبلغ صغير الف ريال ما فرقة كان ب4700 او 4500 اما المبالغ الكبيرة اليوم سعرها 4600 وخلال شهر حا افوت اعلي سعر قبل قرار اوباما المغشوش وصيتي ليك امسك السدود وانبهالاتها
| |
|
|
|
|
|
|
|