ههههه.. يا ناس البندر ، يا ناس ها..! الشي ده فندق ولا طرمبة..!!
عشان نربط معانا صديقتنا الجميلة دوما..!! عارفة يا دوما ، دي اشغال عضو المنبر ، صديقنا الجميل طارق الأمين..! الزول اب خنفس ، استاذنا الممثل الجميل محمد المهدي الفادني (ود المهدي) ، ده زول اشتغل في مسرحية كتبها الشاعر السوري العظيم محمد الما غوط..!!..ياخي الزول ده عندو هزه في غنية لحرم النور بتاعة اسد الكداد الزام .. لمن اشوفها اقول :عمك ده، كأنو، ود حبوبة جاي يأدب الوهم جلالدونا لمن يخليهو يتذكر انو تربال من عندنا ، من امسودان الأخرى..!! صاحبنا اللابس طاقية حمرا ، وصديري ، اسمو ابوبكر الشيخ ، حاليا استاذ في كلية الموسيقي والدراما (معهد المزيكا المسرح يا دوما) ، مخرج ، عندو مسلسل جميل للغاية فاز ببعض الجوايز الإقليمية ، اسمو حوش النور ، من ضمن الممثلين فيهو صديقنا واستاذنا عضو المنبر الفنان عمر بانقا(يا ريت تتفرجي عليهو يا صديقة عشان تشوفي امسودان الأخرى ) ، وعندو مسلسل في رمضان الفات.. اسمو وتر حساس ، من ضمن الممثلين فيهو عضو المنبر صديقنا الأستاذ الفنان عبد العزيز خطاب..!! بالمناسبة يا دوما ، المبني السمح ده هو بنك السودان..!!..والله صحي..! كاااااااااااااااااااااااااك..!! يا جلال.. عمك قال شوف الخملة ، راقد تتكل في الرملة ( واشا ر نحو جلال عمر..!!).. ياناس البندر ها..!! بالمناسبة الحناكيش مقابلها الخناشير ، ومفردها خنشور ، والمعني واضح..! بالجنبة كده: اهلنا قالوا الحنكوش ولا المتحنكش..!! غايتو يا اللمين البشاري ، بعدين ما تملاني فقر وتقول كبر زاغ من دعم العصيان المدني..! ندعم ككيف والطابور الخامس اظرط من الجداد الإلكتروني يا صاحب..!!..والله صحي..!
ياخي حتى الديك المزعوط بتاعكم حنكوش وشايل مسدس؟.. ياخي نحن الديك بتاعنا ، روستر بي شعرو وتاجو ، بشيل دوشكا يا عمك..!!
ونعم للعصيان عشان كل قرد يطلع شدرتو..!!
عليك الله يا جلال ، رايك شنو في المعلومات دي؟.. الإستنارة تلاقيط يا قريبي..فما تظلمنا ذات مكاجرة ساكت..!!!
كل الحب للحضور عامة ، وخصوصا الوهم جلال وصاحبو التاني داك..!! علي بالحلال يا جلال ، صاحبك ده يشطح الإ تعرفو حاجة..يمرقكم في امطرقا عراض ذاتا..!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة