|
Re: الرئيس البشير: زراعة 220مليون نخلة بالشمال� (Re: عبدالعزيز الفاضلابى)
|
كتب عبد العزيز الفاضلابي : ازيك ياحمد ,, بوستاتك دى مالها زى حمد وخوجلى الناس مابتزورا الا لمان يموت زول؟ ما علينا,, حكاية زراعة 220 مليون نخلة دى زى حكاية الزول الطالب صاحبو دين والدائن كل يوم يساسق على المدين يطالب بى حقه ,, نامن يوم جاء الدائن لقى المدين قاعد فى الزراعة بتاعتو وسعلو من القروش. المدين قال للدائن : شفت الشتلة بتاعة النخل دييك ؟ قال ليهو ايوا شايفا ,, مالا؟ قال ليهو زرعناها الليلة ,, ووعد منى يوما الـ تشيل الحشَّة الاولى النصيحة ما بدفع ليك منها ,, ده سِبر هُولْنا ,, لكن الحشة التانية لومك بى ابيعها وادفع ليك حقك ,,, الدائن فقعها ضحكة ,, المدين قال ليهو بتضحك مالك؟ قال ليهو: عشان ضِمِنتَ حقى ,, --------------------------------------------------
السلام عليكم عزيزي عبد العزيز الفاضلابي .. لا حوللللللللللللللللله، هههههههه مشكور على المرور المفيد.... يعجبني الزول ده متفائئئئل.... لا ضاع حق وراه مطالب...هههه اول التبادي: يا اخوي، المواضيع البجيبها طويلة وعاوزة صبر ومن يقرأ ويتدبر حال الوطن والمواطن، لكن وحاتي منك، الناس جارية وعاوزة ما يخف حملو، ويسهل اكلو وهضمو زي وجبات العلب، وهمبرجر وماك وكنتاكي وتونة وتصبيرة قصيرة..!!! تاني القول: شرفاء النضال، بيعتبروا أي – مكوزن – خارج الخط وبنادوا بمقاطعة المتلبسين بالكوزنة، زي البجيب متل اخباري دي، وان كان دي مهنتي اليومية في العمل، اقول اجيبها للقراء خاصة البعيدين عن الوطن، لكن انت ان خالفتهم يا ويلك (كوز كوز... ولو حفظت كتاب رأس المال). تالت القول: يا اخوي ما دايرنا نضمن حقنا واللا شنو..؟ ههههههههه
تحياتي
|
|
|
|
|
|