|
|
|
 Re: حيرتوني يا بورداب (Re: عبدالحفيظ ابوسن)
|
نموذج لذلك وليس شخصي
المسلمي حرص قبل سنوات علي الالتقاء بي في بحري وتكبد المشاق في ذلك
اعرفه ويعرفني .. فقد جلسنا طويلا نتونس في المنبر وفي ويلداتنا
بعد اذن المسلمي
| |
 
|
|
|
|
|
|
|
|
Re: حيرتوني يا بورداب (Re: عبدالحفيظ ابوسن)
|
ف شنو
مافي معايير ثابتة
انتقدت قديما مصطلح رمادي كون ان المسافة بين الابيض والاسود بينها ملايين التدرجات اللونية قد تقرب لإحداهما او تكون وسطا
لذا اجد نفسي اتعامل مع المكتوب فقط وليس استرجاع تاريخي او قراءة نوايا
| |
|
|
|
|
|
|
|
|
|
Re: حيرتوني يا بورداب (Re: عبدالحفيظ ابوسن)
|
ف شنو
مافي معايير ثابتة
انتقدت قديما مصطلح رمادي كون ان المسافة بين الابيض والاسود بينها ملايين التدرجات اللونية قد تقرب لإحداهما او تكون وسطا
لذا اجد نفسي اتعامل مع المكتوب فقط وليس استرجاع تاريخي او قراءة نوايا
| |
|
|
|
|
|
|
|
|
|
Re: حيرتوني يا بورداب (Re: عبدالحفيظ ابوسن)
|
مدخل شخصي يا صديقي ..
عندما كتبت انا ان الحقيقة مقدسة ... كان ردك انها ليست كذلك , وانما تختلف باختلاف المنظور.. علمت حينها انك اخطأت سبب احتفائي بالمسلمي !!
عندما ترى امامك حقيقة ما ... ثم تتبناها ولو كانت بمثابة خسارة شخصية, تكون أنت بذلك قد أوفيت الحقيقة حقها كاملا غير منقوص .. هذا هو امتحانك الشخصي .. ترى الحقيقة ثم تتبناها كما تراها .. ليس لهذا الكلام علاقة بنسبية الحقيقة واختلافات قراءتها والبرسبيكتف بتاعها والخ .. فقط ترى الحقيقة ثم تتبع ما تراه .. هكذا وبكل بساطة !!
مودتي
| |
|
|
|
|
|
|
|
|
Re: حيرتوني يا بورداب (Re: محمد حيدر المشرف)
|
حبابك قباني
كيف قر البلد ديك يا صاحب
مش كدة بي الله !
في ظني يجب قراءة الموقف دون تصنيف
آي فلان دة صادق وصحيح في قوله وليس سحب قوله علي كامل فهمه
مثلا إذا قال مسؤول نعم في فساد يعني انه تحول لصف المعارضة
او
إذا قال معارض ان الحكومة نجحت في تشيد مدرسة يكون انتقل لصف الحكومة
كل شوكة بسلوها بي دربا
البراويز الحايمة دي تستسهل الفكر .. لو قميص حامد تمام .. اصغر منو مطوهو ولا اكبر قطع الاطراف
الانسان في مسيرته هنا في السودان يتعرض لمواقف مربكة جدا تحتاج قدرا من الوعي لا يتوفر إلا بالوعي ذلك الوعي المتراكم
الواقع مربك جدا وضبابي .. لكنه ليس ضبابيا تماما لمن يمتلك الحس الانساني .. الانساني بكل تعريفاتها
| |
|
|
|
|
|
|
|
|
|
Re: حيرتوني يا بورداب (Re: عبدالحفيظ ابوسن)
|
اعتقد ان الاحتفاء جاء من باب وشهد شاهد من اهلها
وذلك لو اعتقدنا بان السيد(المسلمي ) كمثال انه في صف الحكومة
وكان الجو مشحوناً من قبل طرفين كلا يتمسك برايه بنجاح أو فشل الاعتصام
وعندما جاء بوست المسلمي وكان راياً مجردا بدون غرض او هوه
فكال الفريقين اليه فريقاً استحسن وفريقا قلب له ظهر المجن
----------------
ثانيا اعتقد ان الانسان الامين والذي لديه مبادي وصدق
ان يدلو برايه وان كان على نفسه ان احسن الناس ان يقول احسنو
وان اساءو اساءو ، وعلي الجميع تقبل رايه اختلافاً او اتفاقا من غير تصنيف
بسبب راي او بوست بدون تهليل او تبخيس
وهذا مشكلة من المشاكل التى ابتلىنا بها نحن اهل السودان
نرفض الراي المخالف لنا وان كان صحيحا وذو وجاهة ، ونحتفى بمن معانا
وان كان خطاءاً ، عنصرياً ، سياسياً ، قبلياً ، كروياً ، كلا يتحزب حسب هوائه
| |
|
|
|
|
|
|
|
|
|
Re: حيرتوني يا بورداب (Re: محمد حيدر المشرف)
|
أوكي أصرفوا ليه من اوسمة النضال ما تشاءون لكن المحك هل بنستر معاكم !
قبل كدة المسلمي دة ذاتو كان بعرض في نص البورد وقال لو تراجي دخلت الخرطوم حيرفع عليها قضية ويسحب منها الجنسية
لمن دخلت السودان عزمها ضبح ليها واداها توب هدية
| |
|
|
|
|
|
|
|
|
|
Re: حيرتوني يا بورداب (Re: محمد حيدر المشرف)
|
[QUOTE ]
عندما كتبت انا ان الحقيقة مقدسة ... كان ردك انها ليست كذلك , وانما تختلف باختلاف المنظور.. علمت حينها انك اخطأت سبب احتفائي بالمسلمي !!
عندما ترى امامك حقيقة ما ... ثم تتبناها ولو كانت بمثابة خسارة شخصية, تكون أنت بذلك قد أوفيت الحقيقة حقها كاملا غير منقوص .. هذا هو امتحانك الشخصي .. ترى الحقيقة ثم تتبناها كما تراها .. ليس لهذا الكلام علاقة بنسبية الحقيقة واختلافات قراءتها والبرسبيكتف بتاعها والخ .. فقط ترى الحقيقة ثم تتبع ما تراه .. هكذا وبكل بساطة !!
[
|
الخقيقة مقدسة بمنظورك
و تتبعها بمسئوليتك و على مسئوليتك
و يا حبذا لو احترمنا منظور الآخرين ..
فكل يقف فى مكان غير ما نقف .. وإلا كانوا نحن ..
| |
|
|
|
|
|
|
|
|
|
Re: حيرتوني يا بورداب (Re: عبدالحفيظ ابوسن)
|
تنبيه هام
لي مع المسلمي علاقة شخصية معه . واستأذنته في فتح البوست .
البوست ليس عن المسلمي
بل عننا نحن كبورداب
نحن في تقيماتنا للزملاء
ارجو شاكرا ان لا نلجأ لذكر تناقض المواقف او استباق قراءتها
البوست عننا نحن
توجد نماذج كثيرة ولكن نموذج المسلمي هو الاظهر
وسأقوم بحذف البوست هذا او أي بوست يكون وسيلة للهجوم الشخصي علي اي زميل now or then
مع أكيد الاعتزاز بكم جميعا هنا
والاحترام
| |
|
|
|
|
|
|
|
|
|
Re: حيرتوني يا بورداب (Re: عبدالحفيظ ابوسن)
|
معتصم الطاهر سلامات وكيف الحال ..
نعم هي مقدسة بالمنظور الذي اتطلع من خلاله ..
وبطبيعة او جوهر الحقيقة نفسها ..
الحصل انو محمد المسلمي المعروف بانتماءه جهة النظام .. شاف حقيقة قدامو متعلقة بعصيان 19 ديسمبر ونقلها كما هي ..تم افتراع اكتر من بوست حولذاك .. وحقيقة لم اقرأ ولا واحد من تلك البوستات ولذلك صدرت تعليقي باني اكتب من مدخل شخصي وعن بوستي الكتبت فيهو جملة واحدة عن المسلمي وهي ( شكرا المسلمي ) الموجودة في العنوان ..
بهذا الوصف .. انا على يقين من انني لست مشمولا فيمن تحدث عنهم هذا البوست للصديق عبدالحقيظ .. فانا لم احول المسلمي من جهة الى جهة .. ولا خلعت عليه صك وطنية انطباعي ولا يحزنون ولا اي حاجه والحمدلله .. وانما الكلام جاب الكلام ... وتذكرت موضوع قداسة الحقيقة التي عارضني فيها حفيظ بدعوى النسبية والمنظور ..
احترم كثيرا اختلاف الناس حول الحقيقة يا صديقي ... من يقول مثلا بفشل العصيان او نجاحه .. هذه مسالة نسبية ولكن مسالة انعكاس فعل العصيان على حركة السير في الشارع الفلاني في رأيي تقبل النفي او الاثبات .. نعم ولا زي ما بقولوا .. زمن الوصول من النقطة الف الي باء في العادة وفي هذه الساعة من الصباح كانت 20 دقيقة فاصبحت 10 دفائق مثلا .. هذه حقيقة لا نسبية فيها ويجب ان تكون مقدسة لاي زول انبرى لمهمة الرصد... واما ان ينسب ذلك للعصيان او لغيره .. او ان نعد ذلك نجاحا ام فشلا .. فهنا بتجي النسبية .. أو كما اتصور بعقلي البسيط هذه الاشياء.
مودتي التي تعلم ..
| |
|
|
|
|
|
|
|
|
|
Re: حيرتوني يا بورداب (Re: محمد حيدر المشرف)
|
تحياتي ودالمشرف
حبابك يا صاحب
اذكر قولي وقتها ردا عليك
لكن إن صدقتني
ابدا لم أكن اقصد ذلك ابدا
او انني لا اتذكر دافعي الأن حينها
فقط كفهم راسخا عندي
ان لا قداسة عندي للاشياء
بل تُقرأ الحقيقة في مكانها وظرفها وقابلة للجدل حتي تلك الحقيقة التي اظنها حقيقة راسخة . فلو كانت مقدسة لصارت طوطم
اتمسك بها جدا مالم يستبن خطلها
وان استبان ذلك لدي الشجاعة في التراجع عنها
| |
|
|
|
|
|
|
|
|
|
Re: حيرتوني يا بورداب (Re: عبدالحفيظ ابوسن)
|
تحياتى الاخ / عبدالحفيظ
انا احد الذين اكبروا فى الشيخ / محمد المسلمى موقفه فى نقل الحقيقة مجردة
واكبارى له كان فى صدعه بالحـــق والجهـر به دون خــوف او وجــل وهذا لعمرى من اكبر مكارم الاخلاق
وهذا هو المطلوب من الجانبين المعارضة والحكومة لان الحقيقة وان كانت حارة الا انها مفيدة ..
والشكر للاخ / ابراهيم والذى اورد ما كنت اود الاشارة اليه فى المقتبس ادناه
Quote: نرفض الراي المخالف لنا وان كان صحيحا وذو وجاهة ، ونحتفى بمن معانا وان كان خطاءاً
شكرا اخ / ابراهيم |
| |
|
|
|
|
|
|
|
|
|
Re: حيرتوني يا بورداب (Re: عبدالحفيظ ابوسن)
|
كيفن ما يصدقك يا حفيظ ؟!!
واما بعد ..
المشكلة ما هنا ..
المشكلة في دراويش القراية ام أضنين كبار كبار ديلاك ..
بكون بقرأ فوق بوستيك وبالو في عنوان بوستي 
واصل يا حبيب ..
انا ذاتي جملة (شكرا المسلمي) ديك عرفتها جايبالها لَوَزْ تقيل "من ملاوزات" ..
مع انو اكتر زول مفروض يزعل هو المسلمي البقى الناس بقولوا ليهو شكرا لعدم الكذب .. وكقى بذلك من سوء ظن عريض .. الا انو الامر لم يكن كذاك .
| |
|
|
|
|
|
|
|
|
|
Re: حيرتوني يا بورداب (Re: محمد حيدر المشرف)
|
Quote: المشكلة في دراويش القراية ام أضنين كبار كبار ديلاك ..
بكون بقرأ فوق بوستيك وبالو في عنوان بوستي
|
يا صديقي ...you used a very big brush
انا ما بعرف اضنيني قدر كيف ههه
لكن فهمي لكلام حفيظ كان في احتفالية الناس في بوست ود المسلمي ... و كان بعيد عن أي بوست آخر ناهيك عن بوستك انت ...
انت الهبشت رقبتك براك يا حبيب ... :)
انا قايل ما تدخل اغرق من كده في الفكرة ...
الشكل العام بس كان غريب ...
موالاة المسلمي للانقاذ عبر السنين ظاهرة و هو واقف فيها موقف هو مقتنع بيهو ... و الاحترام دائما متبادل ...
لكن التفاف الناس حوله و ردودهم ليهم كانت هي موضع الاستغراب ... على الأقل بالنسبة لي ...
لأنه المبدأ مبدأ ... و إن نقل لنا المسلمي صورة ما رآه في الشارع كما هي ...
| |
|
|
|
|
|
|
|
|
|
Re: حيرتوني يا بورداب (Re: محمد حيدر المشرف)
|
مرحبا ابراهيم
وحبابك
تشكر
تلك هي القصة ليس احتفاءا فقط بل ومرحبا به في الجانب الآخر وسخطا عليه في الجانب المضاد كما يقول نيوتن بذات القوة ولكن في الاتجاه المعاكس ليس ردا فقط بل عناوين اعلي البوستات
لعلك وغيرك تلاحظ مساككة البعض واتهامهم بالكوزنة او الشيوعية او العمالة او او رغما عن انكارهم ..
تعرف الاشكالية وين يا ابراهيم اننا لا نقرأ المكتوب إلا لنضيف الكاتب للمجموعة ألف او باء
| |
|
|
|
|
|
|
|
|
|
Re: حيرتوني يا بورداب (Re: عبدالحفيظ ابوسن)
|
سلام
عبد الحفيظ يجدك بخير
حقيقي البورد بحيّر لي اكتر من اسبوع بفكر في البحصل دا٫ بعض المحسوبين دغري مع الحكومة والنظام بوستاتهم نشيطة جدا ويتم التعامل معهم بود وخفة دم
واخرين يتهموا فقط بانهم رمادين يتم التعامل معهم بعنف غريب لا تشفع لهم تصريحاتهم عن لا علاقة لهم بتنظيم سياسي او حزبية
دخلني الموضوع في عموميته ما عارف الشخص الاسمو اتذكر هنا هو قال شنو
مسالة عجيبة
ودوورد
| |
|
|
|
|
|
|
|
|
|
Re: حيرتوني يا بورداب (Re: أحمد محمد عمر)
|
ولله يا حفيظ ما قلت إلا الحق . الواحد بستغرب في إنه إذا كان دي معايير معارضة انتمى ليها وبعتز بيها فهل كان غلطان عمره دا كله وهل هؤلاء الذين يلبسهم التناقض من أخمص قدميهم حتى سبايب شعرهم ممكن يمثلوه في يوم من الأيام
المهم بقولوا إذا كان بيتك من زجاج فلا ترمي الناس بالحجارة
ومن كان منكم بلا خطيئة فليرمها بحجر
| |
|
|
|
|
|
|
|
|
|
Re: حيرتوني يا بورداب (Re: عبدالحفيظ ابوسن)
|
حبابك حامد
فعلا امر محير
يزعجني جدا وصف رمادي ازعاج حتي ردود المزاح الساخرة
ياخ اقبل من الزول ردو القالوا وبين تناقضو بشكل موضوعي ما كل ما فتح خشمو مرقت ليهو مسدسك
وخطورة الامر دة ممكن تُفقد بعض الناس موضوعيتهم في سبيل نفي ما وصِفوا به من رمادية
| |
|
|
|
|
|
|
|
|
|
Re: حيرتوني يا بورداب (Re: عبدالحفيظ ابوسن)
|
| Quote: وخطورة الامر دة ممكن تُفقد بعض الناس موضوعيتهم في سبيل نفي ما وصِفوا به من رمادية |
دا يا عبدو في حالة كان المعنية الحالة الرمادية العادية الفي الواقع تعني عدم الوضوح مثلا
لكن رمادية سودانيز دي موضوع تاني, لا تُفقد الموضوعية على أية حال لأن رمادي بفهم سودانيز فوقه النبي, مصداقية وموضوعية و تناول عقلاني ووعي قل أن تجدهم في الجانبين الآخرين و هما بالمناسبة مازي الواقع ابيض و أسود بل أسود و أسود منه شايف كيف!
و شي تاني أغلب من يصفون - أو يصنفون - الآخرين ليسوا ممن يؤبه لهم أو لأوصافهم ودا عن تجربة شخصية استمرت قرابة العشر سنوات في البورد
فا البفقد موضوعيته بسبب أوصاف اطلقها عليه بعض سقط المتاع فاقدي الموضوعية أساسا دا متحيّل ساكت وأصلا ما عنده موضوعية :)
| |
|
|
|
|
|
|
|
|
|
Re: حيرتوني يا بورداب (Re: محمد البشرى الخضر)
|
حبابك ود البشري
تعرف مصطلح الرمادية دة اصلو ما وقع لي .. بالجد
كيف رمادي يعني
ولزومو شنو
اكان نضال ضد السلطة ف دة غلط في ظني كون انك تدفعه دفعا لمعاداتك بدلا من كسبه او تحيده
| |
|
|
|
|
|
|
|
|
|
Re: حيرتوني يا بورداب (Re: عبدالحفيظ ابوسن)
|
Quote: روابط في الصقط يا صاحب
المنبر بي عض الشلوفة |
هههههه صدقت والله
خلاص لا روابط لا اقتباسات, أديك تعريفين تلاتة يشرحن كيف ارى الأمر و اتمنى ينجحن في توصيل فكرتي
الفرق بين الرمادي و المناضل - في سودانيز - فرق اولويات
المناضل يرى انه لا صوت يعلو على صوت المعركة
و الرمادي يرى انه لا صوت يعلو على صوت الحقيقة *
عند المناضل الاسفيري سودانيز ارض معركة حقيقية لازم يكسبها باي هوك او كرووك
الرمادي لا يرى سودانيز إلا على حقيقته, لذا ليس له معركة يخوضها فيه وكسبها مهم بالنسبة له, ما يهمه هو الحقيقة فقط
_____________________________
* بالمناسبة ما فعله ود المسلمي في نقله للحقيقة المجردة فقط دون انحياز هنا او هناك يجعله رمادي سودانيزي كامل الدسم, هنيئا له :)
| |
|
|
|
|
|
|
|
|
|
Re: حيرتوني يا بورداب (Re: عبدالحفيظ ابوسن)
|
نسو إنه ذات المسلمي مؤتمر وطني منظم
للامانة والتاريخ
المسلمي ليس مؤتمر وطني
لا منظم ولا غير منظم
ولو كان مؤتمر وطني، كان اعلنها علي رؤوس الاشهاد
نحنا نراهو "زول وطني" ونحترم خياراته
مع التحيات الزاكيات لي سواق البوست والمساعدين
| |
|
|
|
|
|
|
|
|
|
Re: حيرتوني يا بورداب (Re: الشفيع وراق عبد الرحمن)
|
Quote: عند المناضل الاسفيري سودانيز ارض معركة حقيقية لازم يكسبها باي هوك او كرووك
الرمادي لا يرى سودانيز إلا على حقيقته, لذا ليس له معركة يخوضها فيه وكسبها مهم بالنسبة له, ما يهمه هو الحقيقة فقط |
:)
برضها كمان طريقة يا ملاحظ ... 
| |
|
|
|
|
|
|
|
|
|
Re: حيرتوني يا بورداب (Re: يحي قباني)
|
في الحقيقة ما حبيت افسد للناس توقعاتهم لكن بوستيهو الفتحو قبل يوم من العصيان داك انا حسبتو استباق من جهاز الامن السوداني و انو الاجابة سبقا ان تكون (نجاح العصيان) و لا زلت عند شكوكي.
_______________
روح شريرة و كدا
| |
|
|
|
|
|
|
|
|
|
Re: حيرتوني يا بورداب (Re: Mahjob Abdalla)
|
مرحب الشفيع
وحبابك
مامهم هو ياتو حزب بالنسبة لي
هل مواقفه تخدم قضايا الوطن ام تنكص بها
نحن كلنا يجمعنا مركب واحد اقول ليك
راكبين مركب واحد لتنقلنا للشاطئ الخصب . كلنا بهمنا عدم غرق المركب
لكن في واحدين مننا لا يراعون قوانين الطفو
يشيلو ويخمو في مقتنياتهم
اها ديل اكيد بغرقوا المركب دون ان يقصدوا
والغرق مابفرز الناس
لذا لايهم الحزب
| |
|
|
|
|
|
|
|
عبدالحفيظ ابوسن
يحي قباني
محمد حيدر المشرف
ابراهيم عبد الوهاب
معتصم الطاهر
علاء سيداحمد
حامد عبدالله
محمد البشرى الخضر
الشفيع وراق عبد الرحمن
Mahjob Abdalla
فيس بوك
تويتر
انستقرام
يوتيوب
بنتيريست