|
|
|
 Re: وطن ضد الكيزان والخراب والدماروالسرقة والفساد� (Re: عبد اللطيف السيدح)
|
حنبنيهو البنحلم بيهو يوماتي
وطن شامخ
وطن عاتي
وطن خير ديمقراطي
وطن مالك زمام أمرو
ومتوهج لهب جمرو
وطن غالي
نجومو تلالي في العالي
مكان الفرد تتقدم
قيادتنا الجماعية
مكان السجن مستشفى
مكان المنفى كلية
مكان الأسرى وردية
مكان الحسرة أغنية
مكان الطلقة عصفورة
تحلق حول نافورة
تمازج شفع الروضة
حنبنيهو
البنحلم بيهو يوماتي
وطن للسلم أجنحتو
ضد الحرب أسلحتو
عدد ما فوق ما تحتو
مدد للأرض محتلة
سند للإيدو ملوية
حنبنيهو
البنحلم بيهو يوماتي
وطن حدادي مدادي
ما بنبنيهو فرادي
ولا بالضجة في الرادي
ولا الخطب الحماسية
وطن بالفيهو نتساوى
نحلم .. نقرأ .. نتداوى
مساكن كهرباء وموية
تحتنا الظلمة تتهاوى
نخت الفجر طاقية
وتطلع شمس مقهورة
بخط الشعب ممهورة
تخلي الدنيا مبهورة
إرادة وحدة شعبية
| |
 
|
|
|
|
|
| |
عبد اللطيف السيدح
أيمن الطيب
محمد أبوالعزائم أبوالريش
سيف اليزل سعد عمر
فيس بوك
تويتر
انستقرام
يوتيوب
بنتيريست