|
|
|
 Re: ملتقي مريخاب الرياض في قائمة الشرف........صو� (Re: علي الكرار هاشم)
|
وكان رئيس المنتدي والزعيم المرخيابي المعروف البروفسور عثمان الحسن نور
قد سجل زيارة لادارة النادي قبل اسبوعين
قام خلالها بالتعرف علي الجديد داخل القلعة الحمراء
وتكرم بسداد مبلغ الدعم وقدره عشرون مليون جنيه دعم اسرة ملتقي مريخاب الرياض
وتم تسجيل الملتقي في قالئمة الشرف
بالتوفيق للزعيم وعشاقه
| |
 
|
|
|
|
|
|
|
|
Re: ملتقي مريخاب الرياض في قائمة الشرف........صو� (Re: علي الكرار هاشم)
|
ابدا يا عمر ما تعصبًا كدي لامن ينضموبه, ملح التنافس الهلالريخي في الحاجات الزي دي
واهو علي التقط الطرفة وردّاها بأحسن منها
يا علي بجدية كدا
مجلس الشرف فكرة جيدة لإيجاد مصادر دعم للنادي عدا عن جيب الحكومة AKA جيب الوالي
لكنّها غير كافية دا واحد و لقيت مبالغة من الإعلام الأحمر و تضخيم غير حقيقي
حسب المستهدف و المتوقع 500 عضو قول 1000 باشتراك 20 الف سنوي يعني كل القيامة دي بـ 20 مليون أو20 مليار بالقديم, طيب: كم منصرفات تسيير النادي في شهر واحد عادي يدون سفر افريقي و فنادق و استضافة فرق بس رواتب و منصرفات ترحيل ونثريات والامور اليومية ؟
لا تقل عن 5 او 4 مليار في الشهر لو صادف تنافس افريقي الخمسة مليار سفر و فنادق بس بتكمل
التسجيلات السنة دي كلفت حسب الصحف الحمراء 25 مليار تكفل بها الوالي ولا حظ دي مقدمات العقود فقط دون بقية المستحقات و الدولار حينها ما كان بلغ الـ 18 و الـ 20 الحالية
يبقى بالمنطق كدا مجلس الشرف لو حصّل الـ 1000 عضو و التزموا جميعهم ما بقضّوا تكاليف فترة تسجيلات واحدة اوتسيير النادي لشهرين او تلاتة
لذا لا داع لمبالغات الاعلام الاحمر وتسويق المشروع كأنه المنقذ للمريخ من جيب الأفراد, و التفكير في ايجاد حلول حقيقية تقابل المنصرفات العالية بدل تسويق افكار و القشرة بها
| |
|
|
|
|
|
|
|
|
Re: ملتقي مريخاب الرياض في قائمة الشرف........صو� (Re: محمد البشرى الخضر)
|
يبقى بالمنطق كدا مجلس الشرف لو حصّل الـ 1000 عضو و التزموا جميعهم ما بقضّوا تكاليف فترة تسجيلات واحدة اوتسيير النادي لشهرين او تلاتة
لذا لا داع لمبالغات الاعلام الاحمر وتسويق المشروع كأنه المنقذ للمريخ من جيب الأفراد, و التفكير في ايجاد حلول حقيقية تقابل المنصرفات العالية بدل تسويق افكار و القشرة بها
--------------------------
اخونا ود البشري
ليست العبرة في المبلغ
فهو كما ذكرت سوف لن يكفي وانا اتفق معك
لكن العبرة في الفكرة لقد ظل الجمهور دائما مشجع في المساطب فقط ولا دور له
وبمعنى اوسع لا توجد علاقة قوية بين النادي والمشجع خلاف ال 90 دقيقه
لو قارنت بدول مجاورة رايت ان عضوية النادي هدف كبير لما لها من اهمية
وبالتالي يكسب النادي عضوية ويكسب العضو مجموعة فوائد
اعتقد ان المريخ يسير بصورة بطيئة في هذا الصدد وسوف يصل باذن الله
هذا هو الطريق لكسب العضوية والاستفادة منها
ولنا قصب السبق دائما يا حبيب
| |
|
|
|
|
|
|
|
|
|
Re: ملتقي مريخاب الرياض في قائمة الشرف........صو� (Re: علي الكرار هاشم)
|
| Quote: ولنا قصب السبق دائما يا حبيب |
شفت يا علي دي مشكلتكم الربّاها فيها اعلامكم
البوبار و الجخ, دي مشكلة الوصيفاب دايما بتفكروا في البوبار و كيفية التفوق ولو على الورق عشان كدا الحاجات عندكم كلها فالصو وكوكتها تبين في اول مخاضة
النادي العالمي, القلعة الحمراء, الصفوة .....إلخ
زي قصة اكتساح التسجيلات كل سنة و قصة المباريات العالمية في بداية الموسم وتجو في النهاية تكوسو النقاط بالشكاوي أو تنسحبوا وتقضوها شكوى من الحكام
روقوا شوية وبطلوا البوبار يمكن تقدروا تنجزوا حاجة
| |
|
|
|
|
|
|
|
|
|
Re: ملتقي مريخاب الرياض في قائمة الشرف........صو� (Re: محمد البشرى الخضر)
|
Quote: هههههه غايتويا علي مصيبتك يعزّوا فوقها
مرّيخابي ومؤتمر وطني!! ما فضّل ليك إلّا شراب السجاير بعد دا |
اوسكار يا ود البشرى
علي القلوباوي ا
تحياتي
فرط المريخ في مجلس ونسي والذي خطا خطوات حقيقيه في ايجاد بدائل ماليه حقيقية تستقل بالنادي عن الافراد
ولكن تامروا عليه اصحاب المصالح والسماسره ليجعلوا المريخ مرتهن لفرد من اجل مصالهم هم
مجلس ونسي كان يمكن ان يجعل من المريخ رائد من اجل مصلحة الاندية السودانية
ولكن اعداء النجاح قتلوه
بصراحه كهلالابي خفت من استمرار مجلس ونسي
| |
|
|
|
|
|
|
| |
علي الكرار هاشم
محمد البشرى الخضر
Jamal Birkiah
علي محمد الفكي
فيس بوك
تويتر
انستقرام
يوتيوب
بنتيريست